spot_img
Home Blog Page 5097

ପ୍ରଫେସନାଲ ତଦନ୍ତ କରୁଛି ପୋଲିସ, DIG କହିଲେ ମମିତା ଯାଇ ନାହାଁନ୍ତି ରାୟପୁର

ବଲାଙ୍ଗୀର: ମମିତା ମେହେର ହତ୍ୟା ଘଟଣାରେ ସାମ୍ବାଦିକ ସମ୍ମିଳନୀ କରିଚନ୍ତି ଉତ୍ତରାଞ୍ଚଳ ଡିଆଇଡି ଦୀପକ କୁମାର  । ପୋଲିସର ତଦନ୍ତକୁ ନେଇ ଉଠୁଥିବା ପ୍ରଶ୍ନବାଚୀ ଉପରେ ପ୍ରତିକ୍ରିୟା ରଖିଛନ୍ତି  । ପୋଲିସ ପ୍ରଫେସନାଲ କାର୍ଯ୍ୟ କରୁଛି  । ଘଟଣାକୁ ଗୁରୁତ୍ୱର ସହ ନେଇଛି ଏବଂ ତଦନ୍ତ ଯେଉଁ ଦିଗରେ ଯିବା କଥା ପୋଲିସ ତାର କର୍ତ୍ତବ୍ୟ ସୂଚାରୁ ରୂପେ ନିଭାଇଛି  ।

ପ୍ରେସମିଟରେ ଉତ୍ତରାଞ୍ଚଳ ଡିଆଇଜି କହିଛନ୍ତି , ବର୍ତ୍ତମାନ ପର୍ଯ୍ୟନ୍ତ ପୋଲିସ ଜାରି ରଖିଥିବା ତଦନ୍ତରେ କେବଳ ଦୁଇ ଜଣ ଦୋଷୀ ରହିଛନ୍ତି  । ମମିତା ମେହେରକୁ ହତ୍ୟା କରିବାରେ ଯେଉଁ ଦୁଇ ଜଣଙ୍କ ସମ୍ପୃକ୍ତି  ରହିଛି, ତାଙ୍କୁ ପୋଲିସ ଗିରଫ କରିଛି  । ଏବଂ ଆଇନ ଅନୁଯାୟୀ ଯାହା କରିବା ପୋଲିସର ଉତ୍ତରଦାୟିତ୍ୱ ତାହା ପୋଲିସ କରିଛି  ।

ଏହା ମମିତା ମେହେର ଗୋବିନ୍ଦ ସାହୁଙ୍କ ସହ ରାୟପୁର ଯାଇଥିବା ପ୍ରଶ୍ନକୁ ନେଇ ସ୍ପଷ୍ଟିକରଣ ରଖିଛନ୍ତି ଡିଆଇଡି  । ସେ କହିଛନ୍ତି ପୋଲିସର ତଦନ୍ତ ଭିତ୍ତିରେ ବର୍ତ୍ତମାନ ପର୍ଯ୍ୟନ୍ତ ସେପରି କିଛି ସନ୍ଦେଶ କିମ୍ବା ପ୍ରମାଣ ମିଳିନାହିଁ ଯେ, ଅଭିଯୁକ୍ତ ସହ ପିଡ଼ିତା ରାୟପୁର ଯାଇଛନ୍ତି  । ଅର୍ଥାତ ରାୟପୁର ଲିଙ୍କରେ କୌଣସି ସତ୍ୟତା ନଥିବା କହିଛନ୍ତି ଡିଆଇଡି ଜୀପକ କୁମାର  ।

ମାୟାବତୀଙ୍କ ମାଆଙ୍କ ପରଲୋକ: ଅନ୍ତିମ ସତ୍କାର ପାଇଁ ଦିଲ୍ଲୀ ପହଞ୍ଚିଲେ ମାୟାବତୀ

ଲକ୍ଷ୍ନୌ: ବହୁଜନ ସମାଜ ପାର୍ଟି ମୁଖ୍ୟ ମାୟାବତୀଙ୍କ ମାଆ ରାମରତୀଙ୍କ ୯୨ ବର୍ଷ ବୟସରେ ଦେହନ୍ତ ଘଟିଛି । ଖବର ପାଇବା ପରେ ଦିଲ୍ଲୀରେ ପହଞ୍ଚିଛନ୍ତି ମାୟାବତୀ । ସେଠାରେ ସେ ରାମରତୀଙ୍କ ଅନ୍ତିମ ସତ୍କାରରେ ଯୋଗଦେବେ । ମାୟାବତୀଙ୍କ ମାଆଙ୍କ ପରଲୋକ ଖବର ବିଏସପି ନେତା ସତୀଶ ଚନ୍ଦ୍ର ମିଶ୍ରା ଟ୍ବିଟ କରି ସୂଚନା ଦେଇଛନ୍ତି ।

ସେ ଟ୍ବିଟ କରି କହିଛନ୍ତି, ‘ହୃଦଘାତ ପରେ ମାୟାବତୀଙ୍କ ମାଆଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା । ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କର ପରଲୋକ ଘଟିଛି । ପରିବାରର ସମସ୍ତ ସଦସ୍ୟ ଆସିବା ପରେ ଆସନ୍ତାକାଲି ଦିଲ୍ଲୀରେ ଅନ୍ତିମ ସତ୍କାର କରାଯିବ ।’

ମାୟାବତୀ ଉତ୍ତର ପ୍ରଦେଶ ବିଧାନସଭା ନିର୍ବାଚନ ପ୍ରସ୍ତୁତି ଚଲାଇଥିବା ବେଳେ ଏହି ଦୁଃଖଦ ଘଟଣା ଘଟିଛି । ପ୍ରତି ଜିଲ୍ଲାରେ ମାୟାବତୀ ଏବଂ ଦଳ ପକ୍ଷରୁ ପ୍ରଚାର କରାଯାଉଥିଲା । ଏବେ କିଛିଦିନ ପାଇଁ ଏହାକୁ ବନ୍ଦ କରିବାକୁ ପଡ଼ିପାରେ । ସବୁ କର୍ମକର୍ତ୍ତା ମାୟାବତୀଙ୍କ ସହ ଛିଡ଼ା ହୋଇଥିବା ଦଳ ପକ୍ଷରୁ କୁହାଯାଇଛି ।

