spot_img
Home Blog Page 5561

ମୌସୁମୀ ଅଧିବେଶନରେ ରାଜ୍ୟର ସ୍ୱାର୍ଥ ସମ୍ପର୍କିତ ପ୍ରସଙ୍ଗ ଉଠାଇବ ବିଜେଡି

ନୂଆଦିଲ୍ଲୀ: ସୋମବାର ଠାରୁ ସଂସଦର ମୌସୁମୀ ଅଧିବେଶନ ଆରମ୍ଭ ହେବ । ମୌସୁମୀ ଅଧିବେଶନରେ ରାଜ୍ୟର ସ୍ୱାର୍ଥ ସମ୍ପର୍କିତ ପ୍ରସଙ୍ଗ ଉଠାଇବେ ବିଜେଡି ସାଂସଦ । ସଂସଦର ଆଲୋଚନାରେ ଦରଦାମ ବୃଦ୍ଧି ପ୍ରସଙ୍ଗରେ ସ୍ୱତନ୍ତ୍ର ଆଲୋଚନା କରିବାକୁ ବିଜେଡି ପକ୍ଷରୁ ସରକାରଙ୍କୁ ପ୍ରସ୍ତାବ ଦିଆଯାଇଛି ।

BJD To Raise State Benefit Matters In Monsoon Session Of Parliament

ମହିଳା ସଂରକ୍ଷଣ ବିଲ୍ ଚଳିତ ମୌସୁମୀ ଅଧିବେଶନରେ ପାସ୍ କରିବାକୁ ସର୍ବଦଳୀୟ ବୈଠକରେ ବିଜେଡି ସାଂସଦମାନେ ସବୁ ରାଜନୀତିକ ଦଳକୁ ଅପିଲ କରିଛନ୍ତି । ବିଧାନ ପରିଷଦ ବିଲ୍ ପ୍ରସଙ୍ଗ ଉଭୟ ଗୃହରେ ଉଠାଇବ ବିଜେଡି । ଆଞ୍ଚଳିକ ଦଳର ସାଂସଦମାନଙ୍କୁ ନିଜ ରାଜ୍ୟର ସ୍ୱାର୍ଥ ସହ ଜଡ଼ିତ ବିଭିନ୍ନ ପ୍ରସଙ୍ଗର ଆଲୋଚନା ପାଇଁ ଅଧିକ ସମୟ ଦେବାକୁ ବିଜେଡି ସାଂସଦ ପ୍ରସନ୍ନ ଆଚାର୍ଯ୍ୟ ରାଜ୍ୟସଭା ଅଧ୍ୟକ୍ଷଙ୍କ ନିକଟରେ ଦାବି କରିଛନ୍ତି ।

ଏଥିସହ ପଢ଼ନ୍ତୁ: ସଂସଦର ମୌସୁମୀ ଅଧିବେଶନ ପୂର୍ବରୁ ସର୍ବଦଳୀୟ ବୈଠକରେ ସରକାରଙ୍କୁ ଘେରିଲେ ବିରୋଧୀ

ସଂସଦର ମୌସୁମୀ ଅଧିବେଶନ ପୂର୍ବରୁ ସର୍ବଦଳୀୟ ବୈଠକରେ ସରକାରଙ୍କୁ ଘେରିଲେ ବିରୋଧୀ

ନୂଆଦିଲ୍ଲୀ: ଆସନ୍ତାକାଲି ସୋମବାର ଠାରୁ ଆରମ୍ଭ ହେବ ସଂସଦର ମୌସୁମୀ ଅଧିବେଶନ । ତା’ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ସର୍ବଦଳୀୟ ବୈଠକ ଡାକିଥିଲେ । ଯେଉଁଥିରେ ବିଭିନ୍ନ ଆଇନ୍ ଓ ଦରବୃଦ୍ଧିକୁ ନେଇ ବିରୋଧୀ ସରକାରଙ୍କୁ ଘେରିଛନ୍ତି । ପ୍ରଧାନମନ୍ତ୍ରୀ ମୋଦି କହିଛନ୍ତି, ସରକାର ସଂସଦରେ ବିଭିନ୍ନ ପ୍ରସଙ୍ଗରେ ଆଲୋଚନା ପାଇଁ ପ୍ରସ୍ତୁତ ଅଛନ୍ତି ।

ବୈଠକରେ ସଂସଦୀୟ କାର୍ଯ୍ୟ ମନ୍ତ୍ରୀ ପ୍ରହହ୍ଲାଦ ଯୋଶୀ ସମେତ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ, ଅର୍ଜୁନ ରାମ ମେଘୱାଲ, ବି. ମୁରଲୀଧରନ ଓ ରାଜ୍ୟସଭା ଗୃହର ନେତା ପୀୟୁଷ ଗୋଏଲ ଉପସ୍ଥିତ ଥିଲେ । ବୈଠକରେ ଅନ୍ୟ ନେତାଙ୍କ ସହ କଂଗ୍ରେସ ପକ୍ଷରୁ ଅଧୀର ରଞ୍ଜନ ଚୌଧୁରୀ ଏବଂ ମଲ୍ଲିକାର୍ଜୁନ ଖଡ଼ଗେ, ଟିଏମସିରୁ ଡେରେକ ଓ ବ୍ରାୟନ ଓ ସୁଦୀପ ବନ୍ଦୋପାଧ୍ୟାୟ, ଡିଏମକେରୁ ତିରୁଚି ଶିବା ଓ ଟିଆର୍ ବାଲୁ, ବିଜେଡିରୁ ପିନାକୀ ମିଶ୍ର ଓ ପ୍ରସନ୍ନ ଆଚାର୍ଯ୍ୟ ଉପସ୍ଥିତ ଥିଲେ ।

