spot_img
Home Blog Page 6004

ସ୍ତ୍ରୀକୁ ଦେହ ବ୍ୟବସାୟ କରିବା ପାଇଁ ବାଧ୍ୟ କରିବା ସହ ମାଡ଼ ମାରି ସ୍ୱାମୀ ଗିରଫ

ଭୁବନେଶ୍ୱର: ସ୍ଵାମୀ ସ୍ତ୍ରୀ ପବିତ୍ର ସମ୍ପର୍କରେ କଳଙ୍କ । ଦୀର୍ଘ ୭ ବର୍ଷ ହେବ ନିଜ ସ୍ତ୍ରୀକୁ ଏକ କୋଠରୀରେ ବନ୍ଦ ରଖି ଦେହ ବ୍ୟବସାୟରେ ଲଗାଉଥିବା ଭଳି ସଙ୍ଗିନ ଘଟଣା ଦେଖୁବାକୁ ମିଳିଛି ଚନ୍ଦ୍ରଶେଖରପୁର ଥାନା ଅଞ୍ଚଳରେ । ଏପରିକି ନିଜ ସ୍ତ୍ରୀ ଦେହ ବ୍ୟବସାୟ କରିବାକୁ ରାଜି ନହେବାରୁ ତାଙ୍କୁ ଲୁହାରଡରେ ମରଣାନ୍ତକ ଆକ୍ରମଣ କରିବା ସହ ମାରିଦେବାକୁ ଉଦ୍ୟମ କରିଛି ସ୍ଵାମୀ ।

ଖବର ପାଇ ଘଟଣା ସ୍ଥଳରେ ପୁଲିସ ପହଞ୍ଚି ମହିଳା ଏବଂ ତାଙ୍କର ପାଞ୍ଚ ବର୍ଷର କନ୍ୟାକୁ ଉଦ୍ଧାର କରିବା ସହ ସ୍ୱାମୀକୁ କାବୁ କରିଛି । ଫୁଲବାଣୀ ତୁମୁଡ଼ିବନ୍ଧ ଅଞ୍ଚଳର ମହିଳା ଜଣକ ୧୦ ବର୍ଷ ପୂର୍ବେ ଚନ୍ଦ୍ରଶେଖରପୁର ଅଞ୍ଚଳକୁ କାମ କରିବା ପାଇଁ ଆସିଥିଲେ । ସେହି ସମୟରେ ଏହି ଥାନା ଅନ୍ତର୍ଗତ ପଦ୍ମାବତି ବିହାର ଅଞ୍ଚଳରେ ଅଟୋ ଚଳାଉଥିବା ପଟ୍ଟାମୁଣ୍ଡାଇ ଡାମରପୁର ଅଞ୍ଚଳର ଚନ୍ଦନ ଆଚାର୍ଯ୍ୟଙ୍କ ସହ ଦେଖା ହୋଇଥିଲା ।

ଚନ୍ଦନ ସମ୍ପୃକ୍ତ ମହିଳାକୁ ନିଜ ପ୍ରେମ ଜାଲରେ ଫସାଇ ବାହା ହୋଇଥିବା ପୀଡ଼ିତା ଜଣକ ଚନ୍ଦ୍ରଶେଖରପୁର ଥାନାରେ ଅଭିଯୋଗ କରିଛନ୍ତି । ପ୍ରଥମେ ୨ ବର୍ଷ ସେମାନଙ୍କ ସଂସାର ଠିକ ଚାଲିଥିଲା । ପରେ ଚନ୍ଦନ ଜବରଦସ୍ତି ନିଜ ସ୍ତ୍ରୀଙ୍କୁ ଦେହ ବ୍ୟବସାୟରେ ଲଗାଇଥିଲା । ଏପରିକି ତାଙ୍କୁ ଦୀର୍ଘ ୭ ବର୍ଷ ହେବ ଗୋଟିଏ ଘରେ ରଖି ସେକ୍ସ ରାକେଟ୍ ଚଳାଉଥିବା ପୀଡ଼ିତା କହିଛନ୍ତି । ଘଟଣା ବିଷୟରେ ପୁଲିସ କୌଣସି ସୂତ୍ରରୁ ଖବର ପାଇ ସେମାନେ ରହୁଥିବା ଘରେ ଚଢ଼ଉ କରି ମା’- ଝିଅଙ୍କୁ ଉଦ୍ଧାର କରିବା ସହ ଚନ୍ଦନକୁ କାବୁ କରି ଥାନାକୁ ଆଣିଛି ।

ରାଜ୍ୟରେ ୨୪ ଘଣ୍ଟାରେ ୧୧୩ ନୂଆ କରୋନା ଆକ୍ରାନ୍ତ ଚିହ୍ନଟ

ଭୁବନେଶ୍ୱର: ଗତ ୨୪ ଘଣ୍ଟାରେ ରାଜ୍ୟରେ ୧୧୩ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । କ୍ୱାରେଣ୍ଟାଇନରୁ ୬୭ ଓ ଲୋକାଲ କଣ୍ଟାକ୍ଟ ୪୬ ଜଣ ଚିହ୍ନଟ ହୋଇଛନ୍ତି । ସୁନ୍ଦରଗଡ଼ରୁ ସର୍ବାଧିକ ୨୦ ଜଣ ଚିହ୍ନଟ ହୋଇଥିବା ବେଳେ, କଟକରୁ ୧୭, ଖୋର୍ଦ୍ଧାରୁ ୧୪ ଜଣଙ୍କୁ ଚିହ୍ନଟ କରାଯାଇଛି । ସେହିପରି ମୟୂରଭଞ୍ଜରୁ ୧୧ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଆଜିର ଆକ୍ରାନ୍ତଙ୍କୁ ମିଶାଇ ଏପର୍ଯ୍ୟନ୍ତ ରାଜ୍ୟରେ କରୋନାରେ ସଂକ୍ରମିତ ହେଲେଣି ୩ ଲକ୍ଷ ୩୬ ହଜାର ୨୦୬ ଜଣ ।

ରାଜ୍ୟରେ କରୋନା ସଂକ୍ରମଣ ବୃଦ୍ଧି ପାଉଥିବା ନେଇ ରାଜ୍ୟ ସରକାର ଯୁଦ୍ଧ କାଳୀନ ଭିତ୍ତି ବିଭିନ୍ନ ପଦକ୍ଷେପ ଗ୍ରହଣ କରିଛନ୍ତି । ଆଜି ରାତିରୁ ମାଲକାନଗିରି ଜିଲ୍ଲାରେ ନାଇଟ କର୍ଫ୍ୟୁ ଆରମ୍ଭ ହେଉଛି । ସେହିଭଳି ହୋଲି ପାଳନ ଉପରେ ରାଜ୍ୟ ସରକାର କଟକଣଆ ଜାରି କରିଛନ୍ତି । କରୋନାର ଦ୍ୱିତୀୟ ଲହର ଆସିଯାଇଥିବା ବିଶେଷଜ୍ଞମାନେ କହୁଥିବାବେଳେ ଗତକାଲି ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ଏକ ଜରୁରୀ ବୈଠକ ଅନୁଷ୍ଠିତ ହୋଇଥିଲା । ଏସଆରସି ପ୍ରଦୀପ୍ତ ଜେନା ମଧ୍ୟ ସମସ୍ତଙ୍କୁ ସତର୍କ କରାଇଥିଲେ । ଆବଶ୍ୟକ ହେଲେ ଲକଡାଉନ ହୋଇପାରେ ବୋଲି ମଧ୍ୟ ସେ ସୂଚନା ଦେଇଥିଲେ । ଆଜି ଅପରାହ୍ନରେ କୋଭିଡ ପରିସ୍ଥିତି ନେଇ ମୁଖ୍ୟମନ୍ତ୍ରୀ ସମୀକ୍ଷା କରିବେ । ଏହି ସମୀକ୍ଷା ବୈଠକରେ ବିଭିନ୍ ଜିଲ୍ଲାର ଜିଲ୍ଲାପାଳମାନେ ଭିସି ଯୋଗେ ସାମିଲ ହେବେ ।

