spot_img
Home Blog Page 5850

Facebook Poll: ଭୁବନେଶ୍ୱରରେ ଲକଡାଉନ୍ ଆବଶ୍ୟକତା କେତେ, ଜାଣନ୍ତୁ କଣ କହିଲେ ଜନତା…

ଭୁବନେଶ୍ୱର: ରାଜ୍ୟ ସହ ରାଜଧାନୀରେ ବଢ଼ୁଛି ଦୈନିକ କରୋନା ସଂକ୍ରମଣ ମାମଲା । ବିଏମସି ଅଞ୍ଚଳରେ ଦୈନିକ କରୋନା ସଂକ୍ରମଣ ୧ ହଜାର ଟପିଛି । ରାତ୍ରୀକାଳୀନ କର୍ଫ୍ୟୁ ସହ ସପ୍ତାହନ୍ତ ସଟଡାଉନ୍ ଲାଗୁ ହୋଇଛି । ତଥାପି ସଂକ୍ରମଣ ଖସୁନି । ଏଭଳି ସ୍ଥିତିରେ ରାଜଧାନୀରେ ଲକଡାଉନ୍ ଆବଶ୍ୟକତା ରହିଛି କି ? ଏନେଇ ନନ୍ଦିଘୋଷ ଟିଭି ପକ୍ଷରୁ ଫେସବୁକରେ ପୋଲ୍ କରାଯାଇଥିଲା ।

ସର୍ଭେରୁ ଜଣାପଡ଼ିଛି ୯୦ ପ୍ରତିଶତ ଲୋକ ଭୁବନେଶ୍ୱରର ଲକଡାଉନ୍ ସପକ୍ଷରେ ଅଛନ୍ତି । କେତେକ ଲୋକ ଜୀବନ ବଞ୍ଚାଇବା ଲାଗି ସରକାରଙ୍କ ସମସ୍ତ ପଦକ୍ଷେପକୁ ସ୍ୱାଗତ କରିଥିବା ବେଳେ ଆଉ କିଛି ଲକଡାଉନକୁ ଏକମାତ୍ର ବିକଳ୍ପ ବୋଲି କହିଛନ୍ତି । ମାତ୍ର ୧୦ ପ୍ରତିଶତ ଲୋକ ରାଜଧାନୀରେ ଲକଡାଉନର ଆବଶ୍ୟକତା ନଥିବା କହିଛନ୍ତି ।


ଏପ୍ରିଲ୍ ୩୦ ସୁଦ୍ଧା ବିଏମସି ଅଞ୍ଚଳରୁ ମୋଟ ୪୪ ହଜାର ୪୧୫ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ଏବେ ୭ ହଜାର ୫୮୮ଟି ସକ୍ରିୟ ସଂକ୍ରମଣ ମାମଲା ରହିଛି । ରାଜଧାନୀରେ ୨୬୧ ଜଣ କରୋନାରେ ମୃତ୍ୟୁବରଣ କରିଥିବା ବେଳେ ୩୬ ହଜାର ୫୪୫ ଜଣ କରୋନାକୁ ମାତ୍ ଦେଇଛନ୍ତି ।

କରୋନା ସଂକ୍ରମଣ ସ୍ଥିତି ବେକାବୁ ହେଉଥିବା ବେଳେ ଦିନ ୨ଟା ପରଠାରୁ ଦୋକାନ ବଜାର ବନ୍ଦ ରଖିବାକୁ ବ୍ୟବସାୟୀ ସଂଘ ନିଷ୍ପତ୍ତି ନେଇଛନ୍ତି । ଏହାରି ଭିତରେ ଆଜି ଅପରାହ୍ଣ ୪ଟା ୩୦ରେ ବିଏମସି କମିଶନର ପ୍ରେମଚନ୍ଦ୍ର ଚୌଧୁରୀ ପ୍ରେସମିଟ୍ କରିବେ । ବଢ଼ୁଥିବା କରୋନା ସଂକ୍ରମଣ ମାମଲାକୁ ଦେଖି ସେ କିଛି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇପାରନ୍ତି ବୋଲି ଚର୍ଚ୍ଚା ହେଉଛି ।

କରୋନା ମାଡ଼, ରାଜ୍ୟରେ ବନ୍ଦ ହେଲା ୮୦% ବସ୍

ଭୁବନେଶ୍ୱର: ଘରୋଇ ବସ ସେବା ଉପରେ କରୋନା ଚଡକ ପଡିଛି। ଯାହା ଫଳରେ ରାଜ୍ୟରେ ବନ୍ଦ ହୋଇଛି ୮୦ ପ୍ରତିଶତ ବସ । କରୋନା ସଂକ୍ରମଣ ଅଭାବରୁ ବସ୍ ଗୁଡିକରେ ଧିରେ ଧିରେ ଯାତ୍ରୀ ଅଭାବ ପରିଲିକ୍ଷିତ ହେଉଛି । ଯାହା ଫଳରେ ବନ୍ଦ ହୋଇଛି ବସ । ବର୍ତ୍ତମାନ ସୁଦ୍ଧା ୧୨ ହଜାର ବସ ଅଫରୋଡ ହୋଇଛି । ଏବେ ମାତ୍ର ୨୦୦୦ ବସ୍ ଚାଲୁଛି ।

ସୂଚନା ଅନୁଯାୟୀ, ରାଜ୍ୟରେ ସୋମବାର ଠାରୁ ଆଉ କିଛି ବସ ବନ୍ଦ ହେବା ଆଶଙ୍କା ରହିଛି। ଯାତ୍ରୀ ନହେବାରୁ ବ୍ୟବସାୟରେ କ୍ଷତି ହେବାରୁ ମାସ ଆରମ୍ଭରୁ ଅଫରୋଡ କରୁଛନ୍ତି ମାଲିକ । ୫୬ ହଜାର ବସ କର୍ମଚାରୀ ଜୀବିକା ହରାଇଛନ୍ତି । ଏନେଇ ରାଜ୍ୟ ସରକାରଙ୍କୁ ଲିଖିତ ଭାବେ ଜଣାଇଲା ଘରୋଇ ବସ ମାଲିକ ସଂଘ ।

