5T ଅଧ୍ୟକ୍ଷ କାର୍ତ୍ତିକ ପାଣ୍ଡିଆନଙ୍କୁ ବ୍ରହ୍ମପୁର ବିଜେଡି ପକ୍ଷରୁ ସମ୍ବର୍ଦ୍ଧନା
1 min read
ବ୍ରହ୍ମପୁର: 5T ଅଧ୍ୟକ୍ଷ କାର୍ତ୍ତିକ ପାଣ୍ଡିଆନଙ୍କୁ ବ୍ରହ୍ମପୁର ବିଜେଡି ତରଫରୁ ସମ୍ବର୍ଦ୍ଧିତ କରାଯାଇଛି । ବ୍ରହ୍ମପୁରବାସୀଙ୍କୁ ଭେଟି ଖୁସି ପ୍ରକାଶ କରିଛନ୍ତି କାର୍ତ୍ତିକ ପାଣ୍ଡିଆନ । କହିଛନ୍ତି, ବ୍ରହ୍ମପୁରର ଉନ୍ନତି ପାଇଁ ଯାହା ଦରକାର ସେଥିପାଇଁ ମୁଖ୍ୟମନ୍ତ୍ରୀ ପଦକ୍ଷେପ ନେଇଛନ୍ତି । ଏମକେସିଜି ମେଡିକାଲ କଲେଜକୁ ପରିଦର୍ଶନ କରି ତାହାକୁ ଏସସିବି ଭଳି ରୂପାନ୍ତରିତ କରିବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି । ବୁଢୀ ଠାକୁରାଣୀ ମନ୍ଦିର ପାଇଁ ମଧ୍ୟ ଅର୍ଥରାଶି ଅନୁମୋଦନ କରିଛନ୍ତି । ବ୍ରହ୍ମପୁରକୁ ସମସ୍ତେ ମିଶି ଏକ ନମ୍ବର କରିବାକୁ ସେ ଆହ୍ବାନ ଦେଇଛନ୍ତି ।
ସୂଚନାଯୋଗ୍ୟ ଆଜିଠାରୁ କାର୍ତ୍ତିକ ପାଣ୍ଡିଆନ ଦୁଇଦିନିଆ ଗଞ୍ଜାମ ଗସ୍ତରେ ଯାଇଛନ୍ତି । ଏହି ଅବସରରେ ଜିଲ୍ଲାରେ ଚାଲିଥିବା ବିଭିନ୍ନ ଉନ୍ନୟନ କାମର ସମୀକ୍ଷା କରୁଛନ୍ତି । ପ୍ରଥମେ ହିଞ୍ଜିଳିକାଟୁରେ ପହଞ୍ଚି ବିଭିନ୍ନ କାର୍ଯ୍ୟକ୍ରମରେ ଯୋଗ ଦେବା ପରେ ଶେରଗଡ଼ ଯାିଥିଲେ । ଏହାପରେ ମାଆ ବୁଢ଼ି ଠାକୁରାଣୀଙ୍କ ମନ୍ଦିରକୁ ଯାଇ ମାଆଙ୍କ ଦର୍ଶନ କରିଥିଲେ । ଏହି ଅବସରରେ ଛାତ୍ରଛାତ୍ରୀଙ୍କ ସହ ଆଲାଚନା କରିବା ସହ ହିଞ୍ଜିଳି ଓ ଶେରଗଡ଼ର ଚାଷୀଙ୍କୁ ଖୁସି ଖବର ଦେଇଥିଲେ । ମିଶନଶକ୍ତି ମାଆଙ୍କୁ ସାକ୍ଷାତ କରି ସେମାନଙ୍କ ସହ ଆଲୋଚନା କରିଥିଲେ ।
