spot_img
Home Blog Page 5608

ସମୀରଙ୍କୁ ଲେନିନଙ୍କ ଜବାବ: କେନ୍ଦ୍ର ପ୍ରଶଂସା କରୁଛି, ରାଜ୍ୟ ବିଜେପି ବିରୋଧ କରୁଛି

ଭୁବନେଶ୍ୱର: ରାଜ୍ୟ ବିଜେପିର ସାମ୍ବାଦିକ ସମ୍ମିଳନୀ ପରେ ବିଜେଡିର ପ୍ରତିକ୍ରିୟା  । ବିଜେଡ଼ି ମୁଖପାତ୍ର ଲେନିନ ମହାନ୍ତି ବିଜେପିର ସାମ୍ବାଦିକ ସମ୍ମିଳନୀକୁ ନେଇ ପ୍ରତିକ୍ରିୟା ପ୍ରକାଶ କରିଛନ୍ତି । ସମୀର ମହାନ୍ତି ବିଜେପି ରାଜ୍ୟ ସଭାପତି ଭାବେ ତାଙ୍କ କର୍ମୀଙ୍କୁ ଉତ୍ସାହିତ କରିବା ପାଇଁ ଏଭଳି ଅଭିଯୋଗ ଆଣିଥିବା କହିଛନ୍ତି ବିଜେଡ଼ି ମୁଖପାତ୍ର । ନିରୁତ୍ସାହିତ କର୍ମୀଙ୍କୁ ଉତ୍ସାହିତ କରିବା ପାଇଁ ଚେଷ୍ଟା କରିଛନ୍ତି । ସମୀର ମହାନ୍ତିଙ୍କ ଦୁଃଖ ଆମେ ବୁଝି ପାରୁଛୁ  । କିୁନ୍ତୁ ଯେତେବେଳେ କେନ୍ଦ୍ର ସରକାର ରାଜ୍ୟକୁ ପ୍ରଶଂସା କରୁଛନ୍ତି ସେତେବେଳେ ରାଜ୍ୟ ବିଜେପି ଏହାକୁ ବିରୋଧ କରୁଛି । ତେଣୁ ଏହା ନିହାତି କର୍ମୀଙ୍କୁ ତାଙ୍କର ଉତ୍ସାହିତ କରିବାର ଯୋଜନା ବୋଲି କହିଛନ୍ତି ଲେନିନ  ।

ଲେଲିନ ମହାନ୍ତି ସାମ୍ବାଦିୀକ ସମ୍ମିଳନୀ ଜରିଆରେ କହିଛନ୍ତି ଯେ, ବିଜେପିର ବାମ ହାତ କଣ କରୁଛି ଡାହାଣ ହାତ କଣ କରୁଛି ତାହା ଜଣାପଡୁନି । ପିଏମ ଆବାସ ଯୋଜନାରେ ଦୁର୍ନୀତି ହୋଇଥିବା ଅଭିଯୋଗ କରି ସମୀର ମିଛ କହୁଛନ୍ତି । ଯାହାକୁ ଖଣ୍ଡନ କରିଛି ବିଜେଡି । ଏ ପ୍ରସଙ୍ଗରେ ରାଜ୍ୟକୁ କେନ୍ଦ୍ର ସରକାର ବାରମ୍ବାର ପ୍ରଶଂସା କରିଛନ୍ତି । ତାକୁ ରାଜ୍ୟ ବିଜେପି କାହିଁକି ଭୁଲି ଯାଉଛି ବୋଲି ପ୍ରଶ୍ନ କରିଛନ୍ତି ଲେନିନ ।

 ଟିଏମସିରେ ଯୋଗଦେଲେ ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ ପୁଅ ଅଭିଜିତ ମୁଖାର୍ଜୀ

କୋଲକାତା:  ଟିଏମସିରେ ଯୋଗଦେଲେ ପୂର୍ବତନ ରାଷ୍ଟ୍ରପତି ସ୍ୱର୍ଗତ ପ୍ରଣବ ମୁଖାର୍ଜୀଙ୍କ ପୁଅ ଅଭିଜିତ ମୁଖାର୍ଜୀ । ଆଜି ଅପରାହ୍ନ ୪ଟା ସମୟରେ ଟିଏମସିରେ ସାମିଲ ହୋଇଛନ୍ତି ଅଭିଜିତ । ରାଜ୍ୟ କାର୍ଯ୍ୟାର୍ଳୟରେ ଟିଏମସିର ବରିଷ୍ଠ ନେତାଙ୍କ ଉପସ୍ଥିତିରେ ଅଭିଜିତ ବିଦ୍ଧିବଦ୍ଧ ଭାବେ ଟିଏମସିରେ ଯୋଗ ଦେଇଛନ୍ତି ।  ପୂର୍ବରୁ ଅଭିଜିତ ଦଳର ବହୁ ବରିଷ୍ଠ ନେତାଙ୍କୁ ଭେଟି ଏ ନେଇ ଆଲୋଚନା କରିଛନ୍ତି । ସେପଟେ ଜଙ୍ଗିପୁର ଆସନରୁ ଟିଏମସି ଅଭିଜିତଙ୍କୁ ପ୍ରାର୍ଥୀ କରିପାରେ ବୋଲି ଚର୍ଚ୍ଚା ହେଉଛି ।