Around 80 Percentage Buses Are Off Road In Odisha For Corona

ତେବେ ବସ୍ ମାଲିକ ମାନଙ୍କ କ୍ଷତି ହେଉଥିବାରୁ ଇନ୍ସ୍ୟୁରାନ୍ସ ଏବଂ ଇଏମଆଇ କୋହଳ ପାଇଁ ଦାବି  କରିଛନ୍ତି। ବ୍ୟାଙ୍କ ଏବଂ ଜୀବନ ବୀମା କମ୍ପାନୀ ସହ ଆଲୋଚନା କରିବା ପାଇଁ ଅନୁରୋଧ କରିଛନ୍ତି । ଏହା ବ୍ୟତୀତ କେନ୍ଦ୍ର ଅର୍ଥ ମନ୍ତ୍ରୀଙ୍କୁ ମଧ୍ୟ ସଂଘ ଚିଠି ଲେଖିଥିବା ନେଇ ସୂଚନା ଦେଇଛନ୍ତି ରାଜ୍ୟ ଘରୋଇ ବସ ମାଲିକ ସଂଘ ମୁଖପାତ୍ର ଦେବାଶିଷ ନାୟକ।

କରୋନାରେ ରୋଗୀଙ୍କ ପାଇଁ ଦେବଦୂତ ସାଜିଲେ ମନ୍ତ୍ରୀ ସୁଶାନ୍ତ ସିଂହ

ସୋହେଲା: କରୋନା ସଂକ୍ରମିତ ରୋଗୀଙ୍କ ପାଇଁ ଦେବଦୂତ ସାଜିଲେ ମନ୍ତ୍ରୀ ସୁଶାନ୍ତ ସିଂହ । ନିଜ ଜୀବନକୁ ବାଜି ଲାଗାଇ ଆମ୍ବୁଲାନ୍ସ ଡ୍ରାଇଭର ସାଜି କରୋନା ରୋଗୀଙ୍କୁ ଡାକ୍ତରଖାନା ନେଲେ ଶ୍ରମମନ୍ତ୍ରୀ ସୁଶାନ୍ତ ସିଂହ ।

ସୂଚନା ଅନୁଯାୟୀ ସୋହେଲା ବ୍ଲକ ତବଡା ଗାଁର ଜଣେ ଯୁବକ ଅନ୍ତର୍ଯ୍ୟାମୀ ମଟାରୀଙ୍କୁ ସୋହେଲା ଡାକ୍ତରଖାନାକୁ ଆଣି ଚିକିତ୍ସା ବ୍ୟବସ୍ଥା କରିଛନ୍ତି ଶ୍ରମ ମନ୍ତ୍ରୀ। ଗତବର୍ଷ ମଧ୍ୟ ଶ୍ରମମନ୍ତ୍ରୀ ଅନ୍ୟ ରାଜ୍ୟରୁ ନିଜ ଗାଁକୁ ଫେରୁଥିବା ପ୍ରବାସୀଙ୍କୁ ନିଜେ ଗାଡ଼ି ଚଳାଇ ବୌଦ୍ଧ ଅଞ୍ଚଳକୁ ନେଇ ଛାଡ଼ିଥିଲେ । ଯାହା କି ଚର୍ଚ୍ଚାର ବିଷୟ ପାଲଟିଥିଲା । ଆଜି ମଧ୍ୟ ସେ ଏକ ନିଆରା କାମ କରି ସମସ୍ତଙ୍କ ପ୍ରଶଂସାର ପାତ୍ର ହୋଇଛନ୍ତି।

ଉଲ୍ଲେଖଯୋଗ୍ୟ, ରାଜ୍ୟରେ ଦିନକୁ ଦିନ ସଂକ୍ରମିତଙ୍କ ସଂଖ୍ୟା ବଢୁଥିବା ବେଳେ ମୋଟ କରୋନା ସଂକ୍ରମିତଙ୍କ ସଂଖ୍ୟା ୪ ଲକ୍ଷ ୫୪ ହଜାର ୬୦୭କୁ ବୃଦ୍ଧି ପାଇଛି । ମୋଟ କୋଭିଡ୍ ମୃତ୍ୟୁ ୨ ହଜାର ୫୪ରେ ପହଞ୍ଚି ଥିବାବେଳେ ଏବେ ରାଜ୍ୟରେ ୬୭ ହଜାର ୮୬ ଜଣ ସକ୍ରିୟ ଆକ୍ରାନ୍ତ ରହିଛନ୍ତି ।

ଘଣ୍ଟାଏ ଯାଏ ବନ୍ଦ ରହିଲା ଅକ୍ସିଜେନ୍ ବିତରଣ, ବାତ୍ରା ହସ୍ପିଟାଲରେ ଚାଲିଗଲା ୮ ଜଣଙ୍କ ଜୀବନ

ନୂଆଦିଲ୍ଲୀ: ଅକ୍ସିଜେନ୍ ଅଭାବ ପାଇଁ ଚାଲିଗଲା ୮ ରୋଗୀଙ୍କ ଜୀବନ । ଦିଲ୍ଲୀ ହାଇକୋର୍ଟରେ ଏନେଇ ତଥ୍ୟ ରଖିଛି ଦିଲ୍ଲୀର ବାତ୍ରା ହସ୍ପିଟାଲ । ହସ୍ପିଟାଲ ପକ୍ଷରୁ କୁହାଯାଇଛି, ପ୍ରାୟ ଘଣ୍ଟାଏ ଧରି ଅକ୍ସିଜେନ୍ ଅଭାବ ଯୋଗୁଁ ଜଣେ ଡାକ୍ତରଙ୍କ ସହ ୮ ଜଣଙ୍କ ମୃତ୍ୟୁ ହୋଇଛି ।

ହସ୍ପିଟାଲ ପକ୍ଷରୁ କୋର୍ଟରେ କୁହାଯାଇଛି, ଆମେ ସମୟରେ ଅକ୍ସିଜେନ୍ ପାଇଲୁ ନାହିଁ । ଦିନ ପ୍ରାୟ ୧୨ଟା ବେଳେ ଅକ୍ସିଜେନ୍ ସରିଗଲା । ଆମେ ଜଣେ ଡାକ୍ତରଙ୍କୁ ମଧ୍ୟ ହରାଇଛୁ । ପ୍ରାୟ ଘଣ୍ଟାଏ ଧରି ଅକ୍ସିଜେନ୍ ବିନା ଆମେ ଚିକିତ୍ସା ଜାରି ରଖିଥିଲୁ ।

