spot_img
Home Blog Page 5849

କେନ୍ଦ୍ରକୁ ହାଇକୋର୍ଟଙ୍କ ନିର୍ଦ୍ଦେଶ; ଦିଲ୍ଲୀକୁ ଯେମିତି ହେଲେବି 490 MT ଅକ୍ସିଜେନ୍ ମିଳୁ

ନୂଆଦିଲ୍ଲୀ: କରୋନା ମହାମାରୀ ସମୟରେ ଦେଶରେ ଜାରି ରହିଛି ଅକ୍ସିଜେନ୍ ସଙ୍କଟ । ଏନେଇ ହାଇକୋର୍ଟରେ ଶୁଣାଣି ଜାରି ରହିଛି । ଏହା ମଧ୍ୟରେ ଅକ୍ସିଜେନ୍ ଅଭାବରୁ ଦିଲ୍ଲୀର ବତ୍ରା ହସ୍ପିଟାଲରେ ପ୍ରାୟ ୮ ଜଣ ରୋଗୀଙ୍କ ମୃତ୍ୟୁ ଘଟିଛି । ଯେଉଁଥିରେ ଜଣେ ଡାକ୍ତର ମଧ୍ୟ ସାମିଲ ରହିଛନ୍ତି ।

ସୂଚନା ଅନୁଯାୟୀ ବାତ୍ରା ହସ୍ପିଟାଲରେ ଅକ୍ସିଜେନ୍ ପହଞ୍ଚିବା ପୂର୍ବରୁ ଏଭଳି ହୃଦୟ ବିଦାରକ ଘଟଣା ଘଟିଯାଇଥିଲା। ହସ୍ପିଟାଲ୍ ପକ୍ଷରୁ ଜାରି ବୟାନ୍ ଅନୁଯାୟୀ, ‘‘ଆମକୁ ସମୟରେ ଅକ୍ସିଜେନ୍ ମିଳନଥିଲା । ଦ୍ୱିପ୍ରହର ୧୨ଟା ବେଳକୁ ଅକ୍ସିଜେନ୍ ସରି ଆସିଥିବା ବେଳେ ଆମକୁ ଦେଢ ଘଣ୍ଟା ବିଳମ୍ବରେ ଅକ୍ସିଜେନ୍ ଦିଆଯାଇଥିଲା । ସମୟରେ ଅକ୍ସିଜେନ୍ ନମିଳିବାରୁ ଅନେକ ମୂଲ୍ୟବାନ ଜୀବନ ଶେଷ ହୋଇଯାଇଛି’’ ।

ତେବେ ଏନେଇ ହାଇକୋର୍ଟରେ ଶୁଣାଣି ବେଳେ ବାତ୍ରା ହସ୍ପିଟାଲ ପକ୍ଷରୁ କୁହାଯାଇଥିଲା ଯେ ମେଡିକାଲ ପାଖରେ କେବଳ ୧ ଘଣ୍ଟା ପାଇଁ ଅକ୍ସିଜେନ୍ ରହିଛି । ପ୍ରତିଦିନ କିଛି କିଛି ଘଣ୍ଟା ସଙ୍କଟରେ ବିତୁଛି ।

ଏହି ପୂରା ଘଟଣାକୁ ନେଇ ଦିଲ୍ଲୀ ସରକାର କୋର୍ଟକୁ କହିଛନ୍ତି ଯେ ଦିଲ୍ଲୀରେ ଅକ୍ସିଜେନ୍ ଟ୍ୟାଙ୍କରକୁ ପ୍ରାଥମିକତା ଦିଆଯାଉନାହିଁ । ଯେଉଁଥିପାଇଁ ପ୍ରତିଦିନ ସଂଘର୍ଷ କରିବାକୁ ପଡୁଛି । ଏହା ମଧ୍ୟରେ ବିରାଟ ଗୁପ୍ତା ନାମକ ଜଣେ ବ୍ୟକ୍ତି କହିଛନ୍ତି ଯେ ୧୨ ରାଜନୈତିକ ଦଳ ଅକ୍ସିଜେନର କଳାବଜାରୀରେ ଲାଗିଛନ୍ତି ।

ଯାହା ପରେ ହାଇକୋର୍ଟ କହିଛନ୍ତି, ‘‘ଯାହା ବି ହେଇଯାଉ ଆଜି 490MT ଅକ୍ସିଜେନ୍ ପହଞ୍ଚିବା ଦରକାର । ଯଦି ନିର୍ଦ୍ଦେଶ ପାଳନ ନହୁଏ ତାହେଲେ ଏହାକୁ ଅଦାଲତ ଅବମାନନା ବୋଲି ବିଚାର କରାଯିବ । ନିର୍ଦ୍ଦେଶ କାର୍ଯ୍ୟକାରୀ ନହେଲେ DPIIT  ସଚିବଙ୍କୁ ଆଗାମୀ ଶୁଣାଣିରେ କୋର୍ଟରେ ହାଜର ହେବାକୁ ପଡିବ ।

