ଭୁବନେଶ୍ୱର: ନନ୍ଦିଘୋଷ ଟିଭିର ମହା ପ୍ରଭାବ। ସରକାରୀ କାର୍ଯ୍ୟାଳୟରେ RIଙ୍କ ରାସଲୀଳା ପ୍ରସଙ୍ଗ। ଗଦାଶିଳା RI ରଞ୍ଜନ ପାଣିଗ୍ରାହୀଙ୍କୁ ନିଲମ୍ବନ ନିର୍ଦ୍ଦେଶ। ଢ଼େଙ୍କାନାଳ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଲେ ରାଜସ୍ୱ ସଚିବ। ଖାଲି ସେତିକି ନୁହେଁ ନିଲମ୍ବନ ସହିତ ଅପରାଧିକ ମାମଲା ରୁଜୁ କରିବାକୁ କହିଲେ ରାଜସ୍ୱ ସଚିବ। ଏଭଳି ଏକ ଅଭାବନୀୟ ଘଟଣାକୁ ପ୍ରଥମେ ଷ୍ଟିଂ ଅପରେସନ କରି ସମସ୍ତଙ୍କ ସାମ୍ନାକୁ ଆଣିଥିଲା ନନ୍ଦିଘୋଷ ଟିଭି। ତେବେ ନନ୍ଦିଘୋଷ ଟିଭିରେ ପ୍ରସାରଣ ପରେ ତୁରନ୍ତ ପଦକ୍ଷେପ ନିଆଯାଇଛି। ନନ୍ଦିଘୋଷ ଟିଭିକୁ ରାଜସ୍ୱ ସଚିବ ବିଷ୍ଣୁପଦ ସେଠୀଙ୍କ ସୂଚନା।

ସୂଚନା ଅନୁଯାୟୀ ଆଜି ନନ୍ଦିଘୋଷ ଟିଭି ସରକାରୀ ଅଫିସରେ ରାସଲୀଳାର ଏକ ଷ୍ଟିଂ ଅପରେସନ ଦେଖାଇଥିଲା। ଯେଉଁଥିରେ ରାଜସ୍ୱ ନିରୀକ୍ଷକ ବିଭାଗର କର୍ମଚାରୀ ରଞ୍ଜନ ପାଣିଗ୍ରାହୀ ମହିଳାଙ୍କ ସହ ରାସଲୀଳା କରୁଥିଲେ। ଦିନଦ୍ଵିପ୍ରହର ରେ ଅଫିସ ଭିତରେ ମଦନିଶାରେ ସୋଇଛନ୍ତି RI ବାବୁ। ଫ୍ୟାନ୍‌ ଚାଲିଛି କବାଟ ଝରକା ଖୋଲା ଅଛି। କ୍ୟାମେରା ବୁଲୁଛି ହେଲେ ବାବୁଙ୍କର ହୋସ ନାହିଁ।

କ୍ୟାମେରାରେ କଏଦ ହୋଇଛି RI ବାବୁଙ୍କର ଦିନଦ୍ଵିପ୍ରହରରେ ଅଫିସ ଭିତରେ ଖୁଲ୍ଲମଖୁଲ୍ଲା ପ୍ରେମ। ସତେ ଯେପରି ଏହା କାର୍ଯାଳୟ ନୁହେଁ ବେଶ୍ୟାଳୟ। ଅଫିସ ଝରକା ପଛପଟେ ହାଇୱେ କଡରେ ଥିବା ଢାବା କିମ୍ବା ବାରର ଆଳିଆଗଦା ପରି ଗଦା ହୋଇ ରହିଛି ମଦବୋତଲ। ଏହା ପ୍ରମାଣିତ କରୁଛି ଓଡ଼ାପଡ଼ା ତହସିଲ ଅନ୍ତର୍ଗତ ଗଦାଶିଳା RI ଅଫିସ କୌଣସି ବାର ଠାରୁ କମ ନୁହେଁ।

