ସିକିମ: ସିକିମରେ ବନ୍ୟା ଯୋଗୁଁ ଘଟିଥିବା ଅଘଟଣରେ ଓଡ଼ିଆ ଯବାନ ସରୋଜ କୁମାର ଦାସଙ୍କ ଶହୀଦ ଖବର ବିଷୟରେ ଜାଣି ମୁଁ ଦୁଃଖିତ। ଦେଶ ସେବାରେ ତାଙ୍କର ବଳିଦାନ ସର୍ବଦା ସ୍ମରଣୀୟ ରହିବ। ତାଙ୍କ ଅମର ଆତ୍ମାର ସଦଗତି କାମନା କରିବା ସହ ଶୋକସନ୍ତପ୍ତ ପରିବାର ସଦସ୍ୟଙ୍କ ପ୍ରତି ମୋର ସମବେଦନା ଜଣାଉଛି।
ସାହିତ୍ୟରେ ନୋବେଲ ପୁରସ୍କାର ପାଇବେ ନରଓ୍ବେର ପ୍ରସିଦ୍ଧ ଔପନ୍ୟାସିକ
ନୂଆଦିଲ୍ଲୀ: ସାହିତ୍ୟ ଲାଗି ନୋବେଲ ପୁରସ୍କାର ଘୋଷଣା। ସମ୍ମାନଜନକ ପୁରସ୍କାର ପାଇବେ ନରଓ୍ବେର ପ୍ରସିଦ୍ଧ ଔପନ୍ୟାସିକ ଓ ନାଟ୍ୟକାର ଜନ ଫୋସେ । ସାହିତ୍ୟରେ ନୂତନତ୍ବର ପ୍ରୟୋଗ, ନାଟକ ଓ ଗଳ୍ପ ସାହିତ୍ୟରେ ଆଧୁନିକତା ଶୈଳୀ ଲାଗି ଫୋସେଙ୍କୁ ମିଳିବ ଏହି ସମ୍ମାନ। ସାହିତ୍ୟ ଜରିଆରେ ଜନସମାଜକୁ ଜାଗ୍ରତ କରିବା କ୍ଷେତ୍ରରେ ନିଜର ସୃଜନଶୀଳତାର ପ୍ରୟୋଗ କରି ଉଲ୍ଲେଖନୀୟ କୃତି ସୃଷ୍ଟି କରିଥିଲେ ଫୋସେ। ପୁରସ୍କାର ବାବଦରେ ମିଳିବ ପ୍ରାୟ ୧ ନିୟୁତ ଡଲାର।
୧୨ ବର୍ଷୀୟ କନିଆଁଙ୍କୁ ୨୨ ବର୍ଷର ବର; ବାହାଘର ଚାଲିଥିବା ବେଳେ ଉଠାଇନେଲା ପୋଲିସ
ଭୁବନେଶ୍ବର: ଭୁବନେଶ୍ବରରେ ନାବାଳିକାଙ୍କୁ ଜବରଦସ୍ତ ବିବାହ କରାଯାଉଥିବା ଅଭିଯୋଗ। ୧୨ ବର୍ଷୀୟ ନାବାଳିକାଙ୍କୁ ବିବାହ କରୁଥିଲେ ୨୨ ବର୍ଷୀୟ ଯୁବକ। କୁଆଖାଇ ନଦୀକୂଳ ତାରିଣୀ ମନ୍ଦିରରେ ବିବାହ ଚାଲିଥିବାବେଳେ ବାହାଘରକୁ ବନ୍ଦ କରିବା ସହିତ ବରକୁ ଉଠାଇ ନେଇଛି ମଞ୍ଚେଶ୍ବର ଥାନା ପୋଲିସ।
