spot_img
Home Blog Page 5629

ଜ୍ୱରରେ ପୀଡ଼ିତ ଶ୍ରୀବିଗ୍ରହଙ୍କ ଶ୍ରୀଅଙ୍ଗରେ ଲାଗି ହେଲା ଫୁଲୁରୀ ତେଲ

ପୁରୀ: ଆଜି ଅନବସରର ପଞ୍ଚମୀ ତିଥି। ଦାରୁଦିଅଁଙ୍କ ଶ୍ରୀଅଙ୍ଗରେ ଫୁଲୁରୀ ତେଲ ଲାଗି କରାଯାଇଛି। ଘଣାପେଡ଼ା ରାଶିତେଲରେ ୧୪ ପ୍ରକାର ଫୁଲ, ୭ ପ୍ରକାର ଚେରମୂଳ ଏବଂ ସୁବାସିତ ଦ୍ରବ୍ୟ ମିଶ୍ରିତ ଫୁଲୁରୀ ତେଲ ଶ୍ରୀଅଙ୍ଗରେ ମର୍ଦ୍ଦନ କରାଯାଇଛି। ପୁରୀ ବଡ଼ ଓଡ଼ିଆ ମଠରେ ଏହା ପ୍ରସ୍ତୁତ କରାଯାଇଛି। ହେରା ପଞ୍ଚମୀ ତିଥିରେ ଏକ ମାଟିପାତ୍ରରେ ଏହାକୁ ପ୍ରାୟ ବର୍ଷେ କାଳ ମାଟି ତଳେ ପୋତି ରଖାଯାଇଥାଏ। ଦେବସ୍ନାନ ପୂର୍ଣ୍ଣିମା ପୂର୍ବଦିନ ମାଟିତଳୁ ବାହାର କରି ପଞ୍ଚମୀ ଦିନ ତେଲକୁ ଛାଣି ଅମୁଣିଆ ପ୍ରସ୍ତୁତ କରି ଶ୍ରୀମନ୍ଦିରକୁ ପଠା ଯାଇଥିଲା। ପତି ମହାପାତ୍ର ସେବକ ୩ଟି ରୁପା ପିଙ୍ଗଣରେ ଫୁଲୁରୀ ତେଲକୁ ସଂସ୍କାର କରିବା

Puri Sri Jew Fuluri Oil Snana Yatra

ପରେ ଦଇତାପତିମାନେ ମହାପ୍ରଭୁଙ୍କ ଶ୍ରୀଅଙ୍ଗରେ ମର୍ଦ୍ଦନ କରିଛନ୍ତି। ଏହି ତେଲ ମଖାଯିବା ପରେ ମହାପ୍ରଭୁଙ୍କ ପୀଡ଼ା ଲାଘବ ସହ ସୁସ୍ଥତାର ସୂଚନା ମିଳିଥାଏ ବୋଲି ବିଶ୍ୱସ ରହିଛି। ସେପଟେ ଶ୍ରୀଜିଉଙ୍କ ପାଇଁ ପୁରୀ ଜିଲ୍ଲା ପ୍ରାଚୀନଦୀ ତଟ କାକଟପୁର ଅଞ୍ଚଳର ମାଧବ ମନ୍ଦିର, ଦେଉଳି ମଠ, ବିଶ୍ଵାମିତ୍ର ଆଶ୍ରମ, ବିଭିନ୍ନ ଭକ୍ତ ଏବଂ କଟକ ନିଆଳି ଅଞ୍ଚଳର ମାଧବାନନ୍ଦ ଜୀଉ ମନ୍ଦିରରୁ ଶ୍ରୀମନ୍ଦିରକୁ ଫଳଭାର ପଠାଯାଇଛି। ଖଜୁରୀ, ଆମ୍ବ, ପଣସ, କଦଳୀ, ସପୁରୀ, ନଡିଆ, ପଇଡ, ଡାଳିମ୍ବ, ପିଜୁଳି ଆଦି ଫଳଭାର ଶ୍ରୀମନ୍ଦିରରେ ପହଞ୍ଚିଛି।

