spot_img
Home Blog Page 5096

କୋହଲି ଓ ଅନୁଷ୍କାଙ୍କ ମିମ୍ ସେୟାର କରି ମଜା ନେଲେ ଯୁବରାଜ

ନୂଆଦିଲ୍ଲୀ: ଟି୨୦ ବିଶ୍ବକପରେ ଭାରତୀୟ ଟିମ୍ ପ୍ରଥମ ଦୁଇଟି ମ୍ୟାଚ୍ ପାକିସ୍ତାନ ଓ ନ୍ୟୁଜିଲାଣ୍ଡ ପାଖରୁ ହାରିବାକୁ ନେଇ ଅଧିନାୟକ ବିରୋଟ କୋହଲି ଓ ପତ୍ନୀ ଅନୁଷ୍କା ଶର୍ମାଙ୍କ ମିମ୍ ସେୟାର କରି ମଜା ଉଠାଇଛନ୍ତି ପୂର୍ବତନ କ୍ରିକେଟର ଯୁବରାଜ ସିଂ । କିଛି ୟୁଜର୍ସ ଏହାକୁ କୋହଲିଙ୍କ ପ୍ରତି ଆକ୍ଷେପ ବୋଲି କହିବାକୁ ମଧ୍ୟ ପଛାଇନାହାନ୍ତି ।

ଯୁବରାଜ ନିଜ ଇନଷ୍ଟାଗ୍ରାମରେ ଏକ ମିମ୍ ଶେୟାର କରିଛନ୍ତି ଯେଉଁଥିରେ କୋହଲି ଓ ଅନୁଷ୍କା ଅଛନ୍ତି । ଏଥିରେ ଯୁବରାଜ ଦେଖାଇଛନ୍ତି ଅନୁଷ୍କା କହୁଛନ୍ତି, ‘ବିରାଟ ନିଶ୍ଚିତ କୌଣସି ଝିଅ କଥା ଭାବୁଛନ୍ତି ।’ ସେପଟେ ବିରାଟଙ୍କ ମିମରେ ଲେଖିଛନ୍ତି ‘କୋହଲି ଭାବୁଛନ୍ତି ଯୁବରାଜ ଥିଲେ ଭାରତର ମିଡିଲ ଅର୍ଡର ଷ୍ଟ୍ରଙ୍ଗ ରହିଥାନ୍ତି ।’ ଯୁବରାଜଙ୍କ ଏହି ଷ୍ଟୋରୀ ବହୁତ ଭାଇରାଲ ହେବାରେ ଲାଗିଛି ।

ଟି୨୦ ବିଶ୍ବକପରେ ଟିମ୍ ଇଣ୍ଡିଆର ମିଡିଲ ଅର୍ଡର ଏବେ ସୂର୍ଯ୍ୟକୁମାର ଯାଦବ, ରିଷଭ ପନ୍ତ ଓ ହାର୍ଦ୍ଦିକ ପାଣ୍ଡ୍ୟା ସମ୍ଭାଳୁଛନ୍ତି ।

ସୂଚନାଯୋଗ୍ୟ, କିଛିଦିନ ପୂର୍ବରୁ କ୍ରିକେଟକୁ ପୁଣି ଥରେ ଫେରିବାକୁ ଘୋଷଣା କରିଥିଲେ ଯୁବରାଜ । ଇଣ୍ଟଗ୍ରାମରେ ଏକ ପୋଷ୍ଟ କରି ଲେଖିଥିଲେ, ଆପଣଙ୍କ ଭାଗ୍ୟ ଭଗବାନ ନିଶ୍ଚିତ କରିଥାନ୍ତି । ପବ୍ଲିକ ଡିମାଣ୍ଡରୁ ମୁଁ ପୁଣି ଥରେ ଫେବୃଆରୀକୁ କ୍ରିଜକୁ ଫେରୁଛି । ଏହାଠାରୁ ଅଧିକ କିଛି ଭଲ ମୋ ପାଇଁ ହୁଏତ ହୋଇନପାରେ ।

ରିମାଣ୍ଡରେ KBN ଗ୍ରୁପ, ପୋଲିସ ଆଗରେ ସତ ଉଗାରୁଛନ୍ତି ଭାଇରାଲ ଭିଲେନ

ଭୁବନେଶ୍ୱର: ରାଜଧାନୀରେ କେବିଏନ ଗ୍ରୁପର ଭିଡିଓ ଭାଇରାଲ ଘଟଣା । ୨ ଦିନିଆ ରିମାଣ୍ଡରେ ଭାଇରାଲ ଭିଡିଓର ଭିଲେନ୍ । ୫ ଅଭିଯୁକ୍ତଙ୍କୁ ୨ ଦିନଆ ରିମାଣ୍ଡରେ ନେଇ ମାରାଥନ ଜେରା କରୁଛି ନୟାପଲ୍ଲୀ ଥାନା ପୋଲିସ । ଅଭିଯୁକ୍ତ ମାନେହେଲେ ରାହୁଲ ଜେନା, ଚେଙ୍ଗ ଓରଫ ରାଜେଶ ବେହେରା, ଶନିଆ ଓରଫ ସନାତନ ବେହେରା, ସୁମନ ପରିଡା ଓ ନରେନ୍ଦ୍ର ସାହୁ । ରିଲରେ ବ୍ୟବହାର ମାରଣାସ୍ତ୍ର ଓ ବନ୍ଧୁକ କେଉଁଠାରେ ଅଛି ? କେଉଁଠାରୁ ଓ କାହାଠାରୁ କିଣିଥିଲେ ବନ୍ଧୁକ ?

