ହକି ପାଇଁ ଗଣଦୌଡ଼: ଦୌଡ଼ିବ ରାଉରକେଲା

ରାଉରକେଲା: ରନ୍ ଫର୍ ହକି ସ୍ଲୋଗାନ ନେଇ ଆଜି ରାଉରକେଲା ସହରରେ ଅନୁଷ୍ଠିତ ହେବ ଗଣଦୌଡ଼ । ରାଉରକେଲା ସହରର ହନୁମାନ ବାଟିକା ଛକରୁ ସେକ୍ଟର ୨ ଦୁର୍ଗାପୂଜା ପଡିଆ ପର୍ଯ୍ୟନ୍ତ ହେବ ଏହି ଗଣଦୌଡ । ରାଉରକେଲା ମହାନଗର ନିଗମ ପକ୍ଷରୁ ଏହାର ଆୟୋଜନ କରାଯାଇଛି ।

ରାଉରକେଲା ସହରରେ ଜାନୁଆରୀ ୧୩ ତାରିଖଠାରୁ ୨୯ ତାରିଖ ପର୍ଯ୍ୟନ୍ତ ପୁରୁଷ ହକି ବିଶ୍ବକପ ଅନୁଷ୍ଠିତ ହେଉଥିବାରୁ, ମହାନଗର ନିଗମ ପକ୍ଷରୁ ଏହି ଗଣଦୌଡର ଆୟୋଜନ କରାଯାଇଛି ।

ସୂଚନାଯୋଗ୍ୟ, ଓଡ଼ିଶା ଦ୍ବିତୀୟ ଥର ପାଇଁ ହକି ବିଶ୍ବକପ୍ ଆୟୋଜନ କରିବାକୁ ଯାଉଥିବା ବେଳେ ରାଉରକେଲାରେ ପ୍ରଥମ ଥର ଖେଳାଯିବ ଏହି ମହା ଇଭେଣ୍ଟ । ଏଥିପାଇଁ ସୁନ୍ଦରଗଡ଼ ଜିଲ୍ଲା ସମେତ ରାଉରକେଲାରେ ଲୋକଙ୍କ ମଧ୍ୟରେ ଦେଖିବାକୁ ମିଳୁଛି ଉତ୍ସାହ । ବିଶ୍ବକପକୁ ଦୃଷ୍ଟିରେ ରଖି ରାଉରକେଲାରେ ତିଆରି ହୋଇଛି ବିଶ୍ବର ସବର୍ ବୃହତ ହକି ଷ୍ଟାଡିୟମ । ଏହାସହ ପୂରା ଜିଲ୍ଲାରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଓ କ୍ରୀଡ଼ା ପ୍ରତିଯୋଗୀତା ଅନୁଷ୍ଠିତ ହେଉଛି ।