spot_img
Home Blog Page 5134

ରାଜନୈତିକ ଲାଭ ଉଠାଇବାକୁ ସିଦ୍ଧୁ ମିଛ ପ୍ରଚାର କରୁଛନ୍ତି: ଦେଓଲ

ଲୁଧିଆନା: ପୂର୍ବତନ କ୍ରିକେଟର ତଥା ପଞ୍ଜାବ କଂଗ୍ରେସ ଅଧ୍ୟକ୍ଷ ନବଜ୍ୟୋତ ସିଂ ସିଦ୍ଧୁଙ୍କ ବିରୋଧରେ ମିଛ ପ୍ରଚାର ଅଭିଯୋଗ । ପଞ୍ଜାବ ଏଜି ଏପିଏସ ଦେଓଲ ଆଣିଛନ୍ତି ଏମିତି ଅଭିଯୋଗ । ରାଜେନୖତିକ ଫାଇଦା ନେବାକୁ ସିଦ୍ଧୁ ମିଛ ପ୍ରଚାର କରିବା ସହ କଂଗ୍ରେସ ଦଳର ଛବି ଖରାପ କରୁଛନ୍ତି ବୋଲି ଦେଓଲ ଏକ ସାମ୍ବାଦିକ ସମ୍ମିଳନୀରେ ଅଭିଯୋଗ କରିଛନ୍ତି ।

ସୂଚନାଯୋଗ୍ୟ, ୨୦୧୫ ପୋଲିସ୍ ଫାୟରିଙ୍ଗ ଓ ଅସହିଷ୍ଣୁ ମାମଲା କଥା ଉଠାଇ ସିଦ୍ଧୁ ଦେଓଲଙ୍କ ଇସ୍ତଫା ଦାବି କରିଥିଲେ । ସିଦ୍ଧୁ ବାରମ୍ବାର ଡ୍ରଗ୍ସ ଓ ଅସହିଷ୍ଣୁ ମାମଲା କଥା ଉଠାଇ ପରେ ଦେଓଲ ତାଙ୍କୁ ସମାଲୋଚନା କରିଛନ୍ତି । ସେ କହିଛନ୍ତି, ‘ରାଜ୍ୟ ସରକାର ମାମଲାକୁ ଗମ୍ଭୀରତାର ସହ ନେଇଥିବା ବେଳେ ଅଭିଯୁକ୍ତଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଉପରେ ଗୁରୁତ୍ବ ଦେଉଛନ୍ତି । ହେଲେ ମାମଲାକୁ ପଥଭ୍ରଷ୍ଟ କରିବାକୁ ସିଦ୍ଧୁ ଚେଷ୍ଟା କରୁଛନ୍ତି ।’

ସେ ଅଭିଯୋଗ କରି କହିଛନ୍ତି, ‘ଆସନ୍ତା ବର୍ଷ ପଞ୍ଜାବରେ ବିଧାନସଭା ନିର୍ବାଚନ ହେବ । ଏହା ପୂର୍ବରୁ ସିଦ୍ଧୁ ରାଜେନୖତିକ ଲାଭ ନେବାକୁ ମିଛ ପ୍ରଚାର କରୁଛନ୍ତି ।’

ସୂଚନାଯୋଗ୍ୟ, ଗତ ୧ ତାରିଖରେ ଦେଓଲ ଇସ୍ତଫା ଦେଇ ଦେଇଥିଲେ । ଏହାର ପରଦିନ ନିଜ ଇସ୍ତଫା ଖବରକୁ ଖାରଜ କରିବା ସହ ପଦ ଛାଡୁ ନଥିବା କହିଥିଲେ ।

ମୋବାଇଲ ଆପର ଶିକାର ହୋଇ ମୁମ୍ବାଇରୁ ଗୋଆ ପହଁଚିଲା ୧୩ ବର୍ଷର ନାବାଳକ

0

ମହାରାଷ୍ଟ୍ର : ମହାରାଷ୍ଟ୍ରର ଠାଣେ ଜିଲ୍ଲାରେ ଏଭଳି ଏକ ଘଟଣା ସାମ୍ମାକୁ ଆସିଛି ଯାହା ସମସ୍ତଙ୍କୁ ଚକିତ କରିଦେବ  । ଜଣେ ୧୩ ବର୍ଷର ବାଳକ ନିଜ ଘର ମୁମ୍ବାଇରୁ ଲୁଚି ପଳାଇ ଗୋଆରେ ପହଁଞ୍ଚିଥିଲା  । ଠାଣେ ଜିଲ୍ଲାର ବଦଲାପୁରରେ ରହୁଥିବା ୧୩ ବର୍ଷର ଏହି ବାଳକ ମୋବାଇଲ ଆପର ଭୁଲ୍ ଶିକାର ହୋଇ ଏଭଳି କାର୍ଯ୍ୟ କରିଥିବା ଜଣାପଡ଼ିଛି  । ସେ ଅନ୍ୟ କୈାଣସି କାରଣରୁ ଘରୁ ବାହାରିଥିବା ବେଳେ ଏହି ମୋବାଇଲ ଆପ ଯୋଗୁଁ ଗୋଆ ପହଁଞ୍ଚିଥିବା ଜଣାପଡ଼ିଛି  ।

ବଦଲାପୁର ଥାନାରେ ମାମଲା ରୁଜ୍ଜୁ ହେବା ପରେ ସାଇବର ସେଲର ସହଯୋଗରେ ପୋଲିସର ବିଶେଷ ଟିମ୍ ବାଳକଟିକୁ ସୁରକ୍ଷିତ ଭାବେ ତା’ ପରିବାର ନିକଟରେ ପହଁଞ୍ଚାଇଥିଲା  । ଏହି ସବୁ ଘଟଣାରୁ ଏହା ଜଣାପଡ଼ୁଛିଯେ ପ୍ରତ୍ୟେକ ମୋବାଇଲ ଆପ୍ ଉପକାରରେ ଆସୁନଥିବା ବେଳେ ଅନେକ ଆପ୍ ନାବାଳକମାନଙ୍କୁ କ୍ଷତି ପହଁଞ୍ଚାଇବା ସହ ଜୀବନ ପ୍ରତି ବିପଦ ସୃଷ୍ଚି କରେ  । ବଦଲାପୁରର ଏହି ୧୩ ବର୍ଷର ବାଳକ ୩୧ ଅକ୍ଟୋବର ‘ଡିସ୍କାର୍ଡ’ ଆପର ଏକ ଗ୍ରୁପ୍ ଚର୍ଚ୍ଚାର ଶିକାର ହେବାରୁ ଏହି ଆପ୍ ତାକୁ ଗୋଆ ଯିବାକୁ ପ୍ରେରିତ କରିଥିଲା ।

ପରିବାର ଲୋକେ କହିଲେ ଏ ସବୁ ଥଟ୍ଟାମଜା ବୋଲି ଭାବିଲୁ :