ତଥ୍ୟ ନଥାଇ ବିଜେପି ସଭାପତି ରାଜ୍ୟବାସୀଙ୍କୁ ଭ୍ରମିତ କରିବାକୁ ଚେଷ୍ଟା କରୁଛନ୍ତି: ବିଜେଡି

ଭୁବନେଶ୍ୱର: ସମୀର ମହାନ୍ତିଙ୍କ ପ୍ରେସମିଟ୍‌ ନେଇ ପ୍ରତିକ୍ରିୟା ରଖିଛି ବିଜେଡି। ଦଳର ମୁଖପାତ୍ର ଲେନିନ ମହାନ୍ତି ଏ ନେଇ ପ୍ରେସମିଟ କରିଛନ୍ତି। ଜଣେ ସଭାପତି ହିସାବରେ ନିରୁତ୍ସାହିତ କର୍ମୀଙ୍କ ଭିତରେ ସେ ଉତ୍ସାହ ଭରିଛନ୍ତି। ବିଭିନ୍ନ ରାଜ୍ୟରେ ତାଙ୍କ ପରାଜୟ ଓ ସଂଗଠନ ଦୁର୍ବଳ ଥିବା ପରିଲକ୍ଷିତ ହୋଇଛି। କୌଣସି ତଥ୍ୟ ନଥାଇ ଅମୂଳକ ଭାବେ ପ୍ରେସମିଟ କରିଛି ବିଜେପି। କୃଷକଙ୍କ ଦାବି କଥା କହିବାକୁ ଯାଇ ସେ ଭୁଲିଯାଇଛନ୍ତି ଯେ ଉତ୍ତର ପ୍ରଦେଶ ଓ ପଞ୍ଜାବ ଚାଷୀ ଆନ୍ଦୋଳନ କଥା। କେନ୍ଦ୍ର ବିଜେପି ସରକାର ଚାଷୀ ମାରଣ ସରକାର। ଓଡ଼ିଶାର ଲୋକ ଜାଣିଛନ୍ତି, ଏମ.ଏସ୍. ସ୍ୱାମୀନାଥନ ରିପୋର୍ଟ ଲାଗୁ ହୋଇନାହିଁ।

ଧାନକୁ ନେଇ କେନ୍ଦ୍ରୀୟ ସବସିଡି ୬ ହଜାର ୬ ଶହ ୨୦ କୋଟି ଟଙ୍କା ଏଯାଏଁ ଓଡ଼ିଶାକୁ ମିଳିନାହିଁ। ୧୦ ଲକ୍ଷ ମେଟ୍ରିକ ଟନ ଚାଉଳ କେନ୍ଦ୍ର ଉଠାଇନାହିଁ। ଗ୍ରାମ୍ୟ ଗୃହ ନିର୍ମାଣ ଉପରେ କହିବାକୁ ଯାଇ କେନ୍ଦ୍ର ସରକାର ଓଡ଼ିଶାକୁ ଯେ ଅନେକ ଥର ପ୍ରଶଂସା କରିଛନ୍ତି, ସେ କଥା ବୋଧେ ଭୁଲି ଯାଇଛନ୍ତି ବିଜେପି ରାଜ୍ୟ ସଭାପତି। ତଥ୍ୟ ନଥାଇ ବିଜେପି ସଭାପତି ରାଜ୍ୟବାସୀଙ୍କୁ ଭ୍ରମିତ କରିବାକୁ ଚେଷ୍ଟା କରୁଥିବା କହିଛନ୍ତି ଲେଲିନ୍ । ଓଡିଶା ଲୋକେ ବିଜେପିକୁ ଭଲ ଭାବେ ଜାଣିଛନ୍ତି । ଏଣୁ ଭୋକ ବିକଳରେ ତାଟିଆ କାମୁଡୁଥିବା ରାଜ୍ୟ ବିଜେପି ନେତାଙ୍କୁ ଠିକଣା ସମୟରେ ଓଡିଶାବାସୀ ଉଚିତ ଜବାବ ଦେବେ ବୋଲି ବିଜେଡି କହିଛି ।

ଭଲ ଖବର: ଜରୁରିକାଳୀନ ପରିସ୍ଥିତିରେ ଭାରତରେ ମଡେର୍ଣ୍ଣା ଟିକା ଦେବାକୁ DCGIର ଅନୁମତି

ନୂଆଦିଲ୍ଲୀ: ଖୁବଶୀଘ୍ର ଭାରତରେ ମିଳିବ ଚତୁର୍ଥ କରୋନା ଟିକା। ମଡେର୍ଣ୍ଣା ଟିକା ଆମଦାନୀ ପାଇଁ ମିଳିଲା ଅନୁମତି। ଜରୁରିକାଳୀନ ବ୍ୟବହାର ପାଇଁ ଅନୁମତି ମିଳିଲା । ସିପଲାକୁ ଅନୁମତି ଦେଲା DCGI। ଆମେରିକୀୟ କମ୍ପାନୀ ମୋଡେର୍ଣ୍ଣା କରୋନା ଟିକାର ଜରୁରୀକାଳୀନ ବ୍ୟବହାରକୁ DCGIର ଅନୁମୋଦନ। ସିପଲା ବର୍ତ୍ତମାନ ଏହି ଟିକାକୁ ଭାରତରେ ଆମଦାନୀ କରିପାରିବ।

କୋଭିଶିଲ୍ଡ, କୋଭାକ୍ସିନ୍ ଏବଂ ସ୍ପୁଟ୍ନିକ୍ ଭି ଭଳି ମଡେର୍ଣ୍ଣା ହେଉଛି ଚତୁର୍ଥ ଟିକା ଯାହାକୁ ଭାରତରେ ବ୍ୟବହାର ପାଇଁ ମଞ୍ଜୁରି ମିଳିଛି। ଏହି ଟିକା ଆମଦାନି କରିବାକୁ ଅନୁମତି ମାଗି ସିପଲା ସୋମବାର ଏକ ଆବେଦନ ଦାଖଲ କରିଥିଲା। DCGI ନିଜେ ବିଦେଶୀ ଟିକା ପାଇଁ ନିୟମକୁ ୧ ଜୁନ୍ ରେ ଘୋଷଣା କରିଥିଲା। DCGI କହିଥିଲା ଯେ ଯଦି ଆମେରିକା, ୟୁରୋପ, ବ୍ରିଟେନ, ଜାପାନ କିମ୍ବା WHO ଦ୍ୱାରା ଏକ ଟିକା ଅନୁମୋଦନ ହୋଇଛି, ତେବେ ଏହା ଭାରତରେ ପରୀକ୍ଷା କରିବାର ଆବଶ୍ୟକ ନାହିଁ।

