spot_img
Home Blog Page 5607

ଶ୍ରୀମନ୍ଦିର ସକାଳ ଧୂପ ଓ ଭୋଗମଣ୍ଡପ ପରେ ହେବ ରାଜପ୍ରସାଦ ବିଜେ ନୀତି

ପୁରୀ: ଆଜି ପବିତ୍ର ଦ୍ୱାଦଶୀ ତିଥି । ଦ୍ୱାଦଶୀ ତିଥିରେ ଶ୍ରୀମନ୍ଦିର ସକାଳ ଧୂପ ଓ ଭୋଗମଣ୍ଡପ ନୀତି ପରେ ରାଜପ୍ରସାଦ ବିଜେ ନୀତି ହେବ । ମହାପ୍ରଭୁ ସୁସ୍ଥ ହୋଇଥିବା ଖବର ନେଇ ରାଜ ନହରକୁ ଶ୍ରୀ ଅଙ୍ଗ ଲାଗି ପ୍ରସାଦ ବିଜେ କରାଇବେ ସେବାୟତ । ଶ୍ରୀବିଗ୍ରହ ମାନଙ୍କ ସୁସ୍ଥ ହେବାର ଖବର ଗଜପତିଙ୍କୁ ଜଣାଇବା ସହ ପ୍ରଥମ ଆଦ୍ୟ ସେବକଙ୍କୁ ମହାପ୍ରଭୁଙ୍କ ଅଣବସରର ସ୍ୱତନ୍ତ୍ର ପ୍ରସାଦ ପ୍ରଥମ କରି ଭେଟି ଦିଆଯିବ ।

Puri Rajprasad Bije Niti Update

ସ୍ନାନ ପୂର୍ଣ୍ଣିମାରେ ଅତ୍ୟଧିକ ସ୍ନାନ ପରେ ଜ୍ୱରରେ ପୀଡିତ ଥିଲେ ମହାବାହୁ । ଶ୍ରୀବୈଦ୍ୟଙ୍କ ଦ୍ୱାରା ପ୍ରଦତ୍ତ ଦଶମୂଳ ଔଷଧ ଲାଗି ପରେ ମହାପ୍ରଭୁ ଜ୍ୱରରୁ ସୁସ୍ଥ ହେବେ । ଦଶମୀରେ ଚକାବିଜେ କରିବା ପରେ ଏକାଦଶୀରେ ଖଳିଲାଗି ହୋଇଥିଲା ।

ସେପଟେ ପୁରୀ ବଡ଼ଦାଣ୍ଡରେ ଦଣ୍ଡାୟମାନ ସମ୍ପୂର୍ଣ୍ଣପ୍ରାୟ ତିନିରଥ । ଉତ୍କଳୀୟ ପରମ୍ପରା, କଳା ଓ ଭାସ୍କର୍ଯ୍ୟର ନମୁନା ବହନ କରୁଥିବା ତିନି ରଥ ବେଶ୍‌ ଆକର୍ଷଣୀୟ । ତିନି ରଥରେ ପାର୍ଶ୍ୱ ଦେବଦେବୀ ଓ କଳସ ଖଞ୍ଜା ଯାଇଛି । ନିର୍ମାଣ ଚାଲିଛି ବେଦୀ ଓ ସିଂହାସନ । ୧୨ ତାରିଖରେ ରଥରେ ଚଢି ପତିତ ଉଦ୍ଧାର ପାଇଁ ଘୋଷଯାତ୍ରାରେ ଯିବେ ଚତୁର୍ଦ୍ଧା ମୂର୍ତ୍ତି ।

Unlock Odisha: ୪୩ଟି ରୁଟରେ ଆଜିଠୁ ରାଜ୍ୟରେ ଗଡ଼ିବ ସରକାରୀ ବସ୍

ଭୁବନେଶ୍ୱର: ଆଜିଠୁ ରାଜ୍ୟରେ ଗଡ଼ିବ ସରକାରୀ ବସ୍ । ୪୩ଟି ରୁଟରେ ଚାଲିବ ଓଏସଆରଟିସି ବସ୍ । ଏଥିପାଇଁ ରାଜ୍ୟ ସଡ଼କ ପରିବହନ ନିଗମ ତରଫରୁ ନିଷ୍ପତ୍ତି ନିଆଯାଇଛି । ଏହି ବସ୍ ଗୁଡ଼ିକ ରାଷ୍ଟ୍ରାୟତ ନିଗମର ୧୬ଟି ଡିପୋରୁ ଯାତାୟତ କରିବ । ବସରେ ଯାତ୍ରା ସମୟରେ ଯାତ୍ରୀ ମାନେ ମାସ୍କ ପିନ୍ଧିବା ବାଧ୍ୟତାମୂଳକ କରାଯାଇଛି । କାଟେଗୋରୀ ଏ ଜିଲ୍ଲା ଗୁଡ଼ିକରେ ଆନ୍ତଃ ଜିଲ୍ଲା ସାଧାରଣ ପରିବହନ ହୋଇପାରିବ ।

 Unlock Odisha Bus Service To Resume In Odisha From Today

ବସରେ ଯେତିକି ସିଟ୍ ଥିବ ସେତିକି ଯାତ୍ରୀଙ୍କୁ ଅନୁମତି ମିଳିବ । କୌଣସି ଯାତ୍ରୀ ଠିଆ ହୋଇ ଯାଇପାରିବେ ନାହିଁ । ପ୍ରତିଦିନ ବସକୁ ସାନିଟାଇଜ୍ କରାଯିବ । ଏହା ସହିତ ଯାତ୍ରୀମାନେ କରୋନା ନିୟମକୁ ମାନିବାକୁ ଅନୁରୋଧ କରିଛନ୍ତି ଓଏସଆରଟିସି ଅଧ୍ୟକ୍ଷ । ସମସ୍ତେ ସାମାଜିକ ଦୂରତା ମାନିବା ସହିତ ମାସ୍କ ଓ ସାନିଟାଇଜର ବ୍ୟବହାର କରିବାକୁ ସେ ଜନସାଧାରଣଙ୍କୁ କହିଛନ୍ତି ।