ଅକ୍ସିଜେନ୍ ଅଭାବ ନେଇ ବାତ୍ରା ହସ୍ପିଟାଲ ଜରୁରୀ ମେସେଜ୍ ପଠାଇଥିଲା । ମାତ୍ର ୧୦ ମିନିଟ୍ ପାଇଁ ଅକ୍ସିଜେନ୍ ଅଛି, ମେଡିକାଲରେ ୩୨୬ ଜଣ ଆଡମିଟ୍ ଅଛନ୍ତି ବୋଲି ହସ୍ପିଟାଲ ପକ୍ଷରୁ କୁହାଯାଇଥିଲା । ଏନେଇ ଦିଲ୍ଲୀର ମନ୍ତ୍ରୀ ରାଘବ ଚଢ଼ା କହିଛନ୍ତି- ଜରୁରୀ ମେସେଜର ମାତ୍ର ୫ ମିନିଟ ମଧ୍ୟରେ ଅକ୍ସିଜେନ୍ ଟ୍ୟାଙ୍କର ମେଡିକାଲରେ ପହଞ୍ଚିଥିଲା ।

ବିହାରର ବାହୁବଳୀ ସାଂସଦ ଶାହାବୁଦ୍ଦିନ ହେଲା କରୋନାର ଶିକାର, ତିହାଡ ଜେଲରେ ମୃତ୍ୟୁ

ନୂଆଦିଲ୍ଲୀ: ବିହାରର ସିବାନର ପୂର୍ବତନ ସାଂସଦ ତଥା ଆରଜେଡି ନେତା ଓ କୁଖ୍ୟାତ ମାଫିଆ ଡନ୍ ମହମ୍ମଦ ଶାହାବୁଦ୍ଦିନର କରୋନାରେ ମୃତ୍ୟୁ ହୋଇଛି । କରୋନା ସଂକ୍ରମିତ ହେବା ପରେ ଶାହାବୁଦ୍ଦିନକୁ ଦିଲ୍ଲୀର ଏକ ହସ୍ପିଟାଲରେ ଭର୍ତ୍ତି କରାଯାଇଥିଲା । ଶାହାବୁଦ୍ଦିନ ବିରୋଧରେ ହତ୍ୟା ସମେତ ଅନେକ ସଂଗୀନ ଅଭିଯୋଗ ଥିଲା । ତିହାଡ ଜେଲ ଡିଜି ଶାହାବୁଦ୍ଦିନ ମୃତ୍ୟୁ ଖବରକୁ ସ୍ୱୀକାର କରିଛନ୍ତି । ପ୍ରଥମେ ମୃତ୍ୟୁ ସୂଚନା ମିଛ ବୋଲି ଖବର ଆସୁଥିଲା ।

Former RJD MP Shahabuddin Shahabuddin Dies From Corona

ଭେଣ୍ଟିଲେଟରରେ ଥିଲା ଶାହାବୁଦ୍ଦିନ

କରୋନା ସଂକ୍ରମିତ ଶାହାବୁଦ୍ଦିନର ଅବସ୍ଥା ଏପ୍ରିଲ ୨୦ ତାରିଖ ପରଠାରୁ ଗୁରୁତର ହୋଇଥିଲା । କରୋନା ରିପୋର୍ଟ ପଜିଟିଭ୍ ଆସିବା ପରେ ଶାହାବୁଦ୍ଦିନ ଜେଲ ଡାକ୍ତରଙ୍କ ନିରୀକ୍ଷଣରେ ଥିଲେ । ତେବେ ପରେ ତାକୁ ଭେଣ୍ଟିଲେଟରକୁ ସ୍ଥାନାନ୍ତିରତ କରାଯାଇଥିଲା ।

ଶାହାବୁଦ୍ଦିନ କିଏ ?

୧୯ ବର୍ଷ ବୟସରେ ଶାହାବୁଦ୍ଦିନ ବିରୋଧରେ ପ୍ରଥମ ଆପରାଧିକ ମାମଲା ଦାଏର ହୋଇଥିଲା । ରାଜନୀତି ବିଜ୍ଞାନରେ ଏମଏ ଓ ପିଏଚଡି କରିଥିବା ଶାହାବୁଦ୍ଦିନ ସିବାନରେ ଆତଙ୍କର ରୂପ ଥିଲା । କଲେଜ ସମୟରୁ ହିଁ ସେ ଅପରାଧ ଦୁନିଆରେ ପାଦ ଦେଇଥିଲା । ପ୍ରଥମେ ସିବାନରେ ଆତଙ୍କ ସୃଷ୍ଟି କରିଥିବା ଶାହାବୁଦ୍ଦିନର ରାଜନୈତିକ ପ୍ରତିପତି ବୃଦ୍ଧି ସହିତ ସମଗ୍ର ରାଜ୍ୟରେ ଆତଙ୍କ ବଢିଥିଲା । ଆରଜେଡି ସୁପ୍ରିମୋ ଲାଲୁ ଯାଦବଙ୍କ ଶାହାବୁଦ୍ଦିନ ଉପରେ ଆର୍ଶିବାଦ ଥିବା ଅଭିଯୋଗ ହୁଏ । ୧୯୯୬ରେ ଲାଲୁ ଯାଦବଙ୍କ କୃପାରୁ ଶାହାବୁଦ୍ଦିନ ଲୋକସଭାକୁ ନିର୍ବାଚିତ ହୋଇଥିଲେ ।

Former RJD MP Shahabuddin Shahabuddin Dies From Corona

୨୦୦୪ରେ ଚନ୍ଦା ବାବୁଙ୍କ ତିନି ପୁଅ ସତୀଶ, ଗିରୀଶ ଓ ରାଜୀବଙ୍କ ଅପହରଣ ଶାହାବୁଦ୍ଦିନ ଆଦେଶରେ ହୋଇଥିଲା । ଗିରିଶ ଓ ସତୀଶଙ୍କୁ ଏସିଡ କୁଣ୍ଡରେ ପକାଇ ହତ୍ୟା କରାଯାଇଥିଲା । ଅନ୍ୟପକ୍ଷରେ ଏହି ମାମଲାର ସାକ୍ଷୀ ରାଜୀବ କୌଣସି ପ୍ରକାରେ ସେଠାରୁ ଖସି ଚାଲି ଯାଇଥିଲେ । ପରେ ରାଜୀବ ଏହି ମାମଲାରେ ସାକ୍ଷୀ ହୋଇଥିଲେ । ତେବେ ୨୦୧୫ରେ ସିବାନର ଡିଏଭି ରୋଡରେ ତାଙ୍କୁ ଗୁଳି କରି ହତ୍ୟା କରାଯାଇଥିଲା । ହତ୍ୟାର ମାତ୍ର ୧୮ ଦିନ ପୂର୍ବରୁ ରାଜୀବଙ୍କ ବିବାହ ହୋଇଥିଲା ।

