ନୂଆଦିଲ୍ଲୀ: ଯଦି ଆପଣ କେବେ ବିମାନରେ ଯାତ୍ରା କରିଛନ୍ତି, ତେବେ ଆପଣ ନିଶ୍ଚିତ ଜାଣିଥିବେ ଯେ ଗୋଟିଏ ବିମାନକୁ ଦୁଇଜଣ ପାଇଲଟ୍ ଚଲାଇଥାନ୍ତି । ଟ୍ରେନର ଡ୍ରାଇଭରଙ୍କ ପରି ବିମାନରେ ଦୁଇଜଣ ପାଇଲଟ୍ ରହିବାର କାରଣ ମଧ୍ୟ ଯାତ୍ରୀମାନଙ୍କ ସୁରକ୍ଷା ଏବଂ ସୁବିଧାଜନକ ଯାତ୍ରା ଅଟେ । କିନ୍ତୁ ଆପଣ ଜାଣନ୍ତି କି ବିମାନର ଉଭୟ ପାଇଲଟଙ୍କୁ ସମାନ ଖାଦ୍ୟ ଦିଆଯାଇନଥାଏ । ସର୍ବଦା ପାଇଲଟ୍ ଏବଂ କୋ-ପାଇଲଟଙ୍କୁ ଭିନ୍ନ ଭିନ୍ନ ଖାଦ୍ୟ ଖାଇବା ପାଇଁ ଦିଆଯାଇଥିାଏ । ଏହା ପଛର କାରଣଟି ଅତ୍ୟନ୍ତ କୌତୁହଳପୂର୍ଣ୍ଣ ।
୯୮୪ ମସିହାରେ, ଲଣ୍ଡନରୁ ନ୍ୟୁୟର୍କ ପର୍ଯ୍ୟନ୍ତ ଚାଲୁଥିବା କନକୋର୍ଡ ସୁପରସୋନିକ୍ ବିମାନରେ ଏକ ଆଶ୍ଚର୍ଯ୍ୟଜନକ ଘଟଣା ଘଟିଥିଲା | ବିମାନରେ ଥିବା ୧୨୦ଜଣ ଯାତ୍ରୀ ଏବଂ ସମସ୍ତ କ୍ରୁ ସଦସ୍ୟମାନେ ଖରାପ ଖାଦ୍ୟ ଖାଇବା କାରଣରୁ ଫୁଡ ପଇଜନିଂ ହୋଇଯାଇଥିଲା । ଏହା ପରେ ସେମାନଙ୍କର ଜ୍ୱର, ବାନ୍ତି ଏବଂ ଡାଇରିଆ ହୋଇଯାଇଥିଲା । ନ୍ୟୁୟର୍କ ଟାଇମ୍ସର ରିପୋର୍ଟ ଅନୁଯାୟୀ, ଫୁଡ ପଇଜନିଂ କାରଣରୁ ଜଣଙ୍କର ମୃତ୍ୟୁ ମଧ୍ୟ ହୋଇଥିଲା । ପାଇଲଟମାନଙ୍କୁ ମଧ୍ୟ ଅନେକ ସମସ୍ୟାର ସାମ୍ନା କରିବାକୁ ପଡିଥିଲା । ଦି ଟେଲିଗ୍ରାଫରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ୨୦୦୯ ମସିହାରେ ବ୍ରିଟିଶ ରେଜିଷ୍ଟ୍ରେଡ୍ ଏୟାରଲାଇନ୍ସରେ ୩୨ ଟି ଫୁଡ ପଇଜନିଂ ମାମଲା ଥିବାବେଳେ ୨୦୦୭ ରେ ୩୯ ଟି ମାମଲା ରହିଥିଲା ।
ଫୁଡ ପଇଜନିଂକୁ ଏଡାଇବା ପାଇଁ ଦିଆଯାଏ ଅଲଗା ଖାଦ୍ୟ
ଏପରି ଅନେକ ଘଟଣା ରେକର୍ଡ କରାଯାଇଛି ଯେଉଁଥିରେ ବିମାନ ଖାଦ୍ୟ ଖାଇବା କାରଣରୁ ଲୋକମାନେ Food Poisoning ସମସ୍ୟାର ସମ୍ମୁଖୀନ ହୋଇଛନ୍ତି । ଏହି ସମସ୍ୟାକୁ ଏଡାଇବା ପାଇଁ, ବର୍ତ୍ତମାନ ଅନେକ ସତର୍କ ପଦକ୍ଷେପ ଗ୍ରହଣ କରାଯାଇଛି । ପାଇଲଟ ଏବଂ ସହ-ପାଇଲଟଙ୍କୁ ପୃଥକ ଖାଦ୍ୟ ଦିଆଯାଉଛି । ଯାହାଦ୍ୱାରା ଫୁଟ ପଇଜନିଂ ହେଲେ ମଧ୍ୟ ପାଇଲଟମାନଙ୍କ ମଧ୍ୟରୁ ଜଣେ ସୁସ୍ଥ ରହିବେ ।
ଅନେକ ବିମାନ ପାଇଲଟଙ୍କ ପାଇଁ ବିଭିନ୍ନ ଖାଦ୍ୟ ରାନ୍ଧନ୍ତି
୨୦୧୨ରେ CNN ଦ୍ୱାରା ପରିଚାଳିତ କୋରିଆ ପାଇଲଟଙ୍କ ସାକ୍ଷାତକାରରେ ମଧ୍ୟ ଏହା ପ୍ରକାଶ ପାଇଛି । ରିପୋର୍ଟ ଅନୁଯାୟୀ, ଫୁଡ ପଇଜନିଂ ନହେବା ପାଇଁ ଉଭୟ ପାଇଲଟଙ୍କୁ ଅଲଗା ଖାଦ୍ୟ ଦିଆଯାଉଛି ବୋଲି ସେ କହିଥିଲେ । ସାଧାରଣତ , ପାଇଲଟଙ୍କୁ ଫାଷ୍ଟ କ୍ଲାସ ଖାଦ୍ୟ ଦିଆଯାଏ ଏବଂ କୋ ପାଇଲଟଙ୍କୁ ବିଜନେସ କ୍ଲାସର ଖାଦ୍ୟ ଦିଆଯାଏ । କେବଳ ସେତିକି ନୁହେଁ, ଯଦି କିଛି ରିପୋର୍ଟକୁ ବିଶ୍ୱାସ କରାଯାଏ, ତେବେ ଅନେକ ବିମାନ କମ୍ପାନୀ କ୍ରୁଙ୍କ ପାଇଁ ସମ୍ପୂର୍ଣ୍ଣ ଭିନ୍ନ ଖାଦ୍ୟ ରାନ୍ଧନ୍ତି ।
