spot_img
Home Blog Page 5098

‘ଦି ଶ୍ବାଶାଙ୍କ ରେଡମ୍ପଶନ’କୁ ପଛରେ ପକାଇ ‘ଜୟ ଭୀମ’ ଟପ୍ ରେଟିଂ ଫିଲ୍ମ

ମୁମ୍ବାଇ: ହଲିଉଡ଼ ଫିଲ୍ମ ‘ଦି ଶ୍ବାଶଙ୍କ ରେଡମ୍ପଶନ’କୁ ପଛରେ ପକାଇଲା ଭାରତୀୟ ଫିଲ୍କ ‘ଜୟ ଭୀମ’ । IMDB ରେଟିଂରେ ଆସିଲା ଏକ ନମ୍ବରକୁ । କିଛିଦିନ ହେବ ରିଲିଜ ହୋଇଥିବା କୋର୍ଟ ଡ୍ରାମା ଫିଲ୍ମ ‘ଜୟ ଭୀମ’କୁ ଦର୍ଶକ ବେଶ ପସନ୍ଦ କରୁଛନ୍ତି । ସୂର୍ଯ୍ୟ, ଲିଜୋ ଜୋସ ଏବଂ ମଣିକର୍ଣ୍ଣନ ଅଭିନିତ ଏହି ଫିଲ୍ମ ୯୦ ଦଶକରେ ଜଣେ ଓକିଲଙ୍କ ସତ କାହାଣୀ ଉପରେ ଆଧାରିତ ।

ମୂଳ ତାମିଲ ଭାଷାରେ ନିର୍ମୀତ ଜୟ ଭୀମ ୯.୬ ରେଟିଂ ସହ ଏକ ନମ୍ବରରେ ଥିବା ବେଳେ ୯.୩ ରେଟିଂ ସହ ‘ଦି ଶ୍ବାଶଙ୍କ ରେଡମ୍ପଶନ’ ଦ୍ବିତୀୟ ସ୍ଥାନରେ ରହିଛି । ୯.୨ ରେଟିଂ ସହ ହଲିଉଡ଼ ଫିଲ୍ମ ଦି ଗଡ଼ଫାଦର ତୃତୀୟ ସ୍ଥାନରେ ରହିଛି ।

୯୦ ଦଶକରେ ତାମିଲନାଡୁର ଜଣେ ଓକିଲଙ୍କ ସତ ଘଟଣା ଉପରେ ଫିଲ୍ମ ଜୟ ଭୀମର କାହାଣୀ ଆଧାରିତ ।  ସଭାଜରେ ଗରିବ, ନିଷ୍ପେସିତ ସମାଜର ଲୋକଙ୍କ ସମର୍ଥରେ ଓକିଲ ଜଣଙ୍କ ଛିଡ଼ା ହେବା ଓ ପୋଲିସ ଆକ୍ରୋସର ଶିକାର ହୋଇଥିଲେ । ଫିଲ୍ମଟି ତାମିଲ ବ୍ୟତୀତ, ହିନ୍ଦୀ, ତେଲଗୁ, କନ୍ନଡ ଓ ମଲାୟଲମ ଭାଷାରେ ରିଲିଜ୍ ହୋଇ ଦର୍ଶକଙ୍କ ପ୍ରଶଂସା ସାଉଁଟୁଛି ।

ସୁନ୍ଦରଗଡ଼ରେ ସଶକ୍ତ ହେଉଛି ବିଜେଡ଼ି, ଶଙ୍ଖ ଫୁଙ୍କିଲେ ୫ଶହ କର୍ମୀ

ରାଉରକେଲା: କଂଗ୍ରେସ ଓ ବିଜେପି ସହ ବିଭିନ୍ନ ଦଳର ୫ଶହରୁ ଅଧିକ କର୍ମୀ ଵିଜୁ ଜନତା ଦଳରେ ଯୋଗଦାନ କଲେ। ଖଇରଵନ୍ଧ ଠାରେ ଅନୁଷ୍ଠିତ ମିଶ୍ରଣ ପର୍ବରେ ସୁନ୍ଦରଗଡ଼ ଜିଲ୍ଲା ବିଜେଡି ପର୍ଯ୍ୟବେକ୍ଷକ ତଥା ବିଧାୟକ ପ୍ରିତୀ ରଞ୍ଜନ ଘଡେଇଙ୍କ ଉପସ୍ଥିତିରେ ଵିଜୁ ଜନତା ଦଳରେ ଯୋଗଦେଲେ। ଗତ ତିନି ମାସ ମଧ୍ୟରେ ସୁନ୍ଦରଗଡ଼ ଜିଲ୍ଲାରେ ବିଭିନ୍ନ ଦଳର ୧୦ ହଜାରରୁ ଅଧିକ କର୍ମ ଓ ନେତା ବିଜୁ ଜନତା ଦଳରେ ଯୋଗଦାନ କରିଛନ୍ତି। ସୁକିନ୍ଦା ବିଧାୟକ ପ୍ରିତୀ ରଞ୍ଜନ ଘଡେଇ ଏହି ସୂଚନା ପ୍ରଦାନ କରିଛନ୍ତି  ।

ଆଗକୁ ପଞ୍ଚାୟତ ନିର୍ବାଚନ ଆସୁଥିବାବେଳେ ତୃଣମୂଳ ସ୍ତରରେ ଆହୁରି ସଶକ୍ତ ହେଉଛି ବିଜେଡ଼ି  । ବହୁ ବିଜେପି ଏବଂ କଂଗ୍ରେସ କାର୍ଯ୍ୟକର୍ତ୍ତା  ବିଜୁ ଜନତା ଦଳରେ ଯୋଗଦାନ କରିଛନ୍ତି  । ଦଳକୁ ସଶକ୍ତ କରିବା ସହ ସମସ୍ତ ଆସନରେ ବିଜୁ ଜନତା ଦଳର ସମର୍ଥିତ ପ୍ରାର୍ଥୀଙ୍କୁ ବିଜୟୀ କରିବାର ସଂକଳ୍ପ ନେଇଛନ୍ତି ନୂଆକରି ଯୋଗଦେଇଥିବା ସାଧାରଣ କାର୍ଯ୍ୟକର୍ତ୍ତା  । ସୁନ୍ଦରଗଡ଼ରେ ବିଜେଡିର ଦବଦବା ରହିଥିବା ସ୍ୱତେ ତିନି ମାସ ମଧ୍ୟରେ ପାଖାପାଖି ୧୦ ହଜାରରୁ ଅଧିକ ଅନ୍ୟ ଦଳର କାର୍ଯ୍ୟକର୍ତ୍ତା ବିଜେଡ଼ିରେ ଯୋଗଦାନ କରିଛନ୍ତି  ।

ନୀରଜଙ୍କ ସହିତ ୧୧ ଜଣଙ୍କୁ ମେଜର ଧ୍ୟାନଚାନ୍ଦ ଖେଳରତ୍ନ ସମ୍ମାନ

ନୂଆଦିଲ୍ଲୀ: ମେଜର ଧ୍ୟାନଚାନ୍ଦ ଖେଳରତ୍ନ ପୁରସ୍କାର । କ୍ରୀଡାକ୍ଷେତ୍ରରେ ସର୍ବୋଚ୍ଚ ସମ୍ମାନ । ମେଜର ଧ୍ୟାନଚାନ୍ଦ ଖେଳରତ୍ନ ପୁରସ୍କାର ସେହି କ୍ରୀଡାବିତଙ୍କୁ ପ୍ରଦାନ କରାଯାଏ ଯେଉଁ କ୍ରୀଡାବିତ୍ କ୍ରୀଡା କ୍ଷେତ୍ରରେ ଅସାଧାରଣ ପ୍ରଦର୍ଶନ କରିଛନ୍ତି । ୧୯୯୧ ମସିହାରେ ବିଶ୍ୱନାଥ ଆନନ୍ଦଙ୍କୁ ପ୍ରଥମ ଥର ପାଇଁ ଦିଆଯାଇଥିଲା ଏହି ଖେଳରତ୍ନ ପୁରସ୍କାର । ଏହି ପୁରସ୍କାରରେ ଗୋଟିଏ ପଦକ ସହ ୨୫ ଲକ୍ଷ ଟଙ୍କା ମିଳିଥାଏ । ଆଜି ଏହି ପୁରସ୍କାର ଚଳିତ ଟୋକିଓ ଅଲମ୍ପିକ୍ସରେ ଜାଭେଲିନ ଥ୍ରୋ’ରେ ଗୋଲ୍ଡ ମେଡାଲ ଜିତିଥିବା ନୀରଜ ଚୋପ୍ରାଙ୍କ ସହ ୧୧ ଜଣ କ୍ରୀଡାବିତଙ୍କୁ ମିଳିବ ଧ୍ୟାନଚାନ୍ଦ ଖେଳରତ୍ନ ପୁରସ୍କାର । ତେବେ କେଉଁ କ୍ରୀଡାବିତ ଆଜି ପାଇବେ ଖେଳରତ୍ନ ପୁରସ୍କାର ଆସନ୍ତୁ ଜାଣିବା..