ପୂର୍ବରୁ କଂଗ୍ରେସ ଟିକେଟରୁ ଲଢି ଆସୁଥିଲେ ଅଭିଜିତ  । ପିତା ସ୍ବର୍ଗତ ପ୍ରଣବ ମୁଖାର୍ଜୀ କଂଗ୍ରେସର ବରିଷ୍ଠ ନେତା ରହିବା ସହ ଜାତୀୟ ରାଜନୀତିରେ ପ୍ରଣବଙ୍କ ଭୂମିକା ବିଶେଷ ଭାବେ ରହିଆସିଥିଲା  । ଅନେକ ଥର କେନ୍ଦ୍ର ମନ୍ତ୍ରୀ ମଣ୍ଡଳରେ ସ୍ଥାନିତ ହେବା ସହ ଅନେକ ଗୁରୁତ୍ୱପୂର୍ଣ୍ଣ ପଦପଦବୀରେ ରହିଥିଲେ ପ୍ରଣବ ମୁଖାର୍ଜୀ  । ପରବର୍ତ୍ତୀ ସମୟରେ ରାଷ୍ଚ୍ରପତି  ମଧ୍.ୟ ହୋଇଥିଲେ  । ସେପଟେ ପୁଅ ଅଭିଜିତ ବାନାର୍ଜୀ ମଧ୍ୟ ପଶ୍ଚିମବଙ୍ଗ ରାଜନୀତିରେ ସକ୍ରୀୟ ରହିବା ସହ କଂଗ୍ରେସର ଶୀର୍ଷ ନେତୃତ୍ୱ ଭାବେ କାର୍ଯ୍ୟ କରିଆସିଛନ୍ତି  ।

୨୦୧୨ ମସିହାରେ ଅଭିଜିତ କଂଗ୍ରେସ ଟିକେଟରେ ଜଙ୍ଗୀପୁର ଲୋକସଭା ଆସନରୁ ନିର୍ବାଚନ ଜିତିଥିଲେ । ୨୦୧୪ରେ ପୁଣି ଥରେ ସେହି ଆସନରୁ କଂଗ୍ରେସ ଟିକେଟରେ ସାଂସଦ ନିର୍ବାଚିତ ହୋଇଥିଲେ । ମାତ୍ର ୨୦୧୯ରେ ସେ ନିର୍ବାଚନ ହାରି ଯାଇଥିଲେ । ଏହା ପରେ କଂଗ୍ରେସରେ ତାଙ୍କ ସକ୍ରୀୟତା ଆଉ ଦେଖିବାକୁ ମିଳିନଥିନଲା  । ଅନ୍ୟପଟେ ୨୦୨୧ ପଶ୍ଚିମବଙ୍ଗ ବିଧାନସଭା ନିର୍ବାଚନରେ ଟିଏମସିର ବିପୁଳ ବିଜୟ  । ଏବଂ ଭୋଟରଙ୍କ ଭରସାର ପାତ୍ର ହୋଇଥିବା ଟିଏମସି ପ୍ରତି ଅଭିଜିତ ମଧ୍ୟ ବିଶ୍ୱାସ ଜୁଟାଇ ଆଜି ଯୋଗଦାନ କରିଛନ୍ତି  ।

ପାଶୱାନଙ୍କ ଜନ୍ମତିଥିରେ ଦାଦା-ପୁତୁରା ଲଢେଇ, ଭିନ୍ନ ସ୍ଥାନରେ ଭିନ୍ନ କାର୍ଯ୍ୟକ୍ରମ

ପାଟନା: ବିହାର ରାଜନୀତିରେ ତେଜିଛି ଉଷ୍ମତା । ଲୋକଙ୍କ ନିକଟତର ହୋଇ ଜନମତ ଲୋଡ଼ିବାକୁ ଚିରାଗ ଆରମ୍ଭ କରିଛନ୍ତି ଆଶୀର୍ବାଦ ଯାତ୍ରା । ପୂର୍ବତନ କେନ୍ଦ୍ରମନ୍ତ୍ରୀ ତଥା ଚିରାଗଙ୍କ ପିତା ସ୍ବର୍ଗତ ରାମବିଲାଶ ପାଶଓ୍ବାନଙ୍କ ଜନ୍ମତିଥି ଅବସରରେ ଆଶୀର୍ବାଦ ଯାତ୍ରା ଆରମ୍ଭ କରିଛନ୍ତି ଚିରାଗ ପାଶଓ୍ବାନ । LJPରେ ଦାଦା ପୁତୁରା କଳି ଲାଗି ରହିଥିବା ବେଳେ ରାମବିଳାସଙ୍କ ଅଘୋଷିତ ମ୍ୟାନେଜର ଭାବେ ପରିଚିତ ପଶୁପତି ଏବେ ସମଗ୍ର ଦଳକୁ ନିଜ କବଜାକୁ ନେଇଛନ୍ତି ।

୬ଥର ବିଧାୟକ ଥିବା ପଶୁପତିଙ୍କ ଗୋଟିଚାଳନାରେ ଚିରାଗଙ୍କ ରାଜନୈତିକ ଭବିଷ୍ୟତ ପ୍ରାୟତଃ ଅବକ୍ଷୟମୁଖୀ ହୋଇଯାଇଛି । ଚିରାଗଙ୍କୁ ଦଳର ମୁଖ୍ୟ ପଦରୁ ପଶୁପତି ହଟାଇବା ସହ ୬ସାଂସଦଙ୍କ ମଧ୍ୟରୁ ୫ ସାଂସଦଙ୍କୁ ନିଜ ପକ୍ଷକୁ ଆଣିବାରେ ସକ୍ଷମ ହୋଇଥିଲେ ପଶୁପତି । ତେବେ ଜନମତ ଲୋଡ଼ିବାକୁ ଆଶୀର୍ବାଦ ଯାତ୍ରା ଆରମ୍ଭ କରିଛନ୍ତି ଚିରାଗ ।

