ଭୁବନେଶ୍ୱର: କମେଣ୍ଟ ମରାକୁ କେନ୍ଦ୍ର କରି ବିଜେବି କଲେଜ ପରିସରରେ ଗୋଷ୍ଠୀ ସଂଘର୍ଷ। ଗତକାଲି ସନ୍ଧ୍ୟାରେ ଉତ୍କଳ ବିଶ୍ଵବିଦ୍ୟାଳୟ ପରିସରରେ ଛାତ୍ର ଅଶାନ୍ତି ଘଟଣାକୁ ୨୪ ଘଣ୍ଟା ପୁରିନଥିବା ବେଳେ ଆଜି ପୁଣି ବିଜେବି କଲେଜରେ ଛାତ୍ର ଅଶାନ୍ତି ଦେଖିବାକୁ ମିଳିଛି। ଦୁଇ ହଷ୍ଟେଲ ଆମ୍ବେଦକର ଓ ଖାରବେଳ ହଷ୍ଟେଲର ଛାତ୍ର ମାନଙ୍କ ମଧ୍ୟରେ ଗୋଷ୍ଠୀ ସଂଘର୍ଷ ଘଟିଛି।

ଏଥିରେ ପାଖାପାଖି ୨୦ ଜଣ ଆହତ ହୋଇଛନ୍ତି। ବଡଗଡ଼ ଥାନା ପକ୍ଷରୁ ୩୦ ଜଣଙ୍କୁ ଅଟକ ରଖାଯାଇଛି। କମେଣ୍ଟ ମରାକୁ କେନ୍ଦ୍ର କରି ଏଭଳି ହୋଇଥିବା ଜଣାପଡିଛି। ଏହାସହ ଜାତିଆଣ ଆକ୍ଷେପ ଯୋଗୁ ସଂଘର୍ଷ ତୀବ୍ରତର ହୋଇଛି। କଲେଜ ସାମ୍ନାରେ ଧାରଣାରେ ବସି ରହିଛନ୍ତି ଶତାଧିକ ଛାତ୍ରଛାତ୍ରୀ।

କଟକ: କଟକ ପାଲଟିଛି ନକଲି ସାମଗ୍ରୀ ବ୍ୟବସାୟର ଆଡ୍ଡାସ୍ଥଳୀ। କେତେବେଳେ ନକଲି ତେଲ ଘିଅ ଜବତ ହେଲାଣିତ ପୁଣି କେତେବେଳେ ନକଲି ମସଲା ହେଲାଣି ଜବତ। ଯେଉଁଥିପାଇଁ ଏବେ ନକଲି ସାମଗ୍ରୀ ତିଆରି କରୁଥିବା ଲୋକଙ୍କ ପାଇଁ କଟକ ଚରାଭୂଇଁ ପାଲଟିଛି। ଏବେ ପୁଣି କଟକରୁ ଜବତ ହୋଇଛି ନକଲି ଚା। କୁଇଣ୍ଟାଲ କୁଇଣ୍ଟାଲ ନକଲି ଚା ନଷ୍ଟ କଲା କଟକ ସଦର ଥାନା ପୋଲିସ।

କିଛି ଦିନ ପୂର୍ବେ ସଦର ଥାନା ପୋଲିସ କାଜିପାଟଣା ରେ ଏକ ଗୋଦାମ ଉପରେ ଚଢ଼ାଉ କରି କୁଇଣ୍ଟାଲ କୁଇଣ୍ଟାଲ ନକଲି ଚା କୁ ଜବତ କରିଥିଲା। ଆଜି କୋର୍ଟର ନିର୍ଦ୍ଦେଶ କ୍ରମେ ପୋଲିସ ଫୁଡ଼ ସେଫଟି ଅଫିସର, ମାଜିଷ୍ଟ୍ରେଟ ଉପସ୍ଥିତ ରେ ୪୦ କୁଇଣ୍ଟାଲ  ନକଲି ଚା କୁ ମୁକାମେସ୍ୱର କାଠଯୋଡି ନଦୀ କୂଳରେ ନଷ୍ଟ କଲା କମିଶନରେଟ ପୋଲିସ। ଆନୁମାନିକ ମୂଲ୍ୟ ୩୦ଲକ୍ଷରୁ ଉର୍ଦ୍ଧ୍ୱ ହେବ ବୋଲି ପୋଲିସ ପକ୍ଷରୁ ସୂଚନା ମିଳିଛି।