ନୀରଜ ଚୋପ୍ରା (ଜାଭେଲିନ୍ ଥ୍ରୋ)

ହରିଆଣାର ନୀରଜ ଚୋପ୍ରା ଚଳିତ ଟୋକିଓ ଅଲମ୍ପିକ୍ସରେ ଟ୍ରାକ ଆଣ୍ଡ ଫିଲ୍ଡ ଇଭେଣ୍ଟରେ ଭାରତ ପାଇଁ ଗୋଲ୍ଡ ମେଡାଲ ଜିତିଛନ୍ତି । ତେବେ ନୀରଜ ହେଉଛନ୍ତି ପ୍ରଥମ କ୍ରୀଡାବିତ୍ ଯିଏକି ଭାରତ ପାଇଁ ଟ୍ରାକ୍ ଆଣ୍ଡ ଫିଲ୍ଡ ଇଭେଣ୍ଟରେ ଅଲମ୍ପିକ୍ସରେ ଗୋଲ୍ଡ ମେଡାଲ ଜିତିଛନ୍ତି । ସେ ଫାଇନାଲରେ ୮୭.୫୮ ମିଟର ଜାଭେଲିନ ଥ୍ରୋ କରି ସ୍ବର୍ଣ୍ଣ ପଦକ ଜିତିଥିଲେ । ନୀରଜ ଅନ୍ତର୍ଜାତୀୟ ସ୍ତରରେ ୬ଟି ବଡ଼ ଟୁର୍ଣ୍ଣାମେଣ୍ଟରେ ଭାରତ ପାଇଁ ପଦକ ଜିତି ସାରିଛନ୍ତି । ସେ ୨୦୧୮ରେ ଜାକାର୍ତ୍ତା ଏସିଆନ ଗେମ୍ସ, ଗୋଲ୍ଡ କୋଷ୍ଟ କମନଓ୍ବେଲ୍ଥ  ଗେମ୍ସ, ୨୦୧୭ ଏସିଆନ ଚମ୍ପିଆନସିପ୍, ୨୦୧୬ ସାଉଥ ଏସିଆନ ଗେମ୍ସ, ୨୦୧୬ ଜୁନିଅର ଓ୍ୱାର୍ଲ୍ଡ ଚମ୍ପିଆନସିପରେ ଗୋଲ୍ଡ ମେଡାଲ ଜିତି ସାରିଛନ୍ତି ନୀରଜ ।

ରବି ଦାହିଆ (କୁସ୍ତି)

ହରିଆଣାରେ ରହୁଥିବା ରବି ଦାହିଆ ଚଳିତ ଟୋକିଓ ଅଲମ୍ପିକ୍ସରେ ଭାରତ ପାଇଁ ସିଲଭର ମେଡାଲ ଜିତିଥିଲେ । ରବି ସୁଶୀଲ କୁମାରଙ୍କ ପରେ କୁସ୍ତିରେ ଫାଇନାଲରେ ପହଞ୍ଚିଥିଲେ । ତେବେ ଫାଇନାଲରେ ରବି ୫୭ କେଜି କାଟାଗୋରୀରେ ଦୁଇ ଥର ଓ୍ବାର୍ଲ୍ଡ ଚମ୍ପିଆନ ହୋଇଥିବା ଜାବୁର ୟୁଗୁଏବଙ୍କ ନିକଟରୁ ପରାସ୍ତ ହୋଇଥିଲେ । ଏହା ପୂର୍ବରୁ ରବି ୨୦୧୯ ବିଶ୍ୱ ଚମ୍ପିଆନସପରେ ବ୍ରୋଞ୍ଜ ମେଡାଲ ହାସଲ କରିଥିଲେ । ଏଥିସହ ୨୦୨୦ ଓ ୨୦୨୧ ଏସିଆନ ଚମ୍ପିଆନସିପରେ ସେ ଗୋଲ୍ଡ ମେଡାଲ ନିଜ ନାମରେ କରିଥିଲେ ।

ଲଭଲିନା ବୋରଗେହେନ (ବକ୍ସିଂ)

ଲଭଲିନା ବୋରଗେହେନ ଆସାମର ଗୋଲାଘାଟ ଜିଲ୍ଲାରେ ଜନ୍ମ ଗ୍ରହଣ କରିଥିଲେ । ସେ ଟୋକିଓ ଅଲମ୍ପିକ୍ସରେ  ୬୯ କେଜି ଓଜନ କାଟାଗୋରୀରେ ଭାରତ ପାଇଁ ବ୍ରୋଞ୍ଜ ମେଡାଲ ଜିତିଥିଲେ ଲଭଲିନା । ଲଭଲିନା ବକ୍ସିଂରେ ଭାରତ ପାଇଁ ମେଡାଲ ଜିତିବାରେ ତୃତୀୟ ଓ ମହିଳା ହିସାବରେ ଦ୍ବିତୀୟ ଖେଳାଳି । ଲଭଲିନାଙ୍କ ପୂର୍ବରୁ ୨୦୦୮ରେ ବିଜେନ୍ଦ୍ର ସିଂ ଓ ୨୦୧୨ରେ ମେରୀକମ ମେଡାଲ ଜିତିଥିଲେ । ଲଭଲିନା ୨୦୧୮ ଓ ୨୦୧୯ରେ ହୋଇଥିବା ଓ୍ବାର୍ଲ୍ଡ ବକ୍ସିଂ ଚମ୍ପିଆନସିପରେ ବ୍ରୋଞ୍ଜ ମେଡାଲ ଜିତି ସାରିଛନ୍ତି । ସେହିପରି ଦିଲ୍ଲୀରେ ଆୟୋଜିତ ବକ୍ସିଂ ଟୁର୍ଣ୍ଣାମେଣ୍ଟରେ ସିଲଭର ମେଡାଲ ଜିତିଥିଲେ । ଏହା ବ୍ୟତୀତ ୨୦୧୭ରେ ଏସିଆନ ବକ୍ସିଂ ଚମ୍ପିଆନସିପରେ ବି ବ୍ରୋଞ୍ଜ ମେଡାଲ ଜିତି ସାରିଛନ୍ତି ।

ଅବନୀ ଲେଖରା (ପାରା ସୁଟିଂ)