ସେପଟେ ଭାଇଙ୍କ ସ୍ମୃତିରେ ବିଭିନ୍ନ କାର୍ଯ୍ୟକ୍ରମ ଆରମ୍ଭ କରିଛନ୍ତି ପଶୁପତି ପାରସ । ଆଜି ବି ଦାଦା ପୁତୁରାଙ୍କ ଭିନ୍ନ କାର୍ଯ୍ୟକ୍ରମ ନେଇ ସହରରେ ପୋଷ୍ଟର ଓ୍ବାର ଦେଖିବାକୁ ମିଳିଛି । ଚିରାଗ ହାଜିପୁରରୁ ପାଟନା ପର୍ଯ୍ୟନ୍ତ ଆଶୀର୍ବାଦ ଯାତ୍ରା କରୁଥିବା ବେଳେ ପାଟନା ସହରରେ ପଶୁପତିଙ୍କ ବିରାଟ ବିରାଟ ପୋଷ୍ଟର ବ୍ୟାନର ଲଗାଯାଇଛି । କିଛିଦିନ ତଳେ କ୍ଷମତା ପାଇଁ ଦାଦ-ପୁତୁରାଙ୍କ ମଧ୍ୟରେ କଳହ ସୃଷ୍ଟି ହୋଇଥିଲା  । ଯାହାକୁ ନେଇ ଦଳରେ ଉଭୟଙ୍କ ମଧ୍ୟରେ ଫାଟ ସୃଷ୍ଟି ହୋଇଛି  ।

ଲାଲୁ ରିଟଣ୍ଣର୍ସ; RJDର ପ୍ରତିଷ୍ଠା ଦିବସରେ ବିହାରୀବାବୁଙ୍କ ଉଦବୋଧନ

ପାଟନା: ବିହାର ରାଜନୀତିରେ ପୁଣି ଲାଲୁଙ୍କ ଏଣ୍ଟ୍ରି । ଦୀର୍ଘଦିନ ଧରି ବିହାର ରାଜନୀତିରୁ ଦୂରରେ ଥିବା ବେଳେ ନିଜ ଦଳ RJDର ପାର୍ଟି ପୋଷ୍ଟରରେ ବି ଲାଲୁପ୍ରସାଦ ଯାଦବଙ୍କ ଫଟୋ ନଥିବା ଦେଖାଯାଇଥିଲା । ହେଲେ ଦଳର ୨୫ ତମ ପ୍ରତିଷ୍ଠା ଦିବସରେ ପୁଣି ଥରେ ସକ୍ରୀୟ ରାଜନୀତିରେ ପାଦ ଦେଇଛନ୍ତି ଲାଲୁ । ପ୍ରତିଷ୍ଠା ଦିବସ ପାଇଁ ଦଳୀୟ କାର୍ଯ୍ୟାଳୟ ଆଗରେ ଲାଗିଥିବା ବ୍ୟାନର ପୋଷ୍ଟରରେ ଲାଲୁଙ୍କ ଫଟୋ ଲଗାଯାଇଚି । ଲାଲୁଙ୍କ ସମେତ ତେଜସ୍ବୀ ଯାଦବ ଓ ରାବଡି ଦେବୀଙ୍କ ଫଟୋ ମଧ୍ୟ ରହିଛି ।

ଚାରା ଘୋଟାଲା କେସରେ ଲାଲୁ ଜାମିନରେ ଆସିଥିବା ବେଳେ ଏବେ ଦିଲ୍ଲୀରେ ଅଛନ୍ତି । ଦଳର ପ୍ରତିଷ୍ଠା ଦିବସରେ ଲାଲୁ ଭର୍ଚୁଆଲରେ କାର୍ଯ୍ୟକ୍ରମ ଉଦଘାଟନ କରିବା ସହ କର୍ମୀଙ୍କୁ ସମ୍ବୋଧିତ କରିଥିଲେ । ଜେଲରୁ ବାହାରିବା ପରେ ମିଡିଆକୁ ପ୍ରଥମ ଥର ଲାଗି ସାକ୍ଷାତକାର ଦେବା ସହ ବିଜେପିକୁ ଟାର୍ଗେଟ କରିଛନ୍ତି । ୨୦୨୪ ସାଧାରଣ ନିର୍ବାଚନରେ କିଏ ହେବ ପ୍ରଧାନମନ୍ତ୍ରୀ ଚେହେରା ? ତା ଉପରେ ମତ ରଖି ଲାଲୁ କହିଛନ୍ତି ଅହଂକାର ଓ ଆତ୍ମପ୍ରଶଂସାଠାରୁ ଅନେକ ଦୂରରେ ରହୁଥିବା ବ୍ୟକ୍ତି ହିଁ ପ୍ରଧାନମନ୍ତ୍ରୀ ଚେହେରା ହେବେ ।