ଭାରତରେ ପହଞ୍ଚିଲା ଋଷ ଟିକା ସ୍ପୁଟନିକ୍-ଭି: ଜରୁରୀକାଳୀନ ବ୍ୟବହାରକୁ ମିଳିଛି ଅନୁମତି

ହାଇଦ୍ରାବାଦ: ଆଜି ଭାରତରେ ପହଁଞ୍ଚିଲା ସ୍ପୁଟନିକ୍‌-ଭି ଟିକା । ଋଷରୁ ସ୍ବତନ୍ତ୍ର ବିମାନ ଯୋଗେ ହାଇଦ୍ରାବାଦରେ ଟିକା ଆସି ପହଞ୍ଚିଛି । ପ୍ରଥମ ପର୍ଯ୍ୟାୟରେ ୨ଲକ୍ଷ ଟିକା ଭାରତରେ ପହଞ୍ଚିଛି । ଋଷିଆ ପ୍ରସ୍ତୁତ ଏହି ଟିକାର ବ୍ୟବହାର ପାଇଁ ଭାରତ ସହ ପୂର୍ବରୁ ଚୁକ୍ତି ବଦ୍ଧ ହୋଇଥିଲା । ଭାରତରେ ଏହାର ଜରୁରୀକାଳୀନ ବ୍ୟବହାର ପାଇଁ ଅନୁମତି ମିଳିଥିଲେ ମଧ୍ୟ ଡକ୍ଟର ରେଡ୍ଡୀ ଲ୍ୟାବ ଏହି ଟିକାର ପରୀକ୍ଷଣ କରିବ । ସାରା ଦେଶରେ ଟିକାର ଅଭାବ ଦେଖାଦେଇଥିବା ବେଳେ ସ୍ପୁଟ୍‌ନିକ୍‌ ଭି ଟିକା ସମସ୍ୟାର ସମାଧାନ କରିବ ବୋଲି ଆଶା କରାଯାଉଛି । ଏଥିସହ ଆଜିଠୁ ତୃତୀୟ ପର୍ଯ୍ୟାୟ ଟିକାକରଣ ଆରମ୍ଭ ହେଉଥିବା ବେଳେ ସ୍ପୁଟ୍‌ନିକ୍ ଭି ଟିକା ବ୍ୟବହାର ଖୁବଶୀଘ୍ର ବ୍ୟବହାର କରାଯିବ ।

ଏଥିସହିତ ପଢ଼ନ୍ତୁ: ଟିକାକରଣ ନେଇ ଆଜି ସନ୍ଧ୍ୟାରୁ କୋଓ୍ୱିନ୍ ପୋର୍ଟାଲ ମାଧ୍ୟମରେ ସ୍ଲଟ୍ ବୁକ୍ କରିପାରିବେ

ବିମାନ ଯାତ୍ରା ଉପରେ ପ୍ରତିବନ୍ଧକ ଲଗାଇଲା ଆମେରିକା

ନୂଆଦିଲ୍ଲୀ: ଭାରତରୁ ବିମାନ ଯାତ୍ରା ଉପରେ ପ୍ରତିବନ୍ଧକ ଲଗାଇଲା ଆମେରିକା। ମଙ୍ଗଳବାର ମଧ୍ୟରାତ୍ରିରୁ ତଥା ମେ ମାସ ୪ ତାରିଖରୁ ଭାରତରୁ ଅଣ ଆମେରିକୀୟ ନାଗରିକଙ୍କ ଯାତ୍ରା ଉପରେ କଟକଣା ଲଗାଇଛନ୍ତି ବାଇଡେନ ସରକାର। ଭାରତରେ କରୋନା ସଂକ୍ରମଣକୁ ଦୃଷ୍ଟିରେ ରଖି ବିମାନ ଯାତ୍ରା ଉପରେ କଟକଣା ଲଗାଇଛି ଆମେରିକା ।

ଶୁକ୍ରବାର ହ୍ବାଇଟ୍ ହାଉସ୍ ପକ୍ଷରୁ ଏ ନେଇ ସୂଚନା ଦିଆଯାଇଛି । ଭାରତରେ ଲଗାତାର କରେନା ସଂକ୍ରମିତଙ୍କ ସଂଖ୍ୟା ବଢୁଛି । ଦୈନିକ ସଂକ୍ରମଣ ୪ ଲକ୍ଷ ପାର୍ କରିଥିବା ବେଳେ ଏହାକୁ ଦୃଷ୍ଟିରେ ରଖି ବିମାନ ଯାତ୍ରାରେ ସାମୟିକ ଭାବେ ପ୍ରତିବନ୍ଧକ ଲଗାଇଛି ଆମେରିକା ।

ସୂଚନା ଅନୁଯାୟୀ, ଭାରତରେ ଥିବା ଆମେରିକୀୟ ନାଗରିକମାନେ ଯାଇପାରିବେ । ତେବେ ଛାତ୍ର, ସାମ୍ବାଦିକ ଓ ବିଭିନ୍ନ ଏକାଡେମି ପାଇଁ ପ୍ରତିବନ୍ଧକରେ କିଛିଟା କୋହଳ କରାଯାଇଛି ।

ଅଧିକ ପଢନ୍ତୁ-  ଦେଶରେ ସଂକ୍ରମଣ ଭାଙ୍ଗିଲା ସବୁ ରେକର୍ଡ, ଦିନକରେ ୪ ଲକ୍ଷରୁ ଅଧିକ ପଜିଟିଭ୍ ଚିହ୍ନଟ

କାଲିଫର୍ଣ୍ଣିଆରୁ ଦିଲ୍ଲୀରେ ପହଞ୍ଚିବ ସାହାଯ୍ୟ, ପ୍ରତ୍ୟେକ ଅମ୍ଳଜାନ ସିଲିଣ୍ଡରରେ ‘ଜୟ ହିନ୍ଦ’ ଲେଖି ପଠାଉଛି ଆମେରିକା

ନୂଆଦିଲ୍ଲୀ: କରୋନାର ଦ୍ୱିତୀୟ ଲହର ଭାରତରେ କରାଳ ରୂପ ଦେଖାଉଛି। ଦୈନିକ ଲକ୍ଷାଧିକ କରୋନା ସଂକ୍ରମିତ ଚିହ୍ନଟ ହେଉଥିବାବେଳେ ଡାକ୍ତରଖାନାରେ ବେଡ୍ ଓ ଅମ୍ଳଜାନ ଅଭାବରୁ ପ୍ରତ୍ୟେକ ଦିନ ହଜାର ହଜାର ରୋଗୀ ପ୍ରାଣ ହରାଉଛନ୍ତି। ଭାରତର ଏଭଳି ସଙ୍କଟ ସମୟରେ ଅନେକ ଦେଶ ସାହାଯ୍ୟର ହାତ ବଢ଼ାଇଛନ୍ତି।

