spot_img
Home Blog Page 5573

ନିର୍ମାଣ ଶ୍ରମିକଙ୍କ ସାଥି ନବୀନ, ୩୮୫ କୋଟିର ସ୍ଵତନ୍ତ୍ର କୋଭିଡ ସହାୟତା ଘୋଷଣା

ଭୁବନେଶ୍ୱର: ନିର୍ମାଣ ଶ୍ରମିକଙ୍କ ପାଇଁ ୩୮୫ କୋଟି ଟଙ୍କାର ସ୍ଵତନ୍ତ୍ର କୋଭିଡ ସହାୟତା । ଆଜି ଏହାର ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଭିସି ଜରିଆରେ କାର୍ଯ୍ୟକ୍ରମର ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ । ରାଜ୍ୟର ୯ଟି ଜିଲ୍ଲାର ୧୮ ଟି ସ୍ଥାନରେ କାର୍ଯ୍ୟକ୍ରମର ଆୟୋଜନ କରାଯାଇଥିଲା । ବ୍ଲକର ବିଡିଓଙ୍କ ସହି ଶ୍ରମ, କର୍ମଚାରୀ ଓ ରାଜ୍ୟ ଵୀମା ବିଭାଗର ଅଧିକାରୀ ଏବଂ ନିର୍ମାଣ ଶ୍ରମିକମାନେ ଭିସି ଜରିଆରେ ସାମିଲ ହୋଇଥିଲେ ।

ପ୍ରତ୍ୟେକ ଶ୍ରମିକଙ୍କୁ ୧୫୦୦ ଟଙ୍କାର ସ୍ଵତନ୍ତ୍ର କୋଭିଡ ସହାୟତା ଦିଆଯାଇଥିଲା । ଓଡ଼ିଶାରେ ପାଖାପାଖି ୧ କୋଟି ୬୫ ଲକ୍ଷ ଶ୍ରମିକ ଅଛନ୍ତି । ଏମାନଙ୍କ ମଧ୍ୟରୁ ୩୧ ଲକ୍ଷ ନିର୍ମାଣ ଶ୍ରମିକ ଥିବାବେଳେ, ପାଖାପାଖି ୧୩ ଲକ୍ଷ ବାହାର ରାଜ୍ୟରୁ ଆସି ଏଠାରେ କାମ କରୁଛନ୍ତି । ସେହି ହିସାବରେ ୧୫ ଲକ୍ଷରୁ ଅଧିକ ପ୍ରବାସୀ ଓଡ଼ିଆ ବାହାର ରାଜ୍ୟରେ କାମ କରୁଛନ୍ତି ।

ଗରିବ ଲୋକଙ୍କୁ ତାଙ୍କ ଅଧିକାରରୁ କେହି ବି ବଞ୍ଚିତ କରିପାରିବେ ନାହିଁ। ଗରିବ ଲୋକଙ୍କର ସମ୍ମାନର ସହ ବଞ୍ଚିବାର ସମସ୍ତ ଅଧିକାର ରହିଛି ବୋଲି ମୁଖ୍ୟମନ୍ତ୍ରୀ କହିଛନ୍ତି। ଆଜି ନିର୍ମାଣ ଶ୍ରମିକ ମାନଙ୍କୁ ଭିଡିଓ କନ୍‌ଫରେନ୍‌ସିଂ ଜରିଆରେ ଆୟୋଜିତ ଏକ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀଙ୍କ କୋଭିଡ ସହାୟତା ପ୍ରଦାନ କରିବା ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହା କହିଛନ୍ତି । ଏହି ପ୍ୟାକେଜରେ ପ୍ରତି ପଞ୍ଜୀକୃତ ନିର୍ମାଣ ଶ୍ରମିକ ୧୫୦୦ ଟଙ୍କା ଲେଖାଏ ପାଇଲେ। ଗତ ବର୍ଷ ମଧ୍ୟ କୋଭିଡର ପ୍ରଥମ ଲହର ସମୟରେ ନିର୍ମାଣ ଶ୍ରମିକ ମାନଙ୍କୁ ୧୫୦୦ ଟଙ୍କା ଲେଖାଏ ଦିଆଯାଇଥିଲା ।

ମୁଖ୍ୟମନ୍ତ୍ରୀ କହିଥିଲେ ଯେ କୋଭିଡ ସମୟରେ ଏହି ସହାୟତା ନିର୍ମାଣ ଶ୍ରମିକଙ୍କ ଅସୁବିଧାକୁ ହ୍ରାସ କରିବାରେ ସହାୟକ ହେବ । ଅର୍ଥନୀତିରେ ଶ୍ରମିକ ମାନଙ୍କ ଗୁରୁତ୍ବ ବିଷୟରେ ଉଲ୍ଲେଖକରି ମୁଖ୍ୟମନ୍ତ୍ରୀ କହିଥିଲେ ଯେ ଶ୍ରମିକ ମାନଙ୍କ କଲ୍ୟାଣ ବିନା ଅର୍ଥନୀତି କେବେ ବି ସମୃଦ୍ଧ ହୋଇପାରିବ ନାହିଁ । ନିର୍ମାଣ ଶ୍ରମିକ ମାନଙ୍କୁ ଜଣେ ଜଣେ ବିଶ୍ବକର୍ମା ଭାବରେ ବର୍ଣ୍ଣନା କରି ମୁଖ୍ୟମନ୍ତ୍ରୀ କହିଥିଲେ ଯେ ଅନ୍ୟର ସୁବିଧା ପାଇଁ ସେମାନେ ନିଜ ସୁଖକୁ ଭୁଲିଯାନ୍ତି । ଖରାକୁ ପିଠି ଦେଖାଇ ବଡ ବଡ କୋଠା ତିଆରି କରନ୍ତି । ନିଜେ ଜଳି ଅନ୍ୟକୁ ଆଲୋକ ଦେଖାନ୍ତି । ନିଜେ ଅସୁବିଧାରେ ରହି ଅନ୍ୟ ପାଇଁ ଭଲ ଘର ତିଆରି କରନ୍ତି । ରାସ୍ତା, ସେତୁ ଆଦି କରନ୍ତି । ବିକାଶର ପ୍ରତିଟି ପୃଷ୍ଠାରେ ରହିଛି ଆମର ନିର୍ମାଣ ଶ୍ରମିକ ମାନଙ୍କର ତ୍ୟାଗ ଓ ପରିଶ୍ରମର କାହାଣୀ । ଗରିବ ଲୋକର ତ୍ୟାଗକୁ ସମ୍ମାନ ଦ୍ବାରା ହିଁ ଆମେ ବିକାଶ ସହ ସମସ୍ତଙ୍କ ଯୋଡି ପାରିବା ବୋଲି ମୁଖ୍ୟମନ୍ତ୍ରୀ କହିଛନ୍ତି  ।

