spot_img
Home Blog Page 5581

ଅବିଶ୍ୱସନୀୟ ୟଶପାଲ: କ୍ରିକେଟରେ ଏମିିତି ଥିଲା ତାଙ୍କ ରେକର୍ଡ..

ନନ୍ଦିଘୋଷ ବ୍ୟୁରୋ: ୧୯୮୩ କ୍ରିକେଟ୍ ବିଶ୍ୱକପ ବିଜୟ ସହିତ ଭାରତ କ୍ରିକେଟ ଦୁନିଆର ଗୋଟିଏ ଶକ୍ତି ଭାବେ ଉଭା ହୋଇଥିଲା । ଅଣ୍ଡରଡଗ୍ କୁହାଯାଉଥିବା ଭାରତୀୟ ଟିମ୍ କ୍ରିକେଟ ବିଶାରଦଙ୍କୁ ଚମକାଇ ଦେଇଥିଲା ନିଜ ପ୍ରଦର୍ଶନ ଦ୍ୱାର । ଭାରତୀୟ ଟିମ୍ କୁ କେହିମଧ୍ୟ ଟାଇଟଲର ଦାବିଦାର ବୋଲି ବିଚାର କରୁନଥିଲେ । କିନ୍ତୁ ପ୍ରଥମ ମ୍ୟାଚରେ ହିଁ ଭାରତୀୟ ଟିମ୍ ବଡଧରଣର ହଟଚମଟ ସୃଷ୍ଟି କରିବାରେ ସଫଳ ହୋଇଥିଲା । କ୍ରିକେଟ ଜଗତର ଦ ଅନବ୍ରେକବୁଲ ଭାବେ ପରିଚିତ ୱେଷ୍ଟ ଇଣ୍ଡିଜ୍ ଟିମକୁ ପରାସ୍ତ କରି ବିଶ୍ୱକପରେ ନିଜ ଉପସ୍ଥିତିକୁ ଜାହିର କରିଥିଲା ଭାରତ । ଏସବୁ ହୋଇଥିଲା କେବଳ ୟଶପାଲଙ୍କ ପାଇଁ । ଯିଏ ମଙ୍ଗଳବାର ଦିନ ମାତ୍ର ୬୬ ବର୍ଷରେ ଦୁନିଆକୁ ଅଲବିଦା କହିଛନ୍ତି  ।

୧୯୮୩ ଓ୍ୱର୍ଲଡ କପ୍ ଅଭିଯାନରେ ଭାରତକୁ ପ୍ରଥମ ମ୍ୟାଚରେ ଲଗାତାର ଦୁଇ ଥରର ବିଶ୍ୱ ଚାମ୍ପିଅନ ଓ୍ୱେଷ୍ଟଇଣ୍ଡିଜ୍ର ସାମ୍ନା କରିବାକୁ ପଡ଼ିଥିଲା । ଦୁଇଟି ବିଶ୍ୱ କପରେ ଖରାପ ପ୍ରଦର୍ଶନ ହେତୁ ଭାରତୀୟ ଟିମକୁ ଓ୍ୱେଷ୍ଟଇଣ୍ଡିଜ୍ ଗୁରୁତ୍ୱ ଦେଉନଥିଲା । ଯେମିତି ଦିନେ ଭାରତୀୟ ଟିମ୍ ସାମ୍ନାରେ ୧୯୯୬ ବିଶ୍ୱକପ ପୂର୍ବରୁ ଶ୍ରୀଲଙ୍କା ଟିମ୍ ଥିଲା । ସେମିତି ୱେଷ୍ଟଇଣ୍ଡିଜ୍ ଟିମ୍ ଖେଳ ଆରମ୍ଭ ପୂର୍ବରୁ ହିଁ ମ୍ୟାଚ୍ ସେମାନଙ୍କ ପକେଟରେ ବୋଲି ଭାବିନେଇଥିଲା । ଅବଶ୍ୟ ଏଥିପାଇଁ ଭାରତର ଖରାପ ରେକର୍ଡ ମଧ୍ୟ ଦାୟି ଥିଲା । କିନ୍ତୁ ସେଇ ଗୋଟିଏ ମ୍ୟାଚ୍ ସବୁକିଛି ବଦଳାଇବାକୁ ଯାଉଥିଲା । ସେଇ ଗୋଟିଏ ମ୍ୟାଚ୍ ରୁ ଜନ୍ମ ନେଇଥିଲା ଆଉ ଗୋଟିଏ କ୍ରିକେଟ୍ ସୁପର ପାୱାର ।

ଭାରତକୁ ଦୁର୍ବଳ ଭାବୁଥିବା କାରିବିୟାନ ଟିମ୍ ପ୍ରଥମେ ବୋଲିଂ ନିଷ୍ପତ୍ତି ନେଇଥିଲା । ଆଉ ୱେଷ୍ଟ ଇଣ୍ଡିଜର ନିଷ୍ପତ୍ତି ପ୍ରାୟ ଠିକ୍ ପ୍ରମାଣିତ ହେବାକୁ ଲାଗିଲା । ୭୬ ରନରେ ତିନୋଟି ୱିକେଟ୍ ହରାଇ ଭାରତୀୟ ଟିମ୍ ବିପର୍ଯ୍ୟୟ ଆଡକୁ ମୁହାଁଉଥିବା ବେଳେ ପଡିଆକୁ ଆସିଥିଲେ ୟଶପାଲ । ତା’ପରର କଥା ଥିଲା କ୍ରିକେଟ୍ ଇତିହାସର କାହାଣୀ । ଜଣେ ବ୍ୟାଟସମ୍ୟାନଙ୍କ ୱେଷ୍ଟ ଇଣ୍ଡିଜର ଶକ୍ତିଶାଳୀ ପେସ ବୋଲିଂ ଆଗରେ ହିମାଳୟ ଭଳି ଛିଡା ହେବାର କାହାଣୀ । ଏମିତି ବି କୁହାଯାଇପାରେ ରାହୁଲ ‘ୱାଲ’ ଦ୍ରାଭିଡଙ୍କ ଆଗମନ ପୂର୍ବରୁ ୟଶପାଲ ୱାଲ୍ ବା କାନ୍ଥ ଭଳି ୱେଷ୍ଟଇଣ୍ଡିଜର ଦ୍ରୁତ ବୋଲରଙ୍କୁ ନିଡର ଭାବେ ସାମ୍ନା କରିଥିଲେ । ୧୪୧ ରନ୍ ପର୍ଯ୍ୟନ୍ତ ଅଧା ଟିମ୍ ପାଭିଲିୟନ ଫେରି ସାରିଥିଲେ, କିନ୍ତୁ ଧୈର୍ଯ୍ୟହରା ହୋଇନଥିଲେ ୟଶପାଲ ।