୧୭ ନକଲି ରେମଡେସିଭିର ଇଞ୍ଜେକ୍ସନ ଜବତ, ୨ ଗିରଫ

ନୂଆଦିଲ୍ଲୀ: ଦେଶରେ କୋଭିଡ୍ ସଂକ୍ରମଣ ମାମଲା ପିକରେ ରହିଥିବା ବେଳେ ଅକ୍ସିଜେନ୍ ଓ ଔଷଧ ଅଭାବ ଲାଗି ରହିଛି । କୋଭିଡରୁ ଜୀବନ ବଞ୍ଚାଇବା ଲାଗି ଯେଉଁ କେତୋଟି ଔଷଧ ପ୍ରୟୋଗକୁ ଜରୁରୀ ଅନୁମତି ମିଳିଛି, ସେତକ ବି ମିଳୁନି । ଔଷଧ ଅଭାବର ଫାଇଦା ଉଠାଇଛନ୍ତି ଠକ । ମୃତ୍ୟୁ ସହ ମେଡିକାଲ୍ ବେଡରେ ଲଢ଼େଇ ଚାଲିଥିବା ବେଳେ କିଛି ଅସାଧୁ ବ୍ୟବସାୟୀ ଏହାର ଫାଇଦା ଉଠାଇବାରେ ଲାଗିଛନ୍ତି ।

ରେମଡେସିଭିର ଭଳି ଇଞ୍ଜେକ୍ସନ୍ ଅଧିକାଂଶ କରୋନା ଆକ୍ରାନ୍ତଙ୍କ ଚିକିତ୍ସା ପାଇଁ ଆବଶ୍ୟକ ହେଉଛି । ଦିଲ୍ଲୀ କାହିଁକି ସାରା ଦେଶରେ ରେମଡେସିଭିରର ଢେର୍ ଚାହିଦା ରହିଛି । ହେଲେ କିଛି ଠକ୍ ରୋଗୀଙ୍କ ବିଶ୍ୱାସରେ ବିଷ ଦେଉଛନ୍ତି । ନକଲି ରେମଡେସିଭିର ଇଞ୍ଜେକ୍ସନ୍ ପ୍ରସ୍ତୁତ କରି ଲୋକଙ୍କୁ ଠକିବାରେ ଲାଗିଛନ୍ତି ।

Two men arrested for selling fake Remdisivir to people In Delhi

ଏଭଳି ଏକ ଠକ ଗ୍ୟାଙ୍ଗକୁ ଧରିବାରେ ସଫଳ ହୋଇଛି ଦିଲ୍ଲୀ ପୋଲିସ । ଭାଏଲ୍ ପ୍ରତି ୩୫ ହଜାର ଟଙ୍କାରେ ନକଲି ରେମଡେସିଭିର ବିକ୍ରି ବେଳେ ଦିଲ୍ଲୀ ପୋଲିସ ୨ ଜଣଙ୍କୁ ଗିରଫ କରିଛି । ସେମାନଙ୍କୁ ଠାରୁ ୧୭ଟି ନକଲି ରେମଡେସିଭିର ଜବତ କରାଯାଇଛି । ଏହି ଗ୍ୟାଙ୍ଗରେ ଆଉ କିଏ କିଏ ସମ୍ପୃକ୍ତ ? କେଉଁଠି ପ୍ରସ୍ତୁତ କରୁଥିଲେ ନକଲି ରେମଡେସିଭିର ? ଏସବୁ ଦିଗକୁ ନେଇ ଦିଲ୍ଲୀ ପୋଲିସ ତଦନ୍ତ ଜାରି ରଖିଛି ।

ରେମଡେସିଭିର ଇଞ୍ଜେକସନ୍ ଅସଲି କି ନକଲି, କେମିତି ଜାଣିବେ…

ନୂଆଦିଲ୍ଲୀ: ଦିନକୁ ଦିନ ବଢୁଥିବା କରୋନା ସଂକ୍ରମଣକୁ ଦୃଷ୍ଟିରେ ରଖି ହସ୍ପିଟାଲରେ ବେଡ୍, ଅକ୍ସିଜେନ୍ ଓ ଔଷଧ ଆଦିର ସଙ୍କଟ ଦେଖାଦେଇଛି । ଯାହା ଫଳରେ ଆଣ୍ଟିବାଏରାଲ୍ ମେଡିସିନ ରେମଡେସିଭିର ଚାହିଦା ବଢିବାରେ ଲାଗିଛି। ଅଧିକାଂଶ ରାଜ୍ୟରେ ସହଜରେ ଏହି ଇଞ୍ଜେକସନ୍ ମିଳୁନଥିବା ବେଳେ ଲୋକ ଏହାକୁ ଚଢା ଦରରେ କିଣିବାକୁ ବାଧ୍ୟ ହେଉଛନ୍ତି। କେହିକେହି ଏହାକୁ ୨୦ ହଜାରରୁ ୪୦ ହଜାର ଟଙ୍କା ମୂଲ୍ୟରେ କିଣିବାକୁ ପଛାଉ ନାହାଁନ୍ତି ।

ଏଭଳି ସମୟରେ ବଜାରରେ ନକଲି ରେମଡେସିଭିର ମିଳୁଥିବା ନେଇ ଚର୍ଚ୍ଚା ହେଉଛି । କରୋନା ସମୟରେ ଲୋକ ନିଜ ନିଜ ସମ୍ପର୍କୀୟଙ୍କୁ ହରାଇ ଭାଙ୍ଗି ପଡୁଥିବା ବେଳେ କିଛି ଖଳ ପ୍ରକୃତି ଲୋକ ଫାଇଦା ଉଠାଇବାକୁ ପଛାଉ ନାହାଁନ୍ତି । ଲୋକମାନେ ବାଧ୍ୟ ବଶତଃ ଅଧିକ ଦରରେ ଏହାକୁ କିଣୁଥିବା ବେଳେ ନକଲି ରେମଡେସିଭିର ମୁଣ୍ଡ ବିନ୍ଧାର କାରଣ ପାଲଟିଛି । ଦିଲ୍ଲୀର ଏନସିଆର୍ ଅଞ୍ଚଳରୁ ନକଲି ରେମଡେସିଭିର ତିଆରି ଓ ବିକ୍ରି ମାମଲା ନଜରକୁ ଆସିଛି। ଏଭଳି ସ୍ଥଳେ କିପରି ଜାଣିବେ ରେମଡେସିଭିର ନକଲି ନା ଅସଲି…

