ଧରାପଡ଼ିଲା ଆନ୍ତଃରାଜ୍ୟ କଇଁଛ ଚୋରା ଚାଲାଣ ର୍ୟାକେଟ
1 min read
ମାଲକାନାଗିରି: ଧରାପଡ଼ିଲା ଆନ୍ତଃରାଜ୍ୟ କଇଁଛ ଚୋରା ଚାଲାଣ ର୍ୟାକେଟ । ମାଲକାନାଗିରି ଜିଲ୍ଲା କାଲିମେଳା ଅଞ୍ଚଳରେ କଇଁଛ ଚୋରା ଚାଲାଣ ବେଳେ ୪୩ କଇଁଛ ଜବତ କରାଯାଇଛି । ଏହି ଘଟଣାରେ ୪ ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି ।
ଅଟକ ଅଭିଯୁକ୍ତମାନେ ହେଲେ ଏମ୍ଭି-୯୬ ଗାଁର ବିଶ୍ୱ ସିଲ୍ , ବଲାଇ ସରକାର, ଏମ୍ପିଭି-୬୫ ଗାଁର ସାଗର ମଲ୍ଲିକ ଓ ବିପୁଲ ମିଦ୍ଧି । ଏମାନେ ଆନ୍ଧ୍ରରୁ କଇଁଛ ଆଣି ବିକ୍ରି କରୁଥିଲେ ।
ବନ ବିଭାଗ ପକ୍ଷରୁ ଚଢାଉ କରି ଏମ୍ପିଭି-୮୩ ଗାଁ ନିକଟରୁ ୨୩ଟି କଇଁଛ ଓ ଏମ୍ଭି-୪୨ ନିକଟରୁ ୨୦ଟି କଇଁଛ ଜବତ କରାଯାଇଛି । ଅଭିଯୁକ୍ତଙ୍କୁ ପଚରାଉଚରା ପରେ କୋର୍ଟ ଚାଲାଣ କରାଯାଇଛି । ଏହି କାରବାରରେ ଆଉ କିଏ ସାମିଲ ଅଛନ୍ତି, ସେନେଇ ଅଧିକ ତଦନ୍ତ କରାଯାଉଛି ।