ଗୋଆ ଯିବା ପୂର୍ବରୁ ସେ ନିଜ ପରିବାର ଲୋକଙ୍କୁ ଏ ବିଷୟରେ ଜଣାଇଥିଲା  । ମାତ୍ର ଏତେ କମ୍ ବୟସ ପିଲା ସମସ୍ତଙ୍କ ସାଙ୍ଗେ ଥଟ୍ଟାମଜା କରୁଛି ବୋଲି ପରିବାର ସଦସ୍ୟ ଭାବିଥିଲେ  । ଏଭଳି କାରନାମା ସେ କରିପାରେ ବୋଲି ସେମାନେ ବିଶ୍ୱାସ କରୁନଥିଲେ । ତେଣୁ ସେମାନେ ପିଲାଟିର କଥାକୁ ଏତେ ଗୁରୁତ୍ୱ ଦେଇନଥିଲେ  । ପରେ ଯେତେବେଳେ ବିଳମ୍ବ ରାତି ଯାଏ ସେ ଆସିନଥିଲା ସେତେବେଳେ ପରିବାର ଲୋକେ ଥାନାରେ ଏକ ମାମଲା ରୁଜ୍ଜୁ କରିଥିଲେ  । ପୋଲିସ ତଦନ୍ତ ବେଳେ ଅନଲାଇନ ଆପ୍ ‘ଡିସ୍କାର୍ଡ’ କଥା ଜାଣିବାକୁ ପାଇଥିଲା  । ପୋଲିସ ଟିମ୍ ଖୋଜାଖୋଜି କରି ପିଲାକୁ ଗୋଆର କଲଂଗୁଟଠାରେ ପାଇଥିଲେ  ।

ଘଟଣାର ତଦନ୍ତ ବେଳେ ପୋଲସି ମଧ୍ୟ ଆଶ୍ଚର୍ଯ୍ୟ :

ଗୋଆ ପୋଲିସ କାରଣରୁ ପିଲାଟିକୁ ଖୋଜି ପାଇବା ସହଜ ହୋଇଥିଲା  । କାରଣ ଗୋଆ ପୋଲିସ ଠାଣେ ପୋଲିସ ପିଲାଟିର ଠିକଣା ପାଇପାରିଥିଲା  । ଗୋଆ ପୋଲିସ ପିଲାଟିକୁ ପାଇବା ପରେ ସୁରକ୍ଷିତ ଭାବେ ମୁମ୍ବାଇ ଠାଣେକୁ ପଠାଇଥିଲା  । ମୋବାଇଲରେ ଏହିଭଳି ଆପର ଶିକାର ନ ହେବା ପାଇଁ ୧୩ ବର୍ଷର ବାଳକ ସମସ୍ତଙ୍କୁ ନିବେଦନ କରିବା ସହ ଯଦି କେହି ଏଭଳି ଆପର ଶିକାର ହୁଅନ୍ତି ତେବେ ପୋଲିସର ନିଶ୍ଚୟ ସହାୟତା ନିଅନ୍ତୁ ବୋଲି କହିଛି  ।

 

ଠିକା ଏବଂ ଆଉଟସୋର୍ସିଂ କର୍ମଚାରୀଙ୍କ ବଢ଼ିଲା ଦରମା: ଜାଣନ୍ତୁ କିଏ ପାଇବେ କେତେ ଟଙ୍କା?

ଭୁବନେଶ୍ୱର: ଠିକା ଏବଂ ଆଉଟସୋର୍ସିଂ କର୍ମଚାରୀଙ୍କ ପାଇଁ ଖୁସି ଖବର । କ୍ୟାବିନେଟ୍ ମଞ୍ଜୁରୀ ପରେ ଦରମା ବଢ଼ାଇଲେ ରାଜ୍ୟ ସରକାର । ଏ ନେଇ ଅର୍ଥ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । ଅର୍ଥ ବିଭାଗ ବିଜ୍ଞପ୍ତି ଅନୁଯାୟୀ,  ୮୦୭୦ଟଙ୍କା ପାଉଥିବା କର୍ମଚାରୀ ପାଇବେ ୧୦,୧୦୦ଟଙ୍କା ପାଇବେ, ସେହିଭଳି ୮୩୯୦ଟଙ୍କା ପାଉଥିବା କର୍ମଚାରୀଙ୍କୁ ମିଳିବ ୧୦,୫୦୦ଟଙ୍କା । ୮୭୫୦ଟଙ୍କା ପାଉଥିବା କର୍ମଚାରୀ ପାଇବେ ୧୦,୯୦୦ଟଙ୍କା, ୮୮୮୦ଟଙ୍କା ପାଉଥିବା କର୍ମଚାରୀଙ୍କ ଦରମା ହେଲା ୧୧,୧୦୦, ମାସିକ ୯ହଜାର ଟଙ୍କା ପାଉଥିବା କର୍ମଚାରୀ ପାଇବେ ୧୧,୨୦୦, ୯୨୫୦ଟଙ୍କା ପାଉଥିବା କର୍ମଚାରୀଙ୍କୁ ମିଳିବ ୧୧,୫୦୦ଟଙ୍କା, ୯୫୦୦ଟଙ୍କା ପାଉଥିବା କର୍ମଚାରୀଙ୍କୁ ମିଳିବ ୧୧,୯୦୦ଟଙ୍କା, ୧୦ହଜାର ଟଙ୍କା ମାସିକ ପାଉଥିବା କର୍ମଚାରୀ ପାଇବେ ୧୨,୫୦୦, ୧୦ହଜାର ଟଙ୍କା ମାସିକ ପାଉଥିବା କର୍ମଚାରୀ ପାଇବେ ୧୨,୫୦୦ ଓ ୧୬୮୮୦ଟଙ୍କା ପାଉଥିବା କର୍ମଚାରୀଙ୍କୁ ମିଳିବ ୨୧,୧୦୦ଟଙ୍କା । ବର୍ଦ୍ଧିତ ଦରମା ଚଳିତ ମାସ ପହିଲାରୁ ଲାଗୁ ହେବ । ଏହି କର୍ମଚାରୀଙ୍କ ଦରମା ବୃଦ୍ଧି ନେଇ ହୋଇଥିଲା କ୍ୟାବିନେଟ ନିଷ୍ପତ୍ତି ।

ଏଥିସହିତ ପଢ଼ନ୍ତୁ: ଭବିଷ୍ୟତ ପିଢ଼ି ପାଇଁ ତିଆରି ହେଉଛି ଓଡ଼ିଶା, କିନ୍ତୁ ସବୁ ବିକି ଦେବାକୁ ବସିଛନ୍ତି କେନ୍ଦ୍ର ସରକାର: ପ୍ରଣବ

 

ନ୍ୟୁଜିଲାଣ୍ଡକୁ ହରାଇ ପାରିବ କି ଆଫଗାନିସ୍ତାନ?

