କତାର: Fifa world cup କତାର ଠାରେ ରବିବାର ଆରମ୍ଭ ହୋଇଛି । ଦୁନିଆର ସବୁଠୁ ବଡ଼ ଟୁର୍ଣ୍ଣାମେଣ୍ଟରେ ରହିଛନ୍ତି ୩୨ ଟିମ୍। ପ୍ରାଇସ୍ ମନିକୁ ଦେଖିଲେ ଏହା ଦୁନିଆର ତୃତୀୟ ବଡ଼ ଟୁର୍ଣ୍ଣାମେଣ୍ଟ । ପ୍ରଥମରେ UEFA ଚାମ୍ପିଅନ୍ ଲିଗ୍ ଫୁଟବଲ୍ ଏବଂ ଦ୍ବିତୀୟରେ ରହିଛି ଫର୍ମୁଲା-୧ ମୋଟର ସ୍ପୋର୍ଟ୍ସର ପ୍ରାଇସ୍ ମନି ।

ଫୁଟବଲର ଏହି ମହାକୁମ୍ଭରେ ସବୁ ଟିମକୁ ୪-୪ ର ୮ଟି ଗ୍ରୁପ୍ କରାଯାଇଛି । ତେବେ ଫାଇନାଲ୍ ମୁକାବିଲା ଡିସେମ୍ବର ୧୮ରେ ହେବ । ଫିଫା ପକ୍ଷରୁ ୩.୬ ହଜାର କୋଟି ଟଙ୍କା ପୁରସ୍କାର ରାଶି ବଣ୍ଟାଯିବ। ବିଜୟୀ ୱାଲ୍ଡ ଚାମ୍ପିଅନକୁ ୩୫୯ କୋଟି ମିଳିବ । ଯାହା IPLର ଟୋଟାଲ୍ ପ୍ରାଇଜ ମନିର ୭ ଗୁଣା ଅଧିକ । ୩.୬ ହଜାର କୋଟିରୁ ଚାମ୍ପିଅନ୍ ଟିମ୍ ପାଇବ ୩୫୯ କୋଟି ଟଙ୍କା। ରନରଅପ୍ ଭାଗରେ ୨୪୫ କୋଟି ଏବଂ ୩ୟ ଓ ୪ର୍ଥ ନଂ ଟିମକୁ ମିଳିବ ୨୨୦ ଓ ୨୦୪ କୋଟି ଟଙ୍କା ।

ଖାସ୍ କଥା ହେଉଛି ଟୁର୍ଣ୍ଣାମେଣ୍ଟର ୩୨ ସ୍ଥାନରେ ଥିବା ଟିମ ପାଇଁ ମଧ୍ୟ ରହିଥାଏ ପ୍ରାଇସ୍ ମନି। ଏହି ରାଶି ବି କିଛି କମ୍ ନୁହେଁ ପାଖାପାଖି ୭୩ କୋଟି ଟଙ୍କା ନେଇଥାନ୍ତି ୧୭ରୁ ୩୨ ସ୍ଥାନରେ ଥିବା ଟିମ୍।

କ୍ରିକେଟ- ଫୁଟବଲ୍ ୱାଲ୍ଡ କପ୍ ର ପ୍ରାଇଜ ମନିରେ ରହିଛି ବହୁ ଫରକ୍-

T-20 ୱାଲ୍ଡ କପର ଟୋଟାଲ୍ ପ୍ରାଇଜ୍ ମନି ୪୫.୬୮ କୋଟି ଟଙ୍କା। ଚାମ୍ପିଅନ୍ ଟିମ୍ ପାଇଁ ୧୩ କୋଟିର  ପୁରସ୍କାର ରାଶି ରହିଥିବା ବେଳେ ରନରଅପକୁ ମିଳିଥାଏ ୬.୪୪ କୋଟି।  ସେହିପରି ଆଇପିଏଲର ଟୋଟାଲ୍ ପ୍ରାଇଜ୍ ମନି ରହିଛି ୪୬.୫ କୋଟି ଟଙ୍କା । ଚାମ୍ପିଅନ୍ ଟିମ୍ ପାଇଁ ୨୦ କୋଟିର  ପୁରସ୍କାର ରାଶି ରହିଥିବା ବେଳେ ରନରଅପକୁ ମିଳିଥାଏ ୧୨.୫ କୋଟି । ଫିଫା ର ମୋଟ୍ ପୁରସ୍କାର ରାଶି ୩.୬ ହଜାର କୋଟି ରହିଛି, ଯାହା କ୍ରିକେଟ୍ ୱାଲ୍ଡ କପର ପ୍ରାଇଜ ମନି ଠାରୁ ୮୦ ଗୁଣା ଅଧିକ ।