ଛାତ୍ରଛାତ୍ରୀଙ୍କୁ ପାଠ ପଢାଇବାକୁ ଗଛ ଉପରେ ଘର କଲେ ଶିକ୍ଷକ

ବାଙ୍ଗାଲୋର: ଶିକ୍ଷକଙ୍କ ନିଆଁର ପ୍ରୟାସ । କରୋନା ସମୟରେ ପିଲାମାନଙ୍କୁ ଶିକ୍ଷାରୁ ବଞ୍ଚିତ ନ ରଖିବାକୁ ଗଛରେ ଘର କରିଛନ୍ତି  ଶିକ୍ଷକ । ଏମିତି ଏକ ଘଟଣା କୋଡଗୁ ଜିଲ୍ଲାର ମୁଲୁର ଗାଁରେ ଦେଖିବାକୁ ମିଳିଛି । ଜଣେ ସ୍କୁଲ ଶିକ୍ଷକ ତାଙ୍କ ଛାତ୍ରମାନଙ୍କ ସହିତ ଡିଜିଟାଲ୍ ସଂଯୋଗ କରିବା ଏବଂ COVID-19 ମହାମାରୀ ସମୟରେ ସେମାନଙ୍କ ଶିକ୍ଷାର ନିରନ୍ତରତାକୁ ସୁନିଶ୍ଚିତ କରିବା ପାଇଁ ଏକ ବୃକ୍ଷର ସାହାରା ନେଇଛନ୍ତି ।

ବିଦ୍ୟାଳୟ ଶିକ୍ଷକ ବାଉଁଶ ଏବଂ ଘାସ ସମେତ ବର୍ଜ୍ୟବସ୍ତୁ ବ୍ୟବହାର କରି ଆମ୍ବ ଗଛରେ ଏକ ଘର ତିଆରି କରିଛନ୍ତି । ଭୂମିରୁ ୨୦ ଫୁଟ ଉଚ୍ଚରେ ନିର୍ମିତ ଏହି ଘରଟିରେ ବର୍ତ୍ତମାନ ନେଟୱର୍କର କୌଣସି ସମସ୍ୟା ନାହିଁ ।

ସିଏସ୍ ସତୀଶ ଲୋଅର ପ୍ରାଥମିକ ବିଦ୍ୟାଳୟର ଶିକ୍ଷକ

ସିଏସ୍ ସତୀଶ ସରକାରୀ ଲୋୟର ପ୍ରାଥମିକ ବିଦ୍ୟାଳୟର ଶିକ୍ଷକ । ସେ ପ୍ରଥମ ଶ୍ରେଣୀରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀମାନଙ୍କୁ ଶିକ୍ଷା ଦେଇଥାନ୍ତି । COVID-19 ମହାମାରୀରେ ଲକଡାଉନ ଯୋଗୁଁ ପିଲାମାନଙ୍କର ଶିକ୍ଷା ଯେପରି ବ୍ୟାହତ ନ ହୁଏ ସେଥିପାଇଁ ଆଦିବାସୀ ତଥା ପ୍ରଥମ ପିଢିର ପିଲାଙ୍କ ଅଧ୍ୟୟନ ସୁବିଧାକୁ ଦୃଷ୍ଟିରେ ରଖି ସେମାନଙ୍କ ନିକଟରେ ପହଞ୍ଚିବା ପାଇଁ ଏମିତି ଏକ ପନ୍ଥା ବାଛିଛନ୍ତି । ସତୀଶ ପିଲାମାନଙ୍କୁ ଇଂରାଜୀ, ଗଣିତ ଏବଂ କାନାଡା ଶିକ୍ଷା ଦିଅନ୍ତ । ପିଲାମାନଙ୍କୁ ଶିକ୍ଷା ଦେବାର ଉତ୍ସାହ ତାଙ୍କୁ ଏମିତି ନିଆରା ପ୍ରୟାସ କରିବାକୁ ପ୍ରୋତ୍ସାହନ ଦେଇଛି ।

ସତୀଶ କେବଳ ଗଛ ଉପରେ ଏହି ଶ୍ରେଣୀଗୃହରେ ଏକ ମୋବାଇଲ୍ ଷ୍ଟାଣ୍ଡ ଏବଂ ଏକ ଫୋକସ୍ ଲାଇଟ୍ ମଧ୍ୟ ରଖିଛନ୍ତି । ଫୋକସ୍ ଲାଇଟ୍ ମାଧ୍ୟମରେ ସେ ନିଶ୍ଚିତ କରନ୍ତି ଯେ ତାଙ୍କ ଶ୍ରେଣୀରେ ଥିବା ପିଲାମାନେ ଯେମିତି ସବୁକିଛି ସ୍ପଷ୍ଟ ଭାବରେ ଦେଖିପାରିବେ ।