ହିନ୍ଦୁ ଧର୍ମକୁ ଅପହରଣ କରିନେଇଛି RSS-BJP: ମେହବୁବା ମୁଫ୍ତି    

ଜାମ୍ମୁ-କାଶ୍ମୀର: ବରିଷ୍ଠ କଂଗ୍ରେସ ନେତା ତଥା ପୂର୍ବତନ କେନ୍ଦ୍ର ମନ୍ତ୍ରୀ ସଲମାନ ଖୁର୍ସିଦଙ୍କ ବୟାନକୁ ନେଇ ରାଜନୈତିକ ମାହୋଲ ସରଗରମ ହୋଇଯାଇଛି । ତେବେ ଏହି ସମୟରେ ସଲମାନ ଖୁର୍ସିଦଙ୍କ ସମର୍ଥନରେ ଆଗକୁ ଆସିଛନ୍ତି ଜାମ୍ମୁ-କାଶ୍ମୀର ପୂର୍ବତନ ମୁଖ୍ୟମନ୍ତ୍ରୀ ମେହବୁବା ମୁଫ୍ତି । ମେହବୁବା ଭାରତୀୟ ଜନତା ପାର୍ଟି ଓ ରାଷ୍ଟ୍ରିୟ ସ୍ବଂୟ ସେବକ ସଂଘକୁ ଟାର୍ଗେଟ କରିଛି । ପିଡିପି ମୁଖ୍ୟ ମେହବୁବା ମୁଫ୍ତି କହିଛନ୍ତି କି ସାମ୍ପ୍ରଦାୟିକ ସଂଗଠନକୁ ଆଇଏସ ସହିତ ତୁଳନା କରିବା କିଛି ଭୁଲ ନୁହେଁ । ସେ କହିଛନ୍ତି କି ଆରଏସଏସ ଓ ବିଜେପି ହିନ୍ଦୁ ଧର୍ମକୁ ଅପହରଣ କରିନେଇଛନ୍ତି । ସନାତନ ଧର୍ମ ଆମକୁ ଭାଇଚାରାର ଶିକ୍ଷା ଦେଇଥାଏ । କିନ୍ତୁ ସମ୍ପ୍ରଦାୟ ମଧ୍ୟରେ ମତଭେଦ ସୃଷ୍ଟି କରିବାକୁ ଧର୍ମକୁ ବ୍ୟବହାର କରୁଛି । ମୁଫ୍ତି କହିଛନ୍ତି କି ଆଇଏସଏସ ସହିତ ସମ୍ପ୍ରାଦିୟକ ସଂଗଠନର ତୁଳନା କରିବା କିଛି ଭୁଲ ନୁହେଁ । ତେବେ ଅଯୋଧ୍ୟା ଉପରେ ଲେଖିଥିବା ବହି ଉପରେ ଉତ୍ତେଜନା ମଧ୍ୟରେ ସଲମାନ ଏକ ବୟାନ ଦେଇଛନ୍ତି । ସେ କହିଛନ୍ତି କି ଭାରତକୁ ହିନ୍ଦୁ-ମୁସଲମାନ ଏକତା ଦରକାର ନାହିଁ?

ସଲମାନ ଖୁର୍ସିଦ Sunrise Over Ayodhya ନାମରେ ଏକ ବହି ଲେଖିଛନ୍ତି । ଯାହାକୁ ନେଇ ଏବେ ରାଜନୈତିକ ମହଲରେ ଝଡ ସୃଷ୍ଟି ହୋଇଛି । କାହିଁକି ନା ସଲମାନ ଖୁର୍ସିଦ ଏହି ବହିରେ ହିନ୍ଦୁତ୍ବକୁ ଟାଗେର୍ଟ କରିଛନ୍ତି । ସଲମାନ ଖୁର୍ସିଦଙ୍କ ବହିର ୧୧୩ ନମ୍ବର ପେଜରେ ଅଧ୍ୟାୟ ହେଉଛି ‘Safron Sky’ । ଏଥିରେ ସଲମାନ ଲେଖିଛନ୍ତି କି ହିନ୍ଦୁତ୍ବ, ସାଧୁ ସନ୍ଥଙ୍କ ସନାତନ ଓ ପ୍ରାଚୀନ ହିନ୍ଦୁ ଧର୍ମକୁ ପୃଥକ କରୁଛି । ଯାହାକି ଆଇଏସଆଇଏସ ଓ ବୋକା ହରମ ଇସଲାମିକ ସଂଗଠନ ପରି । ତେବେ ସଲମାନ ଖୁର୍ସିଦଙ୍କ ଏହି ବହିକୁ ନେଇ କୋର୍ଟରେ ପହଞ୍ଚିଛି ହିନ୍ଦୁସେନା । ହିନ୍ଦୁ ସେନାର ଅଧ୍ୟକ୍ଷ ବିଷ୍ଣୁ ଗୁପ୍ତା ପଟିଆଲା କୋର୍ଟରେ ବହି ପ୍ରକାଶନ, ପ୍ରଚାର ଓ ବିକ୍ରି ଉପରେ ରୋକ୍ ଲଗାଇବାକୁ କହିଛି । ହିନ୍ଦୁ ସେନା କହିଛି କି ଏହି ବହି ହିନ୍ଦୁତ୍ବଙ୍କ ଭାବନକୁ ଦୃଢ଼ ଭାବରେ ଆଘାତ ଦେଇଛି । ତେବେ ଏହା ପୂର୍ବରୁ ସୁପ୍ରିମକୋର୍ଟର ଦୁଇ ଜଣ ଓକିଲ ଏହି ବହିକୁ ନେଇ ସଲମାନ ଖୁର୍ସିଦଙ୍କ ବିରୋଧରେ ଦିଲ୍ଲୀ ପୋଲିସ କମିସନରଙ୍କ ପାଖରେ ଅଭିଯୋଗ କରିଛନ୍ତି ।