ନାବାଳିକାର ବିବାହ ହେବା ସମୟରେ ସ୍ଥାନୀୟ ଲୋକ ଏନେଇ ପୋଲିସକୁ ଖବର ଦେଇଥିଲେ । ପୋଲିସ ଉଭୟ ଝିଅ ଓ ବରଘର ପରିବାରଙ୍କୁ ପଚରାଉଚରା କରୁଛି । ସେପଟେ ଏନେଇ ଚାଇଲଡ ଲାଇନ ପକ୍ଷରୁ ଏକ କେସ୍ ରୁଜୁ କରାଯାଇଛି । ଖବର ପାଇ ସିଡିପିଓ, ବିଏମସି ଓ ରୁଚିକା ସମାଜମଙ୍ଗଳ ସଂଗଠନର କର୍ମକର୍ତ୍ତା ମାନେ କୁଆଖାଇ ନଦୀ ପଠାରେ ଥିବା ରାଧାକୃଷ୍ଣ ମନ୍ଦିରଠାରେ ଏହି ବାଲ୍ୟ ବିବାହକୁ ରୋକିଛନ୍ତି।
ଜୋରଜବରଦସ୍ତ ବାଲ୍ୟ ବିବାହ ନେଇ ପ୍ରମାଣ ମିଳିବା ପରେ ବାଲ୍ୟବିବାହ ନିରୋଧ ଆଇନ ଧାରା ୯, ୧୦, ୧୧ ଅନୁସାରେ ଅପରାଧୀକ ମାମଲା ରୁଜୁ କରାଯାଇଛି। ତଦନ୍ତବେଳେ ଜଣାପଡ଼ିଛି ଗଞ୍ଜାମ ଦିଗପହଣ୍ଡି ଅଞ୍ଚଳର ନାବାଳିକା ଜଣକୁ ଗଞ୍ଜାମ ଗୋଳନ୍ଥରା ଅଞ୍ଚଳର ୨୨ ବର୍ଷର ଯୁବକ ବଳପୂର୍ବକ ବିବାହ କରୁଥିଲେ । କନ୍ୟା ନାବାଳିକା ହୋଇଥିବାରୁ ତାଙ୍କୁ ଭୁବନେଶ୍ବରର ଅତିରିକ୍ତ ଶିଶୁ କଲ୍ୟାଣ ସମିତିରେ ଉପସ୍ଥିତ କରାଯାଇଛି।
ଓ୍ବାର-୨ରେ ଏକାଠି ନଜର ଆସିବେ ଶାହରୁଖ, ସଲମାନ ଓ ହ୍ରିତିକ!
ମୁମ୍ବାଇ: ଶାହରୁଖ, ସଲମାନ ଏବଂ ହ୍ରିତିକ ପ୍ରଥମ ଥର ପାଇଁ ଏକାଠି ହେଉଛନ୍ତି। ଓ୍ବାର-୨ରେ ଟାଇଗର, ପଠାନ ଏବଂ କବୀରଙ୍କୁ ଏକାଠି ଦେଖିବାକୁ ମିଳିବ। ଆୟନ୍ ମୁଖାର୍ଜୀଙ୍କ ଓ୍ବାର-୨ରେ ପ୍ରଥମ ଥର ପାଇଁ ଏକାଠି ହେବାକୁ ଯାଉଛନ୍ତି ସଲମାନ ଖାନ, ଶାହରୁଖ ଖାନ ଓ ହ୍ରିତିକ ରୋଶନ। ୟଶ ରାଜ ପ୍ରଡକ୍ସନ୍ସର ଚଳଚ୍ଚିତ୍ର ଓ୍ବାର-୨ରେ ହ୍ରିତିକ ରୋଶନଙ୍କ ସହ ଶାହାରୁଖ ଖାନ ଏବଂ ସଲମାନଙ୍କ କାଷ୍ଟିଂ ଖବର ସାମ୍ନାକୁ ଆସିଛି।
