spot_img
Home Blog Page 5268

ନିରୁପମାଙ୍କ ମୃତ୍ୟୁ ପୂର୍ବରୁ ହଷ୍ଟେଲକୁ କିଏ କରିଥିଲା ଆତ୍ମହତ୍ୟା ନେଇ ଫୋନ୍ ?

ବଲାଙ୍ଗିର: ବଲାଙ୍ଗିର ମେଡିକାଲ କଲେଜ ଛାତ୍ରୀ ନିବାସରୁ ବୁଧବାର ରାତିରେ ଜଣେ ଡାକ୍ତରୀ ଛାତ୍ରୀଙ୍କ ଝୁଲନ୍ତା ମୃତଦେହ ମିଳିଛି । ମୃତକ ନିରୁପମା ନନ୍ଦ ଦ୍ୱିତୀୟ ବର୍ଷର ଏମବିବିଏସ୍ ଛାତ୍ରୀ ଥିଲେ । ନିରୁପମା ଜଣେ ମେଧାବୀ ଛାତ୍ରୀ ହୋଇଥିବା ବେଳେ ମେଡିକାଲ ଏଣ୍ଟ୍ରାନ୍ସରେ ମଧ୍ୟ ୫୦୪ ନମ୍ବର ରାଙ୍କ ପାଇଥିଲେ । ତେବେ କିପରି ହେଲା ନିରୁପମାଙ୍କ ମୃତ୍ୟୁ ? ଏହା ଆତ୍ମହତ୍ୟା ନା ହତ୍ୟା ଏହାକୁ ନେଇ ଦ୍ୱନ୍ଦ୍ୱ ଲାଗି ରହିଛି ।

 Who Called Hostel Before Nirupama's Death Balangir

ତେବେ ନିରୁପମା ଆତ୍ମହତ୍ୟା କରିନାହାନ୍ତି ବରଂ ତାଙ୍କୁ ଯୋଜନାବଦ୍ଧ ଭାବେ ହତ୍ୟା କରାଯାଇଛି ବୋଲି ଅଭିଯୋଗ କରିଛନ୍ତି ପରିବାର ଲୋକେ । ପରିବାର ଲୋକେ ସିଧାସଳଖ ପୁରୁଷ ବନ୍ଧୁ ଓ ହଷ୍ଟେଲର କିଛି ସହପାଠିନୀଙ୍କୁ ସନ୍ଦେହ କରି ଟାଉନ୍ ଥାନାରେ ଏତଲା ଦେଇଛନ୍ତି । ଏତଲାକୁ ଆଧାର କରି ପୋଲିସ ତଦନ୍ତ ଆରମ୍ଭ କରିଛି । ତେବେ କିଏ ସେ ପୁରୁଷ ବନ୍ଧୁ ଅନନ୍ତରାମ ମିଶ୍ର ତାହା ପୋଲିସ ସ୍ପଷ୍ଟ କରିନଥିବା ବେଳେ ନିରୂପମାଙ୍କ ମେବାଇଲ୍ ଟାଉନ ଥାନା ପୋଲିସ ଜବତ କରିଛି । ଜବତ ମୋବାଇଲରୁ କିଛି ଚାଟିଂ ସହ କଲ୍ ଅଡିଓ ଜବତ କରିଥିବା ନେଇ ପରିବାର ଲୋକେ ସୂଚନା ଦେଇଛନ୍ତି ।

 Who Called Hostel Before Nirupama's Death Balangir

ପ୍ରଥମେ ମୋବାଇଲରୁ ହିଁ ଖିଅ ଖୋଜିବା ଆରମ୍ଭ କରିଛି ପୋଲିସ । ବୁଧବାର ରାତିରେ କଲେଜ ଛାତ୍ରୀ ନିବାସର ତୃତୀୟ ମହଲା ରୁମ ନମ୍ବର-୩୦୮ରୁ ଡାକ୍ତରୀ ଛାତ୍ରୀ ନିରୁପମାଙ୍କ ଝୁଲନ୍ତା  ମୃତଦେହ ମିଳିଥିଲା । ନିରୂପମାଙ୍କ ଘର ବଲାଙ୍ଗିର ସହର ସିଭିଲ କୋର୍ଟ ପଛପଟରେ । ଛାତ୍ରୀ ଜଣକ ରହୁଥିବା ରୁମର ଝରକାରେ ନିଜ ଓଢ଼ଣୀ ଲଗାଇ ଆତ୍ମହତ୍ୟା କରିଥିବା ନେଇ ହଷ୍ଟେଲ କର୍ତ୍ତୃପକ୍ଷ ପରିବାର ଲୋକଙ୍କୁ ଜଣାଇଥିଲେ । ପରିବାର ଲୋକେ ପହଞ୍ଚିବା ବେଳକୁ ଝିଅର ମୃତଦେହ ତଳେ ପଡ଼ିଥିଲା । ଏପିରିକ ଉକ୍ତ ରୁମରୁ କିଛି କେମିକାଲ ଗନ୍ଧ ବାହାରୁଥିଲା । ତେଣୁ କେହି ତାଙ୍କୁ ହତ୍ୟା କରି ଆତ୍ମହତ୍ୟାର ରୂପ ଦେବାକୁ ଯୋଜନା କରିଛି ବୋଲି ନିରୁପମାର ପରିବାର ଲୋକେ ଅଭିଯୋଗ କରିଛନ୍ତି ।