All Party Meet Opposition Target Govt On Farm Laws Price Rise

ବୈଠକରେ ବିପକ୍ଷ ଦଳ କୃଷି ବିଲ୍, ଦରଦାମ ବୃଦ୍ଧି ଆଦି ପ୍ରସଙ୍ଗ ଉଠାଇଥିଲେ । ବିଶେଷକରି ପେଟ୍ରୋଲ ଓ ଡିଜେଲ ଦାମ ସହ NEETରେ ଓବିସିଙ୍କୁ ସରକ୍ଷଣ ଦେବାକୁ ଦାବି କରିଥିଲେ । ଚଳିତ ଅଧିବେଶନରେ ଗୃହରେ ମୋଟ ୨୯ଟି ବିଧେୟକ ଆସିବ ବୋଲି ସରକାର ବିରୋଧୀ ଦଳଙ୍କୁ ଅବଗତ କରାଇଛନ୍ତି ।

ପ୍ରଧାନମନ୍ତ୍ରୀ ମୋଦି କହିଛନ୍ତି, ସମସ୍ତ ପରାମର୍ଶକୁ ଗ୍ରହଣ କରାଯିବ ଏବଂ ସରକାର ସବୁ ପ୍ରସଙ୍ଗରେ ଆଲୋଚନା କରିବେ । ଏଥିସହ ଗୃହ ଠିକ୍ ଭାବେ ଶାନ୍ତି ଶୃଙ୍ଖଳାର ସହ ଚଳାଇବାକୁ ପ୍ରଧାନମନ୍ତ୍ରୀ ସମସ୍ତଙ୍କୁ ଅପିଲ୍ କରିଛନ୍ତି । ଶିରୋମଣି ଅକାଳୀ ଦଳ ତିନିକୃଷି ବିଲକୁ ପ୍ରତ୍ୟାହାର ଦାବି କରିଛନ୍ତି । ଦଳର ସାଂସଦ ହରସିମରତ କୌର ଗୃହରେ ମୁଲତବି ପ୍ରସ୍ତାବ ଦେଇଛନ୍ତି । ଯାହାକୁ ସମସ୍ତ ବିରୋଧୀ ଦଳ ସମର୍ଥନ ଜଣାଇଛନ୍ତି ।

ଅଚାନକ ଫାଟିଲା ଭୂଇଁ, କିଛି ସେକେଣ୍ଡରେ ପୋତି ହୋଇଗଲେ ଯୁବକ

ରାଞ୍ଚି: ରବିବାର ସକାଳେ ଝାଡ଼ଖଣ୍ଡ ଜିଲ୍ଲାରେ ଏକ ଭୟାନକ ଘଟଣା ଘଟିଛି । ଶୌଚ ପାଇଁ ଯାଇଥିବା ଜଣେ ଯୁବ ହଠାତ୍ ମାଟି ଭିତରେ ଦବି ଯାଇଥିଲେ । ଯୁବକ ଜଣଙ୍କ ଭୂଇଁରେ ଫସିଯିବା ପରେ ଲୋକଙ୍କ ମଧ୍ୟରେ କୋକୁଆ ଭୟ ସୃଷ୍ଟି ହୋଇଥିଲା । କଣ ହେଉଛି ? କେହି କିଛି ବୁଝି ପାରିନଥିଲେ । ଏପରିକି ଘଟଣାସ୍ଥଳକୁ ଯିବାକୁ ଲୋକେ ସାହସ ବାନ୍ଧି ପାରି ନଥିଲେ ।

Young Man Got Buried Alive In The Earth Jharkhand

ଧନବାଦ ଜିଲ୍ଲାର କେନ୍ଦୁହାଡିହ ଥାନା ଅଞ୍ଚଳରେ ଏଭଳି ଆଶ୍ଚର୍ଯ୍ୟଜନକ ଘଟଣା ଘଟିଛି । ବିସିସିଏଲର ଆଉଟି ସୋର୍ସିଂ ପ୍ରକଳ୍ପ ନିକଟରେ ଯୁବକ ଜିଅନ୍ତା ଭୂଇଁରେ ଦବି ଯାଇଛନ୍ତି । ମିଳିଥିବା ସୂଚନା ଅନୁଯାୟୀ, ନିଖୋଜ ଯୁବକ ଉମେଶ ପାଶୱାନ ସକାଳେ ଶୌଚ ପାଇଁ ଯାଇଥିଲେ । ଅଚାନକ ବିସ୍ଫୋରଣ ହେବା ସହ ତାଙ୍କ ପାଦ ମାଟି ଭିତରକୁ ଖସି ଯାଇଥିଲା ।

Young Man Got Buried Alive In The Earth Jharkhand

ଉମେଶ କିଛି ବୁଝିବା ପୂର୍ବରୁ ମାଟି ଭିତରେ ପୋତି ହୋଇ ଯାଇଥିଲେ । ଆଉ ସେଠାରୁ ବାହାରୁଥିଲା ଖାଲି ଧୂଆଁ ଆଉ ଧୂଆଁ । କେହି କିଛି ବୁଝି ପାରିଲେନି, ପ୍ରକୃତରେ ହେଉଛି କଣ ? ସମସ୍ତେ ସ୍ତବ୍ଧ ହୋଇଯିବା ସହ ଘଟଣାସ୍ଥଳକୁ ଯିବାକୁ ସାହାସ ବାନ୍ଧି ପାରି ନଥିଲେ । ସେତିକିବେଳେ ସେହି ବାଟ ଦେଇ ଯାଉଥିବା ଉମେଶଙ୍କ ଭାଇ ଏସବୁ ଦେଖି ବେହୋସ୍ ହୋଇ ଯାଇଥିଲେ ।