ବିଶ୍ଵର ୪୦ ଟି ଦେଶ ଭାରତକୁ ସାହାଯ୍ୟ ପଠାଉଛନ୍ତି। ତେବେ ବର୍ତ୍ତମାନ କାଲିଫର୍ନିଆର ଟ୍ରାଭିସ୍ ବାୟୁସେନା ବେସରେ ଆମେରିକାର ବାୟୁସେନା କର୍ମଚାରୀମାନେ ଏକ C-5M ସୁପର ଗାଲାକ୍ସି ବିମାନରେ ଭାରତ ପାଇଁ କୋରୋନାର ଚିକିତ୍ସା ସାମଗ୍ରୀ ଲୋଡ୍ କରୁଛନ୍ତି। ଏହି ଜିନିଷଗୁଡ଼ିକରେ ୪୪୦ ଅମ୍ଳଜାନ ସିଲିଣ୍ଡର ଓ ରେଗୁଲଟର, ୧୦ ଲକ୍ଷ N-95 ମାସ୍କ ଏବଂ ୧୦ ଲକ୍ଷ ରାପିଡ୍ ଟେଷ୍ଟିଂ ପ୍ରଭୃତି ରହିଛି। ରୋଚକ କଥା ହେଉଛି ଆମେରିକାରୁ ପଠାଯାଉଥିବା ପ୍ରତ୍ୟେକ ଅମ୍ଳଜାନ ସିଲିଣ୍ଡରରେ ‘ଜୟ ହିନ୍ଦ’ ଷ୍ଟିକର।

ଆମେରିକା ଦ୍ଵାରା ଭାରତକୁ ପଠାଯାଉଥିବା ସାହାଯ୍ୟର ଏହା ହେଉଛି ପ୍ରଥମ ଫେଜ। ଏହି ବିମାନ ଆଜି ଦିଲ୍ଲୀର ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦରରେ ପହଞ୍ଚିବ। ଏହା ପରେ, ଆଗାମୀ ଦିନରେ ମଧ୍ୟ, ଆମେରିକାରୁ ଅନ୍ୟାନ୍ୟ ସାମଗ୍ରୀ ଗୋଟିଏ ପରେ ଗୋଟିଏ ପହଞ୍ଚିଯିବ। ଏହି ଯୋଗାଣ ଭାରତର ସ୍ୱାସ୍ଥ୍ୟ ଏବଂ ଫ୍ରଣ୍ଟଲାଇନ କର୍ମଚାରୀମାନଙ୍କୁ କରୋନା ବିରୁଦ୍ଧ ଲଢେଇରେ ସାହାଯ୍ୟ କରିବ।

ହ୍ୱାଇଟ୍ ହାଉସରୁ ମିଳିଥିବା ସୂଚନା ଅନୁଯାୟୀ, ଆଗାମୀ ଦିନରେ ଆମେରିକା ୧୧ ଶହ ଅମ୍ଳଜାନ ସିଲିଣ୍ଡର, ୧୭ ଶହ କନ୍ସେଣ୍ଟ୍ରେଟର, ଅମ୍ଳଜାନ ଉତ୍ପାଦନ ୟୁନିଟ୍, ୧.୫ କୋଟି N-95 ମାସ୍କ, କୋଭିଶିଲ୍ଡ୍ ଟିକା ପାଇଁ କଞ୍ଚାମାଲ ଏବଂ ୨୦ ହଜାର ରେମେଡିସଭୀର ଇଞ୍ଜେକ୍ସନ ଭାରତକୁ ପଠାଇବ।

ତେବେ କେବଳ ଆମେରିକା ନୁହେଁ ବ୍ରିଟେନ, ଫ୍ରାନ୍ସ, ଜର୍ମାନୀ, ଚୀନ, ଅଷ୍ଟ୍ରେଲଆ ସମେତ ବିଶ୍ଵର ୪୦ଟି ଦେଶ ଭାରତକୁ ସହାୟତା ପଠାଉଛନ୍ତି। ଫଳରେ ଆଗାମୀ ଦିନରେ ପାଖାପାଖି ୫ ଶହ ଅମ୍ଳଜାନ ଉତ୍ପାଦନକାରୀ ଉଦ୍ଭିଦ, ୪ ହଜାର କନ୍ସେଣ୍ଟ୍ରେଟର, ଦଶ ହଜାର ସିଲିଣ୍ଡର ପହଞ୍ଚିବ।