ପାକିସ୍ତାନ, ଚୀନ ଠାରୁ ଡ୍ରୋନ ଆଣି ଭାରତ ଉପରେ ଆକ୍ରମଣ କରିଥିବା ଚର୍ଚ୍ଚା

ଶ୍ରୀନଗର: ଜମ୍ମୁ ଏୟାରଫୋର୍ସ ଷ୍ଟେସନ ଉପରେ ହୋଇଥିବା ଡ୍ରୋନ୍ ଆକ୍ରମଣ ପଛରେ କିଏ  ? ଘଟଣାକୁ ୪୮ ଘଣ୍ଟା ବିତିଯାଇଛି କିନ୍ତୁ ଏନେଇ କୌଣସି ସ୍ପଷ୍ଟ ସୂଚନା ମିଳିପାରୁ ନାହିଁ । ଘଟଣାକୁ ନେଇ ସାରା ଦେଶରେ ଚର୍ଚ୍ଚା ହେଉଥିବା ବେଳେ ଏହି ଆକ୍ରମଣ ପଛର ତଦନ୍ତ ଦାୟିତ୍ୱ ଏନଆଇଏ ବା ନ୍ୟାସନାଲ ଇନଭେସ୍ଟିଗେସନ ଏଜେନ୍ସିକୁ ଦିଆଯାଇଛି ।  ସୂଚନା ଅନୁସାରେ ଆକ୍ରମଣ ପାଇଁ ଯେଉଁ ବିସ୍ଫୋରକର ବ୍ୟବହାର କରାଯାଇଥିଲା ତାହା କେବଳ କୌଣସି ଦେଶର ସେନା ପାଖରେ ହିଁ ରହିଥାଏ । ଏହି ବିସ୍ଫୋରକ କେମିତି ଆତଙ୍କବାଦୀଙ୍କ ପାଖରୁ ଆସିଲା ସେନେଇ ତଦନ୍ତ ଜୋରସୋରରେ ଚାଲିଛି ।

ପିଜା ଡେଲିଭରୀ ପାଇଁ କିଣାଯାଇନଥିଲା ଡ୍ରୋନ

ଗୁଇନ୍ଦା ବିଭାଗର ସୂଚନା ଅନୁସାରେ, କିଛି ଦିନ ତଳେ ପାକିସ୍ତାନ ବହୁ ସଂଖ୍ୟାରେ ଡ୍ରୋନ୍ ଚୀନ ଠାରୁ କିଣିଥିଲା । ଏବଂ ଏତେ ସଂଖ୍ୟକ ଡ୍ରୋନ କିଣାଯିବା ନେଇ ପାକିସ୍ତାନ କହିଥିଲା ଯେ, ଏହି ଡ୍ରୋନ ଗୁଡ଼ିକ ପିଜା ଡେଲିଭରୀ ସହ ଘରେ ଘରେ ଔଷଧ ଡେଲିଭରୀ କରାଇବାରେ ସହାୟକ ହେବ ।

ତେବେ ପାକିସ୍ତାନର କଥା ଅନୁସାରେ ଡ୍ରୋନର ବ୍ୟବହାର ସେହି କାମରେ ବ୍ୟବହାର ହୋଇଥିବାର ବିଶ୍ୱାସ କରାଯାଇପାରିବନାହିଁ । କାରଣ ଯେଉଁ ଡ୍ରୋନ୍ କିଣିବାର କଥା ପାକିସ୍ତାନ କହୁଛି ସେଗୁଡିକ ସେଠାରେ ପିଜା ଡେଲିଭରୀ ପାଇଁ ବ୍ୟବହାର ହୋଇନାହିଁ । ଏହି ଡ୍ରୋନର ବ୍ୟବହାର ଆକ୍ରମଣରେ ହୋଇଥିବା ସନ୍ଦେହ କରାଯାଉଛି । ଯଦିଓ ଏହି ଡ୍ରୋନ ଏଭଳି ବ୍ୟବହାର ହେବ ସେ ପ୍ରତି ଯାଞ୍ଚ କରିବା ନିହାତି ଆବଶ୍ୟକ ।

ଏହି ଡ୍ରୋନ୍ ଆକ୍ରମଣ ଦ୍ୱାରା ଅଧିକ କ୍ଷତି ପହଞ୍ଚାଯିବାର ଆଶଙ୍କାକୁ ମଧ୍ୟ ଏଡାଇଯାଇପାରୁନାହିଁ । କାରଣ ପୂର୍ବରୁ ପୁଲୱାମାରେ ଯବାନଙ୍କ ଉପରେ ବିସ୍ଫୋରକ ଭର୍ତ୍ତି ଗାଡି ଦ୍ୱାରା ଯେଭଳି ଆକ୍ରମଣ କରାଯାଇଥିଲା ସେଭଳି ଆକ୍ରମଣ କରିବାର ଆବଶ୍ୟକ ଆଉ ପଡିବ ନାହିଁ  । କାରଣ ଜମ୍ମୁକାଶ୍ମୀର ହାଇୱେରେ ଏମିତି ଅନେକ ପାହାଡ ଅଛି ଯେଉଁଠାରେ ଆତଙ୍କବାଦୀ ଲୁଚି ରହି ସେନା ଉପରେ ଡ୍ରୋନ୍ ମାଧ୍ୟମରେ ମଧ୍ୟ ଆକ୍ରମଣ କରିପାରିବେ । ଯଦିଓ ଏହାର ପ୍ରତିଉତ୍ତର ଦେବା ପାଇଁ ଭାରତ ସକ୍ଷମ ଅଛି । ଯଦି ଆତଙ୍କବାଦୀମାନଙ୍କ ଡ୍ରୋନମାଧ୍ୟମରେ ଏଭଳି ଆକ୍ରମଣରେ ଯବାନ ମାନେ ରକ୍ତାତ ହୁଅନ୍ତି ତେବେ ଭାରତର ପାଲଟା ଆକ୍ରମଣ ଭୟାବହ ହେବ ବୋଲି କୁହାଯାଉଛି ।

