ଭୁବନେଶ୍ୱର: କରୋନା କଟକଣା ଭିତରେ କରାଯିବ ଅତିଥୀ ଚର୍ଚ୍ଚା । ପୁଣି ଟ୍ରାକକୁ ଫେରିବ ଓଡିଶା ଟୁରିଜିମ । ଅଣ୍ଟା ଭିଡିଲାଣି ରାଜ୍ୟ ସରକାରଙ୍କ ପର୍ଯ୍ୟଟନ ବିଭାଗ । ରାଜ୍ୟ ପର୍ଯ୍ୟଟନ ଶିଳ୍ପ ଉପରେ କରୋନାର ପ୍ରଭାବ ପଡ଼ିଛି । ତେବେ ତାର ପୁନରୁଦ୍ଧାର ସହ ଟ୍ରାକକୁ ଆଣିବାକୁ ଅଣ୍ଟା ଭିଡିଛନ୍ତି ସରକାର । ଆଉକିଛି ଦିନ ଆରମ୍ଭ ହେବ ପର୍ଯ୍ୟଟନ ଋତୁ । ପର୍ଯ୍ୟଟକଙ୍କୁ ଓଡିଶା ମୁହାଁ କରିବା ପାଇଁ  ରାଜ୍ୟ ପର୍ଯ୍ୟଟନ ବିଭାଗ ବିଭାଗର ପ୍ରାକ୍ ପ୍ରସ୍ତୁତି ।

କରୋନା କଟକଣା ଭିତରେ ଲୋକଙ୍କୁ ସବୁ ସୁବିଧା ଯୋଗାଇ ଦେବା ପାଇଁ ପ୍ରସ୍ତୁତ ରାଜ୍ୟ ସରକାର । ମହାମାରୀର ସିଧାସଳଖ ପ୍ରଭାବ ପର୍ଯ୍ୟଟନ ଶୀଳ୍ପ ଉପରେ ପଡ଼ିଛି । ତେବେ ପୂନଃଉଦ୍ଧାର କରିବାର ଯୋଜନା ଆରମ୍ଭ କରିଦେଲେଣି ରାଜ୍ୟ ସରକାର । ଓଡ଼ିଶାରେ ଥିବା ପାଖାପାଖି ୪୦ରୁ ଉର୍ଦ୍ଧ୍ୱ ପର୍ଯ୍ୟଟନ ସ୍ଥାନ ଗୁଡ଼ିକର ୬୦୦ ଭିଲେଜ କମ୍ୟୁନିଟି ମେମ୍ବର ଓ ବିଭିନ୍ନ ହସ୍ପିଟାଲିଟି ଏକ୍ସପର୍ଟଙ୍କୁ ଟ୍ରେନିଂ ଦିଆଚାଲିଛି ।

ବର୍ତମାନର ପ୍ରଥମ ପର୍ଯ୍ୟାୟ ଟ୍ରେନିଂ ଆରମ୍ଭ ହୋଇଛି  । ଏନେଇ ଓଡିଶା ଜଙ୍ଗଲ ବିଭାଗ ଓ ରାଜ୍ୟ ପର୍ଯ୍ୟଟନ ବିଭାଗର ମିଳିତରେ ଇଷ୍ଟିଚ୍ୟୁଟ ଅଫ ହୋଟେଲ ମ୍ୟାନେଜମେଣ୍ଟ ଓ ଇଣ୍ତିଆନ ଇଷ୍ଟିଚ୍ୟୁଟ ଅଫ ଟୁରିଜିମ ଏଣ୍ଡ ଟ୍ରାଭୋଲ ମ୍ୟାନେଜମେଣ୍ଟ କୁ ଦାୟିତ୍ୱ ଦିଆଯାଇଛି । ଏହା ସହ କିଭଳି ପ୍ରର୍ଯ୍ୟଟକଙ୍କୁ କରୋନା ଭିତରେ ସପୂର୍ଣ ସୁରକ୍ଷା ଦିଆଯିବ ଏନେଇ ରାଜ୍ୟ ପର୍ଯ୍ୟଟନ ବିଭାଗ ବି ନିଜର କାମ ଆରମ୍ଭ କରିସାରିଲାଣି  । (ଭୁବନେଶ୍ୱରରୁ ଶତରୂପା ସମନ୍ତରାୟ)