 Who Called Hostel Before Nirupama's Death Balangir

ଅନ୍ୟପଟେ ନିରୁପମାଙ୍କ ପୁରୁଷ ବନ୍ଧୁଙ୍କୁ ନେଇ ଉଠିଛି ପ୍ରଶ୍ନ । ଯୁକ୍ତ ଦୁଇ ସମୟରୁ ଅନନ୍ତରାମ ମିଶ୍ର ନାମକ ଜଣେ ଯୁବକଙ୍କ ସହ ନିରୂପମା ନିବିଡ଼ ସମ୍ପର୍କ ଥିଲା । ଯୁବକ ଜଣକ ବାରମ୍ବାର ଫୋନ କରି ନିରୁପମାଙ୍କୁ ମାନସିକ ସ୍ତରରେ ନିର୍ଯାତନା ଦେଉଥିବା ସନ୍ଦେହ କରି ପୋଲିସ ନିକଟରେ ଅଭିଯୋଗ ଆଣିଛନ୍ତି ପରିବାର । ଗତକାଲି ରାତି ୧୧ ଟା ୨୭ ମିନିଟ୍ ପର୍ଯ୍ୟନ୍ତ ପରିବାର ସହ ଭିଡିଓ କଲରେ କଥା ହୋଇଥିଲେ ଡାକ୍ତରୀ ଛାତ୍ରୀ ନିରୁପମା । ହେଲେ ହଠାତ ୧୧ଟା ୪୫ ମିନିଟରେ ସେ ଆତ୍ମହତ୍ୟା କରୁଛନ୍ତି ତାଙ୍କୁ ରୋକିବା ପାଇଁ ହଷ୍ଟେଲକୁ ଫୋନ କରିଥିଲେ ଜଣେ ଯୁବକ । ହଷ୍ଟେଲ ୱାଡେନ ଓ ତାଙ୍କ ପାଖ ରୁମର କିଛି ଛାତ୍ରୀ କବାଟ ବାଡେଇ ଥିଲେ । କିନ୍ତୁ ଭିତର ପଟୁ ବନ୍ଦ ଥିବାରୁ କବାଟ ଖୋଲିନଥିଲା । ଶେଷରେ ସମସ୍ତ ମିଶି କବାଟ ଭାଙ୍ଗି ଥିଲେ ହେଲେ ନିରୁପମାଙ୍କ ମୃତ୍ୟୁ ହୋଇ ସାରିଥିଲା ।

 Who Called Hostel Before Nirupama's Death Balangir

ଘଟଣାସ୍ଥଳରେ ସାଇଣ୍ଟିଫିକ୍ ଟିମ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି । ତେବେ ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ଏହା ଆତ୍ମହତ୍ୟା ନା ହତ୍ୟା ତାହା ସ୍ପଷ୍ଟ ହୋଇପାରିବ ବୋଲି ବଲାଙ୍ଗିର ସଦର ଏସଡିପିଓ ତୋଫାନ୍ ବାଗ ସୂଚନା ଦେଇଛନ୍ତି ।

ବ୍ରହ୍ମଗିରିରେ ପହଞ୍ଚିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ

ବ୍ରହ୍ମଗିରି: ପୁରୀ ପାଇଁ ବ୍ରହ୍ମଗିରିରୁ ଲେଖା ହେବ ବିକାଶର ନୂଆ ଅଧ୍ୟାୟ । ପୁରୀ ଜିଲ୍ଲାରେ ଆରମ୍ଭ ହେବ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ସ୍ମାର୍ଟ କାର୍ଡ ବଣ୍ଟନ । ବ୍ରହ୍ମଗିରିରେ ବିଏସକେୱାଇ ସ୍ମାର୍ଟ କାର୍ଡ ବଣ୍ଟନର ଶୁଭାରମ୍ଭ କରିବା ପାଇଁ ପହଞ୍ଚିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ହିତାଧିକାରୀଙ୍କୁ କାର୍ଡ ବାଣ୍ଟିବେ ନବୀନ । ଜିଲ୍ଲାରେ ୩ ଲକ୍ଷ ୭୬ ହଜାର ହିତାଧିକାରୀ ସ୍ମାର୍ଟକାର୍ଡ ଯୋଜନାରେ ଉପକୃତ ହେବେ । ସ୍ମାର୍ଟ କାର୍ଡ ସହିତ ବ୍ରହ୍ମଗିରିରେ ଏକାଧିକ ବିକାଶମୂଳକ ପ୍ରକଳ୍ପର ଉଦଘାଟନ ସହ ଲୋକାର୍ପଣ କରିବେ ମୁଖ୍ୟମନ୍ତ୍ରୀ ।

 CM Naveen Patnaik Arrives At Brahmagiri Puri For BSKY Card Distribution

ବ୍ରହ୍ମଗିରି ପଞ୍ଚାୟତ ସମିତି କାର୍ଯ୍ୟାଳୟରେ ନବ ନିର୍ମିତ ମିନି ସଚିବାଳୟର ଲୋକାର୍ପଣ ହେବ । ପ୍ରାୟ ହଜାରେ କୋଟି ଟଙ୍କାର ପ୍ରକଳ୍ପର ଉଦଘାଟନ ଓ ଶିଳାନ୍ୟାସ କରିବା କାର୍ଯ୍ୟକ୍ରମ ରହିଛି । ନୂଆ ସଡ଼କ ପ୍ରକଳ୍ପ ସାଙ୍ଗକୁ ପାନୀୟ ଜଳ ଓ ସ୍ୱାସ୍ଥ୍ୟ ଭିତ୍ତିଭୂମି ସମ୍ପର୍କିତ ଏକାଧିକ ପ୍ରକଳ୍ପର ଉଦଘାଟନ କରିବେ ମୁଖ୍ୟମନ୍ତ୍ରୀ ।

 CM Naveen Patnaik Arrives At Brahmagiri Puri For BSKY Card Distribution

କେରାଣ୍ଡିଆ ହେଲିପ୍ୟାଡରେ ଏକ ସାଧାରଣ ସଭାର ଆୟୋଜନ କରାଯାଇଛି । ପୂର୍ବରୁ ମାଲକାନଗିରିରେ ବିଏସକେୱାଇରର ଶୁଭାରମ୍ଭ ପରେ ସୁନ୍ଦରଗଡ, ବଲାଙ୍ଗୀର, ଗଜପତିରେ ସ୍ମାର୍ଟକାର୍ଡ ବଣ୍ଟନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