ଆୟାନ ମୁଖାର୍ଜୀ ପ୍ରଥମ ଥର ପାଇଁ ୟଶ ରାଜ ପ୍ରଡକ୍ସନ୍ସର ଚଳଚ୍ଚିତ୍ର ଓ୍ବାର-୨ର ନିର୍ଦ୍ଦେଶନା ଦେଉଛନ୍ତି। ଏହାକୁ ଅଧିକ ମେଗା କରିବା ପାଇଁ ସେମାନେ ଏହାର କାଷ୍ଟିଂ ବୃଦ୍ଧି କରିବାକୁ ଯୋଜନା କରୁଛନ୍ତି। ରିପୋର୍ଟ ଅନୁଯାୟୀ ନିର୍ଦ୍ଦେଶକ ଆୟାନ ମୁଖାର୍ଜୀ ଏହି ତିନିଜଣଙ୍କୁ ଏକାଠି କାଷ୍ଟ କରିବାକୁ ନିଷ୍ପତ୍ତି ନେଇଛନ୍ତି। ତେବେ ଶାହାରୁଖ ଏବଂ ସଲମାନ ଏହି ଫିଲ୍ମରେ କେବଳ କେମୋ ହୋଇଥାଇପାରନ୍ତି। ଜୁନିଅର ଏନଟିଆରଙ୍କୁ ମଧ୍ୟ ଏଥିରେ ଦେଖିବାକୁ ମିଳିବ।
ଏହି ଚଳଚ୍ଚିତ୍ରରେ ହ୍ରିତିକ ରୋଶନ ଏବଂ କିଆରା ଆଡଭାନୀ ମୁଖ୍ୟ ଭୂମିକାରେ ନଜର ଆସିବେ। ଏଥିସହ ସାଉଥ୍ ସୁପରଷ୍ଟାର ଜୁନିଅର ଏନଟିଆର ମଧ୍ୟ ଏହି ଫିଲ୍ମ ସହିତ ବଲିଉଡରେ ଡେବ୍ୟୁ କରିବାକୁ ଯାଉଛନ୍ତି। ଓ୍ବାର ୨ ପାଇଁ ମହୁରତ ପୂର୍ବରୁ ହୋଇସାରିଛି। ଖୁବ ଶୀଘ୍ର ଶୁଟିଂ ଆରମ୍ଭ ହେବ। ଓ୍ବାର -୨ ହେଉଛି ୨୦୧୯ରେ ମୁକ୍ତିଲାଭ କରିଥିବା ଓ୍ବାରର ସିକ୍ବେଲ୍। ଏହି ଚଳଚ୍ଚିତ୍ରରେ ହ୍ରିତିକ ରୋଶନ, ଟାଇଗର ଶ୍ରଫ ଏବଂ ଭାନି କପୁର ମୁଖ୍ୟ ଭୂମିକାରେ ଥିଲେ।
ପୋଲିସ ଓ ସେନାରେ ଚାକିରି ଦେବାକୁ କହି ଲକ୍ଷାଧିକ ଟଙ୍କା ଠକେଇ, ଥାନାରେ ମାମଲା ରୁଜୁ
ଭୁବନେଶ୍ୱର: ପୋଲିସ ଓ ସେନାରେ ଚାକିରି ଦେବାକୁ କହି ଲକ୍ଷାଧିକ ଟଙ୍କା ଠକେଇ ଅଭିଯୋଗ। ରାଜ୍ୟର ବିଭିନ୍ନ ଜିଲ୍ଲାରେ ଚାକିରି ଆଶାୟୀଙ୍କଠୁ ଏକ ସଂସ୍ଥା ଟଙ୍କା ଲୁଟିଥିବା ନେଇ ମଞ୍ଚେଶ୍ବର ଥାନାରେ ଅଭିଯୋଗ ହୋଇଛି। ଅଭିଯୋଗ ଅନୁସାରେ ରାଜଧାନୀ ଭୁବନେଶ୍ବରରେ ଏକ ନକଲି ସଂସ୍ଥା ତରଫରୁ ଅଫିସ ଖୋଲାଯାଇଥିଲା।