ସେହିପରି କୂଆଡେ ଗଲା ଗ୍ୟାଙ୍ଗ ମୁଥିଆ ଦେବୀପ୍ରସାଦ ଜେନା ଓରଫ ବୁବୁ ? ଫେରାର ଥିବା ଅନ୍ୟ ଅଭିଯୁକ୍ତଙ୍କ ବାବଦରେ ପତ୍ତା ପଚାରୁଛି ପୋଲିସ । ଗ୍ୟାଙ୍ଗ ମୁଖିଆ ବୁବୁ ଜେନାର ପ୍ରମୁଖ ସହଯୋଗୀ ଥିଲେ ଚେଙ୍କ ଓ ଶନିଆ । ପୂର୍ବରୁ ଚେଙ୍ଗ ଓ ସଞ୍ଜୟ ଖୁଣ୍ଟିଆରେ ଘରେ ରେଡ୍ କରି ମାରଣାସ୍ତ୍ର ଜବତ କରିଛି ନୟାପଲ୍ଲୀ ଥାନା ପୋଲିସ । ଫେରାର ଥିବା ଅନ୍ୟ ଅଭିଯୁକ୍ତମାନଙ୍କୁ ଖୁବଶୀଘ୍ର ଗିରଫ କରାଯିବ ବୋଲି ଏସିପି କହିଛନ୍ତି । ସେପେଟେ ରିମାଣ୍ଡରେ ଥିବା ଅନ୍ୟତମ ଅଭିଯୁକ୍ତ ନରେନ୍ଦ୍ର ସାହୁଙ୍କ ପରିବାର ନରେନ୍ଦ୍ର ନିର୍ଦ୍ଦେଶ ବୋଲି ଦାବି କରିଛନ୍ତି ।

ଅଣନିଶ୍ୱାସୀ ଦିଲ୍ଲୀ; ଏକ ସପ୍ତାହ ପାଇଁ ସ୍କୁଲ ବନ୍ଦ; ଓ୍ୱାର୍କ ଫ୍ରମ ହୋମ କରିବେ ସରକାରୀ କର୍ମଚାରୀ

ନୂଆଦିଲ୍ଲୀ: ଦିଲ୍ଲୀରେ ଦିନକୁ ଦିନ ବଢ଼ି ବଢ଼ି ଚାଲିଛି ବାୟୁ ପ୍ରଦୂଷଣ । ଯାହଫଳରେ ସାଧାରଣ ଲୋକ ଅସ୍ତବ୍ୟସ୍ତ ହୋଇଗଲେଣି । ସ୍ଥିତି ଏପରି ହୋଇଛି କି ଘରେ ମଧ୍ୟ ଲୋକମାନଙ୍କୁ ମାସ୍କ ପିନ୍ଧିବାକୁ କୁହାଯାଉଛି । ଦିଲ୍ଲୀର ଏହି ସାଂଘାତିକ ସ୍ଥିତିକୁ ନେଇ ଉଦବେଗ ପ୍ରକାଶ କରିଥିଲେ ସୁପ୍ରିମକୋର୍ଟ । ବାୟୁ ପ୍ରଦୂଷଣ ରୋକିବା ପାଇଁ ତୁରନ୍ତ ପଦକ୍ଷେପ ନେବା ପାଇଁ ଉଭୟ କେନ୍ଦ୍ର ସରକାର ଓ ଦିଲ୍ଲୀ ସରକାର ତୁରନ୍ତ ପଦକ୍ଷେପ ନେବାକୁ କହିଥିଲେ ସୁପ୍ରିମକୋର୍ଟ । ତେବେ ଦିଲ୍ଲୀରେ ଏପରି ସ୍ଥିତିକୁ ଦେଖି ଦିଲ୍ଲୀ ସରକାର ଏକ ବଡ଼ ପଦକ୍ଷେପ ଗ୍ରହଣ କରିଛନ୍ତି । ଆସନ୍ତା ଗୋଟିଏ ସପ୍ତାହ ପାଇଁ ଦିଲ୍ଲୀର ସମସ୍ତ ସ୍କୁଲକୁ ବନ୍ଦ ରଖିବାକୁ ନିର୍ଦ୍ଦେଶ ଦେଇଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ । ଆସନ୍ତା ସୋମବାରୁଠାରୁ ସପ୍ତାହ ପର୍ଯ୍ୟନ୍ତ ସ୍କୁଲ ବନ୍ଦ ରଖିବାକୁ ନିର୍ଦ୍ଦେଶ ଦେଇଛନ୍ତି ।

ଏଥିସହ ଦିଲ୍ଲୀ ମୁଖ୍ୟମନ୍ତ୍ରୀ ଆହୁରି କହିଛନ୍ତି କି ସରକାରୀ କର୍ମଚାରୀ ବି ଓ୍ବାର୍କ ଫ୍ରମ ହୋମ କାର୍ଯ୍ୟ କରିବେ । ଏଥିସହ ଆସନ୍ତା ନଭେମ୍ବର ୧୪ରୁ ୧୭ ପର୍ଯ୍ୟନ୍ତ ନିର୍ମାଣ କାର୍ଯ୍ୟରେ ଜଡିତ ସବୁ ଗତିବିଧିକୁ ବି ବନ୍ଦ ରଖିବାକୁ ନିର୍ଦ୍ଦେଶ ଦେଇଛନ୍ତି ଦିଲ୍ଲୀ ସରକାର । ଆଜି ହୋଇଥିବା ଗୁରୁତ୍ବପୂର୍ଣ୍ଣ ବୈଠକରେ ଏହି ସବୁ ନିଷ୍ପତି ନେଇଛନ୍ତି ଅରବିନ୍ଦ କେଜ୍ରିଓ୍ବାଲ । ସ୍କୁଲ ଏକ ସପ୍ତାହ ପାଇଁ ଛୁଟିକୁ ନେଇ କେଜ୍ରିଓ୍ବାଲ କହିଥିଲେ କି ପ୍ରଦୂଷିତ ବାୟୁରୁ ଛୋଟ ପିଲାଙ୍କୁ ସୁରକ୍ଷିତ ରଖିବା ପାଇଁ ଏଭଳି ନିଷ୍ପତି ନିଆଯାଇଛି । ତେବେ ଗୋଟିଏ ସପ୍ତାହ ଛୁଟି ମଧ୍ୟରେ ଅନଲାଇନ କ୍ଲାସ ଜାରି ରହିବ । ଆଜି ହୋଇଥିବା ଏହି ବୈଠକରେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲଙ୍କ ସହ ଉପ ମୁଖ୍ୟମନ୍ତ୍ରୀ ମନୀଷ ସିସୋଦିଆ, ପରିବେଶ ମନ୍ତ୍ରୀ ଗୋପାଳ ରାୟ, ସ୍ବାସ୍ଥ୍ୟ ମନ୍ତ୍ରୀ ସତେନ୍ଦ୍ର ଜେନ ଓ ଦିଲ୍ଲୀର ମୁଖ୍ୟ ସଚିବ ମଧ୍ୟ ସାମିଲ ଥିଲେ ।