ସଲମାନ ଖୁର୍ସିଦଙ୍କ ବହିକୁ ନେଇ ଭାରତୀୟ ଜନତା ପାର୍ଟିର ମୁଖପାତ୍ର ଗୌରବ ଭାଟିଆ କଂଗ୍ରେସକୁ ଟାର୍ଗେଟ କରିଛନ୍ତି । ସେ କହିଛନ୍ତି କି ଏହି ବହି କେବଳ ହିନ୍ଦତ୍ବଙ୍କ ଭାବନକୁ ନୁହେଁ ଏହା ପୂରା ଭାରତର ଆତ୍ମାକୁ ଗଭୀର ଆଘାତ ଦେଇଛି । ଭାରତରେ ରହି ଏତେ ସମ୍ମାନ ପାଇଲା ପରେ କଂଗ୍ରେସ ପାର୍ଟି ଏମିତି କ’ଣ ପାଇଁ କରୁଛି । ତେବେ ଏହି ଚିନ୍ତାଧାରା କୌଣସି ଏକ କଂଗ୍ରେସ ନେତାର ନୁହେଁ ଏହା ଏବେ କଂଗ୍ରେସର ଆଦର୍ଶ ବୋଲି କହିଛନ୍ତି ଗୌରବ ଭାଟିଆ ।

ମୃତ୍ୟୁ ପରେ ଆସିଲେନି ସଂପର୍କୀୟ, ଅସହାୟ ବୃଦ୍ଧାଙ୍କ ଶବ ସତ୍କାର କଲା ଓଡ଼ିଶା-ମୋ ପରିବାର

ଭୁବନେଶ୍ୱର:  ଓଡ଼ିଶା-ମୋ ପରିବାର ଦ୍ୱାରା ଏକ ଅସହାୟ ବୃଦ୍ଧାଙ୍କ ଶବ ସତ୍ୟନଗର ଶ୍ମଶାନରେ ସତ୍କାର କରାଯାଇଛି । ପ୍ରକାଶଥାଉକି, ପାର୍ବତୀ ଟୁଡ଼ୁ ନାମକ ଏକ 52 ବର୍ଷୀୟା ବୃଦ୍ଧା ଭୁବନେଶ୍ୱର ସାଲିଆ ସାହି ବସ୍ତିରେ ଏକାକୀ ବସବାସ କରୁଥିଲେ । କୌଣସି କାରଣରୁ ଗତ କାଲି 12 ତାରିଖରେ ତାଙ୍କର ମୃତ୍ୟୁ ହୋଇଯାଇଥିଲା । ତାଙ୍କ ମୃତଶରୀର ଘଣ୍ଟା ଘଣ୍ଟା ଧରି ପଡ଼ିରହିଥିଲେ ମଧ୍ୟ ତାଙ୍କର କୌଣସି ବି ଜଣେ ସଂପର୍କୀୟ ଶବ ସତ୍କାର ପାଇଁ ଆଗକୁ ଆସିନଥିଲେ । ଓଡ଼ିଶା-ମୋ ପରିବାର ସଦସ୍ୟା  ଭାରତୀ ସିଂହ ଏହି ଖବର ଜାଣିବା ପରେ ଓଡ଼ିଶା-ମୋ ପରିବାର କାର୍ଯ୍ୟାଳୟକୁ ଜଣାଇଥିଲେ ।

ପରେ ଓଡ଼ିଶା-ମୋ ପରିବାର ସଦସ୍ୟମାନେ ସେଠାରେ ପହଞ୍ଚିଥିଲେ ଏବଂ ପାର୍ବତୀଙ୍କ ଶବକୁ ସତ୍କାର କରିବାପାଇଁ ସମସ୍ତ ବ୍ୟବସ୍ଥା କରିଥିଲେ । ଏଥିପାଇଁ ବିଏମସି ରେ ଆବଶ୍ୟକୀୟ କାଗଜପତ୍ର କାର୍ଯ୍ୟ କରାଯିବା ସହ ଏକ ଆମ୍ବୁଲାନ୍ସର ବ୍ୟବସ୍ଥା କରାଯାଇ ଶବକୁ ସତ୍କାର ପାଇଁ ସତ୍ୟନଗର ଶ୍ମଶାନକୁ ନିଆଯାଇଥିଲା । ସେଠାରେ ଓଡ଼ିଶା-ମୋ ପରିବାର ସଦସ୍ୟଙ୍କ ଉପସ୍ଥିତରେ ଶବ ସତ୍କାର କରାଯାଇଥିଲା । ଓଡ଼ିଶା ମୋ ପରିବାରର ଏଭଳି କାର୍ଯ୍ୟକୁ ଯିଏ ଶୁଣୁଛି ସେ ପ୍ରଶଂସା କରୁଛି  ।