ପୋଲିସ ଓ ସେନାରେ ଚାକିରି କରାଇଦେବାର ଲୋଭ ଦେଖାଇ ଆଶାୟୀଙ୍କଠାରୁ ଲକ୍ଷ ଲକ୍ଷ ଟଙ୍କା ନେଉଥିଲେ। ଭୁବନେଶ୍ବରରେ ଇଣ୍ଚର୍ଭ୍ୟୁ କରି ଉତ୍ତରପ୍ରଦେଶରେ ଟ୍ରେନିଂ ମଧ୍ୟ ଦେଉଥିଲେ। ପୋଲିସ, NCC ଓ ସିକ୍ୟୁରିଟି ଗାର୍ଡ ପୋଷାକ ଓ ଆଇକାର୍ଡ ଦେଖାଇ ବିଶ୍ବାସ ଜନ୍ମାଉଥିଲେ ଠକ।
ଭୁବନେଶ୍ବରର ବଡ଼ବଡ଼ ହୋଟେଲରେ ମିଟିଂ କରି ଦେଉଥିଲେ ମିଛ ପ୍ଲେସମେଣ୍ଟର ପ୍ରମାଣ। ଦାମୀ ଗାଡି, ପାଓ୍ବାର୍ ଫୁଲ ନେତାଙ୍କ ସହ ନିଜର ଫଟୋ ଦେଖାଇ ବିଶ୍ବାସ ଜନ୍ମାଉଥିଲେ ଅଭିଯୁକ୍ତ। ନିଜକୁ ଉତ୍ତରପ୍ରଦେଶର ମନ୍ତ୍ରୀଙ୍କ ଖାସ କହି ଲୋକଙ୍କୁ ଲୁଟୁଥିଲେ । ଏନେଇ ଅଭିଯୋଗ ପାଇବା ପରେ ଅଭିଯୁକ୍ତଙ୍କୁ ଧରିବାକୁ ଛାନବିନ ଚଳାଇଛି ପୋଲିସ ।
ହ୍ୱାଇଟ୍ ହାଉସ୍ରୁ ବିଦା ହେଲା ବାଇଡେନଙ୍କ କମାଣ୍ଡର, ୧୧ ଜଣଙ୍କୁ କାମୁଡ଼ି ଥିଲା
ୱାଶିଂଟନ୍: ହ୍ୱାଇଟ୍ ହାଉସ୍ରୁ ବିଦା ହେଲା କମାଣ୍ଡର। ଏହି କମାଣ୍ଡର ଆଉ କେହି ନୁହଁ । ସୁରକ୍ଷା ଦାୟିତ୍ବରେ ଥିବା ଏକ କୁକୁର । ୧୧ ଜଣଙ୍କୁ କାମୁଡିବା ଯୋଗୁଁ ହ୍ୱାଇଟ୍ ହାଉସରୁ ବିଦା ହେଲା କମାଣ୍ଡର। ଏକ ଅଜଣା ସ୍ଥାନକୁ ଦୁଇ ବର୍ଷ ବୟସ୍କ ଜର୍ମାନ ସିଫର୍ଡକୁ ପଠାଇ ଦିଆଯାଇଥିବା ସୂଚନା ମିଳିଛି । ଗତ ୨୦୨୧ରେ କମାଣ୍ଡରକୁ ଛୋଟିଆ ଅବସ୍ଥାରେ ହ୍ବାଇଟ ହାଉସକୁ ଅଣାଯାଇଥିଲା।
ହ୍ବାଇଟ ହାଉସ ସିକ୍ରେଟ ସର୍ଭିସର କହିବା କଥା କୁକୁରଟି ୧୧ ଜଣ ଷ୍ଟାଫଙ୍କୁ କାମୁଡିବା ପରେ ତାକୁ ଅଜଣା ସ୍ଥାନକୁ ପଠାଇ ଦିଆଯାଇଛି। ତେବେ ୧୧ ଜଣ ନୁହଁ ବରଂ ବହୁ ଅଧିକ ଲୋକଙ୍କୁ କୁକୁରଟି କାମୁଡିଥିବା କୁହାଯାଇଛି। ହ୍ବାଇଟ ହାଉସ କର୍ମଚାରୀଙ୍କ ସୁରକ୍ଷାକୁ ରାଷ୍ଟ୍ରପତି ଦମ୍ପତି ପ୍ରାଥମିକତା ଦେଉଥିବା ନେଇ କହିଛନ୍ତି ଫାଷ୍ଟ ଲେଡି ଜିଲ ବାଇଡେନଙ୍କ ଯୋଗାଯୋଗ ନିର୍ଦ୍ଦେଶକ ଏଲିଜାବେଥ ଆଲେକଜାଣ୍ଡାର।
