ବାଲେଶ୍ୱର: ରାଜ୍ୟରେ ଚାଲିଛି ଲକ୍‌ଡାଉନ କଟକଣା। ପୋଲିସ ମଧ୍ୟ ଲକ୍‌ଡାଉନ୍‌ରେ ସତର୍କ ରହିଛି। ଗଳି ଗଳିରେ ତାର ପାଟ୍ରୋଲିଂ ଜାରି ରଖିଛି। କିନ୍ତୁ ରାତି ହେଲେ ଜାଗି ଉଠୁଛନ୍ତି ଅପରାଧି। ରାତିରେ ଅନ୍ଧାର ବଢ଼ିବା ସହ ବଢ଼ି ଚାଲିଛି ଅପରାଧର କଳା ସାମ୍ରାଯ୍ୟ। ଲକଡାଉନରେ ରାତିରେ ଧଳାଜହର ଧନ୍ଦା ଅଧିକି ସକ୍ରିୟ ହେଉଛି।

ବାଲେଶ୍ୱର ଜିଲ୍ଲାରେ ବାରମ୍ବାର ବଢ଼ିବାରେ ଲାଗିଛି ଧଳା ଜହରର କାରବାର। ଜଳେଶ୍ୱରରେ କ୍ରାଇମବ୍ରାଞ୍ଚ STF  ଚଢ଼ାଉ କରି ୨କେଜିରୁ ଅଧିକ ବ୍ରାଉନସୁଗର ଜବତ କରାଯାଇଛି। ମାମଲାରେ ୩ ଜଣକୁ ଗିରଫ କରି ପଚରାଉଚରା କରୁଛି ଏସ୍‌ଟିଏଫ୍‌। ଜବତ ବ୍ରାଉନସୁଗର ଆନୁମାନିକ ମୁଲ୍ୟ ୨ କୋଟି ଟଙ୍କା ହେବ। ବ୍ରାଉନସୁଗର ବିକିବାକୁ ଜଗିଥିବା ବେଳେ ଗ୍ରାହକ ବେଶରେ ମାଡି ବସିଥିଲା ଏସଟିଏଫ  ।…

ଭୁବନେଶ୍ୱର: ଆଜି ଖୋଲିବ ଗ୍ଲୋବାଲ ଟେଣ୍ଡର। ରାଜ୍ୟ ସରକାର ବିଭିନ୍ନ ବିଦେଶୀ କମ୍ପାନୀଠାରୁ ୩କୋଟି ୮୦ ଲକ୍ଷ କରୋନା ଟିକା କିଣିବେ। ଏହି ଟେଣ୍ଡର ପ୍ରକ୍ରିୟାକୁ ରାଜ୍ୟ ସରକାର ସରଳୀକରଣ କରିଥିବାରୁ ଏଣିକି ଫାଇଜର, ମଡର୍ଣ୍ଣା ଭଳି କମ୍ପାନୀ ଭାଗ ନେଇପାରିବେ। ଟିକା ଅଭାବ ଦୂର ପାଇଁ ସବୁ ଆଡ଼ୁ ଚେଷ୍ଟା କରାଯାଉଛି। ଗ୍ଲୋବାଲ ଟେଣ୍ଡରର ଅର୍ଥ ନୁହେଁ ଯେ କିଏ ପାଇବେ ବୋଲି ଗ୍ୟାରେଣ୍ଟି ରହିଛି। ମାତ୍ର ଅନ୍ୟ ସୂତ୍ରରୁ ପାଇବା ନେଇ ଉଦ୍ୟମ କରାଯାଉଥିବା ଡିଏମଇଟି ନିର୍ଦ୍ଦେଶକ ଡାକ୍ତର ସିବିକେ ମହାନ୍ତି କହିଛନ୍ତି।

ସେ କହିଛନ୍ତି, ବିଦେଶରୁ ଟିକା ଆଣିବା କ୍ଷେତ୍ରରେ ପୂର୍ବରୁ ଅନେକ କଟକଣା ଥିଲା। ସେଥିପାଇଁ ରାଜ୍ୟକୁ ସୁଫଳ ମିଳିନଥିଲା। ଗତ ଦୁଇ ତିନି ଦିନ ମଧ୍ୟରେ କଟକଣା ବହୁତ କୋହଳ ହୋଇଛି। ବର୍ତ୍ତମାନ କୁହାଯାଇ ପାରିବନି ଗ୍ଲୋବାଲ ଟେଣ୍ଡରକୁ ନେଇ କ’ଣ କରାଯିବ। ବର୍ତ୍ତମାନ ଦିଆଯାଇଥିବା ନୂଆ ତାରିଖ ବିଫଳ ହେଲେ ତାକୁ ରି-ଟେଣ୍ଡର କରାଯିବ କି ଘୁଞ୍ଚାଯିବ ସେ ନିଷ୍ପତ୍ତି ସରକାର ନେବେ ବୋଲି ଡିଏମଇଟି ନିର୍ଦ୍ଦେଶକ କହିଛନ୍ତି।