ମାଂଚେଷ୍ଟରର ଓଲ୍ଡ ଟ୍ରାଫଡ ଗ୍ରାଉଣ୍ଡରେ ୟଶପାଲ ଶର୍ମା ୧୨୦ ବଲ୍ ର ସାମ୍ନା କରି ଭାରତୀୟ ଇନିଂସକୁ ସମ୍ଭାଳିଥିଲେ । ସେ କେବଳ ଷ୍ଟ୍ରୋକ୍ ର ସାହାରା ନେଇନଥିଲେ ବରଂ ଓ୍ୱିକେଟ୍ ମଧ୍ୟରେ ଦୌଡି ରନ୍ କରିବାକୁ ଖୁବ୍ ଚେଷ୍ଟା କରିଥିଲେ । ସେ ଏକା ୮୯ ରନ୍ କରିଥିଲେ । ଯାହାପରେ ଭାରତର ସ୍କୋର ୬୦ ଓଭରରେ ୨୬୨ ରନ୍ କରି ୮ ଓ୍ୱିକେଟ୍ ହରାଇଥିଲେ । ୟଶପାଲଙ୍କ ସେହି ସାନଦାର ପର୍ଫମାନ୍ସରେ ଭାରତ ଗ୍ରୁପ୍ ବି’ର ପ୍ରଥମ ମ୍ୟାଚରେ ଓ୍ୱେଷ୍ଟଇଣ୍ଡିଜକୁ ୩୪ ରନରେ ମାତ୍ ଦେଇଥିଲା ।

ୟଶପାଲ ଶର୍ମା ସେହି ଓ୍ୱର୍ଲଡ କପରେ ଅଷ୍ଟ୍ରେଲିୟା ବିପକ୍ଷରେ ଖେଳି ୪୦ ବଲରେ ୪୦ ରନ୍ କରିଥିଲେ । ସେହି ମ୍ୟାଚରେ ଏହା କେବଳ ଭାରତର ସର୍ବାଧିକ ସ୍କୋର ନଥିଲା ବରଂ ଅଷ୍ଟ୍ରେଲିୟାର କୌଣସି ଖେଳାଳି ମଧ୍ୟ ଏତେ ରନ୍ କରିନଥିଲେ । କେବଳ ସେତିକି ନୁହେଁ ବରଂ ୟଶପାଲ ୟାଦବ ସେମିଫାଇନାଲରେ ଇଂଲଣ୍ଡ ବିପକ୍ଷରେ ହୋଇଥିବା ମ୍ୟାଚରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ । ସେ ସର୍ବାଧିକ ୬୧ ରନ୍ କରିଥିଲେ । ଭାରତ ସେହିଥର ୬ ଓ୍ୱିକେଟରେ ଜିତି ଫାଇନାଲରେ ପହଂଚିଥିଲା । ଏହାପରେ ଯାହା ହେଲା ତାହା ଇତିହାସ ହୋଇଗଲା । ଭାରତୀୟ ଟିମ୍ ଓ୍ୱେଷ୍ଟଇଣ୍ଡିଜର ଲଗାତାର ତୃତୀୟ ଓ୍ୱର୍ଲଡ କପ୍ ଜିତିବାର ସ୍ୱପ୍ନକୁ ଭାଙ୍ଗି ଦେଇଥିଲା । ୧୯୮୩ ଓ୍ୱର୍ଲଡ କପରେ କପିଲ ଦେବ ଏବଂ ୟଶପାଲ ଯାଦବ ସର୍ବାଧିକ ରନ୍ କରିଥିଲେ ।

କ୍ରିକେଟ ବିଶ୍ୱକପ୍ ବିଜୟୀ ଦଳର ଅନ୍ୟତମ କର୍ଣ୍ଣଧାର ୟଶପାଲଙ୍କୁ ସୁଯୋଗ ଦେଇଥିଲେ ଦିଲ୍ଲୀପ: ଜାଣନ୍ତୁ କିଭଳି

ନୂଆଦିଲ୍ଲୀ: ଦିବଂଗତ ଅଭିନେତା ଦିଲ୍ଲୀପ କୁମାରଙ୍କୁ ଜଣେ ଭଲ କଳାକାର ଭାବେ ତ ପ୍ରାୟ ସମସ୍ତେ ଜାଣନ୍ତି । କିନ୍ତୁ ଏଥିସହିତ ସେ ଜଣେ ପରୋପକାରୀ ମଣିଷ ମଧ୍ୟ ଥିଲେ । ପ୍ରତିଭାବାକୁ ସୁଯୋଗ ଦେବାରେ ସେ କେବେ ହେଲେ ହେଳା କରୁନଥିଲେ । ଯାହାର ଏକ ଉଦାହରଣ ହେଉଛନ୍ତି ଦିବଗଂତ କ୍ରିକେଟର ୟଶପାଲ ଶର୍ମା ।

୧୯୮୩ କ୍ରିକେଟ ବିଶ୍ୱକପ୍ ବିଜୟୀ ଦଳର ସଦସ୍ୟ ଥିଲେ ୟଶପାଲ ଶର୍ମା । ଯାହାଙ୍କ ମଙ୍ଗଳବାର ହୃଦଘାତରେ ପରଲୋକ ଘଟିଛି । ବହୁତ କମ୍ ଲୋକେ ହିଁ ଜାଣିଥିବେ ଯେ ୟଶପାଲ ଶର୍ମାଙ୍କ କ୍ୟାରିୟର ଗଢ଼ିବା ପଛରେ ଦିବଗଂତ ଅଭିନେତା ଦିଲ୍ଲୀପ କୁମାରଙ୍କ ବଡ଼ ସହଯୋଗ ରହିଛି । କିଛି ଦିନ ପୂର୍ବେ ହି ଏହି ମହାନ ଅଭିନେତା ଦୁନିଆକୁ ଅଲବିଦା କହିଥିଲେ ।