ଦିଲ୍ଲୀ ପ୍ରଦୂଷଣ ନିୟନ୍ତ୍ରଣ ସମିତି IIT କାନପୁର ସହ ମିଶି ଏକ ଚୁକ୍ତି ସ୍ବାକ୍ଷର କରିଛି । ଚୁକ୍ତି ଅନୁସାରେ ଆଇଆଇଟି କାନପୁର ଦିଲ୍ଲୀ ପ୍ରଦୂଷଣର କାରଣ ଓ ଏହାର ସମାଧାନ କିପରି ହେବ ତାହା ଦିଲ୍ଲୀ ପ୍ରଦୂଷଣ ନିୟନ୍ତ୍ରଣ ସମିତିକୁ ପରାମର୍ଶ ଦେବ । ତେବେ ଏହି ଚୁକ୍ତି ସ୍ବାକ୍ଷର ପରେ ଦିଲ୍ଲୀ ପରିବେଶ ମନ୍ତ୍ରୀ ଗୋପାଳ ରାୟ କହିଛନ୍ତି କି ଦିଲ୍ଲୀ ହେଉଛି ଦେଶର ପ୍ରଥମ ରାଜ୍ୟ ଯେଉଁଠାରେ ସରକାର ଟେକ୍ନୋଲୋଜି ଭିତ୍ତିକ ସମାଧାନର ଏଭଳି ବ୍ୟବସ୍ଥା କାର୍ଯ୍ୟକାରୀ କରିଛନ୍ତି ।

କରୋନା ବଢ଼ାଉଛି ପିଲାଙ୍କ ଓଜନ

ନୂଆଦିଲ୍ଲୀ: କରୋନା ମହାମାରୀର ଜାଲରେ ଛନ୍ଦି ହୋଇ ଯାଇସାରିଲାଣି ଲକ୍ଷ ଲକ୍ଷ ଲୋକଙ୍କ ଜୀବନ । ଦୁଇବର୍ଷ ବିତିବାକୁ ବସିଲାଣି, ଏବେ ବି ପୂରା ବିଶ୍ବ କରୋନା କୋପରୁ ରକ୍ଷା ପାଇନି । ଗୋଟିଏ ପରେ ଗୋଟିଏ ଲହର ଆସୁଛି, ପ୍ରତିଦିନ ଯାଉଛି ଜୀବନ । ଭ୍ୟାକସିନ ବାହାରିଛି ସତ ହେଲେ କରୋନା କୋପରୁ ମୁକୁଳି ପାରିନି ଦୁନିଆ । ବିଶେଷ କରି କରୋନା ପ୍ରଭାବ ପିଲାଙ୍କ ଉପରେ ଅଧିକ ପଡ଼ିଛି । କରୋନା ଯୋଗୁଁ ପିଲାମାନଙ୍କ ଓଜନ ବଢ଼ିବା ସହ ବିଭିନ୍ନ ଶାରୀରିକ ସମସ୍ୟା ଦେଖାଦେବା ଭଳି ଆଶ୍ଚର୍ଯ୍ୟଜନକ ରିପୋର୍ଟ ଆସିଛି ।

ସ୍କୁଲ ବନ୍ଦ, ଘରୁ ବାହାରିବା ବି ମୁସ୍କିଲ । ୨୦୨୦ ଆରମ୍ଭରୁ ପିଲାମାନେ ଘରେ ବସିଛନ୍ତି । ଯାହା ପିଲାଙ୍କ ଲାଇଫ ଷ୍ଟାଇଲ ଓ ସ୍ବାସ୍ଥ୍ୟ ଉପରେ ଗଭୀର ପ୍ରଭାବ ପକାଇବାରେ ଲାଗିଛି । ଏମିତି ଘଡିସନ୍ଧି ସମୟରେ ପିଲାମାନଙ୍କ ଉପରେ ବି ନଜର ରଖିବା କାଠିକର ପାଠ ହୋଇଯାଉଛି ମାଆବାପାଙ୍କ ପକ୍ଷେ । ସ୍କୁଲ ବନ୍ଦ ଓ ଶାରୀରିକ କାର୍ଯ୍ୟକଳାପ ଠିକ ନହେବା, ଶୋଇବା ସମୟରେ ଗଡ଼ବଡ଼ ପିଲାମାନଙ୍କୁ ବିଭିନ୍ନ ପ୍ରକାର ରୋଗ ଆଡ଼କୁ ଟାଣି ନେଉଛି । ବିଶେଷ କରି ପିଲାମାନଙ୍କ ମୋଟାପା ଏବେ ସବୁ ବାପାମାଆଙ୍କ ପାଇଁ ଚିନ୍ତାର କାରଣ ପାଲଟିଛି ।

ସର ଗଙ୍ଗା ରାମ ହସ୍ପିଟାଲର ମିନିମମ୍ ଆକ୍ସେସ୍, ମୋଟାବୋଲିକ ଓ ବେରିଏକ୍ଟିକ ସର୍ଜରୀ ସଂସ୍ଥା ଅଧ୍ୟକ୍ଷ ଡ. ସୁଧିର କହ୍ଲନ କହିଛନ୍ତି, ‘ଆମେ ୧ ଅକ୍ଟୋବରରୁ ୩୧ ଅକ୍ଟୋବର ମଧ୍ୟରେ ୧୩୦୯ ଜଣ ପିଲାଙ୍କୁ ନେଇ ଏକ ସର୍ଭେ କରିଛୁ । କରୋନା କାଳରେ ଯେଉଁ ପିଲା ଘରେ ବସି ରହିଛନ୍ତି, ସେମାନଙ୍କୁ ଏହି ସର୍ଭେରେ ନିଆାଯାଇଥିଲା । ସର୍ଭେରୁ ଯାହା ରିପୋର୍ଟ ଆସିଲା ସମସ୍ତଙ୍କୁ ଆଶ୍ଚର୍ଯ୍ୟ କରିଦେବଭଳି ଥିଲା । ସର୍ଭେରେ ୬୦ ପ୍ରତିଶତ ଅର୍ଥାତ ୭୮୫ ପିଲାଙ୍କ ଓଜନ ୧୦ ପ୍ରତିଶତ ବଢ଼ିଥିଲା ।’