ବିଶ୍ୱ ଓଡ଼ିଶା ସମାଜ ଭାରତୀୟ ମଣ୍ଡଳ: ବିପିନ ସଭାପତି ଏବଂ ବିଜୟ ସାଧାରଣ ସମ୍ପାଦକ

ଭୁବନେଶ୍ବର: ବିଶ୍ୱ ଓଡ଼ିଶା ସମାଜ (ବିଓସ)ର ଭାରତୀୟ ମଣ୍ଡଳ ଗଠନ ହୋଇଯାଇଛି । ବିଶିଷ୍ଟ ସମାଜସେବୀ,  ସ୍ୱର୍ଯ୍ୟକ୍ଷେତ୍ର ଦାତବ୍ୟ ଫାଉଣ୍ଡେସନର ପ୍ରତିଷ୍ଠାତା ଏବଂ ମୁମ୍ବାଇ ଓଡ଼ିଆ ମହାସଂଘର ଅଧ୍ୟକ୍ଷ ଡ. ବିପିନ୍‍ ମିଶ୍ର ସଭାପତି ଦାୟିତ୍ୱ ବହନ କରିଛନ୍ତି । କବି ବିଜୟ କୁମାର ସେନାପତି ସାଧାରଣ ସମ୍ପାଦକ ଭାବେ ନିଯୁକ୍ତି ପାଇଛନ୍ତି । ଶ୍ରୀ ସେନାପତି ହାଇଦ୍ରାବାଦରେ ଅବସ୍ଥାପିତ ପ୍ରତିଷ୍ଠିତ ଶିଳ୍ପୋଦ୍ୟୋଗୀ ଏବଂ ସେଠାକାର ବାଞ୍ଜରା ହିଲ୍ସରେ ଥିବା ଶ୍ରୀଜଗନ୍ନାଥ ମନ୍ଦିରକୁ ପରିଚାଳନା କରୁଥିବା କଳିଙ୍ଗ ସାଂସ୍କୃତିକ ଟ୍ରଷ୍ଟର ସାଧାରଣ ସମ୍ପାଦକ ଭାବେ କାର୍ଯ୍ୟ ତୁଲାଉଛନ୍ତି ।

ସେହିପରି ବିଶାଖାପାଟଣା ସ୍ଥିତ ଉତ୍କଳ ସାଂସ୍କୃତିକ ସମାଜ ସଭାପତି ତଥା ସେଠାକାର ଶ୍ରୀଜଗନ୍ନାଥ ମନ୍ଦିର ପରିଚାଳନା କମିଟିର ମୁଖ୍ୟ ଜେ.କେ. ନାୟକ ଏବଂ କୋଲକାତାର ଉତ୍କଳୀୟ ମିଳିତ ମଞ୍ଚ ସଭାପତି ରବି ମହାପାତ୍ର ଉପ ସଭାପତି ପଦଭାର ଗ୍ରହଣ କରିଛନ୍ତି।ନୂଆଦିଲ୍ଲୀ ସ୍ଥିତ ଓଡ଼ିଶା ଫୋରମର ଯୁଗ୍ମ ସମ୍ପାଦକ ନିବେଦିତା ଗିରି ଏବଂ ଭୁବନେଶ୍ୱର ସ୍ଥିତ କ୍ରିୟା ଫାଉଣ୍ଡେସନର ପ୍ରତିଷ୍ଠାତ୍ରୀ ଲିଲି ଜେନାମଣି ଯୁଗ୍ମ ସାଧାରଣ ସମ୍ପାଦକ ଭାବେ ମନୋନୀତ ହୋଇଛନ୍ତି।

ନବ ନିଯୁକ୍ତ କର୍ମକର୍ତ୍ତାଙ୍କୁ ବିଓସର ଆର୍ନ୍ତରାଷ୍ଟ୍ରୀୟ ଅଧ୍ୟକ୍ଷ କିଶୋର ଦ୍ୱିବେଦୀ ଶୁଭକାମନା ଜଣାଇଛନ୍ତି । ସମସ୍ତେ ମିଳିମିଶି ସାରା ବିଶ୍ୱର ଓଡ଼ିଆ ସମ୍ପ୍ରଦାୟକୁ ଗୋଟିଏ ମଞ୍ଚରେ ଏକଜୁଟ୍‍ କରିବା, ଓଡ଼ିଶାର ଉନ୍ନତି, ୨୦୩୬ ମସିହାରେ ଓଡ଼ିଶା ଗଠନର ଶହେ ବର୍ଷ ପୂର୍ତ୍ତି ଅବସରରେ ପୁଣି ସ୍ୱର୍ଣ୍ଣାଭ ଓଡ଼ିଶା ଗଢ଼ି ତୋଳିବା, ବିଓସକୁ ଓଡ଼ିଆଙ୍କ ଘରେ ଘରେ ପହଞ୍ଚାଇବାକୁ ପ୍ରୟାସ କରିବା ବୋଲି ଶ୍ରୀଦ୍ୱିବେଦୀ କହିଛନ୍ତି ।

ଆତଙ୍କବାଦୀ ଆକ୍ରମଣ: ଆସାମ ରାଇଫଲ କମାଣ୍ଡିଂ ଅଫିସରଙ୍କ ପରିବାର ସମେତ ୭ ଜଣଙ୍କ ମୃତ୍ୟୁ

ଇମ୍ଫାଲ: ମଣିପୁରରେ ୪୬ ଆସାମ ରାଇଫଲ ଉପରେ ଆତଙ୍କବାଦୀ ଆକ୍ରମଣ ଘଟଣାରେ ୭ ଜଣଙ୍କ ମୃତ୍ୟୁ । ଆକ୍ରମଣରେ କମାଣ୍ଡିଂ ଅଫିସର କର୍ଣ୍ଣଲ ବିପ୍ଲବ ତ୍ରିପାଠୀ ଏବଂ ୪ ଜଣ ଯବାନ ସହିଦ ହୋଇଛନ୍ତି । ସେହିପରି କର୍ଣ୍ଣଲଙ୍କ ପତ୍ନୀ ଏବଂ ପୁଅର ମୃତ୍ୟୁ ଘଟିଛି । ଘଟଣା ଚୁରାଚାନ୍ଦପୁର ଜିଲ୍ଲା ସିଂଘାଟରେ ଘଟିଛି ।