ମୋଦି ମନ୍ତ୍ରିମଣ୍ଡଳରେ ସିନ୍ଧିଆ, ସୋନେୱାଲ, ସୁଶୀଲ ମୋଦି ସହ ୨୨ଜଣଙ୍କୁ ମିଳିପାରେ ସ୍ଥାନ

ନୂଆଦିଲ୍ଲୀ: ଚଳିତ ସପ୍ତାହରେ ସମ୍ପ୍ରସାରିତ ହୋଇପାରେ ମୋଦିଙ୍କ ମନ୍ତ୍ରିମଣ୍ଡଳ । ସୂଚନା ଅନୁସାରେ, ୭ ଜୁଲାଇରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମନ୍ତ୍ରିମଣ୍ଡଳର ସମ୍ପ୍ରସାରଣ କରିବେ । ପିଏମ୍ ମୋଦି ନୂଆ ମନ୍ତ୍ରିମଣ୍ଡଳରେ ୧୭ରୁ ୨୨ ଜଣଙ୍କୁ ସାମିଲ୍ କରିପାରନ୍ତି । ଆସନ୍ତା ବର୍ଷ ବିଧାନସଭା ନିର୍ବାଚନ ହେବାକୁ ଥିବା ରାଜ୍ୟଗୁଡ଼ିକ ଉପରେ ମୋଦି ଅଧିକ ଫୋକସ କରିପାରନ୍ତି । ଏଥିସହ ଆଞ୍ଚଳିକ ଦଳର ନେତାଙ୍କୁ ମନ୍ତ୍ରୀ ପରିଷଦରେ ସାମିଲ୍ କରି ଏନଡିଏକୁ ଶକ୍ତିଶାଳୀ କରିପାରନ୍ତି ।

କେଉଁ ରାଜ୍ୟରୁ କେତେ ଜଣ ସାମିଲ୍ ହୋଇପାରନ୍ତି…

ଉତ୍ତରପ୍ରଦେଶ

  • ୩ ଜଣ ସାମିଲ୍ ହୋଇପାରନ୍ତି
  • ଅପନା ଦଳରୁ ଅନୁପ୍ରିୟା ପଟେଲ୍

ବିହାର

  • ଦୁଇରୁ ୩ ଜଣ ସାମିଲ୍ ହୋଇପାରନ୍ତି
  • ବିଜେପି-ସୁଶୀଲ ମୋଦି
  • ଜେଡିୟୁରୁ ଆରପି ସିଂହ
  • ଏଲଜିପିରୁ ପଶୁପତି ପାରସ

ମଧ୍ୟପ୍ରଦେଶ

  • ଜଣେରୁ ୨ ଜଣ ମନ୍ତ୍ରୀ ସାମିଲ୍ ହୋଇପାରନ୍ତି
  • ଜ୍ୟୋତିରାଦିତ୍ୟ ସିନ୍ଧିଆ
  • ରାକେଶ ସିଂହ

ମହାରାଷ୍ଟ୍ର

  • ଜଣେରୁ ଦୁଇ ଜଣ ମନ୍ତ୍ରୀ ସାମିଲ୍ ହୋଇପାରନ୍ତି
  • ନାରାୟଣ ରାଣେ
  • ହିନା ଗାମ୍ବିତ
  • ରଣଜିତ୍ ନାଇକ

ରାଜସ୍ଥାନରୁ ଜଣେ ମନ୍ତ୍ରୀ ସାମିଲ୍ ହୋଇପାରନ୍ତି

ଜମ୍ମୁ-କାଶ୍ମୀର ଓ ଲଦାଖରୁ ୨ ଜଣ ମନ୍ତ୍ରୀ ସାମିଲ୍ ହୋଇପାରନ୍ତି

ଆସାମରୁ ଜଣେ-ସୋନୋୱାଲ ସାମିଲ୍ ହୋଇପାରନ୍ତି

ପଶ୍ଚିମବଙ୍ଗ

  • ୨ ଜଣ ସାମିଲ୍ ହୋଇପାରନ୍ତି
  • ଶାନ୍ତନୁ ଠାକୁର
  • ନିଶିଥ ପ୍ରମାଣିକ

ଓଡ଼ିଶାରୁ ଜଣେ ସାମିଲ୍ ହୋଇପାରନ୍ତି

କେନ୍ଦ୍ରର ମନ୍ତ୍ରିମଣ୍ଡଳ ଏବେ ୫୩ ସଦସ୍ୟ ବିଶିଷ୍ଟ ରହିଛି । ଏହା ୮୧ ସଦସ୍ୟ ବିଶିଷ୍ଟ ହୋଇପାରେ । ଅର୍ଥାତ୍ ପିଏମ୍ ମୋଦି ୨୮ ଜଣଙ୍କୁ ମନ୍ତ୍ରିମଣ୍ଡଳରେ ନେଇପାରନ୍ତି ।

ଟ୍ୱିଟରରେ କାହିଁକି ଟ୍ରେଣ୍ଡ୍ କରୁଛି #3rdwave, ‘ଏବେ ହୋଟେଲ ମିଳୁନି,ଆଗକୁ ହସ୍ପିଟାଲ ମିଳିବନି’ ?

ନୂଆଦିଲ୍ଲୀ: ସୋସିଆଲ ମିଡିଆରେ ସବୁବେଳେ କିଛି ନା କିଛି ବିଷୟ ଟ୍ରେଣ୍ଡିଂରେ ରହିଥାଏ । କେବେ ଫିଲ୍ମଷ୍ଟାରଙ୍କୁ ନେଇ ତ କେବେ ରାଜନେତାଙ୍କୁ ନେଇ ଟ୍ରେଣ୍ଡ୍ ଚାଲେ  ତ ଆଉ କେବେ ରିଅଲ ଲାଇଫରେ ଘଟୁଥିବା ଅନେକ କାହାଣୀ ଟ୍ରେଣ୍ଡରେ ଥାଏ । ହେଲେ କୋଭିଡ୍ ଆସିବା ପରେ ସାଧାରଣତଃ କରୋନାର ବିଭିନ୍ନ ଭ୍ୟାରିଆଣ୍ଟ ଓ ତାର ପ୍ରଭାବ ଟ୍ରେଣ୍ଡରେ ରହୁଛି । ଠିକ୍ ସେହିଭଳି ଏବେ ଟ୍ୱିଟରରେ ଟ୍ରେଣ୍ଡ କରୁଛି ହ୍ୟାସ୍ ଟ୍ୟାଗ୍ ଥାର୍ଡ ୱେଭ୍ ।

