ଭୁବନେଶ୍ୱର: ଏଣିକି ବଜାରରେ ମିଳିବ କେବଳ ହଲମାର୍କିଂ ସୁନା ଅଳଙ୍କାର । ୩୨ଟି ନୂଆ ଜିଲ୍ଲା ପାଇଁ ଦ୍ୱିତୀୟ ପର୍ଯ୍ୟାୟ ବାଧ୍ୟତାମୂଳକ ହଲମାର୍କିଂ ବିଜ୍ଞପ୍ତି ପ୍ରକାଶ କରିଛନ୍ତି କେନ୍ଦ୍ର ସରକାର । ଜୁନ୍ ପହିଲାରୁ ୨୦, ୨୩ ଓ ୨୪ କ୍ୟାରେଟ୍ ସୁନା ଅଳଙ୍କାର ଉପରେ ଲାଗୁ ହେବ । ଏଏଚସି ଅଧିନରେ ୩୨ଟି ନୂଆ ଜିଲ୍ଲାରେ ଦ୍ୱିତୀୟ ପର୍ଯ୍ୟାୟ ବାଧ୍ୟତାମୂଳକ ହଲମାର୍କିଂ ବ୍ୟବସ୍ଥାକୁ କାର୍ଯ୍ୟକାରୀ କରାଯିବ ।
ବିଆଇଏସର ୱେବସାଇଟ୍ www.bis,gov.inରେ ତାଲିକା ପ୍ରକାଶ କରିଛନ୍ତି କେନ୍ଦ୍ର ସରକାର । ଏନେଇ ୨୦୨୨ ଏପ୍ରିଲ ୪ ତାରିଖରେ ବିଜ୍ଞପ୍ତି ପ୍ରକାଶ ପାଇଥିଲା । ୨୩ ଜୁନ୍ ୨୦୨୧ ଠାରୁ ଦେଶର ୨୫୬ଟି ଜିଲ୍ଲାରେ ଭାରତୀୟ ମାନକ ବ୍ୟୁରୋ ଦ୍ୱାରା ବାଧ୍ୟତାମୂଳକ ବିଆଇଏସ୍ ହଲମାର୍କିଂକୁ ସଫଳତା ପୂର୍ବକ କାର୍ଯକାରୀ କରାଯାଇଛି । ଏଥିରେ ଦୈନିକ ଏଚୟୁଆଇଡିରେ ୩ ଲକ୍ଷରୁ ଅଧକି ସୁନା ଉପକରଣକୁ ହଲମାର୍କ କରାଯାଉଛି ।
ଏଏଚସି ସାଧାରଣ ଗ୍ରାହକଙ୍କ ସୁନା ଅଳଙ୍କାରକୁ ପ୍ରାଥମିକତା ଭିତ୍ତିରେ ପରୀକ୍ଷା କରି ଏକ ଟେଷ୍ଟ ରିପୋର୍ଟ ଦେବ । ଏହି ରିପୋର୍ଟ ଗ୍ରାହକଙ୍କୁ ଅଳଙ୍କାରର ଶୁଦ୍ଧତା ନେଇ ସୁନିଶ୍ଚିତ କରିବ । ୪ ଗୋଟି ସୁନା ଅଳଙ୍କାର ପାଇଁ ୨ ଶହ ଟଙ୍କା ଶୁଳ୍କ ନିଆଯିବ । ୫ରୁ ଅଧିକ ସୁନା ଅଳଙ୍କାର ଓ ସାମଗ୍ରୀ ପାଇଁ ପ୍ରତି ଅଳଙ୍କାର ପିଛା ୪୫ ଟଙ୍କା ଦେବାକୁ ପଡ଼ିବ ।