ଅବନୀ ଲେଖରା ରାଜସ୍ଥାନରେ ଜନ୍ମ ଗ୍ରହଣ କରିଥିଲେ । ସିଏ ଟୋକିଓ ପାରାଅଲମ୍ପିକ୍ସରେ ୧୦ ମିଟର ଏୟାର ରାଇଫଲରେ ଭାରତକୁ ଗୋଲ୍ଡ ମେଡାଲ ଦେଇଥିଲେ । ଫାଇନାଲରେ ସେ ୨୪୯.୬ ପଏଣ୍ଟ ହାସଲ କରିଥିଲେ । ଅବନୀ ଲେଖରା ଦେଶର ପ୍ରଥମ ମହିଳା କ୍ରୀଡାବିତ୍ ଯିଏ ଶୁଟିଂରେ ଅଲମ୍ପିକ୍ସ କିମ୍ବା ପାରା ଅଲମ୍ପିକ୍ସରେ ପଦକ ଜିତିଛନ୍ତି । ଅବନୀ ୯ ବର୍ଷ ପୂର୍ବେ କାର ଦୁର୍ଘଟଣାରେ ଦୁଇ ଗୋଡ ହରାଇ ଥିଲେ । ତେବେ ଏତେ ବଡ଼ ଦୁର୍ଘଟଣା ପରେ ବି ପଛକୁ ଫେରିନଥିଲେ ଅବନୀ । ପାରା ଅଲମ୍ପିକ୍ସରେ ଶୁଟିଂରେ ଗୋଲ୍ଡ ମେଡାଲ ଜିତି ଭାରତକୁ ଗର୍ବିତ କରିଥିଲେ ।

ପ୍ରମୋଦ ଭଗତ (ପାରା ବ୍ୟାଡମିଣ୍ଟନ)

ପାରା ଅଲମ୍ପିକ୍ସରେ ବ୍ୟାଡମିଣ୍ଟନରେ ଗୋଲ୍ଡ ମେଡାଲ ଜିତି ଭାରତକୁ ଗର୍ବିତ କରିଛନ୍ତି ଓଡିଆ ପୁଅ ପ୍ରମୋଦ ଭଗତ । ପ୍ରମୋଦ ୨୦୧୯ରେ ଅର୍ଜୁନ ପୁରସ୍କାର ଓ ଓଡିଶା ସରକାରଙ୍କ ତରଫରୁ ବିଜୁ ପଟ୍ଟନାୟକ ପୁରସ୍କାର ବି ମିଳିଛି । ପ୍ରମୋଦଙ୍କ ପାଇଁ ଚଳିତ ବର୍ଷ ଦମଦାର ରହିଥିଲା । ଏପ୍ରିଲରେ ଦୁବାଇରେ ହୋଇଥିବା ପାରା ବ୍ୟାଡମିଣ୍ଟନ ଟୁର୍ଣ୍ଣାମେଣ୍ଟରେ ଦୁଇଟି ଗୋଲ୍ଡ ମେଡାଲ ଜିତିଥିଲେ । ସେ ବ୍ୟାଡମିଣ୍ଟନ ସିଙ୍ଗିଲ୍ସରେ ସ୍ବର୍ଣ୍ଣ ପଦକ ଜିତିଥିବା ବେଳେ ମନୋଜ ସରକାରଙ୍କ ସହ ମିଶି ML-4, ML-3 କାଟାଗୋରୀରେ ଗୋଲ୍ଡ ମେଡାଲ ଜିତିଥିଲେ । ପ୍ରମୋଦ ଓ୍ବାର୍ଲ୍ଡ ଚମ୍ପିଆନସିପରେ ଚାରୋଟି ଗୋଲ୍ଡ ମେଡାଲ ସହିତ ୪୫ ଅନ୍ତର୍ଜାତୀୟ ପୁରସ୍କାର ମଧ୍ୟ ଜିତି ସାରିଛନ୍ତି । BWF ଓ୍ବାର୍ଲ୍ଡ ଚମ୍ପିଆନସିପରେ ଗତ ଆଠ ବର୍ଷ ମଧ୍ୟରେ ସେ ଦୁଇଟି ଗୋଲ୍ଡ ମେଡାଲ ସହ ଗୋଟିଏ ସିଲଭର ମେଡାଲ ନିଜ ନାମରେ କରିଛନ୍ତି ପ୍ରମୋଦ ଭଗତ ।

ସୁମିତ ଆଣ୍ଟିଲ (ଜାଭେଲିନ ଥ୍ରୋ)

ହରିଆଣାରେ ଜନ୍ମ ଗ୍ରହଣ କରିଥିବା ସୁମିତ ଆଣ୍ଟିଲ ୨୦୨୧ ଟୋକିଓ ପାରା ଅଲମ୍ପିକ୍ସରେ ଗୋଲ୍ଡ ମେଡାଲ ଜିତିଥିଲେ । ସୁମିତ ଜାଭେଲିନ ଥ୍ରୋ’ର F64 କାଟାଗୋରୀରେ ବିଶ୍ବ ରେକର୍ଡ କରିବା ସହ ଗୋଲ୍ଡ ମେଡାଲ ଜିତିଥିଲେ । ସେ ଫାଇନାଲରେ ୬୮.୫୫ ମିଟର ଥ୍ରୋ କରିଥିଲେ । ସୁମିତ ୨୦୧୮ରେ ଏସିଆନ ଚମ୍ପିଆନସିପରେ ଭାଗ ନେଇଥିଲେ କିନ୍ତୁ ସେ ପଞ୍ଚମ ସ୍ଥାନରେ ରହିଥିଲେ । ଏହାପରେ ୨୦୧୯ ବିଶ୍ବ ଚମ୍ପିଆନସିପରେ ସେ ସିଲଭର ମେଡାଲ ଜିତିଥିଲେ । ଏହିଠାରେ ଅଟକି ନଥିଲେ ସୁମିତ ସେ ଚଳିତ ବର୍ଷ ନ୍ୟାସନାଲ ଗେମ୍ସରେ ଗୋଲ୍ଡ ମେଡାଲ ଜିତିଥିଲେ । ସେହିପରି ଭାବରେ ୨୦୧୯ରେ ଦୁବାଇରେ ହୋଇଥିବା ବିଶ୍ବ ପାରା ଆଥେଲେଟିକ୍ସ ଚମ୍ପିଆନସିପରେ ସୁମିତ ଆଣ୍ଟିଲ ସିଲଭର ମେଡାଲ ଜିତିବାରେ ସଫଳ ହୋଇଥିଲେ ।

ମନୀଷ ନରଓ୍ବାଲ (ପାରା ଶୁଟିଂ)

ହରିଆଣାର ଫରୀଦାବାଦ ଜିଲ୍ଲାରେ ଜନ୍ମ ଗ୍ରହଣ କରିଥିଲେ ମନୀଷ । ସେ ଶୁଟିଂରେ ଟୋକିଓ ପାରା ଅଲମ୍ପିକ୍ସରେ ଗୋଲ୍ଡ ମେଡାଲ ନିଜ ନାମରେ କରିଥିଲେ । ସେ ଫାଇନାଲରେ ୨୧୮.୨ ପଏଣ୍ଟ କରି ପ୍ରଥମ ସ୍ଥାନ ଅଧିକାର ହାସଲ କରିଥିଲେ । ମନୀଷ ନରଓ୍ବାଲ ଫୁଟବଲର ହେବା ପାଇଁ ଚାହୁଁଥିଲେ । କିନ୍ତୁ ତାଙ୍କ ପିତାଙ୍କ ସହଯୋଗରେ ଶୁଟିଂରେ ନିଜର କ୍ୟାରୟର କରିଥିଲେ ମନୀଷ । ଫରୀଦାବାଦରେ ନିଜର ଶୁଟିଂର ଅଭ୍ୟାସ କରି ଆଜି ଅଲମ୍ପିକ୍ସରେ ଗୋଲ୍ଡ ମେଡାଲ ହାସଲ କରିଥିଲେ ।

କ୍ରିଷ୍ଣା ନାଗର (ପାରା ବ୍ୟାଡମିଣ୍ଟନ)