ଗତକାଲି ରାଜଧାନୀ ଭୁବନେଶ୍ୱରରେ ଥିବା ଜାଭିୟର ଇଷ୍ଟିଟ୍ୟୁଟ ଅଫ୍ ମ୍ୟାନେଜମେଣ୍ଟରୁ ୨୩ ଜଣ ସଂକ୍ରମିତ ଚିହ୍ନଟ ହେବା ପରେ ଉଦବେଗ ପ୍ରକାଶ ପାଇଥିଲା । ଏହି ସଂସ୍ଥାକୁ ବିଏମସି ପକ୍ଷରୁ ସିଲ କରାଯାଇଛି । ଆଜି ସୁନ୍ଦରଗଡ଼ ଜିଲ୍ଲାରୁ ସର୍ବାଧିକ ୨୦ ଜଣ ପଜିଟିଭ ଚିହ୍ନ ହୋଇଥିବା ବେଳେ ଖୋର୍ଦ୍ଧା ଜିଲ୍ଲାରୁ ୧୪ ଜଣ ଓ ମୟୂରଭଞ୍ଜ ଜିଲ୍ଲାରୁ ୧୧ ଜଣ ପଜିଟିଭ ଚିହ୍ନ ହୋଇଛନ୍ତି । ଏବେବି ରାଜ୍ୟରେ ୮୭୦ ଜଣ ପଜିଟିଭ ରହିଛନ୍ତି । ଢେଙ୍କାନାଳ ୧, ଗଜପତି ୧, ଜଗତସିଂହପୁର ୫, ଯାଜପୁର ୪, ଝାରସୁଗୁଡ଼ା୪, କଳାହାଣ୍ଡି ୭, କେନ୍ଦ୍ରପଡ଼ା ୩, କେଉଁଝର ୨, କୋରାପୁଟ ୧, ନୂଆପଡ଼ା ୪, ରାୟଗଡ଼ା ୧, ସମ୍ବଲପୁର ୩ ଏବଂ ଷ୍ଟେଟ୍ ପୁଲରୁ ୩ ଜଣ ପଜିଟିଭ ଚିହ୍ନଟ ହୋଇଛନ୍ତି ।

ପିପିଲି ଉପନିର୍ବାଚନ ପାଇଁ ବିଧିବଦ୍ଧ ବିଜ୍ଞପ୍ତି ପ୍ରକାଶ, ଆଜିଠୁ ପ୍ରାର୍ଥିପତ୍ର ଦାଖଲ

ପିପିଲି: ପିପିଲି ଉପନିର୍ବାଚନ ପାଇଁ ଆଜି ବିଧିବଦ୍ଧ ବିଜ୍ଞପ୍ତି ପ୍ରକାଶ ପାଇଛି । ଆଜିଠାରୁ ଆରମ୍ଭ ହେବ ପ୍ରାର୍ଥିପତ୍ର ଦାଖଲ । ପ୍ରାର୍ଥୀପତ୍ର ଦାଖଲର ଶେଷ ତାରିଖ ରହିଛି ମାର୍ଚ୍ଚ ୩୦ । ମାର୍ଚ୍ଚ ୩୧ରେ ନାମାଙ୍କନପତ୍ର ଯାଞ୍ଚ କରାଯିବ । ଏପ୍ରିଲ ୩ ରହିଛି ପ୍ରାର୍ଥିପତ୍ର ପ୍ରତ୍ୟାହାରର ଶେଷ ତାରିଖ । ଏପ୍ରିଲ ୧୭ରେ ହେବ ଭୋଟ୍ ଗ୍ରହଣ । ସକାଳ ୭ରୁ ସଂଧ୍ୟା ୬ଯାଏ ଭୋଟ୍ ଗ୍ରହଣ କରାଯିବ । ମେ ୨ରେ ଭୋଟ୍‌ଗଣତି କରାଯିବ । ମେ ୪ସୁଦ୍ଧା ସରିବ ଉପନିର୍ବାଚନ ପ୍ରକ୍ରିୟା । ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କ ପକ୍ଷରୁ ଏନେଇ ବିଧିବଦ୍ଧ ବିଜ୍ଞପ୍ତି ପ୍ରକାଶ ପାଇଛି ।

ତେବେ ନିର୍ବାଚନ ପାଇଁ ରଣନୀତି ପ୍ରସ୍ତୁତ କରୁଛନ୍ତି ବିଭିନ୍ନ ଦଳ । ଏଥିରେ ଆଗରେ ଅଛି ବିଜେଡି । ପ୍ରାର୍ଥୀ ଚୟନ ଲାଗି ଦଳ ପୂର୍ବରୁ ପ୍ରତାପ ଦେବଙ୍କୁ ପର୍ଯ୍ୟବେକ୍ଷକ ଦାୟିତ୍ୱ ଦେଇଥିବା ବେଳେ ଏବେ ପିପିଲି ବିଧାନସଭା ନିର୍ବାଚନ ମଣ୍ଡଳିରେ ନେତାଙ୍କୁ ଦେଇଛି ପଞ୍ଚାୟତ ଦାୟିତ୍ୱ । ପିପିଲି ବ୍ଲକର ୨୫ ପଞ୍ଚାୟତ ଦାୟିତ୍ୱ ମନ୍ତ୍ରୀ ସମୀର ରଞ୍ଜନ ଦାଶ ଓ ବିଜେଡି ନେତା ଅତନୁ ସବ୍ୟସାଚୀ ନାୟକଙ୍କୁ ବିଜେଡି ଦେଇଛି । ସେହିଭଳି ଡେଲାଙ୍ଗ ବ୍ଲକର ୨୧ ପଞ୍ଚାୟତ ଦାୟିତ୍ୱ ମନ୍ତ୍ରୀ ସୁଶାନ୍ତ ସିଂହଙ୍କୁ ଦେଇଛି ଦଳ । ୧୬ ୱାର୍ଡ ବିଶିଷ୍ଟ ପିପିଲି ଏନଏସି ଦାୟିତ୍ୱ ସୁଧିର କୁମାର ସାମଲଙ୍କୁ ଦେଇଛି ବିଜେଡି ।