ଉତ୍ତରପ୍ରଦେଶ ବାରାବଙ୍କୀରେ ମର୍ମନ୍ତୁଦ ସଡ଼କ ଦୁର୍ଘଟଣା, ୧୪ ଜଣଙ୍କର ମୃତ୍ୟୁ

ଉତ୍ତରପ୍ରଦେଶ: ଉତ୍ତରପ୍ରଦେଶ ବାରାବଙ୍କୀରେ ମର୍ମନ୍ତୁଦ ସଡ଼କ ଦୁର୍ଘଟଣା। ଦୁର୍ଘଟଣା ସମୟରେ ହେଲା ଭୟଙ୍କର ଶବ୍ଦ। ଦୁର୍ଘଟଣାର ଏତେ ଭୟଙ୍କର ଥିଲା ଯେ ଦୁର୍ଘଟଣାଗ୍ରସ୍ତ ବସ୍-ଟ୍ରକ୍ ସମ୍ପୂର୍ଣ୍ଣ ଚୁରମାର ହୋଇଯାଇଛି। ଦୁର୍ଘଟଣାରେ ୧୪ଜଣଙ୍କ ମୃତ୍ୟୁ ହୋଇଥିବା ବେଳେ ୩୦ରଚୁ ଉର୍ଦ୍ଧ୍ୱ ଗୁରୁତର ହୋଇଛନ୍ତି। ଭୋର ପ୍ରାୟ ୫ଟା ବେଳେ ଏକ ଭଲଭୋ ବସ୍-ଟ୍ରକ ମୁହାଁମୁହିଁ ଧକ୍କା ହୋଇଥିଲେ। ଦେବା ଥାନା ଅଧୀନ ମାତି ରୋଡ୍‌ରେ ଦୁର୍ଘଟଣା ଘଟିଛି।

ଟ୍ରକଟି ଦିଲ୍ଲୀରୁ ବହରାଇଚୁ ଯାଉଥିବା ବେଳେ ବେଳେ ଦୁର୍ଘଟଣାଗ୍ରସ୍ତ ହୋଇଛି। ବସ୍-ଟ୍ରକ ଧକ୍କା ହେବା ପରେ ଡ୍ରାଇଭର ଘଟଣାସ୍ଥଳରୁ ଫେରାର ହୋଇଯାଇଛି। ଖବରପାଇ ପୋଲିସ ଦୁର୍ଘଟଣାସ୍ଥଳରେ ପହଞ୍ଚିବା ସହ ଆହତଙ୍କୁ ଉଦ୍ଧାର କରି ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି। ଅଧିକ ଗୁରୁତରଙ୍କୁ ଲକ୍ଷ୍ନୌ ହସ୍ପିଟାଲକୁ ସ୍ଥାନାନ୍ତର କରାଯାଇଛି। ମୃତକଙ୍କ ପରିବାରକୁ ୨ଲକ୍ଷ ଓ ଆହତଙ୍କ ପରିବାରକୁ ୫୦ହଜାର ଲେଖାଏଁ ସହାୟତା ରାଶି ଘୋଷଣା କରିଛନ୍ତି ପ୍ରଧାନମନ୍ତ୍ରୀ।

ସ୍କ୍ରାପ ପଲିସି ଲାଗୁ ନେଇ ରାଜ୍ୟରେ ହୋଇନି ନୀତିଗତ ନିଷ୍ପତ୍ତି, କିନ୍ତୁ ଫିଟନେସ ଥିବା ଗାଡି ଚାଲିପାରିବ

ଭୁବନେଶ୍ୱର: କେନ୍ଦ୍ରର ସ୍କ୍ରାପ ପଲିସି ନେଇ ରାଜ୍ୟ ସରକାର କିଛି ଚୂଡ଼ାନ୍ତ ନିଷ୍ପତ୍ତି ନେଇନାହାଁନ୍ତି। ପଲିସି ଲାଗୁ ନେଇ ରାଜ୍ୟ କିଛି ନୀତିଗତ ନିଷ୍ପତ୍ତି ନେଇନି ବୋଲି ପରିବହନ ମନ୍ତ୍ରୀ ପଦ୍ମନାଭ ବେହେରା କହିଛନ୍ତି। ନୂଆ ନୀତି ୨୦୨୨ ଏପ୍ରିଲରୁ କେନ୍ଦ୍ର ସରକାର ଲାଗୁ କରିବେ। ଗାଡି ଯଦି ଖରାପ ଥିବ ସେ ସଂକ୍ରାନ୍ତରେ ବିଚାର କରାଯିବ। ଯଦି ଗାଡି ଠିକ ଥିବ ହଟେଇବା କଷ୍ଟ ବୋଲି ମନ୍ତ୍ରୀ କହିଛନ୍ତି। କିନ୍ତୁ ଫିଟନେସ ଥିବା ଗାଡି ଚାଲିବ ବୋଲି ମନ୍ତ୍ରୀ କହିଛନ୍ତି। ପଞ୍ଜୀକରଣ କରି ଗାଡି ଚାଲିପାରିବ। ସ୍କ୍ରାପ ପଲିସି ଦ୍ୱାରା ଲୋକ କ୍ଷତିରେ ପଡିବେ ବୋଲି ମନ୍ତ୍ରୀ କହିଛନ୍ତି।

ପଲିସି ଦ୍ୱାରା ଲୋକ କଣ ଅସୁବିଧାର ସମ୍ମୁଖୀନ ହେବେ ସେ ନେଇ କେନ୍ଦ୍ରକୁ ଅବଗତ କରାଯାଇଛି। କେତେ ପୁରୁଣା ଗାଡି ଅଛି ବିଭାଗ ତଥ୍ୟ ଦାଖଲ କରୁଛି ବୋଲି କହିଛନ୍ତି ପରିବହନ ମନ୍ତ୍ରୀ। ସେହିପରି ଇ- ଭେହିକିଲ କାର୍ଯ୍ୟକ୍ଷମ ନେଇ ପରିବହନ ମନ୍ତ୍ରୀ ପ୍ରତିକ୍ରିୟାରେ କହିଛନ୍ତି, ଯିଏ ଇ-ଭେହିକିଲ କିଣିବ ରାଜ୍ୟ ସରକାର ପ୍ରୋତ୍ସାହନ ଦେବେ। ଚାର୍ଜଙ୍ଗ ଷ୍ଟେସନ ନେଇ ସରକାର ପ୍ରକ୍ରିୟା ଆରମ୍ଭ କରିଛନ୍ତି। ନିର୍ଦ୍ଧିଷ୍ଟ କେତେ ବ୍ୟବଧାନରେ ଚାର୍ଜିଙ୍ଗ ଷ୍ଟେସନ ବସିବ ସେ ନେଇ ଆଲୋଚନା ଚାଲିଛି। ଖୁବ ଶୀଘ୍ର ଏ ସଂକ୍ରାନ୍ତରେ ନିଷ୍ପତ୍ତି ନିଆଯିବ ବୋଲି ମନ୍ତ୍ରୀ କହିଛନ୍ତି।