ଗଞ୍ଜାମ: ଆତ୍ମାହୁତି ଉଦ୍ୟମ ପରେ ପୁନଃନିଯୁକ୍ତି ପାଇଲେ ଅତିଥି ଅଧ୍ୟାପକ। ଖଲ୍ଲିକୋଟ ବିଶ୍ଵବିଦ୍ୟାଳୟରେ ଏପରି ଘଟଣା ଘଟିଛି। ଚାକିରି ହରାଇଥିବା ଅର୍ଥନୀତି ବିଭାଗ ଅତିଥି ଅଧ୍ୟାପକ ଡକ୍ଟର ବିଭୂତି ଭୂଷଣ ପାତ୍ର ଗତକାଲି ଆତ୍ମାହୁତି ଉଦ୍ୟମ କରିଥିଲେ। ରେଜିଷ୍ଟ୍ରାର ଏବଂ ଅନ୍ୟ କର୍ମଚାରୀମାନେ ତାଙ୍କୁ ଉଦ୍ଧାର କରି ନେଇଥିଲେ। ବିଶ୍ୱବିଦ୍ୟାଳୟରେ ଏକ ସ୍ୱତନ୍ତ୍ର କମିଟିର ନିଷ୍ପତ୍ତି ପ୍ରକାରେ ତାଙ୍କୁ ପୁନଃନିଯୁକ୍ତି ଦିଆଯାଇଥିବା କୁଳପତି ପ୍ରଫେସର ପ୍ରଫୁଲ୍ଲ କୁମାର ମହାନ୍ତି କହିଛନ୍ତି।

ପୁର୍ବରୁ ପାଠ ପଢ଼ାକୁ ନେଇ ହୋଇଥିବା ଅଭିଯୋଗକୁ ଭିତ୍ତି କରି ତାଙ୍କୁ ଚାକିରିରୁ ଅନ୍ତର କରାଯାଇଥିଲା। ୨୦୧୫ରୁ ୫ବର୍ଷ ଧରି ଅତିଥି ଅଧ୍ୟାପକ ଭାବେ ଅର୍ଥନୀତି ବିଭାଗର ଡକ୍ଟର ବିଭୂତି ଭୂଷଣ ପାତ୍ର କାର୍ଯ୍ୟ କରି ଆସୁଥିଲେ। ୨୦୨୧ ଜାନୁଆରୀ ମାସରେ ତାଙ୍କ ନାରେ ଅଭିଯୋଗ କରିଥିଲେ ଛାତ୍ରଛାତ୍ରୀ। ଏହା ପରେ ତାଙ୍କୁ କାର୍ଯ୍ୟରୁ ଅନ୍ତର କରାଯାଇଥିଲା।

ତାଙ୍କୁ ପୁଣି ନିଯୁକ୍ତି ଦିଆଯାଇଛି। ତେବେ ଆତ୍ମାହୁତି ଉଦ୍ୟମ ନେଇ ପୋଲିସ ଖବର ପାଇ ଘଟଣାସ୍ଥଳକୁ ଆସି ବିଭୂତିଙ୍କୁ ଥାନାକୁ ନେଇ ପଚରାଉଚରା କରିଛି ଓ ଏକ ମାମଲା ରୁଜୁ କରିବା ସହ ନୋଟିସ କରି ଛାଡ଼ିଛି।

