spot_img
Home Blog Page 5562

କାଲି ରାତି ୮ଟାରୁ ବୁଧବାର ରାତି ୮ ଯାଏଁ ପୁରୀରେ କର୍ଫ୍ୟୁ: ନିୟମ ନମାନିଲେ କଡ଼ା କାର୍ଯ୍ୟାନୁଷ୍ଠାନ

ପୁରୀ: ଦିନକ ପରେ ବାହୁଡ଼ା ଯାତ୍ରା । ପୁରୀ ଏସ୍‌ପି  କେ. ବିଶାଲ ସିଂହ ବଡଦାଣ୍ଡରେ ବୁଲି ଅନୁଧ୍ୟାନ କରିଛନ୍ତି  । ଶ୍ରୀମନ୍ଦିରଠାରୁ ଶ୍ରୀଗୁଣ୍ଡିଚା ମନ୍ଦିର ପର୍ଯ୍ୟନ୍ତ ବଡଦାଣ୍ଡରେ ଥିବା ଲଜ୍‌, ହୋଟେଲ, ଘର ଓ ବ୍ୟବସାୟିକ ପ୍ରତିଷ୍ଠାନର ମାଲିକଙ୍କ ସହ ଏସ୍‌ପି ଆଲୋଚନା କରିବା ସହ sop ଅନୁପାଳନ ଉପରେ ଗୁରୁତ୍ବ ଦେଇଛନ୍ତି। ଡ୍ରୋନ ମାଧ୍ୟମରେ ମଧ୍ୟ ସର୍ଭେ କରାଯାଉଛି ।

ସେପଟେ ଶ୍ରୀଗୁଣ୍ଡିଚା ଯାତ୍ରା ପରି ବାହୁଡା ଯାତ୍ରା ଶୃଙ୍ଖଳିତ କରିବା ନେଇ ଜିଲ୍ଲା ପ୍ରଶାସନର ବରିଷ୍ଠ ଅଧିକାରୀଙ୍କ ସହ ଜିଲ୍ଲାପାଳଙ୍କ ଗୁରୁତ୍ୱପୁର୍ଣ ବୈଠକ ଅନୁଷ୍ଠିତ ହୋଇଯାଇଛି । ବୈଠକରେ ପୁରୀ ଜିଲ୍ଲାପାଳ ଏସଓପିକୁ କଡାକଡି ଭାବେ କିଭଳି ପାଳନ କରାଯିବ ତା’ ଉପରେ ଗୁରୁତ୍ୱ ଦେଇଛନ୍ତି । ସୋମବାର ରାତି ୮ଟାରୁ ବୁଧବାର ରାତି ୮ ଯାଏଁ ପୁରୀ ସହରରେ କର୍ଫ୍ୟୁ କଟକଣାଯାଇଛି। ବାହୁଡା ଯାତ୍ରାରେ କର୍ଫ୍ୟୁ ନିୟମ ମାନିବାକୁ ପ୍ରଶାସନ ପକ୍ଷରୁ ପୁରୀବାସୀଙ୍କୁ ନିବେଦନ କରାଯାଇଛି। ଶ୍ରୀଗୁଣ୍ଡିଚା ଯାତ୍ରା ସମୟରେ ଉଲଂଘନ କାରୀଙ୍କ ବିରୁଧରେ କାର୍ଯ୍ୟାନୁଷ୍ଠାନ ଜାରି ରହିଥିବାବେଳେ ପର୍ଯ୍ୟାୟକ୍ରମେ ଲଜ୍ ସିଲ୍ କରାଯାଉଛି ଓ ଖିଲାପ କାରୀଙ୍କୁ ନୋଟିସ୍ ଜାରି କରାଯାଇଛି ବୋଲି ସୂଚନା ଦେଇଛନ୍ତି।

