୨୪ ଘଣ୍ଟାରେ ଯାଜପୁରରେ ୧୭ ପଜିଟିଭ୍
ଭୁବନେଶ୍ୱର: ବିପଦ ବଢ଼ାଉଛି ‘ବଙ୍ଗ’ ଲିଙ୍କ୍ । ସକାଳେ ଯାଜପୁରରୁ ୩ ପଶ୍ଚିମବଙ୍ଗ ଫେରନ୍ତାଙ୍କା ଠାରେ କରୋନା ପଜିଟିଭ୍ ମିଳିଥିବା ବେଳେ ଏବେ ଆଉ ୧୪ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଜିଲ୍ଲାରେ ୨୪ ଘଣ୍ଟାରେ ମୋଟ୍ ୧୭ ଜଣଙ୍କ ଠାରେ ପଜିଟିଭ୍ ଆସିଛି । ତେବେ, ଏବେ ପଜିଟିଭ୍ ଚିହ୍ନଟ ହୋଇଥିବା ୧୪ ଜଣଙ୍କ ଗସ୍ତ ବିବରଣୀ ଜଣାପଡ଼ିନାହିଁ ।
୧୪ ପଜିଟିଭ୍ ଚିହ୍ନଟ ହେବା ପରେ ଯାଜପୁର ଜିଲ୍ଲାରେ ସଂକ୍ରମିତଙ୍କ ସଂଖ୍ୟା ୩୬କୁ ବୃଦ୍ଧି ପାଇଛି । ଜଣେ ଆକ୍ରାନ୍ତ ସୁସ୍ଥ ହୋଇ ଫେରିଥିବା ବେଳେ ଏବେ ଜିଲ୍ଲାରେ ୩୫ ଜଣ ସକ୍ରିୟ ସଂକ୍ରମିତ ରହିଛନ୍ତି । ଏଥିସହ ରାଜ୍ୟରେ ସଂକ୍ରମିତଙ୍କ ସଂଖ୍ୟା ୧୪୨ରେ ପହଞ୍ଚିଛି । ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ୱେବସାଇଟରେ ସୂଚନା ଦିଆଯାଇଛି ।
ରାଜ୍ୟରେ ମୋଟ ୧୪୨ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ୩୯ ଜଣ ସୁସ୍ଥ ହୋଇ ଘରକୁ ଫେରିଥିବା ବେଳେ ବିଭିନ୍ନ କୋଭିଡ୍ ହସ୍ପିଟାଲରେ ଏବେ ୧୦୨ ଜଣ ଆକ୍ରାନ୍ତଙ୍କ ଚିକିତ୍ସା ଚାଲିଛି ।