ଏହି ସହାୟତା ପାଇଥିବାରୁ ନିର୍ମାଣ ଶ୍ରମିକ ମାନେ ମୁଖ୍ୟମନ୍ତ୍ରୀଙ୍କୁ ତାଙ୍କର ଆନ୍ତରିକ କୃତଜ୍ଞତା ଜଣାଇଥିଲେ । ଗଞ୍ଜାମର ରବୀନ୍ଦ୍ର ପ୍ରଧାନ, କଟକର ନବଘନ ପରିଡା, ବରଗଡର କେଶବ ପ୍ରଧାନ, ସୁନ୍ଦରଗଡର ରେଣୁ ମିଞ୍ଜ — ସମସ୍ତଙ୍କ ମୁହଁରେ ଗୋଟିଏ ଭାଷା ଥିଲା – ଧନ୍ୟବାଦ ମୁଖ୍ୟମନ୍ତ୍ରୀ ଆଜ୍ଞା। ଆପଣଙ୍କ ସହାୟତା ଆମକୁ ଏ ବିପଦ ସମୟରେ ବଞ୍ଚିବର ରାହା ଦେଇଛି । ଗତ ବର୍ଷ ୧୫୦୦ ଟଙ୍କା ପାଇଥିଲୁ, ଏ ବର୍ଷ ମଧ୍ୟ ପାଇଲୁ । ତାସହିତ ପିଲାଙ୍କ ପାଠପଢା, ସାଇକେଲ, ଝିଅ ବାହାଘର – ସବୁ ସମୟରେ ଆମେ ସହାୟତା ପାଉଛୁ ବୋଲି ଖୁସିରେ ମୁଖ୍ୟମନ୍ତ୍ରୀଙ୍କୁ ଜଣାଇଥିଲେ । ମୁଖ୍ୟମନ୍ତ୍ରୀ ମଧ୍ୟ ସେମାନଙ୍କୁ କେତେ ଟଙ୍କା ପାଇଛ ବୋଲି ପଚାରି ବୁଝିଥିଲେ ।

କାର୍ଯ୍ୟକ୍ରମରେ ଯୋଗ ଦେଇ ଶ୍ରମ ଓ ଇ.ଏସ୍‌.ଆଇ, ଗ୍ରାମ୍ୟ ଉନ୍ନୟନ ମନ୍ତ୍ରୀ  ସୁଶାନ୍ତ ସିଂହ ନିର୍ମାଣ ଶ୍ରମିକଙ୍କ ପାଇଁ ରାଜ୍ୟ ସରକାରଙ୍କ ପକ୍ଷରୁ ନିଆଯାଉଥିବା ବିଭିନ୍ନ ପଦକ୍ଷେପ, ଶ୍ରମ ଆଇନର କାର୍ଯ୍ୟକାରୀତା ଓ ନାଗରିକ କେନ୍ଦ୍ରୀକ ଯୋଜନା ଉପରେ ଆଲୋକପାତ କରିଥିଲେ । ଓଡିଶା କୋଠାବାଡି ଓ ଅନ୍ୟ ନିର୍ମାଣ ଶ୍ରମିକ କଲ୍ୟାଣ ବୋର୍ଡର ଅଧ୍ୟକ୍ଷ ଶ୍ରୀ ରମେଶ ଚନ୍ଦ୍ର ଚ୍ୟାଉପଟ୍ଟନାୟକ କହିଥିଲେ ଯେ ବୋର୍ଡ ଅଧୀନରେ ନିର୍ମାଣ ଶ୍ରମିକ ମାନଙ୍କ ପାଇଁ ୩୨ଟି ଯୋଜନା କାର୍ଯ୍ୟକାରୀ କରାଯାଉଛି ଏବଂ ଏହିସବୁ ସେବାକୁ ୫-ଟି ଜରିଆରେ ଦକ୍ଷତାର ସହ ତୁରନ୍ତ ଯୋଗାଇ ଦିଆଯାଉଛି ।

ଏହି କାର୍ଯ୍ୟକ୍ରମରେ ବ୍ରଜରାଜନଗରର ବିଧାୟକ  କିଶୋର ମହାନ୍ତି ଓ ବେଗୁନିଆ ବିଧାୟକ  ରାଜେନ୍ଦ୍ର ସାହୁ ପ୍ରମୁଖ ସେମାନଙ୍କର ମତାମତ ରଖି ଏହି ଗରିବ ଓ ଶ୍ରମିକ କଲ୍ୟାଣ ଯୋଜନା ପାଇଁ ମୁଖ୍ୟମନ୍ତ୍ରୀଙ୍କ ନେତୃତ୍ବର ଉଚ୍ଚପ୍ରଶଂସା କରିଥିଲେ । ମୁଖ୍ୟମନ୍ତ୍ରୀଙ୍କ ସଚିବ (୫-ଟି)  ଭି.କେ. ପାଣ୍ଡିଆନ କାର୍ଯ୍ୟକ୍ରମ ପରିଚାଳନା କରିଥିଲେ। ବିଭାଗୀୟ ସଚିବ  ଚିତ୍ରା ଅର୍‌ମୁଗମ ସ୍ବାଗତ ଭାଷଣ ଦେଇଥିଲେ ଏବଂ ଶ୍ରମ କମିଶନର ଧନ୍ୟବାଦ ଅର୍ପଣ କରିଥିଲେ। ମୁଖ୍ୟ ଶାସନ ସଚିବ  ସୁରେଶ ଚନ୍ଦ୍ର ମହାପାତ୍ର, ଉନ୍ନୟନ କମିଶନର ଶ୍ରୀ ପି.କେ.ଜେନା ଓ ଅନ୍ୟ ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ ।

 

ସ୍ୱର୍ଗତ ବିଜୟଲକ୍ଷ୍ମୀ ମହାନ୍ତିଙ୍କ ପରିବାରକୁ ମୁଖ୍ୟମନ୍ତ୍ରୀଙ୍କ ସହାୟତା ରାଶି, ‘ଆଜିକାଲି’ର ଥିଲେ ସମ୍ପାଦକ

ଭୁବନେଶ୍ୱର: ମୃତ ସାମ୍ବାଦିକଙ୍କ ପରିବାରକୁ ମୁଖ୍ୟମନ୍ତ୍ରୀଙ୍କ ସହାୟତା  । ୧୫ଲକ୍ଷ ଟଙ୍କାର ସହାୟତା ରାଶିକୁ ମଞ୍ଜୁର କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  ।  କୋଭିଡ ଭୟବହତା ଭିତରେ ସେବା ଜାରି ରଖିଥିବା ସ୍ୱର୍ଗତ ସାମ୍ବାଦିକ  ବିଜୟଲକ୍ଷ୍ମୀ ମହାନ୍ତିଙ୍କ କୋଭିଡର ପ୍ରଥମ ଲହରରେ ଦେହାନ୍ତ ଘଟିଥିଲା  । ଦୈନିକ ଖବର କାଗଜ ‘ଆଜିକାଲି’ର ସମ୍ପାଦକ ତଥା ମୁଖ୍ୟ କରସ୍ପଣ୍ଡେଣ୍ଟ ଥିଲେ ବିଜୟଲକ୍ଷ୍ମୀ  ।

ସାମ୍ବାଦିକ ମାନଙ୍କୁ ସମ୍ମୁଖ ଯୋଦ୍ଧା ଘୋଷଣା କରିଥିଲେ ରାଜ୍ୟ ସରକାର  । କୋଭିଡରେ ଯଦି କୈଣସି କର୍ତ୍ତବ୍ୟରତ ସାମ୍ବାଦିକଙ୍କ ମୃତ୍ୟୁ ଘଟେ, ତେବେ ରାଜ୍ୟ ସରକାରଙ୍କ ପକ୍ଷରୁ ସହାୟତା ରାଶି ଯୋଗାଇଦିଆଯିବା ନେଇ ଘୋଷଣା କରିଥିଲେ ମୁଖ୍ୟମନ୍ତ୍ରୀ  । ପୂର୍ବରୁ ଅନେତକ ସାମ୍ବାଦିକଙ୍କ ପରିବାରକୁ ରାଜ୍ୟ ସରକାରଙ୍କ ପକ୍ଷରୁ ସହାୟତା ରାଶି ଯୋଗାଇ ଦିଆଯାଇଛି  । ଆଜି ସ୍ୱର୍ଗତ ବିଜୟଲକ୍ଷ୍ମୀ ମହାନ୍ତିଙ୍କ ପରିବାରକୁ ମଧ୍ୟ ସହାୟତା ଅର୍ଥ ପ୍ରଦାନ ନେଇ ମଞ୍ଜୁର କରିଛନ୍ତି ମୁଖ୍ୟମନ୍ତ୍ରୀ  ।