ଗତ ସେପ୍ଟେମ୍ବର ୩୦ରେ ଶେଷ ଥର ଲାଗି କମାଣ୍ଡରକୁ ରାଷ୍ଟ୍ରପତିଙ୍କ ପ୍ରାଇଭେଟ କ୍ବାର୍ଟର୍ସର ଟ୍ରୁମାନ ବାଲକୋନିରେ ଦେଖିବାକୁ ମିଳିଥିଲା। ପୂର୍ବରୁ ମେଜର ନାମକ ଜର୍ମାନ ସେଫର୍ଡକୁ ମଧ୍ୟ ଏହି କାରଣରୁ ହ୍ବାଇଟ ହାଉସରୁ ବିଦା କରାଯାଇଥିଲା। ବାଇଡେନଙ୍କ ଅତିପ୍ରିୟ କୁକୁର ଚାମ୍ପ ୨୦୨୧ରେ ୧୩ ବର୍ଷ ବୟସରେ ଆଖି ବୁଜିଥିଲା।
ସିକିମରେ ବନ୍ୟା ସ୍ଥିତି ଭୟଙ୍କର; ୧୪ ମୃତ ଓ ୧୦୨ ନିଖୋଜ
ସିକିମ: ସିକିମରେ ବନ୍ୟା ସ୍ଥିତି ଭୟଙ୍କର । ୧୪ ମୃତ, ୧୦୨ ଜଣ ନିଖୋଜ। ଫସିରହିଛନ୍ତି ୩ ହଜାରରୁ ଅଧିକ ପର୍ଯ୍ୟଟକ। ସେନା ପକ୍ଷରୁ ସର୍ଚ୍ଚ ଅପରେସନ ଜାରି ରହିଛି। ଉତ୍ତର ସିକିମର ଲୋନାକ ହ୍ରଦର ଉପରିମୁଣ୍ଡରେ ମଙ୍ଗଳବାର ରାତିରେ ହୋଇଥିଲା ବାଦଲ ଫଟା ବର୍ଷା। ଚୁଙ୍ଗଥାଙ୍ଗ ଡ୍ୟାମ ବିପଦସଙ୍କେତ ଡେଇଁବା ପରେ ତିସ୍ତା ନଦୀରେ ବହିଥିଲା ଉଦବୃତ୍ତ ଜଳ।
ଏପରିକି ତଳିଆ ଅଞ୍ଚଳରେ ନଦୀର ଜଳସ୍ତର ଅଚାନକ ୧୫ରୁ ୨୦ ଫୁଟ ବଢିଯାଇଥିଲା। ନିମ୍ନଭାଗରେ ସିଙ୍ଗତାମ ନିକଟସ୍ଥ ବାରଦାଙ୍ଗରେ ପାର୍କିଂ କରିଥିବା ସେନା ଗାଡ଼ିଗୁଡିକ ନଦୀ ଜଳ ସ୍ରୋତରେ ଭାସିଯାଇଥିଲା। ସେଠାରେ ରହିଥିବା ସେନାକ୍ୟାମ୍ପ ବି ଜଳସ୍ରୋତରେ ନିଶ୍ଚିହ୍ନ ହେବାସହ ନିଖୋଜ ହୋଇଯାଇଥିଲେ ଯବାନ। ନିଖୋଜ ଯବାନମାନଙ୍କୁ ଉଦ୍ଧାର କରିବା ଲାଗି ବଡ଼ ଧରଣର ସର୍ଚ୍ଚ ଅପରେସନ ଜାରି ରହିଛି।
