ବ୍ରହ୍ମପୁର: ସାରା ରାଜ୍ୟରେ କରୋନା ସଂକ୍ରମଣ ଦ୍ରୁତ ଗତିରେ ବୃଦ୍ଧି ପାଉଛି । ଗତ ୨୪ ଘଣ୍ଟାରେ ରାଜ୍ୟରେ ୧୦ ହଜାର ୮୯ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ରାଜ୍ୟରେ କରୋନା ସଂକ୍ରମଣ ବଢ଼ୁଥିବାର ଦେଖି ଗଞ୍ଜାମରେ କଡ଼ା କଟକଣା ଲାଗୁ କରାଯାଉଛି । ଆସନ୍ତା ଜାନୁଆରୀ ୧୪ରେ ମକର ସଂକ୍ରାନ୍ତି ଓ ପୋଙ୍ଗଲ ଉତ୍ସବ । ଏହି ସବୁ ଉତ୍ସବକୁ ନଜରରେ ରଖି କଟକଣା ଲଗାଇଛି ଗଞ୍ଜାମ ଜିଲ୍ଲା ପ୍ରଶାସନ । ଭିଡ଼ ନିୟନ୍ତ୍ରଣ ପାଇଁ ଗଞ୍ଜାମ ଜିଲ୍ଲାର ସମସ୍ତ ବେଳାଭୂମି ବନ୍ଦ ଘୋଷଣା କରାଯାଇଛି । ଆଜିଠୁ ୧୭ ତାରିଖ ଯାଏ ଗୋପାଳପୁର , ସୋନାପୁର ପରି ସମସ୍ତ ବେଳାଭୂମି ବନ୍ଦ ରହିବ । ଏନେଇ ଟ୍ବିଟ୍ କରି ଗଞ୍ଜାମ ଜିଲ୍ଲା ପ୍ରଶାସନ ପକ୍ଷରୁ ସୂଚନା ଦେଇଛନ୍ତି । ଆଜିଠାରୁ ଜାନୁଆରୀ ୧୭ ପର୍ଯ୍ୟନ୍ତ ସମସ୍ତ ଜନ ସାଧାରଣଙ୍କୁ ବେଳାଭୂମିକୁ ଯିବା ପାଇଁ ବାରଣ କରାଯାଇଛି ।
In order to avoid large gatherings during upcoming festivals and to ensure COVID-19 protocol, all sea beaches in Ganjam such as Gopalpur, Sonapur, etc. & other major water bodies shall remain closed for public from 13th to 17th Jan’22. @CMO_Odisha @SRC_Odisha @IPR_Odisha
— Collector & District Magistrate, Ganjam (@Ganjam_Admin) January 12, 2022