Young Man Got Buried Alive In The Earth Jharkhand

ପରେ ଘଟଣା ସ୍ଥଳକୁ ଦୌଡ଼ି ଆସି ଭାଇକୁ ବଞ୍ଚାଇବାକୁ ପ୍ରୟାସ କରିଥିଲେ । ବହୁ ପ୍ରୟାସ ପରେ ସ୍ଥାନୀୟ ଲୋକଙ୍କ ସହାୟତାରେ ଉମେଶଙ୍କୁ ବହୁତ କଷ୍ଟରେ ଉଦ୍ଧାର କରାଯାଇଛି । ସେ ଗମ୍ଭୀର ଭାବେ ଆହତ ହୋଇଥିବା ବେଳେ ମେଡିକାଲରେ ଭର୍ତ୍ତି କରାଯାଇଛି । ଏହି ମାମଲାର ତଦନ୍ତ କରୁଛି ପୋଲିସ ।

ବିଲରେ ମୂଲ ଲାଗୁଛନ୍ତି ବାପ, ମାଆ; କେନ୍ଦ୍ରରେ ପୁଅ ରାଷ୍ଟ୍ରମନ୍ତ୍ରୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦୁଇ ସପ୍ତାହ ତଳେ କ୍ୟାବିନେଟ୍ ସମ୍ପ୍ରସାରଣ କରିଥିଲେ । ଏଥିରେ ୪୩ ଜଣ ମନ୍ତ୍ରୀ ଭାବେ ଶପଥ ନେଇଥିଲେ । ବିଜେପିର ତାମିଲନାଡ଼ୁ ୟୁନିଟ୍ ଅଧ୍ୟକ୍ଷ ଏଲ୍. ମୁରୁଗନଙ୍କୁ ରାଷ୍ଟ୍ରମନ୍ତ୍ରୀ କରାଯାଇଛି । ୪୪ ବର୍ଷିଅ ମୁରୁଗନ ଲମ୍ବା ସଂଘର୍ଷ ପରେ ଦିଲ୍ଲୀ ପହଞ୍ଚିଛନ୍ତି । ଏବେ ସବୁଠୁ ମୁରୁଗନଙ୍କ ମାତାପିତାଙ୍କୁ ନେଇ ଚର୍ଚ୍ଚା ହେଉଛି । ମୁରୁଗନଙ୍କ ମାତାପିତା ରାଜନୀତି ଠାରୁ ବହୁଦୂରରେ ତାମିଲନାଡ଼ୁର ଏକ ଗାଁରେ ଶ୍ରମିକ ଭାବେ କାମ କରନ୍ତି । ମୁରୁଗନଙ୍କ ସଫଳତାକୁ ନେଇ ତାଙ୍କ ପିତାମାତା ଗର୍ବ ତ କରନ୍ତି କିନ୍ତୁ ନିଜର ଜୀବନ ନେଇ ବଞ୍ଚିବାକୁ ଚାହାଁନ୍ତି । ସେହି ଜୀବନ ଯେଉଁଠୁ ସେମାନଙ୍କୁ ୨ ଓଳିର ଖାଇବା ମିଳେ ।

Tamilnadu Union Minister L Murugan Parents Works As Daily Labour In Village

ଦିଲ୍ଲୀରୁ ପ୍ରାୟ ଅଢ଼େଇ ହଜାର କିଲୋମିଟର ଦୂର ତାମିଲନାଡ଼ୁର ନମାକଲ୍ଲ ଜିଲ୍ଲାର କୋନ୍ନୁର ଗାଁରେ ମୁରୁଗନଙ୍କ ପିତାମାତା ରୁହନ୍ତି । ୫୯ ବର୍ଷିଅ ମାଆ ବରୁଦାମଲ୍ଲ ଏବଂ ୬୮ ବର୍ଷିଅ ପିତା ଏଲ୍.ଲଙ୍ଗାନଥନ ଅନ୍ୟ ଚାଷ ଜମିରେ ମୂଲିଆ ଭାବେ କାର୍ଯ୍ୟ କରନ୍ତି । ତେବେ ପୁଅ କେନ୍ଦ୍ରରେ ମନ୍ତ୍ରୀ ହୋଇଥିଲେ ବି ସଫଳତାର ଶ୍ରେୟ ନେଇ ନାହାଁନ୍ତି ବାପ, ମାଆ ।

Tamilnadu Union Minister L Murugan Parents Works As Daily Labour In Village

ଏଲ.ମୁରୁଗନ ଦଳିତ ପରିବାରରୁ ଆସିଥିବା ବେଳେ ଅରୁଣଥାତିୟାର ସମୁଦାୟର । ମାତାପିତାଙ୍କୁ ଯେବେ ଯେଉଁ କାମ ମିଳେ କରନ୍ତି । କେତେକବେଳେ ଜମିରେ ମୂଲିଆ ତ ଆଉ କେବେ କୁଲି କାମ । ଯେତେବେଳେ ପୁଅ କେନ୍ଦ୍ରମନ୍ତ୍ରୀ ହୋଇଥିବା ପଡ଼ୋଶୀ ଖବର ଦେଲେ ତ ମାତାପିତା ଜମିରେ ଖଟୁଥିଲେ ।