କରୋନା ମାମଲା ଦେଶରେ କମିବାରେ ଲାଗିଛି । ଏସବୁ ମଧ୍ୟରେ ତୃତୀୟ ଲହରକୁ ନେଇ ମଧ୍ୟ ଆଶଙ୍କା ରହିଛି । ଲୋକେ ଅମାନିଆ ହେଲେ ସଂକ୍ରମଣ ପୁଣି ବଢିବ ବୋଲି ବିଶେଷଜ୍ଞମାନେ କହୁଛନ୍ତି । ଆଉ କିଛି ରାଜ୍ୟରେ ଲକଡାଉନ ଏବେବି ବଢୁଛି ।

ଦିଲ୍ଲୀର ପଡୋଶୀ ରାଜ୍ୟ ହରିୟାଣାରେ ଜୁଲାଇ ୧୨ ଯାଏଁ ଲକଡାଉନ୍ ବଢାଇ ଦିଆଯାଇଛି । ଏହି ଖବର ଓ ମନାଲିରେ ଲୋକଙ୍କ ଗହଳି ଚହଳିକୁ ନେଇ ସୋସିଆଲ ମିଡିଆରେ ଅନେକ ୟୁଜର ଅସନ୍ତୋଷ ପ୍ରକାଶ କରିଛନ୍ତି ।

ସୂଚନାଯୋଗ୍ୟ ଯେ, ହିମାଚଳର ମନାଲିରେ ଛୁଟି ବିତାଇବା ପାଇଁ ଏବେ ପର୍ଯ୍ୟଟକଙ୍କ ଗହଳି ଲାଗିଛି । ମନାଲିର ରାସ୍ତାଘାଟର ଫଟୋ ସୋସିଆଲ ମିଡିଆରେ ଟ୍ରେଣ୍ଡ୍ କରୁଛି । ମନାଲିରେ ପର୍ଯ୍ୟଟକଙ୍କୁ ରହିବାକୁ ହୋଟେଲ ମିଳୁନଥିବା ଦେଖିବାକୁ ମିଳୁଛି । ଏହି ସବୁ ଫଟୋକୁ ଦେଖି ଅନେକ ନିଜ ଅସନ୍ତୋଷ ବ୍ୟକ୍ତ କରୁଛନ୍ତି ।

ଅର୍ଜୁନ୍ ଘୋଷ ନାମକ ଜଣେ ୟୁଜର ଟ୍ୱିଟରରେ ସେହିଭଳି ଏକ ଫଟୋ ସେୟାର କରିଛନ୍ତି । ଫଟୋରେ ଲୋକଙ୍କ ଭିଡ଼ ସ୍ପଷ୍ଟ ଭାବେ ଦେଖିବାକୁ ମିଳିଛି । କରୋନାର ତୃତୀୟ ଲହର ନେଇ ସତର୍କ ରହିବାକୁ ଚେତାବନି ଦେଇଛନ୍ତି ଅର୍ଜୁନ୍ । ୟୁଜରଙ୍କ କହିବା ଅନୁସାରେ ବଜାରରେ ଲୋକଙ୍କର ଏମିତି ଗହଳି ସମସ୍ତଙ୍କ ପାଇଁ ମହଙ୍ଗା ପଡ଼ିପାରେ ।

ଆଉ ଜଣେ ୟୁଜର ଟ୍ୱିଟ୍ କରି ଲେଖିଛନ୍ତି ଯେ, ଏବେ ହୋଟେଲ ମିଳୁନାହିଁ । ପରେ ହସ୍ପିଟାଲ ମଧ୍ୟ ମିଳିବ ନାହିଁ । ଆମାନିଆଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ନେବାକୁ ଆଉ କିଛି ୟୁଜର ମତ ଦେଇଛନ୍ତି । ସେପଟେ ଜଣେ ୟୁଜର ଲେଖିଛନ୍ତି ଯେ, ବ୍ରେକରେ ଯିବାକୁ ଯେଉଁମାନେ ଚାହୁଁଛନ୍ତି ସେମାନେ ହିଁ ତୃତୀୟ ପ୍ରବାହ ଆଣିବେ । ଦିଲ୍ଲୀରେ ମଧ୍ୟ ଲୋକେ ଅମାନିଆ ହେବା କାରଣରୁ ଅନେକ ବଜାରକୁ ବନ୍ଦ କରି ଦିଆଯାଇଛି ।

ନିଜକୁ ବିଷ୍ଣୁଙ୍କ ଅବତାର କହୁଥିବା ବ୍ୟକ୍ତିଙ୍କ ଧମକ, ‘ଗ୍ରାଚ୍ୟୁଇଟି ଟଙ୍କା ନଦେଲେ ପୃଥିବୀରେ ଆସିବ ପ୍ରଳୟ’