ଆତଙ୍କବଦୀଙ୍କ ଆକ୍ରମଣରେ ଘଟଣା ସ୍ଥଳରେ କର୍ଣ୍ଣଲ ଏବଂ ତାଙ୍କ ପରିବାରର ମୃତ୍ୟୁ ଘଟିଥିବା ବେଳେ ପରେ ୪ ଜଣ ଯବାନ ସହିଦ ହୋଇଛନ୍ତି । ଏହି ଆକ୍ରମଣ ପାଇଁ କେହି ନିଜକୁ ଦାୟୀ କରିନଥିଲେ ବି ମଣିପୁରର ପିପୁଲ୍ସ ଲିବରେଶନ ଆର୍ମୀ ଏହି ଜଘନ୍ୟ କାଣ୍ଡ ଘଟାଇ ଥିବା ଅନୁମାନ କରାଯାଉଛି ।

କର୍ଣ୍ଣଲ ପରିବାର ଓ ଅନ୍ୟ ଯବନାମାନଙ୍କ ସହ ଫରଓ୍ବାର୍ଡ କ୍ୟାମ୍ପରୁ ଫେରୁଥିବା ବେଳେ ଆତାଙ୍କବାଦୀଙ୍କ ଆକ୍ରମଣର ଶିକାର ହୋଇଥିଲେ । କର୍ଣ୍ଣଲଙ୍କ ଗାଡ଼ି କେଉଁ ବାଟ ଦେଇ ଆସିବା ତା’ର ସୂଚନା ଆତଙ୍କବଦୀଙ୍କ ପାଖର ଥିବା ଓ ସେହି ରାସ୍ତାରେ ଆମ୍ବୁସ୍ କରି ଆତଙ୍କବାଦୀମାନେ ଅପେକ୍ଷା କରିଥିଲେ । କର୍ଣ୍ଣଲଙ୍କ ଗାଡ଼ି ପହଞ୍ଚିବା ପରେ ଆକ୍ରମଣ ଆରମ୍ଭ ହୋଇଯାଇଥିଲା ।

ଘଟଣା ପରେ ପୂରା ଅଞ୍ଚଳକୁ ସୁରକ୍ଷାକର୍ମୀ ଘେରି ରହିଛନ୍ତି । ରହି ରହି ଫାୟରିଂ ମଧ୍ୟ ହେଉଛି । ଘଟଣା ପରେ ଦୁଇ ସନ୍ଦିଗ୍ଧଙ୍କୁ ସୁରକ୍ଷାକର୍ମୀ ଅଟକ ରଖି ପଚରାଉଚରା କରିବା ପରେ ଛାଡ଼ି ଦେଇଛନ୍ତି । ଚାରିଆଡୁ ଏହି ଆକ୍ରମଣକୁ ନିନ୍ଦା କରାଯିବା ସହ ଆତଙ୍କବଦୀଙ୍କୁ ଉଚିତ ଜବାବ ଦେବାକୁ ଦାବି ଉଠୁଛି । ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଘଟଣାକୁ କଡ଼ା ଶବ୍ଦରେ ନିନ୍ଦା କରିବା ସହ ମୃତକଙ୍କ ପରିବାରକୁ ସମବେଦନା ଜଣାଇଛନ୍ତି । ଦେଶ ଜଣେ କମାଣ୍ଡିଂ ଅଫିସର, ତାଙ୍କ ପରିବାର ଓ ୫ ଜଣ ଯବାନଙ୍କୁ ହରାଇଲା ବେଶଳି ସେ କହିଛନ୍ତି ।

ଉଦଯାପିତ ହେଲା ୨ୟ ଜାତୀୟ ଯୋଗାସନ ସ୍ପୋର୍ଟସ ଚମ୍ପିୟନସିପ -୨୦୨୧

ଭୁବନେଶ୍ୱର: ରାଜଧାନୀ ଭୁବନେଶ୍ୱରରେ ଉଦଯାପିତ ହୋଇଛି ୨ୟ ଜାତୀୟ ଯୋଗାସନ ସ୍ପୋର୍ଟସ ଚମ୍ପୀୟନସିପ -୨୦୨୧ । ଗତ ୧୧ ତାରିଖ ରୁ ଆରମ୍ଭ ହୋଇଥିବା ଏହି ଯୋଗାସନ ସ୍ପୋର୍ଟସ ଚମ୍ପୀୟନସିପ ଆଜି କିଟ୍ ବିଜୁ ପଟ୍ଟନାୟକ ଇନ୍ଦୋର ଷ୍ଟାଡିୟମ୍ ରେ ଉଦଯାପିତ ହୋଇଛି । ଜାତୀୟ ଯୋଗାସନ ସ୍ପୋର୍ଟସ ଫେଡରେଶନ ସଭାପତି ଉଦିତ ସେଠ୍ ଙ୍କ ପୌରହିତ୍ୟ ରେ ଆୟୋଜିତ ଉଦଯାପନୀ ଉତ୍ସବ ରେ ମୁଖ୍ୟ ଅତିଥି ଭାବେ ଭାରତୀୟ ହକି ଦଳର ପୂର୍ବତନ ଅଧିନାୟକ ଦିଲୀପ ତିର୍କି ଯୋଗ ଦେଇ ଯୋଗାସନ ସ୍ପୋର୍ଟସ ପ୍ରତିଯୋଗିତା ରେ ସଫଳ ହାସଲ କରିଥିବା କୃତି ପ୍ରତିଯୋଗୀ ଙ୍କୁ ଟ୍ରଫି ପ୍ରଦାନ କରିଥିଲେ ।