୧୯୨୮ରେ ଦୁନିଆ ଦେଖିଥିଲା ’ଧ୍ୟାନ ଚାନ୍ଦ’ଙ୍କ ଯାଦୁ; ଭାରତ ଜିତିଥିଲା ପ୍ରଥମ ସ୍ୱର୍ଣ୍ଣ ପଦକ

ଚଳିତ ଜୁଲାଇ ୨୩ରେ ଜାପାନରେ ଅନୁଷ୍ଠିତ ହେବାକୁ ଯାଉଛି ଟୋକିଓ ଅଲମ୍ପିକ୍ସ । କରୋନା ଲାଗି ଗତ ବର୍ଷ ସ୍ଥଗିତ ଥିଲା ଟୋକିଓ ଅଲିମ୍ପିକ୍ ୨୦୨୦। ଏହି ଅଲମ୍ପିକ୍ ଖେଳରେ ଭାରତୀୟ ଖେଳାଳି ଦମଦାର ପ୍ରଦର୍ଶନ କରିବା ସହ ମେଡାଲ୍ ହାତେଇବେ ବୋଲି ଆଶା କରାଯାଉଛି । ତେବେ ଜାଣିଛନ୍ତି କି ଭାରତ ପ୍ରଥମ ଥର ପାଇଁ କେବେ ଅଲମ୍ପିକ୍ସରେ ମେଡାଲ୍ ଜିତିଥିଲା । ଆସନ୍ତୁ ଜାଣିବା ଭାରତ ଅଲମ୍ପିକ୍ସରେ କେବେ ଜିତିଥିଲା ପ୍ରଥମ ପଦକ…

ଅଲମ୍ପିକ ଆସୋସିଏସନ୍ ମୁତାବକ ଭାରତ ପ୍ରଥମ ଅଲମ୍ପିକ ମେଡାଲ୍ ୧୯୦୦ ମସିହାରେ ହାତେଇଥିଲା । ହେଲେ ପ୍ରକୃତରେ କହିବାକୁ ଗଲେ ଏହି ଗେମ୍ସରେ ୧୯୨୮ ମସିହାରେ ଭାରତର ପଦକ ଯାତ୍ରା ଆରମ୍ଭ ହୋଇଥିଲା । ୧୯୨୮ ଅଲିମ୍ପିକ୍ ଗେମ୍ସରେ ଭାରତୀୟ ହକି ଦଳ ଭାରତ ପାଇଁ ପ୍ରଥମ ସ୍ୱର୍ଣ୍ଣ ପଦକ ଜିତିଥିଲା | ଏମଷ୍ଟରଡାମରେ ଆୟୋଜିତ ଏହି ଖେଳରେ ଜୟପାଲ ସିଂ ଭାରତୀୟ ଦଳର କ୍ୟାପ୍ଟେନସିପ୍ କରିଥିଲେ। ହକିରେ ଏହି ବିଜୟ ସହିତ ସାରା ବିଶ୍ୱ ପ୍ରଥମ ଥର ପାଇଁ ହକି ଯାଦୁକର ‘ଧାନଚାନ୍ଦ’ଙ୍କ ଯାଦୁ ଦେଖିଥିଲା।

ଏହି ଖେଳ ପାଇଁ ଭାରତ ତରଫରୁ ଏକ ୧୩ ଜଣିଆ ଦଳ ପଠାଯାଇଥିଲା । ଖାଲି ଏତିକି ନୁହେଁ ସମସ୍ତ ଖେଳାଳି ପ୍ରଥମ ଥର ପାଇଁ ଅନ୍ତର୍ଜାତୀୟ ସ୍ତରରେ ଖେଳିବାକୁ ସୁଯୋଗ ମଧ୍ୟ ପାଇଥିଲେ । ଏହା ପ୍ରଥମ ଅଣ-ୟୁରୋପୀୟ ଦଳ ଥିଲା, ଯିଏକି ଅଲିମ୍ପିକ୍ ଗେମ୍ସରେ ହକିରେ ପ୍ରତିଦ୍ୱନ୍ଦ୍ୱିତା କରିଥିଲା । ସେପର୍ଯ୍ୟନ୍ତ ଅଲିମ୍ପିକ୍ ଗେମ୍ସରେ ଭାରତର କୌଣସି ଅସ୍ତିତ୍ୱ ନଥିଲା, ହେଲେ ୧୯୨୮ ପରଠାରୂ ସବୁକିଛି ବଦଳି ଯାଇଥିଲା |

ପୂରା ଟୁର୍ଣ୍ଣାମେଣ୍ଟରେ ଭାରତର ଦବଦବା ରହିଥିଲା
ଭାରତକୁ ମିଳିଥିବା ଏହି ପ୍ରଥମ ସ୍ୱର୍ଣ୍ଣ ପଦକ ବିଶ୍ୱ ଆଗରେ ଦେଶର ଛବି ବଦଳାଇ ଦେଇଥିଲା । କୁହାଯାଏ ୧୯୨୪ ପର୍ଯ୍ୟନ୍ତ ଅଲମ୍ପିକ୍ସରେ ହକିର ସ୍ଥାନ ନଥିଲା । ହେଲେ ଭଗବାନଙ୍କ ଆର୍ଶିବାଦ ଭଳି ୧୯୨୮ରେ ଏହାକୁ ଅଲମ୍ପିକ୍ସରେ ସାମିଲ କରାଯାଇଥିଲା। ଯାହା ପରେ ଭାରତ ନିଜର ଏକପାଖିଆ ବିଜୟ ସହ ସ୍ୱର୍ଣ୍ଣ ପଦକ ହାତେଇ ଥିଲା। କେବଳ ଫାଇନାଲରେ ନୁହେଁ ପୂରା ଟୁର୍ଣ୍ଣାମେଣ୍ଟରେ ଭାରତ ନିଜର ପ୍ରାଧାନ୍ୟ ବିସ୍ତାର କରିଥିଲା । ସ୍ଥିତି ଏଭଳି ଥିଲା ଯେ କୌଣସି ଦଳ ସେମାନଙ୍କ ବିପକ୍ଷରେ ଗୋଟିଏ ବି ଗୋଲ ସ୍କୋର କରିପାରି ନଥିଲା। କିନ୍ତୁ ଭାରତ ମୋଟ ୨୯ଟି ଗୋଲ ସ୍କୋର କରିଥିଲା।

ମେ ୧୭ରେ ଭାରତ-ଅଷ୍ଟ୍ରେଲିଆ ମୁହାଁମୁହିଁ ହୋଇଥିଲେ। ଅଲିମ୍ପିକ୍ ଗେମ୍ସରେ ଭାରତ ଏହାର ପ୍ରଥମ ମ୍ୟାଚ୍ ୬-୦ରେ ଜିତିଥିଲା | ଭାରତ ଏହା ପରେ ବେଲଜିୟମକୁ ୯-୦ ରେ ପରାସ୍ତ କରିଥିଲା। ଖାଲି ଏତିକି ନୁହେଁ ଡେନମାର୍କକୁ ୫-୦ ଏବଂ ସ୍ୱିଜରଲ୍ୟାଣ୍ଡକୁ ୬-୦ ରେ ହରାଇ ଭାରତ ଫାଇନାଲରେ ପ୍ରବେଶ କରିଥିଲା। ଏହି ଟୁର୍ଣ୍ଣାମେଣ୍ଟରେ ଧ୍ୟାନ୍ ଚାନ୍ଦ ନିଜର ଦମଦାର ପ୍ରଦର୍ଶନ ସହ ସମସ୍ତଙ୍କ ଦୃଷ୍ଟି ଆକର୍ଷଣ କରିପାରିଥିଲେ। ହକିର ଯାଦୁଗର ଧ୍ୟାନ୍ ଚାନ୍ଦ ଟୁର୍ଣ୍ଣାମେଣ୍ଟର ସମସ୍ତ ମ୍ୟାଚରେ ଏକାକୀ ୧୪ ଗୋଲ ସ୍କୋର କରିଥିଲେ।