0

ଦୁବାଇ: ଚଳିତ ଟି-୨୦ ବିଶ୍ବକପରେ ସେମିଫାଇନାଲ ଖେଳିବା ଭାରତ ପାଇଁ କଷ୍ଟକର ହୋଇ ପଡ଼ିଛି । ଭାରତ ଚଳିତ ବିଶ୍ବକପ ସେମିଫାଇନାଲ ଖେଳିବାକୁ ହେଲେ କିଛି ଚମତ୍କାରିତ ଆବଶ୍ୟକ । କାହିଁକି ନା ଭାରତ ଚଳିତ ଟି-୨୦ ବିଶ୍ବକପର ପ୍ରଥମ ଦୁଇଟି ମ୍ୟାଚରେ ଶୋଚନୀୟ ପରାଜୟ ବରଣ କରିଥିଲା । ଯାହା ଫଳରେ ସେମିଫାଇନାଲ ଯିବା ଆଶା ଭାରତ ପାଇଁ କ୍ଷୀଣ ହୋଇଯାଇଥିଲା । କିନ୍ତୁ ପ୍ରଥମ ଦୁଇଟି ମ୍ୟାଚରେ ଶୋଚନୀୟ ପରାଜୟ ପରେ ଲଗାତର ଦୁଇଟି ମ୍ୟାଚରେ ବିଜୟଲାଭ କରି ପୁଣି ଥରେ କମବ୍ୟାକ କରିଛି ଟିମ୍ ଇଣ୍ଡିଆ । ଆଫଗାନିସ୍ତାନ ଓ ସ୍କଟଲାଣ୍ଡକୁ ପରାସ୍ତ କରି ପୁଣି ଥରେ ସେମିକୁ ଯିବ ପାଇଁ ଆଶା କରିଛି ବିରାଟ ବ୍ରିଗେଡ । କିନ୍ତୁ ଭାରତ ସେମିଫାଇନାଲ ଖେଳିବା ପାଇଁ ଆଫଗାନିସ୍ତାନ ଉପରେ ନିର୍ଭର କରିବ । କାହିଁକି ନା ଆସନ୍ତାକାଲି ହେବାକୁ ଥିବା ନ୍ୟୁଜିଲାଣ୍ଡ ଓ ଆଫଗାନିସ୍ତାନ ମ୍ୟାଚରେ ଆଫଗାନିସ୍ତାନ ଯଦି ବିଜୟ ଲାଭ କରେ ତାହାଲେ ଭାରତ ସେମିଫାଇନାଲକୁ ଯାଇପାରିବ ।

ଯଦି ଆଫଗାନିସ୍ତାନ କଥା କହିବା ତାହାଲେ ଆଫଗାନିସ୍ତାନ ବିଗତ କିଛି ବର୍ଷ ମଧ୍ୟରେ ଦମଦାର କ୍ରିକେଟ ଖେଳୁଛି ।  ଖାସ୍ କରି ଟି-୨୦ରେ ଆଫଗାନିସ୍ତାନ ଦଳ ଭଲ ପ୍ରଦର୍ଶନ କରୁଛି । ଯଦି ଅନୁଭବ କଥା କହିବା ତାହାଲେ ନ୍ୟୁଜିଲାଣ୍ଡ ପାଖରେ ଆଫଗାନିସ୍ତାନଠାରୁ ଅଧିକ ଅନୁଭବ ରହିଛି । କିନ୍ତୁ ଟି-୨୦ରେ କେଉଁ ମ୍ୟାଚ କିଏ ଜିତିବ ତାହା କହି ହେବ ନାହିଁ । ଆଫଗାନିସ୍ତାନର ବଳ ହେଉଛି ତାଙ୍କ ବୋଲର ।  ରସିଦ ଖାନ, ମୁଜିବ ଉର ରେହମାନ ଓ ମହମ୍ମଦ ନବିଙ୍କ ଯାଦୁଗରୀ ବୋଲିଂ ବଡ଼ ବଡ଼ ବ୍ୟାଟ୍ସମ୍ୟାନ ଆଣ୍ଠେଇ ଦେଇଛନ୍ତି । ତେବେ ଆହତ କାରଣରୁ ନ୍ୟୁଜିଲାଣ୍ଡ ବିପକ୍ଷ ମ୍ୟାଚରେ ମୁଜିବ ଖେଳିବେ କି ନାହିଁ ତାହା ଏବେ ଦ୍ବନ୍ଦରେ । ତେବେ ମୁଜିବଙ୍କ ଆହାତ କାରଣରୁ ରବିଚନ୍ଦ୍ରନ ଅଶ୍ବିନ ମଜ୍ଜାକରେ କହିଥିଲେ କି ମୁଜିବ ଠିକ୍ ହେବା ପାଇଁ ଆମେ ଆମ ଫିଜିଓଙ୍କ ପଠାଇ ପାରିବୁ ।

ତେବେ ଆଫଗାନିସ୍ତାନ ବ୍ୟାଟିଂ କଥା ଯଦି କହିବା ତାହାଲେ ଆଫଗାନିସ୍ତାନ ଦଳର ବ୍ୟାଟିଂ ତାଙ୍କ ଓପନିଂ ବ୍ୟାଟ୍ସମ୍ୟାନଙ୍କ ଉପରେ ବେଶ୍ ନିର୍ଭର କରେ । କାହିଁକି ନା ମହମ୍ମଦ ଶେହଜାଦ ଧୁଆଁଧାର ବ୍ୟାଟିଂ କରନ୍ତି । କିନ୍ତୁ ଚଳିତ ବିଶ୍ବକପରେ ନିଜର ଜଲଓ୍ବା ଦେଖାଇ ପାରିନାହନ୍ତି ଶେହଜାଦ । ତେବେ ଯଦି ଶେହଜାଦ ଓ ଆଫଗାନିସ୍ତାନର ବ୍ୟାଟିଂ ଆସନ୍ତା ନ୍ୟୁଜିଲାଣ୍ଡ ବିପକ୍ଷ ମ୍ୟାଚରେ ଦମଦାର ପ୍ରଦର୍ଶନ କରେ ତାହାଲେ ଏହି ମ୍ୟାଚକୁ ଆଫଗାନିସ୍ତାନ ନିଶ୍ଚୟ ଭାବରେ ବିଜୟ ଲାଭ କରିବ । ଯଦି ଆସନ୍ତା ମ୍ୟାଚ ଆଫଗାନିସ୍ତାନ ବିଜୟ ଲାଭ କରେ ତାହାଲେ ଭାରତ ସେମିଫାଇନାଲ ଯାଇପାରିବ । କିନ୍ତୁ ଯଦି ଆଫଗାନିସ୍ତାନ ଏହି ମ୍ୟାଚକୁ ପରାଜୟ ବରଣ କରେ ତାହାଲେ ନ୍ୟୁଜିଲାଣ୍ଡ ୮ ପଏଣ୍ଟ ସହ ସେମିଫାଇନାଲକୁ ପ୍ରବେଶ କରିବ ଏବଂ ଭାରତ ସେମିଫାଇନାଲ ରେସରୁ ବାହାରି ଯିବ । ତେଣୁ ଭାରତ ସେମି ରେସରେ ରହିବାକୁ ହେଲେ ଆସନ୍ତାକାଲି ଆଫଗାନିସ୍ତାନ ମ୍ୟାଚ ବିଜୟଲାଭ କରିବା ନିହାତି ଦରକାର ।

