ପାରାଦୀପ: ସମୁଦ୍ରକୁ ମାଛ ଧରିବାକୁ ଯାଇଥିବା ବେଳେ ଅଘଟଣ । ମାଛ ଧରିବାକୁ ଯାଇଥିବା ବେଳେ ସମୁଦ୍ର ମଝିରେ ବୁଡ଼ିଗଲା । ଏଭଳି ଏକ ଘଟଣା ଦେଖିବାକୁ ମିଳିଛି ପାରାଦୀପ ନେହରୁ ବଙ୍ଗଳା ସମୁଦ୍ରରେ । ସମୁଦ୍ରରେ ଡଙ୍ଗାବୁଡ଼ି ଯିବାରୁ ୨ ଜଣ ମତ୍ସ୍ୟଜୀବିଙ୍କର ମୃତ ଘଟିଛି । ମାଛ ଧରିବାକୁ ଯାଇ ସମୁଦ୍ର ଭିତରେ ବୁଡ଼ିଗଲେ ମତ୍ସ୍ୟଜୀବୀ ।

ଗୋଟିଏ ଡ଼ଙ୍ଗାରେ ୧୫ ଜଣ ମାଛ ଧରିବାକୁ ଯାଇଥିଲେ । ସେମାନଙ୍କ ମଧ୍ୟରୁ ୧୩ ଜଣଙ୍କୁ ଙ୍କୁ ଉଦ୍ଧାର କରିଛନ୍ତି ସ୍ଥାନୀୟ ଲୋକ । ୨ ମୃତକ ହେଉଛନ୍ତି ଗୁରୁଚାନ୍ଦ ରାଏ ଓ ବିଦୁଭୂଷଣ ମାଇତି । ୧୩ ଜଣଙ୍କ ମଧ୍ୟରୁ ଜଣେ ଗୁରୁତରଙ୍କୁ ଅଠରବାଙ୍କି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି।

ସୂଚନା ଅନୁଯାୟୀ, ଆଜି ସକାଳୁ ଡ଼ଙ୍ଗା ଦ୍ୱାରା ସମୁଦ୍ରକୁ ୧୫ ଜଣ ମତ୍ସ୍ୟଜୀବି ମାଛ ଧରିବା ପାଇଁ ଯାଇଥିଲେ । କୌଣସି କାରଣରୁ ଡ଼ଙ୍ଗାଟି ମଝି ସମୁଦ୍ରରେ ବୁଡ଼ିଯାଇଥିଲା । ତେବେ ସ୍ଥାନୀୟ ଲୋକେ ଖବର ପାଇବା ପରେ ସେମାନଙ୍କୁ ଉଦ୍ଧାର କରିଥିଲେ । ହେଲେ ୨ ଜଣଙ୍କର ଘଟଣା ସ୍ଥଳରେହିଁ ମୃତ୍ୟୁ ହୋଇଛି । ସବୁଠାରୁ ବଡ଼ କଥା ହେଉଛି ଦୁଇଦିନ ଲଘୁଚାପ ପାଇଁ ସମୁଦ୍ର ମଧ୍ୟକୁ ଯିବାପାଇଁ ପାଣିପାଗ ବିଭାଗ କେନ୍ଦ୍ର ବାରଣ କରିଥିଲେ ମଧ୍ୟ ଏମାନେ କେମିତି ଗଲେ ତାହା ଏବେ ପ୍ରଶ୍ନ ।