ଫାଇନାଲରେ ନେଦରଲ୍ୟାଣ୍ଡ ବିପକ୍ଷରେ ଇତିହାସ ସୃଷ୍ଟି
୧୯୨୮ ମସିହା ମେ ୨୬ ତାରିଖ ଦିନ ଭାରତୀୟ ଦଳ ଇତିହାସ ସୃଷ୍ଟି କରିଥିଲା । ହେଲେ ଫାଇନାଲ ଜିତିବା ଭାରତୀୟ ଦଳ ପାଇଁ ସେତେଟା ସହଜ ନଥିଲା, କ୍ୟାପ୍ଟେନଙ୍କୁ କୌଣସି କାରଣ ପାଇଁ ସ୍ୱଦେଶ ଫେରିବାକୁ ପଡ଼ିଥିଲା । ଯାହା ପରେ ଏହି ଐତିହାସିକ ମ୍ୟାଚର ଅଧିନାୟକତ୍ୱ ଭାର ସମ୍ଭାଳିଥିଲେ ଏରିକ୍ ପିନ୍ନିଗର୍ । ଏରିକଙ୍କ ଅଧିନାୟକତ୍ୱରେ ଦଳ ସର୍ବଶ୍ରେଷ୍ଠ ପ୍ରଦର୍ଶନ କରିବା ସହ ୩-0ରେ ଫାଇନାଲରେ ଟାଇଟଲ ଜିତିଥିଲା | ଏହି ମ୍ୟାଚରେ ତିନୋଟି ଗୋଲ୍ ସ୍କୋର କରି ଧ୍ୟାନ ଚାନ୍ଦ ପୁଣି ଥରେ ଫାଇନାଲରେ ଚମକି ଥିଲେ। କେବଳ ଏତିକି ନୁହେଁ ଧ୍ୟାନଚାନ୍ଦଙ୍କ ଭଳି ଚମକି ଥିଲେ ଷ୍ଟାର ଗୋଲକିପର ରିଚାର୍ଡ ଜେମ୍ସ ଆଲେନ୍ । ଯିଏକି ପୂରା ଟୁର୍ଣ୍ଣାମେଣ୍ଟରେ ପ୍ରତିପକ୍ଷଙ୍କୁ ଗୋଟିଏ ବି ଗୋଲ୍ ସ୍କୋର କରିବାକୁ ଦେଇନଥିଲେ । ଯାହାକୁ ନେଇ ଖୁବ୍ ଚର୍ଚ୍ଚା ହୋଇଥିଲା ।

ଖୋଲିବ ଜିମ, ସେଲୁନ, ସ୍ପା: ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଲା ସଂଘ

ଭୁବନେଶ୍ୱର: ନୂଆ ଗାଇଡଲାଇନରେ ଅନେକ କଟକଣାକୁ କୋହଳକରିଛନ୍ତି ରାଜ୍ୟ ସରକାର  । ଯେଉଁଥିରେ ଜିମ, ସ୍ପା ଏବଂ ସେଲୁନ ଖୋଲିବାକୁ ଅନୁମତି ଦେଇଛନ୍ତି ରାଜ୍ୟ ସରକାର  । ସେପଟେ ଜିମ ଖୋଲିବା ପରେ ପ୍ରତିକ୍ରିୟା ରଖିଛନ୍ତି ଅଲ ଓଡିଶା ଜିମ ଓନର ଆସୋଶେସନ ର ସଭାପତି । ପଦକ୍ଷେପ କୁ ସ୍ୱାଗତ କରିବା ସହ ମୁଖ୍ୟମନ୍ତ୍ରୀ ଙ୍କୁ ଧନ୍ୟବାଦ ଜଣାଇଛି ସଙ୍ଘ । ଜିମ ପାଇଁ ଯେଉଁ ମାନେ ଆସିବେ ସେମାନଙ୍କ ପାଇଁ ଆମେ ସ୍ୱତନ୍ତ୍ର ଗାଇଡ଼ଲାଇନ କରିବୁ ଏବଂ କୋଭିଡ ର ସମସ୍ତ ନିୟମ ଅନୁପାଳନ କଡାକଡି ଭାବରେ ପାଳନ କରାଯିବ । ତାହା ସହ ସମସ୍ତ ଜିଲ୍ଲାର ଜିମ ସେଣ୍ଟର ମାନଙ୍କୁ ଏହି sop ପଠା ଯିବ । ଯିମ ଖୋଲିବା ନିଷ୍ପତି ପରେ ପୁଣି କ୍ଷତି ସହିଥିବା ମାଲିକ ମାନେ ଆର୍ଥିକ ସହାୟତା ଦେବା ପାଇଁ ସଭାପତି ଙ୍କ ଜରିଆରେ ନିବେଦନ କରିଛନ୍ତି ।

ସରକାର ସ୍ପା, ବିୟୁଟି ସଲୁନ୍ ଖୋଲିବା ପାଇ ଅନୁମତି ଦେଇଥିବାରୁ ଧନ୍ୟବାଦ୍ ଦେଲା ଓଡ଼ିଶା ବିୟୁଟି ଆସୋସିଏସନ୍ । ମୁଖ୍ୟମନ୍ତ୍ରୀ ଙ୍କୁ ଧନ୍ୟବାଦ ଦେବା ସହ ବି ଏମ ସି ର ସବୁ ଗାଇଡ ଲାଇନ୍ ମାନି ଚଳିବା ପାଇଁ ସଙ୍ଘ କହିଲା । କୋବିଡ ମୁକାବିଲା ପାଇଁ ସରକାରଙ୍କ ପକ୍ଷରୁ ପୁର୍ବରୁ ଯାହା ନିଷ୍ପତି ନିଆ ଯାଇଥିଲା ସବୁ ଠିକ୍ ଥିଲା । ଏବେଠୁ ପି ପି ଇ କୀଟ ପିନ୍ଧି ଡ୍ୟୁଟି କରିବୁ । ଆମର ସବୁ କର୍ମଚାରୀ ଟୀକା ନେଇ ସାରିଲେଣି । କିଛି ଅସୁବିଧା ନାହିଁ ବୋଲି ସଙ୍ଘ ପକ୍ଷରୁ କୁହାଯାଇଛି ।