 

ବଟି ଆଦାୟ ମାମଲା: ୧୪ ଦିନିଆ ବିଚାର ବିଭାଗୀୟ ହାଜତକୁ ଗଲେ ଦେଶମୁଖ

ମୁମ୍ବାଇ: ବଟି ଆଦାୟ ମାମଲାରେ ମହାରାଷ୍ଟ୍ର ପୂର୍ବତନ ଗୃହମନ୍ତ୍ରୀ ଅନୀଲ ଦେଶମୁଖଙ୍କୁ ୧୪ ଦିନିଆ ବିଚାର ବିଭାଗୀୟ ହାଜତକୁ ପଠାଇଲେ କୋର୍ଟ ।  ଦେଶମୁଖଙ୍କୁ ଅଧିକ ୯ ଦିନି ରିମାଣ୍ଡରେ ନେବାକୁ ଇଡି ପକ୍ଷରୁ ହୋଇଥିବା ଆବେଦନକୁ କୋର୍ଟ ଖାରଜ କରିବା ସହ ଦେଶମୁଖଙ୍କୁ ହାଜତକୁ ପଠାଇ ଦେଇଛନ୍ତି ।

୧୨ ଘଣ୍ଟାର ପଚରାଉଚରା ପରେ ଗତ ସୋମବାର ରାତିରେ ଇଡି ଦେଶମୁଖଙ୍କୁ ଗିରଫ କରିଥିଲା । ମଙ୍ଗଳବାର କୋର୍ଟ ଦେଶମୁଖଙ୍କୁ ୬ ତାରିଖ ଅର୍ଥାତ ଆଜି ପର୍ଯ୍ୟନ୍ତ ରିମାଣ୍ଡରେ ନେବାକୁ ଇଡିକୁ ଅନୁମତି ଦେଇଥିଲେ ।  କେବଳ ଦେଶମୁଖ ନୁହେଁ ଏହି ମାମଲାରେ ଇଡି କୁନ୍ଦନ ସିନ୍ଧେ ଏବଂ ସଞ୍ଜୀବ ପାଲାଣ୍ଡେଙ୍କୁ ମଧ୍ୟ ଗିରଫ କରିଛି ।

ସୂଚନାଯୋଗ୍ୟ, ଗତ ମାର୍ଚ୍ଚରେ ପରମବୀର ସିଂଙ୍କୁ ମୁମ୍ବାଇ ପୋଲିସର କମିଶନର ପଦରୁ ହଟାଇ ହୋମଗାର୍ଡ ଡିଜି କରାଯାଇଥିଲା । ଏହାପରେ ପରମବୀରଙ୍କ ଏକ ଚିଠି ପଦାକୁ ଆସିଥିଲା । ଚିଠିଟି ସେ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କୁ ଲେଖିଥିଲେ । ଚିଠିରେ ସେ ଦାବି କରିଥିଲେ ଯେ, ଅନୀଲ ଦେଶମୁଖ ଗୃହମନ୍ତ୍ରୀ ଥିବାବେଳେ ସଚିନ୍ ଓ୍ବାଜେଙ୍କୁ ପ୍ରତିମାସ ୧୦୦ କୋଟି ଦେବାକୁ ଦାବି କରିଥିଲେ । ଏହାସହ ପୋଲିସ ଅଧିକାରୀଙ୍କ ବଦଳି ଓ ପୋଷ୍ଟିଂ ପାଇଁ ଦେଶମୁଖ ଟଙ୍କା ନେଉଥିବା ଅଭିଯୋଗ ହୋଇଥିଲା ।

୫ ଥର ସମନ ପରେ ଗତ ସୋମବାର ଇଡିରେ ହାଜର ହୋଇଥିଲେ ଦେଶମୁଖ । ଗୃହମନ୍ତ୍ରୀ ଥିବା ବେଳେ ଦେଶମୁଖ ପଦବୀର ଅପବ୍ୟବହାର କରି ପୋଲିସ ଅଧିକାରୀ ସଚିନ ଓ୍ବାଜେଙ୍କୁ ପ୍ରତିମାସ ୧୦୦ କୋଟି ଦେବାକୁ ଦାବି କରିବା ଓ ତାଙ୍କୁ ବରଖାସ୍ତ କରିବା, ବିଭିନ୍ନ ବାର୍ ଓ ରେଷ୍ଟୁରାଣ୍ଟରୁ ୪.୭୦ କୋଟି ଟଙ୍କା ବଟି ଆଦାୟ କରିବାକୁ ନେଇ ଇଡି ମାମଲା ରୁଜୁ କରି ତଦନ୍ତ ଚଲାଇଛି ।

ଭବିଷ୍ୟତ ପିଢ଼ି ପାଇଁ ତିଆରି ହେଉଛି ଓଡ଼ିଶା, କିନ୍ତୁ ସବୁ ବିକି ଦେବାକୁ ବସିଛନ୍ତି କେନ୍ଦ୍ର ସରକାର: ପ୍ରଣବ

ନବରଙ୍ଗପୁର: ବିଜେଡି ସାଂଗଠନିକ ସାଧାରଣ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ଟାର୍ଗେଟରେ କେନ୍ଦ୍ର ସରକାର । କହିଲେ, ଭାଷଣରେ ନୁହେଁ କାମରେ ବିଶ୍ବାସ କରନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଭବିଷ୍ୟତ ପିଢ଼ି ପାଇଁ ତିଆରି ହେଉଛି ଓଡିଶା । କିନ୍ତୁ ସବୁ ବିକି ଦେବାକୁ ବସିଛନ୍ତି କେନ୍ଦ୍ର ସରକାର । ଭାତ ହାଣ୍ଡିରେ ଆସି ମାଡ଼ ପଡ଼ିଲାଣି । ଏଭଳି ସରକାର ବିରୋଧରେ ନବରଙ୍ଗପୁରର ଉପାନ୍ତ ରାୟଘରରୁ ମୟୂରଭଞ୍ଜ ରାସଗୋବିନ୍ଦପୁର ଯାଏଁ ଆନ୍ଦୋଳନ ହେବ ଚେତାଇ ଦେଇଛନ୍ତି ପ୍ରଣବ ।