ସେହିଭଳି ଦୁର୍ଘଟଣା ରୋକିବାକୁ ତାମିଲନାଡୁ ମଡେଲ ଆପଣେଇବା ନେଇ ମୁଖ୍ୟମନ୍ତ୍ରୀଙ୍କୁ କେନ୍ଦ୍ରମନ୍ତ୍ରୀ  ଚିଠି ଲେଖିଛନ୍ତି। ଏ ପ୍ରସଙ୍ଗରେ ପ୍ରତିକ୍ରିୟା ଦେଇ ପରିବହନ ମନ୍ତ୍ରୀ କହିଛନ୍ତି, ତାମିଲନାଡୁ ମଡେଲ ଦେଶର ବେଷ୍ଟ ମଡେଲ। ଦୁର୍ଘଟଣା କମାଇବା ପାଇଁ ରାଜ୍ୟମାନେ ତତ୍ପରତା ପ୍ରକାଶ କରୁଛନ୍ତି। ସେଥିପାଇଁ ଯେଉଁ ମଡେଲ ଆବଶ୍ୟକ ରାଜ୍ୟ ଗ୍ରହଣ କରିବ ବୋଲି କହିଛନ୍ତି ପଦ୍ମନାଭ।

ଘରକୁ ଆସୁଥିବା ବେଳେ ଅଧା ବାଟରେ ଟ୍ରେନ୍‌ରୁ ନିଖୋଜ ହୋଇଗଲେ CRPF ଯବାନ

ବୌଦ୍ଧ: ଟ୍ରେନ୍‌ରୁ କୁଆଡ଼େ ନିଖୋଜ ହୋଇଗଲେ ଯବାନ। ପୋଷ୍ଠି ପଏଣ୍ଟରୁ ଘରକୁ ଆସୁଥିବା ବେଳେ ଅଧା ବାଟରୁ କୁଆଡ଼େ ନିଖୋଜ ହୋଇଯାଇଛନ୍ତି ଯବାନ। ଟ୍ରେନ୍‌ ଭିତରୁ ଯବନା ନିଖୋଜ ହୋଇଯିବା କଥା ଏବେ ଚର୍ଚ୍ଚାର ବିସୟ ପାଲଟିଛି। ନାଗାଲାଣ୍ଡରେ ସିଆରପିଏଫ୍‌ ଯବାନ ଭାବେ କାର୍ଯ୍ୟରତ ଯବାନ ଥିଲେ ସେ। ସୋନପୁର ମଝିପଡ଼ାର ପ୍ରତାପ ନାଏକ ୭୮ ସି ଆରପିଏଫ ବାଟାଲିୟନ୍- B କମ୍ପାନୀରେ ମିଜୋରାମରେ କାର୍ଯ୍ୟରତ ଥିଲେ।

ସେ ଦିମାପୁର୍ ରେଳ ଷ୍ଟେସନରୁ ୧ତାରିଖ ରାତିରେ ଟ୍ରେନରେ ବୌଦ୍ଧ ଅଭିମୁଖେ ବାହାରି ଥିଲେ। କିନ୍ତୁ ଆଜି ସୁଦ୍ଧା ଘରେ ପହଞ୍ଚିନଥିବାରୁ ପରିବାର ଲୋକ ଅଭିଯୋଗ କରିଛନ୍ତି। ଏ ସମ୍ପର୍କରେ ଭୁବନେଶ୍ୱର ରେଳବାଇ ପୋଲିସ୍ ଏବଂ ସିଆରପିଏଫ କାର୍ଯ୍ୟାଳୟରେ ପରିବାର ଅଭିଯୋଗ କରିଛନ୍ତି। ତେବେ ତାଙ୍କର ସମସ୍ତ ଜିନିଷପତ୍ର ବେଙ୍ଗାଳୁରୁ ରେଳ ଷ୍ଟେସନରୁ ମିଳିଥିବା ରେଳବାଇ ପକ୍ଷରୁ ତାଙ୍କ ସ୍ତ୍ରୀଙ୍କୁ ଫୋନ ଯୋଗେ ଅବଗତ କରାଯାଇଛି। ଯବାନ ଜଣକ କେଉଁ ପରିସ୍ଥିତିରେ ଓ କେଉଁଠି ନିଖୋଜ ହୋଇଛନ୍ତି, ସେନେଇ ତନାଘନା ଜାରି ରହିଛି।

ଫୋର୍ବସ ଜାରି କଲା ଭାରତର ୧୦୦ ଧନୀ ବ୍ୟକ୍ତିଙ୍କ ନାଁ, ପ୍ରଥମ ସ୍ଥାନରେ କିଏ ?

ନୂଆଦିଲ୍ଲୀ:  ପ୍ରତିବର୍ଷ ଫୋର୍ବସ ମାଗାଜିନ ତା’ର ଧନୀକଙ୍କ ତାଲିକା ଜାରି କରେ । ଫୋର୍ବସ ତାଲିକାରୁ ଜଣା ପଡେ ବିଶ୍ୱର ସବୁଠାରୁ ଧନୀ କିଏ । ସେହିଭଳି ଏଥିରୁ ଭାରତର ଧନୀକଙ୍କ ବାବଦରେ ମଧ୍ୟ ସୂଚନା ମିଳିଥାଏ । ପ୍ରତିବର୍ଷ ଭଳି ଏଥରକ ମଧ୍ୟ ଫୋର୍ବସ ତା’ର ଧନୀ ଭାରତୀୟଙ୍କ ତାଲିକା ଜାରି କରିଛି । ଏଥିରେ ୧୦୦ ଧନାଢ୍ୟ ଭାରତୀୟଙ୍କ ନାମ ରହିଛି ।ଭାରତର ସବୁଠାରୁ ଧନୀ ବ୍ୟକ୍ତି କିଏ ? ଏହି ପ୍ରସଙ୍ଗ ଉଠିଲେ ସର୍ବପ୍ରଥମେ ସାମ୍ନାକୁ ଚାଲିଆସେ ରିଲାଏନ୍ସ ଇଣ୍ଡଷ୍ଟ୍ରିର ଚେୟାରମ୍ୟାନ୍ ମୁକେଶ ଅମ୍ବାନୀଙ୍କ ନାଁ । କିନ୍ତୁ କ’ଣ ଏଥର ମଧ୍ୟ ପ୍ରଥମ ସ୍ଥାନରେ ମୁକେଶ ଅମ୍ବାନୀ ଅଛନ୍ତି ନା ଆଉ କିଏ ବାଜି ମାରି ନେଇଛି ? ଆସନ୍ତୁ ଜାଣିବା ।

