ମେ ସାୟର ତୋ ନେହିଁ… ମଗର ୟେ ହଂସି ମୈନେ ଦେଖା ଜବସେ ତୁଝକୋ ମୁଝକୋ ସାୟରି ଆଗୟୀ । ପ୍ରେମରେ ପଡ଼ି ସାୟରୀ ଲେଖିବା କ୍ରେଜ୍‌ ତାଙ୍କ ଠାରୁ ଆରମ୍ଭ ହୋଇଥିଲା । ପ୍ରେମରେ ବିଫଳ ହେବା ପରେ କେମିତି ଜଣେ ସଫଳ ହୋଇଥାଏ ତାହା ମଧ୍ୟ ସେ ଫିଲ୍ମ ମାଧ୍ୟମରେ ସମସ୍ତଙ୍କୁ ଦେଖାଇଛନ୍ତି । ଚକଲେଟ ହିରୋଙ୍କ ରୋମାଣ୍ଟିକ ଅନ୍ଦାଜରେ କେତେ ସୁନ୍ଦରୀ ତାଙ୍କର ମନକୁ ଋଷିଙ୍କୁ ଦେଇ ଦେଇଛନ୍ତି । ପିଲ୍ମ ଦୁନିଆରେ ଋଷି ହେଉଛନ୍ତି ଏଭଳି ଜଣେ କଳାକାର ଯିଏ ସମସ୍ତ ବର୍ଗର ଅଭିନେତ୍ରୀ ମାନଙ୍କ ସହ ଅଭିନୟ କରିଛନ୍ତି । କିନ୍ତୁ ଏସବୁ ରେ ଏବେ ପୁର୍ଣ୍ଣଛେଦ ପଡ଼ିଛି । କାରଣ ଶୋକରେ ବଲିଉଡ୍‌, ସିନେପ୍ରେମୀ ସ୍ତବ୍ଧ । ଆଉ ନାହାନ୍ତି ବଲିଉଡର ବର୍ଷୀଆନ୍‌ ଅଭିନେତା ଋଷି କପୁର । ୬୭ ବର୍ଷ ବୟସରେ ମୁମ୍ବାଇର ଏକ ଘରୋଇ ହସପିଟାଲରେ ଆଜି ସକାଳ ୮ଟା ୪୫ରେ ତାଙ୍କର ପରଲୋକ ହୋଇଛି । କ୍ୟାନସରରେ ଦୀର୍ଘ ଦିନ ଧରି ଋଷି କପୁର ପୀଡ଼ିତ ଥିଲେ । ଗତକାଲି ତାଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା । ତାଙ୍କ ବିୟୋଗରେ ସିନେ ଜଗତରେ ଶୋକର ଛାୟା ଖେଳିଯାଇଛି ।