ଶନିବାର ନବରଙ୍ଗପୁରରେ ଆୟୋଜିତ ମିଶ୍ରଣ ପର୍ବରେ ସେ ଆହୁରି କହିଛନ୍ତି, ବିଜେଡି ଏକମାତ୍ର ଦଳ ଯିଏ ସମସ୍ତଙ୍କୁ ଆଦର କରେ ଆଉ ସମ୍ମାନ ଦିଏ । ୨୪ ଘଣ୍ଟା ଲୋକଙ୍କ ପାଇଁ କାମ କରୁଛନ୍ତି ମୁଖ୍ୟମନ୍ତ୍ରୀ । କେନ୍ଦ୍ର ସରକାର ଷୋଷଣର ସରକାର । ୧୯୯୯ ମହାବାତ୍ୟା ଆଉ ଏବେର ଓଡିଶାକୁ ଦେଖିଲେ ସ୍ପଷ୍ଟ ଜଣାଡୁଛି । ଯେଉଁ ଜାହାଜରେ ଦିନେ ରାଜ୍ୟବାସୀଙ୍କ ପାଇଁ ଚିରା ଲୁଗା ଆସୁଥିଲା ସେହି ଜାହାଜରେ ଅନ୍ୟ ରାଜ୍ୟକୁ ଅକ୍ସିଜେନ ଯାଉଛି । କାଳିଆ, ମମତା ଭଳି ରାଜ୍ୟର ଯୋଜନାକୁ କେନ୍ଦ୍ର ଅନୁକରଣ କରୁଛି । ଖୁବଶୀଘ୍ର ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନାକୁ ଅନୁକରଣ କରିବ କେନ୍ଦ୍ର । ଏକମାତ୍ର ବିଜେଡି ହିଁ ଲୋକଙ୍କୁ ସଶକ୍ତ କରୁଛି । କେବଳ ଭାଷଣରେ ବିଶ୍ବାସ କରୁଥିବା ଦଳ ନୁହେଁ ବିଜେଡି । ଚାଷୀଙ୍କ କଷ୍ଟ ଉପାର୍ଜିତ ଚାଉଳ ଉଠାଉନାହିଁ କେନ୍ଦ୍ର । ଚାଷୀଙ୍କୁ ଦେଶରୁ ସଫା କରିଦେବାକୁ ବସିଲେଣି । ଗତ ଦେଢ ବର୍ଷ ହେଲା ଦିଲ୍ଲୀରେ ଯାହା ଚାଲିଛି ତାହା ସାରା ଦେଶ ଦେଖୁଛି । ସମୟ ଆସିଛି ଏବେ ବିଜେପି ନେତାଙ୍କୁ ଭୋଟ ନେଇଛ ହକ ଫେରାଅ ବୋଲି ଦାବି ହେଉ । କେବଳ ବଡ ବଡ ଭାଷଣ ଦେଇଦେଲେ ହେବନି ବୋଲି କହିଛନ୍ତି ପ୍ରଣବ ।

ସାର କାହାର ଦାୟିତ୍ବ । କାହିଁକି ଚାଷୀଙ୍କୁ ସାର ମିଳୁନି ବୋଲି ସେ ପ୍ରଶ୍ନ କରିଛନ୍ତି । ବିଜେପିକୁ କେବଳ କ୍ଷମତା ଦରକାର । କ୍ଷମତା ମିଳିଲେ ବିମାନବନ୍ଦର ବିକି ଦେବେ, ଏୟାର ଇଣ୍ଡିଆ ବିକ୍ରି ହେବ, ନାଲକୋ ବି ବିକ୍ରି ହୋଇଯିବ । ନବୀନ ପଟ୍ଟନାୟକଙ୍କ ଆଭିମୁଖ୍ୟ ହେଉଛି କଥା କମ କାମ ବେଶି । ବିଜେପିର ଆଭିମୁଖ୍ୟ କାମ ନାହିଁ, ଭାଷଣ ବେଶି । ରାଜ୍ୟର ସାଢେ ଚାରି କୋଟି ଲୋକଙ୍କୁ ନିଜ ମାଲିକ ଓ ପରିବାର ବୋଲି ଭାବନ୍ତି ନବୀନ । ବିଜେପିଙ୍କୁ କଡା ସମାଲୋଚନା କରି ସେ କହିଛନ୍ତି ଯେ, ଲୋକଙ୍କ ହୃଦୟରେ ରହୁଥିବା ଲୋକଙ୍କୁ ବାସନ୍ଦ କରିବାର ଧମକ ଦେଉଛନ୍ତି ବିରୋଧୀ । କେବଳ ଶୁଖିଲା ଭାଷଣର ଦଳ ହେଉଛି ବିଜେପି । କେବଳ ଟ୍ବିଟ କରି ବାହାବା ନେବା ହିଁ ଏକମାତ୍ର ଲକ୍ଷ୍ୟ । କେନ୍ଦ୍ରୀୟ ସହଯୋଗ ପ୍ରସଙ୍ଗରେ ପ୍ରଣବ କହିଛନ୍ତି ଯେ, ଆମ ପଇସା ଆମକୁ ଦେଉଛ, କିଛି ଦାନ କରୁନ ।

ଏଥିସହିତ ପଢ଼ନ୍ତୁ: ‘ପୀଡ଼ିତାଙ୍କ ପାଇଁ ନାହିଁ ଦୟା କି ସହାନୁଭୂତି, ନିର୍ବାଚନ ଆସିଲେ ବିଜେପିକୁ ମନେ ପଡ଼ନ୍ତି’: ବିଜେଡି

 

ଦୀପାବଳିରେ ହୋଲି ଶୁଭେଛା ଦେଲେ ପାକିସ୍ତାନ ସିନ୍ଧ ମୁଖ୍ୟମନ୍ତ୍ରୀ

କରାଚୀ: ଖବର ଦୁଇ ଦିନ ପୁରୁଣା କିନ୍ତୁ ଏହି ଖବରରୁ ଜଣା ପଡୁଛି ଯେ, ସଂଖ୍ୟାଲଘୁଙ୍କ ପାଇଁ କୁମ୍ଭୀର କାନ୍ଦଣା କାନ୍ଦୁଥିବା ପାକିସ୍ତାନରେ ସଂଖ୍ୟାଲଘୁଙ୍କୁ କେତେ ଗୁରୁତ୍ୱ ଦିଆଯାଏ । ସୁରକ୍ଷା କଥା ଛାଡନ୍ତୁ ସେଠାକାର ସରକାର ନିଜ ନାଗରିକଙ୍କ ଧର୍ମର ମୁଖ୍ୟ ପର୍ବ ବାବଦରେ କିଛି ମଧ୍ୟ ଜାଣନ୍ତି ନାହିଁ । ଯାହାର ଉଦାହରଣ ଦୀପାବଳି ଦିନ ଦେଖିବାକୁ ମିଳିଛି । ଦୀପାବଳିରେ ପାକିସ୍ତାନର ଗୋଟିଏ ରାଜ୍ୟର ଜଣେ ମୁଖ୍ୟମନ୍ତ୍ରୀ ନିଜ ରାଜ୍ୟର ହିନ୍ଦୁଙ୍କୁ ଦୀପାବଳି ଦିନ ହୋଲିର ଶୁଭେଛା ଜଣାଇ ଟ୍ରୋଲ୍ ହୋଇଛନ୍ତି । କିନ୍ତୁ କଥା ଏତିକିରେ ସରିନାହିଁ, ଏହି ମୁଖ୍ୟମନ୍ତ୍ରୀ ଜଣକ କ୍ଷମା ନମାଗି ଟ୍ୱିଟ୍ ଡିଲିଟ୍ କରିଦେଇଛନ୍ତି.. ଆସନ୍ତୁ ଜାଣିବା କିଏ ସେହି ମୁଖ୍ୟମନ୍ତ୍ରୀ ଓ ପାକିସ୍ତାନର ହିନ୍ଦୁ କେମିତି ଅଛନ୍ତି ।