କାର୍ଯକ୍ରମରେ ଅନ୍ୟତମ ଅତିଥି ଭାବେ କିଟ୍ ର ଭିସି ସସ୍ମିତା ସାମନ୍ତ , ଓଡ଼ିଶା ଯୋଗାସନ ସ୍ପୋର୍ଟସ ଫେଡ଼େରେସନର ସଭାପତି ସୁଧାଂଶୁ ଅଧିକାରୀ, ଫେଡରେସନ୍ ସମ୍ପାଦକ ଡ ଜୟଦିପ ଆର୍ୟ ଯୋଗ ଦେଇ ଯୋଗାସନ ପ୍ରତିଯୋଗିତାରେ ଭାଗ ନେଇଥିବା ପ୍ରତିଯୋଗୀଙ୍କୁ ଉତ୍ସାହିତ କରିଥିଲେ । ଏହି ପ୍ରତିଯୋଗିତାରେ ମହାରାଷ୍ଟ୍ର ହରିୟଣା , ତାମିଲନାଡୁ,ପଶ୍ଚିମବଙ୍ଗ, ଓଡ଼ିଶା ସମେତ ୩୨ ରାଜ୍ୟରୁ ୩୦ ହଜାର ପ୍ରତିଯୋଗୀ ଭାଗ ନେଇ ୪ ସହ ପ୍ରତିଯୋଗୀ ଫାଇନାଲ ରାଉଣ୍ଡରେ ପହଞ୍ଚିଥିଲେ । ତେବେ ଆଗକୁ ଯୋଗାସନ କୁ ସ୍ପୋର୍ଟସ ରେ ଅନ୍ତର୍ଭୁକ୍ତ କରିବାକୁ ଦାବି କରିଛନ୍ତି ଦିଲୀପ ତିର୍କି । ମହାରାଷ୍ଟ୍ର ଯୋଗାସନ ଟିମ୍ ଶ୍ରେଷ୍ଠ ପ୍ରଦର୍ଶନ କରି ଚମ୍ପିୟାନ ଟ୍ରଫି ହାତେଇଚି ବୋଲି ଫେଡ଼େରେସନ୍ ପକ୍ଷରୁ ସୂଚନା ଦିଆଯାଇଛି ।

ଦୁର୍ଦ୍ଦାନ୍ତ ଅପରାଧି ବାପିକୁ ଏନକାଉଣ୍ଟର, ପୋଲିସକୁ ପାଲଟା ଗୁଳି କଲେ ଡକାୟତ

ଭଦ୍ରକ: ବାପି ପାଣିଙ୍କୁ ଗୁଳି କଲା ପୋଲିସ  ।  ଡକାୟତି ଉଦ୍ୟମ ବେଳେ ପୋଲିସ କରିଛି ଏନକାଉଣ୍ଟର । ଭଦ୍ରକ ଜିଲ୍ଲା ଚଢ଼େୟା ଠାରେ ଡକାୟତି ଉଦ୍ୟମ କରୁଥିବାବେଳେ ଏନକାଉଣ୍ଟର କରିଛି ଗ୍ରାମାଞ୍ଚଳ ପୋଲିସ । ପୋଲିସର ଗୁଳି ମାଡ଼ରେ ଦୁର୍ଦ୍ଦାନ୍ତ ଅପରାଧୀ ବାପି ପାଣି ଆହତ ହୋଇଥିବା ସୂଚନା ରହିଛି । ପୋଲିସର ଗୁଳି ସିଧାସଳଖ  ବାପିର ଗୋଡ଼ରେ ବାଜିଥିଲା  । ଫଳରେ ବାପିକୁପ କାବୁ କରିବାରେ ସଫଳ ହୋଇଛି ଭଦ୍ରକ ଗ୍ରାମାଞ୍ଚଳ ପୋଲିସ  ।

ଡକାୟତି ପାଇଁ ସୁଚିନ୍ତିତ ଷଡ଼ଯନ୍ତ୍ର ରଚିଥିଲେ ବାପି ଓ ତା ଗ୍ୟାଙ୍ଗ  । ଫଳରେ ସୂଚନା ପାଇ ପୋଲିସ ଏନକାଉଣ୍ଟର କରିଥିଲା  । ଠିଏ ଏତିକିବେଳେ ଡକାୟତମାନେ ମଧ୍ୟ ପାଲଟା ଗୁଳି ଚଳାଇଥିବା ଜଣା ପଡ଼ିଛି । ଏଥିରେ ଗ୍ରାମାଞ୍ଚଳ ଥାନାଧିକାରୀଙ୍କ ସମେତ ତିନି ପୋଲିସ କର୍ମଚାରୀ ମଧ୍ୟ ଆହତ ହୋଇଛନ୍ତି । ସେପଟେ ଆହତ ହୋଇଥିବା ବାପିକୁ ମେଡିକାଲରେ ଭର୍ତ୍ତି ତକରାଯାଇଛି  ।

