spot_img
Home Blog Page 3054

୨୬୨ ସହକାରୀ ପ୍ରଧ୍ୟାପକ ଓ ୮୮ ସହାୟକ କନିଷ୍ଠ କାର୍ଯ୍ୟନିର୍ବାହି ଅଧିକାରୀଙ୍କୁ ନିଯୁକ୍ତିପତ୍ର ପ୍ରଦାନ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର: ଗୁଣାତ୍ମକ ଉଚ୍ଚ ଶିକ୍ଷା ପାଇଁ ଓଡ଼ିଶା ସାଜିବ ରୋଲ ମଡେଲେ । ରାଜ୍ୟରେ ନିଯୁକ୍ତି ପାଇଲେ ୨୬୨ ସହକାରୀ ପ୍ରଫେସର, ୮୮ କନିଷ୍ଠ କାର୍ଯ୍ୟନିର୍ବାହୀ ସହାୟକ । ଲୋକସେବା ଭବନର କନବେନସନ ହଲରେ ଅନୁଷ୍ଠିତ ନିଯୁକ୍ତ ପର୍ବରେ ସାମିଲ ହୋଇ ନିଯୁକ୍ତି ପତ୍ର ପ୍ରଦାନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ନବନିଯୁକ୍ତଙ୍କୁ ଅଭିନନ୍ଦନ ଜଣାଇଛନ୍ତି ମୁଖ୍ୟମନ୍ତ୍ରୀ । ଏହି ଅବସରରେ ମୁଖ୍ୟମନ୍ତ୍ରୀ କହିଛନ୍ତି ଯେ, ଉଚ୍ଚ ଶିକ୍ଷା ପାଇଁ ବଡ ଚ୍ୟାଲେଞ୍ଚ ପାଲଟିଛି ଚାକିରି କିମ୍ବା ଆତ୍ମନିର୍ଭରଶୀଳ କରିବା । ଏଥିରେ ଶିକ୍ଷକ ଓ ପ୍ରାଧ୍ୟପକଙ୍କ ଭୂମିକା ଗୁରୁତ୍ବପୂର୍ଣ୍ଣ ।

ଗୁଣାତ୍ମକ ଶିକ୍ଷାଦାନ ବ୍ୟତୀତ, ଛାତ୍ରଛାତ୍ରୀଙ୍କ ମଧ୍ୟରେ ଆତ୍ମବିଶ୍ବାସ ସୃଷ୍ଟି କରିବା, ସକାରାତ୍ମକତା ସହିତ ପ୍ରେରଣା ଦେବା ଏବଂ ସେମାନଙ୍କ ଜୀବନରେ ଏକ ଉଦ୍ଦେଶ୍ୟର ଭାବନା ସୃଷ୍ଟି କରିବା ସମସ୍ତ ଶିକ୍ଷକ ଓ ପ୍ରାଧ୍ୟପକଙ୍କ ଦାୟିତ୍ବ । ଏହି ଦାୟିତ୍ବ ସମସ୍ତେ ଲିଭାଇବେ ବୋଲି ଆଶା ରଖିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । 5T ନୀତି ଆପଣାଇ ରାଜ୍ୟ ପରିବର୍ତ୍ତନରେ ସହଯୋଗ କରିବାକୁ ଅପିଲ କରିଛନ୍ତି । ସେ ଆଗକୁ କହିଛନ୍ତି, ବର୍ତ୍ତମାନ ସମୟରେ ପ୍ରମୁଖ ଆହ୍ୱାନ ହେଉଛି ପିଲାମାନଙ୍କୁ ଚାକିରି ଦେବା । ଆତ୍ମବିଶ୍ୱାସ ସହ ନିଜ ଅନୁଷ୍ଠାନରୁ ବାହାରକୁ ଆସନ୍ତୁ ଛାତ୍ରଛାତ୍ରୀ ।

ଆତ୍ମବିଶ୍ୱୀସୀ ହୋଇ ନିଜର ତଥା ସମାଜ ପାଇଁ କିଛି କରିବାକୁ ଅପିଲ । ପିଲାଙ୍କୁ ଆତ୍ମବିଶ୍ୱାସୀ କରାଇବାରେ ଶିକ୍ଷକଙ୍କ ଭୂମିକା ରହିଛି । ଛାତ୍ରଛାତ୍ରୀଙ୍କ ଭିତରେ ଆତ୍ମବିଶ୍ୱାସ ସୃଷ୍ଟି ଶିକ୍ଷକଙ୍କ ଦାୟିତ୍ୱ । ଗୁଣାତ୍ମକ ଶିକ୍ଷାଦାନ ବ୍ୟତୀତ ସକରାତ୍ମକ ପ୍ରେରଣା ଦେବା ଜରୁରୀ । ସମସ୍ତ ଶିକ୍ଷକ, ପ୍ରଫେସରଙ୍କ ଉପରେ ଏ ବିଶ୍ୱାସ ରହିଛି । ବୃତ୍ତିଗତ ଜୀବନରେ ପ୍ରବେଶ ପାଇଁ ଉଚ୍ଚଶିକ୍ଷା ଏକ ପ୍ରମୁଖ ପ୍ଲାଟଫର୍ମ । ଉଚ୍ଚଶିକ୍ଷା କ୍ଷେତ୍ରକୁ ସରକାର ଅଧିକରୁ ଅଧିକ ଧ୍ୟାନ ଦେଉଛନ୍ତି ।

ଛାତ୍ରବୃତ୍ତି, ଲାପଟପ, ଲାଇବ୍ରେରୀ ସୁବିଧା ଯୋଗାଇ ଦିଆଯାଉଛି । ୨୦୧୬-୧୭ ପରଠୁ ୪ ହଜାରରୁ ଅଧିକ ଶିକ୍ଷକ ନିଯୁକ୍ତ ହେଲେଣି । ଉଚ୍ଚଶିକ୍ଷାରେ ପରିବର୍ତ୍ତନ ପାଇଁ ମୋ କଲେଜ ଅଭିଯାନ ଆରମ୍ଭ ହୋଇଥିଲା । ରାଜ୍ୟ ସରକାର ଗବେଷଣା ପାଇଁ ଅଧିକ ଖର୍ଚ୍ଚ କରୁଛନ୍ତି । ଆସନ୍ତା ୫ ବର୍ଷରେ ସରକାର ୨୧୬ କୋଟିରୁ ଅଧିକ ଖର୍ଚ୍ଚ କରିବେ । ମୁଖ୍ୟମନ୍ତ୍ରୀ ସ୍କଲାରସିପ୍ ସ୍କିମରେ ଖର୍ଚ୍ଚ ହେବ ଏହି ଅର୍ଥ । ନବନିଯୁକ୍ତ ନିଷ୍ଠାର ସହ ନିଜ କାର୍ଯ୍ୟ କରନ୍ତୁ ବୋଲି ମୁଖ୍ୟମନ୍ତ୍ରୀ ପରାମର୍ଶ ଦେଇଛନ୍ତି ।