ରେମଡେସିଭିରର ପ୍ୟାକେଟ୍ ଉପରେ କିଛି ଲେଖାକୁ ପଢି ଆପଣ ତାହାକୁ ଅସଲି କି ନକଲି ବୋଲି ଜାଣିପାରିବେ। ୧୦୦ ମିଲିଗ୍ରାମର ଇଞ୍ଜେକସନ୍ ପାଉଡର ରୂପରେ ଶିଶି ବୋତଲରେ ରହିଥାଏ । ଇଞ୍ଜେକସନର ସବୁ ଶିଶି ଉପରେ Rxremdesivir ଲେଖା ହୋଇଥାଏ । ଏମତିକି ଇଞ୍ଜେକସନ ବକ୍ସ ପଛରେ ଗୋଟିଏ ବାର୍ କୋଡ୍ ରହିଥାଏ । ଏସମ୍ପର୍କରେ ଦିଲ୍ଲୀ ପୋଲିସ କ୍ରାଇମ୍ ବ୍ରାଞ୍ଚର ଡିସିପି ମୋନିକା ଭରଦ୍ୱାଜ୍ ମଧ୍ୟ ଟ୍ୱିଟ୍ କରି ସୂଚନା ଦେଇଛନ୍ତି ।

ଏଥିସହିତ କିପରି ଅସଲି ଓ ନକଲି ମଧ୍ୟରେ ଫରକ ଜାଣିବେ ସେନେଇ ସେ ସମ୍ୟକ୍ ସୂଚନା ଦେଇଛନ୍ତି । ଅସଲି ରେମଡେସିଭିର ପ୍ୟାକେଟ୍ ଉପରେ ଇଂରାଜୀରେ For use in ଲେଖାଯାଇଥାଏ । ଯେତେବେଳେକି ନକଲିରେ for use in.. ଲେଖା ବଡ଼ ଅକ୍ଷରରେ ଲେଖା ଆରମ୍ଭ ହୋଇନଥାଏ । ଅସଲି ପ୍ୟାକେଟରେ ଚେତାବନୀ ଗୁଡିକ ଲାଲ୍ ରଙ୍ଗରେ ଲେଖା ହୋଇଥିବା ବେଳେ ନକଲିରେ କଳା ରଙ୍ଗରେ ଲେଖା ହୋଇଥାଏ ।

କରୋନା ମହାମାରୀ ସମୟରେ ରେମଡେସିଭିର ଇଞ୍ଜେକସନର କଳାବଜାରୀ କରିବା ଅଭିଯୋଗରେ କ୍ରାଇମ୍ ବ୍ରାଞ୍ଚ ପକ୍ଷରୁ ୩ ଅଭିଯୁକ୍ତଙ୍କ ଗିରଫ କରାଯାଇଛି । ଯେଉଁମାନେ ରେମଡେସିଭିର ଇଞ୍ଜେକସନକୁ ୪୦ ହଜାର ଟଙ୍କାରେ ବିକ୍ରି କରୁଥିଲେ । କ୍ରାଇମ୍ ବ୍ରାଞ୍ଚ ସେମାନଙ୍କୁ ୩ ଦିନିଆ ରିମାଣ୍ଡରେ ନେଇଥିବା ବେଳେ ରେମଡେସିଭିରର ୩ଟି ଇଞ୍ଜେକସନ୍, ୧୦୦ ଅକ୍ସିମିଟର ଓ ୪୮ଟି ଛାେଟ ଅକ୍ସିଜେନ ସିଲିଣ୍ଡର ମଧ୍ୟ ଜବତ କରାଯାଇଛି ।

ଅଧିକ ପଢନ୍ତୁ- ୧୭ ନକଲି ରେମଡେସିଭିର ଇଞ୍ଜେକ୍ସନ ଜବତ, ୨ ଗିରଫ

‘ଜଙ୍ଗଲ କ୍ରାଏ’କୁ ଦାଦା ସାହେବ ଫାଲକେ ଆନ୍ତର୍ଜାତିକ ଚଳଚ୍ଚିତ୍ର ପୁରସ୍କାର

ଭୁବନେଶ୍ୱର: କିସ୍‍ ରଗ୍‍ବୀ ଉପରେ ଆଧାରିତ ଚଳଚ୍ଚିତ୍ର ‘ଜଙ୍ଗଲ କ୍ରାଏ’କୁ ଦାଦା ସାହେବ ଫାଲ୍‍କେ ଆନ୍ତର୍ଜାତିକ ଚଳଚ୍ଚିତ୍ର ପୁରସ୍କାର ପ୍ରଦାନ କରାଯାଇଛି । ଏକାଦଶ ଦାଦା ସାହେବ ଫାଲ୍‍କେ ଫିଲ୍ମ ଫେଷ୍ଟିଭଲ ୨୦୨୧ ଅବସରରେ ଜୁରୀ ବର୍ଗରେ ଶ୍ରେଷ୍ଠ ଚଳଚ୍ଚିତ୍ର ଭାବେ ଜଙ୍ଗଲ କ୍ରାଏକୁ ଏହି ପୁରସ୍କାର ପ୍ରଦାନ କରାଯାଇଛି । କିସ୍‍ର ୧୨ଜଣ ଛାତ୍ରଙ୍କୁ ନେଇ ଗଠିତ କିସ୍‍ ରଗ୍‍ବୀ ଦଳ ୨୦୦୭ରେ ଇଂଲଣ୍ଡରେ ଯେଭଳି ୧୪ବର୍ଷରୁ କମ୍‍ ଆନ୍ତର୍ଜାତୀୟ ରଗ୍‍ବୀ ଚାମ୍ପିଅନ୍‍ ହେଲେ ତା ଉପରେ ଏକ ନିଛକ ପ୍ରେରଣାଦାୟୀ ସତ୍ୟ କାହାଣୀ ଉପରେ ଆଧାରିତ ଚଳଚ୍ଚିତ୍ର ହେଉଛି ‘ଜଙ୍ଗଲ କ୍ରାଏ’ ।