ଅହମଦାବାଦ: ପୁଣି ଚର୍ଚ୍ଚାରେ ରମେଶଚନ୍ଦ୍ର । ପୂର୍ବରୁ ନିଜକୁ କଳ୍କୀ ଅବତାର (ଭଗବାନ ବିଷ୍ଣୁଙ୍କ ଶେଷ ଅବତାର) କହୁଥିଲେ । ଏବେ ତାଙ୍କୁ ଦରମା ନଦେଲେ ପୃଥିବୀରେ ପ୍ରଳୟ ଆସିବ। ଗ୍ରାଚ୍ୟୁଟି ନଦେଲେ ସେ ପୃଥିବୀକୁ ଦୁର୍ଭିକ୍ଷ ନେଇଆସିବି । ସେ କଳ୍କୀ ଅବତାର । ପୃଥିବୀରେ ପାଇଁ ତାଙ୍କ ପାଇଁ ହିଁ ଭଲ ବର୍ଷା ହେଉଛି ଆଉ ଏଥିପାଇଁ ସେ କୁଆଡେ କାମ କରୁଛନ୍ତି । ସେଥିପାଇଁ ତାଙ୍କୁ ଦରମା ଦେବାର ଆବଶ୍ୟକତା ରହିଛି । ଦର୍ଶକ ବନ୍ଧୁ ଏକଥା ଆମେ କହୁନୁ କି ଏ ମନୋଭାବ କୌଣସି ସାଧୁସନ୍ଥ ବା ଭଣ୍ଡ ବାବାଙ୍କର ନୁହେଁ । ଏ ହେଉଛି ଜଣେ ସରକାରୀ କର୍ମଚାରୀଙ୍କ ବିଳାପ । ଯେ କି ଅଫିସ୍ ନଯାଇ ଦାବି କରୁଛନ୍ତି ଦରମା ଟଙ୍କା । ଆଉ ଫମ୍ପା ଧମକ ମଧ୍ୟ ଦେଉଛନ୍ତି ।

ପ୍ରାୟ ଦୁଇ ବର୍ଷ ତଳେ ଗୁଜରାଟର ଜଳ ସମ୍ପଦ ବିଭାଗର ଅଧୀକ୍ଷକ ରମେଶଚନ୍ଦ୍ର ପଫେର୍ ନିଜକୁ ନିଜେ ଭଗବାନ ବିଷ୍ଣୁଙ୍କ ଅବତାର ବୋଲି କହିଥିଲେ । ସେ ଅଧୀକ୍ଷକ ଥିଲେ କିନ୍ତୁ ମାନସିକ ଅବସ୍ଥା ଦେଖି ସରକାର ତାଙ୍କୁ ଅକାଳ ଅବସର ଦେଇଥିଲେ । ବର୍ତ୍ତମାନ ସେ କହୁଛନ୍ତି ତାଙ୍କର ଗ୍ରାଚ୍ୟୁଇଟି ଟଙ୍କା ନ ମିଳିଲେ ପୃଥିବୀରେ ଦୁର୍ଭିକ୍ଷ ଆଣିଦେବେ । ନିଜକୁ କଳ୍କୀ ଅବତାର ବୋଲାଉଥିବା ରମେଶଚନ୍ଦ୍ର ଏବେ ଟଙ୍କା ନମିଳେ ସେ ତାଙ୍କର ଦିବ୍ୟ ବାଣୀ ଦ୍ୱାରା ଦୁର୍ଭିକ୍ଷ ଆଣିଦେବେ ବୋଲି କହୁଛନ୍ତି ।

ଜୁଲାଇ ୧ ତାରିଖ ଦିନ ଜଳ ସମ୍ପଦ ବିଭାଗର ସଚିବଙ୍କୁ ଲେଖିଥିବା ଚିଠିରେ ଫେଫର କହିଛନ୍ତି ଯେ ସରକାରରେ ଥିବା ରାକ୍ଷସମାନେ ତାଙ୍କୁ ଗ୍ରାଚ୍ୟୁଇଟି ଏବଂ ଏକ ବର୍ଷର ବେତନ ହିସାବରେ ୧୬ ଲକ୍ଷ ଟଙ୍କା ନଦେଇ ତାଙ୍କୁ ହଇରାଣ କରୁଛନ୍ତି । ଆଗରୁ ମଧ୍ୟ ହଇରାଣ କରାଯାଉଥିଲା । କାରଣ ସେ ପୃଥିବୀରେ ଭୟଙ୍କର ମରୁଡ଼ି ଆଣିପାରନ୍ତି କାରଣ ସେ ପ୍ରଭୁ ବିଷ୍ଣୁଙ୍କ ଦଶମ ଅବତାର ଯିଏ କି ସତ୍ୟଯ଼ୁଗରେ ଶାସନ କରିଥିଲେ ।

ପଫେଫରଙ୍କୁ ରାଜ୍ୟ ଜଳ ସମ୍ପଦ ବିଭାଗର ସର୍ଦ୍ଦାର ସରୋବର ପୁନର୍ବାସ ଏଜେନ୍ସିରେ ଅଧୀକ୍ଷକ ଇଞ୍ଜିନିୟର ଭାବରେ ଭଦୋଦରା କାର୍ଯ୍ୟାଳୟରେ ପୋଷ୍ଟ କରାଯାଇଥିଲା । ଆଠ ମାସରେ ମାତ୍ର ୧୬ ଦିନ ଅଫିସକୁ ଆସିଥିଲେ । ତେଣୁ ବିଭାଗ ତାଙ୍କୁ ନୋଟିସ ଜାରି କରିଥିଲେ । ଜଳ ସମ୍ପଦ ବିଭାଗର ସଚିବ ଏମ.କେ ଯାଦବ କହିଛନ୍ତି ଯେ ରମେଶ ସେମାନଙ୍କୁ ବୋକା ବନାଉଛନ୍ତି, “ପଫେର୍ ଅଫିସକୁ ନ ଆସି ଦରମା ଦାବି କରୁଛନ୍ତି । ସେ କହୁଛନ୍ତି ଯେ ତାଙ୍କୁ ‘କଳକୀ’ ଅବତାର ଏବଂ ପୃଥିବୀରେ ବର୍ଷା ଆଣିବା ପାଇଁ କାର୍ଯ୍ୟ କରୁଥିବାରୁ ତାଙ୍କୁ ଦରମା ଦିଆଯିବା ଉଚିତ୍ଫେ । ଫର ଏମିତି ମଧ୍ୟ ଚିଠିରେ ଲେଖିଛନ୍ତି ଯେ ଗତ ଦୁଇ ବର୍ଷ ମଧ୍ୟରେ କଳ୍କୀ ଅବତାର ଆକାରରେ ପୃଥିବୀରେ ତାଙ୍କର ଉପସ୍ଥିତି ଥିବାରୁ ଭାରତକୁ ଭଲ ବର୍ଷା ହୋଇଛି ।

