୫ହଜାର ବେଆଇନ୍ କଫସିରଫ ଜବତ
ବଲାଙ୍ଗୀର: ବିପୁଳ ପରିମାଣର ବେଆଇନ କଫସିରଫ ଜବତ । ସଦର ଥାନା ପୋଲିସ ଦ୍ୱାରା ୫ହଜାର ୨୮୦ ବୋତଲ କଫ୍ ସିରଫ ଜବତ୍ ହୋଇଛି । ଘଟଣାରେ ତିନି ଜଣ ମାଫିଆଙ୍କୁ ଗିରଫ କରାଯାଇଛି । ଗିରଫ ଅଭିଯୁକ୍ତ ହେଲେ ଲୁହାସିହା ଗାଁର କୁଖ୍ୟାତ କଫସିରଫ ମାଫିଆ ଗୋଲୁ ଓରଫ ଲଷ୍ମୀ ନାରାୟଣ ଧ ଦୁଇ ସହଯୋଗୀ କ୍ଷମାନିଧି ମେହେର ଏବଂ ସୁରେଶ ଦାଶ ।
ଏମାନେ ପୋଲିସକୁ ଚକମା ଦେବା ପାଇଁ ଏକ ପିକଅଫ ଗାଡ଼ିରେ ଅଖାବସ୍ତା ଦେଇ ୧୭ପେଟି କଫସିରଫ ଚାଲାଣ କରୁଥିଲେ । ରାଞ୍ଚି ଭାୟା ସମ୍ବଲପୁର ଦେଇ ବଲାଙ୍ଗୀରକୁ ଆଣୁଥିବା ବେଳେ ଖବର ପାଇ ସଦର ଥାନା ପୋଲିସ ପାଟଣାଗଡ଼ ରାସ୍ତାରେ ବ୍ଲକିଙ୍ଗ କରି ସମସ୍ତ କଫସିରଫ ଜବତ କରିଛି । କଫ୍ସିରଫ ଚାଲାଣ ହେଉଥିବା ପିକ୍ଅପ୍ ଗାଡ଼ିକୁ ଅଟକ ରଖିଛି ପୋଲିସ ।
ଗତ ୨୦୧୯ ମସିହାରେ ଲକ୍ଷ୍ମୀ ନାରାୟଣ କଫସିରଫ ଚାଲାଣ ଘଟଣାରେ ଗିରଫ ହୋଇ ଜେଲରେ ଥିଲା । ସେ ଗତ କିଛି ଦିନ ତଳେ ଜେଲରୁ ମେଡିକାଲ ଛୁଟିରେ ଆସି ପୁଣି ବ୍ୟବସାୟ ଆରମ୍ଭ କରିଛି । ଜବତ କଫସିରଫର ବଜାର ମୂଲ୍ୟ ୯ଲକ୍ଷ ଟଙ୍କା ହେବ ବୋଲି ସାମ୍ବାଦିକ ସମ୍ମିଳନୀରେ ବଲାଙ୍ଗୀର ଏସଡିପିଓ ତୋଫାନ ବାଗ କହିଛନ୍ତି ।