ସେପଟେ ଶୃଙ୍ଖଳିତ ଭାବେ ତିନି ରଥର ଦକ୍ଷିଣ ମୋଡ ଅନୁଷ୍ଠିତ ହୋଇଛି । ଆଜ୍ଞାମାଳ ଆସିବା ପରେ ପରମ୍ପରା ଅନୁସାରେ ପ୍ରଥମେ ଦର୍ପଦଳନ ରଥକୁ ଟଣା ଯାଇ ନାକଚଣା ଦ୍ୱାରରେ ଲଗାଯାଇଥିଲା । ପରେ ବଳଭଦ୍ରଙ୍କ ତାଳଧ୍ଵଜ, ଶେଷରେ ଶ୍ରୀଜଗନ୍ନାଥଙ୍କ ନନ୍ଦିଘୋଷ ରଥକୁ ଦକ୍ଷିଣ ମୋଡ଼ କରାଯାଇ ନାକଚଣା ଦ୍ୱାରରେ ଲଗାଯାଇଥିଲା । ବାହୁଡା ପାଇଁ ସୋମବାର ରାତି 8ଟାରୁ ବୁଧବାର ରାତି 8ଟା ପର୍ଯ୍ୟନ୍ତ ପୁରୀ ସହରରେ ଲାଗୁ ହେବ କର୍ଫ୍ୟୁ । ବଡ଼ଦାଣ୍ଡର ଉଭୟ ପାର୍ଶ୍ୱରେ ଥିବା ଘରଗୁଡ଼ିକ ସର୍ଭେ କରାଯିବା ସହ ଭିଡିଓଗ୍ରାଫି ମାଧ୍ୟମରେ ରଖାଯିବ ନଜର। ଘରଛାତ କି ବାଲକୋନି ଉପରୁ କେହି ରଥ ଦେଖିପାରିବେ ନାହିଁ।

ଲକ୍ଷଣ ଥାଇ ବି ଟେଷ୍ଟ କରୁନାହାଁନ୍ତି ଲୋକ: ଡୋର୍ ଟୁ ଡୋର୍ ସର୍ଭେଲାନ୍ସରେ ବାହାରିବ ହିଡେନ କେସ୍

ଭୁବନେଶ୍ୱର: ଅଗଷ୍ଟ ମାସ ଶେଷ ସପ୍ତାହ ବେଳକୁ କରୋନାର ତୃତୀୟ ଲହର ଆସିବା ଆଶଙ୍କା ରହିଛି । ଏହି ତଥ୍ୟ ଦେଇଛି ଇଣ୍ଡିଆନ କାଉନସିଲ ଅଫ୍‌ ମେଡିକାଲ ରିସର୍ଚ୍ଚ-ICMR । କରୋନାର ପ୍ରଥମ ଲହର ପରି ତୃତୀୟ ଲହର ସମୟରେ ଦୈନିକ ସଂକ୍ରମଣ ୧ ଲକ୍ଷ ହୋଇପାରେ । କମ ଟିକାକରଣ ଓ ଅନଲକ ଯୋଗୁ ଏଭିଳି ହେବାର ଆଶଙ୍କା ରହିଛି।  ହେଲେ ଏବେ ବି ଲୋକମାନେ ସଚେତନ ହେଉନାହାଁନ୍ତି । କରୋନା ଲକ୍ଷଣ ଦେଖାଗଲେ ମଧ୍ୟ ଅନେକ ଲୋକ ଟେଷ୍ଟ କରିବାକୁ ଆସୁନାହାନ୍ତି । ଏଭଳି ଚିନ୍ତା ବ୍ୟକ୍ତ କରିଛନ୍ତି ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର

ଯଦି ଜଣେ ଆସିବେ ନାହିଁ ଓ ତାଙ୍କର କଣ୍ଟାକ୍ଟ ଟ୍ରେସିଂ ହୋଇପାରିବ ନାହିଁ, ତେଣୁ ଅନେକ ହିଡେନ କେସ ମଧ୍ୟ ରହୁଛନ୍ତି । ତେଣୁ ସରକାରଙ୍କ ନିଷ୍ପତ୍ତି ଅନୁଯାୟୀ ୩ ମାସ ଇଣ୍ଟିଗ୍ରେଟେଡ୍‌ କରାଯିବ ବୋଲି ବିଜୟ ମହାପାତ୍ର  ସୂଚନା ଦେଇଛନ୍ତି । ଯେହେତୁ ଏହି ସମୟରେ ଡେଙ୍ଗୁ ମଧ୍ୟ ବଢ଼ିଥାଏ, ତେଣୁ ଡେଙ୍ଗୁ ଓ ଏନସିଡିର କିଛି ରୋଗକୁ ନେଇ ମଧ୍ୟ ସର୍ଭେଲାନ୍ସ କରାଯାଉଥିଲା। ଅଗଷ୍ଟ ପର୍ଯ୍ୟନ୍ତ ସର୍ଭେଲାନ୍ସ ଚାଲିବ ବୋଲି ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର କହିଛନ୍ତି।

