ରାଉରକେଲା : କଫ ସିରପ ଚୋରା କାରବାର କରୁଥିବା ଦୁଇ ଜଣ ଆନ୍ତଃରାଜ୍ୟ ଡ୍ରଗସ ମାଫିଆଙ୍କୁ ଗିରଫ କରିଛି ରାଉରକେଲା ପ୍ଲାଣ୍ଟ ସାଇଟ ଥାନା ପୋଲିସ। ଗିରଫ ଦୁଇ ଅଭିଯୁକ୍ତଙ୍କ ନିକଟରୁ ୧୧ ଲକ୍ଷ ୬୩ ହଜାର ଟଙ୍କା, ଗୋଟିଏ କାର ସହିତ ଦୁଇଟି ବନ୍ଧୁକ, ଦୁଇଟି ଜୀବନ୍ତ ଗୁଳି, ତିନୋଟି ମୋବାଇଲ ଫୋନ୍ ଜବତ କରାଯାଇଛି। ଅନ୍ୟ ରାଜ୍ୟରୁ କଫ ସିରପ ଆଣି ରାଉରକେଲା ସହର ସହିତ ସୁନ୍ଦରଗଡ଼, ଝାରସୁଗୁଡ଼ା, ବରଗଡ଼ ସହିତ ବିଭିନ୍ନ ସ୍ଥାନରେ ଜାଲ କାଗଜପତ୍ର ରେ ଚୋରା କାରବାର କରୁଥିବା ପୋଲିସ ତଦନ୍ତରୁ ଜଣାପଡିଛି। ଗିରଫ ଅଭିଯୁକ୍ତ ହେଲେ ଏମଡି ସଦାମ ଓ ତିବ୍ରିକମ ସୁନା। ଫଳ ଗାଡ଼ିରେ କଫ ସିରପ ଚୋରା କାରବାର କରୁଥିବା ପୋଲିସ ତଦନ୍ତରୁ ଜଣାପଡ଼ିଛି। କଫ ସିରପ ଡ୍ରଗସ ଚୋରା କାରବାରରେ ଆଉ କିଛି ଅଭିଯୁକ୍ତ ସମ୍ପୃକ୍ତ ଥିବାରୁ ସେମାନଙ୍କୁ ଗିରଫ କରିବା ପାଇଁ ପୋଲିସ ପକ୍ଷରୁ ଉଦ୍ୟମ ଆରମ୍ଭ କରିଛି।

