ଜମି ଚଞ୍ଚକତାକୁ ବିରୋଧ କରିବାରୁ ବନ୍ଧୁକ ଦେଖାଇ ଧମକ

1 min read

ବୁର୍ଲା: ଚଞ୍ଚକତା କରି ଜମି ହଡ଼ପ କଲେ। ଏହାକୁ ବିରୋଧ କରିବାରୁ ବନ୍ଧୁକ ଦେଖାଇ ଧମକ ଦେଉଛନ୍ତି। ଏହାର ଭିଡିଓ ଭାଇରାଲ ହୋଇଛି। ସମ୍ବଲପୁର ଜିଲ୍ଲା ବୁର୍ଲା ଥାନା ଗୋଲଗୁଣ୍ଡାରେ କୁସୁମୀ ମହତମ ନାମକ ମହିଳାଙ୍କ ଜମିକୁ ଅବସରପ୍ରାପ୍ତ ପ୍ରଫେସର କେଶବ ପଣ୍ଡା ନିଜ ନାମରେ କରାଇ ନେଇଥିବା ଅଭିଯୋଗ ହୋଇଛି। ଜମିରେ ପାଚେରି ବୁଲାଇବା ପରେ ଏହାକୁ ବିରୋଧ କରିଥିଲେ କୁସୁମୀ। ଏଥିରେ କେଶବ ପଣ୍ଡା ଏବଂ ତାଙ୍କ ଦୁଇ ପୁଅ ବନ୍ଧୁକ ଧରି ଗଣ୍ଡଗୋଳ କରିଥିଲେ। ଯାହାର ଭିଡିଓ ଭାଇରାଲ ହେବାରେ ଲାଗିଛି। ପୋଲିସ ଏମାନଙ୍କୁ ଗିରଫ କରିଛି। ତେବେ ବନ୍ଧୁକ ଲାଇସେନ୍ସ ଜଣଙ୍କ ନାଁରେ ରହିଥିବା ବେଳେ ଅନ୍ୟ ଜଣଙ୍କ କିପରି ସର୍ବସମ୍ମୁଖରେ ସେହି ବନ୍ଧୁକ ଧରି ଲୋକଙ୍କୁ ଭୟଭୀତ କଲେ ତାକୁ ନେଇ ପ୍ରଶ୍ନ ଉଠିଛି।

Opn Commnet Area

Leave a Reply

Your email address will not be published. Required fields are marked *

Close Bitnami banner