ଏମାନଙ୍କ ନେତୃତ୍ୱରେ ଅନ୍ୟ ନେତା ଓ ବିଧାୟକଙ୍କୁ ପଞ୍ଚାୟତ ଦାୟିତ୍ୱ ଦିଆଯାଇଛି । ରାଜ୍ୟ ବିଜେଡି କାର୍ଯ୍ୟାଳୟର କର୍ମକର୍ତ୍ତା, ବିଜୁ ଯୁବ ଜନତା ଦଳର ନେତା, ବିଜୁ ଛାତ୍ର ଜନତା ଦଳର ନେତା ଓ ବିଜୁ ମହିଳା ଜନତା ଦଳର ନେତ୍ରୀ ମଧ୍ୟ ପ୍ରତି ପଞ୍ଚାୟତ ସ୍ତରରେ ନେତା ଓ ବିଧାୟକଙ୍କ ନେତୃତ୍ୱରେ କାର୍ଯ୍ୟ କରିବେ । ଏଥିସହ ଦଳ ସୋସିଆଲ୍ ମିଡିଆ ଓ ଭର୍ଚୁଆଲ୍ ମିଟିଂ କୋଅର୍ଡିନେସନ୍ ଲାଗି ୨ ଜଣଙ୍କୁ ଦାୟିତ୍ୱ ଦେଇଛି ।

ମଧ୍ୟପ୍ରଦେଶ: ଅଟୋ ଉପରେ ମାଡିଗଲା ବସ୍, ୧୩ ଜଣଙ୍କ ମୃତ୍ୟୁ

ଭୋପାଳ:  ମଧ୍ୟପ୍ରଦେଶ ଗ୍ୱାଲିୟରଠାରେ ମଙ୍ଗଳବାର ଦିନ ଏକ ବଡ଼ ଧରଣର ସଡ଼କ ଦୁର୍ଘଟଣା ଘଟିଛି । ପୁରାନୀ ଛାବନୀଠାରେ ଅଟୋ ଓ ବସ୍ ମଧ୍ୟରେ ଦୁର୍ଘଟଣା ଘଟି ୧୩ ଜଣଙ୍କର ମୃତ୍ୟୁ ହୋଇଛି । ମୃତ୍ୟୁ ହୋଇଥିବା ୧୩ ଜଣଙ୍କ ମଧ୍ୟରୁ ୧୨ ଜଣ ମହିଳା ଥିବା ବେଳେ ଜଣେ ଅଟୋ ଡ୍ରାଇଭର ଅଛନ୍ତି । ସୂଚନା ପାଇ ପୁଲିସ୍‌ ଘଟଣାସ୍ଥଳରେ ପହଂଚି ଶବଗୁଡ଼ିକୁ ବ୍ୟବଛେଦ ପାଇଁ ପଠାଇଛି ।

ସୂଚନା ମୁତାବକ ବସଟି ଗ୍ୱାଲିୟରରୁ ମୁରେନା ପଟେ ଯାଉଥିଲା, କୁହାଯାଉଛି କି ମହିଳା ମାନେ ୨ ଟି ଅଟୋରେ ଯାଉଥିବା ବେଳେ ଗୋଟିଏ ଅଟୋ ଖରାପ ହୋଇଯାଇଥିଲା । ଫଳରେ ମହିଳାମାନେ ଗୋଟିଏ ଅଟୋରେ ଖୁନ୍ଦା ଖୁନ୍ଧି ହୋଇ ବସି ପଡ଼ିଥିଲେ । ହଠାତ କୌଣସି କାରଣରୁ ବସ୍‌ଟି ଅଟୋ ଉପରେ ମାଡ଼ି ଯାଇଥିଲା । ଫଳରେ ଅଟୋରେ ଥିବା ସମସ୍ତ ୧୨ ଜଣ ମହିଳା ଓ ଅଟୋ ଡ୍ରାଇଭରଙ୍କର ଘଟଣାସ୍ଥଳରେ ମୃତ୍ୟୁ ହୋଇଛି ।

ଏହି ଖବର ପାଇବା ପରେ ମୁଖ୍ୟମନ୍ତ୍ରୀ ଶିବରାଜସିଂ ଚୌହାନ ଦୁଃଖ ପ୍ରକାଶ କରିଛନ୍ତି । ଏହାସହ ପ୍ରତି ମୃତକଙ୍କ ପରିବାରକୁ ୪ ଲକ୍ଷ ଟଙ୍କାର ସହାୟତା ରାଶି ଘୋଷଣା କରିଛନ୍ତି । ଅନ୍ୟପଟେ ବସରେ ଥିବା ଯାତ୍ରୀମାନଙ୍କ ମଧ୍ୟରୁ ୪ ଜଣ ଗୁରୁତର ଆହତ ହୋଇଛନ୍ତି । ମୁଖ୍ୟମନ୍ତ୍ରୀ ସେମାନଙ୍କ ଚିକିତ୍ସା ପାଇଁ ୫୦ ହଜାର ଟଙ୍କା ଲେଖାଏ ସହାୟତା ରାଶି ବି ଘୋଷଣା କରିଛନ୍ତି ।

କବାଡି ଚାମ୍ପିୟନସିପ୍ ଉଦଘାଟନୀ ସମାରୋହରେ ଅଘଟଣ, ଷ୍ଟାଡିୟମ ଗ୍ୟାଲେରୀ ଭୁଶୁଡ଼ି ୧୫୦ରୁ ଅଧିକ ଦର୍ଶକ ଆହତ

ତେଲେଙ୍ଗାନା: କବାଡି ଚାମ୍ପିୟନସିପ୍ ଉଦଘାଟନୀ ସମାରୋହ ବେଳେ ଅଘଟଣ । ଭୁଶୁଡ଼ିଲା ଷ୍ଟାଡିୟମ ଗ୍ୟାଲେରୀ । ଉପସ୍ଥିତ ୧୫୦ରୁ ଉର୍ଦ୍ଧ୍ୱ ଦର୍ଶକ ଆହତ ହୋଇଥିବା ସୂଚନା । ତେଲେଙ୍ଗାନାର ସୂର୍ଯ୍ୟପେଟଠାରେ ଜାତୀୟ ଜୁନିୟର କବାଡ଼ି ଚାମ୍ପିୟନସିପ୍ ଆୟୋଜନ କରାଯାଇଥିବା ବେଳେ ଏହି ଦୁର୍ଘଟଣା ଘଟିଛି ।

ସୋମବାର ସନ୍ଧ୍ୟାରେ ଚାମ୍ପିୟନସିପ୍ ଉଦଘାଟନୀ ଉତ୍ସବ ଆୟୋଜିତ ହୋଇଥିଲା । ଷ୍ଟାଡିୟମ ଗ୍ୟାଲେରୀରେ ଭରପୁର ଦର୍ଶକ ଥିବା ବେଳେ ହଠାତ୍ ଗ୍ୟାଲେରୀ ଭୁଶୁଡ଼ି ପଡ଼ିଥିଲା । ଫଳରେ ଶତାଧିତ ଦର୍ଶକ ଆହତ ହୋଇଥିଲେ । ଏଥିରେ କୌଣସି ଖେଳାଳି କିମ୍ବା ଚାମ୍ପିୟନସିପ୍ ପରିଚାଳନା ଅଧିକାରୀ ଆହତ ହୋଇ ନ ଥିବା ସୂଚନା ରହିଛି ।

ପୋଲିସ ଘଟଣାସ୍ଥଳରେ ପହଞ୍ଚି ଆହତଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଛି । ତେବେ ଘଟଣାରେ କହାରି ମୃତ୍ୟୁ ହୋଇ ନ ଥିବା ପୋଲିସ କହିଛି ।

