ନନ୍ଦିଘୋଷ ବ୍ୟୁରୋ: ସହିପାରିଲେନି ରୋଗ ଯନ୍ତ୍ରଣା। ଜୀବନ ହାରିଲେ ଯୁବକ। କିଡ୍ନୀ ରୋଗରେ ପୀଡ଼ିତ ଥିବା ଜଣେ ଯୁବକ ବେକରେ ଦଉଡ଼ି ଦେଇ ଆତ୍ମହତ୍ୟା କରିଥିବା ଅଭିଯୋଗ ହୋଇଛି। ସୋର ମେଘମାଧବ ଗାଁରେ ଘଟିଛି ଏଭଳି ଅଭାବନୀୟ ଘଟଣା । ମୃତ ଯୁବକ ଭଦ୍ରକ ଜିଲ୍ଲା ଚାନ୍ଦବାଲି ମୋତ ଗାଁର ୩୨ ବର୍ଷୀୟ ନରେଶ ମହାକୁଡ଼ ବୋଲି ଜଣାପଡ଼ିଛି l ଭିଣୋଇଙ୍କ ଘରେ ଦଉଡ଼ି ଲଗାଇ ଆତ୍ମହତ୍ୟା କରିଥିବା ଜଣାପଡ଼ିଛି। ଖବର ପାଇ ସୋର ପୋଲିସ ଘଟଣାସ୍ଥଳରେ ପହଞ୍ଚିଛି। ରୋଗ ଯନ୍ତ୍ରଣା ସହି ନପାରି ଏଭଳି ଚରମ ପଦକ୍ଷେପ ପରିବାର ପକ୍ଷରୁ କୁହାଯାଇଛି । ଘଟଣାକୁ ନେଇ ଅଞ୍ଚଳରେ ଶୋକର ଛାୟା ଖେଳିଯାଇଛି l କିଛି ଦିନ ଧରି ନରେଶ କିଡ଼ନୀ ରୋଗ ରେ ପୀଡିତ ଥିଲେ l ସପ୍ତାହ କୁ ଦୁଇ ଠାରୁ ଡାଇଲୋସିସି ହେଉଥିଲେ l ଯାହାକୁ ନେଇ ନରେଶ ବିବତ୍ର ଥିବା ନେଇ ଭିଣୋଇ ପ୍ରକାଶ କରିଛନ୍ତି l
