କେନ୍ଦ୍ରକୁ ହାଇକୋର୍ଟଙ୍କ ନିର୍ଦ୍ଦେଶ; ଦିଲ୍ଲୀକୁ ଯେମିତି ହେଲେବି 490 MT ଅକ୍ସିଜେନ୍ ମିଳୁ

Odisha Govt To Hire Empty Medical Oxygen Cylinder

ନୂଆଦିଲ୍ଲୀ: କରୋନା ମହାମାରୀ ସମୟରେ ଦେଶରେ ଜାରି ରହିଛି ଅକ୍ସିଜେନ୍ ସଙ୍କଟ । ଏନେଇ ହାଇକୋର୍ଟରେ ଶୁଣାଣି ଜାରି ରହିଛି । ଏହା ମଧ୍ୟରେ ଅକ୍ସିଜେନ୍ ଅଭାବରୁ ଦିଲ୍ଲୀର ବତ୍ରା ହସ୍ପିଟାଲରେ ପ୍ରାୟ ୮ ଜଣ ରୋଗୀଙ୍କ ମୃତ୍ୟୁ ଘଟିଛି । ଯେଉଁଥିରେ ଜଣେ ଡାକ୍ତର ମଧ୍ୟ ସାମିଲ ରହିଛନ୍ତି ।

ସୂଚନା ଅନୁଯାୟୀ ବାତ୍ରା ହସ୍ପିଟାଲରେ ଅକ୍ସିଜେନ୍ ପହଞ୍ଚିବା ପୂର୍ବରୁ ଏଭଳି ହୃଦୟ ବିଦାରକ ଘଟଣା ଘଟିଯାଇଥିଲା। ହସ୍ପିଟାଲ୍ ପକ୍ଷରୁ ଜାରି ବୟାନ୍ ଅନୁଯାୟୀ, ‘‘ଆମକୁ ସମୟରେ ଅକ୍ସିଜେନ୍ ମିଳନଥିଲା । ଦ୍ୱିପ୍ରହର ୧୨ଟା ବେଳକୁ ଅକ୍ସିଜେନ୍ ସରି ଆସିଥିବା ବେଳେ ଆମକୁ ଦେଢ ଘଣ୍ଟା ବିଳମ୍ବରେ ଅକ୍ସିଜେନ୍ ଦିଆଯାଇଥିଲା । ସମୟରେ ଅକ୍ସିଜେନ୍ ନମିଳିବାରୁ ଅନେକ ମୂଲ୍ୟବାନ ଜୀବନ ଶେଷ ହୋଇଯାଇଛି’’ ।

ତେବେ ଏନେଇ ହାଇକୋର୍ଟରେ ଶୁଣାଣି ବେଳେ ବାତ୍ରା ହସ୍ପିଟାଲ ପକ୍ଷରୁ କୁହାଯାଇଥିଲା ଯେ ମେଡିକାଲ ପାଖରେ କେବଳ ୧ ଘଣ୍ଟା ପାଇଁ ଅକ୍ସିଜେନ୍ ରହିଛି । ପ୍ରତିଦିନ କିଛି କିଛି ଘଣ୍ଟା ସଙ୍କଟରେ ବିତୁଛି ।

ଏହି ପୂରା ଘଟଣାକୁ ନେଇ ଦିଲ୍ଲୀ ସରକାର କୋର୍ଟକୁ କହିଛନ୍ତି ଯେ ଦିଲ୍ଲୀରେ ଅକ୍ସିଜେନ୍ ଟ୍ୟାଙ୍କରକୁ ପ୍ରାଥମିକତା ଦିଆଯାଉନାହିଁ । ଯେଉଁଥିପାଇଁ ପ୍ରତିଦିନ ସଂଘର୍ଷ କରିବାକୁ ପଡୁଛି । ଏହା ମଧ୍ୟରେ ବିରାଟ ଗୁପ୍ତା ନାମକ ଜଣେ ବ୍ୟକ୍ତି କହିଛନ୍ତି ଯେ ୧୨ ରାଜନୈତିକ ଦଳ ଅକ୍ସିଜେନର କଳାବଜାରୀରେ ଲାଗିଛନ୍ତି ।

ଯାହା ପରେ ହାଇକୋର୍ଟ କହିଛନ୍ତି, ‘‘ଯାହା ବି ହେଇଯାଉ ଆଜି 490MT ଅକ୍ସିଜେନ୍ ପହଞ୍ଚିବା ଦରକାର । ଯଦି ନିର୍ଦ୍ଦେଶ ପାଳନ ନହୁଏ ତାହେଲେ ଏହାକୁ ଅଦାଲତ ଅବମାନନା ବୋଲି ବିଚାର କରାଯିବ । ନିର୍ଦ୍ଦେଶ କାର୍ଯ୍ୟକାରୀ ନହେଲେ DPIIT  ସଚିବଙ୍କୁ ଆଗାମୀ ଶୁଣାଣିରେ କୋର୍ଟରେ ହାଜର ହେବାକୁ ପଡିବ ।

Leave a Reply

Your email address will not be published.