ୟନନ୍ଦିଘୋଷ ବ୍ୟୁରୋ: ଆଜି ହୋଲି । ହୋଲି ଅବସରରେ ସମସ୍ତେ ପଣା ପଇଥାନ୍ତି । ଏବଂ ଏହି ପଣା ବା ସର୍ବତରେ ଭାଙ୍ଗ ମିଶାଯାଇ ବି ପିଆଯାଇଥାଏ । ତେବେ ଆପଣ ଜାଣିଛନ୍ତି କି ଭାଙ୍ଗକୁ କେବଳ ନିଶା ପାଇଁ ବ୍ୟବହାର କରାଯାଏ ନାହିଁ । ଏହାର ଅନେକ ଔଷଧିୟ ଗୁଣ ବି ରହିଛି । ତାହାଲେ ଜାଣନ୍ତୁ ଭାଙ୍ଗ ଆଉ କେଉଁ ସବୁ କାମରେ ବ୍ୟବହାର ହୁଏ ।

ଭାଙ୍ଗ ଗଛ ୪ରୁ ୧୦ ଫୁଟ ଲମ୍ବା ବଢ଼ିପାରେ । ଏହା ଗଙ୍ଗା ତଟବର୍ତ୍ତି ଯାଗା ଯେମିତିକି ହିମାଚଳ ପ୍ରଦେଶ, ପଞ୍ଜାବ, ହରିୟାଣା, ଉତ୍ତରପ୍ରଦେଶ, ବିହାର, ପଶ୍ଚିମବଙ୍ଗ ଇତ୍ୟାଦି ଯାଗାରେ ଅଧିକା ମିଳିଥାଏ । ଏହା ପଥୁରିଆ ଭୂମିରେ ବି ଭଲରେ ବଢ଼ିଥାଏ । ଫାଇବର୍, ତେଲ ଏବଂ ନିଶା ପାଇଁ ଏହାକୁ ବ୍ୟବହାର କରଯାଏ । ତେଲୁଗୁ ଭାଷାରେ ଏହାକୁ ଗଞ୍ଜାଇ ତାମିଲରେ ଗାଞ୍ଜା ଏବଂ କନ୍ନଡରେ ଏହାକୁ ବାଙ୍ଗି ବୋଲି କୁହାଯାଏ ।

ଭାଙ୍ଗରେ ସାବୁନ ତିଆରି ହୋଇଥାଏ । ସାବୁନକୁ ଚିକ୍କଣ କରିବାକୁ ଭାଙ୍ଗ ବ୍ୟବହାର କରାଯାଏ । ଜମିର ଉର୍ବରତା ବଢ଼ାଇବା ପାଇଁ କୃଷି ଦ୍ରବ୍ୟରେ ମଧ୍ୟ ଭାଙ୍ଗ ବ୍ୟବହାର ହୁଏ ।

ପଶୁଙ୍କ ରୋଗ ଭଲ କରିବାକୁ ଭାଙ୍ଗ ବ୍ୟବହାର ହୁଏ । ପଶୁଙ୍କ କ୍ଷତ ସ୍ଥାନରେ ଭାଙ୍ଗ ଲଗାଇଲେ ସେମାନେ ଶୀଘ୍ର ସୁସ୍ଥ ହୁଅନ୍ତି । ବିଶେଷ କରି ପଶୁଙ୍କୁ ହେମାଟୋମା ରୋଗ ଭଲ କରିବାକୁ ଏହାର ବ୍ୟବହାର ହୁଏ । ହିମାଚଳ ପ୍ରଦେଶରେ ଏହାକୁ ଚାଷ କରିବାକୁ ସରକାରଙ୍କ ତରଫରୁ ଅନୁମତି ମିଳିଛି । ଫସଲ କଟା ହେଲା ପରେ ଏହାର ମଞ୍ଜିକୁ ଅଲଗା ରଖାଯାଏ । ଡାଳ ଏବଂ ପତ୍ରକୁ ଅଲଗା ରଖାଯାଏ । ଏହାର ଡାଳ ଏତେ ମଜବୁତ ହୋଇଥାଏ ଯେ, ଏଥିରେ ଫାଇବର୍ ଠାରୁ ବି ଅଧିକ ମଜବୁତ ରଶି ତିଆରି କରାଯାଏ ।

