ପୁରୀ: ବାଳୁକାକଳା ମାଧ୍ୟମରେ ଦୂର୍ଗା ପୂଜାର ଅଭିନନ୍ଦନ । ଆଜି ଦେବୀ ପୀଠ ମାନଙ୍କରେ ଅଷ୍ଟମୀ ପୂଜା ଚାଲିଥିବା ବେଳେ ମଣ୍ଡପରେ ସପ୍ତମୀ ପୂଜା କରାଯାଉଛି । ଏହି ଅବସରରେ ପୁରୀ ବେଳାଭୂମିରେ ଦେଖିବାକୁ ମିଳିଛି ବାଲୁକାକଳା । ବାଲୁକା କଳା ଜରିଆରେ ସମଗ୍ର ଦେଶବାସୀଙ୍କୁ ଶାରଦୀୟ ଦୁର୍ଗାପୂଜାର ଅଭିନନ୍ଦନ ଜଣାଇଛନ୍ତି ଆନ୍ତର୍ଜାତୀୟ ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ । ମା’ ଦୁର୍ଗାଙ୍କ ଶ୍ରୀମୁଖ ପ୍ରସ୍ତୁତ କରାଯାଇ ସମୁଦ୍ର ଯାତ ଦ୍ରବ୍ୟ ଶାମୁକା ଆଦିରେ ମା ଦୁର୍ଗାଙ୍କ ଶ୍ରୀମୁଖକୁ ଅତୀବ ସୁନ୍ଦର ଓ ନିଖୁଣ ସ୍ପର୍ଶ ଦେଇଛନ୍ତି ସୁଦର୍ଶନ ପଟ୍ଟନାୟକ ।
ଲଜ୍ଜା:୧୪ ବର୍ଷିୟା ଛାତ୍ରୀ ସହ ଶିକ୍ଷକଙ୍କ ଅସଦାଚରଣ: ଥାନାରେ ମାମଲା ରୁଜୁ
ଭଦ୍ରକ: ସେପ୍ଟେମ୍ବର ୧୧ ତାରିଖ ଭାରତ ସମେତ ସାରା ପୃଥିବୀ ଆନ୍ତର୍ଜାତିକ ଶିଶୁକନ୍ୟା ଦିବସ ପାଳନ କରୁଥିବାବେଳେ, ଭଦ୍ରକ ଜିଲ୍ଲା ଧାମନଗର ଏନଏସି ଅନ୍ତର୍ଗତ ମହାନ୍ତି ସାହି ହିନ୍ଦୁ ପ୍ରାଥମିକ ବିଦ୍ୟାଳୟର କାର୍ଯ୍ୟରତ ଶିକ୍ଷକ ସେକ୍ ଅବଦୁଲ କାଲାମ ଛାତ୍ରୀକୁ ଅସଦାଚରଣ କରି ଜେଲ ଯାଇଛନ୍ତି । ହିନ୍ଦୁ ପ୍ରାଥମିକ ବିଦ୍ୟାଳୟରେ ଛାତ୍ରଛାତ୍ରୀ ମାନଙ୍କୁ ସୋମବାର ପୋଷାକ ବିତରଣ କରାଯାଇଥିବାରୁ ଛାତ୍ରୀଙ୍କ ସହିତ ଏହି ୧୪ ବର୍ଷିୟା ନାବାଳିକା ସ୍କୁଲକୁ ଯାଇଥିଲେ ।
ସେହି ସମୟରେ ଅନ୍ୟ ଏକ କୋଠରୀରେ ଶିକ୍ଷକ ସେକ୍ ଅବଦୁଲ କାଲାମ ତାକୁ ଡାକିଥିଲେ । କୋଠରୀ ଭିତରେ କୁଣ୍ଢାଇ ପକାଇ ଅସଦାଚରଣ କରିଥିଲେ । ଝିଅଟି ଧକ୍କା ଦେଇ ଦୌଡ଼ି ପଳାଇ କାନ୍ଦି କାନ୍ଦି ତା’ର ମା’କୁ ଜଣାଇବା ପରେ ଥାନାରେ ଲିଖିତ ଅଭିଯୋଗ କରିଥିଲେ । ଘଟଣା ସ୍ଥଳରେ ଧାମନଗର ଥାନା ଆଇଆଇସି ପ୍ରଦୀପ ମହନ୍ତ ପହଞ୍ଚି ଅଭିଯୁକ୍ତ ଶିକ୍ଷକ ଅବଦୁଲ କାଲାମକୁ ଗିରଫ କରି କେସ ନଂ ୨୮୧/୨୧ ଦଫା ୩୪୧, ୩୫୪, ୩୫୪(କ), ୮ ପୋସକୋ ଆକ୍ଟରେ ମାମଲା ରୁଜୁ କରିବା ସହ କୋର୍ଟ ଚାଲଣ କରିଥିବା ଜଣାଯାଇଛି ।