Tamilnadu Union Minister L Murugan Parents Works As Daily Labour In Village

ତେବେ କେମିତି ଥିଲା ମୁରୁଗନଙ୍କ ପିଲାଦନ । କେତେ ଦୁଃଖ କଷ୍ଟରେ ବାପାମାଆ ମୁରୁଗନଙ୍କୁ ପାଳିପୋଷି ବଡ଼ କରିଥିଲେ ସେନେଇ ତାଙ୍କ ବାପା କୁହନ୍ତି, ‘ମୁରୁଗନ ପିଲାଟି ଦିନରୁ ଭଲ ପାଠ ପଢ଼ୁଥିଲେ । ସେ ସରକାରୀ ବିଦ୍ୟାଳୟରେ ପାଠ ପଢ଼ିଛନ୍ତି । ପରେ ମୁରୁଗନ ଚେନ୍ନାଇର ଆମ୍ବେଦକର ଆଇନ୍ ମହାବିଦ୍ୟାଳୟରେ ପଢ଼ିଥିଲେ । ପୁଅର ପଢ଼ିବା ପାଇଁ ବାପା ସାଙ୍ଗସାଥୀଙ୍କ ଠୁ କରଜ ମଧ୍ୟ କରିଥିଲେ । ଆଉ ତାମିଲନାଡ଼ୁ ରାଜ୍ୟ ବିଜେପିର ସଭାପତି ହେବା ପରେ ବାପାମାଆଙ୍କୁ ଚେନ୍ନାଇରେ ମିଶି ରହିବା ପାଇଁ ନେଇଥିଲେ ମୁରୁଗନ । ହେଲେ କିଛିଦିନ ରହିବା ପରେ ଫେରି ଆସିଥିଲେ ବାପମାଆ ।’ ଏନେଇ ତାଙ୍କ ମାଆ କୁହନ୍ତି, ‘ଆମେ କେବେ କେବେ ୪ରୁ ୫ ଦିନ ପାଇଁ ଚେନ୍ନାଇ ଯାଉ । କିନ୍ତୁ ପୁଅର ବ୍ୟସ୍ତବହୁଳ ଜୀବନ ସହ ଚଳିବା ଆମ ପାଇଁ ସମ୍ଭବପର ନୁହେଁ । ତେଣୁକରି ଆମେ ପୁଣି ଥରେ ନିଜ ଭିଟ୍ଟାମାଟିକୁ ଫେରି ଆସିଥିଲୁ ।’ ତେବେ କେନ୍ଦ୍ରରେ ମନ୍ତ୍ରୀ ଭାବେ ଶପଥ ନେବା ପରେ ମୁରୁଗନ ନିଜ ପିତାମାତାଙ୍କୁ ଫୋନ୍ କରିଥିଲେ ।

ପୋଲିସ ଡିଜିଙ୍କ ଉପସ୍ଥିତିରେ ଆତ୍ମସମର୍ପଣ କଲେ ୩ ମାଓବାଦୀ

ଭୁବନେଶ୍ୱର: ତିନି ଜିଲ୍ଲା ଗସ୍ତରୁ ଫେରିବା ପରେ ପ୍ରତିକ୍ରିୟା ରଖିଛନ୍ତି ପୋଲିସ ଡିଜି ଅଭୟ । ଆଜି ୩ ଜଣ ମାଓବାଦୀ ଆତ୍ମସମର୍ପଣ କରିଥିବା ଡିଜିପି ସୂଚନା ଦେଇଛନ୍ତି । ୨ ଜଣ ଏରିଆ କମିଟି ମେମ୍ବର ଓ ଜଣେ ସଦସ୍ୟ ଆତ୍ମସମର୍ପଣ କରିଛନ୍ତି । ୨ ଏରିଆ କମିଟିଙ୍କ ପାଇଁ ୪ ଲକ୍ଷ ଟଙ୍କା ଲେଖାଏଁର ପୁରସ୍କାର ରାଶି ରହିଥିଲା । ଆତ୍ମସମର୍ପଣ କରିଥିବା ୩ ମାଓବାଦୀ ଓଡ଼ିଆ ।

 3 Maoist Surrendered In Presence Of DGP

ଜଣେ ନାରାୟଣପାଟଣା-ବୈପାରୀଗୁଡ଼ାର ହୋଇଥିବା ବେଳେ ଆଉ ଜଣେ ମାଲକାନଗିରିର ବୋଲି ଜଣାପଡ଼ିଛି । ଆତ୍ମସମର୍ପଣ କରିଥିବା ୩ ଜଣଙ୍କ ମଧ୍ୟରୁ ୨ ଜଣ ମହିଳା ବୋଲି କହିଛନ୍ତି ଡିଜିପି । ମାଓବାଦୀଙ୍କୁ ସମାଜର ମୁଖ୍ୟ ସ୍ରୋତରେ ସାମିଲ୍ ହେବାକୁ ଡିଜିପି ପୁଣି ଥରେ ଆହ୍ୱାନ ଦେଇଛନ୍ତି ।

 3 Maoist Surrendered In Presence Of DGP

କନ୍ଧମାଳ, କୋରାପୁଟ ଓ ମାଲକାନଗିରି ଗସ୍ତ ବେଳେ ଡିଜିପି ମାଓ ସହ ଅନ୍ୟ ସୁରକ୍ଷା ବ୍ୟବସ୍ଥାର ସମୀକ୍ଷା କରିଛନ୍ତି । କନ୍ଧମାଳ ଓ ରାଉରକେଲା ପୋଲିସ ଗଞ୍ଜେଇ ଜବତ ଦିଗରେ ଭଲ କାମ କରିଥିବା କହିଛନ୍ତି ଡିଜିପି ।