ବିଜେପି କାର୍ଯ୍ୟକ୍ରମରେ କୋଭିଡ ନାହିଁ, ନେତାଙ୍କ ମୁହଁରେ ମାସ୍କ ନାହିଁ

ସମ୍ବଲପୁର: ନା ମାସ୍କ ନା ସାମାଜିକ ଦୂରତା । ବିଜେପିର ରାଜନୈତିକ କାର୍ଯ୍ୟକ୍ରମରେ କୋଭିଡ୍ ନିୟମକୁ ଫୁ ।  ସମ୍ବଲପୁର ଆରଡିସି ଅଫିସ ସାମନାରେ କୋଭିଡ ନିୟମର ସାଙ୍ଘାତିକ ଉଲ୍ଲଂଘନ । ବିଜେପି ନେତାଙ୍କୁ ଜଣା ପଡୁନି କୋଭିଡର ଭୟବହତା  । ସଭା ସମିତି କରି ସାଧାରଣ ଲୋକଙ୍କ ପାଇଁ ବଢାଉଛନ୍ତି ଭୟବହତା  ।  ସମ୍ବଲପୁର ସାଂସଦ ନିତେଶ ଗଙ୍ଗଦେବ, ବରଗଡ ସାଂସଦ ସୁରେଶ ପୂଜାରୀ, ରେଙ୍ଗାଳି ବିଧାୟକ ନାଉରୀ ନୟାକ, ସୁନ୍ଦରଗଡ଼ ବିଧାୟିକା କୁସୁମ ଟେଟେ, ବୀରମିତ୍ରପୁର ବିଧାୟକ ଭବାନୀ ଭୋଇ, ଲୋଇସିଂହା ବିଧାୟକ ମୁକେଶ ମହାଲିଙ୍ଗ ପ୍ରମୁଖ ଏକ କାର୍ଯ୍ୟକ୍ରମରେ ଉପସ୍ଥିତ ରହିଛନ୍ତି । ଯେଉଁଠାରେ କୋଭିଡ କଟକଣାର ସାଙ୍ଗାତିକ ଉଲ୍ଲଂଘନ ହୋଇଥିବା ଦେଖିବାକୁ ମିଳିଛି  ।

କାର୍ଯ୍ୟକ୍ରମରେ ଅଧିକାଂଶ ନେତାଙ୍କ ମୁହଁରେ ମାସ୍କ ନାହିଁ, ସାମାଜିକ ଦୂରତା କଥା ପଚାରେ କିଏ । କରୋନା ସଂକଟରେ ରାଜନୈତିକ ଏକତ୍ରିକରଣ ପାଇଁ ଅନୁମତି ନାହିଁ । ହେଲେ ଦେଖନ୍ତୁ ଜୀବନକୁ ପଛ କରି କେମିତି ରାଜନୀତି କରୁଛି ବିଜେପି । ପ୍ରତି ସପ୍ତାହରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶର କୋଭିଡ୍ ସମୀକ୍ଷା କରୁଛନ୍ତି । ମାସ୍କ ପିନ୍ଧିବା ସହ ସାମାଜିକ ଦୂରତା ରଖିବାକୁ ଦେଶବାସୀଙ୍କୁ ନିବେଦନ କରୁଛନ୍ତି । ହେଲେ ନିଜ ଦଳର ବରିଷ୍ଠ ନେତା ବି ମାନୁନାହାନ୍ତି ପ୍ରଧାନମନ୍ତ୍ରୀଙ୍କ କଥା। ମହାମାରୀ ବେଳେ ଜନନାୟକ ଯଦି ଅମାନିଆ ହେବେ, ତେବେ ସାଧାରଣ ଲୋକଙ୍କୁ କିଏ ସଚେତନ କରିବ । ଏଭଳି କାର୍ଯ୍ୟକ୍ରମ କରୋନା ସଂକ୍ରମଣ ବଢାଇବ ବୋଲି ଡାକ୍ତରମାନେ ଆଶଙ୍କା କରିଛନ୍ତି ।

ONLINE ଟ୍ରେଡିଂ ନାଁରେ ଠକେଇ, ୧୩ ଜଣଙ୍କ ଠାରୁ ୨ କୋଟି ୪୦ ଲକ୍ଷ ଲୁଟ

ଭୁବନେଶ୍ୱର:  ONLINE ଟ୍ରେଡିଂ ନାଁରେ ଠକେଇ । ପ୍ରଥମ ଥର ଲାଭ ଦେଇ ଦ୍ୱିତୀୟ ଥରରେ ଚୁନା ଲଗେଇଲା ଠକ । ସେୟାର ମାର୍କେଟରେ ଟଙ୍କା ଲଗାଅ, ଆଉ କିଛି ମାସ ମଧ୍ୟରେ ଦୁଇ ଗୁଣା ଟଙ୍କା ନିଅ। ଏମିତି ଲୋଭ ଦେଖାଇ ମଧ୍ୟପ୍ରଦେଶ ର ଜଣେ ଯୁବକ ବରମୁଣ୍ଡା ଓ ଖଣ୍ଡଗିରି ଅଂଚଳ ର 13 ଜଣଙ୍କ ଠାରୁ 2 କୋଟି40 ଲକ୍ଷ ଟଙ୍କା ଲୁଟି ନେଇ ଫେରାର ହୋଇଯାଇଛି। ଏନେଇ ଠକାମିର ଶିକାର ଲୋକ ଖଣ୍ଡଗିରି ଥାନାରେ ଅଭିଯୋଗ କରିଛନ୍ତି। ଗତ ସେପ୍ଟେମ୍ବର 2020ରେ ବରମୁଣ୍ଡା ବି- 95ରେ ମଧ୍ୟପ୍ରଦେଶର ଓମ ପ୍ରକାଶ ଭରାୱତ ଏକ ଟ୍ରେଡିଂ ଅଫିସ ଖୋଲିଥିଲା। ତାଙ୍କ ପାଖରେ ଟଙ୍କା ଲଗାଇଲେ ସେ ସମସ୍ତଙ୍କୁ 25 ପ୍ରତିଶତ ଅଧିକ ଲାଭ ଦେବେ ବୋଲି କହିଥିଲେ।

ଏହି ଲୋଭରେ ବରମୁଣ୍ଡା ଅଂଚଳର ସତ୍ୟଜିତ ସାମନ୍ତରାୟ 67 ଲକ୍ଷ 50 ହଜାର,ରଞ୍ଜନ କୁମାର ସାହୁକାର 22 ଲକ୍ଷ, ଆଶୁତୋଷ ମିଶ୍ର 8 ଲକ୍ଷ, ଚିତ୍ତରଞ୍ଜନ ତ୍ରିପାଠୀ 80 ହଜାର, ସମୀର ମିଶ୍ର 8 ଲକ୍ଷ, ଜୟଦେବ ସାମନ୍ତରାୟ 17 ଲକ୍ଷ 50 ହଜାର, ରାଜକିଶୋର ମିଶ୍ର 27 ଲକ୍ଷ ଓ ଅନ୍ୟମାନେ ଟଙ୍କା ଲଗାଇଥିଲେ। କିଛି ମାସ ଓମ ପ୍ରକାଶ ସମସ୍ତ ଙ୍କୁ କିଛି ମାସ ର ସୁଧ ଟଙ୍କା ଦେଇଥିଲେ। ଓମ ଠିକ ରେ ଟଙ୍କା ଦେଉଥିବାରୁ ଏହି ଲୋକମାନେ ତା ପାଖରେ ଅଧିକ ଟଙ୍କା invest କରିଥିଲେ।

ଯାହାର ଫାଇଦା ଉଠେଇଥିଲା ଓମପ୍ରକାଶ। ପ୍ରାୟ 2 କୋଟି 40 ଲକ୍ଷ ଟଙ୍କା ନେଇ ଫେରାର ହୋଇଥିଲା। ଓମ ପ୍ରକାଶ । ଲୋକଙ୍କ ଫୋନ ଆଉ ନ ଉଠେଇବାରୁ ଲୋକମାନେ ଜାଣି ଥିଲେ କି ଓମ ସେମାନଙ୍କୁ ଠକି ଫେରାର ହୋଇଯାଇଛି। ଏନେଇ ସେମାନେ ଗତ କାଲି ଖଣ୍ଡଗିରି ଥାନାରେ ଅଭିଯୋଗ କରିଛନ୍ତି ।