ଚଣ୍ଡିଗଡ଼: ପଞ୍ଜାବରେ ହେବନି ମେଣ୍ଟ । ଏକା ଲଢ଼ିବ ବିଜେପି । ପଞ୍ଜାବରେ ସିରୋମଣି ଅକାଳି ଦଳ ସହ ବିଜେପିର ମେଣ୍ଟ ଚର୍ଚ୍ଚାରେ ପୂର୍ଣ୍ଣଚ୍ଛେଦ ପଡ଼ିଛି । ବିଜେପି ରାଜ୍ୟର ସମସ୍ତ ୧୩ ସିଟରେ ଏକା ନିର୍ବାଚନ ଲଢ଼ିବ । ପଞ୍ଜାବ ବିଜେପି ଅଧ୍ୟକ୍ଷ ସୁନିଲ ଜାଖଡ ଏହି ସୂଚନା ଦେଇଛନ୍ତି ।

ନୂଆ ଫର୍ମୁଲାରେ ବିଜେପି ୫ ଏବଂ ସିରୋମଣି ଅକାଳି ଦଳ ୮ ସିଟରେ ଲଢ଼ିବାକୁ ପ୍ରସ୍ତାବ ଉପରେ ସହମତି ମିଳିଥିଲା । କିନ୍ତୁ ଅକାଳି ଦଳର ନେତା କହୁଥିଲେ ପ୍ରଥମେ ନିର୍ବାଚନ ହେଇଯାଉ ତା’ ପରେ ପଞ୍ଜାବ ଲୋକଙ୍କ ଆବଶ୍ୟକତା ନେଇ ନିଷ୍ପତ୍ତି ନିଆଯିବ । ଏହା ସହ ଅକାଳି ଦଳ ବିଜେପି ପାଖରେ ବହୁତ ଗୁଡିଏ ସର୍ତ୍ତ ରଖିଥିଲା । ଯେପରିକି ରାତିରେ NSA ନିୟମ ହଟାଯାଉ । ବନ୍ଦୀ ଥିବା ଶିଖଙ୍କୁ ଛଡ଼ାଯାଉ, ବ୍ୟବସାୟ ପାଇଁ ବର୍ଡର ଖୋଲାଯାଉ, କୃଷକ ଆନ୍ଦୋଳନ ରୋକିବାକୁ MSPର ଗ୍ୟାରେଣ୍ଟି ଦେବା ଇତ୍ୟାଦି ସର୍ତ୍ତ ରଖାଯାଇଥିଲା । ଏଥିରେ ସହମତି ନ ମିଳିବାକୁ ମେଣ୍ଟ ଆଶା ମଉଳିଯାଇଛି । ଏବେ ବିଜେପି ସେଠାରେ ଏକା ଲଢ଼ିବ ବୋଲି ନିଷ୍ପତ୍ତି ନେଇଛି ।

ଥାଣେ: ନୂଆ ଘର ତିଆରି କରିବାକୁ ଦରକାର ଥିଲା ୨୩ ଲକ୍ଷ ଟଙ୍କା। ଟଙ୍କା ପାଇଁ ପଡୋଶୀ ଘର ପୁଅକୁ ଅପହରଣ ଓ ପରେ ହତ୍ୟା। ମହାରାଷ୍ଟ୍ରର ଥାଣେ ଅଞ୍ଚଳରେ ଘଟିଛି ଏକ ଜଘନ୍ୟ କାଣ୍ଡ। ବଦଲାପୁର ଗୋରେ ଗାଁରେ ୯ବର୍ଷର ବାଳକକୁ ହତ୍ୟା କରିଛି ଟେଲର। ପେସାରେ ଥିଲା ଟେଲର କିନ୍ତୁ ନିଶା ଥିଲା ବଡ଼ ଘର ତିଆରି କରିବା। ଟଙ୍କା ପାଇଁ ରଚିଥିଲା ଅପହରଣ ଷଡ଼ଯନ୍ତ୍ର। ୯ବର୍ଷୀୟ ଇବାଦ ବୁବୁରେ ନମାଜ ପାଠ କରି ମସଜିଦରୁ ଫେରୁଥିବା ବେଳେ ଅପହରଣ କରିଥିଲା ଟେଲର। ଅପହରଣ ପରେ ନାବାଳକର ବାପାକୁ ଫୋନ କରି ୨୩ ଲକ୍ଷ ଟଙ୍କା ମାଗିଥିଲା ଅଭିଯୁକ୍ତ। ପରିବାର ଲୋକ କିଛି କରିବା ପୂର୍ବରୁ ଧରା ପଡ଼ିଯିବା ଭୟରେ ପିଲାଟିକୁ ହତ୍ୟା କରି ଅଖାରେ ଭର୍ତ୍ତି କରି ଦେଇଥିଲା ଅଭିଯୁକ୍ତ ଟେଲର । ମୃତଦେହ ଥିବା ଅଖାକୁ ନିଜ ଘର ପଛ ପଟ ବଗିଚାରେ ଲୁଚାଇ ଦେଇଥିଲା କିଲର ଟେଲର। ପୋଲିସ ଅଭିଯୁକ୍ତ ଟେଲର ସଲମାନ ମୌଲବୀ ସମେତ ସହଯୋଗୀଙ୍କୁ ଗିରଫ କରିଛି।