ପ୍ରତିବର୍ଷ ଭଳି ଏଥର ମଧ୍ୟ ଭାରତର ୧୦୦ ଧନୀ ବ୍ୟକ୍ତିଙ୍କ ନାଁ ଜାରି କରିଛି ବିଜନେସ ମାଗାଜିନ ଫୋର୍ବସ । ଫୋର୍ବସ ମାଗାଜିନ ଅନୁସାରେ ଏହି ୧୦୦ ଧନୀ ବ୍ୟକ୍ତିଙ୍କ ସମଗ୍ର ସମ୍ପତ୍ତି ୭୭୫ ବିଲିୟନ ଡଲାର ବା ପ୍ରାୟ ୫୮.୦୬ ଲକ୍ଷ କୋଟି ଟଙ୍କା ପର୍ଯ୍ୟନ୍ତ ପହଞ୍ଚି ସାରିଛି । ଏହି ଲିଷ୍ଟରେ ପ୍ରତିବର୍ଷ ଭଳି ଏଥର ମଧ୍ୟ ପ୍ରଥମ ସ୍ଥାନରେ ଅଛନ୍ତି ରିଲାଏନ୍ସ ଇଣ୍ଡଷ୍ଟ୍ରିର ଚେୟାରମ୍ୟାନ୍ ମୁକେଶ ଅମ୍ବାନୀ । ତାଙ୍କର ସମଗ୍ର ସମ୍ପତ୍ତିର ମୂଲ୍ୟ ହେଉଛି ୯୨.୭ ବିଲିୟନ ଡଲାର ବା ପ୍ରାୟ ୬.୮୯ ଲକ୍ଷ କୋଟି ଟଙ୍କା ।

ଦ୍ୱିତୀୟ ସ୍ଥାନରେ ଅଛନ୍ତି ଅଦାନି ଗ୍ରୁପ ମୁଖ୍ୟ ଗୌତମ ଅଦାନୀ । ତାଙ୍କର ସମଗ୍ର ସମ୍ପତ୍ତିର ମୂଲ୍ୟ ହେଉଛି ୭୪.୮ ବିଲିୟନ ଡଲାର ବା ଭାରତୀୟ ମୂଦ୍ରାରେ ପ୍ରାୟ ୫.୬ ଲକ୍ଷ କୋଟି ଟଙ୍କା ।

ଗୁରୁତ୍ୱପୂର୍ଣ୍ଣ କଥା ହେଉଛି ଏହି ରିପୋର୍ଟରେ କୁହାଯାଇଛିଯେ, କୋଭିଡ ୧୯ର ଦ୍ୱିତୀୟ ପ୍ରବାହ ଦେଶରେ ହାହାକାର ସୃଷ୍ଟି କରିଥିଲେ ମଧ୍ୟ ଭାରତ ସାହସ ଏବଂ ବୁଦ୍ଧିମାନର ସହିତ ଏହା ସହିତ ଲଢ଼ିଥିବାରୁ ଦୁନିଆର ଷଷ୍ଠ ବୃହତ୍ ଇକୋନୋମି ଭାରତରେ ନିବେଶକଙ୍କ ଭରସା ବଢ଼ାଇଛି । ଶେୟାର ମାର୍କେଟରେ ବିଏସଇର ବେଞ୍ଚମାର୍କ ସେନ୍ସେକ୍ସ ଗୋଟିଏ ବର୍ଷ ପୂର୍ବ ତୁଳନାରେ ୫୨ ପ୍ରତିଶତ ବଢ଼ିଛି । ଏଥିପାଇଁ ଦେଶର ୧୦୦ ଧନୀଙ୍କ ସମ୍ପତ୍ତିର ରେକର୍ଡ଼ ଏଭଳି ସ୍ତରରେ ପହଞ୍ଚିଛି । ଗତ ୧୨ ମାସ ମଧ୍ୟରେ ଏମାନଙ୍କ ସମ୍ପତ୍ତି ୫୦ ପ୍ରତିଶତ ବା ପ୍ରାୟ ୨୫୭ ବିଲିୟନ ଡଲାର ବଢ଼ି ୭୭୫ ବିଲିୟନ ଡଲାରରେ ପହଞ୍ଚିଛି ।
ରିପୋର୍ଟ ଅନୁସାରେ ଏହି ସମ୍ପତ୍ତି ବୃଦ୍ଧିକୁ ଯଦି ଆକଳନ କରାଯାଏ ତେବେ ପ୍ରାୟ ୨୦ ପ୍ରତିଶତ କେବଳ ଗୌତମ ଅଦାନିଙ୍କ ହେତୁ ବଢ଼ିଛି । କାରଣ ତାଙ୍କ ସମ୍ପତ୍ତି ଗୋଟିଏ ବର୍ଷରେ ୩ ଗୁଣା ବଢ଼ି ୭୪.୮ ବିଲିୟନ ଡଲାର ବା ୫.୬ ଲକ୍ଷ କୋଟି ଟଙ୍କାରେ ପହଞ୍ଚିଛି । ଭାରତର ସବୁଠାରୁ ଧନୀ ଶ୍ରେଣୀର ବ୍ୟକ୍ତିଙ୍କ ତାଲିକାରେ ଲଗାତାର ସେ ତିନି ବର୍ଷ ହେବ ଦ୍ୱିତୀୟ ସ୍ଥାନରେ ରହି ଆସୁଛନ୍ତି ।
ଅନ୍ୟପଟେ ମୁକେଶ ଅମ୍ବାନୀ ଲଗାତାର ୨୦୦୮ ମସିହାରୁ ପ୍ରଥମ ସ୍ଥାନରେ ରହି ଆସୁଛନ୍ତି । ପ୍ରାୟ ୩୧ ବିଲିୟନ ଡଲାର ସମ୍ପତ୍ତି ସହିତ ଏଚସିଏଲର ଫାଉଣ୍ଡର ଶିବ୍ ନାଡର ତୃତୀୟ ସ୍ଥାନରେ ଅଛନ୍ତି ଏବଂ ୨୯.୪ ବିଲିୟନ ଡଲାର ସମ୍ପତ୍ତି ସହିତ ରାଧାକୃଷ୍ଣ ଦମାନୀ ତାଲିକାରେ ଚତୁର୍ଥ ସ୍ଥାନରେ ଅଛନ୍ତି । ପଞ୍ଚମରେ ସାଇରସ ପୁନାଓ୍ୱାଲା, ଷଷ୍ଠରେ ଲକ୍ଷ୍ମୀ ମିତଲ, ସପ୍ତମରେ ସାବିତ୍ରୀ ଜିନ୍ଦଲ,ଅଷ୍ଟମରେ ଉଦୟ କୋଟକ, ନବମରେ ପାଲୋନଜି ମିସ୍ତ୍ରୀ ଏବଂ ଦଶମରେ ଅଛନ୍ତି କୁମାର ମଙ୍ଗଳମ ବିଡଲା ।