ତିସ୍ତା ନଦୀ ଉପରେ ଥିବା ସିଙ୍ଗଥାମ ଫୁଟ ବ୍ରିଜ ବି ଭାସି ଯାଇଛି। ପଶ୍ଚିମବଙ୍ଗ ସହ ସିକିମକୁ ଯୋଡୁଥିବା ଜାତୀୟ ରାଜପଥର ବହୁ ଭାଗ ନିଶ୍ଚିହ୍ନ ହୋଇଛି। ୨୦ ହଜାରରୁ ଅଧିକ ଲୋକ ପ୍ରଭାବିତ ହୋଇଛନ୍ତି।
କଳାହାଣ୍ଡିର ଝିଅ ଅନମୋଲ ଅଙ୍କିତାଙ୍କ ଭାଷଣରେ କମ୍ପିଲା ସଂସଦ ଭବନ
ନୂଆଦିଲ୍ଲୀ: କଳାହାଣ୍ଡିର ଝିଅ ଅନମୋଲ ଅଙ୍କିତାଙ୍କ ଭାଷଣରେ କମ୍ପିଲା ସଂସଦ ଭବନ। ଗାନ୍ଧୀ ଓ ଶାସ୍ତୀ ଜୟନ୍ତୀ ଅବସରରେ ସଂସଦ ଭବନ ପରିସରରେ ୟୁଥ ଲିଡରସିପ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏହି ଅବସରରେ ସେଠାରେ ଆୟୋଜିତ ହୋଇଥିଲା ଜାତୀୟ ସ୍ତରର ଭାଷଣ ପ୍ରତିଯୋଗିତା।
ରାଜ୍ୟରେ ଭାଷଣରେ ପ୍ରଥମ ସ୍ଥାନ ଅଧିକାର କରିଥିବା ଅଙ୍କିତା ଅନମୋଲ ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ। ଅନମୋଲ ଅଙ୍କିତା ସଂସଦ ଭବନର ସେଣ୍ଟ୍ରାଲ ହଲରେ ପୂର୍ବତନ ପ୍ରଧାନମନ୍ତ୍ରୀ ଲାଲବାହାଦୁର ଶାସ୍ତ୍ରୀଙ୍କ ଜୀବନୀ ଉପରେ ଭାଷଣ ରଖିଥିଲେ। କେନ୍ଦ୍ର ସରକାରଙ୍କ କ୍ରୀଡ଼ା ଓ ଯୁବ ବ୍ୟାପାର ମନ୍ତ୍ରଣାଳୟ ପକ୍ଷରୁ ଏହି ପ୍ରତିଯୋଗିତା ଅନୁଷ୍ଠିତ ହୋଇଥିଲା, ଏହା ପୂର୍ବରୁ ମଧ୍ୟ ଅଙ୍କିତା ଅନମୋଲ ଭାଷଣରେ ଅନେକ ପୁରସ୍କାର ପାଇବା ସହ ସମ୍ମାନିତ ହୋଇଛନ୍ତି।