ଜନସଂଖ୍ୟାର ୬୪ ପ୍ରତିଶତ ଟିକା ନେବା ପରେ ମାସ୍କ ମୁକ୍ତ ହେବାକୁ ଯାଉଛି ବ୍ରିଟେନ୍

ଲଣ୍ଡନ: କରୋନା ଓ ଟିକାକରଣକୁ ନେଇ ବ୍ରିଟେନରୁ ଏକ ଭଲ ଖବର ଆସିଛି । ବ୍ରିଟେନରେ କରୋନା କଟକଣାକୁ ପୂରା ଉଠାଇ ଦିଆଯିବ । ଏଣିକି ଲୋକ ବିନା ମାସ୍କ ଓ ସାମାଜିକ ଦୂରତା ବିନା ବୁଲି ପାରିବେ । ଟିକାକରଣ ସହ କରୋନାର ବଢ଼ୁଥିବା ମାମଲା ମଧ୍ୟରେ ବ୍ରିଟେନ୍ ମାସ୍କ ମୁକ୍ତ ଦେଶ ହେବାକୁ ଯାଉଛି । ବ୍ରିଟିଶ୍ ସରକାର ଏହି ଦିନକୁ ସ୍ୱାଧୀନତାର ଦିନ ଭାବେ ପାଳନ କରିବାକୁ ପ୍ରସ୍ତୁତି ଚଳାଇଛନ୍ତି । ଏହି ଘୋଷଣା କରିଛନ୍ତି ପ୍ରଧାନମନ୍ତ୍ରୀ ବୋରିଶ ଜନସନ୍ ।

Freedom Day After Vaccination Of 64 Of The Population Britain Mask Free

ବୋରିଶ ଜନସନ କହିଛନ୍ତି, ‘ଆମେ ସାମାଜିକ ଦୂରତା, ମୁହଁରେ ମାସ୍କ ଆଦି ନିୟମକୁ ଶେଷ କରିବାକୁ ଯାଉଛୁ । ଯଦି ଆପଣ ଏହି ନିୟମକୁ ମାନିବାକୁ ଚାହୁଁଛନ୍ତି ତ ଆମେ ରୋକିବୁ ନାହିଁ । ଜୁଲାଇ ୧୯ରୁ କଟକଣା ହଟାଇବା ପ୍ରକ୍ରିୟା ଆରମ୍ଭ ହେବ । ତେବେ ଏନେଇ ଚୂଡ଼ାନ୍ତ ନିଷ୍ପତ୍ତି ୧୨ ଜୁଲାଇରେ ନିଆଯିବ ।’

ଚତୁର୍ଥ ପର୍ଯ୍ୟାୟରେ କେବଳ ମାସ୍କ କି ସାମାଜିକ ଦୂରତା ନୁହେଁ ଅନ୍ୟ କେତକ କଟକଣାକୁ ସରକାର ଉଠାଇ ନେବେ । ନାଇଟ୍ କ୍ଲବ୍, ମ୍ୟୁଜିକ୍ କନସର୍ଟ, ବିବାହ ଉତ୍ସବ, ସିନେମା ହଲ୍ ଓ ସମସ୍ତ ବାଣିଜ୍ୟିକ ଅନୁଷ୍ଠାନ ପୁଣି ଥରେ ଖୋଲିବାକୁ ଅନୁମତି ମିଳିବ ।

Freedom Day After Vaccination Of 64 Of The Population Britain Mask Free

ବ୍ରିଟେନ୍ ଜନସଂଖ୍ୟାର ୬୪ ପ୍ରତିଶତ ଲୋକ କୋଭିଡ୍ ଟିକାର ଦ୍ୱିତୀୟ ଡୋଜ୍ ନେଇ ସାରିଛନ୍ତି । ସରକାର ଟିକାକରଣ ଶକ୍ତିରେ କଟକଣା ଉଠାଇବାକୁ ଯାଉଛନ୍ତି । ଏହା ପୂର୍ବରୁ ଇସ୍ରାଏଲ୍, ଭୁଟାନ, ଆମେରିକା, ନ୍ୟୁଜିଲାଣ୍ଡ ଓ ଚୀନ୍ ଆଦି ଦେଶ ମାସ୍କ ମୁକ୍ତ ହୋଇ ସାରିଛନ୍ତି ।

୮୪ ବର୍ଷ ବୟସ୍କ ସ୍ତାନ ସ୍ୱାମୀଙ୍କ ପରଲୋକ, ମାଓବାଦୀ ମାମଲାରେ ହୋଇଥିଲେ ଗିରଫ

ମୁମ୍ବାଇ: ଆତଙ୍କବାଦ ନିରୋଧ ଆଇନ ଅନୁସାରେ ଗିରଫ ହୋଇ ଜେଲରେ ଥିବା ସାମାଜିକ କର୍ମୀ ଫାଦର ସ୍ତାନ ସ୍ବାମୀଙ୍କ ପରଲୋକ ଘଟିଛି । ୮୪ ବର୍ଷ ବୟସ୍କ ସ୍ତାନ ବହୁଚର୍ଚ୍ଚିତ ଏଲଗାର ପରିଷଦ ମାମଲାରେ ଗିରଫ ହୋଇଥିଲେ । ମୁମ୍ବାଇର ଏକ ହସ୍ପିଟାଲରେ ତାଙ୍କ ପରଲୋକ ଘଟିଛି । ଗତ ବର୍ଷ ଅକ୍ଟୋବରରୁ ଜେଲରେ ଥିବା ସ୍ତାନ ଶେଷ ପର୍ଯ୍ୟନ୍ତ ମୁକୁଳିବା ଲାଗି ଆଇନଗତ ଲଢେଇ ଜାରି ରଖିଥିଲେ । ସେ ଜଣେ ମାଓବାଦୀ ଓ ଦେଶରେ ଅସ୍ଥିରତା ସୃଷ୍ଟି କରିବା ଲାଗି ସେ ଉଦ୍ୟମ କରିଥିଲେ ବୋଲି ହୋଇଥିବା ଅଭିଯୋଗ କ୍ରମେ ସେ ଗିରଫ ହୋଇଥିଲେ ।