ଥରେ, ରଣଜୀ ମ୍ୟାଚ୍ ବେଳେ ଦିଲ୍ଲୀପ କୁମାର ୟଶପାଲ ଶର୍ମାଙ୍କୁ ବ୍ୟାଟିଂ କରୁଥିବା ଦେଖିଥିଲେ । ସେତେବେଳେ ସେ ୟଶପାଲଙ୍କୁ କହିଥିଲେ ଯେ, ତୁମେ ବହୁତ ଭଲ ବ୍ୟାଟିଂ କରୁଛ, ମୁଁ ତୁମ ପାଇଁ ବିସିସିଆଇ ସହ କଥା ହୋଇସାରିଛି । ଦିଲ୍ଲୀପକୁମାରଙ୍କ ସମ୍ପର୍କରେ ଏହି କଥାଟି କିଛି ଦିନ ପୂର୍ବେ ନିଜେ ୟଶପାଲ କହିଥିଲେ । ସେ ଏକି ଟିଭି ଚ୍ୟାନେଲକୁ ଦେଇଥିବା ସାକ୍ଷାତକାରରେ କହିଥିଲେ ଯେ, ମୁଁ ଜୀବିତ ରହିଥିବା ଯାଏଁ, ସେ ସର୍ବଦା ମୋ ପସନ୍ଦର କଳାକାର ହୋଇରହିବେ । ଯାହାକୁ ଆପଣମାନେ ଦିଲ୍ଲୀପ କୁମାର ନାଁରେ ଚିହ୍ନନ୍ତି ମୁଁ ତାଙ୍କୁ ୟୁସୁଫ୍ ଭାଇ ବୋଲି ଡାକେ । ଯଦି କ୍ରିକେଟରେ କ୍ୟାରିୟର ବନାଇବାରେ କାହାର ଅଧିକ ଯୋଗଦାନ ଥାଏ ସେ ଦିଲ୍ଲୀପୁ କୁମାର ବୋଲି ୟଶପାଲ କହିଥିଲେ ।

ୟଶପାଲ ଭାରତ ପାଇଁ ମୋଟ ୩୭ ଟି ଟେଷ୍ଟ ଓ ୪୨ଟି ଏକଦିବସୀୟ ଖେଳିଛନ୍ତି । ଟେଷ୍ଟରେ ୩୩.୪୫ ପ୍ରତିଶତର ଆଭେରେଜ ସହ ୧୬୦୬ ରନ୍ କରିଥିବା ବେଳେ ସେଥିରେ ୨ ଶତକ ରହିଛି । ଏବଂ ୯ ଅର୍ଦ୍ଧଶତକ ମଧ୍ୟ ରହିଛି । ଟେଷ୍ଟ ମ୍ୟାଚ୍‌ରେ ତାଙ୍କର ସର୍ବାଧିକ ସ୍କୋର ହେଉଛି ୧୪୦ ରନ୍  । ସେହିଭଳି ଏକଦିବସୀୟ ମ୍ୟାଚ୍‌ରେ  ୨୮.୪୮ପ୍ରତିଶତ ଆଭରେଜ୍ ସହ ୮୮୩ ରନ୍ କରିଛନ୍ତି । ଯେଉଁଥିରେ ୪ଟି ଅର୍ଦ୍ଧଶତକ ରହିଛି । ଏଥିସହି ୧୯୮୩ ଫାଇନାଲ ମ୍ୟାଚ୍‌ରେ ୮୯ ରନ୍ ଏବଂ ଇଂଲଣ୍ଡ ବିପକ୍ଷ ସେମିଫାଇନାଲ ମ୍ୟାଚ୍‌ର ୬୧ ରନର ଗୁରୁତ୍ୱପୂର୍ଣ୍ଣ ଯୋଗଦାନ ଭାରତକୁ ବିଶ୍ୱ ବିଜୟ କରିବାରେ ବେଶ୍ ସହାୟକ ହୋଇଥିଲା ।

କ୍ରିକେଟରୁ ସନ୍ୟାସ ନେବା ପରେ ୟଶପାଲ କିଛି ସମୟ ପାଇଁ ଅମ୍ପାୟର ଭାବେ କାମ କରିଥିଲେ । ଏହା ପରେ ୨୦୦୩ରୁ ୨୦୦୬ ଯାଏଁ ଜାତୀୟ କ୍ରିକେଟ ଟିମର ଚୟନକର୍ତ୍ତା ରହିଥିଲେ । ଭାରତୀୟ କ୍ରିକେଟ ଦଳର ସେହି କଠିନ ସମୟରେ ୟଶପାଲ ଶର୍ମା କୋଚ ଗ୍ରେଗ ଚାପେଲ ସହିତ ବିବାଦରେ ତତ୍କାଳୀନ କ୍ୟାପଟେନ୍ ସୌରଭ ଗାଙ୍ଗୁଲିଙ୍କ ସମର୍ଥନ କରିଥିଲେ । ୨୦୦୮ ରେ ୟଶପାଲ ପୁଣି ଥରେ ଜାତୀୟ ଦଳର ଚୟନକର୍ତ୍ତା ମନୋନୀତ ହୋଇଥିଲେ ସେ ଉତ୍ତରପ୍ରଦେଶ ରଣଜୀ ଟିମ୍‌ କୋଚ ଭାବେ ଦାୟିତ୍ୱ ତୁଲାଇଥିଲେ । ଏ ଥିଲା ୟଶପାଲଙ୍କ ଅନ୍ ଫିଲ୍ଡ ଓ ଅଫ୍‌ ଫିଲ୍ଡର କାହାଣୀ । ଯଦି ଦିଲ୍ଲୀପ କୁମାର ତାଙ୍କ ପାଇଁ ସୁପାରିସ୍ କରିନଥାନ୍ତେ ତେବେ ସେ ଅଣଦେଖା ହୋଇରହିଥାନ୍ତେ । ଏବଂ ଦେଶ ଏକ ପ୍ରତିଭାବାନ କ୍ରିକେଟକୁ ପାଇପାରିନଥାନ୍ତି । ଏବଂ ୟଶପାଲ ବଣ ମଲ୍ଲି ପରି ବଣରେ ଝଡ଼ିପଡ଼ିଥାନ୍ତେ ।

ଏଥିସହିତ ପଢ଼ନ୍ତୁ: ଦେଶର ମୋଟ କରୋନା ମୃତକଙ୍କ ମଧ୍ୟରୁ ଅର୍ଦ୍ଧାଧିକ ମଧ୍ୟପ୍ରଦେଶରୁ: ସୋମବାର ୧୪୮୧ଜଣଙ୍କ ମୃତ୍ୟୁ

