କନ୍ଧମାଳ: ଜୀବନରେ କେମିତି ପାଇବେ ସଫଳତା । କେଉଁ ଦିଗ ପ୍ରତି ଧ୍ୟାନ ଦେଇ ଆଗକୁ ବଢ଼ିବା ଦରକାର । କ’ଣ ନିଜର ସର୍ବାଙ୍ଗୀନ ବିକାଶ ଘଟିଥାଏ । କନ୍ଧମାଳରେ ଛାତ୍ରଛାତ୍ରୀଙ୍କ ସହିତ ଆଲୋଚନା କରି 5T ସଚିବ ଦେଇଛନ୍ତି ତ୍ରିସୂତ୍ରୀ ସଫଳତା ବାର୍ତ୍ତା  । 5T ସଚିବ କହିଛନ୍ତି,  ସେ ମଧ୍ୟ ଏକ ସରକାରୀ ସ୍କୁଲରେ ପାଠ ପଢ଼ି ଆଗକୁ ଆସିଛନ୍ତି । ଆତ୍ମବିଶ୍ବାସର ସହିତ ଆଗକୁ ବଢ଼ିଲେ ସଫଳତା ମିଳିପାରିବ । ଜୀବନରେ ଶରୀର ହେଉଛି ସବୁଠୁ ଗୁରୁତ୍ବପୂର୍ଣ୍ଣ । ଦୈନିକ ଅଧଘଣ୍ଟା ସମୟ ଶରୀରକୁ ଦେବା ଆବଶ୍ୟକ  । ବିନା ଫିଜିକାଲ ଫିଟମେଣ୍ଟରେ ସଫଳତା ମିଳେ ନାହିଁ । ଏହାଛଡ଼ା ଧ୍ୟାନ କରିବା ଏକ ଗୁରୁତ୍ବପୂର୍ଣ୍ଣ କାର୍ଯ୍ୟ । ଧ୍ୟାନ କରିବା ଦ୍ବାରା ଚିନ୍ତାଶକ୍ତି ବୃଦ୍ଧି ପାଇଥାଏ । ଯାହାକି ଆଗକୁ ନେବାରେ ସାହାଯ୍ୟ କରିଥାଏ । ଏଥିପାଇଁ ପ୍ରତିଦିନ ୧୫ ମିନିଟ ଧ୍ୟାନ କରିବାକୁ ପରାମର୍ଶ ଦେଇଛନ୍ତି 5T ସଚିବ ।

ଶିକ୍ଷକ ଓ ବାପାମାଆଙ୍କ ବ୍ୟତୀତ ବନ୍ଧୁ ଜୀବନରେ ଅତି ଗୁରୁତ୍ବପୂର୍ଣ୍ଣ । ଭଲ ସାଙ୍ଗ ଥିଲେ ଆଗକୁ ନେବାକୁ ସାହାଯ୍ୟ କରିବେ । ଖରାପ ସାଙ୍ଗଥିଲେ ନିଜେ ଖରାପ ହେବା ସହିତ ଅନ୍ୟକୁ ମଧ୍ୟ ଖରାପ କରିଦେବେ । ଏଣୁ ସାଙ୍ଗମାନେ ସବୁବେଳେ ପ୍ରେରଣା ସାଜିବା ଦରକାର । ଆତ୍ମବିଶ୍ବାସ ହରାଇବା ଓ କମାଇବାରେ ସାଙ୍ଗମାନଙ୍କର ଗୁରୁତ୍ବପୂର୍ଣ୍ଣ ଭୂମିକା ନେଇଥାଏ । ଏସବୁ ଦିଗକୁ ଧ୍ୟାନ ଦେଲେ ଜୀବନରେ ସଫଳତା ମିଳିପାରିବ ବୋଲି 5T ସଚିବ କହିଛନ୍ତି ।