ଆମେରିକା କୋଲୋରାଡୋ ସୁପର ମାର୍କେଟରେ ଫାଇରିଂ, ପୋଲିସ ଅଧିକାରୀଙ୍କ ସମେତ ପ୍ରାୟ ୧୦ ଜଣଙ୍କ ମୃତ୍ୟୁ

ଯୁକ୍ତରଷ୍ଟ୍ର ଆମେରିକା: ଆମେରିକାର କୋଲୋରାଡୋରେ ଆତଙ୍କ । ସୁପର ମାର୍କେଟରେ ଆଖିବୁଜା ଗୁଳିଚାଳନାରେ ପ୍ରାୟ ୧୦ଜଣଙ୍କ ମୃତ୍ୟୁ । ମୃତକଙ୍କ ମଧ୍ୟରେ ଜଣେ ପୋଲିସ ଅଧିକାରୀ ସାମିଲ ଥିବା ସୂଚନା । ଏଡି ଘଟଣାରେ ପୋଲିସ ଜଣେ ସନ୍ଦିଗ୍ଧ ଯୁବକଙ୍କୁ ଗିରଫ କରିଛି । ଯୁବକଙ୍କ ସ୍ବାସ୍ଥ୍ୟବସ୍ଥା ଗୁରୁତର ଥିବାରେ ତାଙ୍କୁ ମେଡିକାଲରେ ଭର୍ତ୍ତି କରାଯାଇଛି । ଘଟଣା ସମୟରେ ପ୍ରତ୍ୟେକ୍ଷଦର୍ଶୀ କରିଥିବା

ଏକ ଲାଇଭ୍ ଷ୍ଟ୍ରିମିଂ ୟୁଟ୍ୟୁବରେ ପ୍ରସାରିତ ହୋଇଥିଲା। ଦିନ ପ୍ରାୟ ସାଢ଼େ ୨ଟା ବେଳେ ସନ୍ଦିଗ୍ଧ ଯୁବକ ସୁପରମାର୍କେଟ ଭିତରେ ପଶି ଗୁଳି ଚଳାଇବା ଆରମ୍ଭ କରିଥିଲେ । ଗୁଳି ଶବ୍ଦ ଶୁଣି ଲୋକମାନେ ବାହାରକୁ ଦୌଡ଼ିବା ଆରମ୍ଭ କରିଥିଲେ । ହେଲେ ଏହି ସମୟରେ ସୁପରମାର୍କେଟ ଭିତରେ ୩ଜଣଙ୍କ ମୃତଦେହ ପଡ଼ିଥିବା ବେଳେ ପାର୍କିଂ ଓ ଏଣ୍ଟ୍ରିଂ ଗେଟ୍ ପାଖରେ କେତେକଙ୍କ ମୃତଦେହ ପଡ଼ିଥିବା ଦେଖାଯାଇଥିଲା ବୋଲି ପ୍ରତ୍ୟେକ୍ଷଦର୍ଶୀ ସୂଚନା ଦେଇଛନ୍ତି ।

ସମ୍ପୃକ୍ତ ସୁଟରଙ୍କୁ ପୋଲିସ କିଙ୍ଗ ସୁପରସ୍ ନିକଟରୁ ରକ୍ତାକ୍ତ ଅବସ୍ଥାରେ ଉଦ୍ଧାର କରି ମେଡିକାଲରେ ଭର୍ତ୍ତି କରିଛି । ଗୁଳିକାଣ୍ଡର କାରଣ ସମ୍ପର୍କରେ ଏ ଯାଏଁ ଜଣାପଡ଼ି ନ ଥିବା ବେଳେ ଆମେରିକା ରାଷ୍ଟ୍ରପତି ଘଟଣା ଉପରେ ନଜର ରଖିଛନ୍ତି ବୋଲି ହ୍ୱାଇଟ ହାଉସ ପକ୍ଷରୁ କୁହାଯାଇଛି ।

ବାଲେଶ୍ୱରରେ ଯୁବକଙ୍କୁ ଆକ୍ରମଣ, ଗୋଡ଼ାଇ ଗୋଡ଼ାଇ ହାଣିବା ପରେ ବସ୍ତାରେ ବାନ୍ଧି ଫିଙ୍ଗିଦେଲେ ଦୁର୍ବୃତ୍ତ

ବାଲେଶ୍ୱର: ବାଲେଶ୍ୱର ବାହାନଗା ବ୍ଲକ କଲ୍ୟାଣପୁରରେ ଯୁବକଙ୍କୁ ଗୋଡ଼ାଇ ଗୋଡ଼ାଇ ହାଣିଲେ ୪ରୁ ୫ ଦୁର୍ବୃତ୍ତ । ଆକ୍ରମଣରେ ଅରଳା ଗାଁର ପ୍ରଶାନ୍ତ ଦାସ ଗୁରୁତର ହୋଇଛନ୍ତି । ଗୋପାଳପୁର ସ୍ୱାସ୍ଥ୍ୟକେନ୍ଦ୍ରରେ ପ୍ରାଥମିକ ଚିକିତ୍ସା ପରେ ତାଙ୍କୁ ବାଲେଶ୍ୱର ହସପିଟାଲ ସ୍ଥାନାନ୍ତର କରାଯାଇଛି । ଗତକାଲି ବିଳମ୍ବିତ ରାତିରେ ପୂର୍ବଶତ୍ରୁତାକୁ କେନ୍ଦ୍ରକରି ୪ରୁ ୫ ଦୁର୍ବୃତ୍ତ ପ୍ରଶାନ୍ତଙ୍କୁ ଗୋପାଳପୁର ବଜାରରୁ ଉଠାଇ ନେଇଥିଲେ । ପ୍ରଶାନ୍ତଙ୍କୁ ହାଣିବା ପରେ ବସ୍ତାରେ ସିଲାଇ କରି ତାଙ୍କୁ ହାଟୁଆଣିର ପୋଲ ପାଖରେ ପିଙ୍ଗିଦେଇଥିଲେ । ପୋଲିସ ପହଞ୍ଚି ପ୍ରଶାନ୍ତଙ୍କୁ ଉଦ୍ଧାର କରିବା ସହ ମେଡିକାଲରେ ଭର୍ତ୍ତି କରିଛି ।

ଖନ୍ତାପଡ଼ା ଥାନା ନୂଆପୁର ପଞ୍ଚାୟତ ର କେତେକ ଯୁବକଙ୍କ ସହ କଲ୍ୟାଣୀ ପଞ୍ଚାୟତ ଅରଳା ଗ୍ରାମର କେତେକ ଯୁବକ ଙ୍କ ସହ ଶତ୍ରୁତା ଲାଗିଥିଲା। ସୋମବାର ଅପରାହ୍ନରେ ଗୋପାଳପୁର ବଜାରରେ ବିବାଦ ପୁନର୍ବାର ଲାଗିଥିଲା । ପରେ ପରେ କେତେକ ଯୁବକ ମିଶି ପୂର୍ବ ଶତ୍ରୁତାକୁ ନେଇ ପ୍ରଶାନ୍ତଙ୍କୁ ସନ୍ଧ୍ୟାରେ ଗୋପାଳପୁର ବଜାରରୁ ଅପହରଣ କରିନେଇଥିଲେ ।