ପାହାଡ଼ ବ୍ଲାଷ୍ଟିଂ ପାଇଁ ମାଟିତଳେ ଲୁଚାଯାଇଥିଲା ବିପୁଳ ପରିମାଣରେ ବିସ୍ଫୋରକ, ଜବତ କଲା ପୋଲିସ୍

ଯାଜପୁର: ମାଟି ତଳୁ ଜବତ ହେଲା ବିପୁଳ ପରିମାଣର ବିସ୍ଫୋରକ। ଯାଜପୁର ଜିଲ୍ଲା ଧର୍ମଶାଳା ତହସିଲ ଅଧୀନ ଲୁଣିବାର ମୌଜାରେ ମାଟି ତଳୁ ବିପୁଳ ପରିମାଣର ବିସ୍ଫୋରକ ସାମଗ୍ରୀ ଜବତ ହୋଇଛି। ପୂର୍ବରୁ ବଉଳମାଳ ପଞ୍ଚାୟତ ଓ ଲୁଣିବାର ମୌଜାରୁ ଆମୋନିଆ ନାଇଟ୍ରେଟ ଓ ଜିଲୋଟିନ ଜବତ ସହ ଷ୍ଟୋରକୁ ସିଲ କରାଯାଇଥିଲା। ପୁଣି ଜେନାପୁର ପୋଲିସ ଓ ଧର୍ମଶାଳା ତହସିଲଦାରଙ୍କ ଉପସ୍ଥିତିରେ ଲୁଣିବାର ମୌଜାରୁ ବିପୁଳ ପରିମାଣର ବିସ୍ପୋରକ ଜବତ ହୋଇଛି। ଏହି ବିସ୍ଫୋରକ ପାହାଡ଼ ବ୍ଲାଷ୍ଟିଂରେ ବ୍ୟବହାର କରାଯାଏ। ଜେନାପୁର ଥାନା ଅଞ୍ଚଳରେ ପାହାଡ଼ ଲିଜ୍‌ଧାରୀ ବିସ୍ଫୋରକ ବିଭିନ୍ନ ସ୍ଥାନରେ ବେଆଇନ ଭାବେ ଗଚ୍ଛିତ ରଖିଥିବା

ସୂଚନା ମିଳିଛି। ଏନେଇ ଜେନାପୁର ପୋଲିସ ୨ ଜଣ ପାହାଡ଼ ଲିଜଧାରୀଙ୍କ ନାଁରେ ଏତଲା ଦାୟର କରିଛି। ଏନେଇ ପ୍ରଶାସନ ପକ୍ଷରୁ ଅପରେସନ ଜାରି ରହିଥିବା ବେଳେ ତହସଲିଦାରଙ୍କ ପ୍ରତିକ୍ରିୟା ମିଳିପାରିନି। ବାରମ୍ବାର ଏଭଳି ବିସ୍ଫୋରକ ମିଳିବା ପରେ ସ୍ଥାନୀୟ ଅଞ୍ଚଳରେ ଭୟର ବାତାବରଣ ଖେଳିଯାଇଛି। ତେବେ ଏନେଇ ଆଉ କେଉଁ କେଉଁ ସ୍ଥାନରେ ବିସ୍ଫୋରକ ଲୁଚାଯାଇଛି ରଖାଯାଇଛି ସେନେଇ ତଦନ୍ତ ଆରମ୍ଭ ହୋଇଛି। ବିଭିନ୍ନ ସ୍ଥାନକୁ ଯାଞ୍ଚ କରାଯାଉଛି।

 

ଲଖିମପୁର ଖେରି ମାମଲା : ଉତ୍ତରପ୍ରଦେଶ ସରକାରଙ୍କୁ ଷ୍ଟାଟସ ରିପୋର୍ଟ ମାଗିଲେ ସୁପ୍ରିମକୋର୍ଟ,ଶୁକ୍ରବାର ଶୁଣାଣି

0

ନୂଆଦିଲ୍ଲୀ : ଉତ୍ତରପ୍ରଦେଶର ଲଖିମପୁର ଖେରି ମାମଲାକୁ ନିଜ ତରଫରୁ ବିଚାର ପାଇଁ ଗ୍ରହଣ କରି ସୁପ୍ରିମକୋର୍ଟ ରାଜ୍ୟ ସରକାରଙ୍କୁ ଷ୍ଟାଟସ ରିପୋର୍ଟ ଦେବାକୁ କହିଛନ୍ତି । ଷ୍ଟାଟସ ରିପୋର୍ଟ ମିଳିବା ପରେ ଶୁକ୍ରବାର ମାମଲାର ପରବର୍ତ୍ତି ଶୁଣାଣି ହେବ । ପ୍ରଧାନ ବିଚାରପତି ଏନଭି ରମଣ,ଜଷ୍ଟିସ ସୂର୍ଯ୍ୟକାନ୍ତ ଓ ଜଷ୍ଟିସ୍ ହିମା କୋହଲିଙ୍କ ଖଣ୍ଡପୀଠ ଉତ୍ତରପ୍ରଦେଶ ସରକାରଙ୍କୁ ମାମଲାର ଷ୍ଟାଟସ ରିପୋର୍ଟ ଦାଖଲ କରିବାକୁ କହିଛନ୍ତି ।