୩୦ ହଜାର ଜନଜାତି ଛାତ୍ରଛାତ୍ରୀଙ୍କୁ ନେଇ ଗଢ଼ି ଉଠିଥିବା କିସ୍‍ ଅନୁଷ୍ଠାନ ଶିକ୍ଷା, କ୍ରୀଡ଼ା ସହ ଅନ୍ୟାନ୍ୟ କ୍ଷେତ୍ରରେ ନିଜର ପାରଦର୍ଶିତ ଦେଖାଇ ଆସିଛି ଏବଂ ଏହି ପ୍ରକ୍ରିୟା ଜାରି ରହିଛି । କିସରେ ପଢ଼ୁଥିବା ଛାତ୍ରଛାତ୍ରୀଙ୍କ ସାମଗ୍ରିକ ବିକାଶ ପାଇଁ କିସରେ କ୍ରୀଡ଼ା ସହିତ ଅନ୍ୟାନ୍ୟ ଅନେକ କାର୍ଯ୍ୟକ୍ରମର ବ୍ୟବସ୍ଥା କରାଯାଇଛି । ୨୦୦୫ ମସିହାରେ କିସ୍‍ ପ୍ରତିଷ୍ଠାତା ଅଚ୍ୟୁତ୍ ସାମନ୍ତ କିସରେ ରଗବୀକୁ ସୁଯୋଗ ଦେଇଥିଲେ । ୨୦୦୭ରେ କିସ୍‍ର ୧୨ ଛାତ୍ରଙ୍କୁ ନେଇ ଗଠିତ ଭାରତୀୟ ୧୪ବର୍ଷରୁ କମ୍‍ ରଗ୍‍ବୀ ଦଳ ଆନ୍ତର୍ଜାତିକ ରଗ୍‍ବୀ ପ୍ରତିଯୋଗିତାରେ ଅଂଶଗ୍ରହଣ କରିଥିଲେ । ପ୍ରତିଷ୍ଠାତା ଶ୍ରୀ ସାମନ୍ତ ଏକ ଚ୍ୟାଲେଞ୍ଜ ନେଇ ଏହି ରଗ୍‍ବୀ ଦଳକୁ ଲଂଲଣ୍ଡ ପଠାଇଥିଲେ । ଲଂଲଣ୍ଡରେ କିସ୍‍ ରଗ୍‍ବୀ ଦଳ ଅତି ଚମତ୍କାର ଭାବେ ପ୍ରଦର୍ଶନ କରି ବିଶ୍ୱ ଚାମ୍ପିଅନ୍‍ ହୋଇଥିଲା । ଏହା ଥିଲା କିସ୍‍ ରଗ୍‍ବୀ ସଫଳତାର ପ୍ରଥମ ସୋପାନ । ସେଦିନର ଶ୍ରୀ ସାମନ୍ତଙ୍କ ସେହି ଦୂରଦୃଷ୍ଟିକୁ ଆଜି ସମସ୍ତେ ପ୍ରଶଂସା କରୁଛନ୍ତି ।

ମୋଟାମୋଟି ଉପରେ ସୁଯୋଗ ମିଳିଲେ କୌଣସି କାର୍ଯ୍ୟ ଅସାଧ୍ୟ ରହିଯିବ ନାହିଁ ଏବଂ କ୍ରୀଡ଼ା ଓ ଶିକ୍ଷା ଜରିଆରେ ଦାରିଦ୍ର‌୍ୟ ଦୂରୀକରଣ ସହ ଛାତ୍ରଛାତ୍ରୀଙ୍କୁ ଦେଶ ଗଠନରେ ବ୍ରତୀ କରିଥାଏ ବୋଲି ‘ଜଙ୍ଗଲ କ୍ରାଏ’ ଚଳଚ୍ଚିତ୍ର ପ୍ରମାଣ କରିଥାଏ । ଯାହା କିସ୍‍ ଜରିଆରେ ହିଁ ସମ୍ଭବ ହୋଇପାରୁଛି ବୋଲି ପ୍ରଯୋଜକ ପ୍ରଶାନ୍ତ ସାହ ଓ ନିର୍ଦ୍ଦେଶକ ସାଗର ବାଲାରି ଅନୁଭବ କରିଥିଲେ । ଜଙ୍ଗଲ କ୍ରାଏର ସଫଳତାରେ କିସ୍‍ ପ୍ରତିଷ୍ଠାତା ଅଚ୍ୟୁତ ସାମନ୍ତ ସନ୍ତୋଷ ବ୍ୟକ୍ତ କରିବା ସହ ପ୍ରଯୋଜକ ପ୍ରଶାନ୍ତ ସାହ ଓ ନିର୍ଦ୍ଦେଶକ ସାଗର ବାଲାରିଙ୍କୁ ଅଭିନନ୍ଦନ ଜଣାଇ କହିଛନ୍ତି, ସେମାନେ କିସ୍‍ର ସ୍ୱପ୍ନକୁ ସାକାର କରି ଏହା ଉପରେ ଏକ ଚଳଚ୍ଚିତ୍ର ନର୍ମାଣ କରିପାରିଛନ୍ତି । ଏହା ସହିତ ଚଳଚ୍ଚିତ୍ର ଚୟନକାରୀଙ୍କୁ ମଧ୍ୟ ଶ୍ରୀ ସାମନ୍ତ ଧନ୍ୟବାଦ ଜଣାଇ କହିଛନ୍ତି ୨୦୦୭ରେ ଇଂଲଣ୍ଡରେ କିସ୍‍ ରଗ୍‍ବୀ ଦଳ ଯେଭଳି ସମସ୍ତ ଭୌଗୋଳିକ, ସାଂସ୍କୃତିକ ଓ କୌଶଳଗତ ବାଧାବିଘ୍ନକୁ ସାହସର ସହ ଅତିକ୍ରମ କରି ବିଶ୍ୱ ଚାମ୍ପିଅନ୍‍ ହେବା ସହ ଜନଜାତି ପିଲାମାନେ ଯେଭଳି ନାଁ କମେଇଥିଲେ ତାହା ହିଁ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲା ।