ଋଷି କପୁର ୧୯୫୨ ସେପ୍‌ଟେମ୍ବର ୪ ତାରିଖରେ ଜନ୍ମ ହୋଇଥିଲେ । ମାତ୍ର ୩ ବର୍ଷ ବୟସରେ ତାଙ୍କ ଅଭିନୟ ଜୀବନ ଆରମ୍ଭ ହୋଇଥିଲା । ୧୯୫୫ରେ ଶିଶୁ କଳାକାର ଭାବେ ସେ ତାଙ୍କ ବାପା ରାଜ କପୁରଙ୍କ ଫିଲ୍ମ ଶ୍ରୀ-420ରେ ଅଭିନୟ ଆରମ୍ଭ କରିଥିଲେ । ଶିଶୁ କଳାକାର ଭାବେ ସେ ‘ମେରା ନାମ୍‌ ଜୋକର’ରେ ୧୯୭୦ ମସିହାରେ ଅଭିନୟ କରିଥିଲେ ଓ ତାଙ୍କୁ ଏହି ଫିଲ୍ମ ପାଇଁ ଜାତୀୟ ଚଳଚ୍ଚିତ୍ର ପୁରସ୍କାର ମଧ୍ୟ ମିଳିଥିଲା । ୧୯୭୩ରେ ଋଷି କପୁର ଲିଡ୍‌ରୋଲ୍‌ରେ ଆସିଥିଲେ ଫିଲ୍ମ ‘ବବି’ରେ । ତାଙ୍କର ଆଡଲ୍ଟ ଡେଭ୍ୟୁ ଫିଲ୍ମରେ ହିଁ ସେ ସୁପର ଡୁପର ହିଟ୍ ହୋଇଥିଲେ । ଏହି ଫିଲ୍ମ ପାଇଁ ସେ ଫିଲ୍ମ ଫେୟାର ବେଷ୍ଟ ଆକ୍ଟର ପୁରସ୍କାର ପାଇଥିଲେ । ଏହାପରେ ଜାରି ରହିଥିଲା ତାଙ୍କ ଅଭିନୟର ଯାତ୍ରା । ୧୯୫୫ରୁ ୨୦୨୦ ଯାଏଁ ଜାରି ରହିଥିଲା ତାଙ୍କ ଅଭିୟନ । ତାଙ୍କର ଶେଷ ଫିଲ୍ମ ଯାହା ପରଦାକୁ ଆସିଥିଲେ ୧୦୨ ନଟ୍‌ ଆଉଟ  ।ଏଥିରେ ଋଷିଙ୍କ ସାଥ ଦେଇଥିଲେ ବିଗ୍‌ ବି ଅମିତାଭ ବଚନ । ତେବେ ପରଦାକୁ ଆଉଗୋଟିଏ ପିଲ୍ମ ଆସିବା ପୂର୍ବରୁ ସେ ସମସ୍ତଙ୍କୁ ଅଲବିଦା କହିଛନ୍ତି ।  ତାଙ୍କ ଅଭିନୀତ ଶେଷ ଫିଲ୍ମ ଯାହାର ସୁଟିଂ ଏବେ ଅଧାରେ ରହିଯାଇଛି । ସେହି ଫିଲ୍ମଟି  ହେଉଛି ‘ଶର୍ମାଜୀ ନମକିନ’ । ଅନେକ ଲୋକପ୍ରିୟ ଫିଲ୍ମରେ ଅଭିନୟ କରିବା ସହିତ ସେ ଥିଲେ ଅନେକ ପୁରସ୍କାର ଓ ସମ୍ମାନର ଅଧିକାରୀ ।

ମୁମ୍ବାଇ: ଋଷି ନିଧନରେ ବଲିଉଡ଼ରେ ଏବେ ଶୋକର ଛାୟା । ଋଷି କପୁରଙ୍କ ଜୀବନରେ ସ୍ତ୍ରୀ ନିତୁ କପୁର, ପ୍ରତ୍ୟେକ ପଦକ୍ଷେପରେ ତାଙ୍କୁ ସମର୍ଥନ କରିଛନ୍ତି । ଯେତେବେଳେ ଋଷି ଅସୁସ୍ଥ ହେଲେ, ନିତୁ କେବେ ବି ଋଷିଙ୍କୁ ଏକୁଟିଆ ଛାଡିନଥିଲେ । ଉଭୟଙ୍କ ପ୍ରେମ କାହାଣୀ ଅତ୍ୟନ୍ତ ଆକର୍ଷଣୀୟ । ତା’ଠାରୁ ବି ଅଧିକ ଆଶ୍ଚର୍ଯ୍ୟର କାହାଣୀ ତାଙ୍କ ଦୁଇଜଣଙ୍କ ନିର୍ବନ୍ଧର ଘଟଣା ।

ଋଷି କପୁର ପ୍ରପୋଜ୍ କରିଥିଲେ କିନ୍ତୁ  ବିବାହ ପର ଦାୟିତ୍ୱ ବହନକୁ  ଡରୁଥିଲେ । ତେଣୁ ସେ ବିବାହ ପାଇଁ ଆଦୌ ପ୍ରସ୍ତୁତ ନଥିଲେ ।

ଦୁହିଁଙ୍କୁ ଏକ କରିବାରେ ଋଷି କପୁରଙ୍କ ଭଉଣୀଙ୍କର ଥିଲା ଗୁରୁତ୍ୱପୂର୍ଣ୍ଣ ଭୂମିକା । ଋଷିଙ୍କ ନିତୁ ସହ ନିର୍ବନ୍ଧ ହେବାରେ ଭଉଣୀମାନଙ୍କର ଏକ ଗୁରୁତ୍ୱପୂର୍ଣ୍ଣ ଭୂମିକା ଥିଲା ।