ଗତ ୪ ତାରିଖରେ ସାରା ବିଶ୍ୱରେ ହିନ୍ଦୁ ଧର୍ମର ଲୋକମାନେ ଦୀପାବଳି ଉତ୍ସବ ପାଳନ କରିଛନ୍ତି । ପାକିସ୍ତାନରେ ମଧ୍ୟ ହିନ୍ଦୁମାନେ ଦୀପାବଳି ପାଳନ କରିଛନ୍ତି। ତେବେ ଏହି ଅବସରରେ ପାକିସ୍ତାନର ସିନ୍ଧ ପ୍ରଦେଶର ମୁଖ୍ୟମନ୍ତ୍ରୀ ସଂଖ୍ୟା ଲଘୁଙ୍କୁ ଟ୍ୱିଟ୍ କରି ଶୁଭେଚ୍ଛା ଜଣାଇଛନ୍ତି। ହେଲେ ଦୀପାବଳିର ନୁହେଁ ସେ ହୋଲିର ଶୁଭେଚ୍ଛା ଜଣାଇଛନ୍ତି । କଥାଟି ଟିକେ ଅଡ଼ୁଆ ଲଗୁଥିବ।

ବାସ୍ତବରେ ସିନ୍ଧ ମୁଖ୍ୟମନ୍ତ୍ରୀ ମୁରାଦ ଅଲୀ ଶାହଙ୍କ ଟ୍ୱିଟର ହାଣ୍ଡେଲରୁ ଏକ ପୋଷ୍ଟ ଶେଆର୍ ହୋଇଥିଲା, ଏଥିରେ ତାଙ୍କର ଗୋଟିଏ ଫଟୋ ରହିବା ସହ ‘ହ୍ୟାପି ହୋଲି’ ଲେଖାଯାଇଥିଲା। ଯାହାକି ସମସ୍ତଙ୍କ ଦୃଷ୍ଟି ଆକର୍ଷଣ କରିଚି । ଅବଶ୍ୟ କିଛି ସମୟ ଭିତରେ ହିଁ ସେ ଏହାକୁ ଡିଲିଟ କରି ଦେଇଥିଲେ। ହେଲେ ସେତେବେଳକୁ ଅନେକ ଲୋକ ଏହାର ସ୍କ୍ରିନ ଶଟ୍‌ ନେଇ ସାରିଥିଲେ। ଏବେ ଏହା ସୋଶାଲ ମିଡିଆରେ ଭାଇରାଲ ହେବାରେ ଲାଗିଛି। ଆଉ ବିଭିନ୍ନ ମହଲରେ ତାଙ୍କୁ ସମାଲୋଚନା ହି କରାଯାଉଛି ।

ମୁରାଦଙ୍କ ପୋଷ୍ଟର ସ୍କ୍ରିନ ଶଟ୍‌କୁ ପାକିସ୍ତାନର ଜଣାଶୁଣା ସାମ୍ବାଦିକ ମୁର୍ତାଜା ସୋଲାଙ୍ଗି ନିଜ ଟ୍ୱିଟର ହ୍ୟାଣ୍ଡେଲରୁ ଶେଆର୍ କରିଛନ୍ତି । ଆଉ ଲେଖିଛନ୍ତି ଯେ ସିନ୍ଧରେ ପାକିସ୍ତାନର ସବୁଠାରୁ ଅଧିକ ସଂଖ୍ୟକ ହିନ୍ଦୁ ରୁହନ୍ତି। କିନ୍ତୁ ଦୁଃଖର ବିଷୟ ଯେ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରେ କାମ କରୁଥିବା ଅଧିକାରୀମାନେ ଦୀପାବଳି ଓ ହୋଲି ମଧ୍ୟରେ ଥିବା ପାର୍ଥକ୍ୟକୁ ଜାଣି ନାହାନ୍ତି।

କେବଳ ଏତିକି ନୁହେଁ, ପୋଷ୍ଟଟି ଡିଲିଟ ହେବାପରେ ମୁର୍ତାଜା ଆଉ ଏକ ଟ୍ୱିଟ୍ କରି ଲେଖିଛନ୍ତି,  ‘କ୍ଷମାପ୍ରାର୍ଥନା କାହିଁ? କ୍ଷମା ମାଗି ନପାରି ଏହି ପୋଷ୍ଟକୁ ଡିଲିଟ କରାଯାଇଛି। ଏହା ଏକ ସାମାନ୍ୟ ତ୍ରୁଟି ନୁହେଁ ବରଂ ଏକ ବଡ଼ ଭୁଲ । ଭୁଲ ଜଣେ ବ୍ୟକ୍ତି ଦ୍ୱାରା କରାଯାଇଥାଏ ଏକ ସଂସ୍ଥା ଦ୍ୱାରା ନୁହେଁ । ‘

ଜଣାଇଦେବାକୁ ଚାହୁଁ ଯେ ପାକିସ୍ତାନର ସିନ୍ଧ ପ୍ରଦେଶରେ ସର୍ବାଧିକ ହିନ୍ଦୁ ବସବାସ କରନ୍ତି ଏବଂ ହିନ୍ଦୁ ଧର୍ମ ହେଉଛି ସିନ୍ଧର ଦ୍ୱିତୀୟ ବୃହତ୍ତମ ଧର୍ମ । ୨୦୧୭ ମସିହାରେ ହୋଇଥିବା ଜନଗଣନା ଅନୁଯାୟୀ, ସିନ୍ଧ ପ୍ରଦେଶରେ ୪୧ ଲକ୍ଷ ୮୦ଜଣ ହିନ୍ଦୁ ଲୋକ ବାସ କରନ୍ତି, ଯାହା ସେଠାରେ ସମୁଦାୟ ଜନସଂଖ୍ୟାର ୮.୭୩ ପ୍ରତିଶତ। ବିଶେଷ କରି ଉମରକୋଟ, ତରପରକର, ମିରପୁରଖାସ ଏବଂ ସନଘର ଜିଲ୍ଲାରେ ହିନ୍ଦୁ ଲୋକଙ୍କର ସଂଖ୍ୟା ଗରିଷ୍ଠତା ରହିଛି। ସିନ୍ଧ ପ୍ରଦେଶରେ ରାମପୀର ମନ୍ଦିର, ଉମାର୍କୋଟ ଶିବ ମନ୍ଦିର ଓ ବହୁତ ପ୍ରସିଦ୍ଧ ହିନ୍ଦୁ ମନ୍ଦିର ବି ରହିଛି।

