ନନ୍ଦିଘୋଷ ବ୍ୟୁରୋ: ଇତିହାସ ରଚିଲେ ବୈଭବ ସୂର୍ଯ୍ୟବଂଶୀ । ନିଜ ନାଁରେ ଯୋଡ଼ିଲେ ନୂଆ ରେର୍କଡ଼ । ଶନିବାର ସୟଦ ମୁସ୍ତାକ ଅଲି ଟ୍ରଫିରେ ବିହାର ପାଇଁ ଅଧିନାୟକତ୍ୱ କରି ଇତିହାସ ରଚିଛନ୍ତି ଏହି ଯୁବ କ୍ରିକେଟର । ଶନିବାର ଜୟଦେବ ଉନାଦକଟଙ୍କ ଅଧିନାୟକତ୍ୱରେ ସୌରାଷ୍ଟ୍ରର ମୁକାବିଲା କରୁଥିବା ବିହାରର ନେତୃତ୍ୱ ନେଇଥିଲେ ବୈଭବ । ମାତ୍ର ୧୫ ବର୍ଷ ବୟସରେ ଟି-୨୦ ଇତିହାସର ସବୁଠାରୁ ଯୁବ ଅଧିନାୟକ ହୋଇ ନିଜ ନାଁରେ ନୂଆ ରେର୍କଡ଼ ଯୋଡ଼ିଛନ୍ତି ବୈଭବ । ସୂଚନାଯୋଗ୍ୟ, ବିହାର ଗତ ଶୁକ୍ରବାର ପ୍ରଥମ ଦୁଇଟି ମ୍ୟାଚ୍ ପାଇଁ ୧୭ ଜଣିଆ ଦଳ ଘୋଷଣା କରିଥିଲା। ଏଥିରେ ସୂରଜ କଶ୍ୟପଙ୍କୁ ଉପ-ଅଧିନାୟକ ଭାବେ ନିଯୁକ୍ତ କରାଯାଇଛି। ଏହି ମ୍ୟାଚ୍ ରେ ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା ବିହାର ।
କାହାର ରେକର୍ଡ ଭାଙ୍ଗିଲେ ବୈଭବ ସୂର୍ଯ୍ୟବଂଶୀ?
୧୭ ବର୍ଷ ବୟସରେ ଜାତୀୟ ଟି-୨୦ ଦଳର ଅଧିନାୟକତ୍ୱ କରିଥିବା କ୍ରୋଏସିଆର ଜାକ୍ ଭୁକସିକ୍ (Zach Vukusic) ଙ୍କ ରେକର୍ଡ ଭାଙ୍ଗିଛନ୍ତି ବୈଭବ ସୂର୍ଯ୍ୟବଂଶୀ ।
ପ୍ରକାଶ ଥାଉ କି, ଟି-୨୦ କ୍ରିକେଟ୍ ରେ ବୈଭବ ସୂର୍ଯ୍ୟବଂଶୀଙ୍କ ନାଁରେ ରହିଛି ଅନେକ ରେକର୍ଡ଼ । ଗତ ବର୍ଷ ସୟଦ ମୁସ୍ତାକ ଅଲି ଟ୍ରଫିରେ ମହାରାଷ୍ଟ୍ର ବିପକ୍ଷରେ ମାତ୍ର ୫୮ ବଲ୍ରେ ଶତକ ହାସଲ କରିଥିଲେ। ଯାହା ବର୍ତ୍ତମାନ ସୁଦ୍ଧା ଟି-୨୦ ଇତିହାସର ସବୁଠାରୁ ଦ୍ରୁତତମ ଶତକ ଅଟେ । ଏହା ବ୍ୟତୀତ, ଆଇପିଏଲ ୨୦୨୫ରେ ରାଜସ୍ଥାନ ରୟାଲ୍ସ ପାଇଁ ଖେଳୁଥିବା ସମୟରେ, ସେ ଗୁଜରାଟ ଟାଇଟାନ୍ସ ବିପକ୍ଷରେ ୩୫ ବଲ୍ ରେ ଶତକ ହାସଲ କରିଥିଲେ । ଫଳରେ T-20ରେ ଶତକ ହାସଲ କରିଥିବା ସବୁଠାରୁ କମ୍ ବୟସ୍କ ବ୍ୟାଟସମ୍ୟାନ୍ ଭାବେ ଖ୍ୟାତି ଅର୍ଜନ କରିଥିଲେ ।