୯ ବର୍ଷର ଝିଅକୁ ସାପ କାମୁଡ଼ିବାରୁ ନାଗ ସାପକୁ ବନ୍ଦୀ କଲେ ପରିବାର

ଉମରକୋଟ: ସର୍ପ ଦଂଶନର ମାସେ ହେଲା ଯନ୍ତ୍ରଣାରେ ଛଟପଟ ହେଉଛି ୯ବର୍ଷର ଝିଅ ମଞ୍ଜୁଳା। ଅର୍ଥାଭାବରୁ ହୋଇପାରୁନି ଉପଯୁକ୍ତ ଚିକିତ୍ସା। ସର୍ପ ଦଂଶନ କରଥିବା ଡାହାଣ ହାତର କହୁଣିରୁ ଆଙ୍ଗୁଠୁ ପାଖ ଯାଏ ଅଧା ପଚି ଘାଆ ହୋଇଗଲାଣି। ସେପଟେ ଝିଅ ମଞ୍ଜୁଳାକୁ ଦଂଶନ କରିଥିବା ନାଗସାପକୁ ପରିବାର ଲୋକ ବନ୍ଦ କରି ରଖିଛନ୍ତି। ପରିବାର ଲୋକଙ୍କ କହିବା କଥା, ଝିଅ ଭଲ ହେଲେ ସାପକୁ ଛାଡିବେ। ଏଭଳି ଘଟିଛି ନବରଙ୍ଗପୁର ଜିଲ୍ଲା ରାଇଘର ବାଲିଧର ଗାଁର। ଯନ୍ତ୍ରଣା ସହିନପାରି ଚିତ୍କାର କରୁଛି କୁନି ଝିଅଟି।

ମାସେ ତଳେ ବାପା ସୁନାଧର ଚାଷ ପାଇଁ ଜମିକୁ ଯାଇଥିଲେ। ମା ଘର କାମରେ ବ୍ୟସ୍ତ ଥିଲେ। ଏହି ସମୟରେ ମଞ୍ଜୁଳା ତା ଛୋଟ ଭାଇ ସହ ବାହାରେ ଖେଳୁଥିଲା। ଖେଳୁ ଖେଳୁ ଘର ଦାଣ୍ଡରେ ଏକ ଗଛରେ ଚଢ଼େଇ ଧରିବାକୁ ଯାଇ ସର୍ପ ଦଂଶନର ଶିକାର ହୋଇଥିଲା। ପ୍ରଥମେ ପରିବାର ଲୋକ ତାକୁ ଉମରକୋଟ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନେଇଥିଲେ। ସେଠାରେ ପ୍ରାଥମିକ ଚିକିତ୍ସା ପରେ ତାଙ୍କୁ ନବରଙ୍ଗପୁର ନିଆଯାଇଥିଲା। ନବରଙ୍ଗପୁରରେ ଗୋଟିଏ ଦିନ ଚିକିତ୍ସା ପରେ ସେଠାରୁ ତାକୁ ତା ପରିବାର ଲୋକ କୋରାପୁଟ ସହିଦ୍ ଲକ୍ଷ୍ମଣ ନାୟକ ମେଡିକାଲ କଲେଜ୍ ନେଇଥିଲେ। ସେଠାରେ ଡାକ୍ତର ତିନିଦିନ ଧରି ଚିକିତ୍ସା କରିବା ପରେ ଝିଅର ସ୍ୱାସ୍ଥ୍ୟାବସ୍ଥାରେ ସୁଧାର ନଆସିବାରୁ ଡାକ୍ତର ଝିଅକୁ ବ୍ରହ୍ମପୁର ନେବାପାଇଁ ପରାମର୍ଶ ଦେଲେ।

ହେଲେ ପରିବାର ଲୋକଙ୍କ ପାଖରେ ଅର୍ଥ ନଥିଲା। ତେଣୁ ଝିଅ ଝିଅକୁ ଘରକୁ ନେଇ ଆସିଥିଲେ ପରିବାର ଲୋକ। ବର୍ତ୍ତମାନ ଝିଅର ଅବସ୍ଥା ଗୁରୁତର ରହିଛି। ଏନେଇ ରାଇଘର ଗୋଷ୍ଠୀ ଉନ୍ନୟନ ଅଧିକାରୀ ଦେବେନ୍ଦ୍ର ପ୍ରସାଦ ବଳଙ୍କ ସହ ଆମେ ଯୋଗାଯୋଗ କରିଥିଲୁ। ସେ ନିଜେ ମଞ୍ଜୁଳାର ଘରକୁ ଯିବା ସହ ଡାକ୍ତରଙ୍କ ସହ ଆଲୋଚନା କରିଥିଲେ। ଜିଲ୍ଲାପାଳଙ୍କ ସହ ଆଲୋଚନା କରି ସରକାରୀ ସ୍ତରରେ ଯାହା ସାହାଯ୍ୟ କରାଯାଇ ପାରିବ, ତାହା ତୁରନ୍ତ ଯୋଗାଇ ଦେବାକୁ ଚେଷ୍ଟା କରିବେ ବୋଲି ବିଡିଓ କହିଛନ୍ତି।

ଆସନ୍ତାକାଲିଠୁ ମିଳିବ ଆଡ଼ପ ଅବଢା, ଗୁଣ୍ଡିଚା ମନ୍ଦିରରେ ସ୍ଵତନ୍ତ୍ର ବ୍ୟବସ୍ଥା

ପୁରୀ: ଶରଧାବାଲିରେ ତିନି ରଥ, ରଥାରୂଢ ହୋଇ ଦର୍ଶନ ଦେଉଛନ୍ତି ମହାବାହୁ। ଆଜି ସନ୍ଧ୍ୟାରେ ଶରଧାବାଲିରୁ ଆଡ଼ପ ମଣ୍ଡପକୁ ବିଜେ କରିବେ ଚତୁର୍ଦ୍ଧାମୂର୍ତ୍ତି। ରତ୍ନବେଦୀରୁ ଜନ୍ମବେଦୀକୁ ଆସିବା ପରେ ଥକିଯାଇଛନ୍ତି ଚତୁର୍ଦ୍ଧାମୂର୍ତ୍ତି। କାଳିଆ ଦେହ ଦରଜକୁ କମାଇବା ପାଇଁ ମଙ୍ଗଳ ଆଳତି ପରେ ସେବାୟତ ମାନେ କରିଥିଲେ ଘଷାମୋଡ଼ା। ସେପଟେ ଆସନ୍ତାକାଲିଠୁ ମିଳିବ ଆଡ଼ବ ଅବଢା। ଗୁଣ୍ଡିଚା ମନ୍ଦିର ଆଡ଼ପ ଅବଢ଼ା ପାଇଁ ସ୍ଵତନ୍ତ୍ର ବ୍ୟବସ୍ଥା ହୋଇଛି। ନୃସିଂହମନ୍ଦିର ଓ ବସଷ୍ଟାଣ୍ଡରେ ହେବ ଅବଢ଼ା ବିକ୍ରି ବ୍ୟବସ୍ଥା।