ସ୍ବାର୍ଥ ପାଇଁ ସୌମ୍ୟ ସାଜିଛନ୍ତି ମିଛର ସୌଦାଗର, ବିନା ଆଧାରରେ ଆଲେଖ୍ୟ

ଭୁବନେଶ୍ୱର: ସ୍ବାର୍ଥ ପାଇଁ ସୌମ୍ୟ ସାଜିଛନ୍ତି ମିଛର ସୌଦାଗର ! ବିନା ଆଧାରରେ ଆଲେଖ୍ୟ । ପୂରିଲା କଣ୍ଟ, ପ୍ରମାଣ ଦେଇ ପାରିଲେନି ସୌମ୍ୟ। ମିଛ ଧରାପଡିଲା ପରେ ମୌନବ୍ରତ ।… ଆଲେଖ୍ୟରେ ମିଛ ଲେଖିଥିଲେ ସୌମ୍ୟ ? ହଟଚମଟ ପାଇଁ ନେଇଥିଲେ କି ମିଛର ସାହାରା ? ସୌମ୍ୟଙ୍କ ଆଲେଖ୍ୟ ପରେ ଅନୁଭବ ପଟ୍ଟନାୟକ କରିଥିଲେ ଖୋଲା ଚ୍ୟାଲେଞ୍ଜ୍। ୨୪ଘଣ୍ଟା ପରେ ବି ପ୍ରମାଣ ଦେଇ ପାରିଲେନି ସୌମ୍ୟ। ଏହାକୁ ନେଇ ସୌମ୍ୟକୁ ଘେରିଛନ୍ତି ସବୁଦଳର ରାଜନେତା। ସମ୍ପାଦକୀୟକୁ ଢାଲ କରି ଓଡିଶାବାସୀଙ୍କୁ କରୁଛନ୍ତି ଭ୍ରମିତ।

ନବୀନଙ୍କୁ ଷଷ୍ଠଥର ମୁଖ୍ୟମନ୍ତ୍ରୀ କରିବା ପାଇଁ ଫାଇଭ-ଟି ସଚିବ ଭି.କେ ପାଣ୍ଡିଆନ କେଉଁଠି କହିଥିଲେ, ତା’ର ପ୍ରମାଣ ଦେବାକୁ ଗତକାଲି ଅନୁଭବ ସୌମ୍ୟଙ୍କୁ ଆହ୍ୱାନ ଦେଇଥିଲେ। ଫାଇଭ୍-ଟି ସଚିବଙ୍କ ଗସ୍ତରେ ୩ଶହ କୋଟି ଖର୍ଚ୍ଚ ହୋଇଥିବା ମଧ୍ୟ ପୂର୍ବ ଆଲେଖ୍ୟରେ ଲେଖିଥିଲେ ସୌମ୍ୟ। ଏହାକୁ ମଧ୍ୟ ପ୍ରମାଣ କରିବା ପାଇଁ ଆହ୍ବାନ ଦେଇଥିଲେ ଅନୁଭବ। ହେଲେ ସୌମ୍ୟଙ୍କ ମୁହଁରେ ଏବେ ତାଲା। ଆଲେଖ୍ୟକୁ ନେଇ ଚ୍ୟାଲେଞ୍ଜ ପରେ ଆଜି ପୁଣି ସୌମ୍ୟଙ୍କୁ କଡ଼ା ସମାଲୋଚନା କରିଛନ୍ତି ପୂର୍ବତନ ଖଣ୍ଡପଡ଼ା ବିଧାୟକ ଅନୁଭବ ପଟ୍ଟନାୟକ।

ନିଜ ଲେଖାର ପ୍ରମାଣ ୨୪ଘଣ୍ଟା ପରେ ବି ସୌମ୍ୟ ଦେଇପାରିନଥିବାରୁ ସେ ମିଛୁଆ ବୋଲି ପ୍ରମାଣିତ ହୋଇଥିବା କହିଛନ୍ତି ଅନୁଭବ। ଫାଇଭ-ଟି ସଚିବ ନିଜ ପରିବାରକୁ ଭେଟିବା ପାଇଁ ଓଡ଼ିଶା ବୁଲୁନାହାନ୍ତି। ସେ ଲୋକଙ୍କୁ ଭେଟୁଛନ୍ତି ଓ ଆପତ୍ତି ଅଭିଯୋଗ ଗ୍ରହଣ କରୁଛନ୍ତି । ଖଣ୍ଡପଡ଼ାରୁ ଫାଇଭ-ଟି ସଚିବ ସର୍ବାଧିକ ଅଭିଯୋଗପତ୍ର ପାଇଛନ୍ତି। ଏଥିରୁ ସୌମ୍ୟଙ୍କ ଉପରୁ ଖଣ୍ଡପଡ଼ାବାସୀ ବିଶ୍ବାସ ହରାଇ ସାରିଥିବା ସ୍ପଷ୍ଟ ହୋଇଛି। ଏହା ବାଧୁଥିବାରୁ ସୌମ୍ୟ ନିଜ ଖବରକାଗଜ ମାଧ୍ୟମରେ ରାଗ ଶୁଝାଇବାକୁ ଉଦ୍ୟମ କରୁଥିବା ଅନୁଭବକ କହିଛନ୍ତି।