ପୁରୀ: ପୁରୀରେ କିନ୍ନର ଓ ପୋଲିସ ମଧ୍ୟରେ ମାଡ଼ ମରାମରି। ଏହି ମାଡ଼ ମରାମରି ଘଟଣା ଘଟିଛି ପୁରୀ ସୁବାଷ ବୋଷ ଛକ ନିକଟରେ। ଭିଡିଓ ରେ ଦୁଇ କିନ୍ନରଙ୍କ ସହ ପୋଲିସ କର୍ମଚାରୀଙ୍କ ମୁଥା ମରାମରି ଓ ମାରପିଟ ର ଦୃଶ୍ୟ ଏବେ ଭାଇରଲ ହେବାରେ ଲାଗିଛି। ଗତକାଲି ବିଳମ୍ବିତ ରାତିରେ ପୁରୀରେ ଘଟିଛି ଏଭଳି ଅଭାବନୀୟ ଘଟଣା। ଦୁଇଜଣ କିନ୍ନରଙ୍କ ସହ ପୋଲିସର ହାତାହାତି ହେଉଥିବାର ଭିଜୁଆଲ ଭାଇରଲ ହେବାରେ ଲାଗିଛି। କୌଣସି ଏକ କାରଣକୁ ନେଇ ପୋଲିସ୍‌ କିନ୍ନର ମାନଙ୍କୁ ଅଟକ ରଖିଥିଲା।

ତେବେ ନିର୍ଦ୍ଧିଷ୍ଠ ଭାବରେ ଅଟକ ରଖିବାର କୌଣସି ସ୍ପଷ୍ଟ କାରଣରେ ପୋଲିସ କିନ୍ନର ମାନଙ୍କୁ ପୋଲିସ ଅଟକାଇ ନଥିବା ଦର୍ଶାଇ କିନ୍ନର ମାନେ ପୋଲିସର ଅଟକ ରଖିବାକୁ ବିରୋଧ କରିଥିଲେ। ବିରୋଧ ଯୋଗୁଁ ଉଭୟଙ୍କ ମଧ୍ୟରେ ବଚସା ହୋଇଥିଲା ଏବଂ ପରବର୍ତୀ ସମୟରେ ହାତାହାତି ଯାଏ କଥା ଯାଇଥିଲା। ତେବେ ହାତାହାତିରେ ପୋଲିସ ଓ କିନ୍ନର ଉଭୟ ଆହତ ହୋଇଛନ୍ତି। ତେବେ ପ୍ରାଥମିକ ଭାବେ ଯାହା ଜଣାପଡିଛି ଉଭୟ କିନ୍ନରଙ୍କୁ ସମୁଦ୍ର କୂଳ ଥାନାରେ ଅଟକ ରଖାଯାଇଛି। ଏଥିସହ ଘଟଣାର ସତ୍ୟାସତ୍ୟ କଣ ରହିଛି ପୋଲିସ ପକ୍ଷରୁ ଅନୁସନ୍ଧାନ ଜାରି ରହିଛି। ତେବେ କିନ୍ନରଙ୍କ ସହ ପୋଲିସର ଏଭଳି ଧସ୍ତାଧସ୍ତିର ଭିଡିଓ ପୁରୀ ସହରରେ ଚର୍ଚ୍ଚାର ବିଷୟ ପାଲଟିଛି।

ବୁର୍ଲା: ବୁର୍ଲା ପୋଲିସ ନକଲି ନୋଟ କାରବାରରେ ୨ଜଣଙ୍କୁ ଅଟକ ରଖିବା ସହ ୧୨୩୦୦ ଟଙ୍କାର ନକଲି ନୋଟ ଓ ନମ୍ବର ବିହିନୀ ପଲସର ଗାଡି ଜବତ କରିଛି। ସୂଚନା ଅନୁସାରେ ଗତକାଲି ପଦ୍ମପୁର ଅଂଚଳର ଶ୍ୟାମସୁନ୍ଦର ସାହୁ ଅଟୋ ଡ୍ରାଇଭର ସନାତନ ବାଗକୁ ୨୦୦ ଟଙ୍କା ଦେଇ ଅଟୋ ଭଡା ନେଇଥିଲେ।

ହେଲେ ସମ୍ପୃକ୍ତ ନୋଟ ନକଲି ଲାଗିବାରୁ ଅଟୋଡ୍ରାଇଭର ସନାତନ ପୋଲିସକୁ ଖବର ଦେଇଥିଲେ। ପୋଲିସ ଅଭିଯୁକ୍ତ ଶ୍ୟାମ ସୁନ୍ଦର ସାହୁ ଓ ତାର ସହଯୋଗୀକୁ ଅଟକ ରଖି ପଚାରଉଚୁରା କରିବାରୁ ତାଙ୍କର ପାଖରୁ ୧୨୩୦୦ ଟଙ୍କାର