ସୁଆର ମହାସୁଆର ନିଯୋଗ ସହ ଜିଲ୍ଲାପାଳ ସମର୍ଥ ବର୍ମାଙ୍କ ଆଲୋଚନା ପରେ ଏହି ନିଷ୍ପତ୍ତି ନିଆଯାଇଛି। ଶ୍ରୀମନ୍ଦିର ଉନ୍ନୟନ ପ୍ରଶାସକ ଏହି ସୂଚନା ଦେଇଛନ୍ତି। ସେପଟେ ଶରଧାବାଲିରେ ରହିଛନ୍ତି ତିନି ରଥ। ରଥାରୂଢ ଠାକୁରଙ୍କର ଚାଲିଛି ସ୍ୱତନ୍ତ୍ର ନୀତିକାନ୍ତି। ଅପରାହ୍ନରେ ଆଡ଼ପ ମଣ୍ଡପ ବିଜେ ହେବେ ଚତୁର୍ଦ୍ଧାମୂର୍ତ୍ତି। ଗୋଟି ପହଣ୍ଡିରେ ଆଡପ ମଣ୍ଡପକୁ ବିଜେ କରିବେ ଚତୁର୍ଦ୍ଧା ମୁରତି।

ନୂଆମନ୍ତ୍ରୀଙ୍କୁ ମିଳିଲା କ୍ୟାବିନେଟ୍‌ କମିଟିରେ ଏଣ୍ଟ୍ରି, କ୍ୟାବିନେଟ୍‌ ସମ୍ପ୍ରସାରଣ ପରେ କମିଟିର ପୁନର୍ଗଠିତ

ଭୁବନେଶ୍ୱର: କ୍ୟାବିନେଟ ସମ୍ପ୍ରସାରଣ ପରେ ଏବେ ବିଭିନ୍ନ କମିଟିର ପୂନର୍ଗଠନ କରାଯାଇଛି। ମୋଟ ୮ଟି କ୍ୟାବିନେଟ କମିଟି ରହିଥିବା ବେଳେ ସମସ୍ତ କମିଟିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଗୃହ ମନ୍ତ୍ରୀ ଅମିତ ଶାହ ରହିଛନ୍ତି। ନୂଆ କରି କ୍ୟାବିନେଟରେ ସ୍ଥାନ ପାଇଥିବା ମନ୍ତ୍ରୀମାନଙ୍କୁ କ୍ୟାବିନେଟ କମିଟିରେ ସ୍ଥାନ ଦିଆଯାଇଛି। କ୍ୟାବିନେଟ କମିଟିରେ ଜ୍ୟୋତିରାଦିତ୍ୟ ସିନ୍ଧିଆ, ସ୍ମୃତି ଇରାନୀ, ନାରାୟଣ ରାଣେ, ଅଶ୍ୱିନୀ ବୈଷ୍ଣବ, କୀରଣ ରୀଜଜୁ, ଅନୁରାଗ ଠାକୁର, ସର୍ବାନନ୍ଦ ସୋନଓ୍ୱାଲ, ଭୁପେନ୍ଦ୍ର ୟାଦଭ, ମନସୁଖ ମାଣ୍ଡଭିୟ ପ୍ରମୁଖଙ୍କୁ ସ୍ଥାନ ଦିଆଯାଇଛି। ସଂସଦୀୟ କମିଟିରେ ଅର୍ଜୁନ ମୁଣ୍ଡା, ବୀରେନ୍ଦ୍ର କୁମାର, କୀରଣ ରୀଜଜୁ, ଅନୁରାଗ ଠାକୁରଙ୍କୁ ସ୍ଥାନ ଦିଆାଯାଇଛି। ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଏହି କମିଟିର ଅଧ୍ୟକ୍ଷ ରହିଛନ୍ତି।

ସେହିପରି ପଲିଟିକାଲ ଅଫେୟାର୍ସ କମିଟିରେ ସ୍ମୃତି ଇରାନୀ, ସର୍ବାନନ୍ଦ ସୋନଓ୍ୱାଲ, ଗିରିରାଜ ସିଂ, ମନସୁଖ ମାଣ୍ଡଭୀୟ, ଭୁପେନ୍ଦ୍ର ୟାଦଭଙ୍କୁ ସ୍ଥାନ ଦିଆଯାଇଛି।  ମୋଦି ମନ୍ତ୍ରିମଣ୍ଡଳରେ ପୂର୍ବରୁ ମନ୍ତ୍ରୀ ଥିବା ଗିରିରାଜ ଓ ସ୍ମୃତି ଇରାନୀ  ପ୍ରଥମ ଥର ପାଇଁ ରାଜନୀତିକ କମିଟିରେ ସ୍ଥାନ ପାଇଛନ୍ତି। ପୂର୍ବରୁ ଏହି ସ୍ଥାନରେ ରାମ ବିଳାସ ପାଶୱାନ, ରବି ଶଙ୍କର ପ୍ରସାଦ ଏବଂ ହର୍ଷବର୍ଦ୍ଧନ ଥିଲେ। ଏହା ବ୍ୟତୀତ ପୁଞ୍ଜିନିବେଶ ଏବଂ ଅଭିବୃଦ୍ଧି କମିଟିରେ ଜ୍ୟୋତିରାଦିତ୍ୟ ସିନ୍ଧିଆ, ନାରାୟଣ ରାଣେ ଏବଂ ଅଶ୍ୱିନୀ ବୈଷ୍ଣବଙ୍କୁ ସାମିଲ୍ କରାଯାଇଛି। ଏହି କମିଟି ୧୦୦୦ କୋଟି ବା ତା’ଠାରୁ ଅଧିକ ପୁଞ୍ଜି ବିନିଯୋଗ ମାମଲାରେ ନିଷ୍ପତ୍ତି ନେଇଥାଏ। ରୋଜଗାର ଏବଂ ଦକ୍ଷତା ବିକାଶ କମିଟିରେ ଅଶ୍ୱିନୀ ବୈଷ୍ଣବ, ଭୁପେନ୍ଦ୍ର ଯାଦବ, ଧର୍ମେନ୍ଦ୍ର ପ୍ରଧାନ, ହରଦୀପ ପୁରୀ, ଆରସିପି ସିଂଙ୍କୁ ସାମିଲ୍ କରାଯାଇଛି।

ପୂର୍ବୋତ୍ତର ରାଜ୍ୟର ମୁଖ୍ୟମନ୍ତ୍ରୀଙ୍କ ସହ ପ୍ରଧାନମନ୍ତ୍ରୀଙ୍କ ଆଲୋଚନା: କହିଲେ, ‘ତୃତୀୟ ପ୍ରବାହକୁ ରୋକିବା ଆମ ଦାୟିତ୍ୱ’