ଭାରତ ଜାତିସଂଘରେ ଉଠାଇଲା ଜାମ୍ମୁ ଏୟାରବେସରେ ହୋଇଥିବା ଡ୍ରୋନ ଆକ୍ରମଣ ପ୍ରସଙ୍ଗ

ନୂଆଦିଲ୍ଲୀ: ଦୁଇ ଦିନ ପୂର୍ବରୁ ଜାମ୍ମୁ ଏୟାରବେସରେ ହୋଇଥିବା ଡ୍ରୋନ୍ ଆକ୍ରମଣ ପରେ ହିଁ ଭାରତ ଜାତିସଂଘରେ ଆତଙ୍କବାଦୀଙ୍କ ଦ୍ୱାରା ଡ୍ରୋନ୍ ବ୍ୟବହାର ପ୍ରସଙ୍ଗ ଉଠାଇଛି। ଏହି ଦିଗରେ ବିଶ୍ୱ ସମୁଦାୟର ଦୃଷ୍ଟି ଆକର୍ଷଣ କରି ଭାରତ  ଏକାଠି ମୁକାବିଲା କରିବାକୁ ଆହ୍ୱାନ ଦେଇଛନ୍ତି। ମିଳିତ ଜାତିସଂଘରେ ଯୋଗ ଦେଇ ଆଭ୍ୟନ୍ତରୀଣ ସୁରକ୍ଷା ବିଭାଗର ସ୍ୱତନ୍ତ୍ର ସଚିବ ଭିଏସକେ କୌମୁଦି କହିଛନ୍ତି ଯେ, ଆତଙ୍କବାଦୀଙ୍କ ଦ୍ୱାରା ଅସ୍ତ୍ରଶସ୍ତ୍ର ଚୋରା ଚାଲାଣ, ଟାର୍ଗେଟ ସ୍ଥଳରେ ଡ୍ରୋନ ଦ୍ୱାରା ଆକ୍ରମଣ କରିବା ସମଗ୍ର ବିଶ୍ୱ ପାଇଁ ବିପଦ । ତେଣୁ ଏହା ବିରୋଧରେ ସମସ୍ତ ଦେଶ ମିଶି ଏହା ଉପରେ ଧ୍ୟାନ ଦେବା ଆବଶ୍ୟକ ।

ଭାରତ ଏହା ଉପରେ ମଧ୍ୟ ଜୋର ଦେଇଛି ଯେ, ସୀମାନ୍ତରେ ଅସ୍ତ୍ରଶସ୍ତ୍ର ଚୋରା ଚାଲାଣ ପାଇଁ ଡ୍ରୋନ୍ ବ୍ୟବହାର କରାଯାଏ। ସୂଚନାଯୋଗ୍ୟ ଯେ ଦୁଇ ଦିନ ପୂର୍ବେ ଜାମ୍ମୁ ବିମାନବନ୍ଦରର ATC ଏବଂ ସେଠାରେ ପାର୍କିଂ ହୋଇଥିବା MI17 ଜାହାଜକୁ ଟାର୍ଗେଟ କରିବା ଉଦ୍ଦେଶ୍ୟରେ ଆତଙ୍କବାଦୀମାନେ ଡ୍ରୋନରେ ଆକ୍ରମଣ କରିଥିଲେ। ଏନଆଇଏ ବର୍ତ୍ତମାନ ଏହି ଘଟଣାର ତଦନ୍ତ କରୁଛି ଏବଂ ପାକିସ୍ତାନୀ ଆତଙ୍କବାଦୀ ଗୋଷ୍ଠୀ ଲଶ୍କର-ଏ-ତାଇବା ଏହି ଆକ୍ରମଣ ପଛରେ ଥିବା ସନ୍ଦେହ କରାଯାଉଛି।