ରାତି ୧୦.୩୦ ରେ ଗୋପାଳପୁର ଓ ଖନ୍ତାପଡ଼ା ପୋଲିସ ଅପହରଣ ପ୍ରଶାନ୍ତକୁ ହାଟୁଆଣିର ଏକ ପୋଲ ନିକଟରୁ ଉଦ୍ଧାର କରିଥିଲେ। ପରେ ଗୋପାଳପୁର ଚିକିତ୍ସାଲୟରେ ପ୍ରାଥମିକ ଚିକିତ୍ସା କରିଥିଲେ। ଗୁରୁତର ଆହତ ପ୍ରଶାନ୍ତର ମୁଣ୍ଡ ,ଗୋଡ, ହାତକୁ ଦୁର୍ବୃତ୍ତ ମାନେ ହାଣିବା ପରେ ବସ୍ତାରେ ସିଲାଇ କରି ଫିଙ୍ଗି ଦେଇଥିଲେ । ଗୁରୁତର ଆହତ ପ୍ରଶାନ୍ତକୁ ଅଧିକ ଚିକିତ୍ସା ପାଇଁ ବାଲେଶ୍ୱର ସଦର ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି।

ଭିଜିଲାନ୍ସ ପଞ୍ଝାରେ କେନ୍ଦୁଝର ଜିଲ୍ଲା ଘଟଗାଁ ବ୍ଳକ ମୁକୁନ୍ଦପୁର ପାଟଣା ପଞ୍ଚାୟତର GRS

କେଉଁଝର: ଭିଜିଲାନ୍ସ ପଞ୍ଝାରେ କେନ୍ଦୁଝର ଜିଲ୍ଲା ଘଟଗାଁ ବ୍ଳକ ମୁକୁନ୍ଦପୁର ପାଟଣା ପଞ୍ଚାୟତର GRS । ଆୟବହିର୍ଭୁତ ସମ୍ପତି ଠୁଳ ଅଭିଯୋଗରେ GRS ସୌଭାଗ୍ୟ ଲକ୍ଷ୍ମୀ ତ୍ରିପାଠୀଙ୍କ ଘରେ ସମେତ ବିଭିନ୍ନ ସ୍ଥାନରେ ଚଢାଉ କରାଯାଇଛି । କେନ୍ଦୁଝର ଭିଜିଲାନ୍ସ ଓ ବାଲେଶ୍ୱର ଭିଜିଲାନ୍ସ ମିଳିତ ଭାବେ ଏକକାଳିନ ୪ ଜାଗାରେ ଚଢାଉ ଜାରି ରଖିଛନ୍ତି । ଅଫିସ, ବାସଭବନ, ହୋଟେଲ ଓ ଜଣେ ସମ୍ପର୍କୟ ଭାଇଙ୍କ ଘରେ ଭିଜିଲାନ୍ସ ଚଢାଉ କରିଛି । ପୂର୍ବରୁ ଏହି ପଞ୍ଚାୟତଟି ରୋଜଗାର କ୍ଷେତ୍ରରେ ସର୍ବଭାରତୀୟ କ୍ଷେତ୍ରରେ ପୁରସ୍କୃତ ହୋଇଥିଲା ।

ଆଜି ଭାରତ-ଇଂଲଣ୍ଡ ପ୍ରଥମ ଦିନିକିଆ ମ୍ୟାଚ୍: ନବାଗତଙ୍କ ସହ ଅଭିଜ୍ଞଙ୍କୁ ନେଇ ମୈଦାନକୁ ଓହ୍ଲାଇବ ବିରାଟ ବାହିନୀ

ପୁଣେ: ଟେଷ୍ଟ, ଟି-୨୦ ପରେ ଏବେ ଦିନିକିଆ ସିରିଜ୍ ଉପରେ ଭାରତୀୟ କ୍ରିକେଟ୍ ଟିମର ନଜର । ଆଜି ପୁଣେରେ ଭାରତ ଓ ଇଂଲଣ୍ଡ ମଧ୍ୟରେ ଖେଳାଯିବ ପ୍ରଥମ ଦିନିକିଆ ମ୍ୟାଚ୍ । ଅପରାହ୍ନ ୧:୩୦ ମିନିଟରେ ଖେଳାଯିବ ମ୍ୟାଚ୍ । ଦିନିକିଆରେ ଶିଖର ଧାୱନ ଫେରିବା ନେଇ ନିଶ୍ଚିତ ହୋଇଛି । ଓପନର ରୋହିତ ଶର୍ମାଙ୍କ ସହ ଓପନିଂ କରିବେ ଶିଖର ଧାୱନ ।

ସେହିଭଳି ନବାଗତ ଭାବେ ପ୍ରସିଦ୍ଧି କ୍ରିଷ୍ଣା ଡେବ୍ୟୁ କରିପାରନ୍ତି । ଏଥିସହ କ୍ରୁନାଲ ପାଣ୍ଡ୍ୟାଙ୍କୁ ମଧ୍ୟ ମିଳିପାରେ ସୁଯୋଗ । ସେହିଭଳି ହାର୍ଦିକ୍ୟ ପାଣ୍ଡ୍ୟା, ଶ୍ରେୟସ ଆୟାର ଓ ରିସଭ ପନ୍ଥ ୧୧ ଜଣିଆ ଟିମରେ ସାମିଲ ହୋଇପାରନ୍ତି । କ୍ୟାପଟେନ୍ କୋହଲିଙ୍କ ନେତୃତ୍ୱରେ ମୈଦାନକୁ ଓହ୍ଲାଇବ ଟିମ ଇଣ୍ଡିଆ । ପ୍ରଥମେ ଟେଷ୍ଟ ଓ ପରେ ଟି-୨୦ ସିରିଜ୍ ହାରି ସାରିଥିବା ଭ୍ରମଣକାରୀ ଦଳ ଏବେ ଚାପରେ ରହିଛି । ତେଣୁ ଆଜିର ମ୍ୟାଚରେ ଦଳ ଭଲ ପ୍ରଦର୍ଶନ କରିବ ବୋଲି ଆଶା ରଖିଛି । ସେପଟେ ପ୍ରଥମ ମ୍ୟାଚ୍ ଜିତି ବିଜୟ ଅଭିଯାନ ଆରମ୍ଭ କରିବା ଲକ୍ଷ୍ୟରେ ରହିବ ବିରାଟ ବାହିନୀ । ଭାରତ ଓ ଇଂଲଣ୍ଡ ମଧ୍ୟରେ ଖେଳାଯିବ ତିନୋଟି ଏକ ଦିବାସୀୟ ମ୍ୟାଚ୍ ।

ଆଜିର ରାଶିଫଳ: ଏହି ରାଶିର ବ୍ୟକ୍ତି ବିଶେଷ ମାନେ ଭାବିଚିନ୍ତି କଥା କୁହନ୍ତୁ, ହୋଇପାରେ ସମ୍ମାନହାନୀ

ଆଜିର ପଞ୍ଚାଙ୍ଗ:

ଆଜି ମାର୍ଚ୍ଚ ୨୩ ତାରିଖ, ୨୦୨୧, ମଙ୍ଗଳବାର ମୀନ ୧୦ ଦିନ

୧୪୨୮ ସାଲ, ୧୯୪୨ ଶକାବ୍ଦ, ୨୦୭୭ ସମ୍ବତ୍,

ଫାଲ୍‌ଗୁନ୍‌ ମାସ ଶୁକ୍ଳପକ୍ଷ ଦିନ ୧୦ଟା୧୧ ମିନିଟ୍ ପର୍ଯ୍ୟନ୍ତ ନବମୀ

ଏହା ପରେ ଦଶମୀ ତିଥି

ପୁନର୍ବସୁ ନକ୍ଷତ୍ର,

ମିଥୁନ ରାଶିରେ ଚନ୍ଦ୍ର ଅବସ୍ଥାନ କରୁଛନ୍ତି

ଯୋଗିନୀ ପୂର୍ବେ ଦିନ ୧୦ଟା ୧୧ ମିନିଟ୍ ପର୍ଯ୍ୟନ୍ତ ରହିବେ

ଦିନ ୧୦ଟା ୧୧ ମିନିଟ୍ ପରେ ଉତ୍ତରେ ଯାତ୍ରା ନିଷେଧ

କନ୍ୟା ରାଶି ପୁରୁଷ ଏବଂ କୁମ୍ଭ ରାଶି ମହିଳାହଖ୍ର ଘାତଚନ୍ଦ୍ର

ମକର ରାଶିର ଘାତବାର

ଶୁଭ ସମୟ– ଦିନ ୯ଟା ୫୧ ମିନିଟ୍ ଠାରୁ ଦିନ ୧୨ଟା ୧୬ ମିନିଟ୍

ଦିନ ୪ଟା ୨୭ ମିନିଟ୍ ଠାରୁ ସନ୍ଧ୍ୟା ୬ଟା ୪୫ ମିନିଟ୍

ଅଶୁଭ ସମୟ– ଦିନ ୨ଟା ୫୫ ମିନିଟ୍ ଠାରୁ ଦିନ ୪ଟା ୨୬ ମିନିଟ୍

ମହାଉପାୟ

ରାଶି ଅନୁସାରେ ଜାଣନ୍ତୁ କେଉଁ ଦେବାଜଦେବୀଙ୍କୁ ପୂଜା କରିଲେ ଶୁଭ ଫଳ ମିଳିଥାଏ

ପ୍ରତି କାର୍ଯ୍ୟରେ ମିଳିବ ସଫଳତା

ରାଶି ଅନୁସାରେ ବି ଜାଣନ୍ତୁ ଆପଣଙ୍କର ଇଷ୍ଟଦେବ ଓ ଦେବୀ

ମେଷ ରାଶି–

ଅଶ୍ବନୀ– କର୍ମକ୍ଷେତ୍ରକୁ ନେଇ ଶୁଭ ଖବର ମିଳିବ, ସ୍ବାସ୍ଥ୍ୟ ଓ ମନ ଠିକ୍ ରହିବ

ଦ୍ବିଜା– ବିବାଦୀୟ କାର୍ଯ୍ୟରେ ବିଜୟୀ ହେବେ, ଆର୍ଥିକସ୍ଥିତିରେ ସୁଧାର ଆସିବ

କୃତ୍ତିକା– ନୂତନ କର୍ମ ନିଯୁକ୍ତିର ସୁଯୋଗ ଆସିବ, ପୁରା ଦିନ ମନ ଉତ୍ସାହପୂର୍ଣ୍ଣ ରହିବ

ମେଷ ରାଶିର ମହିଳାମାନେ ପରିବାରକୁ ନେଇ ଖୁସି ରହିବେ

ଭଗବାନ ଶିବଙ୍କୁ ମହୁ ଅର୍ପଣ କରନ୍ତୁ

ବୃଷ ରାଶି-

କୃତ୍ତିକା– ଦିନଟି ସାମାନ୍ୟ ରହିବ, କିଛି କଥାକୁ ନେଇ ମନ ଅଶାନ୍ତ ରହିବ

ରୋହିଣୀ– ଦିନଚର୍ଯ୍ୟାରେ ପରିବର୍ତ୍ତନ ଆସିବ, ପରିବାର ମଧ୍ୟରେ ମନାନ୍ତର,ମତାନ୍ତର ଦେଖାଦେବ

ମୃଗଶିରା– ପ୍ରେମ ସଂର୍ପକକୁ ନେଇ ଚିନ୍ତା ବଢିବ, ଯାହାକୁ ନେଇ ମନରେ ଅସ୍ଥିରତା ବୃଦ୍ଧି ପାଇବ

ବୃଷ ରାଶିର ମହିଳାମାନେ କର୍ତ୍ତବ୍ୟପରାୟଣା ହେବେ

ବିଦ୍ୟାର୍ଥୀମାନେ ଶୁଭ ଫଳ ପାଇବେ

ମହାଦେବଙ୍କୁ ଅରୁଆ ଚାଉଳ,କ୍ଷୀର ଅର୍ପଣ କରନ୍ତୁ

ମିଥୁନ ରାଶି-

ମୃଗଶିରା– ଭାବିଚିନ୍ତି କଥା କୁହନ୍ତୁ, ସମ୍ମାନହାନୀ ହୋଇପାରେ

ଆର୍ଦ୍ରା –ବନ୍ଧୁ ପରିଜନଙ୍କ ଠାରୁ ସହଯୋଗ ମିଳିବ, ମନରେ ଅସ୍ଥିରତା ଲାଗି ରହିବ

ପୁନର୍ବସୁ– ପରିବାର ପାଇଁ ଖର୍ଚ୍ଚ ବୃଦ୍ଧି ପାଇବ, ଯାତ୍ରାଜନିତ ଓ କର୍ମଜନିତ କଷ୍ଟ ଅନୁଭବ କରିବେ

ମିଥୁନ ରାଶିର ମହିଳାଙ୍କ ପାଇଁ ଖୁସିର ଦିନ ରହିବ

ମହାଦେବଙ୍କୁ ୨୧ଟି ତ୍ରିଶାକା ବେଲପତ୍ର ଅର୍ପଣ କରନ୍ତୁ

କର୍କଟ ରାଶି-

ପୁନର୍ବସୁ– ଶୁଭ କାର୍ଯ୍ୟରେ ଅର୍ଥ ଖର୍ଚ୍ଚ ହେବ,କର୍ମକ୍ଷେତ୍ରରେ ମାନସମ୍ମାନ ବୃଦ୍ଧି ପାଇବ

ପୁଷ୍ୟା– ପୁରା ଦିନ ସ୍ବାସ୍ଥ୍ୟ ଭଲ ରହିବ,ମାନସିକ ଶାନ୍ତି ଅନୁଭବ କରିବେ

ଅଶ୍ଳେଷା– କାର୍ଯ୍ୟ ବ୍ୟସ୍ତତା ମଧ୍ୟରେ ସମୟ କଟିବ, ଦାୟିତ୍ବ ନେଇଥିବା କାର୍ଯ୍ୟରେ ସଫଳତା ପାଇବେ

ଏହି ରାଶିର ମହିଳାମାନେ ସନ୍ତାନ ଓ ପରିବାରକୁ ନେଇ ଖୁସି ରହିବେ

ଦହି ଖାଇ କାର୍ଯ୍ୟ ଆରମ୍ଭ କରନ୍ତୁ, ଦିନଟି ବହୁତ ଭଲରେ କଟିବ

ସିଂହ ରାଶି-

ମଘା– କର୍ମକ୍ଷେତ୍ରକୁ ନେଇ ଚିନ୍ତା ବଢିବ, ମନରେ ଅସ୍ଥିରତା ଲାଗି ରହିବ