ସୂଚନା ଅନୁଯାୟୀ ଋଷି କପୁର ଜଣେ ବନ୍ଧୁଙ୍କ ବିବାହ ଉତ୍ସବରେ ଯୋଗଦେବାକୁ ଦିଲ୍ଲୀ ଯାଇଥିଲେ ଏବଂ ତାଙ୍କ ଭଉଣୀ କାହାକୁ କିଛି ନଜଣାଇ ଦୁହିଁଙ୍କ ପରିବାରକୁ ବିବାହକୁ ନିମନ୍ତ୍ରଣ କରିଥିଲେ ।

ଉଭୟଙ୍କ ପରିବାର ସେମାନଙ୍କ ସମ୍ପର୍କ ବିଷୟରେ ଜାଣିଥିଲେ । ଉଭୟଙ୍କ ପରିବାର ସେହି ସମୟରେ ଦୁଇଜଣଙ୍କ ନିର୍ବନ୍ଧ କରିବାକୁ ନିଷ୍ପତ୍ତି ନେଇଥିଲେ । ନିଜ ବନ୍ଧୁଙ୍କ ବିବାହରେ ଯାଇଥିବା ବେଳେ ସେଠାରେ ହିଁ ତାଙ୍କର ନିର୍ବନ୍ଧ ହୋଇଥିଲା ।

କିନ୍ତୁ ସେତେବେଳେ ଦୁଇ ଜଣଙ୍କ ପାଖରେ ପିନ୍ଧାଇବାକୁ ମୁଦି ନଥିଲା । ଋଷି ନିଜ ଭଉଣୀର ମୁଦିକୁ ନିତୁଙ୍କୁ ପିନ୍ଧାଇଥିଲେ ।  ଏଥିସହିତ ନିତୁ କପୁର ଫିଲ୍ମ ‘ଝୁଟା କାହିଁ କା’ର ନିର୍ଦ୍ଦେଶକଙ୍କ ମୁଦିକୁ ଋଷିଙ୍କୁ ପିନ୍ଧାଇଥିଲେ ।

ମୁମ୍ବାଇ: ଇରଫାନଙ୍କୁ ହରାଇବାର ୨୪ ଘଣ୍ଟାରୁ କମ ସମୟ ଭିତରେ ଦେଶ ଋଷି କପୁରଙ୍କୁ ହରାଇଛି । ଆଜି ସକାଳ ୮.୪୫ ମିନିଟରେ ଋଷିଙ୍କ ପରଲୋକ ହୋଇଛି । ବଲିଉଡରେ କପୁର ପରିବାରର ଦବଦବା ରହିଛି । ଋଷି ଥିଲେ କପୁର ପରିବାରର ତୃତୀୟ ପୀଢିର ସଦସ୍ୟ । କପୁର ପରିବାରର ତୃତୀୟ ପୀଢି ହେଉଛନ୍ତି ରାଜ କପୁର-କୃଷ୍ଣା କପୁରଙ୍କ ସନ୍ତାନ ଋଷି,ରାଜିବ,ରିତୁ ନନ୍ଦା ଓ ରିମା ଜୈନ ।

ଥରେ ଋଷି ଗୋଟିଏ ସାକ୍ଷାତକାରରେ କହିଥିଲେ ଯେ, ‘‘ ପିଲାବେଳୁ ଆମ ଘରର ପରିବେଶ ଫିଲ୍ମି ଥିଲା । ଆମେ ପିଲାବେଳୁ ହିଁ ଫିଲ୍ମ ତିଆରି ହେବା ଦେଖି ଆସୁଥିଲୁ । ସେହି ସମୟରେ ଫିଲ୍ମରେ କାମ କରିବାକୁ ମନକୁ ମନ ଇଛା ହୋଇଥିଲା । କାରଣ ମୁଁ ଏଭଳି ପରିବାର ସହ ସଂପର୍କ ରଖେ ଯେଉଁଠି ରକ୍ତର ଅଭିନୟ ରହିଛି’’