କୋଭିଡ୍‌ ପାଇଁ ଆକ୍ଟିଭ ସର୍ଭେଲାନ୍ସ ଓ ସ୍ୱତନ୍ତ୍ର ଭାବେ ଡେଙ୍ଗୁ ପାଇଁ ମଧ୍ୟ ଚାଲିବ। ଆଶା କର୍ମୀମାନଙ୍କ ଦ୍ୱାରା ଯେଉଁ ଡୋର ଟୁ ଡୋର ସର୍ଭେ ଓ ମନିଟର ହୋଇଥିଲା, ତାହା ଦ୍ୱାରା ୧ ଲକ୍ଷରୁ ଅଧିକ ପଜିଟିଭ୍ ଚିହ୍ନଟ ହେଲେ । ମୁଖ୍ୟତଃ ସର୍ଭେଲାନ୍ସ କରି ହିଡେନ କେସଗୁଡ଼ିକ ବାହାର କଲେ ସଂକ୍ରମଣକୁ ନିୟନ୍ତ୍ରଣ କରାଯାଇପାରିବ। ଯଦି ତୃତୀୟ ଲହର ଆସୁଛି ତେବେ ହିଡେନ କେସ ନିଶ୍ଚିତ ରହିବ । ତେଣୁ ଡୋର ଟୁ ଡୋର ସର୍ଭେଲାନ୍ସ ଏକ ଅମୋଘ ଅସ୍ତ୍ର। ଅଗଷ୍ଟ ୨୪ ପରେ ମଧ୍ୟ ସର୍ଭେଲାନ୍ସ ଜୋରସୋରରେ ଚାଲିବ ।

ଇଣ୍ଟିଗ୍ରେଟେଡ୍‌ ଡିଜିଜ ସର୍ଭେଲାନ୍ସରେ ସାପ୍ତାହିକ ସର୍ଭେଲାନ୍ସ ହୁଏ। ସେଥିରେ ଡାଟା ଆସିଥାଏ ଏବଂ ଯେଉଁ କର୍ମଚାରୀମାନେ ସର୍ଭେଲାନ୍ସରେ ଯାଇଥାନ୍ତି, ସେମାନେ ରିପୋର୍ଟ ଦିଅନ୍ତି। ସବୁ ହାଉସହୋଲ୍‌ଡ ଟଚ କରିବାକୁ ପ୍ରାଧାନ୍ୟ ଦିଆଯାଉଛି । ତାହାଦ୍ୱାରା ହିଡେନ କେସ ସାମ୍ନାକୁ ଆସିପାରିବ। କାରଣ ବହୁତ ଲୋକ ଏମିତି ଅଛନ୍ତି, ଯେଉଁମାନେ ରିପୋର୍ଟ ହିଁ କରୁନାହାନ୍ତି । ଜ୍ଵର ହେଲେ ଔଷଧ ଖାଇଦେଉଛନ୍ତି। ସେଥିପାଇଁ ମେଡିସିନ ଦୋକାନୀମାନଙ୍କୁ ନିର୍ଦ୍ଦେଶ ରହିଥିଲା, ଯେ ଯିଏ ବି ଜ୍ଵର ଓ ଥଣ୍ଡା ପାଇଁ ମେଡିସିନ ନେଇ ଖାଉଛନ୍ତି, ସେମାନଙ୍କର ତଥ୍ୟ ସରକାରଙ୍କୁ ଦେବେ । କଟକ, ଭୁବନେଶ୍ୱର, ବାଲେଶ୍ଵର ଓ ବାରିପଦା ସବୁବେଳେ ଫୋକସରେ ରହିଛି ବୋଲି ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର କହିଛନ୍ତି।