ତେବେ ଜାମ୍ମୁ ଏୟାରବେସରେ ହୋଇଥିବା ଡ୍ରୋନ୍ ଆକ୍ରମଣ ସହ ଜଡିତ ଅନେକ ଆଶ୍ଚର୍ଯ୍ୟଜନକ ତଥ୍ୟ ସାମ୍ନାକୁ ଆସିଛି । ଏହି ସମୟରେ ଗୃହ ମନ୍ତ୍ରଣାଳୟ ଏହି ମାମଲାର ତଦନ୍ତ ଏନଆଇଏକୁ ଦେଇଛି। ଏନଆଇଏ ମଧ୍ୟ ତଦନ୍ତ ଆରମ୍ଭ କରିଛି ଏବଂ ଜମ୍ମୁ-କଶ୍ମୀର ପୋଲିସ ପକ୍ଷରୁ ଏପର୍ଯ୍ୟନ୍ତ କରାଯାଇଥିବା ତଦନ୍ତର ରିପୋର୍ଟକୁ ଅନୁଧ୍ୟାନ କରୁଛି । ସୂଚନା ଅନୁସାରେ, ଏହି ଆକ୍ରମଣରେ ହାଇ ଗ୍ରେଡ୍ ବିସ୍ଫୋରକ ବ୍ୟବହାର କରାଯାଇଛି । ଏହା RDX କିମ୍ବା TNT ହୋଇପାରେ । ଅନୁସନ୍ଧାନରୁ ଜଣାପଡିଛି ଯେ ଏହି ଆକ୍ରମଣରେ ବ୍ୟବହୃତ ଡ୍ରୋନ୍ ସୀମା ଆରପାର୍ଶ୍ୱରୁ ପରିଚାଳିତ ହେଉଛି। ଏୟାରଫୋର୍ସ ଷ୍ଟେସନକୁ ଗୁଗୁଲ୍ ଆର୍ଥରେ ଦେଖାଯାଇଥାଏ ।

କମିଶନରେଟ ପୋଲିସ ପଞ୍ଝାରେ ୭ ସାଇବର ଅପରାଧୀ, ୧୬ ହଜାରରୁ ଅଧିକ ସିମ୍ ଜବତ

ଭୁବନେଶ୍ୱର: ସହିଦନଗରର ଏକ ସାଇବର ଠକେଇର ତଦନ୍ତ କରିବା ବେଳେ ବଡ଼ ସଫଳତା ପାଇଛି କମିଶନରେଟ୍ ପୋଲିସ । ତଦନ୍ତ ବେଳେ ଜଣାପଡ଼ିଥିଲା ଭଦ୍ରକ, ବାଲେଶ୍ୱର ଆଖପାଖ ଜିଲ୍ଲାରୁ ବହୁ ପରିମାଣର ପ୍ରି-ଆକ୍ଟିଭେଟେଡ୍ ସିମ୍ ବାହାରକୁ ଚାଲାଣ ହେଉଥିଲା । ଉକ୍ତ ସିମଗୁଡ଼ିକ ସାଇବର କ୍ରାଇମରେ ବ୍ୟବହାର କରାଯାଉଥିଲା । ଆମେ ପ୍ରି-ଆକ୍ଟିଭେଟେଡ୍ ସିମକୁ ଟ୍ରାକ୍ କରି ତଦନ୍ତ କରିଥିଲୁ । ଏହା ପଛରେ ବଡ଼ ଗ୍ୟାଙ୍ଗ ଥିବା ଜଣା ପଡ଼ିଥିଲା ବୋଲି କହିଛନ୍ତି ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ ।

commissionerate police Arrested 7 Of Cyber Gang

ଗ୍ରାହକଙ୍କ ପରିଚୟ ପତ୍ରକୁ ନକଲ କରି ବହୁ ସିମ୍ ଆକ୍ଟିଭ୍ କରି ଅନ୍ୟ ରାଜ୍ୟକୁ ପଠାଯାଉଥିଲା । ଏହି ସବୁ ସିମ୍ ଅନ୍ୟ ରାଜ୍ୟକୁ ପଠାଯାଇ ଠକେଇ କରାଯାଉଛି । ଏହି ସିମ୍ ଗୋଟିଏ ଥର ବ୍ୟବହାର କରି ଫୋପାଡ଼ି ଦିଅନ୍ତି । ଫଳରେ ସାଇବର କ୍ରାଇମ୍ ବଢ଼ିଥାଏ । ଆମେ ବିଭିନ୍ନ ସ୍ଥାନ ବାଲେଶ୍ୱର, ଭଦ୍ରକ ଓ କେନ୍ଦୁଝର ଅଞ୍ଚଳରେ ରେଡ୍ କରି ୭ ଜଣଙ୍କୁ ଗିରଫ କରାଯାଇଛି ।

commissionerate police Arrested 7 Of Cyber Gang

୭ ଜଣଙ୍କ ଠାରୁ ୧୬ ହଜାରରୁ ଅଧିକ ପ୍ରି-ଆକ୍ଟିଭେଟେଡ୍ ସିମ୍ ଜବତ କରାଯାଇଛି । ସିମ୍ ଆକ୍ଟିଭେଟ୍ ପାଇଁ ବ୍ୟବହୃତ ୧୧୦ରୁ ଅଧିକ ମୋବାଇଲ୍ ଫୋନ୍ ଜବତ ହୋଇଛି । ଗିରଫ ୭ ଜଣଙ୍କ ମଧ୍ୟରୁ ୫ ଜଣ ମୋବାଇଲ୍ ବିକ୍ରେତା ଅଛନ୍ତି । ଅନ୍ୟ ୨ ଜଣ ଏକ ନିର୍ଦ୍ଦିଷ୍ଟ ସର୍ଭିସ୍ ପ୍ରୋପାଇଡର କମ୍ପାନୀର କର୍ମଚାରୀ ବୋଲି ସୂଚନା ଦେଇଛନ୍ତି ପୋଲିସ କମିଶନର ।