କହ୍ଲନଙ୍କ ଅନୁସାରେ, ୩୬.୮ ପ୍ରତିଶତ ପିଲା ଶାରୀରିକ କାର୍ଯ୍ୟକଳାପ ବନ୍ଦ ହୋଇଯାଇଥିବା କହିଥିଲେ । ଯାହା ଓଜନ ବଢ଼ିବାର ଏକ ପ୍ରମୁଖ କାରଣ ଥିଲା । ସେହିପରି ୨୭.୫୫ ପ୍ରତିଶତ ପିଲା ଶୋଇବା ସମୟରେ ଗଡ଼ବଡ଼ ଓଜନ ବଢ଼ିବାର କାରଣ କହିଥିଲେ । ୨୨.୪ ପ୍ରତିଶତ ପିଲା ଅଧିକ ଖାଇବାକୁ କାରଣ କହିଥିଲେ । ସର୍ଭେରେ ୬୦ ପ୍ରତିଶତରୁ ଅଧିକ ଲୋକ କହିଥିଲେ ସେମାନଙ୍କ ପିଲାଙ୍କ ଓଜନ ୧୦ ପ୍ରତିଶତରୁ ଅଧିକ ବଢ଼ିଛି । ଅଧିକାଂଶ ମାଆବାପା ଫାଷ୍ଟଫୁଡକୁ ଓଜନ ବଢ଼ିବାର କାରଣ କହିଥିଲେ ।

ପୋଲିସ ଚାକିରୀ ଦେବା ନାଁରେ ଲୁଟିନେଇଥିଲେ ଦେଢକୋଟି, ୨ ଦିନିଆ ରିମାଣ୍ଡରେ ବୈକୁଣ୍ଠନାଥ

ଭୁବନେଶ୍ୱର: ପୋଲିସ ଚାକିରୀ ଦେବା ନାଁରେ ୩୮ ଜଣଙ୍କ ଠାରୁ ଦେଢ କୋଟି ଟଙ୍କା ଠକେଇ ମାମଲା । ଗୃହ ବିଭାଗର ନକଲି ଆସିଷ୍ଟାଣ୍ଟ ସେକ୍ସନ ଅଫିସର ବୈକୁଣ୍ଠନାଥ ନାୟକଙ୍କୁ ୨ ଦିନିଆ ରିମାଣ୍ଡ ନେଇଛି କ୍ରାଇମବ୍ରାଞ୍ଚ ଅର୍ଥନୈତିକ ଅପରାଧ ଶାଖା । ଭୁବନେଶ୍ବର ଏସଡିଜେଏମ କୋର୍ଟଙ୍କ ଅନୁମତି ମିଳିବା ପରେ ବୈକୁଣ୍ଠଙ୍କୁ ଝାରପଡା ଜେଲରୁ ନେଇ ମାରାଥନ ଜେରା କରୁଛି ଇଓଡବ୍ଳୁ । ରାକେଟ ମୁଖ୍ୟ ବୈକୁଣ୍ଠ ଗୃହ ବିଭାଗରେ କାମ କରୁଥିବା ଅସଲି ବୈକୁଣ୍ଠନାଥ ନାୟକଙ୍କ ପରିଚୟ ପତ୍ର କେମିତି ହାତେଇଲେ ?

ପରିଚୟ ପତ୍ର ଦ୍ବାରା କେବଳ ଆଶୀୟୀଙ୍କ ମନରେ ବିଶ୍ବାସ ଜନ୍ମେଇଛନ୍ତି ନା ଆଉ କିଛି ଅସାଧୁ କାମ କରିଛନ୍ତି ? କେବଳ ଏସଆଇ, ସର୍ଜେଣ୍ଟ ଓ ସୁବେଦାର ବାଦ ଅନ୍ୟ କେଉଁ ଚାକିରୀ କରେଇବାକୁ କହି ଟଙ୍କା ନେଇଛନ୍ତି କି ? ଫେରାର ଥିବା ଅନ୍ୟ ଦୁଇ ଅଭିଯୁକ୍ତ କୂଆଡେ ଗଲେ ? ଏ ରାକେଟରେ ଆଉ କେତେ ଜଣ ଅଛନ୍ତି ? ଠକେଇ ପଛରେ ପୋଲିସ ବିଭାଗର କୌଣସି କର୍ମଚାରୀଙ୍କ ହାତ ରହିଛି କି ? ଏ ସବୁ ଦିଗରେ ତଦନ୍ତ କରୁଛି କ୍ରାଇମବ୍ରାଞ୍ଚ ଇଓଡବ୍ଳୁ ।

ଗତକାଲି ଭୀମସେନ ମହାରଣା ଓ ବୈକୁଣ୍ଠନାଥ ନାୟକକଙ୍କୁ ଗିରଫ କରିଥିଲା ଇଓଡବ୍ଲୁ । ପୋଲିସ ବିଭାଗର ମିଳିତ ପୋଲିସସେବା ବା ସିପିଏସିଇ ପରୀକ୍ଷାରେ ଚାକିରୀ କରେଇ ଦେବା ନାଁରେ ପକାଇଥିଲେ ଜାଲ । ଦୁଇଜଣ ନିଜକୁ ଗୃହ ବିଭାଗର ସେକ୍ସନ ଅଫିସର କହି ୩୮ ଜଣ ଚାକିରୀ ଆଶୟୀଙ୍କ ଠାରୁ ପାଖାପାଖି ଦେଢ କୋଟି ଟଙ୍କା ଠକିଥିଲେ । ୨ ଜଣ ନିକଟରୁ ୧୨ଟି ଏଟିଏମ କାର୍ଡ଼ ଓ ଜାଲ ପରିଚୟ ପତ୍ର ଜବତ କରିଛି ଇଓଡବ୍ଳୁ ।

