ଗୁଗଲକୁ ଝଟକା: ୟୁରୋପରେ ବେଆଇନ

1 min read

କାନବେରା: ବିଶ୍ବର ସବୁଠାରୁ ବଡ଼ ସର୍ଚ୍ଚ ଇଞ୍ଜନ୍ ଗୁଗଲକୁ ଜୋରଦାର ଝଟକା । ୟୁରୋପରେ ବେଆାଇନ ଘୋଷଣା ହେଲା ଗୁଗଲ । ଏହା କେବଳ ଗୁଗଲ ପାଇଁ ନୁହେଁ ବରଂ ଅନ୍ୟ ଓ୍ବେବସାଇଟଙ୍କ ପାଇଁ ବି ଖରାପ ଖବର । କାରଣ ଗୁଗଲ ଜରିଆରେ ହିଁ ଅନ୍ୟ ଓ୍ବେବସାଇଟ ସର୍ଚ୍ଚ କରିଥାନ୍ତି ୟୁଜର୍ସ । ଏକ ମାମଲାର ଶୁଣାଣି କରି ଅଷ୍ଟ୍ରେଲିଆା କୋର୍ଟ ଗୁଗଲ ଆନାଲିଟିକ୍ସ ୟୁରୋପିୟ ଡାଟା ପ୍ରୋଟେକ୍ସନ ଆଇନ ଉଲ୍ଲଂଘନ କରୁଥିବା କହିଛନ୍ତି । ଏହାପରେ ଅଷ୍ଟ୍ରେଲିଆରେ ଗୁଗଲକୁ ବେଆଇନ ଘୋଷଣା କରାଯାଇଛି ।

ଏହାର କାରଣ ଜେନେରାଲ ଡାଟା ପ୍ରୋଟେକ୍ସନ ରେଗୁଲେସନ୍ (ଜିଡିପିଆର) । ୨୦୧୮ରେ ଲାଗୁ ହୋଇଥିବା ଜେନେରାଲ ଡାଟା ପ୍ରୋଟେକ୍ସନ ରେଗୁଲେଶନ ଅନୁସାରେ ୟୁରୋପର ନାଗରିକଙ୍କ ନିଜ ବ୍ୟକ୍ତିଗତ ତଥ୍ୟକୁ ନିଜ ଇଚ୍ଛା ଅନୁସାରେ ବ୍ୟବହାର କରିପାରିବେ । ୨୦୨୦ରେ କୋର୍ଟ ଅଫ୍ ଜଷ୍ଟିସ୍ ଅଫ୍ ୟୁରୋପିୟନ ୟୁନିୟନ ପଲିସି (ସିଜେଇୟୁ) ଏକ ଶୁଣାଣି କରିଥିଲେ । ଏହା ଅନୁସାରେ ଆମେରିକୀୟ ଓ୍ବେବସାଇଟ୍ ପ୍ରୋଭାଇଡର ଦ୍ବାରା ୟୁଜର୍ସଙ୍କୁ ବ୍ୟକ୍ତିଗତ ତଥ୍ୟ ସେୟାର କରିବା ଜିଡିପିଆର ନିୟମ ପାଳନ କରୁନାହିଁ । ୨୦୨୦ ପୂର୍ବରୁ ପ୍ରାଇଭେସି ଶିଲ୍ଡ ନାମକ ଏକ ଆଇନ ଥିଲା । ଏହାଦ୍ବାରା ୟୁରୋପିୟନ ଡାଟା ଆମେରିକାକୁ ଯାଇ ପାରୁଥିଲା । ହେଲେ ୨୦୨୦ ଜୁଲାଇ ୧୬ରେ ସିଜେଇୟୁ ଏହି ଆଇନକୁ ଉଠାଇ ଦେଇଥିଲେ । ଏହାପରଠାରୁ ଆମେରିକୀୟ କମ୍ପାନୀଙ୍କୁ ଜିଡିପିଆର ଅନୁସାରେ କାମ କରିବାକୁ ପଡୁଛି । ସିଜେଇୟୁ ନିଷ୍ପତ୍ତି ପରେ ମଧ୍ୟ କିଛି ସର୍ଭିସ ପ୍ରୋଭାଇଡର୍ସ ୟୁଜର୍ସଙ୍କ ବ୍ୟକ୍ତିଗତ ତଥ୍ୟ ଆମେରିକା ପଠାଉଥିଲେ । ଯେଉଁଥିରେ ଗୁଗଲ ଆନାଲିଟିକ୍ସ ମଧ୍ୟ ରହିଛି ।

ସିଜେଇୟୁ ଗୁଗଲକୁ କେବଳ ୟୁରୋପରେ ବେଆଇନ ଘୋଷଣା ପରେ ଓ୍ବେବସାଇଟକୁ ଶୀଘ୍ର ନିୟମ ମାନିବାକୁ ପଡ଼ିବ, ନହେଲେ ଆଇନ ଉଲ୍ଲଂଘନ ଅପରାଧରେ ଜରିମାନା ଲାଗିପାରେ ।

ଏଣିକି ୟୁରୋପରେ କାମ କରୁଥିବ ଓ୍ବେବସାଇଟକୁ ଗୁଗଲ ଆନାଲିଟିକ୍ସ ବନ୍ଦ କରି ଅନ୍ୟ ବିକଳ୍ପ କଥା ଚିନ୍ତା କରିବାକୁ ପଡ଼ିବ । ନିୟମ ଉଲ୍ଲଂଘନ କଲେ ମାତ୍ରାଧିକ ଜରିମାନା ଦେବାକୁ ପଡ଼ିପାରେ । ରିପୋର୍ଟ ଅନୁସାରେ ଆୟରିସ ଡାଟା ପ୍ରୋଟେକ୍ସନ କମିଶନ ହ୍ବାଟ୍ସଆପରେ ଆଇନ ପାଳନ ନକରିବା କାରଣରୁ ୨୨.୫ କୋଟି ୟୁରୋ ଜରିମାନା ଲଗାଇଥିଲା ।

[DISPLAY_ULTIMATE_SOCIAL_ICONS]
Opn Commnet Area

Leave a Reply

Your email address will not be published.