ଏଥିସହିତ ପଢ଼ନ୍ତୁ: ଲଘୁଚାପର ରୂପ ନେବ ଉତ୍ତର ଆଣ୍ଡାମାନ ସାଗରରେ ସୃଷ୍ଟ ଘୂର୍ଣ୍ଣିବଳୟ: କାଲିଠୁ ବଢ଼ିବ ବର୍ଷା
ଓଲିଉଡ୍ କଳାକାରଙ୍କ କେଳେଙ୍କାରୀ: ପ୍ରଥମ ସ୍ତ୍ରୀ ଥାଇ କଲେ ଦ୍ୱିତୀୟ ବିବାହ
ଭୁବନେଶ୍ୱର: ଓଲିଉଡ଼ କଳାକାରଙ୍କ କଳା କାରନାମା । ପ୍ରଥମ ସ୍ତ୍ରୀ ଥାଉ ଥାଇ ଦ୍ୱିତୀୟ ବିବାହ କଲେ ଓଲିଉଡ଼ର ସହ ଅଭିନେତା ହରିଶ ଖଣ୍ଡଲୱାଲ । ଏନେଇ ମାନବାଧିକାର କମିଶନଙ୍କ ଦ୍ୱାରସ୍ଥ ହୋଇଛନ୍ତି ପ୍ରଥମ ପତ୍ନୀ ଶୁଭଶ୍ରୀ ଖଣ୍ଡଲୱାଲ । ୧୫ ବର୍ଷ ତଳେ ବାହାଘର ହୋଇ ଦୁଇ ପୁଅ ଥିବା ବେଳେ, ଓଲିଉଡ଼ରେ କାମ କରୁଥିବା ଜଣେ ସହ ଅଭିନେତ୍ରୀ ଜୋତିମୟୀ ମହାନ୍ତିଙ୍କୁ କୋର୍ଟ ମ୍ୟାରେଜ କରିଥିବା ସେ ଅଭିଯୋଗ ଆଣିଛନ୍ତି । ପ୍ରମାଣ ସହ ମାସେ ତଳେ ମହିଳା ଥାନାରେ ମଧ୍ୟ ଅଭିଯୋଗ କରିଥିଲେ ଶୁଭଶ୍ରୀ । ହେଲେ କୌଣସି କାର୍ଯ୍ୟାନୁଷ୍ଠାନ ନିଆନଯବିାରୁ ଆଜି ମାନବାଧିକାର କମିଶନଙ୍କ ଦ୍ୱାରସ୍ଥ ହେଇଛନ୍ତି ଶୁଭଶ୍ରୀ ।
‘ଭୋଜି କରିବାକୁ ଡାକି ନେଇ ମୋ ପୁଅକୁ ହତ୍ୟା କରିଛନ୍ତି’
ଭୁବନେଶ୍ୱର: ସସପେନ୍ସରେ ମନୀଷ ଅନୁରାଗ ଡେଥ୍ ମିଷ୍ଟ୍ରି । ଦିନକ ପରେ ବି ମୃତ୍ୟ କାରଣ ଅସ୍ପଷ୍ଟ ଥିବାବେଳେ, ଘଟଣା ଉପରୁ ପରଦା ହଟାଇ ପାରିନି ପୋଲିସ । ହୋଟେଲ ସାଉଥସିଟି ଥିଲା ମନୀଷଙ୍କ ଶେଷ ଲୋକେସନ । ପୋଲିସର ସ୍ପେଶାଲ ଟିମ ହୋଟେଲରେ ଯାଞ୍ଚ କରିବା ପ୍ରମାଣ ପାଇଁ ବାରକୁ ସିଲ କରିଛି । ସେପଟେ ପୁଅକୁ ହତ୍ୟା କରାଯାଇଥିବା ନେଇ ଭିଡିଓ ଜରିଆରେ ଅଭିଯୋଗ କରିଛନ୍ତି ବରିଷ୍ଠ ସାମ୍ବାଦିକ ନବୀନ ଦାଶ ।