ପୋଲିସ ଗୁଳିରେ ୨୬ ମାଓବାଦୀ ମୃତ

ଗଡ଼ଚିରୋଲି: ମହାରାଷ୍ଟ୍ର ପୋଲିସକୁ ବଡ଼ ସଫଳତା । ଗଡ଼ଚିରୋଲିରେ ପୋଲିସ ଗୁଳିରେ ୨୬ ମାଓବାଦୀ ସଫା । ୩ ପୋଲିସ କର୍ମଚାରୀ ଆହତ ହୋଇଥିବା ସୂଚନା ।

ଗଡ଼ଚିରୋଲି ଏସପି ଅଙ୍କିତ ଗୋଏଲ କହିଛନ୍ତି, ଗୟାରପଟ୍ଟି ଜଙ୍ଗଲରେ ମହାରାଷ୍ଟ୍ର ପୋଲିସର ସି-୬୦ ୟୁନିଟ୍ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ଏଥିରେ ୨୬ ଜଣ ମାଓବାଦୀଙ୍କ ମୃତ୍ୟୁ ଘଟିଛି । କିଛିଦିନ ପୂର୍ବରୁ ଏହି ସ୍ଥାନରୁ ୨ ଲକ୍ଷ ପୁରସ୍କାର ରାଶି ଥିବା ମାଓବାଦୀ ମଙ୍ଗାରୁ ମାଣ୍ଡବୀକୁ ଗିରଫ କରାଯାଇଥିଲା । ମଙ୍ଗରୁ ବିରୋଧରେ ହତ୍ୟା ଓ ପୋଲିସ କର୍ମଚାରୀଙ୍କ ଉପରେ ଆକ୍ରମଣ ମାମଲା ରୁଜୁ କରାଯାଇଛି ।

ସେପଟେ ମଧ୍ୟପ୍ରଦେଶର ବାଲାଘାଟର ମାଲଖେଡୀ ଗାଁରେ ମାଓବାଦୀ ଦୁଇଜଣ ବ୍ୟକ୍ତିଙ୍କୁ ହତ୍ୟା କରିଥିବା ସୂଚନା ମିଳିଛି । ପୋଲିସ ଇନଫର୍ମର ସନ୍ଦେହରେ ମାଓବାଦୀମାନେ ଏମାନଙ୍କୁ ହତ୍ୟା କରିଛନ୍ତି । ଗତ ୭ ତାରିଖରେ ପୋଲି ଲାଞ୍ଜି ଜଙ୍ଗଲରୁ ବିପୁଳ ପରିମାଣରେ ବିସ୍ଫୋରକ ଜବତ କରିଥିଲା । ଗାଁ ଲୋକ ଏନେଇ ପୋଲିସକୁ ସୂଚନା ଦେଇଥିବା ମାଓବାଦୀ ସନ୍ଦେହ କରୁଥିଲେ ।

ପ୍ରମୋଦଙ୍କୁ ମିଳିଲା ଖେଳରତ୍ନ; ବିରେନ୍ଦ୍ର ଓ ଅମିତଙ୍କୁ ଅର୍ଜୁନ ଆଓ୍ବାର୍ଡ

ଭୁବନେଶ୍ବର: ଆଜି ରାଷ୍ଟ୍ରପତି ଭବନରେ ପ୍ରଦାନ କରାଯାଇଛି ଦେଶର ସର୍ବୋଚ୍ଚ କ୍ରୀଡା ସମ୍ମାନ ଖେଳରତ୍ନ । କ୍ରୀଡା କ୍ଷେତ୍ରରେ ଉଲ୍ଲେଖନୀୟ ପ୍ରଦର୍ଶନ ପାଇଁ ଦେଶର ସର୍ବଶ୍ରେଷ୍ଠ କ୍ରୀଡାବିତଙ୍କୁ ମିଳିଛି ଖେଳରତ୍ନ ପୁରସ୍କାର । ତେବେ କ୍ରୀଡାକ୍ଷେତ୍ରରେ ଏହି ସର୍ବୋଚ୍ଚ ପୁରସ୍କାର ଗ୍ରହଣ କରିଛନ୍ତି ଓଡିଆ ପୁଅ ପ୍ରମୋଦ ଭଗତ । ଟୋକିଓ ପାରା ଅଲମ୍ପିକ୍ସରେ ଉଲ୍ଲେଖନୀୟ ପ୍ରଦର୍ଶନ ପାଇଁ ମିଳିଛି ଖେଳରତ୍ନ । ଚଳିତ ବର୍ଷ ଟୋକିଓରେ ଆୟୋଜିତ ପାରା ଅଲମ୍ପିକ୍ସରେ ବ୍ୟାଡମିଣ୍ଟନରେ ଗୋଲ୍ଡ ମେଡାଲ ଜିତିଥିଲେ ପ୍ରମୋଦ । ଯାହା ଫଳରେ ତାଙ୍କୁ ଆଜି ମିଳିଛି ଖେଳରତ୍ନ ପୁରସ୍କାର । ରାଷ୍ଟ୍ରପତି ଭବନରେ ପ୍ରମୋଦଙ୍କୁ ଖେଳରତ୍ନ ପୁରସ୍କାର ପ୍ରଦାନ କରିଥିଲେ ରାଷ୍ଟ୍ରପତି ରାମ ନାଥ କୋବିନ୍ଦ । ଏହି ପୁରସ୍କାର ପାଇବାରେ ପ୍ରଥମ ଓଡ଼ିଆ ଅଟନ୍ତି ପ୍ରମୋଦ । ବ୍ୟାଡମିଣ୍ଟନରେ ଉଲ୍ଲେଖନୀୟ ଖେଳ ପ୍ରଦର୍ଶନ ପାଇଁ ଏହା ପୂର୍ବରୁ ପ୍ରମୋଦଙ୍କୁ ଅର୍ଜୁନ ପୁରସ୍କାର ମିଳିଥିଲା ।