ସୌମ୍ୟ ପ୍ରମାଣ ଦେଇପାରିଲେନି। ସତସାହସ ଥିଲେ ବିଧାୟକ ପଦରୁ ଇସ୍ତଫା ଦେବାକୁ ଆହ୍ବାନ ଦେଇଛନ୍ତି ଅନୁଭବ।  ସେପଟେ ସୌମ୍ୟ ପଟ୍ଟନାୟକଙ୍କ ଆଲେଖ୍ୟକୁ ନେଇ ଦଳମତ ନିର୍ବିଶେଷରେ ସବୁ ମହଲରୁ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ବରିଷ୍ଠ କଂଗ୍ରେସ ବିଧାୟକ ସୁରେଶ ରାଉତରାୟ ଏପରି ମଛ ଅଭିଯୋଗ କରିବା ଉଚିତ ନୁହେଁ ବୋଲି କହିଛନ୍ତି। କଂଗ୍ରେସ ବିଧାୟକ ତାରାପ୍ରସାଦ ବାହୀନପତି ଆଉ ପଦେ ଆଗେଇ କାପୁରୁଷମାନେ ଏପରି ମିଛ ଅଭିଯୋଗ ଆଣନ୍ତି ବୋଲି କହିଛନ୍ତି। ବିଜେପି ବିଧାୟକ ମୁକେଶ ମହାଲିଙ୍ଗ ମଧ୍ୟ ସୌମ୍ୟଙ୍କ ମିଛ ଲେଖାକୁ କଟାକ୍ଷ କରିଛନ୍ତି ।

ଅନ୍ୟପଟେ ବରିଷ୍ଠ ରାଜନେତା ଦାମୋଦର ରାଉତ ସୌମ୍ୟଙ୍କ ଲେଖାକୁ ନେଇ ବିଜେପି ଉତ୍ସାହିତ ହେବା କଥାକୁ କଡ଼ା ଭାଷାରେ ସମାଲୋଚନା କରିଛନ୍ତି । ସୌମ୍ୟଙ୍କ ଆଲେଖ୍ୟ ସାଜିଲାଣି ମିଛୁଆ ରାଧୁଆ ଗପ। ରାଜନୈତିକ ସ୍ବାର୍ଥ ପାଇଁ ଆଲେଖ୍ୟ ଲେଖି ପୁଣିଥରେ ନିଜ ଜାଲରେ ନିଜେ ଫସିଯାଇଛନ୍ତି ବିଧାୟକ ସୌମ୍ୟରଂଜନ ପଟ୍ଟନାୟକ। ବାରମ୍ବାର ଆଲେଖ୍ୟ ମାଧ୍ୟମରେ ଲୋକଙ୍କ ମନରେ ଭ୍ରମ ସୃଷ୍ଟି କରୁଥିବା ସୌମ୍ୟଙ୍କୁ ଚାରୁଆଡୁ ସମାଲୋଚନାର ଶୀକାର ହେବାକୁ ପଡ଼ିଛି ।

SDM ଜ୍ୟୋତି ମୌର୍ଯ୍ୟ ମାମଲା, ଅଭିଯୋଗ ପ୍ରତ୍ୟାହାର କଲେ ଆଲୋକ

ନନ୍ଦିଘୋଷ ବ୍ୟରୋ: ବହୁ ଚର୍ଚ୍ଚିତ SDM ଜ୍ୟୋତି ମର୍ଯ୍ୟ ମାମଲା ଗଣମାଧ୍ୟମରେ ହେଡଲାଇନ ପାଲଟିଥିଲା । ଏମି ମାମଲା ବିଚାରାଧିନ ରହିଥିବାବେଳେ ୟୁଟର୍ଣ୍ଣ ନେଇଛନ୍ତି ସ୍ବାମୀ ଆଲୋକ । ଯାଞ୍ଚ କମିଟିକୁ ଏକ ଚିଠି ଲେଖି ନିଜର ଅଭିଯୋଗପତ୍ର ପ୍ରତ୍ୟାହାର କରିଛନ୍ତି । ସେ କହିଛନ୍ତି କି, ମୁଁ ଭାବିଚିନ୍ତି ଏହା କରିଛି । ଏବେ ଆଲୋକ ଅଭିଯୋଗପତ୍ର ପ୍ରତ୍ୟାହାର କରିଥିବାବେଳେ ଯାଞ୍ଚ କମିଟି ପ୍ରୟାଗରାଜ କମିଶନରଙ୍କୁ ପଠାଇବ । ତେବେ ଏହି ଘଟଣାର ତଦନ୍ତ କରାଯିବ କି ନାହିଁ ତାହା ସରକାର ଚିନ୍ତା କରିବେ । ଆଲୋକ ଅଭିଯୋଗପତ୍ର ପ୍ରତ୍ୟାହାର କରିଥିବାବେଳେ ଜ୍ୟୋତିଙ୍କୁ ଆରାମ ମିଳିବ । ବାସ୍ତବରେ ଆଲୋକ ଜ୍ୟୋତିଙ୍କ ଦୁର୍ନୀତି ନେଇ ସରକାରଙ୍କୁ ଏକ ଅଭିଯୋଗପତ୍ର ଦେଇଥିଲେ । ଅନ୍ୟଜଣେ ପୁରୁଷଙ୍କ ସହ ତାଙ୍କ ସ୍ତ୍ରୀଙ୍କର ସମ୍ପର୍କ ରହିଥିବାବେଳେ ସେ SDM ହେବା ପରେ କୋଟି କୋଟି ଟଙ୍କାର ଦୁର୍ନୀତି କରିଥିବା ଅଭିଯୋଗ କରିଥିଲେ । ଅନ୍ୟପଟେ ଜ୍ୟୋତି ସ୍ବାମୀ ଆଲୋକଙ୍କ ନାମରେ ଥାନାରେ ଯୌତୁକ ନିର୍ଯାତନା ଅଭିଯୋଗ କରିଥିଲେ ।

 