ମନୀଷ, ମୃତ୍ୟୁ ଓ ସସପେନ୍ସ । କେମିତି ହେଲା ମୃତ୍ୟୁ, ଖିଅ ଖୋଜୁଛି ପୋଲିସ । ଦିନକ ପରେ ବି ମୃତ୍ୟୁର କାରଣ ଅସ୍ପଷ୍ଟ । ଭିସେରା ଓ ଡାଏଟମ ଟେଷ୍ଟ ପାଇଁ ନମୁନା ପଠାଇଲା ପୋଲିସ । ମନୀଷଙ୍କ ଲାଷ୍ଟ ଲୋକେସନ ଥିଲା ହୋଟେଲ ସାଉଥସିଟି । ବାପା ନବୀନ ଦାଶ ଆଣିଲେ ହତ୍ୟା ଅଭିଯୋଗ । ହୋଟେଲ ସାଉଥ ସିଟି ଚଢାଉ କରିଛି ସେଶ୍ପାଲ ଟିମ । ବୈଷୟିକ ତଥ୍ୟ ଓ ପ୍ରମାଣ ଜାଣିବା ପାଇଁ ସିସିଟିଭି ଫୁଟେଜ ଯାଞ୍ଚ କରିବା ସିହ ହାର୍ଡ ଡିସ୍କ ଜବତ କରାଯାଇଛି । ତଦନ୍ତ ଓ ପ୍ରମାଣ ଲାଗି ବାରକୁ ସିଲ କରିଛି ପୋଲିସ । ଏପରିକି କିଛି ବାର କର୍ମଚାରୀଙ୍କୁ ପୋଲିସ ଅଟକ ରଖିଛି । ଏପରିକି କୋଭିଡ ଗାଇଡଲାଇନ ଉଲଘଂନ କରି ବାର ଚଲାଇଥିବାରୁ ଅବକାରୀ ଓ ବିଏମସିକୁ ଅବଗତ କରିଛି ପୋଲିସ । ପୋଖରୀ ପାଣିରେ ମନୀଷଙ୍କ ମୃତ୍ୟୁ ହୋଇଛି ନା ଅନ୍ୟ ସ୍ଥାନରେ ହତ୍ୟା କରି ପୋଖରୀରେ ଫିଙ୍ଗି ଦିଆଯାଇଛି, ତାହା ଜାଣିବା ପାଇଁ ଡାଏଟମ ଟେଷ୍ଟ କରିବ ପୋଲିସ । ଏଥିପାଇଁ ପୋଖରୀର ପାଣିର ସାମ୍ପୁଲ ସଂଗ୍ରହ କରିଛି । ସେହିଭଳି ମୃତ୍ୟୁ ପୂର୍ବରୁ କଣ ଖାଇଥିଲେ ଜାଣିବା ପାଇଁ ଭିସେରା ଟେଷ୍ଟ କରିବା ପାଇଁ ନମୁନା ପଠାଇଛି ପୋଲିସ । ନବୀନ ଦାଶଙ୍କ ତଥ୍ୟ ଆଧାରରେ ପୋଲିସ ତଦନ୍ତ ଜାରି ରଖିଛି ।
ପୁଅକୁ ହତ୍ୟା କରାଯାଇଥିବା ନେଇ ଅଭିଯୋଗ ଆଣିଛନ୍ତି ବରିଷ୍ଠ ସମ୍ବାଦିକ ନବୀନ ଦାସ । ଭୋଜି କରିବାକୁ ଡାକି ନେଇ ସାଙ୍ଗମାନେ ତାକୁ ମାରି ଦେଇଛନ୍ତି । ଗତକାଲି ପୁଅର ମୃତଦେହ ଉଦ୍ଧାର ପରେ ଭିଡିଓ ରିଲିଜ୍ କରି କୋହ ଭରା କଣ୍ଠରେ କହିଛନ୍ତି ନବୀନ ଦାସ । ରବିବାର ଭୋର ୪ଟା ୧୩ ରେ ତାର ଶେଷ ଫୋନ୍ ପାଇଥିଲି । ତାକୁ କିଏ ମାରଧର କରୁଥିବା ସେ କହୁଥିଲା । ଏହାପରେ ପୋଖରୀ ଭିତରୁ ମୃତ୍ୟୁ ଦେହ ମିଳିଥିଲା । ଆଉ ମାସକ ପରେ ମୋ ପୁଅର ବାହାଘର ହୋଇଥାନ୍ତା । ପୁଲିସ୍ କମିଶନରସୌମେନ୍ଦ୍ର ପ୍ରିୟଦର୍ଶୀ ଫୋନ୍ କରି ଅପରାଧୀଙ୍କୁ ଧରିବାକୁ ପ୍ରତିଶ୍ରୁତି ଦେଇଛନ୍ତି ।
https://www.youtube.com/watch?v=_ipjddjfvb0