ବେଆଇନ କାର୍ଯ୍ୟକଳାପ ନିରୋଧ ଆଇନ ବା ୟୁଏପିଏ ଅନୁସାରେ ତାଙ୍କୁ ଗିରଫ କରାଯାଇଥିଲା । ବହୁଚର୍ଚ୍ଚିତ ଏଲଗାର ପରିଷଦ ମାମଲାରେ ବର୍ତ୍ତମାନ ସୁଦ୍ଧା ଦିଲ୍ଲୀ ବିଶ୍ବବିଦ୍ୟାଳୟ ପ୍ରଫେସର ହାନି ବାବୁଙ୍କ ସମେତ ୧୮ ଜଣଙ୍କୁ ଗିରଫ କରାଗଲାଣି । ଗତ ୨୦୧୮ ଜାନୁଆରୀ ୧ରେ ପୁଣେରେ ଐତିହାସିକ ଭୀମା କୋରେଗାଁ ଯୁଦ୍ଧର ୨୦୦ ତମ ବାର୍ଷିକୀ ପାଳନ କରିବା ଲାଗି ଲକ୍ଷାଧିକ ଦଳିତ ଏକତ୍ରିତ ହୋଇଥିଲେ । ସଭା ଚାଲିଥିବାବେଳେ ହିଂସା ଘଟିଥିଲା  ।

ଅନେକ ଯାନବାହନ ପୋଡିଦିଆଯାଇଥିଲା । ପ୍ରଥମେ ପୋଲିସ ପକ୍ଷରୁ ମାମଲା ଦାଏର ହୋଇଥିବାବେଳେ ପରେ ଏହାର ତଦନ୍ତ ଭାର ଏନଆଇଏକୁ ଦିଆଯାଇଥିଲା । ଷ୍ଟାନଙ୍କ ମୃତ୍ୟୁକୁ ନେଇ ଚିନ୍ତା ପ୍ରକଟ କରିଛନ୍ତି ହ୍ୟୁମାନ ରାଇଟସ ଡିଫେଣ୍ଡର୍ସ ଲାଗି ନିୟୋଜିତ ଜାତିସଂଘର ସ୍ବତନ୍ତ୍ର ରାପୋର୍ଟିୟର ମ୍ୟାରି ଲୟଲର । କହିଛନ୍ତି ଷ୍ଟାନଙ୍କ ମୃତ୍ୟୁ ଏକ ହୃଦୟ ବିଦାରକ ଘଟଣା । ସେହିପରି ମାନବାଧିକାର ସକାଶେ ୟୁରୋପିଆନର ସ୍ବତନ୍ତ୍ର ପ୍ରତିନିଧି ଏମନ ଗିଲମୋର ବି ଦୁଃଖ ପ୍ରକାଶ କରିଛନ୍ତି ।

ଆଇନ ରଦ୍ଦ ପରେ ବି ବିଭିନ୍ନ ଥାନାରେ ମାମଲା, ଅସନ୍ତୋଷ ବ୍ୟକ୍ତ କଲେ SC

ନୂଆଦିଲ୍ଲୀ: ଧାରା ସମ୍ପର୍କରେ ଅବଗତ ନାହାନ୍ତି କେନ୍ଦ୍ର ସରକାର । ଧାରା ଉଠିଯାଇଛି, ହେଲେ ଏବେ ବି ସେହି ଧାରାରେ ରୁଜୁ ହେଉଛି ହଜାର ହଜାର ମାମଲା । ଯାହାକୁ ନେଇ ଅସନ୍ତୋଷ ବ୍ୟକ୍ତ କରିବା ସହ ଗଭୀର ଚିନ୍ତାପ୍ରକଟ କରିଛନ୍ତି ଉଚ୍ଚତମ ନ୍ୟାୟାଳୟ। ୨୦୧୫ରୁ ଆଇଟି ଆକ୍ଟ ୬୬Aକୁ ରଦ୍ଦ କରିଥିଲେ ସର୍ବୋଚ୍ଚ ନ୍ୟାୟାଳୟ । ହେଲେ ଏହାପରେ ବି ୬୬Aଆକ୍ଟ ଆଧାରରେ ସାରାଦେଶରେ ବିଭିନ୍ନ ଥାନାରେ ମାମଲା ରୁଜୁ ହୋଇଛି । ମୁଖ୍ୟତଃ ସୋସିଆଲ ମିଡିଆରେ ଆପତ୍ତିଜନକ ପୋଷ୍ଟ ନେଇ ୟୁଜର୍ସଙ୍କ ବିରୋଧରେ ଏହି ଆକ୍ଟ ଆଧାରରେ ମାମଲା ରୁଜୁ ହେଉଛି । ଏହାକୁ ନେଇ ସୁପ୍ରିମକୋର୍ଟର ତିନି ଜଣିଆ ଖଣ୍ଡପୀଠ ଅସନ୍ତୋଷ ବ୍ୟକ୍ତ କରିଛନ୍ତି । ଜଷ୍ଟିସ ଆର ଏଫ୍ ନରିମନ, କେଏମ୍ ଜୋସେଫ୍ ଏବଂ ବିଆର ଗଭାଇଙ୍କୁ ନେଇ ଗଠିତ ଖଣ୍ଡପୀଠ ଏ ନେଇ କେନ୍ଦ୍ର ସରକାରଙ୍କୁ ନୋଟିସ୍ ଜାରି ତୁରନ୍ତ ଜବାବ ରଖିବାକୁ କହିଛନ୍ତି ।

ମାନବାଧିକାର ଉପରେ କାର୍ଯ୍ୟ କରୁଥିବା ସ୍ବେଚ୍ଛାସେବୀ ସଂସ୍ଥା PUCL ବା ପିପୁଲ ୟୁନିଅନ ଫର ସିଭିଲ ଲିବର୍ଟିଜ ଏ ନେଇ ଦାଏର କରିଥିବା ପିଟିସନର ବିଚାର ବେଳେ କୋର୍ଟ କେନ୍ଦ୍ରକୁ ନୋଟିସ୍ କରିଛନ୍ତି । ୧୧ଟି ରାଜ୍ୟରେ ଏବେ ବି ୬୬A ଧାରା ଆଧାରରେ ୭୪୫ଟି ମାମଲାର ଶୁଣାଣି କୋର୍ଟରେ ଚାଲିଛି ବୋଲି PUCL ପିଟିସନରେ ଦର୍ଶାଯାଇଛି । ୨୦୧୫ରେ ଧାରା ରଦ୍ଦ ହେବା ପରେ ଏହି ଆକ୍ଟରେ ୧୩ଶହ ୫ଟି କେସ୍ ଦାଏର ହୋଇଛି ।ମହାରାଷ୍ଟ୍ରରେ ସବୁଠୁ ଅଧିକ ୩୮୧ଟି ମାମଲା ରୁଜୁ କରାଯାଇଛି । ସେହିପରି ଝାରଖଣ୍ଡରେ ୨୯୫ଟି କେସ୍ ଓ ୟୁପିରେ ୨୪୫ଟି କେସ୍ ରୁଜୁ ହୋଇଛି ।