ବଡି ମସାଜ ଓ ବିୟୁଟି ପାର୍ଲର ଆଳରେ ଚାଲୁଛି ଦେହ ବେପାର, ୬ ବର୍ଷରେ ୭୭ ସେକ୍ସ ରାକେଟ ଠାବ

ଭୁବନେଶ୍ୱର: ଭୁବନେଶ୍ବରରେ ବ୍ୟାଙ୍କକ୍ ମାହୋଲ । ବଡି ମସାଜ ସାଙ୍ଗକୁ ସେକ୍ସର ମଜା । ଟାଇମପାସ୍ ପାଇଁ ପେଡ ଗାର୍ଲଫ୍ରେଣ୍ଡ । ବେଶ୍ୟାଳୟ ଘୋଷଣା ପାଲଟିଛି ପ୍ରହସନ । ସିଟି ସ୍ମାର୍ଟ ହେବା ସଙ୍ଗେ ସଙ୍ଗେ ବଦଳୁଛି ଦେହ ବେପାରର ତରିକା । ଦଲାଲ ଆପଣାଉଛନ୍ତି ଅନଲାଇନ ରାସ୍ତା । ଓ୍ବେବସାଇଟ ଜରିଆରେ ହେଉଛି ସେକ୍ସ ଡିଲ୍ । ବିଗତ ୬ ବର୍ଷରେ ରାଜଧାନୀରେ ୭୭ ସେକ୍ସ ରାକେଟ ଠାବ ହୋଇଛି । ୨୫୪ ଜଣ ଗରାଖ ଓ ମାଲିକଙ୍କୁ ଗିରଫ କରାଯାଇଥିବା ବେଳେ ୨୦୭ ରୂପଜୀବୀଙ୍କୁ ସର୍ଟ ଷ୍ଟେ ହୋମକୁ ପଠାଯାଇଛି । ଦେହଜୀବୀଙ୍କୁ ଧରି ପୋଲିସ ବାହାବା ନେଉଥିବା ବେଳେ ରାଣୀ ମହୁମାଛି ପାଖରେ ପହଞ୍ଚି ପାରୁନାହିଁ ।

କୋଲକତାରୁ ସେକ୍ସ ଟ୍ରେଡ କଣ୍ଟ୍ରୋଲ କରାଯାଉଥିବା ବେଳେ ସହରର କିଛି ହୋଟେଲରେ ଲେଟ ନାଇଟ ପାର୍ଟି ଆଳରେ ଦେହର ଆସର ବସୁଥିବା ବେଳେ ଭୁବନେଶ୍ୱର ସେକ୍ସ ସିଟି ପାଲଟି ଯାଇଥିବା କହିଛନ୍ତି ବରିଷ୍ଠ ଆଇନଜୀବୀ । ୨୦୧୪ ରୁ ୨୦୧୬ ମଧ୍ୟରେ କ୍ୟାପିଟାଲ ଥାନା ଅନ୍ତର୍ଗତ ନିର୍ମଳ ପ୍ୟାଲେସ, ଜନ୍ନତ ପ୍ୟାଲେସ, ଚନ୍ଦ୍ରଶେଖରପୁର ଥାନାର ମୈତ୍ରୀ ଗେଷ୍ଟ ହାଉସ, ଲକ୍ଷ୍ମୀସାଗର ଥାନା ଅଧିନ ଖୁସବୁ ବିଉଟି ପାର୍ଲର, ଓ୍ବାନଷ୍ଟାର ବିୟୁଟି ପାର୍ଲର ଓ ବୃନ୍ଦାବନ ଏନକ୍ଲେଭ୍ ପ୍ରମୁଖ ୧୨ ଟି ଘରକୁ ବେଶ୍ୟାଳୟ ଘୋଷଣା କରାଯାଇଥିଲା ।

ପରେ ଖାରବେଳ ନଗର ଥାନା ଅଞ୍ଚଳରେ ଥିବା heaven thai spa ଓ ବାପୁଜୀନଗର ରେ ଥିବା h2o spa ରେ ଛାପା ମାରି ପୋଲିସ କିଛି ଥାଇଲାଣ୍ଡ ଯୁବତୀଙ୍କୁ ଉଦ୍ଧାର କରିବା ସହ ସମ୍ପୃକ୍ତ ଯୁବତୀଙ୍କ ଭିସା କୁ କଳା ତାଲିକା ଭୁକ୍ତ କରିବା ପାଇଁ ଗୃହ ବିଭାଗକୁ ଚିଠି ଲେଖାଯାଇଥିଲା । କିନ୍ତୁ ସାକ୍ଷୀ ସଠିକ ସାକ୍ଷ ନରଖିବା, ଅଭିଯୋଗ ପ୍ରମାଣିତ ନହେବା କାରଣରୁ ଘର ସିଲ୍ କରିବାକୁ କୋର୍ଟ ଅର୍ଡର ମିଳିପାରୁ ନାହିଁ । ଯେଉଁଥି ପାଇଁ ପୋଲିସ କୌଣସି ଆକ୍ସନ ନେଇ ପାରୁନାହିଁ ବୋଲି କହିଛନ୍ତି ଅବସରପ୍ରାପ୍ତ ପୋଲିସ ଅଧିକାରୀ । ତୁରନ୍ତ ଏ ଦିଗରେ ଧ୍ୟାନ ଦେଲେ ମାନବ ଚାଲାଣ ଭଳି ଘଟଣାରେ ରୋକ ଲାଗିପାରନ୍ତା ବୋଲି କହିଛନ୍ତି ବିଶେଷଜ୍ଞ।

ଚନ୍ଦ୍ରରେ ରୋଭର ପ୍ରଜ୍ଞାନ ରାସ୍ତାରେ ଆସିଲା ବିରାଟ ଗର୍ତ୍ତ, ଏମିତି ଗତିପଥ ବଦଳାଇଲା ରୋଭର

ନୂଆଦିଲ୍ଲୀ: ପ୍ରଥମ ପ୍ରତିବନ୍ଧକ ପାର୍ କଲା ରୋଭର ପ୍ରଜ୍ଞାନ । ଚନ୍ଦ୍ରପୃଷ୍ଠରେ ଗବେଷଣା କରୁଥିବା ରୋଭର ପ୍ରଜ୍ଞାନ ପ୍ରଥମ ବାଧାକୁ ସଫଳତାର ସହ ଅତିକ୍ରମ କରିଛି । ମାତ୍ର ତିନି ମିଟର ଦୂରରେ ଥିବା ୪ ମିଟର ବ୍ୟାସ ବିଶିଷ୍ଟ ବିରାଟ ଗାତ ଦେଖିବା ପରେ ରୋଭର ରୁଟ ବଦଳାଇଥିଲା । ଏ ନେଇ ଟୁଇଟ କରି ଇସ୍ରୋ ପକ୍ଷରୁ ସୂଚନା ଦିଆଯାଇଛି । ଚନ୍ଦ୍ରପୃଷ୍ଠରେ ରୋଭରକୁ ଆହୁରି ଅନେକ ଚ୍ୟାଲେଞ୍ଜର ସାମ୍ନା କରିବାକୁ ପଡ଼ିବ ବୋଲି ଇସ୍ରୋ ପକ୍ଷରୁ କୁହାଯାଇଛି । ରବିବାର ଲାଣ୍ଡରରେ ଲାଗିଥିବା ଚାଷ୍ଟେ ପେଲୋଡ ମଡ୍ୟୁଲ ଡାଟା ପ୍ରଦାନ କରିଛି ।