ଚଳିତ ଟୋକିଓ ପାରା ଅଲମ୍ପିକ୍ସରେ ବ୍ୟାଡମିଣ୍ଟନରେ ଗୋଲ୍ଡ ମେଡାଲ ଜିତିଥିଲେ କ୍ରିଷ୍ଣା ନାଗର । ଛୋଟବେଳୁ କ୍ରିକେଟର ହେବକୁ ଚାହୁଁଥିଲେ କ୍ରିଷ୍ଣା । କିନ୍ତୁ ଉଚ୍ଚତା କମ୍ ହେତୁ କ୍ରିକେଟ ଖେଳିବା ଛାଡିଥିଲେ କ୍ରିଷ୍ଣା । ଏହାପରେ ଭଲିବଲ ଖେଳିଥିଲେ କ୍ରିଷ୍ଣା । ଭଲିବଲରେ ବି ଭଲ ଡିଫେଣ୍ଡର ହୋଇଥିଲେ । କିନ୍ତୁ ପୁଣି ଥରେ ଉଚ୍ଚତା କାରଣରୁ ଭଳିବଲ ଖେଳିବା ଛାଡିଥିଲେ କ୍ରିଷ୍ଣା । ଏହାପରେ ତାଙ୍କ ପିତା ତାଙ୍କୁ ବ୍ୟାଡମିଣ୍ଟନ ଖେଳିବାକୁ କହିଥିଲେ । ଯାହା ଫଳରେ ସେ ୨୦୧୭ରେ ବ୍ୟାଡମିଣ୍ଟନ ଖେଳିବା ଆରମ୍ଭ କରିଥିଲେ । ଗତ ଚାରି ବର୍ଷ ମଧ୍ୟରେ ଦମଦାର ପରିଶ୍ରମ କରି ଭାରତ ପାଇଁ ଗୋଲ୍ଡ ମେଡାଲ ଦେଇଥିଲେ ।

ମନପ୍ରୀତ ସିଂ (ହକି)

୪୧ ବର୍ଷ ପରେ ଅଲମ୍ପିକ୍ସରେ ପଦକ ଜିତିବାରେ ସଫଳ ହୋଇଛି ଭାରତୀୟ ହକି ଟିମ୍ । ଚଳିତ ଟୋକିଓ ଅଲମ୍ପିକ୍ସରେ ଭାରତ ବ୍ରୋଞ୍ଜ ମେଡାଲ ଜିତିଥିଲା । ଏହି ଟିମର ଅଧିନାୟକ ମନପ୍ରୀତ ସିଂ ଥିଲେ । ୨୦୨୧ ପୂର୍ବରୁ ଭାରତ ୧୯୮୦ ମସ୍କୋ ଅଲମ୍ପିକ୍ସରେ ପଦକ ଜିତିଥିଲା । ମନପ୍ରୀତ ସିଂ ଟୋକିଓ ଅଲମ୍ପିକ୍ସର ଓପନିଂ ସେରିମନୀରେ ଭାରତର ତ୍ରିରଙ୍ଗା ଧରିଥିଲେ । ଭାରତ ଅଲମ୍ପିକ୍ସରେ ସବୁଠାରୁ ଅଧିକ ପଦକ ହକିରେ ହାସଲ କରିଛି । ଭାରତ ୧୯୨୮, ୧୯୩୨, ୧୯୩୬, ୧୯୪୮, ୧୯୫୨, ୧୯୫୬, ୧୯୬୪ ଏବଂ ୧୯୮୦ରେ ଅଲମ୍ପିକ୍ସରେ ଗୋଲ୍ଡ ମେଡାଲ ହାସଲ କରିଥିଲେ । ଏହା ବ୍ୟତୀତ ୧୯୬୦ରେ ସିଲଭର ୧୯୬୮, ୧୯୭୨ ଏବଂ ୨୦୨୧ ମସିହାରେ ବ୍ରୋଞ୍ଜ ମେଡାଲ ନିଜ ନାମରେ କରିଥିଲା ଟିମ୍ ଇଣ୍ଡିଆ ।

ପିଆର ଶ୍ରୀଜେଶ (ହକି)

ପିଆର ଶ୍ରୀଜେଶ ଭାରତୀୟ ହକି ଟିମର ଗୋଲକିପର ଥିଲେ । ଚଳିତ ଟୋକିଓ ଅଲମ୍ପିକ୍ସରେ ସେ ଏମିତି ଏକ ଅଭେଦ୍ୟ ପାଚିରି ପରି ରହିଥିଲେ ଯାହାକୁ ଭାଙ୍ଗିବା ସବୁ ଟିମ୍ ପାଇଁ ଅତ୍ୟନ୍ତ କଷ୍ଟକର ଥିଲା । ୨୦୦୪ରେ ଶ୍ରୀଜେଶଙ୍କୁ ଭାରତର ନ୍ୟାସନାଲ ଟିମରେ ସ୍ଥାନ ମିଳିଥିଲା । ୨୦୧୧ରେ ସେ ଭାରତୀୟ ସିନିୟର ଦଳରେ ନିଜ ସ୍ଥାନ ପକ୍କା କରିଥିଲେ । ଏହା ପରେ ସେ ଭାରତୀୟ ହକି ଦଳର ଅଧିନାୟକ ମଧ୍ୟ ଥିଲେ ।

ସୁନୀଲ ଛେତ୍ରୀ (ଫୁଟବଲ)

ତେଲେଙ୍ଗାନାର ସିକନ୍ଦରବାଦରେ ଜନ୍ମ ଗ୍ରହଣ କରିଥିଲେ ଭାରତୀୟ ଫୁଟବଲ ଦଳର ଅଧିନାୟକ ସୁନୀଲ ଛେତ୍ରୀ । ଛେତ୍ରୀ ୨୦୦୨ରେ ମୋହନ ବାଗନରୁ ନିଜର କ୍ୟାରିୟର ଆରମ୍ଭ କରିଥିଲେ । ସୁନୀଲ SAIF ଚମ୍ପିଆନସିପ ଫାଇନାଲରେ ନେପାଳ ବିପକ୍ଷରେ ଏକ ବଡ଼ ଉପଲବ୍ଧି ହାସଲ କରିଥିଲେ । ଏହି ମ୍ୟାଚର ୪୯ତମ ମିନିଟରେ ଗୋଲ ସ୍କୋର କରିଥିଲେ ଛେତ୍ରୀ । ଏହି ଗୋଲ ସହିତ ସେ ଆର୍ଜେଣ୍ଟିନାର ମହାନ ଫୁଟବଲର ଲିଓନାଲ ମେସୀଙ୍କ ୮୦ ଅନ୍ତର୍ଜାତୀୟ ଗୋଲର ବରାବର କରିଥିଲେ । ସୁନୀଲ ଛେତ୍ରୀଙ୍କ ଅଧିନାୟକତ୍ବରେ ଭାରତ ଆଠ ଥର SAIF ଚମ୍ପିଆନସିପକୁ ନିଜ ନାମରେ କରିଥିଲେ ।

ମିତାଲି ରାଜ (କ୍ରିକେଟ)

ଭାରତୀୟ ମହିଳା ଦିନିକିଆ କ୍ରିକେଟ ଦଳର ଅଧିନାୟକ ହେଉଛନ୍ତି ମିତାଲି ରାଜ । ସେ କ୍ରିକେଟର ତିନୋଟି ଫର୍ମାଟରେ ୨୦ ହଜାର ପୂରା କରିଛନ୍ତି । ଏହି ରେକର୍ଡ ହାସଲ କରିବାରେ ମିତାଲି ହେଉଛନ୍ତି ବିଶ୍ବର ପ୍ରଥମ ମହିଳା କ୍ରିକେଟର । ୧୯୯୯ରେ ଭାରତ ପାଇଁ ଡେବ୍ୟୁ କରିଥିଲେ ମିତାଲି ରାଜ୍ । ସେ ଗତ ୨୨ ବର୍ଷ ଧରି ଲଗାତର ଭାରତ ପାଇଁ ଦମଦାର ପ୍ରଦର୍ଶନ କରିଆସୁଛନ୍ତି । ସେ ୨୦୧୫ରେ ପଦ୍ମଶ୍ରୀ ଓ ୨୦୦୩ରେ ଅର୍ଜୁନ ପୁରସ୍କାର ପାଇଥିଲେ ।