ଯୋଗୀଙ୍କ ଦାବିକୁ ପ୍ରଶ୍ନ କରୁଛନ୍ତି ଦଳର ବିଧାୟକ ଏବଂ ସାଂସଦ

ଲକ୍ଷ୍ନୌ: ରାଜ୍ୟରେ ଅମ୍ଲଜାନର ଅଭାବ ନାହିଁ । ଔଷଧ ଯଥେଷ୍ଟ ଅଛି । ମୋଟାମୋଟି ଭାବେ ସବୁ ଠିକ୍ ଅଛି । ଏମିତି ଦାବି କରୁଛନ୍ତି ଦେଶର ସବୁଠୁ ବଡ଼ ରାଜ୍ୟ ଉତ୍ତର ପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । କିନ୍ତୁ ସତ ଆଉ କିଛି । ସତ ହେଲା ସତ ସହ ସାମ୍ନାସାମ୍ନି ହେବାକୁ ଡରୁଛନ୍ତି ଯୋଗୀ । ଯୋଗୀରାଜରେ ଏବେ କରୋନା ରାଜ୍ ଚାଲିଛି କହିଲେ ଭୂଲ୍ ହେବନି । ରାମ ରାଜ୍ୟ ବଦଳରେ ଏବେ ସେଠାରେ ଚାଲିଛି ଯମଙ୍କ ରାଜ୍ । ମୁଖ୍ୟମନ୍ତ୍ରୀ ଯୋଗୀ ଯେତେ ଯାହା କହିଲେ ବି ସତ ସାମ୍ନାକୁ ଆସୁଛି । ଆଉ ଯୋଗୀଙ୍କ ମୁଖା ଖୋଲୁଛନ୍ତି ତାଙ୍କରି ବିଧାୟକ ଓ ସାଂସଦ ।

BJP MLA, MP Questioning On Up CM Yogi Adityanath Corona Management

ଯୋଗୀ ସରକାରଙ୍କ କରୋନା ମୁକାବିଲା ରଣନୀତିକୁ ନେଇ ଖୋଦ ତାଙ୍କର ଦଳର ସାଂସଦ ଓ ବିଧାୟକ ଖୁସି ନାହାନ୍ତି । ମୁଖ୍ୟମନ୍ତ୍ରୀଙ୍କୁ ସେମାନେ ଲେଖୁଥିବା ପତ୍ରରୁ ଏହା ଜଣା ପଡୁଛି । ସବୁଠୁ ବଡ଼ କଥା ହେଲା ମୁଖ୍ୟମନ୍ତ୍ରୀଙ୍କୁ ଲେଖାଯାଉଥିବା ଚିଠି ସବୁ ସୋସିଆଲ ମିଡିଆରେ ମଧ୍ୟ ପୋଷ୍ଟ ହେଉଛି । ଅର୍ଥାତ ନିଜ ଅସନ୍ତୋଷକୁ ଜାହିର୍ କରିବା ପାଇଁ ବିଜେପି ନେତା ଚିଠି ଖାଲି ଇଣ୍ଡିଆ ପୋଷ୍ଟରେ ପୋଷ୍ଟ୍ କରୁନାହାନ୍ତି, ସେମାନେ ମଧ୍ୟ ଚାପ ପ୍ରୟୋଗ ପାଇଁ ସୋସିଆଲ ମିଡିଆରେ ଏହାକୁ ଜାଣିଶୁଣି ପୋଷ୍ଟ କରୁଛନ୍ତି । କିନ୍ତୁ ଯୋଗୀ ତ’ ଯୋଗୀ । ସେ କହୁଛନ୍ତି.. କିଛି ହେଇନି.. ଉତ୍ତର ପ୍ରଦେଶର ସବୁ ଠିକ୍ ଅଛି । ମାନେ ଯୋଗୀଙ୍କ ଉତ୍ତର ପ୍ରଦେଶ ଉତ୍ତମ ପ୍ରଦେଶ ।

BJP MLA, MP Questioning On Up CM Yogi Adityanath Corona Management

ବିଜେପିର ଗୋଲା ବିଧାୟକଙ୍କ ପତ୍ରକୁ ନିଅନ୍ତୁ । ବିଧାୟକ ଅରବିନ୍ଦ ଗିରି ଲକ୍ଷ୍ମୀପୁର ଖିରିର ଜିଲ୍ଲାପାଳଙ୍କୁ ଚିଠି ଲେଖି ଅଭିଯୋଗ କରିଛନ୍ତି ଯେ, ତାଙ୍କର ୨୪ ଜଣ ସମର୍ଥକଙ୍କର ଅମ୍ଲଜାନ ଅଭାବରୁ ମୃତ୍ୟୁ ହୋଇଛି । ସମର୍ଥକଙ୍କ ବ୍ୟତୀତ ଆହୁରି ୧୦୦ରୁ ଅଧିକ ଅମ୍ଲଜାନ ଅଭାବରୁ ପ୍ରାଣ ହରାଇଛନ୍ତି ବୋଲି ସେ ଅଭିଯୋଗ କରିଛନ୍ତି । ମୁଖ୍ୟମନ୍ତ୍ରୀଙ୍କ ଉପରେ ସିଧାସଳଖ ଆରୋପ ନଲଗାଇ ସେ କହୁଛନ୍ତି ମୁଖ୍ୟମନ୍ତ୍ରୀ ବହୁତ କିଛି କରୁଛନ୍ତି କିନ୍ତୁ ପ୍ରଶାସନ କିଛି କରୁନି । ଏବେ ପ୍ରଶ୍ନ ଉଠୁଛି ପ୍ରଶାସନ ଯଦି ଅକର୍ମା ତେବେ ଦାୟୀ ହେବେ କିଏ ?

BJP MLA, MP Questioning On Up CM Yogi Adityanath Corona Management

ଯୋଗୀ ସରକାରରେ ମନ୍ତ୍ରୀ ଥିବା ବୃଜେଶ ପାଠକ ମଧ୍ୟ ଏମିତି ଅଭିଯୋଗ ଆଣିଛନ୍ତି । ଲକ୍ଷ୍ନୌ ପ୍ରଶାସନ ନିକମା ବୋଲି  ଅଭିଯୋଗ କରି ସେ ପତ୍ର ଲେଖିଥିଲେ । ଲକ୍ଷ୍ନୌରେ କେମିତି ବେଡ୍, ଅମ୍ଲଜାନର ଅଭାବ ଅଛି ସେ କଥା ସେ ଉଠାଇଥିଲେ । କିନ୍ତୁ ଲାଗୁଛି ଯୋଗୀ ତାଙ୍କ ମନ୍ତ୍ରୀ ମଣ୍ଡଳର ସହଯୋଗୀଙ୍କଠାରୁ ମଧ୍ୟ ବହୁଦୂରରେ । କାରଣ ଯୋଗୀଙ୍କ ହିସାବରେ ଉତ୍ତର ପ୍ରଦେଶରେ ସବୁ ଠିକ୍ ଅଛି ।