ଭୁବନେଶ୍ୱର: ରାଜଧାନୀରେ ବିବାହର ପ୍ରତିଶ୍ରୁତି ଦେଇ ସମ୍ପର୍କ ରଖିବା ପରେ ଘରେ କଳାକନା ବୁଲେଇ ଛୁ ମାରିଲା ରଙ୍ଗିଲା ଯୁବକ। ଏଭଳି ଘଟଣା ଘଟିଛି ଖଣ୍ଡଗିରି ଥାନା ଡୁମୁଡୁମାରେ। ସ୍ୱାମୀର ଅଭିନୟ କରି ସାତ ଜନମର ସାଥୀ ହେଲା। ମୌକା ଦେଖି କଳା କନା ବୁଲାଇଲା। ଏନେଇ ଖଣ୍ଡଗିରି ଥାନାରେ ଏତଲା ଦେଲା ସର୍ବହରା ମହିଳା।  ଅଭିଯୋଗ ଆଣିଛନ୍ତି ଖଣ୍ଡଗିରି ଥାନା ଡୁମାଡୁମା ଅଞ୍ଚଳର ଜଣେ ମହିଳା। ଠକେଇର ଶିକାର ହେବା ପରେ ମୋବାଇଲରେ ଥିବା ଫଟୋକୁ ଧରି କାନ୍ଦି କାନ୍ଦି ଏଭଳି ଠକ ଠାରୁ ଦୂରେଇ ରହିବାକୁ ନିବେଦନ କରୁଛନ୍ତି।

ତେବେ ସ୍ୱାମୀଙ୍କ ମୃତ୍ୟୁ ପରେ ମହିଳା ଜଣଙ୍କ ଚାକିରୀ ଖୋଜୁଥିଲେ। ଏହି ସମୟରେ ସଞ୍ଜୟ ମଲ୍ଲିକ ଓରଫ ରାଜା ବିଶ୍ୱାଳ ନାମକ ଜଣେ ଯୁବକ ତାଙ୍କୁ ଚାକିରି ଦେବାକୁ କହି ସମ୍ପର୍କ ଆରମ୍ଭ କରିଥିଲେ। ପରେ ସମ୍ପର୍କ ଭଲ ପାଇବା ଆଡ଼କୁ ଯିବା ସହ ବିବାହ ଆଡ଼କୁ କଥା ବଢିଥିଲା। ସୁନ୍ଦରଗଡ଼ରେ କୋଠା ବାଡ଼ି ଅଛି, ତୁମକୁ ବିବାହ କରିବି। ଏପରିକି ଉଭୟ ୬ ମାସ ଏକାଠି ରହିଥିଲେ। ଏକ ବ୍ୟାଙ୍କରେ ଗାଡ଼ି ଲଗାଇ ମାସକୁ ୩୫ ହଜାର ଟଙ୍କା ମିଳିବାର ଲୋଭ ଦେଖାଇଥିଲେ। ଏନେଇ ୮ ଲକ୍ଷ ଟଙ୍କା ଦରକାର ବୋଲି ମହିଳାଙ୍କୁ କହିଥିଲେ। ପରେ ସୁଯୋଗ ଦେଖି ରାଜା ମହିଳାଙ୍କ ଆକାଉଣ୍ଟରୁ ସମସ୍ତ ଟଙ୍କା ଓ ସୁନା ଅଳଙ୍କାର ନେଇ ଛୁ ମାରିଥିଲେ। ଏ ନେଇ ମହିଳା ଜଣଙ୍କ ଖଣ୍ଡଗିରି ଥାନାରେ ଅଭିଯୋଗ କରିଛନ୍ତି।