ପ୍ରମୋଦଙ୍କ ବ୍ୟତୀତ ଟୋକିଓ ଅଲମ୍ପିକ୍ସରେ ବ୍ରୋଞ୍ଜ ମେଡାଲ ଜିତିଥିବା ହକି ଦଳର ଦୁଇ ଓଡ଼ିଆଙ୍କୁ ବି ଆଜି ମିଳିଛି ଅର୍ଜୁନ ପୁରସ୍କାର । ଦୁଇ ଓଡ଼ିଆ ପୁଅ ବିରେନ୍ଦ୍ର ଲାକ୍ରା ଓ ଅମିତ ରୋହି ଦାସଙ୍କୁ ମିଳିଛି ଅର୍ଜୁନ ପୁରସ୍କାର । ଚଳିତ ଟୋକଓ ଅଲମ୍ପିକ୍ସରେ ଭରତୀୟ ହକି ଦଳ ୪୧ ବର୍ଷ ପରେ ପଦକ ହାସଲ କରିଥିଲା । ଭାରତକୁ ପଦକ ବିଜେତା କରାଇବାରେ ଗୁରୁତ୍ବପୂର୍ଣ୍ଣ ଭୂମିକା ତୁଲାଇଥିଲେ ବିରେନ୍ଦ୍ର ଲାକ୍ରା ଓ ଅମିତ ରୋହି ଦାସ । ଏହି ଦୁଇ ଓଡ଼ିଆ ପୁଅଙ୍କ ଉଲ୍ଲେଖନୀୟ ଖେଳ ପ୍ରଦର୍ଶନ ପାଇଁ ଆଜି ତାଙ୍କୁ ମିଳିଛି ଅର୍ଜୁନ ପୁରସ୍କାର । ଏହି ଦୁଇ ଓଡ଼ିଆଙ୍କ ବ୍ୟତୀତ ବିଭିନ୍ନ କ୍ରୀଡାକ୍ଷେତ୍ରରୁ ମୋଟ ୩୫ ଜଣ କ୍ରୀଡାବିତଙ୍କୁ ମିଳିଛି ଅର୍ଜୁନ ଆଓ୍ବାର୍ଡ ।

ସେହିପରି ଭାବରେ କ୍ରୀଡାକ୍ଷେତ୍ରରେ ଉଲ୍ଲେଖନୀୟ ପ୍ରଦର୍ଶନ ପାଇ ୧୨ ଜଣଙ୍କୁ ମିଳିଛି ଭାରତର ସର୍ବୋଚ୍ଚ କ୍ରୀଡା ସମ୍ମାନ ମେଜର ଧ୍ୟାନଚାନ୍ଦ ଖେଳରତ୍ନ । ଟୋକିଓ ଅଲମ୍ପିକ୍ସରେ ଟ୍ରାକ ଆଣ୍ଡ ଫିଲ୍ଡ ଇଭେଣ୍ଟରେ ଗୋଲ୍ଡ ମେଡାଲ ଜିତିଥିବା ନୀରଜ ଚୋପ୍ରାଙ୍କୁ ରାଷ୍ଟ୍ରପତି ପ୍ରଦାନ କରିଥିଲେ ଖେଳରତ୍ନ ପୁରସ୍କାର । ନୀରଜଙ୍କ ବ୍ୟତୀତ  ରବି ଦାହିଆ (କୁସ୍ତି), ଲଭଲିନା ବୋରଗେହେନ (ବକ୍ସିଂ), ଅବନୀ ଲେଖରା (ପାରା ସୁଟିଂ), ପ୍ରମୋଦ ଭଗତ (ପାରା ବ୍ୟାଡମିଣ୍ଟନ), ସୁମିତ ଆଣ୍ଟିଲ (ଜାଭେଲିନ ଥ୍ରୋ), ମନୀଷ ନରଓ୍ବାଲ (ପାରା ଶୁଟିଂ), କ୍ରିଷ୍ଣା ନାଗର (ପାରା ବ୍ୟାଡମିଣ୍ଟନ), ମନପ୍ରୀତ ସିଂ (ହକି), ପିଆର ଶ୍ରୀଜେଶ (ହକି), ସୁନୀଲ ଛେତ୍ରୀ (ଫୁଟବଲ), ମିତାଲି ରାଜ (କ୍ରିକେଟ)ଙ୍କୁ ଆଜି ପ୍ରଦାନ କରାଯାଇଛି ମେଜର ଧ୍ୟାନଚାନ୍ଦ ଖେଳରତ୍ନ ।

ସୋମବାରଠୁ ପଞ୍ଚୁକ ବ୍ରତ, ଚଳିତବର୍ଷ ପଡ଼ୁନାହିଁ ନାଗାର୍ଜୁନ ବେଶ

ପୁରୀ: ସୋମବାର ଠାରୁ ଆରମ୍ଭ ହେବ ପଞ୍ଚୁକ ବ୍ରତ । କାର୍ତ୍ତିକ ମାସର ଶେଷ ପାଞ୍ଚଦିନ ସବୁଠାରୁ ପବିତ୍ର ବୋଲି ଧରାଯାଉଥିବାରୁ ପୁରୀରେ ଭକ୍ତଙ୍କ ଭିଡ ଜମିବା ଆଶା କରାଯାଉଛି । ଗତବର୍ଷ ମହାପ୍ରଭୁଙ୍କ ଦୁର୍ଲଭ ନାଗାର୍ଜୁନ ବେଶ ଅନୁଷ୍ଠିତ ହୋଇଥିଲା । ତେବେ ଚଳିତବର୍ଷ ମଧ୍ୟ ନାଗାର୍ଜୁନ ବେଶ ଅନୁଷ୍ଠିତ ହେବ ବୋଲି ବିଭିନ୍ନ ଅଣପଞ୍ଜିକୃତ କ୍ୟାଲେଣ୍ଡର ଓ ପଞ୍ଜିକାରେ ଉଲ୍ଲେଖ ରହିଥିବାରୁ ଏହାକୁ ନେଇ ସୃଷ୍ଟି ହୋଇଛି ବିବାଦ । ତେବେ ଏପରି ଅପପ୍ରଚାରରୁ ନିବୃତ୍ତ ରହିବାକୁ ଶ୍ରୀଜଗନ୍ନାଥ ସଂସ୍କୃତି ପ୍ରଚାରକ, ଶ୍ରୀମନ୍ଦିର ପରିଚାଳନା କମିଟି‌ ସଦସ୍ୟ ଓ ସେବାୟତ ଅନୁରୋଧ କରିଛନ୍ତି ।