ଟିକାକରଣ ନେଇ ଆଜି ସନ୍ଧ୍ୟାରୁ କୋଓ୍ୱିନ୍ ପୋର୍ଟାଲ ମାଧ୍ୟମରେ ସ୍ଲଟ୍ ବୁକ୍ କରିପାରିବେ

ଭୁବନେଶ୍ୱର: ମେ’ ୧ରୁ ଆରମ୍ଭ ହୋଇଛି ୧୮ରୁ ୪୪ ବର୍ଷ ବୟସ୍କଙ୍କ ଟିକାକରଣ । ନୟାପଲ୍ଲୀରେ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଏ ନେଇ ଡ୍ରାଏ ରନ୍ ମଧ୍ୟ କରାଯାଇଛି । ସୋମବାରଠୁ ଏହା ବ୍ୟାପକ ହେବ । ଟିକା ନେବା ଲାଗି ଆଜିଠୁ କୋୱିନ୍ ପୋର୍ଟାଲରେ ସ୍ଲଟ୍ ମିଳିବ । ବିନା ପଞ୍ଜିକରଣରେ କାହାକୁ ମିଳିବନି ଟିକା । ଭୁବନେଶ୍ୱରରେ ଟିକାର ଅଭାବ ନାହିଁ ବୋଲି କହିଛନ୍ତି ବିଏମ୍‌ସି କମିଶନର ପ୍ରେମଚନ୍ଦ୍ର ଚୌଧୁରୀ । ସମ୍ପ୍ରତି ୭୫୮୮ ଜଣ ସକ୍ରିୟ କରୋନା ରୋଗୀ ଭୁବନେଶ୍ବରରେ ରହିଛନ୍ତି। ଦୈନିକ ୧ ହଜାର କରୋନା ସଂକ୍ରମିତ ଚିହ୍ନଟ ହେଉଛନ୍ତି । ବିଭିନ୍ନ ହସ୍ପିଟାଲରେ ୩୫୫୩ଟି ବେଡ୍ ଉପଲବ୍ଧ  । ଏଥିରୁ ୫୩୧ ଆଇସିୟୁ, ୮୩୬HUD, ୨୧୮୬ ସାଧାରଣ ବେଡ୍ ରହିଛି । ୯୫ ପ୍ରତିଶତ ସାଧାରଣ ବେଡ୍‌ରେ ଅକ୍ସିଜେନ୍ ସଂଯୋଗ ରହିଛି । ୯୦% ଆଇସିୟୁ, ୫୦ % ଏଚ୍‌ୟୁଡି ଏବଂ ସାଧାରଣ ବେଡ୍‌ରେ ରୋଗୀ ଚିକିତ୍ସା ହେଉଛନ୍ତି । ୮୫ ପ୍ରତିଶତ ରୋଗୀ ଏବେ ଘରେ ରହି ଚିକିତ୍ସିତ ହେଉଛନ୍ତ । ଆରଆର୍ଟିମାନେ ଭିଡିଓ କନ୍‌ଫରେନ୍ସିଂ ମାଧ୍ୟମରେ ପରାମର୍ଶ ଦେଉଛନ୍ତି। ମଧ୍ୟମ ଲକ୍ଷଣଧାରୀଙ୍କୁ ଫାବିଫିରାଭିର୍ ଔଷଧ ଦିଆଯାଉଛି । ହେଲ୍ପଲାଇନ୍ ନମ୍ବର ୧୯୨୯ ଏବଂ ୧୦୪ ମାଧ୍ୟମରେ ପରାମର୍ଶ । ହେଲ୍ପଲାଇନ୍ ନମ୍ବର ୧୯୨୯ ଏବଂ ୧୦୪ ମାଧ୍ୟମରେ ପରାମର୍ଶ । ଅନେକ ଲୋକ ଲକ୍ଷଣ ଥାଇବି ଟେଷ୍ଟ କରୁ ନାହାନ୍ତି । ୧୧ଟି ଘରୋଇ ଏବଂ ୨୪ଟି ସିଏଚ୍‌ସି ଓ ପିଏଚ୍‌ସିରେ ହେଉଛି ନମୁନା ପରୀକ୍ଷଣ  । ପରୀକ୍ଷା ଶୀଘ୍ର କଲେ ରୋଗ ଶୀଘ୍ର ଭଲ ହେବା ସମ୍ଭାବନା ରହିଛି ବୋଲି ବିଏମ୍‌ସି କମିଶନର କହିଛନ୍ତି ।

ଏଥିସହିତ ପଢ଼ନ୍ତୁ: ଭୁବନେଶ୍ୱରେ ପହଞ୍ଚିଲା ରାଜ୍ୟ ସରକାର କିଣିଥିବା ଟିକା: ମେ’ ୩ରୁ ଆରମ୍ଭ ହେବ ୧୮-୪୪ ବର୍ଷ ବୟସ୍କଙ୍କ ଟିକାକରଣ

ଆରମ୍ଭ ହେବ ୧୮-୪୪ ବର୍ଷ ବୟସ୍କଙ୍କ ଟିକାକରଣ: ନୟାପଲ୍ଲୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ହେଲା ଡ୍ରାଏ ରନ୍

ଭୁବନେଶ୍ୱର: ଆରମ୍ଭ ହେଲା ତୃତୀୟ ପର୍ଯ୍ୟାୟ ଟିକାକରଣ । ଏଥିପାଇଁ ଆଜି ଆରମ୍ଭ ହୋଇଛି ଡ୍ରାଏ ରନ୍ । ଭୁବନେଶ୍ବର ନୟାପଲ୍ଲୀ ସହରାଞ୍ଚଳ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଡ୍ରାଏ ରନ୍ ହୋଇଛି । କୌଣସି ପ୍ରକାର ଯାନ୍ତ୍ରିକ ତ୍ରୁଟି ଏଡ଼ାଇବା ପାଇଁ ଏକ ପ୍ରତିକାତ୍ମକ ଟିକାକରଣର ସମୀକ୍ଷା କରିଛନ୍ତି ବିଏମସି କମିଶନର । ୫୦ ଜଣରୁ ଉର୍ଦ୍ଧ୍ବ ହିତାଧିକାରୀଙ୍କୁ ଟିକା ଦିଆଯାଇଛି । ପୂର୍ବରୁ ଯେଭଳି ଟିକାକରଣ ହେଉଥିଲା, ସେହିଭଳି ଭାବେ ସୋମବାର ଠାରୁ ଟିକାକରଣ ଜାରି ରହିବ । ପଂଜିକୃତ ହିତାଧିକାରୀମାନଙ୍କୁ ଆଜି ମିଳିବ ସ୍ଲଟ୍ । ୧୮-୪୪ ବର୍ଷ ହିତାଧିକାରୀ ମାନଙ୍କ ପାଇଁ ସ୍ବତନ୍ତ୍ର ବ୍ୟବସ୍ଥା କରାଯିବା ସହ ହସ୍ପିଟାଲରେ ଅଧିକ କାଉଣ୍ଟର କରାଯିବ । ତେବେ କେନ୍ଦ୍ର ଗୁଡ଼ିକରେ ଗହଳି ନକରିବାକୁ ଅନୁରୋଧ କରାଯାଇଛି ।