Tokyo Olympics 2020: ଅଲମ୍ପିକ୍ସକୁ ଅଭିଶାପ, ପ୍ରତି ୪୦ ବର୍ଷରେ ଲାଗେ ଗ୍ରହଣ

ଖେଳର ମହାକୁମ୍ଭ ‘ଅଲମ୍ପିକ୍ସ’ ଚଳିତ ବର୍ଷ ଆୟୋଜିତ ହେଉଛି। ଗତ ବର୍ଷ କରୋନା ସଂକ୍ରମଣ ଯୋଗୁଁ ଟୋକିଓ ଅଲମ୍ପିକ୍ସ ସ୍ଥଗିତ ରହିଥିଲା। ଅନେକ ସମୟରେ ଅଲମ୍ପିକ୍ସର ଆୟୋଜନ ନେଇ କିଛିଟା ସମସ୍ୟା ଉପୁଜିଥାଏ । ବେଳେ ବେଳେ ଆୟୋଜକ ଦେଶ ଏହାକୁ ସ୍ଥଗିତ କରିବାକୁ ମଧ୍ୟ ବାଧ୍ୟ ହୋଇଥାନ୍ତି । ତେବେ ସେ ଯାହା ହେଉନା କାହିଁକି, କୁହାଯାଏ ଅଲମ୍ପିକ୍ସ ଉପରେ ଏକ ଅଭିଶାପ ରହିଛି ।

ଯେଉଁଥିପାଇଁ ପ୍ରତ୍ୟେକ ୪ ଦଶନ୍ଧୀରେ ଥରେ ଏହାର ଆୟୋଜନ ନେଇ ସମସ୍ୟା ଉପୁଜିଥାଏ । ଏନେଇ ଜାପାନର ଉପ-ପ୍ରଧାନ ମନ୍ତ୍ରୀ ତାରୋ ଆସୋଙ୍କ ଏକ ବୟାନ ଚର୍ଚ୍ଚାରେ ରହିଥିଲା । ସେ ଗତ ବର୍ଷ କହିଥିଲେ ଯେ ‘‘ଅଲମ୍ପିକ୍ ୨୦୨୦ ଅଭିଶପ୍ତ ବୋଲି । ଏହା ପୂର୍ବରୁ ୧୯୪୦ ଓ ୧୯୮୦ରେ ମଧ୍ୟ ଅଲମ୍ପିକରେ ସମସ୍ୟା ଦେଖାଦେଇଥିଲା । ଏଭଳି ସମସ୍ୟା ପ୍ରତି ୪୦ ବର୍ଷରେ ହେଉଛି । ଯାହା ଏକ ସତ୍ୟ‘‘।

ତେବେ ଆସନ୍ତୁ ଜାଣିବା ଜାପାନର ମନ୍ତ୍ରୀ ଏଭଳି କାହିଁକି କହିଥିଲେ । ତାଙ୍କ ବୟାନ ପଛର କାରଣ କଣ? ବାସ୍ତବରେ, ପ୍ରତି ୪୦ ବର୍ଷ ପରେ ଅଲମ୍ପିକ୍ସରେ ଗ୍ରହଣ ଲାଗିଥାଏ କିମ୍ବା ଏହା କେବଳ ଏକ ସଂଯୋଗ ମାତ୍ର

ଟୋକିଓ ଅଲମ୍ପିକ୍ସ ୧୯୪୦-

୧୯୪୦ ମସିହାରେ ଟୋକିଓରେ ଅନୁଷ୍ଠିତ ହୋଇଥାନ୍ତା ଅଲମ୍ପିକ୍ସ ଏବଂ ଏହାକୁ ନେଇ ଜାପାନ ପକ୍ଷରୁ ପ୍ରସ୍ତୁତି ମଧ୍ୟ କରାଯାଇଥିଲା । ୧୯୩୨ ମସିହାରେ ଜାପାନକୁ ଏହି ମହାକୁମ୍ଭ ଆୟୋଜନ କରିବାର ଦାୟିତ୍ୱ ଦିଆଯାଇଥିଲା । ସେପ୍ଟେମ୍ବର ୨୧ରୁ ଅକ୍ଟୋବର ୬ ତାରିଖ ମଧ୍ୟରେ ଏହା ଅନୁଷ୍ଠିତ ହେବାକୁ ଥିଲା । ଟୁର୍ନାମେଣ୍ଟର ଠିକ୍ ଗୋଟିଏ ବର୍ଷ ପୂର୍ବରୁ ୧୯୩୯ ମସିହାରେ  ଦ୍ୱିତୀୟ ବିଶ୍ୱ ଯୁଦ୍ଧ ଆରମ୍ଭ ହୋଇଥିଲା । ଯାହା ୧୯୪୫ ମସିହା ପର୍ଯ୍ୟନ୍ତ ଚାଲିଥିଲା । ଯେଉଁଥିପାଇଁ ଟୋକିଓ ଅଲମ୍ପିକ୍ସକୁ ବାତିଲ କରିବାକୁ ପଡିଥିଲା|

ମସ୍କୋ ଅଲମ୍ପିକ୍ସ ୧୯୮୦-

୧୯୮୦ରେ ପ୍ରଥମ ଥର ଲାଗି ୟୁରୋପକୁ ଅଲମ୍ପିକ୍ ଗେମ୍ସ ଆୟୋଜନ କରିବାର ଦାୟିତ୍ୱ ଦିଆଯାଇଥିଲା| ହେଲେ ଋଷ ଏହି ଅଲମ୍ପିକ୍ସ ଆୟୋଜନ କରିଥିଲା ବେଳେ ବଡବଡ ଦେଶ ଏଥିରେ ଅଂଶଗ୍ରହଣ କରିନଥିଲେ । ସମସ୍ତେ ଏହାର ବହିଷ୍କାର  କରିଥିଲେ। ୧୯୫୬ ଅଲମ୍ପିକ୍ ଗେମ୍ସ ପରେ ଏହା ପ୍ରଥମ ଘଟଣା, ଯେଉଁଥିରେ ଖୁବ୍ କମ୍ ଦେଶ ଅଂଶଗ୍ରହଣ କରିଥିଲେ |  ଏପରିକି ଆମେରିକା ସମେତ ୬୬ଟି ଦେଶ ଏହାର ବହିଷ୍କାର କରିବା ସହ ଏଥିରେ ଅଂଶଗ୍ରହଣ କରିନଥିଲେ।

ଟୋକିଓ ଅଲମ୍ପିକ୍ସ ୨୦୨୦-

ପ୍ରତ୍ୟେକ ୪୦ ବର୍ଷ ପରେ ଆୟୋଜିତ ହେଉଥିବା ଅଲମ୍ପିକ୍ସ କିଛି ନା କିଛି କାରଣରୁ ସମସ୍ୟାରେ ପଡିଥାଏ । ପ୍ରଥମ ଦୁଇଟି ଅଲମ୍ପିକ୍ସ ମଧ୍ୟରୁ ଗୋଟିଏକୁ ବାତିଲ୍ କରିବାକୁ ପଡିଥିବା ବେଳେ ଦ୍ୱିତୀୟଟିକୁ ବଡବଡ ଦେଶ ବହିଷ୍କାର କରିଥିଲେ। ସେହିପରି କରୋନା ସଂକ୍ରମଣ ଯୋଗୁଁ ଗତ ବର୍ଷ ଟୋକିଓ ଅଲମ୍ପିକ୍ସ ୨୦୨୦କୁ ସ୍ଥଗିତ ରଖାଯାଇଥିଲା । ଯାହା ଚଳିତ ବର୍ଷ ଜୁଲାଇ ୨୩ରୁ ଆରମ୍ଭ ହେବାକୁ ଯାଉଛି ।