ଋଷି କହିଥିଲେ ଯେ, ‘‘ ଅନେକ ବର୍ଷ ଧରି ଦେଶକୁ ମନୋରଂଜନ ଦେଇ ଆସୁଥିବା ଏଭଳି ଗୋଟିଏ ପରିବାରରେ ଜନ୍ମ ନେଇଥିବାରୁ ମୁଁ ନିଜକୁ ଗର୍ବିତ ଅନୁଭବ କରେ ’’। ଋଷି କହିଥିଲେ ଯେ, ମୁଁ ନିଜ ପରିବାରର ତୃତୀୟ ପୀଢି ଯିଏ ଫିଲ୍ମରେ କାମ କରୁଛି । ମୋ ପିଲା ଯଦି ଏହି ପ୍ରଥାକୁ ଆଗକୁ ବଢାନ୍ତି ତେବେ ମୁଁ ନିଜକୁ ଭାଗ୍ୟବାନ ବୋଲି ମନେ କରିବି । ଏଠାରେ କହିବା ଜରୁରୀ ନୁହେଁ ଯେ, ଋଷି କପୁରଙ୍କ ପୁଅ ରଣବୀର ମଧ୍ୟ ବଲିଉଡର ଜଣେ ଆଗଧାଡିର ଅଭିନେତା ।

କପୁର ପରିବାର ଫିଲ୍ମ ସହ ନିଜ ସଂପର୍କ ପାଇଁ ପରିଚିତ । କିନ୍ତୁ ଏହି ପରିବାରର ପାଠ ସହ ପ୍ରେମ ସଂପର୍କ ନଥିଲା । ଏହି ପରିବାରର ସବୁ ସଦସ୍ୟ କ୍ୟାମେରା ପ୍ରେମରେ ପଡିଥିଲେ । ଋଷି ନିଜେ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ପାଠ ପଢିଥିଲେ । ରଣବୀର ଗୋଟିଏ ସାକ୍ଷାତକାରରେ ଥରେ କହିଥିଲେ ଯେ, ଯେତେବେଳେ ଦଶମ ଶ୍ରେଣୀ ପରୀକ୍ଷାରେ ସେ ୫୮ ପ୍ରତିଶତ ନମ୍ବର ରଖିଲେ,ସେତେବେଳେ ଆମେରିକାରେ ତାଙ୍କ ପରିବାର ପକ୍ଷରୁ ସେଲିବ୍ରେସନ୍ ହୋଇଥିଲା । ଆଭରେଜ୍ ମାର୍କକୁ ନେଇ ଏତେ ଖୁସୀ ହେବା ପଛର କାରଣ ହେଉଛି କପୁର ପରିବାରର ପ୍ରଥମ କିମ୍ବା ଦ୍ୱିତୀୟ ପୀଢିର କୌଣସି ସଦସ୍ୟ ୧୦ମ ପାସ୍ କରି ପାରିନଥିଲେ ।

ପାଠପଢାକୁ ନେଇ ରଣବୀର କହିଥିଲେ ଯେ, ‘‘ ପାଠପଢାକୁ ନେଇ ମୋ ପରିବାରର ଇତିହାସ ସେତେ ଭଲ ନଥିଲା । ମୋ ବାପା ଅଷ୍ଟମ ଶ୍ରେଣୀରେ ଫେଲ ହୋଇଯାଇଥିଲେ,ମୋ ଦାଦା ନବମ ଶ୍ରେଣୀରେ ଫେଲ୍ ହୋଇଥିବା ବେଳେ ମୋ ଜେଜ ଶଷ୍ଠ ଶ୍ରେଣୀ ଡେହିଁ ପାରିନଥିଲେ । ବାସ୍ତବରେ ମୁଁ ମୋ ପରିବାରର ସବୁଠୁ ଅଧିକ ଶିକ୍ଷିତ ସଦସ୍ୟ । ମୋତେ ୧୦ମ ବୋର୍ଡ ପରୀକ୍ଷରେ ୫୮ ପ୍ରତିଶତ ମାର୍କ ମିଳିଥିବା ବେଳେ ବେଷ୍ଟ ଫାଇଭ୍ ସବଜେକ୍ଟରେ ୬୦ ପ୍ରତିଶତ ଅଙ୍କ ମିଳିଥିଲା ।