କାମାକ୍ଷାନଗରରେ ନକଲି ଅଣ୍ଡା, ଖାଦ୍ୟ ସୁରକ୍ଷା ଅଧିକାରୀ ତଦନ୍ତ ପାଇଁ ଲୋକଙ୍କ ଦାବି

କାମାକ୍ଷାନଗର: ବଜାରରେ ମିଳୁଛି ନକଲି ଅଣ୍ଡା । କାମକ୍ଷାନଗର ବଜାରରେ ପ୍ଲାଷ୍ଟିକ ଅଣ୍ଡା ମିଳୁଥିବା ନେଇ ଅଭିଯୋଗ କରିଛନ୍ତି ସ୍ଥାନୀୟ ବାସିନ୍ଦା । ଆଜି କାମାକ୍ଷାନଗର ଏନଏସି ସାନ ଇନ୍ଦିପୁରର ଦିନେଶ କୁମାର ବିଶ୍ୱାଳ ବଜାରରୁ ଘର ପାଇଁ ଅଣ୍ଡା କିଣିଥିଲେ । ଘରେ ପହଞ୍ଚି ଅଣ୍ଡା ଭାଜିବା ସମୟରେ ଅଣ୍ଡାରୁ ବାସ୍ନା ବାହାରି ନଥିଲା । କେଶର ନ ଫାଟିବାରୁ ତାଙ୍କ ମନରେ ସନ୍ଦେହ ହୋଇଥିଲା ।

Plastic Egg In Kamaskhya Nagar Market

ସନ୍ଦେହ ଦୂର କରିବା ପାଇଁ ସେ ଗୁଗୁଲରେ ପ୍ଲାଷ୍ଟିକ ଅଣ୍ଡା ବିଷୟରେ ସର୍ଚ୍ଚ କରିବାରୁ ସେ ଆଣିଥିବା ଅଣ୍ଡା ପ୍ଲାଷ୍ଟିକ ବୋଲି ଜାଣି ପାରିଥିଲେ । ତାଙ୍କ ପରି ପଡ଼ୋଶୀ ଭାଉଜଙ୍କ ଘରେ ମଧ୍ୟ ପ୍ଲାଷ୍ଟିକ ଅଣ୍ଡା ଦେଖିବାକୁ ମିଳିଥିଲା । ବଜାରରେ ବିକ୍ରି ହେଉଥିବା ପ୍ଲାଷ୍ଟିକ ଅଣ୍ଡାର ତୁରନ୍ତ ଖାଦ୍ୟ ସୁରକ୍ଷା ଅଧିକାରୀ ତଦନ୍ତ କରିବାକୁ ସ୍ଥାନୀୟ ବାସିନ୍ଦା ଦାବି କରିଛନ୍ତି ।

ଶବ ଛୁଇଁଲେନି ସମ୍ପର୍କୀୟ, ପ୍ରଶାସନ କଲା ସତ୍କାର

ବ୍ରହ୍ମପୁର: ଗଞ୍ଜାମ ଜିଲ୍ଲା ଖଲ୍ଲିକୋଟ ଥାନା ଲଙ୍ଗଳେଶ୍ୱର ଗାଁରେ ଅଭାବନୀୟ ଘଟଣା । ବୃଦ୍ଧଙ୍କ ମୃତ୍ୟ ପରେ ଶବ ଛୁଇଁଲେନି ସମ୍ପର୍କୀୟ କିମ୍ବା ଗ୍ରାମବାସୀ । ଦୀର୍ଘ ୧୦ ଘଣ୍ଟା ମୃତଦେହ ଘରେ ପଡ଼ି ରହିବା ପରେ ପ୍ରଶାସନ ସହଯୋଗରେ ମୃତଦେହ ସତ୍କାର କରାଯାଇଛି । ୩ ଝିଅ ରାମ ନାମ ସତ୍ୟ ହେ କହି ଘରୁ ଶବ ଆଣି ପ୍ରଶାସନକୁ ହସ୍ତାନ୍ତର କରିବା ପରେ ରାତିରେ ମୃତଦେହ ଦାହ କରାଯାଇଛି ।

Ganjam Administration Helped Family For Body Cremation

ଶନିବାର ଲଙ୍ଗଳେଶ୍ୱର ଗାଁର ଟୁକୁନା ସୁର ମୃତ୍ୟ ବରଣ କରିଥିଲେ । ଟୁକୁନା ଆଗରୁ କୋଭିଡରେ ଆକ୍ରାନ୍ତ ହୋଇ ଭୁବନେଶ୍ୱର ହାଇଟେକ ମେଡିକାଲରେ ଚିକିତ୍ସିତ ହେଉଥିଲେ । ଗତ କିଛି ଦିନ ହେଲା ସେ ସୁସ୍ଥ ହୋଇ ଘରକୁ ଫେରିଥିଲେ । ଗତକାଲି କୌଣସି କାରଣ ବଶତଃ ତାଙ୍କର ଦେହାନ୍ତ ହୋଇଥିଲା । କିନ୍ତୁ କୋଭିଡ୍ ଭୟରେ ଶବ ସତ୍କାର କରିବାକୁ କେହି ଗ୍ରାମବାସୀ ଓ ସମ୍ପର୍କୀୟ ଆସିନଥିଲେ । ଶେଷରେ ଗଞ୍ଜାମ ଜିଲ୍ଲାପାଳଙ୍କ ହସ୍ତକ୍ଷେପ ପରେ ସ୍ଥାନୀୟ ତହସିଲଦାର ରାଜକିଶୋର ପଟ୍ଟନାୟକ, ଭେଜିପୁଟ ଫାଣ୍ଡି ଅଧିକାରୀ ମନୋଜ ପ୍ରଧାନ ପହଞ୍ଚି ଶବ ସତ୍କାର ପାଇଁ ସମସ୍ତ ପ୍ରସ୍ତୁତି କରିଥିଲେ ।