ଭାରତୀୟ ଡାକ୍ତରଙ୍କ ପାଇଁ ସେମିଫାଇନାଲ ଖେଳିଥିଲେ ମହମ୍ମଦ ରିଜଓ୍ୱାନ

ଦୁବାଇ: ଚଳିତ ବିଶ୍ବକପରେ ଦ୍ବିତୀୟ ସେମିଫାଇନାଲ ପାକିସ୍ତାନ ଓ ଅଷ୍ଟ୍ରେଲିଆ ମଧ୍ୟରେ ଖେଳାଯାଇଥିଲା । ଏହି ମ୍ୟାଚରେ ଅଷ୍ଟ୍ରେଲିଆ ବିଜୟଲାଭ କରି ଫାଇନଲ ଟିକେଟ ହାସଲ କରିଥିଲା । କିନ୍ତୁ ଏହି ମ୍ୟାଚ ପୂର୍ବରୁ ପାକିସ୍ତାନକୁ ଲାଗିଥିଲା ଏକ ବଡ଼ ଝଟକ୍କା । ମ୍ୟାଚ ପୂର୍ବରୁ ପାକିସ୍ତାନ ଓ୍ବିକେଟ କିପର ବ୍ୟାଟ୍ସମ୍ୟାନ ମହମ୍ମଦ ରିଜଓ୍ବାନ ଫୁସଫୁସରେ ସଂକ୍ରମଣ ହେତୁ ଦୁଇ ରାତି ଆଇସିୟୁରେ ଭର୍ତ୍ତି କରାଯାଇଥିଲା । ପାକିସ୍ତାନ ଦଳର ବ୍ୟାଟିଂ କୋଚ ମ୍ୟାଥ୍ୟୁ ହେଡେନ ପ୍ରେସ କନଫରମେନ୍ସରେ ଏହା କହିଥିଲେ । ତେବେ ଆଇସିୟୁରେ ଥିବା ରିଜଓ୍ବାନଙ୍କ ଚିକିତ୍ସା ଭାରତୀୟ ଡାକ୍ତର ସାହିର ସାଇନାଲବଦୀନ କରିଥିଲେ । ଏହା ପରେ ସେ ସୁସ୍ଥ ହୋଇ ମ୍ୟାଚ ଖେଳିବାକୁ ପାକିସ୍ତାନ ଟିମ୍ ସହ ଯୋଗ ଦେଇଥିଲେ । ରିଜଓ୍ବାନ ଯେତେବେଳେ ପୂରା ସୁସ୍ଥ ହୋଇଯାଇଥିଲେ ସେ ତାଙ୍କ ଜର୍ସି ଭାରତୀୟ ଡାକ୍ତରଙ୍କୁ ପ୍ରଦାନ କରିଥିଲେ ।

ଅନ୍ୟପକ୍ଷରେ ମହମ୍ମଦ ରିଜଓ୍ବାନଙ୍କୁ ଚିକିତ୍ସା କରୁଥିବା ଡାକ୍ତର ସାହିର ସାଇନାଲବଦୀନ ଖଲୀଜ ଟାଇମ୍ସକୁ କହିଥିଲେ କି ରିଜଓ୍ବାନ ଅଷ୍ଟ୍ରେଲିଆ ବିପକ୍ଷରେ ହେବାକୁ ଥିବା ସେମିଫାଇନାଲ ଖେଳିବାକୁ ଚାହୁଁଥିଲେ । ସେ ବହୁତ ଶକ୍ତିଶାଳୀ ଓ ଆତ୍ମବିଶ୍ବାସୀ ଥିଲେ । ସେ ଯେପରି ଭାବରେ ସୁସ୍ଥ ହେଲେ ତାହାକୁ ଦେଖି ମୁଁ ଆଶ୍ଚର୍ଯ୍ୟ ହୋଇଯାଇଛି । ସେମିଫାଇନାଲ ପୂର୍ବରୁ ସୁସ୍ଥ ହେବା ଓ ଏହା ପରେ ନିଜର ଫିଟନେସ ହାସଲ କରିବା ଆଶାଠାରୁ ଅଧିକ ଦେଖାଯାଉଥିଲା ।ସାଧାରଣତଃ କେହି ଜଣେ ସୁସ୍ଥ ହେବା ପାଇଁ ୫ରୁ ୭ ଦିନ ସମୟ ଲାଗିଥାଏ । ସେ ଆହୁରି କହିଛନ୍ତି କି ରିଜଓ୍ବାନ ହସ୍ପିଟାଲରେ ଭର୍ତ୍ତି ହେବା ପୂର୍ବରୁ ଜ୍ବରରେ ପୀଡିତ ଥିଲେ । ଜ୍ବର ସହ କ୍ରମାଗତ ଭାବରେ କାଶ ଓ ଛାତି ଯନ୍ତ୍ରଣାରେ ପୀଡିତ ଥିଲେ । ଆମେ ତୁରନ୍ତ ତାଙ୍କୁ ସ୍ଥିର କଲୁ ଏବଂ ତାଙ୍କ ଯନ୍ତ୍ରଣା କମ୍ କରିବାକୁ ତାଙ୍କୁ ଔଷଧ ଦେଇଥିଲୁ । ହସ୍ପିଟାଲରେ ଭର୍ତ୍ତି ହେବା ସମୟରେ ତାଙ୍କ ଯନ୍ତ୍ରଣା ୧୦/୧୦ ରହିଥିଲା । ତେବେ ଲଗାତର ଯନ୍ତ୍ରଣା ଓ ସମସ୍ୟା କାରଣରୁ ତାଙ୍କୁ ଆମେ ଆଇସିୟୁକୁ ସ୍ଥାନାନ୍ତର କରାଯାଥିଇଲା । ସେ ହସ୍ପିଟାଲରେ ୩୫ ଘଣ୍ଟା ରହିଥିଲେ । କିନ୍ତୁ ତାଙ୍କ ମନରେ କେବଳ ଗୋଟିଏ କଥା ଥିଲା ଯେ ସେ କିପରି ସେମିଫାଇନାଲ ମୁକାବିଲା ଖେଳିବେ ।