ନୂଆଦିଲ୍ଲୀ: ପୂର୍ବୋତ୍ତର ରାଜ୍ୟର ୮ ମୁଖ୍ୟମନ୍ତ୍ରୀଙ୍କ ସହ କରୋନା ମୁକାବିଲା ନେଇ ଆଲୋଚନା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହି ଅବସରରେ ପ୍ରଧାନମନ୍ତ୍ରୀ କହିଛନ୍ତି ଯେ, କରୋନାର ତୃତୀୟ ଲହରକୁ ରୋକିବା ଆମ ଦାୟିତ୍ୱ, ଏବଂ ଆମକୁ କରୋନା ଭାଇରସ୍ ସବୁ ପ୍ରକାର ଭ୍ୟାରିଆଣ୍ଟ ଉପରେ ନଜର ରଖିବାକୁ ହେବ । ଭୂତାଣୁର ମ୍ୟୁଟେସନ୍ ପରେ ଏହା କେତେ ପ୍ରଭାବି ଏ ନେଇ ବିଶେଷଜ୍ଞ ଲଗାତାର ଅଧ୍ୟୟନ ଜାରି ରଖିଛନ୍ତି । ଏଭଳି ସମୟରେ ସତର୍କତା ଆବଶ୍ୟକ ହୋଇପଡ଼ିଛି ।

ସେ ଆହୁରି କହିଛନ୍ତି ପର୍ଯ୍ୟଟନ ଓ ବ୍ୟବସାୟ କ୍ଷେତ୍ର ବିଶେଷ ଭାବେ କ୍ଷତିଗ୍ରସ୍ତ ହୋଇଛି । ଏଥିସହିତ ହିଲ୍‌ ଷ୍ଟେସନ୍‌ ଗୁଡ଼ିକରେ ବହୁ ସଂଖ୍ୟାରେ ଲୋକେ ବିନା ମାସ୍କ ପିନ୍ଧି ବୁଲିବାକୁ ନେଇ ପ୍ରଧାନମନ୍ତ୍ରୀ ଚିନ୍ତା ପ୍ରକାଶ କରିଛନ୍ତି । କେନ୍ଦ୍ର ସରକାରଙ୍କ ପକ୍ଷରୁ ଆରମ୍ଭ କରାଯାଇଥିବା ‘ସମସ୍ତଙ୍କୁ ଟିକା-ମାଗଣା ଟିକା ଅଭିଯାନ’କୁ ନର୍ଥ ଇଷ୍ଟ  ରାଜ୍ୟଗୁଡ଼ିକରେ ଏହି ପ୍ରକ୍ରିୟା ଜୋରଦାର କରିବାକୁ କହିଛନ୍ତି ।

ପୂର୍ବୋତ୍ତର ରାଜ୍ୟଗୁଡ଼ିକର କରୋନା ସ୍ଥିତି ସମୀକ୍ଷା କରି ପ୍ରଧାନମନ୍ତ୍ରୀ କହିଛନ୍ତି ଯେ, ଆମକୁ ଟେଷ୍ଟିଂ ଏବଂ ଟ୍ରିଟମେଣ୍ଟ ସହ ଜଡ଼ିତ ଭିତ୍ତିଭୂମିକୁ ସୁଧାର ଆଣିବାକୁ ପଡ଼ିବ । ଏ ନେଇ ନିକଟରେ କ୍ୟାବିନେଟ୍ ମଧ୍ୟ ୨୩ ହଜାର କୋଟି ଟଙ୍କାର ପ୍ୟାକେଜକୁ ମଧ୍ୟ ମଞ୍ଜୁର କରିଛନ୍ତି । ସମସ୍ତ ରାଜ୍ୟ ଏହି ପ୍ୟାକେଜ ଦ୍ୱାରା ନିଜ ହେଲ୍ଥ ସେକ୍ଟରକୁ ଡେଭଲପ୍ କରିବାକୁ ପଡ଼ିବ । ଏଥିସହିତ ଶିଶୁ ସୁରକ୍ଷା ସହିତ ଜଡ଼ିତ ଭିତ୍ତିଭୂମିକୁ ମଧ୍ୟ ସୁଦୃଢ଼ କରିବାକୁ କହିଛନ୍ତି ।

ଏଥିସହିତ ପଢ଼ନ୍ତୁ: ପଳାତକ ହୀରା ବ୍ୟବସାୟୀ ମେହୁଲ ଚୋକସିଙ୍କ ଜାମିନ ମଞ୍ଜୁର କଲେ ଡୋମିନିକା କୋର୍ଟ

ଜମି ଚଞ୍ଚକତାକୁ ବିରୋଧ କରିବାରୁ ବନ୍ଧୁକ ଦେଖାଇ ଧମକ

ବୁର୍ଲା: ଚଞ୍ଚକତା କରି ଜମି ହଡ଼ପ କଲେ। ଏହାକୁ ବିରୋଧ କରିବାରୁ ବନ୍ଧୁକ ଦେଖାଇ ଧମକ ଦେଉଛନ୍ତି। ଏହାର ଭିଡିଓ ଭାଇରାଲ ହୋଇଛି। ସମ୍ବଲପୁର ଜିଲ୍ଲା ବୁର୍ଲା ଥାନା ଗୋଲଗୁଣ୍ଡାରେ କୁସୁମୀ ମହତମ ନାମକ ମହିଳାଙ୍କ ଜମିକୁ ଅବସରପ୍ରାପ୍ତ ପ୍ରଫେସର କେଶବ ପଣ୍ଡା ନିଜ ନାମରେ କରାଇ ନେଇଥିବା ଅଭିଯୋଗ ହୋଇଛି। ଜମିରେ ପାଚେରି ବୁଲାଇବା ପରେ ଏହାକୁ ବିରୋଧ କରିଥିଲେ କୁସୁମୀ। ଏଥିରେ କେଶବ ପଣ୍ଡା ଏବଂ ତାଙ୍କ ଦୁଇ ପୁଅ ବନ୍ଧୁକ ଧରି ଗଣ୍ଡଗୋଳ କରିଥିଲେ। ଯାହାର ଭିଡିଓ ଭାଇରାଲ ହେବାରେ ଲାଗିଛି। ପୋଲିସ ଏମାନଙ୍କୁ ଗିରଫ କରିଛି। ତେବେ ବନ୍ଧୁକ ଲାଇସେନ୍ସ ଜଣଙ୍କ ନାଁରେ ରହିଥିବା ବେଳେ ଅନ୍ୟ ଜଣଙ୍କ କିପରି ସର୍ବସମ୍ମୁଖରେ ସେହି ବନ୍ଧୁକ ଧରି ଲୋକଙ୍କୁ ଭୟଭୀତ କଲେ ତାକୁ ନେଇ ପ୍ରଶ୍ନ ଉଠିଛି।