ମହାପ୍ରଭୁଙ୍କ ନାଗାର୍ଜୁନ ବେଶକୁ ନେଇ ବିବାଦ ଉପୁଜିଛି । ଚଳିତବର୍ଷ ମଧ୍ୟ ବେଶ ହେବା ନେଇ ଉଲ୍ଲେଖ ପରେ ଅସନ୍ତୁଷ୍ଟ ସେବାୟତ । ବିଗତ ବର୍ଷ ଦୁଲ୍ଲଭ ନାଗାର୍ଜୁନ ବେଶରେ ଦର୍ଶନ ଦେଇଥିଲେ ମହାପ୍ରଭୁ । ତେବେ ଚଳିତ ବର୍ଷ ମଧ୍ୟ ଏପରି ଦୁଲ୍ଲଭ ଯୋଗ ଥିବା କିଛି ଅଣପଞ୍ଜିକୃତ କ୍ୟାଲେଣ୍ଡର ଓ ପଞ୍ଜିକାରେ ଉଲ୍ଲେଖ କରିଛନ୍ତି । ପୂର୍ବରୁ ଶ୍ରୀମନ୍ଦିର ପ୍ରଶାସନ, ଶ୍ରୀମନ୍ଦିର ମୁକ୍ତି ମଣ୍ଡପ, ଜଗତଗୁର ଶଙ୍କରାଚାର୍ଯ୍ୟ ଏହାକୁ ଖଣ୍ଡନ କରିଛନ୍ତି । ତେଣୁ ଏପରି ଅପପ୍ରଚାରରୁ ନିବୃତ୍ତ ରହିବାକୁ ଶ୍ରୀଜଗନ୍ନାଥ ସଂସ୍କୃତି ପ୍ରଚାରକ, ଶ୍ରୀମନ୍ଦିର ପରିଚାଳନା କମିଟି‌ ସଦସ୍ୟ ଓ ସେବାୟତ ଅନୁରୋଧ କରିଛନ୍ତି ।

ସେପଟେ ସୋମବାର ଠାରୁ ପଞ୍ଚୁକ ବ୍ରତ ଆରମ୍ଭ ହେଉଥିବାରୁ ପ୍ରଶାସନ ପକ୍ଷରୁ ଆରମ୍ଭ ହୋଇଛି ବ୍ୟାପକ ପ୍ରସ୍ତୁତି । ପଞ୍ଚୁକର ପ୍ରଥମ ଦିନ ଏକାଦଶୀରେ ଶ୍ରୀଜୀଉଙ୍କ ଲକ୍ଷ୍ମୀନାରାୟଣ ବେଶ ଅନୁଷ୍ଠିତ ହେବ । ତେବେ ଦର୍ଶନରୁ ବଞ୍ଚିତ ରହିବେ ଭକ୍ତ । କିନ୍ତୁ ଦ୍ୱାଦଶୀରେ ବାଙ୍କଚୁଡ଼ ବେଶ, ତ୍ରୟୋଦଶୀରେ ତ୍ରିବିକ୍ରମ ବେଶ, ଚତୁର୍ଦ୍ଧଶୀରେ ଲକ୍ଷ୍ମୀନୃସିଂହ ବେଶ ଭକ୍ତମାନେ ଦର୍ଶନ କରିପାରିବେ । ପଞ୍ଚୁକର ଶେଷ ଦିନରେ ସୁନାବେଶ ଅନୁଷ୍ଠିତ ହେବାକୁ ଥିବାବେଳେ ସେହିଦିନ ସାଧାରଣ ଦର୍ଶନକୁ ବାରଣ କରାଯାଇଛି । ପଞ୍ଚୁକ ପାଇଁ ହଜାର ହଜାର ଭକ୍ତଙ୍କ ସମାଗମକୁ ଦୃଷ୍ଟିରେ ରଖି ଶ୍ରୀମନ୍ଦିର, ଜିଲ୍ଲା ଓ ପୋଲିସ ପ୍ରଶାସନ ପକ୍ଷରୁ ଶୃଙ୍ଖଳିତ ଦର୍ଶନ ଓ ସୁରକ୍ଷା ବ୍ୟବସ୍ଥା ପାଇଁ ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଛି ।

ତୁଟିଲା ଝଗଡ଼ା, ଶାନ୍ତ ପଡ଼ିଲେ ସୋଏବ ଅଖତାର

ଇସଲାମାବାଦ: ପାକିସ୍ତାନର ପୂର୍ବତନ କ୍ରିକେଟର ସୋଏବ ଅଖତର ଏବଂ ପିଟିଭି ଆଙ୍କର ଡ. ନଉମନ ନିଆଜଙ୍କ ମଧ୍ୟରେ ତୁଟିଲା ବିବାଦ । ନିଆଜ କ୍ଷମା ପ୍ରାର୍ଥନାକୁ ସ୍ବୀକାର କଲେ ସୋଏବ । ଟି୨୦ ବିଶ୍ବକପ୍ ଚାଲିଥିବା ବେଳେ PTVରେ ଲାଇଭ୍ ଶୋ’ରେ ଉଭୟଙ୍କ ମଧ୍ୟରେ ବଚସା ହୋଇଯାଇଥିଲା । ଯାହାକୁ ନେଇ ସୋଏବ ଲାଇଭ୍ ଶୋ’ରେ ହିଁ ପିଟିଭିରୁ ଇସ୍ତଫା ଦେଇଥିଲେ ।

ସୋଏବ ଏବଂ ନିଆଜଙ୍କ ମଧ୍ୟରେ ସେବେଠାରୁ ଲାଗି ରହିଥିବା ବିବାଦର ସମାଧାନ ପାଇଁ ପାକିସ୍ତାନ ସରକାରର ମନ୍ତ୍ରୀ ଫଓ୍ବାଦ ଚୌଧୁରୀ ମଧ୍ୟସ୍ଥି ସାଜିଥିଲେ । ସେ ତାଙ୍କ ଟ୍ବିଟର ଆକାଉଣ୍ଟରେ ୩ ଜଣଙ୍କ ଫଟୋ ସେୟାର କରି ‘ଶେଷରେ ସବୁ ଠିକ ହୋଇଗଲା’ ବୋଲି ଲେଖିଛନ୍ତି ।