ତେବେ ଆଇସିୟୁରୁ ଆସି ସେମିଫାଇନାଲ ମ୍ୟାଚରେ ୬୭ ରନ କରିଥିଲେ ରିଜଓ୍ବାନ । ତେବେ ଏହି ସେମିଫାଇନାଲ ପୂର୍ବରୁ ରିଜଓ୍ବାନଙ୍କ କୋରନା ଟେଷ୍ଟ କରାଯାଇଥିଲା । ଯେଉଁଥିରେ ତାଙ୍କ ରିପୋର୍ଟ ନେଗେଟିଭ୍ ଆସିଥିଲା । ଟସ୍ ସମୟରେ ଜଣାପଡ଼ିଥିଲା କି ରିଜଓ୍ବାନ ଖେଳିବା ପାଇଁ ପୂରା ଫିଟ୍ ଅଛନ୍ତି । ବ୍ୟାଟିଂ କରୁଥିବା ସମୟରେ ଲାଗୁନଥିଲା କି ଏହି ଖେଳାଳି ଗତରାତିରେ ଆଇସିୟୁରେ ଭର୍ତ୍ତି ଥିଲେ । ଯଦିଓ ସେମିଫାଇନାଲ ମ୍ୟାଚରେ ପରାଜୟ ବରଣ କରିଥିଲା ପାକିସ୍ତାନ । କିନ୍ତୁ ଏହି ମ୍ୟାଚରେ ଏକ ବଡ଼ ରେକର୍ଡ ସୃଷ୍ଟି କରିଥିଲେ ମହମ୍ମଦ ରିଜଓ୍ବାନ । ଟି-୨୦ ଫର୍ମାଟରେ ଏକ କ୍ୟାଲେଣ୍ଡର ବର୍ଷରେ ରିଜଓ୍ବାନ ୧ ହଜାର ରନ ସଂଗ୍ରହ କରିଥିଲେ । ବିଶ୍ବର ପ୍ରଥମ ଖେଳାଳି ଭାବରେ ରିଜଓ୍ବାନ ଗୋଟିଏ ବର୍ଷରେ ଟି-୨୦ରେ ଏକ ହଜାର ରନ ସଂଗ୍ରହ କରିଛନ୍ତି ।

ରେଢ଼ାଖୋଲରେ ବିଜେଡ଼ିର ମିଶ୍ରଣ ପର୍ବ, ପ୍ରଣବଙ୍କ ଉପସ୍ଥିତିରେ ଯୋଗଦାନ କଲେ ଶତାଧିକ କର୍ମୀ

ସମ୍ବଲପୁର: ରେଢାଖୋଲରେ ଅନୁଷ୍ଠିତ ହୋଇଯାଇଛି ବିଜେଡିର ମିଶ୍ରଣ ପର୍ବ । ସ୍ଥାନୀୟ କଦମ୍ବ ପଡ଼ିଆରେ ଆୟୋଜିତ ବିଜେଡିର ୱାର୍ଡ ସ୍ତରୀୟ କର୍ମଶାଳା ଓ ମିଶ୍ରଣ ପର୍ବରେ ଶଙ୍ଖ ଧରିଛନ୍ତି ଶତାଧିକ ବିଜେପି ଓ କଂଗ୍ରେସ ନେତା । ବିଜେଡିର ସାଂଗଠନିକ ସଂପାଦକ ପ୍ରଣବ ପ୍ରକାଶ ଦାସ ଉପସ୍ଥିତିରେ ସମସ୍ତେ ବିଜେଡିରେ ସାମିଲ ହୋଇଛନ୍ତି । ମୁଖ୍ୟମନ୍ତ୍ରୀଙ୍କ ଆଦର୍ଶ ଓ ବିଜେଡିର ଶୃଙ୍ଖଳାରେ ଅନୁପ୍ରାଣିତ ହୋଇ ଶତାଧିକ ଲୋକ ବିଜେଡିରେ ନିଜକୁ ସାମିଲ କରିଛନ୍ତି ।

ଏ ଅବସରରେ ପ୍ରଣବ ପ୍ରକାଶ ଦାସ ଉପସ୍ଥିତ କାର୍ଯ୍ୟକର୍ତ୍ତାଙ୍କୁ ସମ୍ବୋଧନ କରି ବିଜେପି ଉପରେ ବର୍ଷିଥିଲେ  । ସାଧାରଣ ଲୋକ  ପ୍ରଶ୍ନ ପଚାରିବାର ସମୟ ବର୍ତ୍ତମାନ ଉପନୀତ ହୋଇଥିବା କହିଛନ୍ତି ପ୍ରଣବ  । ଆମ ଠାରୁ ସବୁ କିଛି ନିଆଯାଉଛି କିନ୍ତା କାହିଁକି ଆମର ପ୍ରାପ୍ୟ ଦିଆଯାଉନାହିଁ ? କେନ୍ଦ୍ର ସରକାର କାହଁକି ପ୍ରସ୍ତାବ ମୁତାବକ ଚାଉଳ ଓ ଧାନ ଉଠାଉ ନାହାଁନ୍ତି ? ଏ ,ସମସ୍ତ ପ୍ରଶ୍ନ ଏବେ ସଧାରଣ ଭୋଟର ପଚାରିବା ଆବଶ୍ୟକ ବୋଲି କହିଛନ୍ତି ବିଜେଡ଼ି ସାଗଂଠନିକ ସଂପାଦକ  ।

ରେଢାଖୋଲରେ ଆୟୋଜିଟ ବିଜେଡ଼ିର ଏହି କାର୍ଯ୍ୟକ୍ରମରେ  ରେଢାଖୋଲ ବିଧାୟକ ରୋହିତ ପୂଜାରୀ, ବିଜେଡି ମୁଖପାତ୍ର ସଂଜୟ ବାବୁ ଓ ବହୁ ବରିଷ୍ଠ ନେତା କର୍ମୀ ଉପସ୍ଥିତ ରହିଥିଲେ  । ପଞ୍ଚାୟତ ନିର୍ବାଚନରେ ବିଜେଡ଼ିର ରଣନୀତି ଏବଂ ଦଳର ବିଭିନ୍ନ କାର୍ଯ୍ୟଧାରା ସମ୍ପର୍କରେ ଆଲୋକପାତ କରାଯାଇଥିଲା  । ବୁଥ ସ୍ତରୀୟ କର୍ମୀସମ୍ମିଳନୀ ମାଧ୍ୟମରେ ବିଜେଡ଼ିର କାର୍ଯ୍ୟକର୍ତ୍ତାଙ୍କୁ ଦଳକୁ ବିଜୟ କରିବାର ମନ୍ତ୍ର ଦେଇଥିଲେ ପ୍ରଣବ ପ୍ରକାଶ  ।