Image

Image

ଜହ୍ନର ପୃଷ୍ଠଭୂମି ଏବଂ ଭିତରେ ଥିବା ତାପମାତ୍ରା ମଧ୍ୟରେ କେତେ ଭିନ୍ନତା ରହୁଛି ତାହାର ଟିକିନିଖି ତଥ୍ୟ ଦେଇଛି ଲ୍ୟାଣ୍ଡର । ଜହ୍ନର ପୃଷ୍ଠଭୂମିରେ ତାପମାତ୍ରା ୫୦ ଡିଗ୍ରୀ ସେଲସିୟସ ଥିବାବେଳେ ୮ସେଣ୍ଟିମିଟର ଗଭୀରକୁ ଗଲେ ଏହା ତାହାର ତାପମାତ୍ରା ମାଇନସ ୧୦ ଡିଗ୍ରୀ ପର୍ଯ୍ୟନ୍ତ ହ୍ରାସ ପାଉଛି । ଇସ୍ରୋ ପକ୍ଷରୁ ଏନେଇ ଏକ ଗ୍ରାଫ ଜାରି କରାଯାଇଛି । ତାପମାତ୍ରାରେ ଏପରି ପାର୍ଥକ୍ୟ ବୈଜ୍ଞନିକମାନଙ୍କୁ ଆଶ୍ଚର୍ଯ୍ୟ କରିଛି । ପୃଥିବୀରେ ୨-୩ ସେଣ୍ଟିମିଟର ଗଭୀରତାରେ ତାପମାତ୍ର ଅତିବେଶିରେ ୨-୩ ଡିଗ୍ରୀ ସେଲସିୟସ ଫରକ ଦେଖାଯାଉଥିବା ବେଳେ ଚନ୍ଦ୍ରରେ ଏହା ଢେର ଅଧିକ ।

ଯାନ୍ତ୍ରିକ ତ୍ରୁଟି କାରଣରୁ ବ୍ରିଟେନର ଏୟାରସ୍ପେଶ୍ ବନ୍ଦ, ଠପ୍ ହେଲା ବିମାନ ସେବା

ଲଣ୍ଡନ: ଯାନ୍ତ୍ରିକ ତ୍ରୁଟି କାରଣରୁ ସମ୍ପୂର୍ଣ୍ଣ ବ୍ରିଟେନରେ ଅଚାନକ ବିମାନ ଯାତ୍ରା ଠପ୍ ହୋଇଯାଇଛି । ଏହି କାରଣରୁ ନା କୌଣସି ବିମାନ ଲ୍ୟାଣ୍ଡ କରିପାରୁଛନ୍ତି ଏବଂ ନା ହିଁ ଉଡ଼ାଣ ଭରିପାରୁଛନ୍ତି । ଏକ ଏୟାରଲାଇନ୍ କହିଛି ଯେ ବଡ଼ଧରଣର ନେଟୱର୍କ ଫେଲୁୟର ହୋଇଛି । ବ୍ରିଟିଶ ବିମାନ ବନ୍ଦର ବାହାରେ ଅପେକ୍ଷାରତ ଯାତ୍ରୀଙ୍କୁ କୁହାଯାଇଛି ଯେ ଏୟାର ଟ୍ରାଫିକ କଣ୍ଟ୍ରୋଲ ନେଟୱର୍କ ଡାଉନ ଅଛି ଏବଂ ସେମାନଙ୍କ ବିମାନ ବିଳମ୍ବରେ ଉଡ଼ାଣ ଭରିବ । ନ୍ୟାସନାଲ ଏୟାର ଟ୍ରାଫିକ କଣ୍ଟ୍ରୋଲର, ନେଟ୍ସ କହିଛି ଯେ ବର୍ତ୍ତମାନ ଆମେ ଯାନ୍ତ୍ରିକ ତ୍ରୁଟିର ସାମ୍ନା କରୁଛୁ ।

ସୁରକ୍ଷା ଦୃଷ୍ଟିରୁ ଆମେ ଟ୍ରାଫିକ ଫ୍ଲୋ ଉପରେ ପ୍ରତିବନ୍ଧକ ଲଗାଇଛୁ । ସମସ୍ୟାକୁ ଦୂର କରିବା ପଇଁ ଅଧିକାରୀ କାର୍ଯ୍ୟରେ ଲାଗିଛନ୍ତି । ଏହି କାରଣରୁ ଅସୁବିଧା ପାଇଁ ଯାତ୍ରୀଙ୍କୁ କ୍ଷମା ମଗାଯାଇଛି । ସ୍କଟିଶ ଏୟାରଲାଇନ ଲୋଗନିୟର ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ପୋଷ୍ଟ କରିଛି ଯେ ଆଜି ସକାଳେ ୟୁକେ ଏୟାର ଟ୍ରାଫିକ କଣ୍ଟ୍ରୋଲ କମ୍ପୁଟର ସିଷ୍ଟମର ନେଟୱର୍କରେ ବଡଧରଣର ତ୍ରୁଟି ହୋଇଛି । ଆମେ ସ୍ଥାନୀୟ କୋଅର୍ଡିନେଶନ ଆଧାରରେ ଏବଂ ନ୍ୟୁନତମ ବ୍ୟବଧାନ ସହ ଅଧିକାଂଶ ଇଣ୍ଟ୍ରା-ସ୍କଟଲ୍ୟାଣ୍ଡ ଉଡ଼ାଣକୁ ସଞ୍ଚାଳିତ କରିବାରେ ସକ୍ଷମ ହେବା ନେଇ ଆଶା କରୁଛୁ ।