ଏତେ ସଂଖ୍ୟାରେ ସିମ୍ କିଭଳି ଆକ୍ଟିଭେଟ୍ ହେଉଛି । କିଭଳି ବାହାରକୁ ଯାଉଛି । ଏସବୁର ତଦନ୍ତ କରାଯିବ ବୋଲି କହିଛନ୍ତି ପୋଲିସ କମିଶନର । ତଦନ୍ତ ପାଇଁ ସ୍ୱତନ୍ତ୍ର ଟିମ୍ ଗଠନ କରାଯିବ । ରାଜ୍ୟ ବାହାରକୁ ଏହି ସାଇବର କ୍ରାଇମ୍ ଚେର ଲମ୍ବିଛି । ଗୋଟିଏ ପ୍ରି-ଆକ୍ଟିଭେଟ୍ ସିମର ମୂଲ୍ୟ ୫ ଶହ ଟଙ୍କାରୁ ଅଧିକ । ପ୍ରି-ଆକ୍ଟିଭେଟ୍ ସିମକୁ ଗିରଫ ଅଭିଯୁକ୍ତ କୋରିଅର ମାଧ୍ୟମରେ ବାହାର ରାଜ୍ୟକୁ ପଠାଉଥିଲେ । ତଦନ୍ତରେ ଯାହାର ଅବହେଳା ଦେଖାଯିବ କାର୍ଯ୍ୟାନୁଷ୍ଠାନ ନିଆଯିବ ।

ବାବା ଆଖଣ୍ଡଳମଣିଙ୍କ ପୀଠରେ ପ୍ରତ୍ନତତ୍ତ୍ୱ ବିଭାଗର ୬ ଜଣିଆ ଟିମ୍

ଆରଡି: ବାବା ଆଖଣ୍ଡଳମଣିଙ୍କ ମନ୍ଦିର ଓ ପୀଠର ଉନ୍ନତିକରଣ ପାଇଁ ରାଜ୍ୟ ସରକାର ପ୍ରାଥମିକତା ଦେଇଛନ୍ତି । ଏଥିପାଇଁ ପ୍ରାଥମିକ ପ୍ରର୍ଯ୍ୟାୟରେ ସରକାର ୬ କୋଟି ଟଙ୍କା ମଞ୍ଜୁର କରିଛନ୍ତି । ହେଲେ କୋଭିଡ୍ କଟକଣା ପାଇଁ ଦୀର୍ଘମାସ ହେବ କାର୍ଯ୍ୟ ଅଟକି ରହିଥିଲା ।

Six Members Of Archaeological Team In Aradi

ଆଜି ପ୍ରତ୍ନତତ୍ତ୍ୱ ବିଭାଗର ୬ ଜଣିଆ ଟିମ୍ ଆରଡି ପୀଠକୁ ଆସି ବାବାଙ୍କ ମନ୍ଦିର ଗର୍ଭଗୃହର ଯାଞ୍ଚ କରିଛନ୍ତି । ଏଥିସହ ମନ୍ଦିର ବେଢା, ୪ ଗୁମୁଟ ମନ୍ଦିର, ଗଳିଘର, ଅଳାଁ, ମୁକ୍ତି ମଣ୍ଡପ ଆଦି ସ୍ଥାନ ବୁଲି ଦେଖିଛନ୍ତି । ନୂତନ ଭାବେ ହେବାକୁ ଥିବା ଯଜ୍ଞ ମଣ୍ଡପ, ଶ୍ରାବଣୀ ମଣ୍ଡପ, ବେଢା ପ୍ରାଚେରିର ସମ୍ଭନ୍ଧରେ ସେବାୟତଙ୍କ ସହ ଆଲୋଚନା କରିଛନ୍ତି ।

‘ରାଜୀବ ଗାନ୍ଧୀ ଖେଳରତ୍ନ’ ପାଇଁ ଦୌଡ଼ରାଣୀ ଦୂତୀ ଚାନ୍ଦଙ୍କ ନାଁ ସୁପାରିସ୍

ଭୁବନେଶ୍ୱର: ଜାତୀୟ କ୍ରୀଡ଼ା ପୁରସ୍କାର ପାଇଁ ରାଜ୍ୟ କ୍ରୀଡ଼ା ବିଭାଗର ସୁପାରିସ । ଦେଶର ସର୍ବୋଚ୍ଚ କ୍ରୀଡ଼ା ପୁରସ୍କାର ‘ରାଜୀବ ଗାନ୍ଧୀ ଖେଳରତ୍ନ’ ପାଇଁ ଦୌଡ଼ରାଣୀ ଦୂତୀ ଚାନ୍ଦଙ୍କ ନାଁ ସୁପାରିସ୍ କରିଛନ୍ତି ରାଜ୍ୟ ସରକାର । ଏହାସହ ପୁରୁଷ ହକି ଦଳର ଷ୍ଟାର୍ ଡିଫେଣ୍ଡର୍ ବୀରେନ୍ଦ୍ର ଲାକ୍ରାଙ୍କ ନାଁ ଅର୍ଜୁନ ପୁରସ୍କାର ପାଇଁ କେନ୍ଦ୍ର କ୍ରୀଡ଼ା ମନ୍ତ୍ରାଣାଳୟକୁ ସୁପାରିସ୍ କରାଯାଇଛି ।