BJP MLA, MP Questioning On Up CM Yogi Adityanath Corona Management

ମୋହନଲାଲଗଞ୍ଜର ବିଜେପି ସାଂସଦ କୌଶଲ କିଶୋର ମଧ୍ୟ ଅମ୍ଲଜାନ ଅଭାବକୁ ନେଇ ପତ୍ର ଲେଖିଛନ୍ତି । ସେହିଭଳି ମିରଟ ସାଂସଦ ରାଜେନ୍ଦ୍ର ଅଗ୍ରୱାଲ, ଭଦୋହି ବିଧାୟକ ଦିନାନାଥ ଭାସ୍କର ମଧ୍ୟ ପତ୍ର ଲେଖି ପ୍ରଶାସନ ବିଫଳ ହୋଇଛି ବୋଲି ଅଭିଯୋଗ କରିଛନ୍ତି ।

କରୋନାରେ ଅଭିନେତା ବିକ୍ରମଜିତ୍ କନୱାରପାଲଙ୍କର ମୃତ୍ୟୁ

ମୁମ୍ବାଇ: ପ୍ରତିଦିନ କରୋନା ସଂକ୍ରମଣ ମାମଲା ବଢ଼ି ବଢ଼ି ଏବେ ୪ ଲକ୍ଷ ପାର୍ କରିଛି। କରୋନାର ଯୋଗୁ ଅନେକ ଲୋକ ପ୍ରାଣ ମଧ୍ୟ ହରାଉଛନ୍ତି। ଗତ 24 ଘଣ୍ଟାରେ ଦେଶରେ ୩ ହଜାର ୫୨୩ ଜଣଙ୍କର କରୋନା ଯୋଗୁ ମୃତ୍ୟୁ ହୋଇଛି। ଏହାରି ଭିତରେ ସିନେମା ଜଗତରୁ ଆଉ ଏକ ଦୁଃଖଦ ଖବର ଆସିଛି। ବଲିଉଡ ଓ ଟେଲିଭିଜନର ଲୋକପ୍ରିୟ ଅଭିନେତା ତଥା ଅବସରପ୍ରାପ୍ତ ସେନାଅଧିକାରୀ ବିକ୍ରମଜିତ୍ କନୱାରପାଲଙ୍କର 52ବର୍ଷରେ କରୋନା ଯୋଗୁ ମୃତ୍ୟୁ ହୋଇଛି। ଗତ କିଛ ଦିନ ହେବ ସେ କରୋନାରେ ସଂକ୍ରମିତ ହୋଇ ଚିକିତ୍ସିତ ହେଉଥିଲେ।

ବିକ୍ରମଜିତ୍ ଅନେକ ଟିଭି ସିରିଏଲ ଏବଂ ହିଟ୍ ଫିଲ୍ମରେ ସପୋର୍ଟିଂ ରୋଲରେ କାମ କରିଛନ୍ତି। ଫିଲ୍ମ ନିର୍ଦ୍ଦେଶକ ତଥା ନିର୍ମାତା ଅଶୋକ ପଣ୍ଡିତ ଟ୍ୱିଟ୍ କରି ଏହି ଦୁଃଖଦ ଖବର ବିଷୟରେ ସୂଚନା ଦେଇଛନ୍ତି।

https://twitter.com/ashokepandit/status/1388328529318666247?s=20

ଅଶୋକ ପଣ୍ଡିତ ତାଙ୍କ ଟ୍ୱିଟରରେ ଶ୍ରଦ୍ଧାଞ୍ଜଳି ଅର୍ପଣ କରି ଲେଖିଛନ୍ତି, ‘କୋଭିଡ କାରଣରୁ ମେଜର ବିକ୍ରମଜିତ୍ କନୱାରପାଲଙ୍କ ମୃତ୍ୟୁ ଖବର ଶୁଣି ମୁଁ ଅତ୍ୟନ୍ତ ଦୁଃଖିତ। ସେ ଅନେକ ଚଳଚ୍ଚିତ୍ର ଏବଂ ଟିଭି ସିରିଏଲରେ କାମ କରୁଥିବା ଜଣେ ଅବସରପ୍ରାପ୍ତ ସେନା ଅଧିକାରୀ। ତାଙ୍କ ପରିବାର ପ୍ରତି ମୋର ସମବେଦନା ଓମ୍ ଶାନ୍ତି। ‘

ବିକ୍ରମଜିତ୍ କନୱାରପାଲଙ୍କ ମୃତ୍ୟୁ ଖବର ପ୍ରକାଶ ପାଇବା ପରେ ଅନେକ ଟେଲିଭିଜନ ଏବଂ ବଲିଉଡ ଅଭିନେତା, ନିର୍ମାତା ଓ ନିର୍ଦ୍ଦେଶକ ଟ୍ୱିଟ୍ କରି ଶୋକ ପ୍ରକାଶ କରିଛନ୍ତି।

ବିକ୍ରମଜିତ୍ କନୱାରପାଲ ହିମାଚଳ ପ୍ରଦେଶର ଜଣେ ସେନା ଅଧିକାରୀଙ୍କ ଘରେ ଜନ୍ମ ହୋଇଥିଲେ। ଭାରତୀୟ ସେନାବାହିନୀରୁ ଅବସର ନେବା ପରେ ବିକ୍ରମଜିତ୍ 2003ରେ ଅଭିନୟ କରିବା ଆରମ୍ଭ କରିଥିଲେ। ସେ ଫିଲ୍ମ ‘ପେଜ୍ 3’, ‘ରକେଟ୍ ସିଂ; ସେଲ୍ସମ୍ୟାନ୍ ଅଫ୍ ଦି ଇୟର’, ‘ଆରକ୍ଷଣ’, ମର୍ଡର ୨’, ‘ଟୁ ଷ୍ଟେଟ୍ସ’ ଏବଂ ‘ଦ ଗାଜି ଆଟାକ୍’ ଭଳି ଅନେକ ସୁପରହିଟ୍ ଫିଲ୍ମରେ ଅଭିନୟ କରିଛନ୍ତି। ଏଥିସହ ସେ ‘ଦିୟା ଅର ବାତି ହମ’, ‘ୟେ ହେ ଚାହାତେ’, ‘ଦିଲ ହି ତୋ ହୈ’ ଏବଂ ‘ଅନିଲ କପୁର 24’ ଭଳି ଲୋକପ୍ରି ଟିଭି ସିରୟଲରେ ମଧ୍ୟ କରିଛନ୍ତି।