ପ୍ରଧାନ ବିଚାରପତି ମାମଲାର ଶୁଣାଣି କରି କହିଥିଲେ ଯେ, ଦୁଇ ଜଣ ଓକିଲ ତାଙ୍କୁ ଏହି ପ୍ରସଙ୍ଗକୁ ନେଇ ପତ୍ର ଲେଖିଥିଲେ । ପତ୍ର ଲେଖିଥିବା ଓକିଲଙ୍କ ନାମ ହେଉଛି ଶିବକୁମାର ତ୍ରିପାଠୀ ଓ ସିଏସ ପଣ୍ଡା । ପ୍ରଧାନ ବିଚାରପତି ଦୁଇ ଓକିଲଙ୍କୁ ଅଦଲାତକୁ ଡାକିବା ପାଇଁ କହିଥିଲେ । ଓକିଲ ଶିବ କୁମାର କହିଥିଲେ ଯେ,ସେଠାରେ ମାନବାଧିକାର ଉଲ୍ଲଂଘନ ହୋଇଛି ଓ ୟୁପି ସରକାର ଠିକ୍ ସମୟରେ କାର୍ଯ୍ୟାନୁଷ୍ଠାନ ଗ୍ରହଣ କରି ନାହାନ୍ତି ।

UP Assembly Elction 2022 BJP Yogi Adityanath Govt Trying To Damage Control

ଅନ୍ୟପକ୍ଷରେ ପ୍ରଧାନ ବିଚାରପତି ୟୁପି ସରକାରଙ୍କ ଓକିଲଙ୍କୁ,ପୁରା ମାମଲାରେ ସରକାର କ’ଣ ପଦକ୍ଷେପ ନେଇଛନ୍ତି ବୋଲି ପଚାରି ଥିଲେ । ରାଜ୍ୟ ସରକାର ଘଟଣାର ତଦନ୍ତ ପାଇଁ ଦୁଇ ଜଣ ଅବସରପ୍ରାପ୍ତ ବିଚାରପତିଙ୍କୁ ନେଇ କମିଟି ଗଠନ କରିଛନ୍ତି ବୋଲି ୟୁପି ସରକାରଙ୍କ ଓକିଲ ଉତ୍ତର ରଖିଥିଲେ । ୟୁପି ସରକାରଙ୍କ ଓକିଲଙ୍କ ଉତ୍ତର ପରେ ସୁପ୍ରିମକୋର୍ଟ ରାଜ୍ୟ ସରକାରଙ୍କୁ ଷ୍ଟାଟସ ରିପୋର୍ଟ ଦାଖଲ କରିବାକୁ କହିଥିଲେ । ଷ୍ଟାଟସ ରିପୋର୍ଟରେ କେତେ ଜଣଙ୍କ ବିରୋଧରେ ଏଫଆଇଆର ଦାଏର ହୋଇଛି ଓ କେତେ ଜଣ ଗିରଫ ହୋଇଛନ୍ତି ସେ ସମ୍ପର୍କରେ ଉଲ୍ଲେଖ କରିବାକୁ କୁହାଯାଇଛି ।

ସୁପ୍ରିମକୋର୍ଟ ୟୁପି ସରକାରଙ୍କ ପଚାରିଛନ୍ତି ଯେ, ୪ ଜଣ କୃଷକ,ଜଣେ ସମ୍ବାଦିକଙ୍କ ସମେତ ମୋଟ ୮ ଜଣଙ୍କ ହତ୍ୟାହୋଇଛି । ଆମେ ଜାଣିବାକୁ ଚାହୁଁଛୁ ଯେ, ଏହି ମାମଲାରେ ଅଭିଯୁକ୍ତ କିଏ ଓ ତାଙ୍କୁ ଗିରଫ କରା ଗଲାଣି କି ନାହିଁ । ଏହା ସହିତ ସୁପ୍ରିମକୋର୍ଟ ଜଣେ ମୃତକ ଲଭପ୍ରିତଙ୍କ ରୁଗଣ ମା’ଙ୍କ ଚିକିତ୍ସା ରାଜ୍ୟ ସରକାର କରନ୍ତୁ ବୋଲି କହିଛନ୍ତି । ଏନେଇ ୟୁପି ସରକାର ଆସନ୍ତାକାଲି ସର୍ବୋଚ୍ଚ ଅଦାଲତଙ୍କୁ ସୂଚିତ କରିବେ ।

ଲଖିମପୁର ଖେରି ହିଂସା ମାମଲାରେ ଯୋଗୀ ସରକାରଙ୍କୁ ରିପୋର୍ଟ ମାଗିଲେ ସର୍ବୋଚ୍ଚ ଅଦାଲତ

ନୂଆଦିଲ୍ଲୀ: ଉତ୍ତରପ୍ରଦେଶ ଲଖିମପୁର ଖେରି ହିଂସା ମାମଲା। ଯୋଗୀ ସରକାରଙ୍କୁ ରିପୋର୍ଟ ମାଗିଲେ ସର୍ବୋଚ୍ଚ ଅଦାଲତ। ଅଭିଯୁକ୍ତ କିଏ, ବର୍ତ୍ତମାନ ସୁଦ୍ଧା କ’ଣ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି ସେସମ୍ପର୍କରେ ସବିଶେଷ ତଥ୍ୟ ଦେବା ଲାଗି ସରକାରଙ୍କୁ ନିର୍ଦ୍ଦେଶ ଦେଇଛନ୍ତି କୋର୍ଟ। ଜଣିକିଆ କମିଶନଙ୍କ ନେତୃତ୍ୱରେ ଏହି ଘଟଣାର ତଦନ୍ତ ଚାଲିଛି ବୋଲି କୋର୍ଟରେ ଉତ୍ତର ରଖିଛନ୍ତି ୟୁପି ସରକାର। ଆସନ୍ତାକାଲି ଏହି ମାମଲାର ପରବର୍ତ୍ତୀ ଶୁଣାଣି ହେବ।

ଅଦାଲତ କହିଛନ୍ତି କୋର୍ଟ ନିଜ ଆଡୁ ମାମଲା ଦାଏର କରିନାହାନ୍ତି ବରଂ ଏହା ଏକ ଜନସ୍ୱାର୍ଥ ମାମଲା। ପ୍ରଧାନ ବିଚାରପତି ଏନଭି ରମନ୍ନା, ବିଚାରପତି ସୂର୍ଯ୍ୟକାନ୍ତ ଓ ହୀମା କୋହଲିଙ୍କ ଖଣ୍ଡପୀଠ ମାମଲାର ଶୁଣାଣି କରିଛନ୍ତି। ସେପଟେ ଏହି ଘଟଣାକୁ ନେଇ ଆଉ ଏକ ଲୋମହର୍ଷକ ଭିଡିଓ ପଦାକୁ ଆସିଛି। ଦ୍ରୁତ କାର୍ ଧକ୍କାରେ ନିରୀହ ଚାଷୀଙ୍କ ପ୍ରାଣ ଯିବା ଘଟଣା ଏହି ଭିଡିଓରେ ରହିଛି। କିଛି ଚାଷୀ ପତାକା ଧରି ପଦଯାତ୍ରା କରୁଥିବା ବେଳେ ସେମାନଙ୍କ ଉପରେ ଗାଡି ମାଡିଯାଇଥିଲାର ଦୃଶ୍ୟ ଏହି ଭିଡିଓରେ ରହିଛି।