କୋଭିଡ୍ ଟିକା ନ ନେଇ ପ୍ରଥମ ଡୋଜ୍ ନେଇଥିବା ମେସେଜ ଆସିଥିବା ଅଭିଯୋଗ

ଚଣ୍ଡିଖୋଲ: କୋଭିଡ ଟିକାକୁ ନେଇ ଦ୍ୱନ୍ଦ୍ୱ । ଜଣେ ବ୍ୟକ୍ତି ଟିକା ନେଇ ନଥିବା ବେଳେ ତାଙ୍କ ପାଖକୁ ପ୍ରଥମ ଡୋଡ୍ ଟିକା ନେଇଥିବା ମୋବାଇଲକୁ ମେସେଜ ଆସିଛି । କୋୱିନ୍ ଆପରେ ପ୍ରମାଣପତ୍ର ମଧ୍ୟ ରହିଛି । ଏଭଳି ଘଟଣା ଘଟିଛି ଯାଜପୁର ଜିଲ୍ଲା ଧର୍ମଶାଳା ବ୍ଲକ କ୍ଷେତ୍ରପାଳ ଗୋପାଳପୁର ଗାଁରେ । ମନୋଜ କୁମାର ବେହେରା ପ୍ରଥମ ଡୋଜ ଟିକା ନେବା ପାଇଁ ଧର୍ମଶାଳା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ନିଜର ଆଧାର କାର୍ଡ ଦେଇଥିଲେ ।

Chandikhol Man Received MSG Without Vaccination

ହେଲେ କୌଣସି କାରଣରୁ ସେ ଟିକା ନେଇ ପାରି ନଥିଲେ । ହେଲେ ପରବର୍ତ୍ତୀ ସମୟରେ ତାଙ୍କ ମୋବାଇଲକୁ ପ୍ରଥମ ଡୋଜ ଟିକା ନେଇଥିବା ନେଇ ମେସେଜ୍ ଆସିଥିଲା । ଏହା ପରେ ଦ୍ୱିତୀୟ ଡୋଜ୍ ନେବା ପାଇଁ ମଧ୍ୟ ମେସେଜ୍ ଆସିଛି । ସେ ଟିକା ନେଇ ନଥିବାରୁ ମେସେଜ୍ କିଭଳି ଆସିଲା ତାକୁ ନେଇ ଦ୍ୱନ୍ଦ୍ୱରେ ପଡ଼ିଛନ୍ତି । ଏନେଇ ସେ ଧର୍ମଶାଳା ମେଡିକାଲ ଅଧିକାରୀଙ୍କୁ ଜଣାଇଛନ୍ତି । ତଦନ୍ତ ପରେ ପଦକ୍ଷେପ ନିଆଯିବ ବୋଲି କହିଛନ୍ତି ମେଡିକାଲ ଅଧିକାରୀ ।

୧ ମାସ ପାଇଁ ଆବାସ ପ୍ଲସ୍ ଆପ୍ କାର୍ଯ୍ୟକ୍ଷମ କରିବାକୁ ଦାବି

ଭୁବନେଶ୍ୱର: ଆବାସ ଯୋଜନା ହିତାଧିକାରୀ ପ୍ରସଙ୍ଗରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଚିଠି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଚିଠି ଲେଖିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସାରା ରାଜ୍ୟ ପାଇଁ ଆବାସ ପ୍ଲସ୍ ମୋବାଇଲ ଆପ୍ କାର୍ଯ୍ୟକ୍ଷମ କରାଯାଉ । ୧ ମାସ ପାଇଁ ଆବାସ ପ୍ଲସ୍ ଆପ୍ କାର୍ଯ୍ୟକ୍ଷମ କରିବା ପାଇଁ ମୁଖ୍ୟମନ୍ତ୍ରୀ ଦାବି କରିଛନ୍ତି । ଯୋଗ୍ୟ ହିତାଧିକାରୀଙ୍କ ତାଲିକା ଆବାସ ପ୍ଲସ୍‌କୁ ସ୍ଥାନାନ୍ତର କରାଯାଉ । କେନ୍ଦ୍ର ସରକାର କେବଳ ୧୪ ଫନି ପ୍ରଭାବିତ ଜିଲ୍ଲା ପାଇଁ ଆପ୍‌ କାର୍ଯ୍ୟକ୍ଷମ କରିଛନ୍ତି ।