ସେପଟେ ସୋଏବ ମଧ୍ୟ ଟ୍ବିଟ୍ କରି ବିବାଦର ସମାଧାନ ହୋଇଥିବା ନେଇ ସୂଚନା ଦେଇଛନ୍ତି । ସେ ଲେଖିଛନ୍ତି, ‘ଡ. ନଉମନ ନିଆଜଙ୍କ କ୍ଷମା ପ୍ରାର୍ଥନାକୁ ସ୍ବୀକାର କରୁଛି । ଏବେ ଏସବୁ କଥାକୁ ଭୁଲି ଆଗକୁ ବଢ଼ିବା ।’

ସୂଚନାଯୋଗ୍ୟ, ଟି୨୦ ବିଶ୍ବକପ ସମୟରେ ପିଟିଭିର ଲାଇଭ୍ ଶୋ’ରେ ସୋଏବ ଏବଂ ନିଆଜଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା । ନିଆଜ ସୋଏବଙ୍କୁ କହିଥିଲେ, ‘ତୁମେ ଠିକରେ କଥାବାର୍ତ୍ତା କରୁନ । ତୁମେ ନିଜକୁ ଓଭର ସ୍ମାର୍ଟ ଭାବୁଛ । ଶୋ’ ଛାଡ଼ି ଯାଇପାର ।’ ଯାହାକୁ ନେଇ ସୋଏବ ଅପମାନବୋଧ କରିବା ସହ ସେହି ଶୋ’ରେ ହିଁ ପିଟିଭିରୁ ଇସ୍ତଫା ଦେଇ ଦେଇଥିଲେ ।  ଏହାପରେ ପିଟିଭି ସୋଏବଙ୍କ ପାଖକୁ ଆଇନଗତ ନୋଟିସ୍ ପଠାଇ ଲାଇଭ ଶୋ’ରେ ଏମିତି ଇସ୍ତଫା ଦେବା ଉପରେ ଆପତ୍ତି ଉଠାଇଥିଲା ।

ଜିଓ ନ୍ୟୁଜ୍ ରିପୋର୍ଟ ଅନୁସାରେ, ନିଆଜ ଭୁଲ ସ୍ବୀକାର କରିବା ସହ ସୋଏବଙ୍କୁ କ୍ଷମା ମାଗିଥିଲେ । କିଛି ବରିଷ୍ଠ ସାମ୍ବାଦିକ ସୋଏବ ଏବଂ ମନ୍ତ୍ରୀ ଚୌଧୁରୀଙ୍କ ମଧ୍ୟରେ ବୈଠକ କରାଇଥିଲେ । ଏହାପରେ ଚୌଧୁରୀ ନିଜ ବାସଭବନରେ ନିଆଜଙ୍କୁ ଡକାଇ ଆଲୋଚନା କରିବା ସହ ଘଟଣାରେ ପୂର୍ଣ୍ଣଚ୍ଛେଦ ପକାଇଥିଲେ ।

ପ୍ରଫେସନାଲ ତଦନ୍ତ କରୁଛି ପୋଲିସ, DIG କହିଲେ ମମିତା ଯାଇ ନାହାଁନ୍ତି ରାୟପୁର

ବଲାଙ୍ଗୀର: ମମିତା ମେହେର ହତ୍ୟା ଘଟଣାରେ ସାମ୍ବାଦିକ ସମ୍ମିଳନୀ କରିଚନ୍ତି ଉତ୍ତରାଞ୍ଚଳ ଡିଆଇଡି ଦୀପକ କୁମାର  । ପୋଲିସର ତଦନ୍ତକୁ ନେଇ ଉଠୁଥିବା ପ୍ରଶ୍ନବାଚୀ ଉପରେ ପ୍ରତିକ୍ରିୟା ରଖିଛନ୍ତି  । ପୋଲିସ ପ୍ରଫେସନାଲ କାର୍ଯ୍ୟ କରୁଛି  । ଘଟଣାକୁ ଗୁରୁତ୍ୱର ସହ ନେଇଛି ଏବଂ ତଦନ୍ତ ଯେଉଁ ଦିଗରେ ଯିବା କଥା ପୋଲିସ ତାର କର୍ତ୍ତବ୍ୟ ସୂଚାରୁ ରୂପେ ନିଭାଇଛି  ।

ପ୍ରେସମିଟରେ ଉତ୍ତରାଞ୍ଚଳ ଡିଆଇଜି କହିଛନ୍ତି , ବର୍ତ୍ତମାନ ପର୍ଯ୍ୟନ୍ତ ପୋଲିସ ଜାରି ରଖିଥିବା ତଦନ୍ତରେ କେବଳ ଦୁଇ ଜଣ ଦୋଷୀ ରହିଛନ୍ତି  । ମମିତା ମେହେରକୁ ହତ୍ୟା କରିବାରେ ଯେଉଁ ଦୁଇ ଜଣଙ୍କ ସମ୍ପୃକ୍ତି  ରହିଛି, ତାଙ୍କୁ ପୋଲିସ ଗିରଫ କରିଛି  । ଏବଂ ଆଇନ ଅନୁଯାୟୀ ଯାହା କରିବା ପୋଲିସର ଉତ୍ତରଦାୟିତ୍ୱ ତାହା ପୋଲିସ କରିଛି  ।

ଏହା ମମିତା ମେହେର ଗୋବିନ୍ଦ ସାହୁଙ୍କ ସହ ରାୟପୁର ଯାଇଥିବା ପ୍ରଶ୍ନକୁ ନେଇ ସ୍ପଷ୍ଟିକରଣ ରଖିଛନ୍ତି ଡିଆଇଡି  । ସେ କହିଛନ୍ତି ପୋଲିସର ତଦନ୍ତ ଭିତ୍ତିରେ ବର୍ତ୍ତମାନ ପର୍ଯ୍ୟନ୍ତ ସେପରି କିଛି ସନ୍ଦେଶ କିମ୍ବା ପ୍ରମାଣ ମିଳିନାହିଁ ଯେ, ଅଭିଯୁକ୍ତ ସହ ପିଡ଼ିତା ରାୟପୁର ଯାଇଛନ୍ତି  । ଅର୍ଥାତ ରାୟପୁର ଲିଙ୍କରେ କୌଣସି ସତ୍ୟତା ନଥିବା କହିଛନ୍ତି ଡିଆଇଡି ଜୀପକ କୁମାର  ।