କନ୍ଧମାଳ: ଦୁଇଦିନିଆ କନ୍ଧମାଳ ଗସ୍ତର ପ୍ରଥମ ଦିନରେ ଜିଲ୍ଲାର ବିଭିନ୍ନ ସ୍ଥାନକୁ ଯାଇ ବିଭିନ୍ନ ଉନ୍ନୟନ କାର୍ଯ୍ୟର ଅନୁଧ୍ୟାନ କରିଛନ୍ତି 5T ସଚିବ । ପ୍ରଥମେ ବଲସକୁମ୍ପା ବରାଳଦେବୀ ମନ୍ଦିର ପରିଦର୍ଶନ କରିଥିଲେ 5T ସଚିବ । ମନ୍ଦିରରେ ପୂଜାର୍ଚ୍ଚନା କରିବା ସହିତ ଏହାର ନବକଳେବର ପାଇଁ ସ୍ଥାନୀୟ ଲୋକ ଓ ସେବାୟତଙ୍କ ସହିତ ଆଲୋଚନା କରିଥିଲେ । ଗଞ୍ଜାମ ଜିଲ୍ଲାର ତାରାତାରିଣୀ ମନ୍ଦିରର ରୂପାନ୍ତରଣ ଭଳି ଖୁବଶୀଘ୍ର ବରାଳଦେବୀ ମନ୍ଦିରର ଉନ୍ନତିକରଣ ପାଇଁ ପ୍ରତିଶ୍ରୁତି ଦେଇଛନ୍ତି । ସେଠାରୁ କନ୍ଧମାଳ ସ୍ପୋର୍ଟସ କମ୍ପ୍ଲେକ୍ସରେ ଲୋକଙ୍କ ସହିତ ଆଲୋଚନା କରିଥିଲେ । ସମସ୍ତଙ୍କର ସମସ୍ୟା ଶୁଣିବା ସହିତ ୭ ଦିନ ଭିତରେ ସମାଧାନ ପାଇଁ ପ୍ରତିଶ୍ରୁତି ଦେଇଥିଲେ ।

ମୁଖ୍ୟମନ୍ତ୍ରୀ କନ୍ଧମାଳବାସୀଙ୍କୁ ଭଲପାଆନ୍ତି । ଖୁବଶୀଘ୍ର ଜିଲ୍ଲାରେ ମେଡିକାଲ କଲେଜ କାର୍ଯ୍ୟକ୍ଷମ ହେବ । ଜିଲ୍ଲାବାସୀଙ୍କୁ ଉନ୍ନତ ଚିକିତ୍ସା ସୁବିଧା ଯୋଗାଇଦେବାକୁ ମୁଖ୍ୟମନ୍ତ୍ରୀ ଏପରି ପଦକ୍ଷେପ ନେଇଛନ୍ତି । ଏହାସହିତ ଆଗାମୀ ଦିନରେ ଜିଲ୍ଲାର ରୂପରେଖ ବଦଳାଯିବ । ସହରକୁ ନୂଆ ରୂପ ଦେବାକୁ ପ୍ରତିଶ୍ରୁତି ଦେଇଛନ୍ତି 5T ସଚିବ । ଜିଲ୍ଲାର ସବୁ ସ୍କୁଲ ଓ କଲେଜର ରୂପାନ୍ତରଣ କରାଯିବ । ମୁଖ୍ୟମନ୍ତ୍ରୀ ପ୍ରଦାନ କରୁଥିବା ଟଙ୍କାକୁ ସ୍ବଚ୍ଛତାର ସହିତ ଖର୍ଚ୍ଚ କରିବାକୁ ଆହ୍ବାନ ଦେଇଛନ୍ତି 5T ସଚିବ । ପରେ 5T ସଚିବ ଭିକେ ପାଣ୍ଡିଆନ ଫୁଲବାଣୀ ନୂଆ ବସଷ୍ଟାଣ୍ଡ ଯାଇ ବିକାଶ କାର୍ଯ୍ୟର ଅଗ୍ରଗତି ନେଇ ଅନୁଧ୍ୟାନ କରିଛନ୍ତି ।