ବିଜେପି କଥା କହୁଛନ୍ତି କଂଗ୍ରେସ ନେତା, ଭକ୍ତ ଦାସଙ୍କୁ ବିଜେଡ଼ି ପଚାରିଲା ୫ ପ୍ରଶ୍ନ

ଭୁବନେଶ୍ୱର: କଂଗ୍ରେସ ନେତା ଭକ୍ତ ଦାସଙ୍କୁ ୫ଟି ପ୍ରଶ୍ନ ପଚାରିଛି ବିଜେଡି । ବିଜେଡି ସାଂସଦ ସସ୍ମିତ୍ ପାତ୍ର ପ୍ରେସମିଟ୍ କରି ଭକ୍ତଙ୍କୁ ପ୍ରଶ୍ନ ବାଣରେ ଘାଇଲା କରିଛନ୍ତି । ମହାଲିଙ୍ଗ କଲେଜର ପ୍ରତିଷ୍ଠାତା ଟ୍ରଷ୍ଟି ଭାବେ ତାଙ୍କ ପୁଅ କ୍ରାନ୍ତି ଦାସ ଥିଲେ କି ନାହିଁ? ମହାଲିଙ୍ଗ କଲେଜର ଗୋବିନ୍ଦ ସାହୁଙ୍କ ସହ ଭକ୍ତଙ୍କ ସମ୍ପର୍କ କଣ ? ୨୫ ଜାନୁଆରୀ ୨୦୨୦ରେ ଭକ୍ତ ସେଠାକୁ ପାନୀୟ ଜଳ ପ୍ରକଳ୍ପ ଉଦଘାଟନ ପାଇଁ ଯାଇଥିଲେ କି ନାହିଁ? ତେଲେଙ୍ଗାନା ଓ ବିହାରରେ କଂଗ୍ରେସ ଦଳର ନେତା ଓ କର୍ମୀ ଆଣିଥିବା ଭକ୍ତ ଦାସଙ୍କ ବିରୋଧରେ ଦୁର୍ନୀତି ଅଭିଯୋଗ ସତ ନା ନାହିଁ?  ବିହାରରେ ମହାଗଠବନ୍ଧନ ମେଂଟ ଭାଙ୍ଗିବା ଘୋଷଣା କରି ବିଜେପିକୁ ସାହାଯ୍ୟ କରିଥିବା ଭକ୍ତ ଦାସ, କଳାହାଣ୍ଡିରେ ବିଜେପିକୁ ସାହାଯ୍ୟ କରୁଛନ୍ତି ନା ନାହିଁ ?

ସେ ଆହୁରି ମଧ୍ୟ କହିଛନ୍ତି ଯେ, ଓଡ଼ିଶା କଂଗ୍ରେସ ଓ ଓଡ଼ିଶା ବିଜେପି ମଧ୍ୟରେ ମଧୁଚନ୍ଦ୍ରିକା ରହିଛି  । ଓଡ଼ିଶା ବିଜେପିର ବି ଟିମ୍ ହେଉଛି ଓଡ଼ିଶା କଂଗ୍ରେସ  । ବିଜେପି ପ୍ରରୋଚନାରେ ଆଜି ପ୍ରେସମିଟ୍ କରିଛନ୍ତି ଭକ୍ତ ଦାସ  ।  ଭକ୍ତ ଦାସଙ୍କ ପୁଅ ମହାଲିଙ୍କ କଲେଜ ଟର୍ଷ୍ଟିର ସଭାପତି ଥିଲେ କି ନାହିଁ ବୋଲି ସ୍ପଷ୍ଟ କରନ୍ତୁ ବୋଲି ବିଜେଡି ଆହ୍ୱାନ କରିଛି । ସୋସିଆଲ ମିଡିଆରେ ବୁଲୁଥିବା  ଫଟୋ ବି ଦେଖାଇଛନ୍ତି ସସ୍ମିତ  । ଫଟୋରେ  ଭକ୍ତଙ୍କ ସହ ଗୋବିନ୍ଦ ଓ ମମିତାଙ୍କୁ ଦେଖିବାକୁ ମିଳିଛି  । ଗୋବିନ୍ଦଙ୍କ ସହ ସଂପର୍କ କଣ ବୋଲି ଭକ୍ତ ଦାସଙ୍କୁ ପ୍ରେସମିଟରେ ପ୍ରଶ୍ନ କରିଛି ବିଜେଡି  ।

ଭକ୍ତ ଦାସ ୨୦୧୪ ମସିହାରେ ଶେଷ ଥର ପାଇଁ ମହାଲିଙ୍ଗ କଲେଜ ଯାଇଥିବା ନେଇ ବାରମ୍ବାର କହୁଥିବାବେଳେ ସେଠାରେ ଥିବା ନାମ ଫଳକରେ ୨୦୨୦ ମସିହାରେ ଯାଇଥିବା ଉଲ୍ଲେଖ ରହିଛି  । ଏମିତିକି ସୋସିଆଲ ମିଡ଼ିଆରେ ଘୁରି ବୁଲୁଥିବା ଫଟୋରେ ମଧ୍ୟ ଭକ୍ତ ଚରଣ ଦାସ ୨୦୨୦ ମସିହାରେ ଯାଇଥିବା ଜଣାପଡ଼ିଛି  । ତେବେ ଭକ୍ତ ଦାସ ରାଜ୍ୟ ବାସୀଙ୍କୁ ମିଥ୍ୟା କହୁଛନ୍ତି ନା ସତ ତାହା ସର୍ବ ସମ୍ମୁଖରେ ସ୍ପଷ୍ଟ କରନ୍ତୁ ବୋଲି ଆହ୍ୱାନ ଦେଇଛନ୍ତି ବିଜେଡ଼ି ସାସଂଦ ସସ୍ମିତ ପାତ୍ର  ।

୨୪ ଘଣ୍ଟାରେ ୩ ଥର ଆତ୍ମହତ୍ୟା ଉଦ୍ୟମ

ଭୋପାଳ: ‘ଯାହାକୁ ରଖେ ଅନନ୍ତ କି କରିପାରେ ବଳବନ୍ତ ।’ ଅର୍ଥାତ ଯଦି ଆପଣଙ୍କ ଉପରେ ଭଗବାନଙ୍କ କୃପା ଅଛି, ତେବେ  ଯେତେ ଚେଷ୍ଟା କଲେ ବି କିଛି ଅଘଟଣା ଘଟାଇ ପାରିବେନି । ଏହା ଅକ୍ଷରେ ଅକ୍ଷରେ ସତ ପ୍ରମାଣିତ ହୋଇଛି ମଧ୍ୟପ୍ରଦେଶର ଅଟୋ ଚାଳକ ରବୀନ୍ଦ୍ର କଟାରେଙ୍କ କ୍ଷେତ୍ରରେ । ୨୪ ଘଣ୍ଟା ମଧ୍ୟରେ ତିନି ତିନି ଥର ଆତ୍ମହତ୍ୟା ଉଦ୍ୟମ କରିବା ପରେ ବି ତାଙ୍କ ଜୀବନ ବଞ୍ଚି ଯାଇଛି । ଗୁରୁତର ଅବସ୍ଥାରେ ଏବେ ତାଙ୍କର ଚିକିତ୍ସା ଚାଲିଛି । ରବୀନ୍ଦ୍ର ଏମିତି ପଦକ୍ଷେପ କାହିଁକି ନେଲେ ତାହା ସ୍ପଷ୍ଟ ହୋଇନି । ଅବସ୍ଥା ଗୁରୁତର ଥିବାରୁ ତାଙ୍କ ବୟାନ ବି ରେକର୍ଡ କରାଯାଇ ପାରିନି ।

ଆତ୍ମହତ୍ୟା କରିବାକୁ ରବୀନ୍ଦ୍ର ପ୍ରଥମେ ବେହୋସ ହେବା ପର୍ଯ୍ୟନ୍ତ ମଦ ପିଇଥିଲେ । ନିଶା ଝଡ଼ିବା ପରେ ସେ ବିଷ ପିଇ ଦେଇଥିଲେ । ଏଥିରେ ବି କାମ ନହେବାରୁ ଘରେ ରଶି ଲଗାଇ ଆତ୍ମହତ୍ୟା ଉଦ୍ୟମ କରିଥିଲେ । ହେଲେ ଭଗବାନଙ୍କ ଦୟାରୁ ଠିକ ସମୟରେ ତାଙ୍କୁ ଉଦ୍ଧାର କରାଯାଇଥିଲା ।