ଅନ୍ତରାଜ୍ୟ ବିଶ୍ବବିଦ୍ୟାଳୟସ୍ତରୀୟ ପ୍ରତିଯୋଗିତାରେ ଅଂଶଗ୍ରହଣ କରି ପ୍ରଥମ ସ୍ଥାନ ଅଧିକାର କରି ରାଜ୍ୟପାଳଙ୍କଠାରୁ ୩୦ ହଜାର ଟଙ୍କା ପୁରସ୍କାର ପାଇଥିଲେ। ପ୍ୟାନେଲ ଆଲୋଚନା କାର୍ଯ୍ୟକ୍ରମରେ ଦ୍ବିତୀୟ ସ୍ଥାନରେ ରହିଥିଲେ। ସେହିପରି ପଶ୍ଚିମବଙ୍ଗରେ NSS ଦ୍ବାରା ଆୟୋଜିତ କାର୍ଯ୍ୟକ୍ରମରେ ସାମିଲ ହୋଇ ଦ୍ବିତୀୟ ସ୍ଥାନ ଅଧିକାର କରିଥିଲେ। ଆହୁରି ମଧ୍ୟ କେନ୍ଦ୍ର ସରକାରଙ୍କ ସୂଚନା ଓ ପ୍ରସାରଣ ମନ୍ତ୍ରଣାଳୟ ଦ୍ବାରା ଆୟୋଜିତ ଡିବେଟ୍ କାର୍ଯ୍ୟକ୍ରମରେ ପ୍ରଥମ ସ୍ଥାନ ଅଧିକାର କରିଥିଲେ।
ସିକ୍କିମ ବନ୍ୟାରେ ଓଡ଼ିଆ ଯବାନ ସହିଦ, ଭିଡିଓ କଲରେ ମୃତଦେହ ଦେଖି ଚିହ୍ନଟ କଲେ ପରିବାର ଲୋକେ
ଢେଙ୍କାନାଳ: ସିକ୍କିମର ପ୍ରଳୟଙ୍କାରୀ ବନ୍ୟାରେ ଓଡ଼ିଆ ଯବାନ ସରୋଜ କୁମାର ଦାସ ସହିଦ । ଢେଙ୍କାନାଳ କାମାକ୍ଷାନଗର ଦିଘି ପଞ୍ଚାୟତର କେନ୍ଦୁଢିପବାସୀ ସରୋଜ ଦାସ ସହିଦ ହୋଇଯାଇଛନ୍ତି । ଏ ଖବର ପହଞ୍ଚିବା ପରେ ପରିବାର ସହ ପୂରା ଗାଁରେ ଶୋକାକୁଳ ପରିବେଶ ସୃଷ୍ଟି ହୋଇଛି ।
ପରିବାର ଲୋକେ ଭିଡିଓ କଲ୍ ମାଧ୍ୟମରେ ମୃତଦେହ ଚିହ୍ନଟ କରିଛନ୍ତି । ବନ୍ୟାରେ ମୋଟ୍ ନିଖୋଜ ହୋଇଥିବା ୨୩ ଜଣ ଯବାନଙ୍କ ମଧ୍ୟରେ ଥିଲେ ଓଡ଼ିଆ ଯବାନ ସରୋଜ କୁମାର ଦାସ । ସରୋଜଙ୍କ ଘର ଢେଙ୍କାନାଳ କାମାକ୍ଷାନଗର ଦିଘି ପଞ୍ଚାୟତର କେନ୍ଦୁଢିପ ଗାଁରେ । ଗତ ମଙ୍ଗଳବାର ରାତିରେ ଭାଇ ମନୋଜ ଫୋନ ଯୋଗେ ସରୋଜଙ୍କ ସହ କଥା ହୋଇଥିଲେ । ସିକ୍କିମରେ ପ୍ରବଳ ବର୍ଷା ହେଉଥିବା କହିଥିଲେ ସରୋଜ ।
ସେହି ସମୟରେ ସରୋଜ ଅନ୍ୟ ଯବାନଙ୍କ ସହ ଟ୍ରେନିଂ ସାରି ୟୁନିଟକୁ ଫେରୁଥିଲେ ବୋଲି ଭାଇଙ୍କୁ କହିଥିଲେ । ପରେ ପ୍ରଳୟଙ୍କରୀ ବନ୍ୟାରେ ସରୋଜଙ୍କ ସମେତ ୨୩ ଜଣ ଯବାନ ଭାସି ଯାଇଥିବା ଘରକୁ ଫୋନ ଆସିଥିଲା । ୭ ମାସ ତଳେ ବିବାହ କରିଥିଲେ ସରୋଜ ।