ପୂ:ଫା– ପରିବାର ମଧ୍ୟରେ ଭୁଲବୁଝାମଣାକୁ ନେଇ ମନ ଅଶାନ୍ତ ରହିବ, ସତର୍କ ହୋଇ ଚଳନ୍ତୁ

ଉ:ଫା– ଭାବୁଥିବା କାମକୁ ନେଇ ଶୁଭ ଖବର ମିଳିବ, ଆର୍ଥିକସ୍ଥିତିରେ ଉନ୍ନତି ହେବ

ସିଂହ ରାଶିର ମହିଳାମାନେ ସତର୍କ ହୋଇ ଆଜି ଦିନରେ ଚଳିବେ, କିଛି ସମସ୍ୟା ଆସିପାରେ

ଧର୍ମସ୍ଥାନରେ ଚିନି କିମ୍ବା ଘିଅ ଦାନ କରନ୍ତୁ

କନ୍ୟା ରାଶି-

ଉ:ଫା– ସୁଖଶାନ୍ତିର ସହିତ ଦିନଟି କାଟିବେ, ସ୍ବାସ୍ଥ୍ୟରେ ପରିବର୍ତ୍ତନ ଆସିବ

ଅଧୁରାକାମକୁ ସାକାର କରିବାରେ ସମର୍ଥ ହେବେ

ହସ୍ତା– ନୂତନ କର୍ମାରମ୍ଭ କରିପାରନ୍ତି, ସୁଖ,ସମୃଦ୍ଧି ସହିତ କାର୍ଯ୍ୟସିଦ୍ଧି ହେବ, ଦିନଟି ସପକ୍ଷରେ ରହିବ

ଚିତ୍ରା – ମଧୁର କଥା ଦ୍ବାରା କର୍ଯ୍ୟ ହାସଲ କରିନେବେ

କନ୍ୟା ରାଶିର ଗୃହିଣୀମାନେ ମାନସିକ ଶାନ୍ତି ଅନୁଭବ କରିବେ

ଧଳାବସ୍ତ୍ର ପରିଧାନ କରନ୍ତୁ, ମନରେ ଉତ୍ସାହ ବଢିବ

ତୁଳା ରାଶି-

ଚିତ୍ରା– ଶାରିରୀକ,ମାନସିକ କଷ୍ଟ ମିଳିବ,କୌଣସି ଗୁରୁତ୍ବପୂର୍ଣ୍ଣ ନିଷ୍ପତ୍ତି ନିଅନ୍ତୁ ନାହିଁ, ଠକାମୀରେ ପଡିପାରନ୍ତି

ସ୍ବାତୀ– ଶୁଭ କାର୍ଯ୍ୟରେ ଅର୍ଥ ଖର୍ଚ୍ଚ କରିପାରନ୍ତି, ଅପୂରଣୀୟ ଆଶା ପୂରଣ ହେବ

ବିଶାଖା– ଆକସ୍ମିକ ଖର୍ଚ୍ଚ ବୃଦ୍ଧିକୁ ନେଇ ମନ ଖରାପ ରହିବ, ଅନ୍ୟକୁ ଭୁଲ୍ ବୁଝିବେ

ଯାହାକୁ ନେଇ ଅନ୍ୟମାନଙ୍କ ପାଖରେ ସମାଲୋଚିତ ହୋଇପାରନ୍ତି

ଓଁ ନମଃ ଶିବାୟ ମନ୍ତ୍ରକୁ ୨୧ ଥର ଜପ କରନ୍ତୁ

ବିଛା ରାଶି-

ବିଶାଖା ନକ୍ଷତ୍ର– ଦିନଟି ବହୁତ ଭଲରେ କଟିବ, ପ୍ରତ୍ୟେକଟି କ୍ଷେତ୍ରରେ ସଫଳତା ମିଳିବ

ଅନୁରାଧା ନକ୍ଷତ୍ର– ନିଜ କାମ ଓ ବ୍ୟବହାରକୁ ନେଇ ମାନସମ୍ମାନ ମିଳିବ, ମନରେ ଥିବା ଇଛା ପୂରଣ ହେବ

ଜ୍ୟେଷ୍ଠା ନକ୍ଷତ୍ର – ଶୁଭ କାର୍ଯ୍ୟ ଶୁଭାରମ୍ଭ କରିପାରନ୍ତି, ବାଣିଜ୍ୟ,ବ୍ୟବସାୟରେ ଲାଭବାନ ରହିବେ

ବିଛା ରାଶିର ମହିଳାମାନେ ପୁରା ଦିନ ହସଖୁସିରେ କାଟିବେ

କୌଣସି ମହିଳାଙ୍କୁ କିଛି ଉପହାର ଦିଅନ୍ତୁ

ଧନୁ ରାଶି –

ମୂଳା ନକ୍ଷତ୍ର – କର୍ମକ୍ଷେତ୍ରକୁ ନେଇ ଶୁଭ ଖବର ପାଇବେ, ଚେଷ୍ଟା ସଫଳ ହେବ

ପୂର୍ବାଷାଢା ନକ୍ଷତ୍ର – ପୂର୍ବରୁ ରଖିଥିବା ଯୋଜନାକୁ ସଫଳ କରିବାରେ ସକ୍ଷମ ହେବେ

ଉତ୍ତରାଷାଢା ନକ୍ଷତ୍ର– ବନ୍ଧୁଙ୍କର ପରାମର୍ଶ ଓ ସହଯୋଗ ମିଳିବ, ପୂଜା ପାଠରେ ମନ ଲାଗି ରହିବ

ଗହଳଦୀରଙ୍ଗର ବସ୍ତ୍ର ପରିଧାନ କରନ୍ତୁ, ଶୁଭ ଖବର ପାଇବେ

ମକର ରାଶି –

ଉତ୍ତରାଷାଢା ନକ୍ଷତ୍ର –ପାରିବାରିକ ବୁଝାମଣା ଭଲ ରହିବ, ଆର୍ଥିକଲାଭର ସୁଯୋଗ ଆସିବ

ଶ୍ରବଣା ନକ୍ଷତ୍ର – ପୁରା ଦିନ ମନରେ ଉତ୍ସାହ ଭରି ରହିବ, ଦେହ, ମନ ଭଲ ରହିବ ନାହିଁ

ଧନିଷ୍ଠା ନକ୍ଷତ୍ର – ଆର୍ଥିକ ଓ ପାରିବାରିକସ୍ଥିତିକୁ ନେଇ ଖୁସି ରହିବେ

ନୀଳ କିମ୍ବା ସବୁଜ ରଙ୍ଗ ବସ୍ତ୍ର ପରିଧାନ କରନ୍ତୁ

କୁମ୍ଭ ରାଶି –

ଧନିଷ୍ଠା ନକ୍ଷତ୍ର – ସ୍ବାସ୍ଥ୍ୟ ଦୃଷ୍ଟିରୁ ଦିନଟି ବହୁତ ଭଲ ରହିବ, ଭାବୁଥିବା କିମ୍ବା ଚେଷ୍ଟାରେ ଥିବା ସବୁ କାର୍ଯ୍ୟରେ ସଫଳତା ପାଇବେ

ଶତଭିଷା ନକ୍ଷତ୍ର – ଅଧୁରା କାର୍ଯ୍ୟକୁ ପୂର୍ଣ୍ଣାଙ୍ଗ କରିବାରେ ସମର୍ଥ ହେବେ

ପୂର୍ବଭାଦ୍ର ନକ୍ଷତ୍ର –କିଛି ଭଲ କାମ କରିବା ପାଇଁ ଇଛା କରିବେ, ଧାର୍ମିକ କାର୍ଯ୍ୟରେ ମନ ଲାଗି ରହିବ