 

ରାଜ୍ୟର ୫ ଜିଲ୍ଲାର ୨୭ ବ୍ଳକ୍‌ରେ ଗଜା ମରୁଡ଼ି ଆଶଙ୍କା

ଭୁବନେଶ୍ୱର: ରାଜ୍ୟରେ ଚଳିତବର୍ଷ ଗଜା ମରୁଡ଼ି ଆଶଙ୍କା । କମ ବର୍ଷା କାରଣରୁ ସୃଷ୍ଟି ହୋଇପାରେ ମରୁଡ଼ି ପରିସ୍ଥିତି । ଏଭଳି ଆଶଙ୍କା ପ୍ରକାଶ କରିଛନ୍ତି କୃଷି ମନ୍ତ୍ରୀ ଅରୁଣ ସାହୁ । ରାଜ୍ୟର ୫ଟି ଜିଲ୍ଲାର ୨୭ ବ୍ଲକରେ ଗଜାମରୁଡ଼ି ଆଶଙ୍କା ଦେଖାଦେଇଛି । କେନ୍ଦୁଝର, ଗଜପତି, ଅନଗୁଳ, ଭଦ୍ରକ ଓ ବୌଦ୍ଧ ଜିଲ୍ଲାରେ ମରୁଡି ଆଶଙ୍କା ରହିଛି । ତେବେ ଆଗକୁ ବର୍ଷା ହେଲେ ପରିସ୍ଥିତି ସୁଧୁରିବାର ଆଶା ରହିଛି । ଅନ୍ୟପଟେ ଆସନ୍ତା ଖରିଫ ଋତୁ ପାଇଁ କୃଷି ଓ ସମବାୟ ବିଭାଗର ସମନ୍ୱୟ ବୈଠକ ଶେଷ ହୋଇଛି । ବୈଠକରେ କୃଷି ବୀମା, ପଞ୍ଜିକରଣ, ଆୟ ବୃଦ୍ଧି, ପ୍ରସଙ୍ଗରେ ଆଲୋଚନା ହୋଇଛି । ଆଜିଠୁ ଖରିଫ ଋତୁର ଧାନ କିଣା ପାଇଁ ପଞ୍ଜିକରଣ ଆରମ୍ଭ ହୋଇଛି । ଏଥର ଚାଷୀଙ୍କର ପଞ୍ଜିକରଣ ନବୀକରଣ ନହୋଇ ପୁଣି ଥରେ ପଞ୍ଜିକରଣ କରାଯାଉଛି । ତାଲିକାରେ ଅନେକ ଭୂତ ଚାଷୀ ଥିବାରୁ ଏଭଳି ପଦକ୍ଷେପ ନିଆଯାଇଛି । ଏଥିପାଇଁ ପାଞ୍ଚୋଟି ବିଭାଗ ଗ୍ରାଉଣ୍ଡରେ କାମ କରୁଛି । ବର୍ତ୍ତମାନ ସୁଦ୍ଧା ଚାଷୀଙ୍କୁ ୫ ହଜାର ୮୦୦ କୋଟି ଟଙ୍କାର ଋଣ ପ୍ରଦାନ କରାଯାଇଛି ।

ଏଥିସହିତ ପଢ଼ନ୍ତୁ: ରାଉରକେଲାରେ ସେକ୍ସ ରାକେଟ ଘଟଣା; ହୋଟେଲ୍ ମାଲିକ ସମେତ ୫ ଗିରଫ

 

 

କାଲିଠୁ ସାରା ରାଜ୍ୟରେ ଖୋଲିବ ସ୍ପା, ବିୟୁଟି ପାର୍ଲର ଓ ଜିମ୍

ଭୁବନେଶ୍ୱର : ରାଜ୍ୟର କରୋନା ସ୍ଥିତିକୁ ଅନୁଧ୍ୟାନ କରି ଆଂଶିକ କଟକଣାକୁ ବୃଦ୍ଧି କରିଛନ୍ତି ରାଜ୍ୟ ସରକାର ।  ଅଗଷ୍ଟ ୧ ତାରିଖ ସକାଳ ୬ ଟା ଯାଏଁ ଆଂଶିକ ଲକ୍‌ଡାଉନ୍‌କୁ ବୃଦ୍ଧି କରିଛନ୍ତି ରାଜ୍ୟ ସରକାର । ଏ ନେଇ ସାମ୍ୱାଦିକ ସମ୍ମିଳନୀରେ ସୂଚନା ଦେଇଛନ୍ତି ମୁଖ୍ୟ ଶାସନ ସଚିବ ସୁରେଶ ମହାପାତ୍ର ।  ଏ କାଟାଗୋରୀ ଜିଲ୍ଲାରେ ସକାଳ ୬ରୁ ରାତି ୮ ଯାଏଁ ଦୋକାନ ଖୋଲା ରହିବ । ବି କାଟାଗୋରୀ ଜିଲ୍ଲାରେ ସକାଳ ୬ରୁ ସନ୍ଧ୍ୟା ୫ ଯାଏଁ ଖୋଲିବ ଦୋକାନ ବଜାର । ବି କାଟାଗୋରୀ ଜିଲ୍ଲାରେ ସପ୍ତାହାନ୍ତ ସଟ୍‌ଡାଉନ୍  ଜାରି ରହିବ ଏବଂ ନାଇଟ କର୍ଫ୍ୟୁ ମଧ୍ୟ ବଳବତ୍ତର ରହିବ । ଅପରପକ୍ଷରେ ଲୋକଙ୍କ ସୁବିଧା ନେଇ ଆଉ ଏକ ବଡ଼ ନିଷ୍ପତ୍ତି ନେଇଛନ୍ତି ରାଜ୍ୟ ସରକାର ।

ଆସନ୍ତାକାଲି ଠାରୁ ରାଜ୍ୟଣ ସମସ୍ତ ଜିଲ୍ଲାରେ ବିୟୁଟି ପାର୍ଲର, ସ୍ପା ଓ ଜିମ୍ ଖୋଲିବ । ସାରା ରାଜ୍ୟରେ ଯାତ୍ରୀ ବାହୀ ବସ୍, ଅଟୋ ଚଳାଚଳ କରିବ । ସୀମିତ ସଂଖ୍ୟକୁ ଯାତ୍ରୀଙ୍କୁ ଯାତ୍ରା କରିପାରିବେ ବସ୍ । ଅନ୍ୟ ପାସେଞ୍ଜର ଗାଡ଼ିରେ ଡ୍ରାଇଭର ବ୍ୟତୀତ ୨ ଜଣ ଯାତ୍ରା କରିପାରିବେ । ପୁରୀ ଜିଲ୍ଲାରେ ୨୫ ଜୁଲାଇ ଯାଏଁ  ବସ୍ ଚଳାଚଳ ବନ୍ଦ । ଆଉଟଡୋର ଫିଲ୍ମ ସୁଟିଂକୁ ସମଗ୍ର ରାଜ୍ୟରେ ଅନୁମତି । ତେବେ ବର୍ତ୍ତମାନ ରାଜ୍ୟରେ ପଜିଟିଭି ହାର ୩ ପ୍ରତିଶତକୁ ଖସିଛି । ରାଜ୍ୟରେ ମୋଟ ଚିହ୍ନଟ ହେଉଥିବା କରୋନା ସଂକ୍ରମିତଙ୍କ ମଧ୍ୟରୁ ୭୦ରୁ ୮୦ ପ୍ରତିଶତ B କାଟାଗୋରୀ ଜିଲ୍ଲାରୁ ଚିହ୍ନଟ ହୋଇଛନ୍ତି । ଏବଂ ରାଜ୍ୟର ମୋଟ ସଂକ୍ରମିତଙ୍କ ମଧ୍ୟରୁ ପାଖାପାଖି ୪୦ ପ୍ରତିଶତ କଟକ ଓ ଖୋର୍ଦ୍ଧା ଜିଲ୍ଲାରୁ ଚିହ୍ନଟ ହୋଇଛନ୍ତି । ତେବେ ପୂର୍ବରୁ ବାହାଘର ନେଇ ଜାରି ପୂର୍ବ କଟକଣା ବଳବତ୍ତର ରହିବ । ସ୍କୁଲ ଓ କୋଚିଂ ସେଣ୍ଟର ପୂର୍ବ ଭଳି ବନ୍ଦ ରହିବ ।