ଏହାଛଡ଼ା ଦ୍ରୋଣାଚାର୍ଯ୍ୟ ପୁରସ୍କାର ପାଇଁ କୋଚ୍ କାଳୁ ଚୌଧୁରୀ ଏବଂ ଧ୍ୟାନଚାନ୍ଦ ପୁରସ୍କାର ପାଇଁ ପୂର୍ବତନ ଆଥଲେଟ୍ ଅନୁରାଧା ବିଶ୍ୱାଳଙ୍କ ନାଁ ସୁପାରିସ୍ କରିଛନ୍ତି ରାଜ୍ୟ ସରକାର । ଗତବର୍ଷ ରାଜ୍ୟ ସରକାର ଦୂତୀ ଓ ବୀରେନ୍ଦ୍ରଙ୍କ ନାଁ ଅର୍ଜୁନ ପୁରସ୍କାର ପାଇଁ ସୁପାରିସ୍ କରିଥିଲେ । ଦୂତୀଙ୍କୁ ଗତବର୍ଷ ଅର୍ଜୁନ ପୁରସ୍କାର ମିଳିଥିଲା । ବୀରେନ୍ଦ୍ର ଦ୍ୱିତୀୟ ଥର ପାଇଁ ଅଲିମ୍ପିକ୍ସ ଟିକଟ୍ ପାଇଛନ୍ତି । ଭାରତୀୟ ହକି ଟିମ୍‌ର ଉପ ଅଧିନାୟକ ନିଯୁକ୍ତ ହୋଇଛନ୍ତି ବୀରେନ୍ଦ୍ର ଲାକ୍ରା ।

ଭୁବନେଶ୍ୱର ରେଳ ଷ୍ଟେସନରୁ ଗଞ୍ଜେଇ ଜବତ, ୨ କିନ୍ନର ଗିରଫ

ଭୁବନେଶ୍ୱର: ଭୁବନେଶ୍ୱର ରେଲୱେ ଷ୍ଟେସନରୁ ଗଞ୍ଜେଇ ଜବତ ହୋଇଛି । କିନ୍ନର କରୁଥିଲେ ଗଞ୍ଜେଇ ବେପାର । ଟ୍ରେନ୍ ଯୋଗେ ଅହମଦାବାଦ ଗଞ୍ଜେଇ ଚାଲାଣ ବେଳେ କ୍ରାଇମବ୍ରାଞ୍ଚ ଓ ଭୁବନେଶ୍ୱର ଆରପିଏଫର ମିଳିତ ଚଢ଼ାଉ ବେଳେ ଧରା ପଡ଼ିଛନ୍ତି କିନ୍ନର । ପୁରୀ-ଗୁଜରାଟ ଗାନ୍ଧିଧାମ ଏକ୍ସପ୍ରେସରେ ଅହମଦାବାଦ ଗଞ୍ଜେଇ ଚାଲାଣ କରୁଥିଲେ ।

Two Kinner Arrested For Smugling Of Ganja Bhubaneswar By Train

ଭୁବନେଶ୍ୱର ରେଳ ଷ୍ଟେସନର ରେଲୱେ ମେଲ୍ ସର୍ଭିସ ଅଫିସ ସାମ୍ନାରୁ ୨ ଜଣ କିନ୍ନର ଗଞ୍ଜେଇ ସହ ଧରା ପଡ଼ିଛନ୍ତି । ସେମାନେ ହ୍ୟାଣ୍ଡବ୍ୟାଗ ଓ ସୁଟକେସରେ ଗଞ୍ଜେଇ ନେଉଥିଲେ । ଅଭିଯୁକ୍ତ ଦୁହେଁ ହେଲେ ଲକ୍ଷ୍ମୀଧର ମହାନ୍ତି ଓରଫ ଲିଜା ଏବଂ ଅନ୍ୟଜଣେ ବସନ୍ତ ସ୍ୱାଇଁ ଓରଫ ବାସନ୍ତୀ । ଦୁଇ ଜଣଙ୍କଠାରୁ ୧୫ କେଜିରୁ ଅଧିକ ଗଞ୍ଜେଇ ଜବତ ହୋଇଛି । ଜବତ ଗଞ୍ଜେଇର ଅନୁମାନିକ ମୂଲ୍ୟ ଦେଢ଼ ଲକ୍ଷ ଟଙ୍କା ହେବ ।

Two Kinner Arrested For Smugling Of Ganja Bhubaneswar By Train

ଦୁହେଁ ସୋମବାର ପ୍ରଶାନ୍ତି ଏକ୍ସପ୍ରେସରେ ବାଲୁଗାଁରୁ ଗଞ୍ଜେଇ ଆଣି ଭୁବନେଶ୍ୱର ଆସିଥିଲେ । ପରେ ଗାନ୍ଧୀଧାମ ଏକ୍ସପ୍ରେସରେ ସୋମବାର ରାତି ୯ଟାରେ ଭୁବନେଶ୍ୱର ଷ୍ଟେସନରୁ ଅହମଦାବାଦ ଅଭିମୁଖେ ଯାଇଥାନ୍ତେ । ତା’ପୂର୍ବରୁ ସୂଚନା ପାଇ ରାତି ୮ଟା ସମୟରେ ଗଞ୍ଜେଇ ସହ ଉଭୟଙ୍କୁ ଗିରଫ କରି କୋର୍ଟ ଚାଲାଣ କରା ଯାଇଛି ।