ତେବେ କୋର୍ଟରେ ଏହି ପିଟିସନର ଶୁଣାଣି ବେଳେ ଆଟର୍ଣ୍ଣି ଜେନେରାଲ କେ କେ ଭେଣୁଗୋପାଳ କହିଛନ୍ତି, ଆଇନ ବହିରେ ଏ ବାବଦରେ ଉଲ୍ଲେଖ କରାଯାଇନାହିଁ । ୨୦୧୫ରେ ସୁପ୍ରିମକୋର୍ଟ ଏହି ଆଇନକୁ ଅସମ୍ବିଧାନିକ ଦର୍ଶାଇ ରଦ୍ଦ କରିଥିଲେ । ଏ ନେଇ ଆଇନର ମୂଳଧାରରେ ସ୍ପଷ୍ଟ ଭାବେ ଉଲ୍ଲେଖ କରାଯାଇନାହିଁ । ତେଣୁ ପୋଲିସ ଧାରା ୬୬Aକୁ ବ୍ୟବହାର କରୁଛି ବୋଲି ଆଟର୍ଣ୍ଣି ଜେନେରାଲ କହିଛନ୍ତି । ଆଟର୍ଣ୍ଣି ଜେନେରାଲଙ୍କ ଉତ୍ତରେ ଅସନ୍ତୋଷ ବ୍ୟକ୍ତ କରିବା ସହ କେନ୍ଦ୍ର ସରକାରଙ୍କୁ ନୋଟିସ ପଠାଇଛନ୍ତି ଖଣ୍ଡପୀଠ ।

2021-2022 ଶିକ୍ଷା ବର୍ଷ ପାଇଁ କୋହଳ ସିଲାବସ; ଦୁଇଟି ଟର୍ମରେ ପରୀକ୍ଷା

ଭୁବନେଶ୍ୱର: 2021-2022 ଶିକ୍ଷା ବର୍ଷ ଲାଗି କୋହଳ ହୋଇଛି ସିବିଏସଇ । ଦଶମ ଓ ଦ୍ବାଦଶ ଶ୍ରେଣୀ ଲାଗି ଚାଲିବ ସଂକ୍ଷିପ୍ତ ସିଲାବସ । 2021 ବ୍ୟାଚ ଲାଗି ଦୁଇଟି ଟର୍ମ ହେବ । ପ୍ରତି ଟର୍ମରେ ୫୦ ପ୍ରତିଶତ ସିଲାବସ ରହିବ । ସିବିଏସଇ ପକ୍ଷରୁ କୁହାଯାଇଛି ସବଜେକ୍ଟ ଏକ୍ସପର୍ଟଙ୍କ ଦ୍ବାରା କନସେପ୍ଟ ଓ ବିଷୟ ନିର୍ଦ୍ଧାରିତ ହେବ । ପ୍ରତି ଟର୍ମ ଶେଷରେ ପରୀକ୍ଷା କରାଯିବ । ନିର୍ଦ୍ଧିାରିତ ତଥା ଦୁଇ ଭାଗରେ ବିଭକ୍ତ ସିଲାବସ ଆଧାରରେ ପରୀକ୍ଷା ହେବ ।

୧୦ମ ଓ ଦ୍ବାଦଶ ଶ୍ରେଣୀରେ ସମ୍ଭାବ୍ୟ ବୋର୍ଡ ପରୀକ୍ଷା ଲାଗି ପ୍ରସ୍ତୁତି ସୂଚକ ଏହି ପଦକ୍ଷେପ ନିଆଯାଇଛି । ନଭେମ୍ବର ଓ ଡିସେମ୍ବରରେ ହେବ ପ୍ରଥମ ଟର୍ମ ପରୀକ୍ଷା । ଚଳିତ କୋଭିଡ ସମସ୍ୟାକୁ ଦୃଷ୍ଟିରେ ରଖି ଏହି ବ୍ୟବସ୍ଥା କରାଯାଇଛି । ଛାତ୍ରକୈନ୍ଦ୍ରିକ, କନସେପ୍ଟଭିତ୍ତିକ, ସ୍ବଚ୍ଛ ପ୍ରକ୍ରିୟା, ପ୍ରଯୁକ୍ତିଭିତ୍ତିକ ବ୍ୟବସ୍ଥା କରିବା ଲାଗି ବ୍ୟବସ୍ଥା ହୋଇଛି । ଭବିଷ୍ୟତରେ କୋଭିଡ ପରି ସମସ୍ୟାର ବିକଳ୍ପ ଲାଗି ବି ଏବଠାରୁ ଭିଜନ ରଖାଯାଇଛି ।

ଇଣ୍ଟରନାଲ ଆସେସମେଣ୍ଟ ସମ୍ପର୍କରେ ବୋର୍ଡ କହିଛି- ୯ମ ଓ ୧୦ମ ଶ୍ରେଣୀ ଲାଗି ଟର୍ମ ୧ ଓ ଟର୍ମ ୨ ସତ୍ତ୍ବେ ବର୍ଷ ସାରା ୩ଟି ପିରିୟଡିକ ଚେଷ୍ଟ ରହିବ । ଏହା ସହ ଛାତ୍ରଛାତ୍ରୀଙ୍କୁ ସମୃଦ୍ଧ କରିବା ପରି ବ୍ୟବସ୍ଥା, ପ୍ରାକ୍ଟିକାଲ ଓ୍ବାର୍କ, ସ୍ପିକିଂ ଓ ଲିସନିଂ ଆକ୍ଟିଭିଟି, ପ୍ରୋଜେକ୍ଟ ଆଦି ଚାଲୁ ରହିବ । ସେହିପରି ଏକାଦଶ ଓ ଦ୍ବାଦଶ ଶ୍ରେଣୀର ଇଣ୍ଟରନାଲ ଆସେସମେଣ୍ଟ କ୍ଷେତ୍ରରେ ୟୁନିଟ ଟେଷ୍ଟ, ଏକ୍ସପ୍ଲୋରେଟୋରୀ ଆକ୍ଟିଭିଟି, ପ୍ରାକ୍ଟିକାଲ, ପ୍ରୋଜେକ୍ଟ ଆଦି ରହିବ ।