କେବଳ ରଘୁନାଥ ନଗରର ଜଣେ ମହିଳା ନହେଁ। ଏକାଧିକ ମହିଳାକୁ ଏଭଳି ବିବାହର ପ୍ରତିଶ୍ରୁତି ଦେଇ ଲକ୍ଷାଧିକ ଟଙ୍କା ଠକେଇ କରିଥିବା ଅଭିଯୋଗ ହୋଇଛି। ପରିବାର ସହ ମିଶି ସେ ସ୍ୱାମୀର ଅଭିନୟ କରି ଟଙ୍କା ଲୁଟିଛି। ସେପଟେ ଖଣ୍ଡଗିରି ଥାନାରେଏତଲା ପରେ ପୋଲିସ ତଦନ୍ତ ଆରମ୍ଭ କରିଛି। ତଦନ୍ତ ବେଳେ ରଙ୍ଗିଲା ଯୁବକ ଜଣଙ୍କର ପ୍ରକୃତ ନାମ ରାଜା ନୁହେଁ ସଞ୍ଜୟ ମଲିକ । ଠକ ରାଜାକୁ ଧରିଲା ପରେ ପୁରା ପରିବାରରଅସଲ ଚେହେରା ପଦାକୁ ଆସିବ। ଏବେ ଅପେକ୍ଷା କେବେ ଗିରଫ ହେବ ଧୂର୍ତ୍ତ ଠକ ସ୍ୱାମୀ ।

ଗଞ୍ଜାମ: ବ୍ରହ୍ମପୁରର ମା’ ବୁଢ଼ୀ ଠାକୁରାଣୀ ପୀଠରେ ଲାଗିଲା ୧୪୪ ଧାରା। ଜିଲ୍ଳା ପ୍ରଶାସନ ପକ୍ଷରୁ ଆଜି ୧୪୪ଧାରା ଲାଗୁ ନେଇ ନିର୍ଦ୍ଦେଶନାମା ଜାରି କରାଯାଇଛି। ଆଜି ସନ୍ଧ୍ୟା ୬ଟାରୁ ରାତି ୧୦ଟା ଯାଏଁ ଲାଗୁ କରାଯିବ କଟକଣା। ଅସ୍ଥାୟୀ ପୀଠରୁ ରାଜବାଟୀ ଯାଏଁ ୧୪୪ ଧାରା ଲାଗୁ କରାଯିବା ନେଇ ସୂଚନା ଦିଆଯାଇଛି। ପରମ୍ପରା ଅନୁଯାୟୀ ଅସ୍ଥାୟୀ ପୀଠରୁ ରାଜବାଟୀ ଯିବେ ମା’ ଠାକୁରାଣୀ। ପୀଠରେ ପୂଜା, ପ୍ରସାଦ ସେବନ, ନଡ଼ିଆ ଭଙ୍ଗା ମନା ହୋଇଥିବା ବେଳେ କେବଳ ମା’ଙ୍କର ଆଳତି କରାଯିବ । ମୋଟ୍ ୨୦ଜଣ ପୂଜକ/ସେବାୟତଙ୍କ ମଧ୍ୟରେ ହେବ ରୀତିନୀତି। ପୋଲିସ କର୍ଡନରେ କେବଳ ପାରମ୍ପରିକ ରୀତିନୀତି ସମ୍ପର୍ଣ୍ଣ ହେବ। ରାତି ୧୦ଟା ସୁଦ୍ଧା ସବୁ କାର୍ଯ୍ୟକ୍ରମ ସାରିବାକୁ ପ୍ରଶାସନ ପକ୍ଷରୁ ନିର୍ଦ୍ଦେଶ ରହିଛି। ଠାକୁରାଣୀଙ୍କ ନିକଟକୁ ଯିବାକୁ ଶ୍ରଦ୍ଧାଳୁଙ୍କୁ ବାରଣ କରାଯାଇଥିବା ବେଳେ ମାଇକ୍ ବଜାଇବା, ଲୋକଙ୍କୁ ଏକାଠି କରି ପ୍ରବଚନ ଦେବାକୁ ପ୍ରଶାସନ ପକ୍ଷରୁ ମନା କରାଯାଇଛି।