ଏଏସଆଇ ବୈଷୟିକ କମିଟି ପକ୍ଷରୁ ଆରମ୍ଭ ହେଲା ଗର୍ଭଗୃହ ଯାଞ୍ଚ

ପୁରୀ: ଆଜିଠାରୁ ଆରମ୍ଭ ହୋଇଛି ଏଏସଆଇ ବୈଷୟିକ କମିଟି ପକ୍ଷରୁ ଗର୍ଭଗୃହ ଯାଞ୍ଚ। ଜଗମୋହନରେ ଭାରାବନ୍ଧା କାର୍ଯ୍ୟ ଆରମ୍ଭ ହୋଇଛି। ଏହା ସରିବା ପରେ ସ୍ୱତନ୍ତ୍ର ଟିମ୍ ଦ୍ୱାରା ଅନୁଧ୍ୟାନ କରାଯାଉଛି। ଏଥିସହ ତ୍ୱରିତ ଭାବେ କରାଯିବ ମରାମତି କାର୍ଯ୍ୟ। ଏଥିରେ ଶ୍ରୀମନ୍ଦିର ବୈଷୟିକ କୋର୍ କମିଟି, ସେବାୟତଙ୍କୁ ନେଇ ହୋଇଥିବା କମିଟି ଏହାର ଅନୁଧ୍ୟାନ କରିବାର ହୋଇଛି ବ୍ୟବସ୍ଥା। ସେପଟେ ଭୋଗମଣ୍ଡପ, ଜଗମୋହନ ଓ ନାଟମଣ୍ଡପର ଲେଜର ସ୍କାନିଂ ପାଇଁ ଶ୍ରୀମନ୍ଦିର ପ୍ରଶାସନ ପକ୍ଷରୁ ଅନୁମତି ମିଳିବା ପରେ ଏଏସଆଇ ପକ୍ଷରୁ ଲେଜର ସ୍କାନିଂ ଆରମ୍ଭ ହୋଇଛି। ହେଲେ ଗର୍ଭଗୃହର ଲେଜର ସ୍କାନିଂ ପାଇଁ ଅନୁମତି ଦିଆଯାଇନାହିଁ। କେବଳ ଜଗମୋହନ, ନାଟମଣ୍ଡପ ଓ ଭୋଗମଣ୍ଡପର ଲେଜର ସ୍କାନିଂ କରାଯିବ ବୋଲି ଶ୍ରୀମନ୍ଦିର ମୁଖ୍ୟ ପ୍ରଶାସକ କ୍ରୀଶନ କୁମାର ପୂର୍ବରୁ ସୂଚନା ଦେଇଥିଲେ। ଲେଜର ସ୍କାନିଂ ପାଇଁ ସେବାୟତ ମାନଙ୍କୁ ନେଇ ଏକ କମିଟି ଗଠନ କରାଯାଇଛି। ସେପଟେ ଗତକାଲି  ରଥଟଣା ସରିବା ପରେ ବିଳମ୍ବିତ ରାତିରେ ନିଳାଦ୍ରୀ ଭକ୍ତ ନିବାସରୁ ତିନୋଟି ଦ୍ୱାର ପାଇଁ ଛଅଟି ଷ୍ଟିଲ ଫ୍ରେମ ଓ ରୂପା  ଶ୍ରୀମନ୍ଦିରକୁ ନିଆଯାଇଛି। ସମସ୍ତ ଦ୍ୱାରର ନିର୍ମାଣ ସରିଥିବା ବେଳେ ଆଜିଠାରୁ ଦ୍ୱାର ବସାଇବା କାର୍ଯ୍ୟ ଆରମ୍ଭ କରାଯିବ।

ଦେଶର ମୋଟ କରୋନା ମୃତକଙ୍କ ମଧ୍ୟରୁ ଅର୍ଦ୍ଧାଧିକ ମଧ୍ୟପ୍ରଦେଶରୁ: ସୋମବାର ୧୪୮୧ଜଣଙ୍କ ମୃତ୍ୟୁ

ଭୋପାଳ: ଦେଶରେ କରୋନା ସଂକ୍ରମିତଙ୍କ ସଂଖ୍ୟା କମିବାରେ ଲାଗିଥିବା ବେଳେ ମୃତକଙ୍କ ସଂଖ୍ୟାରେ ବଢ଼ିବାରେ ଲାଗିଛି । ଗତ ୨୭ ଦିନ ପରେ କରୋନା ଜନିତ ମୃତକଙ୍କ ସଂଖ୍ୟାରେ ବୃଦ୍ଧି ଦେଖିବାକୁ ମିଳିଛି  । ସୋମବାର ୨୦୨୪ ଜଣଙ୍କ ମୃତ୍ୟୁ ଘଟିଥିବା ବେଳେ ୧୬ ଜୁନରେ ୨ହଜାର ୩୩୯ ଜଣଙ୍କ ଦିନକରେ ମୃତ୍ୟୁ ଘଟିଥିଲା । ତେବେ ମଧ୍ୟପ୍ରଦେଶରୁ କରୋନାର ସର୍ବାଧିକ ମୃତ୍ୟୁ ସଂଖ୍ୟା ସାମ୍ନାକୁ ଆସିଛି । ମଧ୍ୟପ୍ରଦେଶରେ ସୋମବାର ମୋଟ ୧୪୮୧ ଜଣଙ୍କ କରୋନାରେ ମୃତ୍ୟୁ ଘଟିଛି । ତେବେ ୧୪୭୮ଟି ପୁରୁଣା ମାମଲା ଆଡଜଷ୍ଟ କରିବା ଯୋଗୁଁ ଏହି ସଂଖ୍ୟାରେ  ବୃଦ୍ଧି ଘଟିଛି ।