ସୂଚନା ଯୋଗ୍ୟ ଯେ, ଗତକାଲି  ଭୁବନେଶ୍ୱରରେ ଦେଢ଼ ଲକ୍ଷ କରୋନା ଟିକା ପହଞ୍ଚିଛି । ରାଜ୍ୟ ସରକାର ଟିକା ଉତ୍ପାଦନକାରୀ କମ୍ପାନୀକୁ ଦେଇଥିବା ଅର୍ଡରର ପ୍ରଥମ କନ୍‌ଷ୍ଟାଇଣ୍ଟମେଣ୍ଟ ଭୁବନେଶ୍ୱରରେ ପହଞ୍ଚିଛି । ଟିକା ଉତ୍ପାଦନକାରୀ କମ୍ପାନୀ ଭାରତ ବାୟୋଟେକର କୋଭାକ୍ସିନ୍ ଟିକା ପହଞ୍ଚିଛି । ମଇ ୧ ତାରିଖରୁ ୧୮-୪୪ ବର୍ଷ ବୟସ୍କଙ୍କ ଟିକାକରଣ ଆରମ୍ଭ ହେବାକୁ ଥିଲା । କିନ୍ତୁ ରାଜ୍ୟରେ ଏଥିଲାଗି ଆବଶ୍ୟକ ପରିମାଣର ଟିକା ନଥିବାରୁ ଟିକାକରଣ ନେଇ ଅନିଶ୍ଚିତତା ଦେଖାଦେଇଥିଲ । ଏଭଳି କି ମଇ ୧ରୁ ୧୮-୪୪ ବର୍ଷ ବୟସ୍କଙ୍କ ଟିକାକରଣ ହାେଇପାରିବ ନାହିଁ ବୋଲି ଶୁକ୍ରବାର ସାମ୍ୱାଦିକ ସମ୍ମିଳନୀରେ ସ୍ୱାସ୍ଥ୍ୟ ବିଭାଗ ଅତିରିକ୍ତ ଶାସନ ସଚିବ କହିଥିଲେ । ଆବଶ୍ୟ  ଶନିବାର ଓ ରବିବାର ସଟ୍‌ଡାଉନ୍ ମଧ୍ୟ ଏହାର ଅନ୍ୟ ଏକ କାରଣ ଥିଲା । କିନ୍ତୁ ଆଜି ଟିକା ପହଞ୍ଚିବା ପରେ ରାଜଧାନୀ ଭୁବନେଶ୍ୱରେ ୧୮-୪୪ ବର୍ଷ ବୟସ୍କଙ୍କ ଟିକାକରଣ ମଇ ୩ରୁ ହେବା ନିଶ୍ଚିତ ହୋଇଛି । ତେବେ ଏବେ ମଧ୍ୟ ରାଜ୍ୟର ଅନ୍ୟ ସ୍ଥାନରେ ୧୮-୪୪ ବର୍ଷ ବୟସ୍କଙ୍କ ଟିକାକରଣ ଆରମ୍ଭ ହେବା ନେଇ କୌଣସି ସ୍ପଷ୍ଟ ସୂଚନା ମିଳିପାରିନାହିଁ । ତେବେ ରାଜ୍ୟ ସରକାରଙ୍କ ଅର୍ଡର ପ୍ରଥମ ଆସାଇମେଣ୍ଟ ରାଜ୍ୟରେ ପହଞ୍ଚିିଥିବା ବେଳେ ସୋମବାର ଠାରୁ ଟିକାକରଣ ଆରମ୍ଭ ହେବ । ଏ ନେଇ ଆଜି ନୟାପଲ୍ଲୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଡ୍ରାଏରନ୍ ହୋଇଛି ।

ଏଥିସହିତ ପଢ଼ନ୍ତୁ: ଭୁବନେଶ୍ୱରେ ପହଞ୍ଚିଲା ରାଜ୍ୟ ସରକାର କିଣିଥିବା ଟିକା: ମେ’ ୩ରୁ ଆରମ୍ଭ ହେବ ୧୮-୪୪ ବର୍ଷ ବୟସ୍କଙ୍କ ଟିକାକରଣ

ହସ୍ପିଟାଲ୍ ବାହାରେ କାରରେ ଚାଲିଗଲା ମହିଳାଙ୍କ ଜୀବନ, ବହୁ ଅନୁରୋଧ ପରେ ବି ମିଳିଲାନି ବେଡ୍

ନୋଏଡା: ଦେଶରେ ପ୍ରତିଦିନ କରୋନା ସଂକ୍ରମଣ ରେକର୍ଡ ଭାଙ୍ଗିବାରେ ଲାଗିଛି । କିଛି ରାଜ୍ୟରେ କରୋନା ସଂକ୍ରମିତଙ୍କୁ ନା ମିଳୁଛି ବେଡ୍ ନା ଅକ୍ସିଜେନ୍ । ଉତ୍ତର ପ୍ରଦେଶରେ ବେଡର ଅଭାବ ନଥିବା ଯୋଗୀ ଆଦିତ୍ୟନାଥ କହୁଥିବା ବେଳେ ରାଜ୍ୟର ହାଇପ୍ରୋଫାଇଲ୍ ସହରରେ ବହୁ ସଂଖ୍ୟାରେ ରୋଗୀଙ୍କ ମୃତ୍ୟୁ ଘଟୁଛି। ଏଭଳି ଏକ ହୃଦୟ ବିଦାରକ ଘଟଣା ଘଟିଛି ନୋଏଡାରେ।