Ganjam Administration Helped Family For Body Cremation

ଟୁକୁନାଙ୍କ ତିନିଝିଅ ମୃତଦେହକୁ ଘର ଭିତରୁ କାନ୍ଧରେ ଆଣି ପ୍ରଶାସନକୁ ହସ୍ତାନ୍ତର କରିଥିଲେ । ପ୍ରଶାସନ ପକ୍ଷରୁ ରାଜସ୍ୱ ନିରୀକ୍ଷକ ରମେଶ ଚନ୍ଦ୍ର ଜେନା, ମୀନକେତନ ଶବର, ସୁପରଭାଇଜର ତ୍ରିଲୋଚନ ବିଶ୍ୱାଳଙ୍କ ସହ ଯୁବ ନେତା ପ୍ରଶାନ୍ତ ସାହୁ, କାର୍ତ୍ତିକ ସାହୁ, ସାମାଜିକ କର୍ମୀ ରବୀନ୍ଦ୍ରନାଥ ପ୍ରସାଶନକୁ ସହେଯାଗ କରିଥିଲେ ।

ସୁବର୍ଣ୍ଣରେଖା ଜଳ ସେଚନ ପ୍ରକଳ୍ପର ଖୋଲିବ ଗେଟ୍, ଉଦଘାଟନ ପୂର୍ବରୁ ସ୍ଥିତି ପରିଖିଲେ ପ୍ରଣବ ପ୍ରକାଶ ଦାସ

ବାରିପଦା: ମୟୂରଭଞ୍ଜ ଜିଲ୍ଲା ଗସ୍ତରେ ବିଜେଡିର ରାଜ୍ୟ ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ । ମୟୂରଭଞ୍ଜ ଜିଲ୍ଲାର ବିଭିନ୍ନ ସ୍ଥାନ ଗସ୍ତ କରି ମୁଖ୍ୟମନ୍ତ୍ରୀଙ୍କ ଲୋକାଭିମୁଖୀ ଯୋଜନାର ସମୀକ୍ଷା କରିଛନ୍ତି ପ୍ରଣବ । ଆସନ୍ତାକାଲି ସୁବର୍ଣ୍ଣରେଖା ଜଳ ସେଚନ ପ୍ରକଳ୍ପର ପ୍ରଥମ ପର୍ଯ୍ୟାୟରେ ଜଳ ଛଡ଼ାଯିବାର କାର୍ଯ୍ୟକ୍ରମ ରହିଛି । ଏହାଦ୍ୱାରା ବିଶେଷ କରି ବାରିପଦା, ମୋରଡ଼ା, ରାସଗୋବିନ୍ଦପୁର, ଶୁଳିଆପଦା, ବେତନଟି ବ୍ଲକର ୯୪ଟିଗାଁର ୧୫ ହଜାର ୩୫୯ ହେକ୍ଟର ଜମି ଜଳସେଚିତ ହେବ ।

 Bjd Organisational Secretary Reviewed Different Programmes In Mayurbhanj District

ମୁଖ୍ୟମନ୍ତ୍ରୀ ଭୁବନେଶ୍ୱରରୁ ଭିଡିଓ କନଫରେନ୍ସିଂ ଜରିଆରେ ଶୁଭ ଉଦଘାଟନ କରିବାର କାର୍ଯ୍ୟକ୍ରମ ରହିଛି । ରିମୋଟ ମାଧ୍ୟମରେ ବାରିପଦାର କାଠପାଳ ନିକଟବର୍ତ୍ତୀ କୁରୁଡ଼ିହି ଠାରେ ଜଳ ସେଚନ ପାଇଁ ଗେଟ୍ ଖୋଲା ଯିବ । ଉଦଘାଟନୀ ଉତ୍ସବରେ ମୟୂରଭଞ୍ଜ ଜିଲ୍ଲାରେ ଉପସ୍ଥିତ ରହିବେ ପଞ୍ଚାୟତିରାଜ ମନ୍ତ୍ରୀ ପ୍ରତାପ ଜେନା, ଜଳ ସମ୍ପଦ ମନ୍ତ୍ରୀ ରଘୁନନ୍ଦନ ଦାସ ଓ ବରିଷ୍ଠ ବିଜେଡି କର୍ମକର୍ତ୍ତା । ଆଜି ରାଜ୍ୟ ସାଙ୍ଗଠନିକ ସମ୍ପାଦକ ଶ୍ରୀ ଦାସ ସମସ୍ତ ସ୍ଥାନ ବୁଲି ଚାଷୀ ଓ ଲୋକମାନଙ୍କ ସହିତ ବିଭିନ୍ନ ପ୍ରସଙ୍ଗରେ ଆଲୋଚନା କରି କାର୍ଯ୍ୟକ୍ରମ ସଫଳ ପାଇଁ ଆହ୍ୱାନ କରିଛନ୍ତି ।

କୋଭିଡ୍ ଟେଷ୍ଟରେ ମାଇଲଖୁଣ୍ଟ ସ୍ଥାପନ କଲା ଓଡ଼ିଶା, ଦେଢ଼ କୋଟି ଟପିଲା ଟେଷ୍ଟିଂ

ଭୁବନେଶ୍ୱର: କରୋନା ଟେଷ୍ଟରେ ଓଡ଼ିଶାର ରେକର୍ଡ । କୋଭିଡ୍ ଟେଷ୍ଟରେ ମାଇଲଖୁଣ୍ଟ ସ୍ଥାପନ କରିଛି ଓଡ଼ିଶା । ରାଜ୍ୟରେ ୧.୫ କୋଟିରୁ ଅଧିକ କୋଭିଡ୍ ଟେଷ୍ଟ କରାଯାଇଛି । ଏଥିପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସ୍ୱାସ୍ଥ୍ୟକର୍ମୀଙ୍କୁ ପ୍ରଶଂସା କରିଛନ୍ତି । ମୁଖ୍ୟମନ୍ତ୍ରୀ ଟ୍ୱିଟ୍ କରି ଲେଖିଛନ୍ତି, ସ୍ୱାସ୍ଥ୍ୟକର୍ମୀଙ୍କ ଅକ୍ଲାନ୍ତ ପରିଶ୍ରମ ଓ ଅଧିକ ଟେଷ୍ଟିଂ ଓଡ଼ିଶାକୁ କୋଭିଡ୍ ବିରୋଧୀ ଯୁଦ୍ଧରେ ଶକ୍ତିଶାଳୀ କରିଛି ।