ନଭେମ୍ବର ଓ ଡିସେମ୍ବର ୨୦୨୧ ମଧ୍ୟରେ ଟର୍ମ ୧ ପରୀକ୍ଷା ହେବ । ମାର୍ଚ୍ଚ ଓ ଏପ୍ରିଲ ୨୦୨୨ ମଧ୍ୟରେ ଟର୍ମ ୨ ପରୀକ୍ଷା ହେବ । ତେବେ ପରିସ୍ଥିତିକୁ ବିଚାରକୁ ନେଇ ବିଭିନ୍ନ ଆକଳନ ଓ ପରୀକ୍ଷା କରାଯିବ । ଶିକ୍ଷା ବର୍ଷରେ ସମସ୍ତ ଆକଳନ ଲାଗି ଗୋଟିଏ ଗୋଟିଏ ଷ୍ଟୁଡେଣ୍ଟ ପ୍ରୋଫାଇଲ ତିଆରି କରିବା ଲାଗି ସ୍କୁଲକୁ ଦାୟିତ୍ବ ଦିଆଯିବ

ଭାରିଆଣ୍ଟ ବିରୋଧରେ ଶରୀରରେ ତିଆରି ହୋଇପାରୁନି ଆଣ୍ଟିବଡି

ଭୁବନେଶ୍ୱର: କୋଭିସିଲଡର ଦୁଇଟି ଯାକ ଡୋଜ ନେଇଥିଲେ ବି ଡେଲଟା ଭାରିଆଣ୍ଟ ବିରୋଧରେ ଶରୀରରେ ତିଆରି ହୋଇପାରୁନି ଆଣ୍ଟିବଡି । କୋଭିସିଲଡ ନେଇଥିବା କିଛି ଲୋକଙ୍କ ନମୁନା ମଧ୍ୟରୁ ପ୍ରାୟ ୧୬ ପ୍ରତିଶତ ଲୋକଙ୍କ ଦେହରେ ଏହି ଆଣ୍ଟିବଡି ଦେଖିବାକୁ ମିଳିନାହିଁ । ନୂଆ ଗବେଷଣାର ତଥ୍ୟ ଅନୁସାରେ, B1.617.2 ଡେଲଟା ଭାରିଆଣ୍ଟର ମୁକାବିଲା କରିବା ଲାଗି ଯେଉଁମାନେ କୋଭିସିଲଡ ନେଇଥିଲେ, ସେମାନଙ୍କ ମଧ୍ୟରୁ 16.1 ପ୍ରତିଶତ ଲୋକଙ୍କ ଦେହରେ ଆଣ୍ଟିବଡି ତିଆରି ହୋଇନାହିଁ । ଏହାସହ 58.1 ପ୍ରତିଶତ ସେରମ ନମୁନାରେ ବି ଏହି ଆଣ୍ଟିବଡିର ସନ୍ଧାନ ମିଳିନାହିଁ ।

ଆଣ୍ଟିବଡି ନେଇ ଆଇସିଏମଆର ଯାହା କହିଥିଲେ ତାହାକୁ ଏହି ତଥ୍ୟ ଆଶଙ୍କା ସୃଷ୍ଟି ହୋଇଛି । ଭେଲୋରସ୍ଥିତ ଖ୍ରୀଷ୍ଟିଆନ ମେଡିକାଲ କଲେଜର ମାଇକ୍ରୋ ବାୟୋଲୋଜି ବିଭାଗର ପୂର୍ବତନ ମୁଖ୍ୟ ଡାକ୍ତର ଜ୍ୟାକବ ଜନ କହିଛନ୍ତି, 16.1 ପ୍ରତିଶତ ନମୁନାରୁ ଆଣ୍ଟିବଡି ନମିଳିବା ଅର୍ଥ ଏହା ନୁହେଁ ଯେ, ତାହା ନମୁନାରେ ନାହିଁ । ଅତି କମ୍ ପରିମାଣର ଆଣ୍ଟିବଡି ତିଆରି ହୋଇଥିବାରୁ ତାହା ଚିହ୍ନଟ ହୋଇପାରୁନାହିଁ । ମାତ୍ର ଆଣ୍ଟିବଡି ଲୋକଙ୍କ ଦେହରେ ଥାଇପାରେ ଏବଂ ସେମାନଙ୍କୁ ସୁରକ୍ଷା ଦେଇପାରେ ।

ସେପଟେ କୋଷ ଗୁଡିକୁ ସୁରକ୍ଷା ଦେବା ମଧ୍ୟ ଏକ୍ଷେତ୍ରରେ ସମ୍ଭବ ହୋଇପାରେ । ସେ କହିଛନ୍ତି ଗବେଷଣା ଲାଗି ସ୍ବାସ୍ଥ୍ୟବାନ ଲୋକଙ୍କଠାରୁ ସେରମ ନିଆଯାଇଥାଏ । ବୟସ୍କ, ଦୁଇ ବା ଅଧିକ ରୋଗରେ ପୀଡିତ ଥିବା ବ୍ୟକ୍ତି, କ୍ରୋନିକ ଡିଜିଜରେ ପୀଡିତ ଲୋକଙ୍କ କ୍ଷେତ୍ରରେ ପରିଲକ୍ଷିତ ହୋଇପାରୁ ନଥିବା ଆଣ୍ଟିବଡି ପରିମାଣ କମ୍ ଥାଏ । କାରଣ ସେମାନଙ୍କ ପ୍ରତିରୋଧକ ଶକ୍ତି କମ୍ ଥାଏ । ସେ ଆହୁରି କହିଛନ୍ତି ଯେ, ମଧୁମେହ, ଉଚ୍ଚ ରକ୍ତଚାପ, ହୃଦରୋଗ, ଫୁସଫୁସ, କିଡନୀ, କର୍କଟ ରୋଗରେ ପୀଡିତ ରୋଗୀଙ୍କୁ ତୃତୀୟ ଡୋଜ ଦେବାର ଆବଶ୍ୟକତା ରହିଛି ।