ରବିବାର ଘଟିଥିବା ହିଂସାରେ ୪ କୃଷକଙ୍କ ସହିତ ମୋଟ ନଅ ଜଣଙ୍କ ମୃତ୍ୟୁ ହୋଇଥିଲା। କୃଷକ ଅଭିଯୋଗ କରିଛନ୍ତି ଯେ, କେନ୍ଦ୍ର ଗୃହ ରାଜ୍ୟ ମନ୍ତ୍ରୀ ଅଜୟ ମିଶ୍ରଙ୍କ ପୁଅ ଆଶିଷ ମିଶ୍ର ଶାନ୍ତିପୂର୍ଣ୍ଣ ପ୍ରଦର୍ଶନ କରୁଥିବା କୃଷକଙ୍କ ଉପରେ ଗାଡି ଚଢାଇ ହତ୍ୟା କରିଛନ୍ତି। କିନ୍ତୁ ମନ୍ତ୍ରୀ ଓ ତାଙ୍କ ପୁଅ ଏହାକୁ ଖଣ୍ଡନ କରିଛନ୍ତି। ଘଟଣାକୁ ୩ ଦିନ ବିତିଯାଇଥିଲେ ମଧ୍ୟ ଏ ପର୍ଯ୍ୟନ୍ତ କୌଣସି ଅଭିଯୁକ୍ତଙ୍କୁ ଗିରଫ କରାଯାଇନାହିଁ। ଏପଟେ ଗତକାଲି ରାହୁଲ ଗାନ୍ଧୀ ଓ ପ୍ରିୟଙ୍କା ଗାନ୍ଧି ମୃତକଙ୍କ ପରିବାରକୁ ଭେଟିଛନ୍ତି। ସେମାନଙ୍କୁ ନ୍ୟାୟ ମିଳିବା ପର୍ଯ୍ୟନ୍ତ ଲଢେଇ ଜାରି ରହିବ ବୋଲି ଆଶ୍ୱାସନା ଦେଇଛନ୍ତି।

ନନ୍ଦିଘୋଷ ଟିଭିର ପ୍ରଭାବ, ମାତାଲ ଡାକ୍ତରଙ୍କୁ ସ୍ୱାସ୍ଥ୍ୟ ବିଭାଗ ପକ୍ଷରୁ କାରଣ ଦର୍ଶାଅ ନୋଟିସ୍‌

ଢ଼େଙ୍କାନାଳ: କାର୍ଯ୍ୟ ସମୟରେ ମଦ ପିଇ ନିଶାରେ ଶୋଇବା ପଡ଼ିଲା ମହଙ୍ଗା। ମଦୁଆ ଡାକ୍ତରଙ୍କ ଉପରେ ନନ୍ଦିଘୋଷ ଟିଭିର ପ୍ରଭାବ। ଖବର ପ୍ରସାରଣ ପରେ ଆକ୍ସନ ମୋଡ୍‌ରେ ସ୍ୱାସ୍ଥ୍ୟ ବିଭାଗ। ଡ୍ୟୁଟି ବେଳେ ଡ୍ୟୁଟିକୁ ଭୁଲି ମଦ ପିଇ ନିଶାରେ ପୁରା ଚୁର ହୋଇ ଶୋଇବା ପଡ଼ିଲା ମହଙ୍ଗା। ଡାକ୍ତରଙ୍କୁ କାରଣ ଦର୍ଶାଅ ନୋଟିସ୍ ଜାରି କଲେ ଜିଲ୍ଲା ମୁଖ୍ୟ ଚିକିତ୍ସାଧିକାରୀ।

ଢେଙ୍କାନାଳ ଜିଲ୍ଲା ଗନ୍ଦିଆ ଶ୍ରୀରାମଚନ୍ଦ୍ରପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ଆୟୁଷ ଡାକ୍ତର ଅବନୀକାନ୍ତ ସାହୁଙ୍କୁ କାରଣଦର୍ଶାଅ ନୋଟିସ୍ ଜାରି ହୋଇଛି। ଡାକ୍ତରଖାନାରେ ରୋଗୀ ଥିବା ସମୟରେ କଣ ପାଇଁ ନିଶାସକ୍ତ ଅବସ୍ଥାରେ ଥିଲ ବୋଲି ନୋଟିସ୍‌ ଜାରି କରାଯାଇଛି। ଆଉଟଡୋରରେ ରୋଗୀ ଥିବା ଅବସ୍ଥାରେ ଡାକ୍ତର ବାବୁ ମଦ ନିଶାରେ ଶୋଇଯାଇଥିଲେ।

ସିକ୍ୟୁରିଟି ଗାର୍ଡ ଉଠାଇବାକୁ ଚେଷ୍ଟା କରିଥିଲେ ମଧ୍ୟ ଉଠି ନଥିଲେ ଡାକ୍ତର ବାବୁ। ଏସବୁ ଦୃଶ୍ୟ କ୍ୟାମେରାରେ କଏଦ ହୋଇଛି। ପରେ ଅନ୍ୟଜଣେ ଡାକ୍ତର ରୋଗୀସେବା କରିଥିଲେ। ସେ ମଧ୍ୟ ଉଠାଇବାକୁ ଚେଷ୍ଟା କରିଥିଲେ ହେଲେ ନିଶାରେ ଚୁର୍ ଡାକ୍ତରବାବୁ ଢଳି ପଡୁଥିଲେ। ତେବେ କାରଣ ଦର୍ଶାଅ ନୋଟିସ୍‌ ଦେବା ପରେ ଡାକ୍ତରଙ୍କୁ ମଧ୍ୟ ତାଙ୍କ କାର୍ଯ୍ୟରୁ ନିମ୍ବିତ କରାଯାଇପାରେ।