-ସିକ୍କିମ ବନ୍ୟାରେ ଓଡ଼ିଆ ଯବାନ ସହିଦ
-ଓଡ଼ିଆ ଯବାନ ସରୋଜ କୁମାର ଦାସ ସହିଦ
-ଭିଡିଓ କଲରେ ମୃତଦେହ ଦେଖି ଚିହ୍ନଟ କଲେ କଲେ ପରିବାରଲୋକେ
-ସିକ୍କିମ ବନ୍ୟାରେ ଭାସି ଯାଇଥିଲେ ୨୩ ଯବାନ#Sikkim #Jawan #odiajawan #NandighoshaTV pic.twitter.com/mvuJO8hgle— NandighoshaTV (@NandighoshaTV) October 5, 2023
ଏସିଆନ ଗେମସରେ ଭାରତକୁ ଆଜି ମିଳିଲା ଆଉ ଦୁଇଟି ସ୍ବର୍ଣ୍ଣ ପଦକ
ବେଜିଂ: ଏସିଆନ ଗେମସର ଆଜି ଦ୍ବାଦଶ ଦିନ । ଆଜି ଭାରତ ଦୁଇଟି ସ୍ବର୍ଣ୍ଣ ପଦକ ହାସଲ କରିଛି । ସ୍କ୍ବାସର ମିଳିତ ବର୍ଗରେ ଭାରତ ଗୋଲ୍ଡ ଜିତିଛି । ଦିପିକା ପାଲିକଲ ଏବଂ ହରିନ୍ଦର ପାଲ ସିଂ ସାନ୍ଧୁଙ୍କ ମିଳିତ ଟିମ ଭାରତ ପାଇଁ ସ୍ବର୍ଣ୍ଣ ଜିତିଛନ୍ତି । ଏସିଆନ ଗେମସରେ ସ୍କ୍ବାସରେ ପ୍ରଥମ ସ୍ବର୍ଣ୍ଣ ପଦକ ଜିତି ଇତିହାସ ରହିଛି ଭାରତ ।
ସେହିପରି ତୀରଚାଳନାରେ ମଧ୍ୟ ଭାରତ ଆଉ ଏକ ସ୍ବର୍ଣ ହାତେଇଛି । ସେହିପରି ମହିଳା ଦଳଗତ ତୀରଚାଳନାରେ ଭାରତ ସ୍ବର୍ଣ୍ଣ ପଦକ ଜିତିଛି । ଜ୍ୟୋତି ସୁରେଖା ଭେନମ, ଅଦିତି ଗୋପିଚାନ୍ଦ ଏବଂ ପରନିତ କୌରଙ୍କୁ ନେଇ ତୀରନ୍ଦାଜ ଦଳ ଦେଶ ପାଇଁ ୧୯ତମ ସ୍ବର୍ଣ୍ଣ ପଦକ ହାସଲ କରିଥିଲେ ।
୨୦ ସ୍ବର୍ଣ୍ଣ , ୩୧ ରୋପ୍ୟ ଓ ୩୨ ବ୍ରୋ୍ଜ ପଦକ ସହ ଭାରତର ପଦକ ସଂଖ୍ୟା ୮୩କୁ ବୃଦ୍ଧି ପାଇଛି । ଭାରତର ପଦକ ବିଜୟ ଧାରା ଜାରି ରହିଥିବାବେଳେ ମୋଟ ପଦକ ସଂଖ୍ୟା ଶହେ ଟପିବା ଆଶା କରାଯାଉଛି ।