ଶ୍ରୀମନ୍ଦିର ପରି ଝଟକିବ କୋଣାର୍କ ସୂର୍ଯ୍ୟ ମନ୍ଦିର, ତ୍ୱରାନିତ ହେବ ସୌନ୍ଦର୍ଯ୍ୟକରଣ କାର୍ଯ୍ୟ

ପୁରୀ: ଶ୍ରୀମନ୍ଦିର ପରି ଝଟକିବ କୋଣାର୍କ ସୂର୍ଯ୍ୟ ମନ୍ଦିର । ଶ୍ରୀମନ୍ଦିର ଚତୁଃର୍ପାଶ୍ୱ 75ମିଟର ସୌନ୍ଦର୍ଯ୍ୟ କରଣ ଭଳି କୋଣାର୍କରେ ମଧ୍ୟ ସୌନ୍ଦର୍ଯ୍ୟକରଣ ଓ ଉନ୍ନତିମୂଳକ କାର୍ଯ୍ୟ କରାଯିବ | ପ୍ରାଥମିକ ସ୍ତରରେ ଷ୍ଟ୍ରିଟ ଭେଣ୍ଡରମାନଙ୍କୁ ଥଇଥାନ କରାଯିବା ନେଇ ଅସ୍ଥାୟୀ ସ୍ଥାନ ନିରୂପଣ କରାଯାଇଛି | ସେହି ଭଳି କୋଣାର୍କ ମନ୍ଦିର ଚତୁର୍ପାଶ୍ୱ ରେ ପ୍ରଭାବିତ ହେଉଥିବା ଲଜିଙ୍ଗ, ଘର ଓ ହୋଟେଲ ମାନଙ୍କୁ R&R ପ୍ୟାକେଜ ଅନୁସାରେ ଥଇଥାନ କରାଯିବ |

ରାଜ୍ୟ ସରକାର ପୁରୀର ସୌନ୍ଦର୍ଯ୍ୟକରଣ ପାଇଁ ଯେଉଁଭଳି ପ୍ରଜୋକ୍ଟ ପ୍ରସ୍ତୁତ କରିବା ସହ ସ୍ୱତନ୍ତ୍ର ପ୍ୟାକେଜ ବ୍ୟବସ୍ଥା କରିଛନ୍ତି  । ସେହିଭଳି ଭାବେ ଅର୍କକ୍ଷେ୍ର କୋଣାର୍କର ପାରିପାର୍ଶ୍ୱିକ ଉନ୍ନତି ପାଇଁ ମଧ୍ୟ ବ୍ୟବସ୍ଥା କରିବେ ବୋଲି ଉଲ୍ଲେଖ କରିଛନ୍ତି ଜିଲ୍ଲାପାଳ  । ଶ୍ରୀକ୍ଷେତ୍ରରେ ଯେପରି 75ମିଟର ସୌନ୍ଦର୍ଯ୍ୟକରଣ କାର୍ଯ୍ୟ ଜାରି ରହିଛି, ସେହିପରି କୋଣାର୍କର ମଧ୍ୟ ଉନ୍ନତି କାର୍ଯ୍ୟ କରାଯିବ ବୋଲି ସ୍ପଷ୍ଟ କରିଛନ୍ତି ଜିଲ୍ଲାପାଳ  ।

ମଙ୍ଗଳବାରଠୁ କଲେଜ ଓ ବିଶ୍ୱବିଦ୍ୟାଳୟ ଆସିବେ ଶତ ପ୍ରତିଶତ କର୍ମଚାରୀ

ଭୁବନେଶ୍ୱର: ଏଣିକି କଲେଜ ଓ ବିଶ୍ୱବିଦ୍ୟାଳୟ ଆସିବେ ସବୁ କର୍ମଚାରୀ । ଏନେଇ ଉଚ୍ଚଶିକ୍ଷା ବିଭାଗ ନିର୍ଦ୍ଦେଶନାମା ଜାରି କରିଛି । ଆସନ୍ତାକାଲିଠୁ ସମସ୍ତ ଟିଚିଂ ଓ ନନଟିଚିଂ ଷ୍ଟାଫ୍ ଡିଗ୍ରୀ ଓ ବିଶ୍ବବିଦ୍ୟାଳୟକୁ ଆସି କାମରେ ଯୋଗଦେବା ପାଇଁ ନିର୍ଦ୍ଦେଶ ଦିଆଯାଇଛି। କରୋନା ପାଇଁ ଶିକ୍ଷାନୁଷ୍ଠାନ ବନ୍ଦ ଥିବା ବେଳେ ୫୦ ପ୍ରତିଶତ କର୍ମଚାରୀଙ୍କୁ ନେଇ କେବଳ ଅଫିସିଆଲ୍‌ କାମ କରାଯାଉଥିଲା । ହେଲେ ଆସନ୍ତାକାଲିଠାରୁ ଏହି ନିୟମରେ ହୋଇଛି ପରିବର୍ତ୍ତନ  ।

ଆସନ୍ତାକାଲି ଅର୍ଥା ମଙ୍ଗଳବାର ଠାରୁ ସବୁ କର୍ମଚାରୀ କାର୍ଯ୍ୟରେ ଯୋଗଦେବା ପାଇଁ ବିଶ୍ୱବିଦ୍ୟାଳୟ କୁଳପତି ଓ ଡିଗ୍ରୀ କଲେଜ ଅଧ୍ୟକ୍ଷଙ୍କୁ ଚିଠି ଲେଖି ଉଚ୍ଚଶିକ୍ଷା ସଚିବ ଶାଶ୍ୱତ ମିଶ୍ର ନିର୍ଦ୍ଦେଶ ଦେଇଛନ୍ତି । କରୋନା କଟକଣା ମାନି ମାସ୍କ ପିନ୍ଧିବା ସହ ସାମାଜିକ ଦୂରତା ରଖି କାମ କରିବେ କର୍ମଚାରୀ । ରାଜ୍ୟରେ ଯେତେବେଳେ ଦ୍ୱିତୀୟ ଲହରୀ ବ୍ୟାପକ ହୋଇଥିଲା ସେହି ସମୟରେ ସରକାର ଏପରି ନିଷ୍ପତି ପୁନର୍ବାର ନେଇଥିଲେ  । ୫୦ ପ୍ରତିଶତ କର୍ମଚାରୀରେ ଶିକ୍ଷାନୁଷ୍ଠାନ ଚାଲିବା ନେଇ ନିଷ୍ପତ୍ତି ନେଇଥିଲେ ଉଚ୍ଚଶିକ୍ଷା ବିଭାଗ  ।

ସ୍ତ୍ରୀକୁ ହତ୍ୟାକଲା ସ୍ୱାମୀକୁ ଜଣାଇଲା, କିଏ ଏହି ପରପୁରୁଷ ?

