ଭୁବନେଶ୍ୱର: ଅପେକ୍ଷାର ହେବ ଅନ୍ତ । ଦୀର୍ଘ ୮ ବର୍ଷ ପରେ ରାଜଧାନୀକୁ ଫେରିଛି ସର୍କସ । ଆଜିଠୁ ଭୁବନେଶ୍ବର ପ୍ରଦର୍ଶନୀ ପଡ଼ିଆରେ ଆରମ୍ଭ ହେବ ଅଜନ୍ତା ସର୍କସ । ଏଥିପାଇଁ ସମସ୍ତ ପ୍ରସ୍ତୁତି ଚୂଡାନ୍ତ ପର୍ଯ୍ୟାୟରେ ପହଞ୍ଚିଛି । ଆଜି ଉଦଘାଟନୀ ଦିବସରେ ଅପରାହ୍ନ ୪ଟା ଓ ରାତି ୭ଟାରେ ଦୁଇଟି ଶୋ’ ହେବ । ରବିବାରଠାରୁ ପ୍ରତିଦିନ ଦିନ ଗୋଟାଏ ସମେତ ମୋଟ ୩ଟି ଶୋ ହେବ । ଗତ ୮ ତାରିଖଠାରୁ ସର୍କସ ଆରମ୍ଭ ହେବାକୁ ଥିବାବେଳେ କାଳବୈଶାଖୀ ଯୋଗୁଁ ସମ୍ପୂର୍ଣ୍ଣ କ୍ଷତିଗ୍ରସ୍ତ ହୋଇଯାଇଥିଲା । ପୁଣି ମରାମତି ପରେ ଆଜିଠୁ ସର୍କସ ଆରମ୍ଭ ହେବାକୁ ଯାଉଛି ।
ସର୍କସରେ ଦୋଳି ଖେଳ ସହିତ ଜୋକର, ଗ୍ଲୋବ ମଧ୍ୟରେ ଦୁଃସାହସିକ ମୋଟର ସାଇକେଲ ଚାଳନା, ଇଥିଓପିଆ, ଆଫ୍ରିକା ଓ ରଷିଆ ଆଦି ଦେଶର ବିଦେଶୀଙ୍କ ଦ୍ବାରା କଷ୍ଟସାଧ୍ୟ ଜିମ୍ନାଷ୍ଟିକ ଖେଳ ଆଦି ଦର୍ଶକଙ୍କ ମନମୋହିବ । ପ୍ରଚଣ୍ଡ ରୌଦ୍ରତାପକୁ ଦୃଷ୍ଟିରେ ରଖି ଫ୍ୟାନର ବ୍ୟବସ୍ଥା କରାଯାଇଛି । ସର୍କସ ୩୫ ଦିନ ଧରି ଚାଲିବ ବୋଲି ବୋଲି କହିଛନ୍ତି ସର୍କସର ପରିଚାଳକ ।