ରାଜ୍ୟରେ ଦୈନିକ ୭୦ ହଜାରରୁ ଅଧିକ କୋଭିଡ୍ ଟେଷ୍ଟିଂ ହେଉଛି । ଗତ ୨୪ ଘଣ୍ଟାରେ ରାଜ୍ୟରେ ୨୨୧୫ଟି ସଂକ୍ରମିତ ମାମଲା ଆସିଥିବା ବେଳେ ୨୪୦୦ ଜଣ ସୁସ୍ଥ ହୋଇଛନ୍ତି । ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ୯ ଲକ୍ଷ ୫୪ ହଜାର ୩୨୬କୁ ବୃଦ୍ଧି ପାଇଛି । ଏବେ ରାଜ୍ୟରେ ୨୧ ହଜାର ୨୮୯ଟି ସକ୍ରିୟ ସଂକ୍ରମଣ ମାମଲା ରହିଛି । କୋଭିଡରେ ୫ ହଜାର ୫୮ ଜଣ ପ୍ରାଣ ହରାଇଛନ୍ତି ।

ଅଲିମ୍ପିକ୍ସ ଇତିହାସର କମ୍‌ବ୍ୟାକ୍ ଚାମ୍ପିଆନ୍: ୬୭ ବର୍ଷ ବୟସରେ ହାତେଇଥିଲେ ପଦକ

ଅଲିମ୍ପିକ୍ସ ଇତିହାସରେ ଏଭଳି ଅନକେ ଚାମ୍ପିଆନ୍‌ଙ୍କୁ ଦେଖିବାକୁ ମିଳିଛି ଯେଉଁମାନଙ୍କ କୀର୍ତ୍ତମାନର ତାଲିକା ବେଶ ଲମ୍ୱା । ଯେଉଁମାନଙ୍କ ପ୍ରଦର୍ଶନ ଆଜି ମଧ୍ୟ ସର୍ବଶ୍ରେଷ୍ଠ । ଯିଏ ଏହି କ୍ରୀଡ଼ା ମହାକୁମ୍ଭରୁ ନିଜକୁ ମହାନ ଖେଳାଳି ଭାବେ ବିବେଚିତ କରାଇପାରିଛନ୍ତି । ସେଭଳି ଜଣେ ତୀରନ୍ଦାଜ ହେଉଛନ୍ତି ହବର୍ଟ ଭ୍ୟାନ୍ ଇନ୍ସ୍ । ସେ କେବଳ ଚାମ୍ପିଆନ୍ ନୁହଁନ୍ତି କମ୍‌ବେକ୍ ଚାମ୍ପଆନ୍ । ଯିଏ ପ୍ରମାଣିତ କରିଦେଖାଇଛନ୍ତି ଚାମ୍ପିଆନ୍ ଖେଳାଳି ପାଇଁ ବୟସ କେବଳ ମାତ୍ର ଗୋଟେ ସଂଖ୍ୟା ତାହା ଠାରୁ ଅଧିକ କିଛି ନୁହଁ । ଏହି ଖେଳାଳି ଜଣଙ୍କ ଥରେ ନୁହେଁ ଦୁଇ ଦୁଇ ଥର କମ୍‌ବ୍ୟାକ୍ କରିଛନ୍ତି । ଏବଂ ସବୁଥର ନିଜ ପ୍ରଦର୍ଶନରେ ଦୁନିଆକୁ ଚକିତ୍ କରିଛନ୍ତି ।

ବେଲଜିୟମ୍‌ର ଏହି ତୀରନ୍ଦାଜ ହବାର୍ଟ ବେନ୍ ଅଲିମ୍ପିକରେ ୯ଟି ମେଡାଲ ଜିତିଛନ୍ତି । ଏହି ଉପଲବ୍ଧି ଏଥିଲାଗି ବଡ଼ ଯେ, ସେ ୨୦ ବର୍ଷର ଲମ୍ୱା ସମୟ ମଧ୍ୟରେ ଏହି ସଫଳତା ହାସଲ କରିଛନ୍ତି । ହବର୍ଟ ୧୩ ବର୍ଷ ବୟସରେ ତୀରନ୍ଦାଜ ଖେଳ ଆରମ୍ଭ କରିଥିଲେ । ଏବଂ ଜୀବନ ସାରା ଏହି ଖେଳ ସହ ଯୋଡ଼ି ହୋଇରହିଥିଲେ । ହବର୍ଟଙ୍କ ଜନ୍ମ ବେଲଜିୟମ୍ ବ୍ରେସେଲ୍ସର ଏକ ଗାଁରେ ହୋଇଥିଲା । ସେ ପିଲାବେଳେ ଦୁଗ୍ଧ ବିକିକା ଭାବେ କାମ କରୁଥିଲେ । ସେ ନିଜ କୁକୁର ସହ ଦୁଗ୍ଧ ବିକୁଥିଲେ ପରେ ତାକୁ ଘରକୁ ପଠାଇ ସେ ତୀରନ୍ଦାଜ ଅଭ୍ୟାସ ପାଇଁ ବାହାରି ଯାଉଥିଲେ । ୧୩ ବର୍ଷ ବୟସରେ ସେ ଆଣ୍ଟଓ୍ୱାର୍ପରେ ସ୍ୱର୍ଣ୍ଣ ପଦକ ହାସଲ କରିଥିଲେ । ଏହା ପରେ ସେ ୧୮୯୩, ୧୮୯୪, ୧୮୯୫ ଏବଂ ୧୮୯୬ରେ ଦେଶ ଭିତରେ ବହୁ ବଡ଼ ବଡ଼ ମେଡାଲ ଜିତିଥିଲେ । ୧୮୮୧ରେ ତାଙ୍କୁ ସ୍ୱତନ୍ତ୍ର ରାୟନ୍ ପ୍ରାଇଜ ଦିଆଯାଇଥିଲା ।