ନନ୍ଦିଘୋଷ ବ୍ୟୁରୋ: ହତ୍ୟା ହୋଇଛି କିନ୍ତୁ ହତ୍ୟାକାର କିଏ ?  ସ୍ୱାମୀର ଅନୁପସ୍ଥିତିରେ ସ୍ତ୍ରୀ ପାଖରେ କିଏ ଥିଲା ଏହି ପରପୁରୁଷ ? ମହିଳାଙ୍କର ମୃତ୍ୟୁ ଘଟିଥିବା ବେଳେ ଏହି ଯୁବକ ଜଣଙ୍କ କେମିତି ହେଲା ଆହତ ? ମହିଳାଙ୍କ ସହ କଣ ଥିଲା ଆହାତ ଯୁବକଙ୍କର ସମ୍ପର୍କ  । ଏମିତି ହଜାରେ ପ୍ରଶ୍ନ ଏବେ ଉଙ୍କି ମାରୁଛି  । ପ୍ରଶ୍ନର ବୁଢିଆଣୀ ଜାଲ ଭିତରେ ଛନ୍ଦି ହୋଇପଡିଛି ଆଜିର ଏହି ଚର୍ଚ୍ଚିତ ଘଟଣା ଟି  । ଭୁବନେଶ୍ୱରର ଭୀମଟାଙ୍ଗୀ ଅଞ୍ଚଳରେ ଘଟିଛି ଏହି ହତ୍ୟାକାଣ୍ଡ । ଘର ଭିତରୁ ଉଦ୍ଧାର ହୋଇଛି ମହିଳାଙ୍କ ମୃତଦେହ । ଗୁରୁତର ଅବସ୍ଥାରେ ଆଉ ଜଣେ ପୁରୁଷଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି ।

କିନ୍ତୁ ଘଟଣାର ମୋଡ଼ ଏଇଠି ହିଁ ବଦଳିବାକୁ ବାଧ୍ୟ ହେଉଛି ଅର୍ଥାତ ବଡ଼ ପ୍ରଶ୍ନ ସୃଷ୍ଟି ହେଉଛି  । ବିବାହିତା ମହିଳା ଜଣଙ୍କ ପାଖରେ ଏହି ସନ୍ଦିଗ୍ଧ ଯୁବକ ଜଣଙ୍କ କିଏ  । ପୁଣି ଘରେ ସ୍ୱାମୀ ନଥିଲା ବେଳେ ଏହି ଯୁବକ ଜଣଙ୍କ କାହିଁକି ଯାଇଥିଲେ ମହିଳାଙ୍କ ପାଖକୁ  । ଏବଂ ହତ୍ୟା ପଛରେ ଉକ୍ତ ଯୁବକଙ୍କର ହାତ ନାହିଁ ତ ? କାରଣ ବର୍ତ୍ତମାନ ସୁଦ୍ଧା ହତ୍ୟାକାଣ୍ଡର କାରଣ ଅସ୍ପଷ୍ଟ ରହିଛି । ସେପଟେ ଘଟଣାସ୍ଥଳରେ ଏୟାରଫିଲଡ଼ ଥାନା ଅଧିକାରୀଙ୍କ ସହ ଭୁବନେଶ୍ବର ଡିସିପି ପହଞ୍ଚି ଛାନଭିନ୍ କରୁଛନ୍ତି ।

#ପ୍ରିୟଦର୍ଶିନୀଙ୍କୁ ମାରିଲା କିଏ ?

ମିଳିଥିବା ସୂଚନା ମୁତାବକ ମୃତ ମହିଳା ଜଣଙ୍କ ହେଲେ ପ୍ରିୟଦର୍ଶିନୀ ସାହୁ । ସ୍ୱାମୀଙ୍କ ନାମ ରାକେଶ ସାହୁ  । ବିବାହକୁ ସାତ ବର୍ଷ ବିତିଥିବାବେଳେ ଉଭୟଙ୍କ ମଧ୍ୟରେ ସମ୍ପର୍କକୁ ନେଇ କେବେ ଅପ୍ରୀତିକର ପରିସ୍ଥିତି ମଧ୍ୟ ସୃଷ୍ଟି ହୋଇନାହିଁ  । ସେପଟେ ତାଙ୍କର ଗୋଟିଏ ୩ ବର୍ଷର ଶିଶୁ ପୁତ୍ର ରହିଥିବା ଜଣାପଡିଛି  । ଅନ୍ୟପଟେ ମୃତ ମହିଳାଙ୍କ ସ୍ୱାମୀ ରାକେଶ ମଧ୍ୟ ଏକ ଘରୋଇ କମ୍ପାନୀରେ ଚାକିରୀ କରନ୍ତି  । କିନ୍ତୁ ସ୍ୱାମୀଙ୍କ କହିବା ମୁତାବକ ଉଭୟଙ୍କ ମଧ୍ୟରେ କଳହ କିମ୍ବା କୌଣସି ବିବାଦ ନଥିଲା  । ତେଣୁ ହତ୍ୟା ପଛରେ ପାରିବାରିକ ବିବାଦ ନଥିବା ସେ ସ୍ପଷ୍ଟ କରିଛନ୍ତି  । ତେବେ ଏଠି ପ୍ରଶ୍ନ ଆସିବା ସ୍ୱଭାବିକ, ଯଦି ସ୍ୱାମୀ-ସ୍ତ୍ରୀ ମଧ୍ୟରେ କୌଣସି ବିବାଦ ନଥିଲା  । ଏବଂ ଏହି ହତ୍ୟା କୈଣସି ପାରିବାରିକ କାରଣରୁ ହୋଇନାହିଁ  । ତେବେ ଏହି ହତ୍ୟା ପଛର କାରଣ କଣ ? ପୁଣି ସ୍ୱାମୀ ଜଣଙ୍କ ଘରେ ନଥିବାବେଳେ ଏହି ଆହତ ଅବସ୍ଥାରେ ଉଦ୍ଧାର ହୋଇଥିବା ଯୁବକ ଜଣଙ୍କ କିଏ ?

#କିଏ ଏହି ପର ପୁରୁଷ ?