ପରଲୋକରେ କ୍ରିକେଟ ଜଗତର ଦ୍ରୋଣାଚାର୍ଯ୍ୟ ତାରକ ସିହ୍ନା

ନୂଆଦିଲ୍ଲୀ: ପରଲୋକରେ ଭାରତୀୟ କ୍ରିକେଟର ବରିଷ୍ଠ କୋଚ୍ ତରକ ସିହ୍ନା। ଦୀର୍ଘ ଦିନ ଧରି ଅସୁସ୍ଥତା କାରଣରୁ ଚିକିତ୍ସିତ ହେଉଥିଲେ ତାରକ । କିନ୍ତୁ ଦୀର୍ଘ ଦିନର ଚିକିତ୍ସା ପରେ ଆଜି ଭୋର ୩ ଟାରେ ମୃତ୍ୟୁ ବରଣ କରିଥିଲେ ତାରକ । କିଛି ଦିନ ହେବ ଫୁସଫୁସ୍ କ୍ୟାନସରରେ ପୀଡିତ ଥିଲେ ତାରକ । ତେବେ ଆଜି ତାଙ୍କ ମୃତ୍ୟୁ ହୋଇଥିବା ନେଇ ବରିଷ୍ଠ କ୍ରୀଡା ସାମ୍ବାଦିକ ବିଜୟ ଲୋକପାଲ୍ଲୀ ଟୁଇଟ କରି କହିଛନ୍ତି । ମୃତ୍ୟୁ ବେଳକୁ ତାଙ୍କୁ ୭୧ ବର୍ଷ ବୟସ ହୋଇଥିଲା ।

ତାରକ ସିହ୍ନା ଦିଲ୍ଲୀର ସୋନେଟ କ୍ରିକେଟ କ୍ଲବକୁ ଚଳାଉଥିଲେ । ତାରକଙ୍କଠାରୁ କୋଚିଂ ନେଇ ୧୨ ଜଣ କ୍ରିକେଟର ଭାରତ ପାଇଁ ଖେଳିଥିବା ବେଳେ ୧୦୦ରୁ ଅଧିକ ଖେଳାଳି ପ୍ରଥମ ଶ୍ରେଣୀ କ୍ରିକେଟରେ ନିଜର ଜଲଓ୍ବା ଦେଖାଇଛନ୍ତି । ଆକାଶ ଚେପ୍ରା, ଆଶିଷ ନେହେରା, ଶିଖର ଧାଓ୍ବନ, ଅଞ୍ଜୁନ ଚେପ୍ରାଙ୍କ ଠାରୁ ଆରମ୍ଭ କରି ଋଷଭ ପନ୍ତ ପର୍ଯ୍ୟନ୍ତ ଏହି ସମସ୍ତ ଅନ୍ତର୍ଜାତୀୟ ଖେଳାଳି ହେଉଛନ୍ତି ତାରକଙ୍କ ଶିଷ୍ୟ । ଭାରତରେ ଅନେକ କ୍ରିକେଟ କୋଚ ଅଛନ୍ତି କିନ୍ତୁ ତାରକ ସିହ୍ନା ଥିଲେ ଏସମସ୍ତଙ୍କୁ ଭିନ୍ନ । ଶ୍ରୀ ସିହ୍ନା ଦିଲ୍ଲୀ ଜାତୀୟ ଦଳର କୋଚ ଭାବରେ ୧୯୮୫-୮୬ରେ ଦାୟିତ୍ବ ଗ୍ରହଣ କରିଥିଲେ । ତାଙ୍କ କୋଚିଂରେ ଦିଲ୍ଲୀ ରଣଜୀରେ ଚମ୍ପିଆନ ମଧ୍ୟ ହୋଇଥିଲେ ।

ଯେତେବେଳେ ବିସିସିଆଇ ତାଙ୍କୁ ଜାତୀୟ ମହିଳା ଦଳର ଅଧିନାୟକ କୋଚ ଭାବରେ ନିଯୁକ୍ତି ଦିଆଯାଇଥିଲା ସେ ସମୟରେ ତାଙ୍କ ଅଭିଜ୍ଞତାକୁ ଠିକ୍ ଭାବରେ ବ୍ୟବହାର କରିନଥିଲା । ସେ ବହୁ ଯୁବ ତାରକାଙ୍କ ସହ କାମ କରିଥିଲେ ଯେଉଁମାନଙ୍କ ମଧ୍ୟରେ ଥିଲେ ଦ୍ରୁତ ବୋଲର ଝୁଲଣ ଗୋସ୍ବାମୀ ଓ ମିତାଲି ରାଜ । ତାରକଙ୍କ ପାଇଁ ସୋନେଟ ଏକାଡେମୀ ଥିଲା ଏକ ପରିବାର । ତାଙ୍କ କୋଚିଂରେ ଥିଲା ଅନ୍ୟ ଏକ ଗୁରୁରତ୍ବପୂର୍ଣ୍ଣ ଦିଗ ଥଲା ସେ କୗଣସି ଛାତ୍ରଙ୍କୁ ଅବହେଳା କରୁନଥିଲେ ।

ଭାରତୀୟ କ୍ରିକେଟ ପ୍ରତି ତାଙ୍କ ଅବଦାନ ପାଇଁ ୨୦୧୮ ମସିହାରେ ତାଙ୍କୁ ଦ୍ରୋଣାଚାର୍ଯ୍ୟ ପୁରସ୍କାର ମିଳିଥିଲା । ସେ ପଞ୍ଚମ ଭାରତୀୟ କୋଚ ଭାବରେ ଏହି ପୁରସ୍କାର ପାଇଥିଲେ । ତାରକଙ୍କ ବ୍ୟତୀତ ଦେଶ ପ୍ରେମ ଆଜାଦ, ଗୁରୁଚରଣ ସିଂ, ରମାକାନ୍ତ ଆର୍ଚେକର ଓ ସୁନୀତା ଶର୍ମାଙ୍କୁ ଦ୍ରୋଣାଚାର୍ଯ୍ୟ ପୁରସ୍କାର ମିଳିଛି । ୯୦ ଦଶକ ପରେ ସେ ଭାରତୀୟ କ୍ରିକେଟକୁ କିଛି ଉନ୍ନତ ଧରଣର ଖେଳାଳି ତାଙ୍କଠାରୁ କୋଚିଂ ନେଇ ଭାରତ ପାଇଁ ଖେଳିଥିଲେ । ସେମାନ ହେଉଛନ୍ତି ଆକାଶ ଚୋପ୍ରା, ଭାରତୀୟ ମହିଳା ଦଳର ପୂର୍ବତନ ଅଧିନାୟକ ଅଞ୍ଜୁନ ଚୋପ୍ରା, ଅଲରାଉଣ୍ଡର ରୁମେଲି ଧର, ପେସର ଆଶିଷ ନେହେରା, ଶିଖର ଧାଓ୍ବନ ଓ ବର୍ତ୍ତମାନ ଭାରତୀୟ ଦଳର ତାରକା ଋଷଭ ପନ୍ତ ।