ଗଞ୍ଜାମ: କାରୋନା ମୁକାବିଲା ନେଇ ଗଞ୍ଜାମ ଜିଲ୍ଲା ପ୍ରଶାସନର ପ୍ରେସ୍‌ମିଟ୍‌ । ବ୍ରହ୍ମପୁର ମୁନିସପାଲ କମିଶନରଙ୍କ ସୂଚନା । ଗଞ୍ଜାମରେ ଏବେ କରୋନା ସ୍ଥିତି ସାମାନ୍ୟ ରହିଛି । ଧିରେ ଧିରେ କରୋନା ସଂକ୍ରମଣ ଗଞ୍ଜାମରେ କମିବାରେ ଲାଗିଲାଣି । ସେଥିପାଇଁ ଗଞ୍ଜାମରେ କୋଭିଡ କଟକଣାକୁ କୋହଳ କରାଯିବ । ଏବେ ଗଞ୍ଜାମ ଜିଲ୍ଲାରେ ଦୋକାନ ଖୋଲିବା ସମୟ ସୀମା ବଢ଼ିବ । ସୋମବାର ଠାରୁ ଦୋକାନ ଖୋଲିବା ସମୟ ବଢ଼ିବ । ସକାଳ ୫ଟା ଠାରୁ ରାତି ୮ଟା ଯାଏଁ ଦୋକାନ ଖୋଲାଯାଇପାରିବ ବୋଲି ବିଏମ୍‌ବି କମିଶନର ସୂଚନା ଦେଇଛନ୍ତି । ବ୍ରହ୍ମପୁରରେ ୧୦ ହଜାରରୁ ଅଧିକ ବ୍ୟବସାୟୀ ରହିଛନ୍ତି । ତେବେ ଯଦି ଦୋକାନୀ ନିୟମ ଭାଙ୍ଗନ୍ତି ସେମାନଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ସେପଟେ ଗଣେଶ ପୂଜା ସହ ବଡ଼ ଉତ୍ସବକୁ ବାରଣ କରାଯାଇଛି । ସର୍ବସାଧାରଣସ୍ଥାନରେ ଗଣେଶ ପୂଜା ମନା କରାଯାଇଛି ।

ଏବେ ଜିଲ୍ଲାରେ କରୋନାଜନିତ ମୃତ୍ୟୁସଂଖ୍ୟା କମିଛି । ସବୁ ସ୍ଥାନରେ ଟେଷ୍ଟିଂ ବ୍ୟବସ୍ଥାକୁ ବୃଦ୍ଧି କରାଯାଇଛି । ଲକ୍ଷଣ ଦେଖାଦେଲେ ସଂଗେ ସଂଗେ ପରୀକ୍ଷା କରାଇବାକୁ ପରାମର୍ଶ ଦିଆଯାଉଛି । ବାହାରକୁ ବାହାରିଲେ ନିଜେ ସତର୍କତା ଅବଲମ୍ବନ କରିବାକୁ ନିର୍ଦ୍ଦେଶ ଦିଆଯାଇଛି । ଏଭଳି ସୂଚନା ଦେଇଛନ୍ତି ଗଞ୍ଜାମ ଜିଲ୍ଲାପାଳ ବିଜୟ ଅମୃତା କୁଲାଙ୍ଗେ । ଗଞ୍ଜାମରେ ବହୁଦିନ ପରେ ୨୦୦ରୁ କମ୍ ପଜିଟିଭ ଚିହ୍ନଟ ହୋଇଛନ୍ତି ବୋଲି ସେ କହିଛନ୍ତି । ଏଥିରୁ ଜଣାଯାଉଛି ଯେ କରୋନା ସଂଖ୍ୟା ବୃଦ୍ଧିରେ ରୋକ ଲାଗିଛି । ଦୈନିକ ୯ ହଜାରରୁ ଅଧିକ ନମୁନା ପରୀକ୍ଷା କରାଯାଉଛି । ଏବେ ଗଞ୍ଜାମରେ ସଂକ୍ରମିତଙ୍କ ସଂଖ୍ୟା ମୋଟ ୧୫,୮୮୬ ରହିଛି । ସେମାନଙ୍କ ମଧ୍ୟରୁ ଆକ୍ଟିଭ କେସ୍‌ ୧୯୩୫ ରହିଥିବା ବେଳେ ଜିଲ୍ଲାରେ ୧୩,୭୭୩ ଜଣ ସୁସ୍ଥ ହୋଇସାରିଲେଣି । ଜିଲ୍ଲାରେ ସୁସ୍ଥତା ହାର ୮୭ ପ୍ରତିଶତକୁ ବଢ଼ିଛି । ୭ ଦିନରେ ୨ ବ୍ଲକରୁ କୌଣସି ଆକ୍ଟିଭ କେସ ଆସିନି । ଜିଲ୍ଲାରେ ’ଜିରୋ ଆକ୍ଟିଭ କେସ’ ମିଶନ ଆରମ୍ଭ କରିଛୁ ବୋଲି କହିଛନ୍ତି ଜିଲ୍ଲାପାଳ । ଜୁଲାଇ ତୁଳନାରେ ଅଗଷ୍ଟରେ ମୃତ୍ୟୁହାର କମିଛି ।