ନୋଏଡା ସ୍ଥିତ ସରକାରୀ ଜିମ୍ସ ହସ୍ପିଟାଲର ପାର୍କିଂରେ ଥିବା ଏକ କାରରେ ଜଣେ ୩୫ ବର୍ଷୀୟ ଜାଗୃତି ଗୁପ୍ତା ପଡିପଡି ଯନ୍ତ୍ରଣାରେ ଛଟପଟ ହେଉଥିବା ବେଳେ ତାଙ୍କୁ ଡାକ୍ତରଖାନାରେ ବେଡ୍ କିମ୍ବା ଅକ୍ସିଜେନ ଦିଆଯାଇନଥିଲା । ଜାଗୃତିଙ୍କ ସହ ଆସିଥିବା ସମ୍ପର୍କୀୟ ଗୁରୁବାର ସକାଳ ୧୨ଟା ୩୦ମି.ରେ ମେଡିକାଲରେ ପହଞ୍ଚି ଡାକ୍ତରଙ୍କୁ ଚିକିତ୍ସା ପାଇଁ ବାରମ୍ବାର ନିବେଦନ କରିଥିଲେ। ହେଲେ ପ୍ରାୟ ୩ଘଣ୍ଟାର ସଂଘର୍ଷ ପରେ ଛଟପଟ ହୋଇ ତାଙ୍କର ଜୀବନ ଚାଲି ଯାଇଥିଲା । ସେ ବୃତ୍ତିରେ ଜଣେ ଇଞ୍ଜିନିୟର ହୋଇଥିବା ବେଳେ ଗ୍ରେଟର ନୋଏଡାରେ କାର୍ଯ୍ୟ କରୁଥିଲେ ।

ଘଟଣା ସମ୍ପର୍କରେ ଜାଗୃତିଙ୍କ ଘର ମାଲିକ କହିଛନ୍ତି ଯେ, ତାଙ୍କ ସ୍ୱାସ୍ଥ୍ୟବସ୍ଥା ବିିଗୁଡୁ ଥିବାବେଳେ ସେ ବାରମ୍ବାର ମେଡିକାଲରେ କର୍ମଚାରୀ ମାନଙ୍କୁ ଚିକିତ୍ସା ପାଇଁ ଗୁହାରି କରିଥିଲେ । ହେଲେ କୗେଣସି ସୁଫଳ ମିଳିନଥିଲା । ପରେ ଦିନ ୩ଟା ୩୦ ବେଳକୁ ସେ ଅଚେତ୍ ହୋଇ ପଡିଥିଲେ । ଏନେଇ ସେ ପୁଣି ରିସେପସନକୁ ଯାଇ କହିବା ପରେ ମେଡିକାଲ୍ କର୍ମଚାରୀ ଆସି ତାଙ୍‌କୁ ଦେଖିଥିଲେ ଏବଂ ପରେ ତାଙ୍କୁ ମୃତ ବୋଲି ଘୋଷଣା କରିଥିଲେ ।

IPL 2021: ଚେନ୍ନାଇର ବିଜୟ ଅଭିଯାନକୁ ରୋକିପାରିବ କି ମୁମ୍ବାଇ?

ନୂଆଦିଲ୍ଲୀ: ଶନିବାର ଆଇପିଏଲ୍ 14ରେ ହେବ ବହୁ ପ୍ରତିକ୍ଷିତ ମ୍ୟାଚ୍। ମୁହାଁମୁହିଁ ହେବେ ଆଇପିଏଲର 2ଟି ସବୁଠୁ ସଫଳ ଟିମ୍ ମୁମ୍ବାଇ ଇଣ୍ଡିଆନ୍ସ ଓ ଚେନ୍ନାଇ ସୁପରକିଙ୍ଗ୍ସ। ବର୍ତ୍ତମାନ ସୁଦ୍ଧା ମହେନ୍ଦ୍ର ସିଂହ ଧୋନିଙ୍କ ଟିମ୍ ଚେନ୍ନାଇ ସୁପରକିଙ୍ଗ୍ସ 6 ଟି ମ୍ୟାଚରୁ 5ଟି ମ୍ୟାଚ୍ ଜିତିଛନ୍ତି। ତେବେ ଦଳ 10 ପଏଣ୍ଟ ସହ ପଏଣ୍ଟ ଟେବୁଲର ଶୀର୍ଷରେ ରହିଛି। ଅନ୍ୟପଟେ ପାଞ୍ଚଥର ଚାମ୍ପିୟନ ହୋଇଥିବା ମୁମ୍ବାଇ ଇଣ୍ଡିଆନ୍ସ 6 ଟି ମ୍ୟାଚ୍ ରୁ ମାତ୍ର 3ଟି ଜିତିଛି। ଏବଂ 6 ପଏଣ୍ଟ ସହ ଦଳ ପଏଣ୍ଟ ଟେବୁଲର 4 ନମ୍ବର ସ୍ଥାମନରେ ରହିଛି।

ଗତ ବର୍ଷ ୟୁଏଇରେ ଖେଳାଯାଇଥିବା ଆଇପିଏଲ୍ ଟୁର୍ନାମେଣ୍ଟରେ CSK ପ୍ଲେ ଅଫ୍ ରେ ସ୍ଥାନ ରଖିବାରେ ବିଫଳ ହୋଇଥିଲା। ହେଲେ ଏଥର ଦଳ ବିଜୟର ଲକ୍ଷ ନେଇ ମଇଦାନକୁ ଓହ୍ଲାଇଛି। ଏପର୍ଯ୍ୟନ୍ତ ହୋଇଥିବା ମ୍ୟାଚଗୁଡ଼ିକରେ ମୁମ୍ବାଇ ଅପେକ୍ଷା ଚେନ୍ନାଇ ଦଳର ପ୍ରଦର୍ଶନ ବେଶ୍ ଭଲ ରହିଛି।