ଭେନ୍ ପ୍ରଥମ ଥର ପାଇଁ ୧୯୦୦ ମସିହାରେ ଅଲିମ୍ପିକ୍ସରେ ଭାଗ ନେଇଥିଲେ । ସେତେବେଳକୁ ତାଙ୍କୁ ୩୪ ବର୍ଷ ବୟସ ହୋଇଥିଲା । ସେ ତୀରନ୍ଦାଜରେ ଚାରି ବିଭାଗରେ ଭାଗ ନେଇଥିଲେ । ଯେଉଁଥିରୁ ସେ ଦୁଇଟିରେ ଗୋଲ୍ଡ ଏବଂ ଗୋଟିଏରେ ସିଲଭର ମେଡାଲ ହାସଲ କରିଥିଲେ । ତାଙ୍କର ଏଭଳି ପ୍ରଦର୍ଶନ ପରେ ଲୋକଙ୍କୁ ଲାଗିଥିଲା ଯେ, ସେ ଆଗକୁ ମଧ୍ୟ ଅନେକ ପଦକ ଜିତିପାରିବେ । କିନ୍ତୁ ଏଭଳି ହେଲାନାହିଁ ।

୧୯୦୦ ମସିହାରେ ଅଲିମ୍ପିକ୍ସରେ ପ୍ରଥମ ଓ ଶେଷ ଥର ପାଇଁ ଜୀବିତ ପକ୍ଷୀଙ୍କୁ ବ୍ୟବହାର କରାଯାଇଥିଲା । ଏକାଧିକ ପକ୍ଷୀଙ୍କୁ ସୁଟର ସାମ୍ନାକୁ ଛଡ଼ାଯାଉଥିଲା ଏବଂ ଯିଏ ସର୍ବାଧିକ ପକ୍ଷୀକୁ ମାରୁଥିଲେ ସେ ବିଜେତା ହେଉଥିଲା । ଭେନ୍ ଏଥିରେ ସ୍ୱର୍ଣ୍ଣ ପଦକ ଜିତିଥିଲେ । ପରେ ଆଉ ୨୦ ବର୍ଷ ଯାଏଁ ଅଲିମ୍ପକ୍ସରେ ଭେନ୍‌ଙ୍କୁ ଦେଖିବାକୁ ମିଳିଲାନାହିଁ । ଲୋକେ ତାଙ୍କୁ ଏକପ୍ରକାର ଭୁଲିବାରେ ଲାଗିଥିଲେ । ହଠାତ୍‌ ୨୦ବର୍ଷ ପରେ ତାଙ୍କୁ ଅଲିମ୍ପକ୍ସରେ ଦେଖିବାକୁ ମିଳିଥିଲା । ଯେତେବେଳେ ବେଲଜିୟମ୍‌ର ଆଣ୍ଟଓ୍ୱାର୍ପରେ ଅଲିମ୍ପିକ୍ସ ଆୟୋଜନ କରାଗଲା ଏଣୁ ସେ ନିଷ୍ପତ୍ତି ନେଲେ ସେ ପୁଣି ଖେଳରେ ଭାଗ ନେବେ  । ଏବଂ ସେଠାରେ ସେ ୪ ଗୋଲ୍ଡ ମେଡାଲ ଏବଂ ୨ ସିଲଭର ମେଡାଲ ଜିତିଥିଲେ । ଏଭଳି ୬ଟି ମେଡାଲ ଜିତି ସେ କମ୍‌ବ୍ୟାକ ଚାମ୍ପିଆନ୍ ବନିଥିଲେ । ଏହା ପରେ ଭେନ୍ ପୁଣି କେବେ ଅଲିମ୍ପକ୍ସରେ ଭାଗ ନେଇନଥିଲେ । କିନ୍ତୁ ୧୩ ବର୍ଷ ପରେ ସେ ଅନ୍ତର୍ଜାତୀୟସ୍ତରରେ ୧୯୩୩ରେ ଅନୁଷ୍ଠିତ ତୀରନ୍ଦାଜୀର ଏକ ଓ୍ୱାର୍ଲ୍ଡ ଚାମ୍ପିଅନସିପ୍‌ରେ ଭାଗ ନେଇଥିଲେ । ସେହି ସମୟରେ ତାଙ୍କ ବୟସ ୬୭ ବର୍ଷ ଥିଲା । ଏବଂ ଏଠାରେ ମଧ୍ୟ ସେ ସ୍ୱର୍ଣ୍ଣ ପଦକ ଜିତିଥିଲେ ।

ଏଥିସହିତ ପଢ଼ନ୍ତୁ: Tokyo Olympics: କ୍ରୀଡ଼ା ମହାକୁମ୍ଭରେ କରୋନାର ଛାପ: ଆଉ ୩ ଆଥ୍‌ଲେଟ ସଂକ୍ରମିତ ଚିହ୍ନଟ