ହତ୍ୟାଘଟଣା ପ୍ରଚାରିତ ହେବା ଏବଂ ସେହି ଘରୁ ଜଣେ ସନ୍ଦିଗ୍ଧ ଯୁବକକୁ ଆହତ ଆବସ୍ଥାରେ ପୋଲିସ ଉଦ୍ଧାର କରିବା ନିହାତି ସନ୍ଦେହଜନକ  । ତେଣୁ ପ୍ରଶ୍ନ ଉଠିବା ସ୍ୱଭାବିକ ଯେ, କିଏ ଏହି ପରପୁରୁଷ ? ମିଳିଥିବା ଖବର ଅନୁଯାୟୀ ମହିଳା ଜଣଙ୍କ ଘର ଯାଜପୁର  । ବିବାହ କରିଥିବା ସ୍ୱାମୀଙ୍କ ଘର ମଧ୍ୟ ଯାଜପୁର  । ସେପଟେ ଏହି ଘରୁ ପୋଲିସ ମହିଳାଙ୍କ ମୃତ ଦେହ ସହ ଉଦ୍ଧାର କରିଥିବା ଉକ୍ତ ଯୁବକ ଜଣଙ୍କ ଘର ମଧ୍ୟ ଯାଜପୁର  । ଏବଂ ତାଙ୍କ ନାମ ଜଗନ୍ନାଥ  ।  କିନ୍ତୁ ଯୁବକ ଜଣଙ୍କ ନା ସ୍ୱାମୀଙ୍କ ସାଙ୍ଗ ଥିଲେ ନା ପରିବାରର କୌଣସି ସମ୍ପର୍କୀୟ  । ତେବେ ଯଦି ପରିବାର ସହ ଜଗନ୍ନାଥଙ୍କ କୌଣସି ସମ୍ପର୍କ ନଥିଲା, ତେବେ କାହିଁକି ସ୍ୱାମୀର ଅନୁପସ୍ଥିତିରେ ପର ସ୍ତ୍ରୀ ପାଖକୁ ଯାଇଥିଲା ଏହି ଯୁବକ  ?

#ସ୍ତ୍ରୀକୁ ମାରି ସ୍ୱାମୀଙ୍କୁ ଭିଡ଼ିଓ କଲ

ପୋଲିସର ପ୍ରାଥମିକ ସନ୍ଧାନରୁ ଯାହା ଜଣାପଡିଛି ମହିଳା ଜଣକୁ ଏହି ଯୁବକ ହିଁ ହତ୍ୟା କିରିଛି  । ଏବଂ ତଣ୍ଟି କାଟି ହତ୍ୟା କରିବା ପରେ ଯୁବକ ଜଣକ ନିଜେ ବିଷ ପିଇ ଆତ୍ମହତ୍ୟା କରିବାର  ଉଦ୍ୟମ କରିଛି  । ସବୁଠାରୁ ଜଘନ୍ୟ କଥା ହେଉଛି, ଯୁବକ ଜଣଙ୍କ ପ୍ରିୟଦର୍ଶୀନିଙ୍କୁ ହତ୍ୟା କରିବା ପରେ ସ୍ୱାମୀ ରାକେଶକୁ ଭିଡିଓ କଲ କରିଛି  । ଏବଂ ତାଙ୍କ ପତ୍ନୀର ରକ୍ତ ଜୁଡ଼ୁବୁଡ଼ୁ ଫଟୋ ସ୍ୱାମୀଙ୍କ ଫୋନକୁ ଫଟୋ ପଠାଇଥିଲେ  । ଏହା ପରେ ସ୍ୱାମୀ ଘର ମାଲିକଙ୍କୁ ଜଣାଇଥିଲେ, ପରେ ଘର ମାଲିକ ମୃତ ମହିଳାଙ୍କ ସହ ଅନ୍ୟ ଜଣେ ପୁରୁଷଙ୍କୁ ଦେଖି ସ୍ୱାମୀ ରାକେଶକୁ ଘଟଣା ସ୍ଥଲକୁ ଡକାଇଥିଲେ  । ଏହା ପରେ ପୋଲିସ ଘଟଣାସ୍ଥଳରେ ପହଁଚି ତଦନ୍ତ ଆରମ୍ଭ କରିଛି  ।

#ହତ୍ୟାର କାରଣ କ’ଣ?

ପତି-ପତ୍ନୀ ଓ ହତ୍ୟାକାରୀଙ୍କ ଘର ଯାଜପୁର ଜିଲ୍ଲାରେ  । ପୋଲିସର କହିବା ମୁତାବକ କୈଣସି କାରଣରୁ  ମୃତ ମହିଳାଙ୍କ ସହ ହତ୍ୟାକାରୀ ଜଗନ୍ନାଥ ପ୍ରଧାନଙ୍କ ତିକ୍ତତା ସୃଷ୍ଟି ହୋଇଥିଲା  । ଯେଉଁଥିରେ ରକ୍ତ ମୁଖା ହୋଇ ଉଠିଥିଲା ଅଭିଯୁକ୍ତ ଜଗନ୍ନାଥ ପ୍ରଧାନ  । ଏବଂ ହତ୍ୟା ପାଇଁ ରଚିଥିଲା ଷଡ଼ଯନ୍ତ୍ର  । ଆଜି ଏହାର ସୁଯୋଗ ପାଇ ଅର୍ଥାତ ସ୍ୱାମୀ ରାକେଶର ଅନୁପସ୍ଥିତିର ସୁଯୋଗ ନେଇ ପତ୍ନୀ ପ୍ରିୟଙ୍କା ପ୍ରିୟଦର୍ଶିନୀଙ୍କ ହତ୍ୟା କରିଛି  । ସେପଟେ ୩ ବର୍ଷର ପୁଅ ଘର ମାଲିକଙ୍କ ପାଖରେ ଥିବାରୁ ହତ୍ୟାରୁ ବର୍ତ୍ତିଯାଇଥିବା ଜଣାପଡିଛି  । ଅନ୍ୟପକ୍ଷରେ ପୂର୍ବରୁ ହତ୍ୟାକାଣ୍ଡ ଘଟାଇବା ଏବଂ ନିଜେ ଆତ୍ମହତ୍ୟା କରିବା ନେଇ ପ୍ରି ପ୍ଲାନ କରିଥିବା ଅଭିଯୁକ୍ତ ଜଗନ୍ନାଥଙ୍କ ସୁଇସାଇଡ ନୋଟ ହିଁ ସ୍ପଷ୍ଟ କରିଛି  ।