ଗୃହ ସଂଗରୋଧରେ ‘ଫାଭିପିରାଭିର’ ବ୍ୟବହାର ନେଇ SOP

ଭୁବନେଶ୍ୱର: ଗୃହ ସଂଗରୋଧରେ ‘ଫାଭିପିରାଭିର’ ବ୍ୟବହାର ନେଇ ଜାରି ହେଲା SOP । ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଏସଓପି ଜାରି କରାଯାଇଛି । ତେବେ, ସଂଗରୋଧରେ ରହୁଥିବା ବ୍ୟକ୍ତି ମନଇଛା ‘ଫାଭିପିରାଭିର’ ନେଇପାରିବେନି । ଡାକ୍ତରଙ୍କ ପରାମର୍ଶ ନେଇ କରୋନା ଟାବଲେଟ୍ ‘ଫାଭିପିରାଭିର’ ଖାଇପାରିବେ କୋଭିଡ୍ ସଂକ୍ରମିତ ।

ସଂଗରୋଧରେ ରହୁଥିବା ଲୋକଙ୍କୁ ଔଷଧ ସେବନ ନେଇ ଜଣାଇବ ରାପିଡ୍ ରେସପନ୍ସ ଟିମ୍ । ବ୍ୟକ୍ତିଙ୍କ ସହମତିରେ ଏହି ଔଷଧକୁ ନେଇ ୫ ଦିନିଆ କୋର୍ସର ବ୍ୟବସ୍ଥା କରାଯାଇପାରିବ । ସାମାନ୍ୟ ଓ ବିନା ଲକ୍ଷଣଧାରୀଙ୍କୁ ଗୃହ ସଂଗରୋଧ ପାଇଁ ରାଜ୍ୟ ସରକାର ତରଫରୁ ଅନୁମତି ମିଳିଛି ।