ଏଯାବତ୍ ମଧ୍ୟପ୍ରଦେଶରେ ମୋଟ କରୋନାରେ ମୃତକଙ୍କ ସଂଖ୍ୟା ୧୦ ହଜାର ଅତିକ୍ରମ କରିସାରିଲାଣି । ରବିବାର ସୁଦ୍ଧା ରାଜ୍ୟରେ କରୋନାରେ ମୃତକଙ୍କ ସଂଖ୍ୟା ୯୦୨୭ ରହିଥିବା ବେଳେ ସୋମବାର ୧୪୭୮ ପୁରୁଣା ମୃତକଙ୍କ ନାମ ଯୋଡ଼ାଯିବା ପରେ ସୋମବାର ଦୈନିକ ମୃତକଙ୍କ ସଂଖ୍ୟା ୧୪୮୧ରେ ପହଞ୍ଚିଛି । ସୂଚନା ଯୋଗ୍ୟ, ସ୍ୱାସ୍ଥ୍ୟବିଭାଗ ପକ୍ଷରୁ ୨୬ଜୁନ୍ ଠାରୁ ସବୁ ଜିଲ୍ଲାକୁ ନିର୍ଦ୍ଦେଶ ଦିଆଯାଇଛି ଯେ, ଦ୍ୱିତୀୟ ପ୍ରବାହରେ କୋଭିଡ ଜନିତ ମୃତ୍ୟୁ ସମ୍ପର୍କରେ ‘ସାର୍ଥକ’ ପୋର୍ଟାଲର ୩ଏ ଫର୍ମରେ ଦାଖଲ କରିବାକୁ  । ଏଥିସହିତ ଫର୍ମ ୮ରେ ଲାଇନ୍ ଲିଷ୍ଟ ଏଣ୍ଟ୍ରି କରିବାକୁ ନିର୍ଦ୍ଦେଶ ଦିଆଯାଇଛି । ଏହା ପରେ ଜିଲ୍ଲାଗୁଡ଼ିକ ପକ୍ଷରୁ ୧୪୭୮ ଏଭଳି ମୃତ୍ୟୁ ସମ୍ପର୍କରେ ସୂଚନା ସ୍ୱାସ୍ଥ୍ୟ ବିଭାଗ ପଠାଯାଇଥିଲା । ଏହାନୁଯାୟୀ ଘରୋଇ ହସ୍ପିଟାଲର ୭୬୨ ଓ ଅନ୍ୟ ଜିଲ୍ଲାରୁ ୫୦୮ ଏବଂ ହୋମ୍ ଆଇସୋଲେସନ୍‌ରେ ରହି ମୃତ୍ୟୁବରଣ କରିଥିବା ୨୦୮ମୃତକଙ୍କ ନାମ ଯୋଡ଼ାଯାଇଥିଲା ।

ଏଥିସହିତ ପଢ଼ନ୍ତୁ: ପଳାତକ ହୀରା ବ୍ୟବସାୟୀ ମେହୁଲ ଚୋକସିଙ୍କ ଜାମିନ ମଞ୍ଜୁର କଲେ ଡୋମିନିକା କୋର୍ଟ

 

ଲଦାଖ ସୀମାର ଡେମଚୋକରେ ପ୍ରବେଶ କଲା ଚୀନ୍‌ ସେନା, ଦଲାଇଲାମାଙ୍କ ଜନ୍ମଦିନକୁ କଲେ ବିରୋଧ

ନୂଆଦିଲ୍ଲୀ: ତିବ୍ବତୀୟ ଧର୍ମଗୁରୁ ଦଲାଇ ଲାମାଙ୍କ ଜନ୍ମଦିନ ଉତ୍ସବ ଭଣ୍ଡୁର କରିବାକୁ ଚୀନର ଚକ୍ରାନ୍ତ। ସିନ୍ଧୁ ନଦୀ ପାର କରି ଲଦାଖ ସୀମାରେ ଜବରଦସ୍ତି ପ୍ରବେଶ କରିଥିଲେ ଚୀନ ସେନା। ଭାରତୀୟ କ୍ଷେତ୍ରରେ ଥିବା ଏକ ଗାଁରେ ଦଲାଇଲାମାଙ୍କ ଜନ୍ମଦିନ ଉତ୍ସବ ଆୟୋଜନ କରାଯାଇଥିଲା। ଏହି ସମୟରେ PLA ଯବାନ ଲଦାଖ ସୀମାର ଡେମଚୋକଠାରେ ଜବରଦସ୍ତି ଭାରତ ସୀମାକୁ ପ୍ରବେଶ କରିଥିଲେ। ଗାଁର କମ୍ୟୁନିଟି ହଲ୍ ନିକଟରେ ଉତ୍ସବର ଆୟୋଜନ କରାଯାଇଥିବା ବେଳେ ଚୀନ୍ ସେନା ସେହିଠାରେ ବିରୋଧ ପ୍ରଦର୍ଶନ କରିଥିଲେ। ଖବର ଅନୁଯାୟୀ ଚାଇନାର ଅନୁପ୍ରବେଶକାରୀମାନେ ବ୍ୟାନର ଏବଂ ଚୀନ୍ ପତାକା ଧରି ବିରୋଧ ପ୍ରଦର୍ଶନ କରିଥିଲେ। ସେମାନେ ୫ଟି ଗାଡ଼ିରେ ଆସିଥିଲେ। ଚୀନ ସେନା ସହ ଅନ୍ୟ କେତେଜଣ ସାଧାରଣ ନାଗରିକ ମଧ୍ୟ ସାମିଲ ଥିଲେ।

ଏ ନେଇ ଭାରତୀୟ ସେନା ପକ୍ଷରୁ କୌଣସି ଟିପ୍ପଣୀ ରଖାଯାଇ ନଥିବା ବେଳେ ଚୀନ୍ ଏଭଳି କାର୍ଯ୍ୟକଳାପ ଭାରତକୁ ଉସୁକାଇବା ଭଳି, ବୋଲି ବିଶେଷଜ୍ଞ ମତ ଦେଇଛନ୍ତି। ଭାରତ-ଚୀନ୍ ମଧ୍ୟରେ ସୀମାକୁ ନେଇ ଜାରି ରହିଥିବା ବିବାଦରେ ଡେମଚୋକ୍  ବିବାଦ ମଧ୍ୟ ସାମିଲ ଅଛି। ଗତ ୬ ତାରିଖରେ ଡେମୋକୋକଠାରୁ ପ୍ରାୟ ୩୦ କିଲୋମିଟର ଦକ୍ଷିଣ-ପୂର୍ବ କୋୟଲ ନିକଟ ଡୋଲି ଟାଙ୍ଗୋରେ ଘଟିଥିଲା। ଜନ୍ମୋତ୍ସବ ଚାଲିଥିବା ବେଳେ ଚାଇନିଜ ମାନେ ଦୂରରେ ରହି ଆପତ୍ତି ଜଣାଇଥିଲେ । ସେମାନେ ଭାରତୀୟ ଅଞ୍ଚଳରେ ପ୍ରାୟ ୩୦ ମିନିଟ୍ ପର୍ଯ୍ୟନ୍ତ ରହିଥିଲେ। ହେଲେ ଏହି ଘଟଣାକୁ ନେଇ ଭାରତୀୟ ସେନା କିଛି କହିବାକୁ ମନା କରିଦେଇଛି।