ବୁର୍ଲା: ଟଙ୍କା ଦେଇ ନପାରିବାରୁ ଡାକ୍ତରଖାନାରେ ବନ୍ଧା ପଡ଼ିଛନ୍ତି ରୋଗୀ । ବୁର୍ଲାରୁ ଆସିଛି ଏଭଳି ଅଭିଯୋଗ । ଝାରସୁଗୁଡ଼ା ରଘୁନାଥପାଲିର ଧ୍ରୁବ ଭୋଇଙ୍କ ଆଖିରେ ସମସ୍ୟା ଦେଖାଦେବାରୁ ଗତ ୩ ତାରିଖରେ ସେ ବୁର୍ଲା ବୀର ସୁରେନ୍ଦ୍ର ସାଏ ଇନ୍‌ଷ୍ଟିଚ୍ୟୁଟ୍‌ ଅଫ୍‌ ମେଡିକାଲ ସାଇନ୍‌ସେସ୍‌ ଆଣ୍ଡ ରିସର୍ଚ୍ଚ ‘ଭିମ୍‌ସାର୍‌’ର ଚକ୍ଷୁ ବିଭାଗରେ ଭର୍ତ୍ତି ହୋଇଥିଲେ । ତାଙ୍କ ଆଖି ଅପରେସନ୍‌ ପାଇଁ ଡାକ୍ତର ପ୍ରମୋଦ କୁମାର ଶର୍ମା ଟଙ୍କା ଦାବି କରିଥିଲେ ।

ଧ୍ରୁବ ଭୋଇ ୫ ହଜାର ଟଙ୍କା ଦେବା ପରେ ଗତ ୬ ତାରିଖରେ ତାଙ୍କ ଆଖିରେ ଅପରେସନ କରାଯାଇଥିଲା । ବର୍ତ୍ତମାନ ତାଙ୍କ ଆଖି ଭଲ ଅଛି । କିନ୍ତୁ ଆଉ ୧୫ ହଜାର ଟଙ୍କା ଦେଲେ ତାଙ୍କୁ ଡାକ୍ତରଖାନାରୁ ଡିସ୍‌ଚାର୍ଜ କରାଯିବ ବୋଲି ଡାକ୍ତର ପ୍ରମୋଦ କୁମାର ଶର୍ମା କହିଥିବା ଅଭିଯୋଗ ହୋଇଛି । ଧ୍ରୁବ ଭୋଇ ଗରିବ ହୋଇଥିବାରୁ ଟଙ୍କା ଦେଇପାରୁନାହାନ୍ତି । ତାଙ୍କୁ ଡାକ୍ତରଖାନାରୁ ଡିସ୍‌ଚାର୍ଜ କରାଯାଉନାହିଁ । ସେ ‘ଭିମ୍‌ସାର’ର ଚକ୍ଷୁ ଭିଭାଗରେ ଏକ ପ୍ରକାର ବନ୍ଧା ପଡ଼ିଛନ୍ତି । ଏ ସମ୍ପର୍କରେ ଆମେ ଡାକ୍ତର ପ୍ରମୋଦ କୁମାର ଶର୍ମାଙ୍କୁ ଯୋଗାଯୋଗ କରିଥିଲୁ ।

କିନ୍ତୁ ସେ କ୍ୟାମେରା ଆଗରେ କିଛି କହିବାକୁ ମନା କରିଥିଲେ । ଏହାପରେ ଡାକ୍ତର ଶର୍ମା ଧ୍ରୁବ ଭୋଇ ଓ ତାଙ୍କ ସମ୍ପର୍କୀୟଙ୍କୁ ଧମକ ଦେବା ସହ କିଛି ସମସ୍ୟା ନାହିଁ ବୋଲି ଏକ ସାଦା କାଗଜରେ ଲେଖାଇ ନେବା ସହିତ ଦସ୍ତଖତ କରାଇ ନେଇଥିବା ଅଭିଯୋଗ ହୋଇଛି । ଏବେ ଧ୍ରୁବ ଭୋଇ ତାଙ୍କ ସମ୍ପର୍କୀୟମାନେ ଅସହାୟ ହୋଇପଡ଼ିଛନ୍ତି ।