ଦିଲ୍ଲୀ ବୈଠକରେ ଟଳିଲାନି ଇସ୍ତଫା ବିପଦ: ୨୬ରେ ବିଧାୟକ ଦଳ ବୈଠକ ଡକାଇଲେ ୟେଦୁରପ୍ପା

ନୂଆଦିଲ୍ଲୀ: ସରିଆସୁଛି କର୍ଣ୍ଣାଟକ ମୁଖ୍ୟମନ୍ତ୍ରୀ ବି.ଏସ. ୟେଦୁରପ୍ପାଙ୍କ କାର୍ଯ୍ୟକାଳ । ଦିଲ୍ଲୀରେ ପ୍ୟାଚ୍ ପକାଇବା ଲାଗି ଏକରକମ ବିଫଳ ହୋଇଛନ୍ତି ୟେଦୁ । ଗତକାଲି ଦିଲ୍ଲୀରେ ମାରାଥନ ବୈଠକ କରିଥିବା ସିଏମ୍ ଆସନ୍ତା ୨୬ ତାରିରେ ବିଧାୟକ ଦଳ ବୈଠକ ଡାକିଛନ୍ତି । ଏହି ବୈଠକରେ ସେ କରିପାରନ୍ତି କିଛି ବଡ଼ ଘୋଷଣା । ଶନିବାର ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଓ ବିଜେପି ରାଷ୍ଟ୍ରୀୟ ସଭାପତି ଜେ.ପି. ନଡ୍ଡାଙ୍କୁ ସାକ୍ଷାତ କରିବା ପରେ ୟେଦୁରପ୍ପା କହିଥିଲେ, ଇସ୍ତଫା ଖବର ମିଛ । ମାତ୍ର ସେ ଗତକାଲି ସମସ୍ତ ଚେଷ୍ଟା କରି ମଧ୍ୟ ଗୃହମନ୍ତ୍ରୀ ଅମିତ ଶାହଙ୍କୁ ସାକ୍ଷାତ କରିପାରି ନଥିଲେ । ଗତକାଲିର ସମସ୍ତ ଆଲୋଚନାରୁ କିନ୍ତୁ ସ୍ପଷ୍ଟ ହେଉଛି ଯେ, ୟେଦୁରପ୍ପାଙ୍କ କାର୍ଯ୍ୟକାଳ ବେଶୀ ଦିନ ନୁହେଁ । କର୍ଣ୍ଣାଟକରେ ମୁଖ୍ୟମନ୍ତ୍ରୀ ପରିବର୍ତ୍ତନ ଅବଶ୍ୟମ୍ଭାବୀ । ଏପରିକି ସେ ନିଜ ଆଡୁ ନିଷ୍ପତ୍ତି ନେବା ଲାଗି ତାଙ୍କୁ କୁହାଯାଇଛି । ପୁଅ ବିଜୟେନ୍ଦ୍ରଙ୍କୁ ଦଳୀୟ ରାଜନୀତିରେ ଅଗ୍ରାଧିକାର ଦେବା ଲାଗି ସେ ସମସ୍ତ ଚେଷ୍ଟା କରିଛନ୍ତି । ରାଜ୍ୟ ବିଜେପି ଦାୟିତ୍ୱରେ ଥିବା ଅରୁଣ ସିଂହ କହିଥିଲେ, ୟେଦିୟୁରାପ୍ପାଙ୍କ ପ୍ରତି ଦଳ ନେତାଙ୍କ ସମର୍ଥନ ରହିଛି । ତାଙ୍କ ନେତୃତ୍ୱରେ ସରକାର ଭଲ କରୁଛି । ତେବେ ରାଜ୍ୟରେ ଦୁର୍ନୀତି ଓ ପୁଅ ବିଜୟେନ୍ଦ୍ରଙ୍କ ପ୍ରଭାବ ଯୋଗୁ ଖୁବ୍ ଅଡୁଆରେ ପଡିଛନ୍ତି ୟେଦୁରପ୍ପା ।

