spot_img

Latest Posts

ବାତ୍ୟାରେ ଉଜୁଡିଲା ଚାଷ, କ୍ଷତିପୂରଣ ଦାବି

କଣ୍ଟାମାଳ : ବ୍ୟାକୁ ଟୁ ବ୍ୟାକ ବାତ୍ୟା । ଅର୍ଣ୍ଣବ, ମୁରାସୁ ପରେ ଆକଓ୍ବାନ । ମାସକରେ ତିନିଟି ବାତ୍ୟା ଚାଷୀଙ୍କ ମେରୁଦଣ୍ଡ ଭାଙ୍ଗିଦେଇଛି। ବାତ୍ୟା ପ୍ରଭାବରେ ବର୍ଷା ଉଜାଡି ଦେଇଛି ଚାଷୀଙ୍କ ବର୍ଷକର ଅମଳ l ବୌଦ୍ଧ ଜିଲ୍ଲା କଣ୍ଟାମାଳରେ ସାଇକ୍ଲୋନ ଆକଓ୍ବାନର ପ୍ରଭାବ ଦେଖିବାକୁ ମିଳିଛି। ବର୍ଷା ପବନରେ ଭୂଇଁରେ ଲୋଟିଛି ଧାନଗଛ। ଖରିପ ଚାଷ ଋତୁରେ ନଷ୍ଟ ହୋଇଛି ଫସଲ l ଅମଳ ବେଳକୁ ବାତ୍ୟା ପ୍ରଭାବରେ ହୋଇଥିବା ଲଗାଣ ବର୍ଷା ସବୁ ଆଶାରେ ପାଣି ପକାଇ ଦେଇଛି। ପାଚିଲା ଧାନ ବର୍ଷା ପାଣିରେ ଭିଜି ନଷ୍ଟ ହୋଇଛି।  ଲୋଟି ପଡ଼ିଥିବା ଧାନ ଗଛକୁ ସାଉଁଟିବାକୁ ଚେଷ୍ଟା। ଅମଳ ଧାନକୁ ସାଇତି ରଖୁଛନ୍ତି ଚାଷୀ।

କେଉଁ ଚାଷୀଙ୍କ ଓଦା ଅମଳ ଧାନ ଜରିପାଲ ତଳେ ପଡିଛି ତ କାହାର ଧାନଖରୀ ବର୍ଷାରେ ଭିଜୁଛି l କିଛି ଧାନ ଗଛ ପବନ ରେ ମୂଳ ଭାଙ୍ଗି ଭୂଇଁରେ ଲୋଟି ପଡିଛି l ଝଡି ଯାଇଛି ଧାନ l ଅମଳ ପାଇଁ ପ୍ରସ୍ତୁତ ଧାନ ବର୍ଷାରେ ଭିଜି ଗଜା ହେବା ଏବଂ ଗୁଣବତ୍ତା ନଷ୍ଟ ହେବାର ଆଶଙ୍କା ରହିଛି। ଫଳରେ ଚାଷୀଙ୍କ ମୁଣ୍ଡରେ ଚଡ଼କ ପଡ଼ିଛି । ଋଣ କରି ଚାଷ କରିଥିବା ଚାଷୀ ଏବେ କିପରି ଋଣ ଶୁଝିବ ସେ ନେଇ ଚିନ୍ତାରେ l ତୁରନ୍ତ କ୍ଷୟକ୍ଷତିର ଆକଳନ କରି ଚାଷୀଙ୍କୁ  କ୍ଷତିପୂରଣ ଯୋଗାଇଦେବାକୁ ଦାବି ହୋଇଛି…।

Latest Posts

Don't Miss