ଏହା ମୁତାବକ ଉତ୍ତର-ଦକ୍ଷିଣ ଏବଂ ଅନ୍ତର୍ଜାତୀୟ ଉଡ଼ାଣରେ ବିଳମ୍ବ ହୋଇପାରେ । ସୂଚନାରେ ଯାତ୍ରୀମାନଙ୍କୁ ଆଗକୁ କୁହାଯାଇଛି ଯେ ଯଦି ଆଜି ଆପଣଙ୍କ ବିମାନ ଅଛି ତେବେ ବିମାନ ବନ୍ଦର ଆସିବା ପୂର୍ବରୁ ଆମ ୱେବସାଇଟରେ ଲାଟେଷ୍ଟ ସୂଚନା ଦେଖିନିଅନ୍ତୁ । ଜଣେ ଯାତ୍ରୀ କହିଛନ୍ତି ଯେ ସେ ବୁଡାପେଷ୍ଟ ବିମାନବନ୍ଦରର ରନୱେରେ ଏକ ବିମାନରେ ଥିଲେ, କିନ୍ତୁ ଆମକୁ ଏବେ କୁହାଯାଇଛି ଯେ ୟୁକେର ଏୟାରସ୍ପେଶ ବନ୍ଦ ଅଛି, ଏଠାରେ ୧୨ ଘଣ୍ଟା ପର୍ଯ୍ୟନ୍ତ ଅପେକ୍ଷା କରିବାକୁ ପଡ଼ିପାରେ ।

କ୍ରିକେଟରେ ଗ୍ରାଉଣ୍ଡରେ ରେଡ୍ କାର୍ଡ, ବାହାରକୁ ଗଲେ ଖେଳାଳି

ନନ୍ଦିଘୋଷ ବ୍ୟୁରୋ: କ୍ରିକେଟରେ ରେଡ୍ କାର୍ଡ ଦେଖାଇଲେ ଅମ୍ପାୟାର । ସାଧାରଣତଃ ହକି ଏବଂ ଫୁଟବଲ ପଡ଼ିଆରେ ରେଫରି ରେଡ୍ କାର୍ଡ ଦେଖାଇଥାନ୍ତି । କିନ୍ତୁ କ୍ରିକେଟ ମଇଦାନରେ କେବେ ରେଡ୍ କାର୍ଡ ଲାଗୁ ହେଲାଣି, ଆପଣ ଜାଣିନଥିବେ । ବାସ୍ତବରେ କହିବାକୁ ଗଲେ ଏବେ କାରବିଆନ ଲିଗ ଚାଲିଛି । ଆଉ ଏହି ମ୍ୟାଚରେ ଅମ୍ପାୟାର ରେଡ କାର୍ଡ ଦେଖାଇଥିବାବେଳେ ସୁନିଲ ନରିନ ପଡ଼ିଆ ବାହାରକୁ ଯାଇଛନ୍ତି । ମାତ୍ର ୧୦ଜଣ ଖେଳାଳି ଫିଲ୍ଡି କରିଛନ୍ତି । ଚଳିତ ସିପିଏଲ ଲିଗରେ ଏଭଳି ନୂଆ ନିୟମ କରାଯାଇଛି । ନିର୍ଦ୍ଧାରିତ ୨୦ ଓଭର ୮୫ ମିନିଟ ମଧ୍ୟରେ ସାରିବାକୁ ପଡ଼ିବ । ଯଦି ବୋଲିଂ ଦଳ ବିଳମ୍ବ କରନ୍ତି ତାହେଲେ ଶେଷ ଓଭରରେ ୧୦ ଜଣ ଖେଳାଳି ଫିଲ୍ଡି କରିବେ । ଆାଉ ମାତ୍ର ୨ଜଣ ଖେଳାଳି ଥାର୍ଟି ୟାର୍ଡ ବାହାରେ ରହିବେ । ଏଣୁ ୧୯ତମ ଓଭର ୮୦ ମିନିଟ୍ ୪୫ ସେକେଣ୍ଡ ସୁଦ୍ଧା ସରିବା ଆବଶ୍ୟକ । ଯାହା ଟିକେଆର କରିପାରିନଥିବାବେଳେ ଅମ୍ପାୟାର ରେଡ୍ କାର୍ଡ ଦେଖାଇଥିଲେ । ଅଧିନାୟକ କିରଣ ପେଲାର୍ଡ ସୁନୀଲ ନରିନଙ୍କୁ ବାହାରକୁ ଯିବାକୁ କହିଥିଲେ । ଏହି ନିୟମ ଏବେ ସିପିଏଲରେ ଲାଗୁ ହୋଇଛି ।

ସରକାରୀ ଅର୍ଥ ହଡ଼ପ ଅଭିଯୋଗରେ କଣ୍ଟ୍ରାକ୍ଟର ବାପ-ପୁଅଙ୍କୁ ବାନ୍ଧିଲା ଭିଜିଲାନ୍ସ

ସୋନପୁର: ବନ୍ଧାହେଲେ ଠିକାଦାର ବାପ ପୁଅ । ସରକାରୀ ଅର୍ଥ ହଡ଼ପ ଅଭିଯୋଗରେ ସ୍ପେଶାଲ କ୍ଲାସ୍ କଣ୍ଟ୍ରାକ୍ଟର ବିଜୟ ଅଗ୍ରୱାଲ ଓ ତାଙ୍କ ପାୱାର ଅପ୍ ଆଟର୍ଣ୍ଣିଂ ହୋଲଡର ଦୀପକ କୁମାର ଅଗ୍ରୱାଲ ଗିରଫ । ଉଭୟଙ୍କୁ ଭିଜିଲାନ୍ସ ଗିରଫ କରିଛି । ସୋନପୁର ଜିଲ୍ଲାରେ ଅନୁସୂଚିତ ଜାତି ଛାତ୍ରଛାତ୍ରୀଙ୍କ ପାଇଁ ଶହେ ଶଯ୍ୟା ବିଶିଷ୍ଟ ୪ଟି ହଷ୍ଟେଲ ନିର୍ମାଣ ପାଇଁ ସ୍ପେଶାଲ କ୍ଲାସ୍ କଣ୍ଟ୍ରାକ୍ଟର ବିଜୟ ଅଗ୍ରୱାଲ ଠିକା ନେଇଥିଲେ । ଏହି କାମରେ ଅର୍ଥ ହେରଫେର ଅଭିଯୋଗ ହୋଇଥିଲା ।

ଅଭିଯୋଗ ଆଧାରରେ ଓଡ଼ିଶା ଭିଜିଲାନ୍ସର ଏକ ଟେକ୍ନିକାଲ ଟିମ୍ ଯାଞ୍ଚ କରିବା ପରେ ନିମ୍ନ ମାନର ନିର୍ମାଣ କାର୍ଯ୍ୟ ହୋଇଥିବା ନେଇ ପ୍ରମାଣ ପାଇଥିଲା। ଆଜି ଦୁଇଜଣଙ୍କୁ ରାଉରକେଲାରୁ ଗିରଫ କରାଯାଇଛି । ପୂର୍ବରୁ ଭିଜିଲାନ୍ସ ତଦନ୍ତ ଆରମ୍ଭ ପରେ ବିଜୟ ଅଗ୍ରୱାଲ ଓ ଦୀପକ ବଲାଙ୍ଗୀର ବାସଭବନରୁ ଫେରାର ହୋଇଯାଇଥିଲେ । ଏବେ ଉଭୟଙ୍କୁ କଟକସ୍ଥିତ ଭିଜିଲାନସ ଅଫିସକୁ ଆଣି ପଚାରାଉଚରା କରି କୋର୍ଟ ଚାଲାଣ କରିଛି ଭିଜିଲାନ୍ସ । ନିକଟରେ ଫାଇଭ-ଟି ସଚିବ ସୋନପୁର ଗସ୍ତବେଳେ ହଷ୍ଟେଲରେ ନିମ୍ନମାନର କାମ ନେଇ ଅଭିଯୋଗ ହୋଇଥିଲା ।

ଏନେଇ ତଦନ୍ତ କରିବାକୁ ଫାଇଭ-ଟି ସଚିବ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଥିଲେ । ତଦନ୍ତ ପାଇଁ ଭିଜିଲାନ୍ସକୁ ଚିଠି ଲେଖିଥିଲେ ସୁବର୍ଣ୍ଣପୁର ଜିଲ୍ଲାପାଳ । ୮୦ ଲକ୍ଷ ଟଙ୍କା ବ୍ୟୟରେ ନିର୍ମାଣ ହୋଇଥିବା ହଷ୍ଟେଲ କାମ ନିମ୍ନମାନର ହୋଇଥିବା ହୋଇଥିଲା । କୋଠାର ଉଭୟ ଭିତରେ ଓ ବାହାରେ ଫାଟ ଦେଖିବାକୁ ମିଳିଥିଲା। ସେହିପରି କୋଠାରେ ଲାଗିଥିବା ଫିଟିଙ୍ଗ୍ସ ନିମ୍ନମାନର ବୋଲି ଅନୁଧ୍ୟାନରୁ ଜଣାପଡିଥିଲା । ଭୁବନେଶ୍ବରର ହିନ୍ଦୁସ୍ତାନ ଷ୍ଟିଲ ଆଣ୍ଟ କନଷ୍ଟ୍ରକସନ ପକ୍ଷରୁ ଆଶ୍ରମ ସ୍କୁଲ ପାଇଁ ହଷ୍ଟେଲ ନିର୍ମାଣ କରାଯାଇଥିଲା ।

ଏସିଆ କପରେ ଭାରତର ଏହି ଖେଳାଳିଙ୍କ ଉପରେ ରହିବ ନଜର..

ନନ୍ଦିଘୋଷ ବ୍ୟୁରୋ: ଏସିଆ କପକୁ ଆଉମାତ୍ର ଦିନ କେଇଟା ବାକିଥିବାବେଳେ ଟୁର୍ଣ୍ଣାମେଣ୍ଟରେ କିଏ ଚାମ୍ପିୟନ ହେବ କେଉଁ ଖେଳାଳି କିଭଳି ପ୍ରଦର୍ଶନ କରିବେ ତାକୁ ନେଇ ଅନେକ ଚର୍ଚ୍ଚା ହେଉଛି । ଭାରତର ୫ଜଣ ଖେଳାଳିଙ୍କ ଉପରେ ରହିବ ସମସ୍ତଙ୍କ ନଜର । ଭାରତ ନିଜର ଅଭିଯାନ ଶତୃ ଦେଶ ବିପକ୍ଷରେ ଆରମ୍ଭ କରିବାକୁ ଯାଉଥିବାବେଳେ କିଭଳି ପ୍ରଦର୍ଶନ କରିବ ତାକୁ ନେଇ ବିଭିନ୍ନ କଳ୍ପନା ଜଳ୍ପନା ଆରମ୍ଭ ହୋଇଛି । ଟିମ୍ ଇଣ୍ଡିଆର ପାଞ୍ଚଜଣ ଖେଳାଳି ଭାରତକୁ ଟାଇଟଲ୍ ଜିତାଇପାରିବେ । ତେବେ ଏହି ତାଲିକାରେ ପ୍ରଥମେ ବିରାଟ କୋହଲି ନାମ ଆସିବ । କୋହଲିଙ୍କ ସହ ତିଲକ ଭର୍ମା, ଜସପ୍ରୀତ ବୁମ୍ରା, ରବିନ୍ଦ୍ର ଜାଡେଜା ଏବଂ ଇଶାନ କିଶନ ଭଲ ପ୍ରଦର୍ଶନ କରିପାରିବେ।

ଯୁବ ବ୍ୟାଟ୍ସମ୍ୟାନ୍ ତିଲକ ଭର୍ମା ୱେଷ୍ଟଇଣ୍ଡିଜ୍ ବିପକ୍ଷରେ ଟି -20 ଆନ୍ତର୍ଜାତୀୟ ଡେବ୍ୟୁ କରିଥିଲେ। ସେ ଭାରତ ପାଇଁ ଏପର୍ଯ୍ୟନ୍ତ ଖେଳାଯାଇଥିବା 7 ଟି ମ୍ୟାଚରେ 174 ରନ୍ ସଂଗ୍ରହ କରିଛନ୍ତି। ତିଲକ ତାଙ୍କର ବିସ୍ଫୋରକ ବ୍ୟାଟିଂ ଦ୍ୱାରା ସମସ୍ତଙ୍କ ହୃଦୟ ଜିତିଛନ୍ତି। ସେଥିପାଇଁ ସେ ଏସିଆ କପ୍ ପାଇଁ ଦଳରେ ସ୍ଥାନ ପାଇଛନ୍ତି। ଏଣୁ ତିଲକ ଏସିଆ କପରେ ଭଲ ପ୍ରଦର୍ଶନ କରିପାରନ୍ତି ବୋଲି ଆଶା ରଖାଯାଇଛି |

ୱେଷ୍ଟଇଣ୍ଡିଜ୍ ବିପକ୍ଷରେ ଇଶାନ କିଶନ କ୍ରମାଗତ ୪ଟି ଅର୍ଦ୍ଧଶତକ ହାସଲ କରିଥିଲେ। ସେ ODIରେ ତିନି ଅର୍ଦ୍ଧଶତକ ହାସଲ କରିଥିଲେ। ଚଳିତ ଏସିଆ କପରେ ମଧ୍ୟ ଇଶାନ ଭଲ ପ୍ରଦର୍ଶନ କରିବେ ବୋଲି ଆଶା ରଖାଯାଇଛି ।