 CM Naveen Writes PM Modi On Awas Plus

ଅନ୍ୟ ୧୬ ଜିଲ୍ଲା ଏଥିରୁ ବଞ୍ଚିତ ହୋଇଛନ୍ତି । ବଞ୍ଚିତ ଜିଲ୍ଲା ମଧ୍ୟରେ କେବିକେ ଓ ଆଦିବାସୀ ଏବଂ ଅନ୍ୟାନ୍ୟ ପଛୁଆ ଅଞ୍ଚଳ ହିତାଧିକାରୀ ଅଛନ୍ତି । ଏଥିପ୍ରତି ଦୃଷ୍ଟି ଦେବାକୁ ଚିଠି ଲେଖିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଫନି ପ୍ରଭାବିତ ହୋଇ ନଥିବା ଜିଲ୍ଲାର ୬ ଲକ୍ଷ ହିତାଧିକାରୀଙ୍କୁ ସାମିଲ ପାଇଁ ଦାବି କରିଛନ୍ତି ନବୀନ । ଓଡ଼ିଶା ପାଇଁ ୮ ଲକ୍ଷ ୧୭ ହଜାର ଟାର୍ଗେଟ୍ ଦେଇଛି କେନ୍ଦ୍ର । ଏଥିପାଇଁ ପ୍ରଧାନମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି ମୁଖ୍ୟମନ୍ତ୍ରୀ ।

ଏଥିସହ ପଢ଼ନ୍ତୁ: ପ୍ରଧାନମନ୍ତ୍ରୀ ଆୱାସ ଯୋଜନାରେ ଓଡ଼ିଶାକୁ ଅବହେଳା ନେଇ ବର୍ଷିଲା ବିଜେଡି

ବଡ଼ବାବୁଙ୍କ ନାଁରେ ଟଙ୍କା ନେଉଛନ୍ତି କ୍ୟାସିଅର, ଭିଡିଓ ଭାଇରାଲ୍

ବାରିପଦା: ଟଙ୍କା ଦିଅ, କାମ ନିଅ । ପିସି ନଦେଲେ କାମ ହେବନି । ବିଲ୍‌, ଏଷ୍ଟିମେଟ୍‌ କି ପ୍ରକଳ୍ପର ଅର୍ଥ ପାସ ହେବନି କି କାମ ବି ମିଳିବନି । ମୟୂରଭଞ୍ଜ ଜିଲ୍ଲାରେ ଦେଖିବାକୁ ମିଳିଛି ଏଭଳି ଘଟଣା । ପଦାରେ ପଡ଼ିଛି ମୟୂରଭଞ୍ଜ ଜିଲ୍ଲା ଗ୍ରାମ୍ୟ ପାନୀୟଜଳ ଯୋଗାଣ ଓ ପରିମଳ ବିଭାଗର ଦୁର୍ନୀତିର ଗୁମର । ଯାହାର ଏକ୍ସକ୍ଲୁସିଭ ଭିଡିଓ ଲାଗିଛି ନନ୍ଦିଘୋଷ ଟିଭି ହାତରେ । ଭାଇରାଲ୍ ଭିଡିଓରେ ଠିକାଦାରଙ୍କଠାରୁ ବିଡ଼ା ବିଡ଼ା ଟଙ୍କା ଲାଞ୍ଚ ନେଉଛନ୍ତି ବାବୁ । ବଡ଼ବାବୁଙ୍କ ନାଁରେ ଟଙ୍କା ନେଉଛନ୍ତି ଦୁର୍ନୀତିଖୋର କ୍ୟାସିଅର ରମାକାନ୍ତ ମହାନ୍ତ ।

 Cashier Taking Bribe On Name Of Higher Officer In Mayurbhanj

ଟଙ୍କା ବିଡ଼ା ଗଣି ଗଣି କ୍ୟାସିୟର ବାବୁ ରଖୁଛନ୍ତି । କହୁଛନ୍ତି, ଏଥିରେ ସମସ୍ତଙ୍କର ଭାଗ ଅଛି । କାହାକୁ କିଛି କହିବନି, ସବୁ ବିଲ୍ ପାସ ହୋଇଯିବ, ନହେଲେ ତୁମ କାମ ପଡ଼ି ରହିବ । କ୍ୟାସିୟର ମୋଟା ଟଙ୍କାର ବିଡ଼ା ନେଇ ବିଭାଗୀୟ କାର୍ଯ୍ୟନିର୍ବାହୀ ଯନ୍ତ୍ରୀଙ୍କ ଡ୍ର’ୟରରେ ରଖୁଛନ୍ତି । ଏଥିରୁ ସ୍ପଷ୍ଟ, ଦୁର୍ନୀତିର ଚେର ଉପରୁ ତଳ ପର୍ଯ୍ୟନ୍ତ ଲମ୍ବିଛି ।

 Cashier Taking Bribe On Name Of Higher Officer In Mayurbhanj

ସରକାର ଲୋକଙ୍କ ପାଇଁ ଅନେକ ଯୋଜନା କରିଥିବା ବେଳେ ଏହି ଦୁର୍ନୀତିଖୋର ସରକାରୀ ଅଧିକାରୀଙ୍କ ପାଇଁ ସାଧାରଣ ଗରିବ ଲୋକ ହକ୍ ପାଉନାହାନ୍ତି । ତେବେ ଏହି ଭାଇରଲ ଭିଡିଓ ୨ ବର୍ଷ ତଳର ବୋଲି ବିଭାଗୀୟ କାର୍ଯ୍ୟନିର୍ବାହୀ ଯନ୍ତ୍ରୀ କହିଛନ୍ତି । ସେପଟେ ଲାଞ୍ଚ କାରବାରକୁ ଖଣ୍ଡନ କରିବା ସହ ଏହା ଲାଞ୍ଚ ନୁହେଁ, ଟେଣ୍ଡର ପଇସା ନିଆଯାଇଥିବା କହିଛନ୍ତି କ୍ୟାସିଅର ରମାକାନ୍ତ ମହାନ୍ତ ।