ଭୁବନେଶ୍ୱର: ରାତି ପାହିଲେ ସାପ୍ତାହିକ ସଟଡାଉନ । ଏଥର କରୋନା ପାଇଁ ସଟଡାଉନରେ ପଡ଼ିଛି ଗଣେଷ ପୂଜା । ହେଲେ ପୂଜା ପାଇଁ ବଳିପଡ଼ିଗଲା କଟକଣା । ଭୁବନେଶ୍ୱରରେ ହାଟ ଓ ବଜାରରେ ଅସମ୍ଭାଳ ଭିଡ । ସହରିଆ ଭୁଲିଗଲେ ସାମାଜିକ ଦୂରତା ନିୟମ । ଭୁବନେଶ୍ୱରରେ ୟୁନିଟ-୧ ହାଟରେ ସାମାଜିକ ଦୂରତା ନିୟମ ଖୋଲାଖୋଲି ଉଲଘଂନ କରିଥିଲେ ଲୋକେ । ଯିଏ ଯେଉଁଠି ପାରିଲା ଛିଡା ହୋଇ ମାର୍କେଟିଂ କରୁଥିଲେ ।

ସେହିଭଳି ଭୁବନେଶ୍ୱରରେ ବିଭିନ୍ନ ମାଛ ମାର୍କେଟରେ ମଧ୍ୟ ଦୁଇ ଦିନ ପାଇଁ ନେବା ଲାଗି ଭିଡି ଲାଗିଥିଲା । ସେପଟେ ସଟ଼ାଉନରେ ଗଣେଷ ପୂଜା ଥିବାରୁ ମୁର୍ତ୍ତି ସାଙ୍ଗକୁ ପୂଜା ସାମଗ୍ରୀ ନେବାକୁ ମଧ୍ୟ ଭିଡ ଲାଗିଥିଲା । କୋଭିଡ କଟକଣାକୁ ନଜରରେ ରଖି କଟକ-ଭୁବନେଶ୍ୱରରେ ସାମୁହିକ ଗଣେଶ ପୂଜା ଆୟୋଜନକୁ ବାରଣ କରିଛି କମିଶନରେଟ ପୋଲିସ । ଭୁବନେଶ୍ୱରରେ କ୍ଳବ ଓ ଜଟଣୀର ବିଭିନ୍ନ ପୂଜା କମିଟି ମାନଙ୍କୁ ସାମୁହିକ ଗଣେଷ ପୂଜା ଆୟୋଜନ ନକରିବା ପାଇଁ କଟକଣା ଜାରି କରିଛନ୍ତି ଭୁବନେଶ୍ୱର ଡିସିପି । ନିୟମକୁ ଅବମାନା କରି ପୂଜା ଆୟୋଜନ କଲେ ଆଇନ ଅନୁସାରେ କାର୍ଯ୍ୟନୁଷ୍ଠାନ ନିଆଯିବ ବୋଲି ଭୁବନେଶ୍ୱର ଡିସିପି କହିଛନ୍ତି  ।