ଘଟଣାଟି ମଧ୍ୟପ୍ରଦେଶ ବେତୁଲର ଚିଚୋଲି ଥାନା ଅଞ୍ଚଳରେ ଘଟିଛି । ଡକ୍ତରଙ୍କ କହିବା ଅନୁସାରେ ରବୀନ୍ଦ୍ର ପ୍ରଥମେ ମଦ ପିଇ ଆତ୍ମହତ୍ୟା ଉଦ୍ୟମ କରିଥିଲେ । ଏହାପରେ ବିଷ ପିଇ ରଶି ଲଗାଇ ଦେଇଥିଲେ । ଶରୀରରୁ ବିଷ ବାହାର କରି ଦିଆଯାଇଛି । ହେଲେ ରବୀନ୍ଦ୍ର ସହେଯାଗ କରୁନଥିବାରୁ ଚିକିତ୍ସାରେ ସମସ୍ୟା ହେଉଥିବା ଡାକ୍ତର କହିଛନ୍ତି ।

କେଉଁ କାରଣରୁ ରବୀନ୍ଦ୍ର ଜୀବନ ହାରିବାକୁ ଚାହୁଁଛନ୍ତି ତାହା ସ୍ପଷ୍ଟ ହୋଇନି । ତଥାପି ତାଙ୍କ ଭାଇ କହିଛନ୍ତି, ‘କାରଣ ତ ଜଣାନାହିଁ । ପତ୍ନୀ ସହ କୌଣସି କଥାକୁ ନେଇ ମତଭେଦ ହୋଇଥାଇପାରେ ।’

ଭକ୍ତ ଦାସଙ୍କ ପୁଅ ଥିଲେ ମହାଲିଙ୍ଗ କଲେଜ ଟ୍ରଷ୍ଟ ସଭାପତି, ସାମ୍ବାଦିକ ସମ୍ମିଳନୀରେ ବିଜେଡ଼ିର ଖୁଲାସା

ଭୁବନେଶ୍ୱର: କଂଗ୍ରେସ ନେତା ଭକ୍ତଦାସଙ୍କୁ ବିଜେଡ଼ିର ପ୍ରଶ୍ନ ବାଣ  । ମମିତା ମେହେର ମାମଲାରେ ନ୍ୟାୟ ଭିକ୍ଷା କରୁଥିବା କଂଗ୍ରେସ ନେତା ଭକ୍ତ ଚରଣ ଦାସଙ୍କୁ ବିଜେଡ଼ି ମୁଖପାତ୍ର ସାଂସଦ ସସ୍ମିତ ପାତ୍ର ପଚାରିଛନ୍ତି କିଛି ସାଙ୍ଘାତିକ ପ୍ରଶ୍ନ  । ଓଡ଼ିଶା କଂଗ୍ରେସ ଏବଂ ଓଡ଼ିଶା ବିଜେପି ଭିତରେ ରହିଛି ଭିତିରି ସଂପର୍କ  । କାରଣ ଓଡ଼ିଶା ବିଜେପିର ବି ଟିମ୍ ଭାବେ କାର୍ଯ୍ୟ କରୁଛି ରାଜ୍ୟ କଂଗ୍ରେସ  । ଭକ୍ତ ଦାସ ସାମ୍ବାଦିକ ସମ୍ମିଳନୀରେ ବିଜେପିର କଥା କହୁଥିବା ଅଭିଯୋଗ କରିଛନ୍ତି ସସ୍ମିତ ପାତ୍ର  । ମହାଲିଙ୍କ କଲେଜ ଏବଂ ମମିତା ମେହେର କେସରେ ମନ୍ତ୍ରୀ ଦିବ୍ୟ ଶଙ୍କର ମିଶ୍ରଙ୍କ ବିରୋଧରେ ଗର୍ଜୁଥିବା ବିରୋଧିଙ୍କ ନିରବତା ପଛରେ ସତ୍ୟତା ରହିଛି  ।

ସାସଂଦ ସସ୍ମିତ ପାତ୍ର କିଛି ଦୃଢ ତଥ୍ୟ ସହ ସାମ୍ବାଦିକ ସମ୍ମିଳନୀରେ ସବିଶେଷ ତଥ୍ୟ ପ୍ରଦାନ କରିଥିଲେ  । ମହାଲିଙ୍କ କଲେଜର ରେଜିଷ୍ଟର ଦସ୍ତାବିଜକୁ ଖୁଲାସା କରିଥିଲେ  । ଯେଉଁଥିରେଫାଉଣ୍ଡର ମେମ୍ବର ତାଲିକାରେ ରହିଛନ୍ତି କଂଗ୍ରେସ ନେତା ଭକ୍ତ ଦାସଙ୍କ ପୁଅ କ୍ରାନ୍ତି ଦାସ  । କ୍ରାନ୍ତି ଦାସ ଓହି ରେଜିଷ୍ଟରର ଦ୍ୱିତୀୟ ନମ୍ବରରେ ରହିଥିବା ଉଲ୍ଲେଖ ରହିଛି  । ଯେଉଁ ସମୟରେ ସଂସ୍ଥା ରେଜିଷ୍ଟର ହୋଇଥିଲା ସେଥିରେ ଥିବା କ୍ରାନ୍ତି ଦାସଙ୍କ ବୟସ ୨୧୩ ଥିବା ବେଳେ ତାଙ୍କ ବାପାଙ୍କ ଭକ୍ତ ଚରଣ ଦାସ ଉଲ୍ଲେଖ ରହିଛି  ।

ସବୁଠାରୁ ବଡ଼ ପ୍ରଶ୍ନ ହେଉଛି ଏହି ଗଭର୍ଣ୍ଣିଙ୍ଗ ବଡ଼ି କମିଟିରେ ଗୋବିନ୍ଦ ସାହୁ ଚେୟାରମେନ ଥିବାବେଳେ ଭକ୍ତ ଦାସଙ୍କ ପୁଅ କ୍ରାନ୍ତି ଦାସ ରହିଥିଲେ ଅଧ୍ୟକ୍ଷ  । ମହାଲିଙ୍ଗ କଲେଜର ଫାଉଣ୍ଡର ଟ୍ରଷ୍ଟି ହେଉଛନ୍ତି ଗୋବିନ୍ଦ ସାହୁ । କଲେଜର ଦ୍ୱିତୀୟ ଟ୍ରଷ୍ଟି ହେଉଛନ୍ତି ଭକ୍ତ ଦାସଙ୍କ ପୁଅ କ୍ରାନ୍ତି  । ଏ ନେଇ ଭକ୍ତ ଦାସ ସ୍ପଷ୍ଟ କରନ୍ତୁ ବୋଲି ବିଜେଡି ଆହ୍ୱାନ ଦେଇଛି । ସୋସିଆଲ ମିଡିଆରେ ବୁଲୁଥିବା ଫଟୋ ବି ଦେଖାଇଛନ୍ତି ସସ୍ମିତ । ଫଟୋରେ ଭକ୍ତଙ୍କ ସହ ଗୋବିନ୍ଦ ଓ ମମିତାଙ୍କୁ ଦେଖିବାକୁ ମିଳିଛି ।

ଓକାକ ସିଓଙ୍କ ହ୍ବାଟସଆପ୍‌ ହ୍ୟାକ୍ ଓ ଠକେଇ ପଛରେ ନାଇଜେରିଆ ଲିଙ୍କ୍

ଭୁବନେଶ୍ୱର: ଓଡ଼ିଶା କମ୍ପ୍ୟୁଟର ଆପ୍ଲିକେସନ ସେଣ୍ଟର (ଓକାକ) ସିଇଓଙ୍କ ହ୍ବାଟସଆପ୍‌ ହ୍ୟାକ୍ ଓ ଠକେଇ ପଛରେ ବିଦେଶୀ ଲିଙ୍କ । ଠକ ସହ କଥା ହେଲେ କ୍ରାଇମବ୍ରାଞ୍ଚ ଅଧିକାରୀ ସଞ୍ଜୀବ ପଣ୍ଡା । ଠକେଇ ପଛରେ ନାଇଜେରିଆ ଗ୍ୟାଙ୍ଗର ହାତ ଥିବା ସନ୍ଦେହ । ହ୍ୟାକ୍ ପରେ ଠକର ଆକାଉଣ୍ଟରୁ ଏକାଧିକ ବ୍ୟାଙ୍କ ଆକାଉଣ୍ଟକୁ ହୋଇଛି ଟଙ୍କା ଟ୍ରାନ୍ସଫର ।