ଏଥିସହିତ ପଢ଼ନ୍ତୁ: ଉତ୍ତରପ୍ରଦେଶ ପୋଲିସର ଲଜ୍ଜାଜନକ ଚେହେରା: ମହିଳାଙ୍କୁ ମାଡ଼ି ବସିଲେ ପୋଲିସ ଅଧିକାରୀ, ଭିଡିଓ ଭାଇରାଲ୍

ଉତ୍ତରପ୍ରଦେଶ ପୋଲିସର ଲଜ୍ଜାଜନକ ଚେହେରା: ମହିଳାଙ୍କୁ ମାଡ଼ି ବସିଲେ ପୋଲିସ ଅଧିକାରୀ, ଭିଡିଓ ଭାଇରାଲ୍

କାନପୁର: ଉତ୍ତରପ୍ରଦେଶ ଗ୍ରାମଞ୍ଚଳ ପୋଲିସର ଏକ ଭିଡିଓ ଏବେ ସୋସିଆଲ ମିଡିଆରେ ବେଶ୍ ଭାଇରାଲ ହେଉଛି । ଯେଉଁଥିରେ ଜଣେ ପୋଲିସ କର୍ମଚାରୀ ମହିଳାଙ୍କ ଉପରେ ମାଡ଼ି ବସିଥିବା ଦେଖିବାକୁ ମିଳିଛି । ଆଉ ଘଟଣାର ଏକ ଫଟୋକୁ ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବ ସୋସିଆଲ ମିଡିଆରେ ସେୟାର କରିବା ସହ ସରକାରଙ୍କୁ ଟାର୍ଗେଟ କରିଛନ୍ତି । ଘଟଣାଟି ଭୋଗିନପୁର ଥାନା ପୁଖରାୟେ ଛକର  । ପୋଲିସ ଦୁର୍ଗାଦାସପୁର ଗାଁକୁ ଜଣେ ଅଭିଯୁକ୍ତଙ୍କୁ ଗିରଫ କରିବାକୁ ଯାଇଥିବା ବେଳେ  ଏଭଳି ଘଟଣା ଘଟିଛି ।

          ତେବେ ଏହି ଫଟୋ ଚିତ୍ରକୁ ନେଇ ଅଖିଳେଶ କରିଥିବା ଟ୍ୱିଟ୍‌ରେ ଲେଖିଛନ୍ତି ଯେ, ଉତ୍ତରପ୍ରଦେଶ ସରକାରଙ୍କ କୃପା ପାତ୍ର କିଛି ପୋଲିସ କର୍ମଚାରୀଙ୍କ ଦୁର୍ବ୍ୟବହାର ଦ୍ୱାରା ରାଜ୍ୟର ସମସ୍ତ ପୋଲିସ କର୍ମଚାରୀଙ୍କ ଛବି ମଳିନ ହେଉଛି । ଭାଜପ ଶାସନ କାଳରେ ଏଭଳି ଦୁଃଶାସନ ଅନେକ ଉଦାହରଣ ରହିଛି ବୋଲି ସେ କହିଛନ୍ତି । ଏଥିସହିତ ଘଟଣାକୁ ନିନ୍ଦା କରିବା ସହ ବିଜେପି ସରକାର ଦରକାର ନାହିଁ ବୋଲି ଲେଖିଛନ୍ତି ।

          ଅପରପକ୍ଷରେ ଘଟଣା ନେଇ କାନପୁର ଗ୍ରାମାଞ୍ଚଳ ଏସ୍‌ପି ସଫେଇ ଦେଇଛନ୍ତି । ଫଟୋରେ ଦେଖିବାକୁ ମିଳିଥିବା ମହିଳା ଜଣଙ୍କ ଅଭିଯୁକ୍ତଙ୍କ ଗାଁର । ସେହି ମହିଳା ଜଣଙ୍କ ପୋଲିସ କର୍ମଚାରୀଙ୍କ କଲର ଟାଣିବାରୁ ପୋଲିସ ଜଣଙ୍କ ମହିଳାଙ୍କ ଉପରେ ପଡ଼ିଯିବା ସହ ମହିଳା ଜଣଙ୍କ ତଳେ ରହିଯାଇଥିଲେ । ମହିଳା ