spot_img

Latest Posts

ଓଡ଼ିଶାରେ ବନ୍ଧୁକ ବେପାର ଯୋଜନା ପଣ୍ଡ, ୨ ବିହାରୀ ମାଫିଆଙ୍କୁ ଗିରଫ କଲା STF

ନନ୍ଦିଘୋଷ ବ୍ୟୁରୋ : ବିହାରୀ ବନ୍ଧୁକରେ ହୋଇଥାନ୍ତା ଓଡ଼ିଶାରେ ଫାୟାରିଂ । ବଡ଼ ଧମାକା ପୂର୍ବରୁ ୨ ବିହାରୀ ମାଫିଆଙ୍କୁ କାବୁ କଲା ସ୍ପେଶାଲ ଟାସ୍କଫୋର୍ସ । ଗିରଫ ୨ ଅଭିଯୁକ୍ତ ହେଲେ ବିହାର ମୁଙ୍ଗେର ର ଆକାଶ କୁମାର ସିଂ ଓ ରାଜେଶ ଶର୍ମା । ଜବତ ହେଲା ୨ ଟି 7 ଏମ୍ ଏମ୍ ପିସ୍ତଲ ଓ ୪ ଟି ସିଙ୍ଗିଲ ରାଉଣ୍ଡ ଦେଶୀ ବନ୍ଧୁକ । ଏହାସହ ୮ ରାଉଣ୍ଡ ଗୁଳି ଜବତ । ସେମାନଙ୍କ ଠାରୁ ଦୁଇଟି ମୋବାଇଲ ଓ ୫ ହଜାର ୬ ଶହ ଟଙ୍କା ମଧ୍ୟ ଜବତ କରାଯାଇଛି ।

ଓଡ଼ିଶାରେ ବନ୍ଧୁକ ବେପାର ପାଇଁ ଏସବୁ ଅଣାଯାଉଥିବା ବେଳେ ବିଶ୍ୱସ୍ତ ସୂତ୍ରରୁ ଖବର ପାଇ ଚଢ଼ାଉ କରିଥିଲା ଏସଟିଏଫ । ୨ ଅଭିଯୁକ୍ତଙ୍କୁ ଆର୍ମସ୍ ଆକ୍ଟରେ ଗିରଫ କରାଯାଇଛି । ବନ୍ଧୁକ ମୁଙ୍ଗେରରୁ ଆସୁଥିବା ବେଳେ ଏସବୁକୁ ଓଡ଼ିଶାର ଭିନ୍ନ ଭିନ୍ନ ଗରାଖଙ୍କୁ ବିକ୍ରି ପାଇଁ ଯୋଜନା ହୋଇଥିଲା । ୫୦ ରୁ ୭୦ ହଜାର ପର୍ଯ୍ୟନ୍ତ ଏସବୁ ବନ୍ଧୁକ ବିକ୍ରି କରାଯାଇଥାନ୍ତା । ଏଥିରେ ସାମିଲ ଥିବା ଅନ୍ୟମାନଙ୍କୁ ମଧ୍ୟ ଧରିବାକୁ ପ୍ରୟାସ ଜାରି ରହିଛି । ସଂଗଠିତ ଅପରାଧରେ ସାମିଲ ଥିବା ବ୍ୟକ୍ତିବିଶେଷଙ୍କୁ କଡା ଚେତାବନୀ ଦିଆଯାଇଛି ।

Latest Posts

Don't Miss