ତଦନ୍ତରୁ ଠକର ଏକାଧିକ ଆକାଉଣ୍ଟ ଥିବା ଜଣାପଡ଼ିଛି । ଦୁଇଟି ଆକାଉଣ୍ଟରେ ଯଥାକ୍ରମେ ଏକ ହଜାର ଓ ୧୧ ଶହ ଟଙ୍କା ଅଛି । ଏହି ବ୍ୟାଙ୍କ ଆକାଉଣ୍ଟଗୁଡ଼ିକୁ ଫିଜ୍ କରିବାକୁ ଚିଠି ଲେଖାଯାଇଥିବା କହିଛନ୍ତି କ୍ରାଇମବ୍ରାଞ୍ଚ ଏଡିଜି ସଞ୍ଜୀବ ପଣ୍ଡା ।

ପୂର୍ବରୁ ଓକାକ ସିଇଓଙ୍କ ହ୍ବାଟ୍ସଆପ ବେଙ୍ଗାଲୁରୁରେ ହ୍ୟାକ୍ କରାଯାଇ ୭ ଲକ୍ଷ ଟଙ୍କା ଲୁଟ  ହୋଇଥିବା ଜଣାପଡ଼ିଥିଲା । ଗୋଟିଏ ପରେ ଗୋଟିଏ ୩ଟି ଆକାଉଣ୍ଟରୁ ଟଙ୍କା ଯାଇଥିଲା । ହ୍ୟାକର ହ୍ବାଟ୍ସଆପ୍ ହ୍ୟାକ୍ କରିବା ପରେ ଓକାକ୍‌ ସିଇଓଙ୍କ ୩ଜଣ ସମ୍ପର୍କୀୟଙ୍କ ପାଖକୁ ଯାଇଥିଲା ଲିଙ୍କ୍‌। ସେମାନେ ଟଙ୍କା ପଠାଇଥିଲେ, ସିଧା ଯାଇଥିଲା ହ୍ୟାକର ଆକାଉଣ୍ଟକୁ ।

ଓଡ଼ିଶା କମ୍ପ୍ୟୁଟର ଆପ୍ଲିକେସନ ସେଣ୍ଟର (ଓକାକ)ର ସିଇଓ ମନୋଜ କୁମାର ପଟ୍ଟନାୟକଙ୍କ ହ୍ୱାଟ୍ସଆପ୍ ନମ୍ବର ହ୍ୟାକ୍ କରି ୭ ଲକ୍ଷରୁ ଅଧିକ ଟଙ୍କା ଠକେଇ ହୋଇଥିବା ନେଇ ୧୧ ତାରିଖରେ ସହିଦନଗର ଥାନାରେ ଅଭିଯୋଗ ହୋଇଥିଲା । ଅଫିସ୍ ଷ୍ଟାଫ୍ ଓ ସମ୍ପର୍କୀୟଙ୍କ ଚିକିତ୍ସା ପାଇଁ ହ୍ୟାକର ଟଙ୍କା ମାଗିଥିଲା ମନୋଜଙ୍କ ନମ୍ବରରୁ । କର୍ମଚାରୀମାନେ ଏହାକୁ ସତ ଭାବି ଜଣେ ୫ ଲକ୍ଷ ଓ ଆଉ ଜଣେ ୨ ଲକ୍ଷ ଟଙ୍କା ପଠାଇଥିଲେ।

ଯବାନଙ୍କ ଉପରେ ଆତଙ୍କବାଦୀ ଆକ୍ରମଣ

ଇମ୍ଫାଲ: ମଣିପୁରରେ ଆସାମ ରାଇଫଲ ଯବାନଙ୍କ ଉପରେ ଆତଙ୍କବାଦୀ ଆକ୍ରମଣ । ଆସାମ ରାଇଫଲ ସିଓଙ୍କ ସମେତ ଏକାଧିକ ଯବାନ ଗୁରୁତର । ଘଟଣା ଚୁରାଚାନ୍ଦପୁର ଜିଲ୍ଲା ସିଂଘାଟରେ ଘଟିଛି ।

ରାଇଫଲର କମାଣ୍ଡିଂ ଆଫିସରଙ୍କ ଗାଡ଼ି ଯିବା ବାଟରେ ଆମ୍ବୁସ୍ ଲଗାଇ ପୂର୍ବରୁ ଜଗିଥିବା ଆତଙ୍କବାଦୀ ହଠାତ ହୋଇଥିଲା ଆକ୍ରମଣ । ଘଟଣା ପଛରେ ମଣିପୁରର ଆତଙ୍କବାଦୀ ସଂଗଠନ ପିପୁଲ୍ସ ଲିବରେଶନ ଆର୍ମୀର ହାତ ଥିବା ଅନୁମାନ କରାଯାଉଛି ।

କମାଣ୍ଡିଂ ଅଫିସରଙ୍କ ଗାଡ଼ି ଯାଉଥିବା ବେଳେ ହଠାତ ହୋଇଥିଲା ଆକ୍ରମଣ । ଏହି ସମୟରେ କମାଣ୍ଡିଂ ଅଫିସରଙ୍କ ପରିବାର ଲୋକଙ୍କ ସହ କ୍ବିକ୍ ଆକ୍ସନ ଟିମର ସଦସ୍ୟମାନେ ଗାଡ଼ିରେ ଥିଲେ ।

ସୂଚନାଯୋଗ୍ୟ ମଣିପୁର ଲିବରେଶନ ଆର୍ମୀର ଗଠନ ୧୯୭୮ ମସିହାରେ ହୋଇଥିଲା । ଭାରତ ସରକାର ଏହି ସଂଗଠନକୁ ଆତଙ୍କବାଦୀ ଗୋଷ୍ଠୀ ଘୋଷଣା କରିଛନ୍ତି । ସଂଗଠନ ଗଠନ ହେବା ଦିନରୁ ସୁରକ୍ଷାକର୍ମୀଙ୍କ ଉପରେ ଆକ୍ରମଣ କରିଆସୁଛି ।