ଭୁବନେଶ୍ୱର: ରାଜଧାନୀରେ ଦିନକୁ ଦିନ ବଢ଼ିବାରେ ଲାଗିଛି ଆତଙ୍କ ରାଜ । ଅପରାଧିଙ୍କର ପ୍ରାଦୁର୍ଭାବ ବଢ଼ିବାରେ ଲାଗିଛି । କେତେବେ କିଡ଼ନାପିଂ ତ ପୁଣି କେବେଳେ ଛିନତାଇ । ଏହିଭଳି ଗୋଟେ ପରେ ଗୋଟେ କାଣ୍ଡ ଭିଆଇ ଚାଲିଛନ୍ତି ଅପରାଧି । କଛି ଦିନ ପୂର୍ବରୁ ଭୁବନେଶ୍ୱର ସୁନ୍ଦରପଦାରେ ଜଣେ ସିକ୍ୟୁରିଟି ଗାର୍ଡଙ୍କୁ କିଛି ଦୁର୍ବୃତ୍ତ ଅପହରଣ ପରେ ମାଡ଼ ମାରି ଛାଡ଼ି ଦେଇଥିବା ଘଟଣା ଚର୍ଚ୍ଚାରକୁ ଆସିଥିଲା ।

ଆଜି ପୁଣି ଆଉ ଏକ ବଡ଼ ଧରଣର ରକ୍ତାକ୍ତ କାଣ୍ଡ ରଚାଇଛନ୍ତି ଦୁର୍ବୃତ୍ତ । ଜଣେ ଯୁବକଙ୍କୁ ପିଟି ପିଟି ମାରି ଦେଇଥିବା ଅଭିଯୋଗ ଆସିଛି । ଚନ୍ଦ୍ରଶେଖପୁର ଡମଣା ଅଞ୍ଚଳରେ ଘଟିଛି ଏବଳି ଘଟଣା । ଗତ ରାତିରେ ଜଣେ ଯୁବକଙ୍କୁ ପିଟିପିଟି ମାରି ଦେଇଥିବା ସୂଚନା ମିଳିଛି । ହେଲେ କଣ ପାଇଁ ଏ ହତ୍ୟା ହୋଇଛି ଏବଂ କାହିଁ ହୋଇଛି ତାହାର କାରଣ ଏପର୍ଯ୍ୟନ୍ତ ଅସ୍ପଷ୍ଟ ରହିଛି । ମତକ ଜଣକ ଜଣେ ରାଜମିସ୍ତ୍ରୀ । ଅଭିଯୁକ୍ତ ତାଙ୍କୁ କାଠ ଫାଳିଆରେ ଆକ୍ରମଣ କରି ହତ୍ୟା କରିଥିବା ସୂଚନା ମିଳିଛି । ଅଭିଯୁକ୍ତ ସନାତନ ମୁଣ୍ଡାଙ୍କୁ ଗିରଫ କରିଛି ପୋଲିସ । ଘଟଣାରେ ସାଇଣ୍ଟିଫିକ୍‌ ଟିମ୍‌ ତଦନ୍ତ କରୁଛି ।

ତେବେ ପୂର୍ବ ଶତ୍ରୁତାକୁ ନେଇ ଏଭଳି ହତ୍ୟାକାଣ୍ଡ ହୋଇଥାଇ ପାରେ ବୋଲି ସନ୍ଧେହ କରାଯାଉଛି। ଗୁରୁବାର ବିଳମ୍ବିତ ରାତିରେ ଘଟିଛି ଘଟଣା । ସେପଟେ ଘଟଣା ସ୍ଥଳରେ ଚନ୍ଦ୍ରଶେଖପୁର ଥାନା ପୋଲିସର ପହଞ୍ଚି ପ୍ରାଥମିକ ତଦନ୍ତ ଆରମ୍ଭ । ସବୁଠାରୁ ବଡ଼ କଥା ହେଉଛି ରାଜଧାନୀର ଛାତି ଉପରେ ଏଭଳି ହତ୍ୟା କାଣ୍ଡ ପୋଲିସ ପାଇଁ ଏକ ବଡ଼ ଚ୍ୟାଲେଞ୍ଚ ଆଣି ଦେଇଛି ।