ନୂଆଦିଲ୍ଲୀ: ଦିଲ୍ଲୀ ମଦନୀତି ମାମଲା । ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ବାଲଙ୍କ ଗିରଫଦାରୀ ପ୍ରତିବାଦରେ ଆଜି ଦିଲ୍ଲୀରେ ଆପ୍ ଗର୍ଜନ । ହୋଲି ପାଳିବେନି ଆପ୍ କର୍ମୀ । ବରଂ ଗିରଫ ପ୍ରତିବାଦରେ ହେବ ଜୋରଦାର ଲଢେଇ ।  ବିଭିନ୍ନ ସ୍ଥାନରେ ନାରାବାଜି ସହ ପ୍ରଧାନମନ୍ତ୍ରୀଙ୍କ ବାସଭବନ ଘେରାଉ କରିବେ ଆପ୍ କର୍ମୀ । ଆପ୍ ନେତା ତଥା ମନ୍ତ୍ରୀ ଗୋପାଳ ରାଏ କହିଛନ୍ତି- କେଜରିଓ୍ବାଲଙ୍କୁ ବେଆଇନ ଗିରଫ ପ୍ରତିବାଦରେ ସାରା ଦିଲ୍ଲୀରେ ଆନ୍ଦୋଳନ କରାଯିବ । ସବୁଦିଗରୁ କର୍ମୀମାନେ ପ୍ରଧାନମନ୍ତ୍ରୀଙ୍କ ବାସଭବନ ଅଭିମୁଖେ ଆସିବା ପରେ ସେଠାରେ ବିକ୍ଷୋଭ କରାଯିବ ।

କର୍ମୀମାନେ ହୋଲି ନ ପାଳି କେଜରିଓ୍ବାଲଙ୍କ ପ୍ରତି ସମର୍ଥନ ଉଦ୍ଦେଶ୍ୟରେ ବିକ୍ଷୋଭ କରିବେ । ଆନ୍ଦୋଳନକୁ ଅଧିକ ଶକ୍ତିଶାଳୀ କରିବା ଲାଗି ଇଣ୍ଡିଆ ମେଣ୍ଟ ସହ ଆଲୋଚନା ଜାରି ରହିଛି । ଆସନ୍ତା ୩୧ ତାରିଖରେ ରାମଲୀଳା ମଇଦାନରେ ଇଣ୍ଡିଆ ମେଣ୍ଟର ବଡ଼ଧରଣର ସମାବେଶ କରାଯିବ ଏବଂ ଏଥିରେ ସମସ୍ତ ସହଯୋଗୀ ଦଳ ଭାଗନେବା ଆଶା କରାଯାଉଛି । ଦିଲ୍ଲୀ ମଦନୀତି ମାମଲାରେ ଗତ ମାର୍ଚ୍ଚ ୨୧ ତାରିଖରେ କେଜରିଓ୍ବାଲଙ୍କୁ ଗିରଫ କରିଥିଲା ପ୍ରବର୍ତ୍ତନ ନିର୍ଦ୍ଦେଶାଳୟ ।