ତ୍ରିପୁରା ହିଂସାକୁ ନେଇ ମହାରାଷ୍ଟ୍ରର ଅମରାବତୀରେ ଉତ୍ତେଜନା; ୧୪୪ ଧାରା ଲାଗୁ

ମୁମ୍ବାଇ: ଗତମାସରେ ତ୍ରିପୁରାରେ ହୋଇଥିବା ହିଂସାର ନିଆଁ ଏପର୍ଯ୍ୟନ୍ତ ଶାନ୍ତ ହେବା ଭଳି ମନେ ହେଉନାହିଁ । ଶୁକ୍ରବାର ମହାରାଷ୍ଟ୍ରର ଅମରାବତୀ, ନନ୍ଦେଡ ଓ ମାଲେଗାଓଁରେ ମୁସଲମାନ ସଂଗଠନଗୁଡିକର ବିରୋଧ ପ୍ରଦର୍ଶନ ପରେ ଉତ୍ତେଜନା ପ୍ରକାଶ ପାଇଥିଲା । ଶୁକ୍ରବାର ଦିନ ମୁସଲମାନ ସଂଗଠନ ବିରୋଧ ପ୍ରଦର୍ଶନ ପରେ ଆଜି ହିନ୍ଦୁ ସଂଗଠନ ବନ୍ଦ ଡାକରା ଦେଇଥିଲା । ହିନ୍ଦୁ ସଂଗଠନ ବନ୍ଦ ଡାକରାରେ ଦୋକାନ ଉପରକୁ ପଥର ମାଡ କରିଥିଲେ । ବନ୍ଦ ଡାକରାରେ ବିକ୍ଷୋଭକାରୀମାନେ ଉତ୍ତେଜନା ସୃଷ୍ଟି କରିଥିଲେ । ପ୍ରଦର୍ଶନକାରୀଙ୍କ ରୋକିବା ପାଇଁ ପୋଲିସକୁ ଲାଠି ଚାର୍ଜ କରିବାକୁ ପଡ଼ିଥିଲା । ଏଥିସହ ଅମରାବତୀରେ ୧୪୪ ଧାରା ଲଗାଇବାକୁ ପଡ଼ିଥିଲା । ପାଞ୍ଚଟି ଜିଲ୍ଲାରେ ଏହି ବନ୍ଦ ସମୟରେ ପଥର ଫିଙ୍ଗିବା ଘଟଣାରେ ପୋଲିସ୍ ଅତିକମରେ ୨୦ଟି ମାମଲା ରୁଜୁ କରିବା ସହ ୨୦ ଲୋକଙ୍କୁ ଗିରଫ ମଧ୍ୟ କରିଛି ।

ସୂଚନା ଅନୁସାରେ ମହାରାଷ୍ଟ୍ର ଅମରାବତୀ ସହରରେ ଏକ ହିନ୍ଦୁ ସଂଗଠନ ଦ୍ବାରା ଆୟୋଜିତ ଏକ ବନ୍ଦ ଦ୍ବାରା ପ୍ରଦର୍ଶନକାରୀ ବିଭିନ୍ନ ଦୋକାନ ଉପରେ ପଥର ମାଡ କରି ଭାଙ୍ଗି ଥିଲେ । ତ୍ରିପୁରାରେ ସାମ୍ପ୍ରଦାୟିକ ହିଂସାକୁ ବିରୋଧ କରି ଅମରାବତୀ ସହରରେ ଶୁକ୍ରବାର ମୁସଲମାନ ସଂଗଠନ ପକ୍ଷରୁ ଆୟୋଜିତ ହୋଇଥିବା ରାଲିରେ ପଥର ମାଡ ଘଟଣା ପରେ ଆଜି ହିନ୍ଦୁ ସଂଗଠନ ପକ୍ଷରୁ ବନ୍ଦ ଡାକରା ସମୟରେ ଏଭଳି ଘଟଣା ଘଟିଛି ।

ବଦନ୍ୟତାର ଉଦାହରଣ ସାଜିଲେ ମିନତୀ, ରିକ୍ସାବାଲାଙ୍କୁ ଦେଇଦେଲେ କୋଟିଏ ଟଙ୍କାର ସମ୍ପତ୍ତି

କଟକ: ସ୍ୱାମୀ ପଛେ ପଛେ ଚାଲିଗଲା ଝିଅ । ୬ ମାସରେ ମିନତୀ ପଟ୍ଟନାୟକଙ୍କ ସହ ଘଟିଲା ଦୁଇ ଦୁଇଟି ବଡ଼ ଅଘଟଣ । ୬୩ ବର୍ଷୀୟ ମିନତୀଙ୍କ ଏ ଅସମୟରେ ଦମ୍ଭର ପାଚେରି ସାଜିଥିଲେ ରିକ୍ସାବାଲା ବୁଢ଼ା ସାମଲ । ମିନତୀଙ୍କୁ ଦୁନିଆ ଅନ୍ଧକାର ଦିଶୁଥିବା ବେଳେ ବନ୍ଧୁ ବାନ୍ଧବ ବି ପଚାରି ନଥିଲେ । ହେଲେ ମିନତୀଙ୍କୁ ଜଗି ରହିଥିଲେ ରିକ୍ସାବାଲା ବୁଢ଼ା । ନେଉଥିଲ ପ୍ରତି ମୁହୂର୍ତ୍ତର ଯତ୍ନ ।

Cuttack's Minati Patnaik Donated 1 Crore Property To A Rickshaw Puller

ମିନତୀଙ୍କ ଝିଅ ଓ ସ୍ୱାମୀ ଥିବାବେଳେ ଭାବିଥିଲେ ରିକ୍ସାବାଲାଙ୍କ ପାଇଁ ଖଣ୍ଡେ ଯାଗା କିଣି ସ୍ଥାୟୀ ବାସ ଦେବେ । ସ୍ୱାମୀ ଓ ଝିଅର ମୃତ୍ୟୁ ପରେ ସେମାନଙ୍କ ଇଚ୍ଛାକୁ ସମ୍ମାନ ଜଣାଇଛନ୍ତି ମିନତୀ । ରକ୍ତ ସମ୍ପର୍କ ନଥିଲେ ବି ମିନତୀ ସବୁ ସମ୍ପତ୍ତିବାଡ଼ିକୁ ରିକ୍ସାବାଲା ନାଁରେ ଲେଖି ଦେଇଛନ୍ତି । ଏନେଇ ମିନତୀଙ୍କୁ ତାଙ୍କ ସାନ ଭଉଣୀ ବିରୋଧ କରିଥିଲେ ମଧ୍ୟ ଅକୁଣ୍ଠ ସ୍ନେହ, ମମତା, ଭଲ ପାଇବା ଆଗରେ ସମ୍ପତ୍ତି ‘ସମ୍ପର୍କ’ ମାନେ ରଖିନି । ବୁଢ଼ାଙ୍କ ନାଁରେ ମିନତୀ ସୂତାହାଟର ତିନିମହଲା ଘର ସହ ସବୁ ସମ୍ପତ୍ତି କରି ଦେଇଛନ୍ତି ।

Cuttack's Minati Patnaik Donated 1 Crore Property To A Rickshaw Puller

୨୫ ବର୍ଷ ହେଲା ମିନତୀଙ୍କ ସହ ଜଡ଼ିତ ଏହି ରିକ୍ସାବାଲା ପରିବାର । ଘରର ସବୁ ଛୋଟ ମୋଟ କାମଠୁ ନେଇ ସବୁ କିଛି କରି ଆସୁଥିଲେ ବୁଢ଼ା ସାମଲ । ସମ୍ପତ୍ତି ପାଇଁ ଥିଲା ନା ମୋହ, ନା ମାୟା । ଏବେ ସେବା ବଦଳରେ ମିନତୀ ତାଙ୍କର ସବୁ ସମ୍ପତ୍ତିକୁ ବୁଢ଼ା ସାମଲଙ୍କ ନାଁରେ କରି ଦେବା ପରେ ସେ ଖୁସିବ୍ୟକ୍ତ କରିଛନ୍ତି ।

Cuttack's Minati Patnaik Donated 1 Crore Property To A Rickshaw Puller

ମିନତୀ ତାଙ୍କ ଘରକୁ ବୁଢ଼ା ସାମଲଙ୍କ ନାଁରେ କରିବା ସହ ଭୂମିହୀନଙ୍କୁ ସାହାଯ୍ୟ କରିବା ପାଇଁ ଅନ୍ୟମାନେ ଆଗେଇ ଆସିବାକୁ ଆହ୍ୱାନ ଦେଇଛନ୍ତି । ୧୯୯୪ ମସିହାରେ ରିକ୍ସା ଟାଣୁଥିବା ବୁଢ଼ା ସାମଲଙ୍କ ସହ ଭେଟ ହୋଇଥିଲେ ମିନତୀ ପଟ୍ଟନାୟକ । ୨୭ ବର୍ଷ ହେଲା ତିଷ୍ଠି ରହିଥିବା ସମ୍ପର୍କ, ଆଗକୁ ସୁଦୃଢ଼ ରହିବ ବୋଲି କହିଛନ୍ତି ମିନତୀ ଓ ବୁଢ଼ା ସାମଲ । ବୁଢ଼ା ସାମଲଙ୍କ ପତ୍ନୀ ଓ ୨ ପୁଅ ଅଛନ୍ତି ।