 

ସରକାରଙ୍କ ରିପୋର୍ଟ ଅନୁସାରେ ଆଜି ୩୦ ଜିଲ୍ଲାରୁ କେବଳ ଦୁଇ ଜିଲ୍ଲା ଖୋର୍ଦ୍ଧା ଏବଂ କଟକ ରେଡ ଜୋନରେ ଅଛନ୍ତି । ସେହିଭଳି ପଜିଟିଭ୍ ହାର ତାଲିକାରେ ୪ ଜିଲ୍ଲା ୟେଲୋଜୋନରେ ଅଛନ୍ତି । ସେ ଗୁଡିକ ହେଲା ପୁରୀ, ଜଗତସିଂହପୁର, ନୟାଗଡ, କଟକ । ଏହି ୪ଟି ଜିଲ୍ଲାରେ ସଂକ୍ରମଣ ହାର ୫ ପ୍ରତିଶତ ଉପରେ ରହିଛି । ବାକି ୨୬ ଜିଲ୍ଲାରେ ସଂକ୍ରମଣ ହାର ୫ ପ୍ରତିଶତ ତଳେ ରହିଛି । ତେଣୁ ଉପକୂଳର ଏହି ଜିଲ୍ଲା ମାନଙ୍କରେ କଟକଣା କଠୋର ହେବ ନା କୋହଳ ହେବ ସେନେଇ ନିଷ୍ପତ୍ତି ନେବେ ସରକାର ।

ପୁରୀରେ ୭.୦, ନୟାଗଡରେ ୬.୨, କଟକରେ ୫.୫ ଓ ଜଗତସିଂହପୁରରେ ୫.୬ ରହିଛି ସଂକ୍ରମଣ ହାର । ସେହିଭଳି ମୟୂରଭଞ୍ଜ…4.9, ଭଦ୍ରକ…୪.୯, କେନ୍ଦ୍ରାପଡା…୪.୪, ଖୋର୍ଦ୍ଧା…୪.୨ ମାଲକାନଗିରି…୪.୧ ଢେଙ୍କାନାଳ …୩.୫ ବାଲେଶ୍ବର…3.4, ଯାଜପୁର…୩.୪ ସୁନ୍ଦରଗଡ ୨.୭, କେନ୍ଦୁଝର…୨.୧ ରହିଛି ସଂକ୍ରମଣ ହାର । ଅନୁଗୁଳରେ…2.5, ରାୟଗଡା…2.0, ବରଗଡରେ 1.09, ବୌଦ୍ଧ…1.2 କନ୍ଧମାଳ…1.2, ସମ୍ବଲପୁରରେ 1.0, ବଲାଙ୍ଗୀର ..0.9, କୋରାପୁଟ…0.7, ଦେବଗଡରେ 0.6 ନବରଙ୍ଗପୁର…0.6, ନୂଆପଡା…0.5, ସୁବର୍ଣ୍ଣପୁରରେ 0.4, ଗଜପତି…୦.୩, କଳାହାଣ୍ଡି…0.3, ଝାରସୁଗୁଡା 0.2 ଗଞ୍ଜାମ…0.2 ସଂକ୍ରମଣ ହାର ରହିଛି ।

Tokyo 2020: ଅଲମ୍ପିକ୍ ଗେମରେ ଭାରତରୁ ରହିଛନ୍ତି ୧୧୯ ଖେଳାଳି…

ନୂଆଦିଲ୍ଲୀ: କରୋନା ସଂକ୍ରମଣ ଲାଗି ଗତ ବର୍ଷ ସ୍ଥଗିତ ଥିବା ଟୋକିଓ ୨୦୨୦ ଅଲିମ୍ପିକ୍ ଗେମ୍ସ, ଚଳିତ ବର୍ଷ ଜୁଲାଇ ୨୩ରେ ଜାପାନରେ ଅନୁଷ୍ଠିତ ହେବାକୁ ଯାଉଛି । ଯେଉଁଥିରେ ଭାରତରୁ ୧୧୯ ଆଥଲେଟଙ୍କ ସହ ରହିବେ ଆଉ କିଛି ପ୍ରତିନିଧି ଦଳ ।

ଟୋକିଓ ଅଲିମ୍ପିକ୍ସକୁ ଭାରତ ୨୨୮ ଜଣ  ପ୍ରତିଭାଶାଳୀ କଣ୍ଟିଜେଣ୍ଟ ପଠାଇବ ବୋଲି ଭାରତୀୟ ଅଲିମ୍ପିକ ଆସୋସିଏସନ ସଭାପତି ନରିନ୍ଦର ବତ୍ରା ମଙ୍ଗଳବାର ଦିନ କହିଛନ୍ତି। ୧୧୯ ଜଣ ଆଥଲେଟଙ୍କ ମଧ୍ୟରେ ୬୭ ଜଣ ପୁରୁଷ ଏବଂ ୫୨ ଜଣ ମହିଳା ଅଂଶଗ୍ରହଣକାରୀ ରହିଛନ୍ତି ।

ଏଥିଧ୍ୟରେ ସବୁଠାରୁ ବୟସ୍କ ୪୫ ବର୍ଷିୟ ମୀରଜ ଅହମ୍ମଦ ଖାନ ରହିଥିବା ବେଳେ ତେଜସ୍ୱିନୀ ସାୱନ୍ତ ଏବଂ ସଞ୍ଜୀବ ରାଜପୁତ (୪୦) ବର୍ଷୀୟ ଅନ୍ୟ ଦୁଇଜଣ ଆଥଲେଟ୍ ରହିଛନ୍ତି। ୩୯ ବର୍ଷୀୟ ଅଚାନ୍ତ ଶରଥ କମଲ ଏବଂ ଜଣେ ୧୮ ବର୍ଷୀୟ ଦିବ୍ୟାଂଶ ସିଂ ପାନୱାର ଏହି ୧୧୯ ଖେଳାଳି ତାଲିକାରେ ରହିଛନ୍ତି ।

ତେବେ ପ୍ରଥମ ଦିନ ଆର୍ଚେରୀ କ୍ୱାଲିଫିକେସନ୍ ରାଉଣ୍ଡ ସହ ଭାରତର ଅଭିଯାନ ଆରମ୍ଭ ହେବ । ସନ୍ଧ୍ୟାରେ ଉଦଘାଟନୀ ସମାରୋହରେ ମେରି କୋମ ଏବଂ ମନପ୍ରୀତ ସିଂ ଭାରତ ପାଇଁ ପତାକା ଧରିବେ।

ଜାଣନ୍ତୁ କେଉଁ ବିଭାଗରୁ କେତେ ଖେଳାଳି ରହିଛନ୍ତି…

 ବ୍ୟାଡମିଣ୍ଟନ୍-