ଅଭିଜ୍ଞ ଅଲରାଉଣ୍ଡର ରବିନ୍ଦ୍ର ଜାଡେଜା ଅନେକ ଥର ଭାରତ ପାଇଁ ଚମତ୍କାର ପ୍ରଦର୍ଶନ କରିଛନ୍ତି। ସେ ଏପର୍ଯ୍ୟନ୍ତ ୧୭୭ଟି ODI ରେ ୨୫୬୦ ରନ୍ ସଂଗ୍ରହ କରିଛନ୍ତି। ଏହା ସହିତ ୧୯୪ ୱିକେଟ୍ ନେବାରେ ସକ୍ଷମ ହୋଇଛନ୍ତି। ଏପରିକି ବଡ଼ ଟୁର୍ଣ୍ଣାମେଣ୍ଟରେ ଜାଡେଜା ଭଲ ପ୍ରଦର୍ଶନ କରନ୍ତି  ।

ଭାରତର ଦ୍ରୁତ ବୋଲର ଜସପ୍ରୀତ ବୁମ୍ରା ଏକ ଭଲ ପ୍ରତ୍ୟାବର୍ତ୍ତନ କରିଛନ୍ତି। ନିକଟରେ ସେ ଆୟର୍ଲାଣ୍ଡ ବିପକ୍ଷ ଟି -20 ସିରିଜରେ ୪ଟି ୱିକେଟ୍ ନେଇଥିଲେ। ଆହତ କାରଣରୁ ବୁମ୍ରା ଦୀର୍ଘ ସମୟ ଧରି ଟିମ୍ ଇଣ୍ଡିଆରୁ ବାହାରେ ରହିଥିଲେ। ସେ ଏସିଆ କପରେ ଟିମ୍ ଇଣ୍ଡିଆ ପାଇଁ ମ୍ୟାଚ୍ ଜିତିବା ପ୍ରଦର୍ଶନ କରିପାରିବେ |

ମଝି ଆକାଶରେ ଶିଶୁର ବନ୍ଦ ହୋଇଗଲା ଶ୍ବାସକ୍ରିୟା, ଏମିତି ଜୀବନ ବଞ୍ଚାଇଲେ ବିମାନରେ ଥିବା ଏମ୍ସର ୫ ଡାକ୍ତର

ନୂଆଦିଲ୍ଲୀ: ମଝି ଆକାଶରେ ୨ ବର୍ଷର ଶିଶୁର ବନ୍ଦ ହୋଇଗଲା ଶ୍ବାସକ୍ରିୟା । ସମସ୍ତଙ୍କ ହଜିଗଲା ବୁଦ୍ଧି । ହେଲେ ଡାକ୍ତରଙ୍କ ଉଦ୍ୟମକ୍ରମେ ଶିଶୁଟି ବଞ୍ଚିଯିବା ଘଟଣା ସମସ୍ତଙ୍କୁ କରିଛି ଆଶ୍ଚର୍ଯ୍ୟ । ଶିଶୁଟିର ଶ୍ବାସକ୍ରିୟା ବନ୍ଦ ହୋଇଯିବା ପରେ ବିମାନରେ ଯାଉଥିବା ଡାକ୍ତର ଟିମଙ୍କ ଅକ୍ଲାନ୍ତ ଉଦ୍ୟମ ଯୋଗୁ ଶିଶୁଟି ଦେଖିପାରିଛି ଆଲୋକ । ଘଟଣାଟି ଥିଲା ଏହିପରି । ଗତକାଲି UK-814 ଭିସ୍ତାରା ବିମାନରେ ବେଙ୍ଗାଳୁରୁରୁ ଦିଲ୍ଲୀ ଯାଉଥିଲେ ଏକ ପରିବାର । ସେହି ବିମାନରେ ବି ଥିଲେ ଏମସର ୫ ଜଣ ଡାକ୍ତର ।

ସେହି ଡାକ୍ତରମାନେ ଏକ କାର୍ଯ୍ୟକ୍ରମ ସାରି ଦିଲ୍ଲୀ ଫେରୁଥିଲେ । ତେବେ ମଝିଆକାଶରେ ହଠାତ୍ ଦୁଇ ବର୍ଷ ବୟସ୍କ ଶିଶୁର ଶ୍ବାସକ୍ରିୟା ବନ୍ଦ ହୋଇଯାଇଥିଲା । ସଂଗେସଂଗେ ବିମାନକୁ ନାଗପୁର ଆଡକୁ ଦିଗପରିବର୍ତ୍ତନ କରାଯାଇଥିଲା । ଡାକ୍ତର ଏହି ବିଷୟରେ ସୂଚନା ପାଇବା ପରେ ସେମାନେ ଦେଖିଲେ ପିଲାଟିର ଶରୀର ଥଣ୍ଡା ହୋଇଯିବା ସହ ତାହାର ନାଡି ସ୍ଥିର ହୋଇଯାଇଥିଲା ।

ଡାକ୍ତରମାନେ ପିଲାଟିକୁ ପରୀକ୍ଷା କରିବା ପରେ ଆଇଭି କାନୁଲା ଏବଂ ଅରୋଫାରିଞ୍ଜିଆଲା ଏୟାର ଓ୍ବେ ବ୍ୟବସ୍ଥା କରାଯାଇଥିଲା । ଏହି କ୍ଷେତ୍ରରେ ଏକ ଏଇଡି ବି ବ୍ୟବହୃତ ହୋଇଥିଲା । ପ୍ରାୟ ୪୫ ମିନଟର ଉଦ୍ୟମ ଜାରି ରହିଥିବାବେଳେ ବିମାନଟି ନାଗପୁର ଆସିଥିଲା । ସେଠାରେ ଉପସ୍ଥିତ ଥିବା ଶିଶୁ ବିଭାଗ ଡାକ୍ତରମାନେ ତୁରନ୍ତ ଶିଶୁର ଚିକିତ୍ସା ଆରମ୍ଭ କରିଥିଲେ । ଶେଷରେ ଡାକ୍ତରଙ୍କ ଉଦ୍ୟମ ବ୍ୟର୍ଥ ଯାଇନଥିଲା ଏବଂ ଶିଶୁଟି ବଞ୍ଚିଯାଇଥିଲା ।