 

୨ରୁ ୧୮ ବର୍ଷ ପିଲାଙ୍କଠାରେ ପ୍ରୟୋଗ ହେବ କୋଭାକ୍ସିନ

୨ରୁ ୧୮ବର୍ଷ ପିଲାଙ୍କଠାରେ ଶୀଘ୍ର ପ୍ରୟୋଗ ହୋଇପାରେ କୋଭାକ୍ସିନ । ୫୨୬ ପିଲାଙ୍କଠାରେ ପ୍ରୟୋଗ ପାଇଁ ନିଆଯାଇଛି ନିଷ୍ପତ୍ତି  । ଏଥିପାଇଁ ଆମେରିକାର ଏଫଡିଏ ନିକଟରେ ଆବେଦନ କରାଯାଇଛି  । ଅକ୍ୟୁଜେନର ସିଇଓ ଶଙ୍କର ମୁସୁନୁରୀଙ୍କ ସୂଚନାନୁସାରେ ଜରୁରିକାଳୀନ ବ୍ୟବହାର ନିମନ୍ତେ ଅନୁମତି ଦେବା ସକାଶେ ଆମେରିକା ଔଷଧ ଓ ଖାଦ୍ୟ ପ୍ରଶାସନ ବା ଏଫଡିଏ ନିକଟରେ ଆବେଦନ କରିଛି ଭାରତ ବାୟୋଟେକର ଆମେରିକା ସହଭାଗୀ ସଂସ୍ଥା ଅକ୍ୟୁଜେନ । ଭାରତ ବାୟୋଟେକର କୋଭିଡ-୧୯ କ୍ଲିନିକାଲ ହେଡ୍ ରାଚେଶ ଇଲ୍ଲା ନିଜ ଟ୍ୱିଟରେ ଲେଖିଛନ୍ତିଯେ ପିଲାମାନଙ୍କ ସୁରକ୍ଷା ପାଇଁ କୋଭାକ୍ସିନ ନିଶ୍ଚୟ ଆସିବା ଜରୁରୀ  । ଆମେରିକାର ଏଫଡିଏ ନିକଟରେ ଭାରତ ବାୟୋଟେକ୍ ପକ୍ଷରୁ ଏହା ଆବେଦନ କରାଯାଇଛି  ।

ଏହି ଭ୍ୟାକ୍ସିନ ପିଲାଙ୍କ ଭିତରେ ରୋଗପ୍ରତିରୋଧକ ଶକ୍ତି ବଢ଼ାଇବା ସହ ଏଥିରେ କୈାଣସି ପାର୍ଶ୍ୱ ପ୍ରତିକ୍ରିୟା ମଧ୍ୟ ନାହିଁ  । ଆମେରିକା ବାହାରେ ୨ରୁ ୧୮ ବର୍ଷ ପିଲାଙ୍କଠାରେ ଏହା ପ୍ରୟୋଗ କରାଯାଇଥିବାରୁ ଏହାର ଅନୁମତି ଲାଗି ଆବେଦନ କରାଯାଇଛି  । ଏହି ଭ୍ୟାକ୍ସିନେସନ ପ୍ରକ୍ରିୟା ୨ରୁ ୩ଟି ଫେଜରେ ହେବ  ।

୧୮ ବର୍ଷରୁ ଉର୍ଦ୍ଧ୍ୱ ବ୍ୟକ୍ତିଙ୍କୁ ଭ୍ୟାକ୍ସିନ ଦିଆଯାଉଥିବା ବେଳେ ବର୍ତ୍ତମାନ ୨ରୁ ୧୮ ବର୍ଷ ପିଲାଙ୍କୁ କୋଭାକ୍ସିନ ଦିଆଯିବାର ଅନୁମତି ମିଳିବାର ଆଶା ଅଛି ବୋଲି ରାଚେଶ ଇଲ୍ଲା କହିଛନ୍ତି  ।

ଡିଜେଲ ଦର ହ୍ରାସ ପାଇବା ପରେ କମିଲା ବସଭଡ଼ା

କଟକ: ରାଜ୍ୟରେ ଡିଜେଲ ଦର ହ୍ରାସ ପାଇବା ପରେ କମିଲା ବସ ଭଡ଼ା । ରାଜ୍ୟ ପରିବହନ ବିଭାଗ ପକ୍ଷରୁ ଜାରି ହୋଇଥିବା ଏକ ନୋଟିସରେ ଏନେଇ ଉଲ୍ଲେଖ ରହିଛି । ୫ରୁ ୧୫ ପଇସା ପର୍ଯ୍ୟନ୍ତ ବସ୍ ଭଡ଼ା କମାଇଛି ପରିବହନ ବିଭାଗ ।

ସାଧାରଣ ବସ୍ ଭଡ଼ା କିଲୋମିଟରକୁ ୫ ପଇସା କମିଟି । ପୂର୍ବରୁ ୯୨ ପଇସା ପ୍ରତି କିଲୋମିଟର ଥିବାବେଳେ ଏବେ ୮୭ ପଇସା ହୋଇଛି । ସେହିପରି ଏକ୍ସପ୍ରେସ ବସ୍ ଭଡା ୫ ପଇସା କମି କିଲୋମିଟରକୁ ୯୧ ପଇସା ହୋଇଛି । ଡିଲକ୍ସ ଭଡ଼ା ୧୦ ପଇସା କମି କିଲୋମିଟରକୁ ୧୨୫ ହୋଇଥିବା ବେଳେ ଏସି ଡିଲକ୍ସ ଭଡ଼ା ୧୦ ପଇସା କମି ୧୫୩ ପଇସା ହୋଇଛି । ସେହିପରି ସୁପର ପ୍ରିମିୟର ୧୫ ପଇସା କମି କିଲୋମିଟର ପିଛା ୨୩୮ ପଇସା ହୋଇଛି ।

ସୂଚନାଯୋଗ୍ୟ, ଅକ୍ଟୋବର ମାସରେ ଡିଜେଲ ଲିଟର ୧୦୨ ଟଙ୍କା ପର୍ଯ୍ୟନ୍ତ ପହଞ୍ଚି ଯାଇଥିଲା । କେନ୍ଦ୍ର ଓ ରାଜ୍ୟ ସରକାର ମୂଲ୍ୟ ହ୍ରାସ କରିବା ପରେ ଏବେ ଏହାର ମୂଲ୍ୟ ୯୧ ଟଙ୍କାକୁ ଖସି ଆସିଛି । ଏହାକୁ ଦୃଷ୍ଟିରେ ରଖି ରାଜ୍ୟ ପରିବହନ ବିଭାଗ ବସ୍ ଭଡ଼ା କମାଇଛି ।