ଧଳାରଙ୍ଗର ବସ୍ତ୍ର ପରିଧାନ କରନ୍ତୁ, ଦିନଟି ଭଲରେ କଟିବ

ମୀନ ରାଶି –

ପୂର୍ବଭାଦ୍ର ନକ୍ଷତ୍ର – ଅଯଥା ଖର୍ଚ୍ଚ ବୃଦ୍ଧି ପାଇବ, ପୁରା ଦିନ ବ୍ୟସ୍ତତା ମଧ୍ୟରେ କଟିବ

ଉତ୍ତରଭାଦ୍ର ନକ୍ଷତ୍ର – ଧିରସ୍ଥିର ହୋଇ ସଂଯମତା ରଖି କଥା କୁହନ୍ତୁ, ପୁରା ଦିନ ସତର୍କ ରୁହନ୍ତୁ

ରେବତୀ ନକ୍ଷତ୍ର – ଭଲ କାମ କରି ମଧ୍ୟ ସମାଲୋଚିତ ହେବାକୁ ପଡିପାରେ ଅନ୍ୟକୁ ବିଶ୍ବାସ କରନ୍ତୁ ନାହିଁ

ଓଁ ନମଃ ଶିବାୟ ମନ୍ତ୍ରକୁ 21ଥର ଜପ କରନ୍ତୁ

ମହାଉପାୟ

ବୁଧ ଗ୍ରହଘ୍କର ରାଶି ପରିବର୍ତ୍ତନରେ ଶୁଭ ପ୍ରଭାବ ରହିବ ୧୦ଟି ରାଶି ଉପରେ

ମେଷ ରାଶିର ବ୍ୟକ୍ତିମାନଙ୍କର ଆର୍ଥିକ ଉନ୍ନତି ହେବ, ନୂତନ କର୍ମ ନିଯୁକ୍ତି ମିଳିବ,ପାରିବାରିକସ୍ଥିତି ଭଲ ରହିବ

ବୃଷ ରାଶିର ବ୍ୟକ୍ତିମାନଙ୍କର ବ୍ୟବସାୟ ଓ କର୍ମକ୍ଷେ୍ରରେ ଆସିବ ପରିବର୍ତ୍ତନ ।ଶିକ୍ଷା ଓକ୍ୟାରିୟରେ ମିଳିବ ସଫଳତା

ମିଥୁନ ରାଶିର ବ୍ୟକ୍ତିମାନଙ୍କର ମାନସମ୍ମାନ ବୃଦ୍ଧି ହେବ, ଆର୍ଥିକ ଲାଭ ସହ ସମସ୍ତ ପ୍ରକାରର ସୁଖସୁବିଧା ମିଳିବ

ସିଂହ ରାଶିର ବ୍ୟକ୍ତିମାନଙ୍କର ମାନସମ୍ମାନ ବୃଦ୍ଧି ସହ ଆର୍ଥିକ ଲାଭ ମିଳିବ

ଦାମ୍ପତ୍ୟ ଜୀବନ ଓ ପାରିବାରିକ ଜୀବନରେ ସୁଧାର ଆସିବ

ଅବିବାହିତ ମାନଙ୍କ ପାଇଁ ବିବାହ ପ୍ରସ୍ତାବ ଚୁଡାନ୍ତ ହେବ

କନ୍ୟା ରାଶି ବ୍ୟକ୍ତିମାନଙ୍କର ଋଣରୁ ମିଳିବ ମୁକ୍ତି

ପାରିବାରିକ ଶାନ୍ତି ସହ ଦୁର ଯାତ୍ରାରେ ମିଳିବ ସଫଳତା

ନୂତନ କର୍ମ ନିଯୁକ୍ତିର ସୁଯୋଗ ଆସିବ

ତୁଳା ରାଶିର ବ୍ୟକ୍ତିମାନଙ୍କର ସେୟାର ମାର୍କେଟରେ ମିଳିବ ଅଧିକ ଲାଭ

ବକେୟା କାର୍ଯ୍ୟରେ ମିଳିବ ସଫଳତା

ଧନ ଲାଭ ସହିତ ଭାଗ୍ୟରେ ହେବ ପରିବର୍ତ୍ତନ

ବିଛା ରାଶିର ବ୍ୟକ୍ତିମାନଙ୍କର ନୂତନ ସ୍ଥାନ ଲାଭ ହୋଇପାରେ

ଆର୍ଥିକ ଉନ୍ନତି ସବ ପୂର୍ବରୁ ପରିବାର ମଧ୍ୟରେ ଥିବା ମନାନ୍ତର ଓ ଅଶାନ୍ତି ଦୁର ହେବ

ମାନସମ୍ମାନ ସହିତ ମିତ୍ରବନ୍ଧୁଙ୍କ ସହଯୋଗ ମିଳିବ

ଧନୁ ରାଶିର ବ୍ୟକ୍ତିମାନଙ୍କର ବିବାଦୀୟ କାର୍ଯ୍ୟରେ ବିଜୟୀ ହେବେ

ପରାକ୍ରମ ସାହସ ବଢିବ

ଆର୍ଥିକ ଏବଂ କର୍ମକ୍ଷେତ୍ରକୁ ନେଇ ରହୁଥିବା ଚିନ୍ତା ଦୁର ହେବ

ମକର ରାଶିର ବ୍ୟକ୍ତିମାନଙ୍କର ପରିବାରରେ ଖୁସି ରହିବ, କଥାରେ ସୁଧାର ଆସିବ

ଧଲଲାଭର ସୁଯୋଗ ଆସିବ

ଋଣ ମୁକ୍ତିର ସୁଯୋଗ ଆସିବ

କୁମ୍ଭ ରାଶିର ବ୍ୟକ୍ତିମାନଙ୍କର ମାନସମ୍ମାନ ବୃଦ୍ଧି ହେବ

ଉଚ୍ଚଶିକ୍ଷା ଆଶା ସଫଳ ହେବ

ଆର୍ଥିକ ସ୍ଥିତିର ଆସିବ ବଡ ପରିବର୍ତ୍ତନ

ଋଣ ମୁକ୍ତିର ସୁଯୋଗ ପାଇବେ

ଅଶୁଭ ପ୍ରଭାବ

କର୍କଟ ରାଶିର ବ୍ୟକ୍ତିମାନଙ୍କର ଆର୍ଥିକ ସ୍ଥିତି ଖରାପ ରହିବ

ମାନସିକ ଚିନ୍ତା ବଢିବ

ଅଧିକ ସଂଘର୍ଷ ପରେ ହିଁ ସଫଳତା ମିଳିବ

ମୀନ ରାଶିର ବ୍ୟକ୍ତିମାନଙ୍କର ମାନସିକ ଚିନ୍ତା ବଢିବ

ସ୍ବାସ୍ଥ୍ୟ ସମସ୍ୟା ପ୍ରଭାବିତ ହେବ

ଅଯଥା ଖର୍ଚ୍ଚ ବଡିବ

ବିଶେଷ କରି ପରିବାର ମଧ୍ୟରେ ଅଶାନ୍ତି ଲାଗି ରହିବ