ମୁମ୍ବାଇର ଓପନର କ୍ୱିଣ୍ଟନ ଡିକକ୍ ଗତ ମ୍ୟାଚରେ ଜବରଦସ୍ତ ଫର୍ମ ସହ କମବ୍ୟାକ କରିଛନ୍ତି। କେବଳ ସେ ନୁହେଁ ମିଡିଲ ଅର୍ଡର ବ୍ୟାଟ୍ସମ୍ୟାନ୍ କୃଣାଲ ପାଣ୍ଡ୍ୟା ମଧ୍ୟ ଗତ ମ୍ୟାଚରେ ଭଲ ପ୍ରଦର୍ଶନ କରିଛନ୍ତି। ତେବେ ଦଳର ଓପନିଂ ସହ ମିଡିଲ ଅର୍ଡର ମଧ୍ୟ ବେଶ୍ ମଜଭୁତ ରହିଛି। ଅନ୍ୟପଟେ ଚେନ୍ନାଇର କିନ୍ତୁ ଏ ପର୍ଯ୍ୟନ୍ତ ମିଡିଲ ଅର୍ଡରର ପରୀକ୍ଷା ହୋଇ ନାହିଁ କହିଲେ ଚଳେ। କାରଣ ଫାଫ୍ ଡୁପ୍ଲେସିସ୍ ଓ ଋତୁରାଜ ଗାୟକ୍ୱାଡ଼ ବିଗତ କିଛି ମ୍ୟାଚ ଗୁଡ଼ିକରେ ଜବରଦସ୍ତ ଓପନିଂ ସହ ଦଳର ବିଜୟରେ ଗୁରୁତ୍ୱପୂର୍ଣ୍ଣ ଭୂମିକା ନେଇଛନ୍ତି। ହେଲେ ଆଜିର ମ୍ୟାଚରେ ଏହି ଦୁଇଜଣଙ୍କୁ ଟ୍ରେଣ୍ଟ ବୋଲ୍ଟ ଓ ଜସପ୍ରିତ୍ ବୁମରାହଙ୍କ ବିପକ୍ଷରେ ନିଜର ଫର୍ମ ବଜାୟ ରଖିବା ବେଶ୍ ଚ୍ୟାଲେଞ୍ଜଂ ହେବ।

ସାମ୍ଭାବ୍ୟ ପ୍ଲେଇଁ ଇଲେଭେନ୍:

ମୁମ୍ବାଇ ଇଣ୍ଡିଆନ୍ସ: ରୋହିତ ଶର୍ମା କ୍ୟାପ୍ଟେନ୍ଗ), କ୍ୱିଣ୍ଟନ୍ ଡିକକ୍ (ୱିକେଟ୍ କିପର୍), ସୂର୍ଯ୍ୟକୁମାର ଯାଦବ, କୃନାଲ ପାଣ୍ଡ୍ୟା, କିରନ୍ ପୋଲାର୍ଡ, ହାର୍ଦ୍ଦିକ ପାଣ୍ଡ୍ୟା, ଜୟନ୍ତ ଯାଦବ, ନାଥାନ୍ କୁଲଟର, ରାହୁଲ ଚହର, ଜସପ୍ରୀତ ବୁମରାହ, ଟ୍ରେଣ୍ଟ ବୋଲ୍ଟ।

ଚେନ୍ନାଇ ସୁପର କିଙ୍ଗସ୍: ଫାଫ୍ ଡୁ ପ୍ଲେସିସ୍, ରୁତୁରାଜ ଗାଇକୱାଡ଼, ମୋଇନ୍ ଅଲି, ସୁରେଶ ରାଇନା, ଅମ୍ବାତି ରାୟଡୁ, ରବିନ୍ଦ୍ର ଜାଡ଼େଜା, ଏମଏସ୍ ଧୋନି (ୱିକେଟକିପର୍ /କ୍ୟାପ୍ଟେନ), ସାମ କରନ, ଶାର୍ଦ୍ଦୁଲ ଠାକୁର, ଦୀପକ ଚହର, ଇମ୍ରାନ ତାହିର

Facebook Poll: ଭୁବନେଶ୍ୱରରେ ଲକଡାଉନ୍ ଆବଶ୍ୟକତା କେତେ, ଜାଣନ୍ତୁ କଣ କହିଲେ ଜନତା…

ଭୁବନେଶ୍ୱର: ରାଜ୍ୟ ସହ ରାଜଧାନୀରେ ବଢ଼ୁଛି ଦୈନିକ କରୋନା ସଂକ୍ରମଣ ମାମଲା । ବିଏମସି ଅଞ୍ଚଳରେ ଦୈନିକ କରୋନା ସଂକ୍ରମଣ ୧ ହଜାର ଟପିଛି । ରାତ୍ରୀକାଳୀନ କର୍ଫ୍ୟୁ ସହ ସପ୍ତାହନ୍ତ ସଟଡାଉନ୍ ଲାଗୁ ହୋଇଛି । ତଥାପି ସଂକ୍ରମଣ ଖସୁନି । ଏଭଳି ସ୍ଥିତିରେ ରାଜଧାନୀରେ ଲକଡାଉନ୍ ଆବଶ୍ୟକତା ରହିଛି କି ? ଏନେଇ ନନ୍ଦିଘୋଷ ଟିଭି ପକ୍ଷରୁ ଫେସବୁକରେ ପୋଲ୍ କରାଯାଇଥିଲା ।

ସର୍ଭେରୁ ଜଣାପଡ଼ିଛି ୯୦ ପ୍ରତିଶତ ଲୋକ ଭୁବନେଶ୍ୱରର ଲକଡାଉନ୍ ସପକ୍ଷରେ ଅଛନ୍ତି । କେତେକ ଲୋକ ଜୀବନ ବଞ୍ଚାଇବା ଲାଗି ସରକାରଙ୍କ ସମସ୍ତ ପଦକ୍ଷେପକୁ ସ୍ୱାଗତ କରିଥିବା ବେଳେ ଆଉ କିଛି ଲକଡାଉନକୁ ଏକମାତ୍ର ବିକଳ୍ପ ବୋଲି କହିଛନ୍ତି । ମାତ୍ର ୧୦ ପ୍ରତିଶତ ଲୋକ ରାଜଧାନୀରେ ଲକଡାଉନର ଆବଶ୍ୟକତା ନଥିବା କହିଛନ୍ତି ।


ଏପ୍ରିଲ୍ ୩୦ ସୁଦ୍ଧା ବିଏମସି ଅଞ୍ଚଳରୁ ମୋଟ ୪୪ ହଜାର ୪୧୫ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ଏବେ ୭ ହଜାର ୫୮୮ଟି ସକ୍ରିୟ ସଂକ୍ରମଣ ମାମଲା ରହିଛି । ରାଜଧାନୀରେ ୨୬୧ ଜଣ କରୋନାରେ ମୃତ୍ୟୁବରଣ କରିଥିବା ବେଳେ ୩୬ ହଜାର ୫୪୫ ଜଣ କରୋନାକୁ ମାତ୍ ଦେଇଛନ୍ତି ।

କରୋନା ସଂକ୍ରମଣ ସ୍ଥିତି ବେକାବୁ ହେଉଥିବା ବେଳେ ଦିନ ୨ଟା ପରଠାରୁ ଦୋକାନ ବଜାର ବନ୍ଦ ରଖିବାକୁ ବ୍ୟବସାୟୀ ସଂଘ ନିଷ୍ପତ୍ତି ନେଇଛନ୍ତି । ଏହାରି ଭିତରେ ଆଜି ଅପରାହ୍ଣ ୪ଟା ୩୦ରେ ବିଏମସି କମିଶନର ପ୍ରେମଚନ୍ଦ୍ର ଚୌଧୁରୀ ପ୍ରେସମିଟ୍ କରିବେ । ବଢ଼ୁଥିବା କରୋନା ସଂକ୍ରମଣ ମାମଲାକୁ ଦେଖି ସେ କିଛି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇପାରନ୍ତି ବୋଲି ଚର୍ଚ୍ଚା ହେଉଛି ।

କରୋନା ମାଡ଼, ରାଜ୍ୟରେ ବନ୍ଦ ହେଲା ୮୦% ବସ୍

ଭୁବନେଶ୍ୱର: ଘରୋଇ ବସ ସେବା ଉପରେ କରୋନା ଚଡକ ପଡିଛି। ଯାହା ଫଳରେ ରାଜ୍ୟରେ ବନ୍ଦ ହୋଇଛି ୮୦ ପ୍ରତିଶତ ବସ । କରୋନା ସଂକ୍ରମଣ ଅଭାବରୁ ବସ୍ ଗୁଡିକରେ ଧିରେ ଧିରେ ଯାତ୍ରୀ ଅଭାବ ପରିଲିକ୍ଷିତ ହେଉଛି । ଯାହା ଫଳରେ ବନ୍ଦ ହୋଇଛି ବସ । ବର୍ତ୍ତମାନ ସୁଦ୍ଧା ୧୨ ହଜାର ବସ ଅଫରୋଡ ହୋଇଛି । ଏବେ ମାତ୍ର ୨୦୦୦ ବସ୍ ଚାଲୁଛି ।

ସୂଚନା ଅନୁଯାୟୀ, ରାଜ୍ୟରେ ସୋମବାର ଠାରୁ ଆଉ କିଛି ବସ ବନ୍ଦ ହେବା ଆଶଙ୍କା ରହିଛି। ଯାତ୍ରୀ ନହେବାରୁ ବ୍ୟବସାୟରେ କ୍ଷତି ହେବାରୁ ମାସ ଆରମ୍ଭରୁ ଅଫରୋଡ କରୁଛନ୍ତି ମାଲିକ । ୫୬ ହଜାର ବସ କର୍ମଚାରୀ ଜୀବିକା ହରାଇଛନ୍ତି । ଏନେଇ ରାଜ୍ୟ ସରକାରଙ୍କୁ ଲିଖିତ ଭାବେ ଜଣାଇଲା ଘରୋଇ ବସ ମାଲିକ ସଂଘ ।

Around 80 Percentage Buses Are Off Road In Odisha For Corona

ତେବେ ବସ୍ ମାଲିକ ମାନଙ୍କ କ୍ଷତି ହେଉଥିବାରୁ ଇନ୍ସ୍ୟୁରାନ୍ସ ଏବଂ ଇଏମଆଇ କୋହଳ ପାଇଁ ଦାବି  କରିଛନ୍ତି। ବ୍ୟାଙ୍କ ଏବଂ ଜୀବନ ବୀମା କମ୍ପାନୀ ସହ ଆଲୋଚନା କରିବା ପାଇଁ ଅନୁରୋଧ କରିଛନ୍ତି । ଏହା ବ୍ୟତୀତ କେନ୍ଦ୍ର ଅର୍ଥ ମନ୍ତ୍ରୀଙ୍କୁ ମଧ୍ୟ ସଂଘ ଚିଠି ଲେଖିଥିବା ନେଇ ସୂଚନା ଦେଇଛନ୍ତି ରାଜ୍ୟ ଘରୋଇ ବସ ମାଲିକ ସଂଘ ମୁଖପାତ୍ର ଦେବାଶିଷ ନାୟକ।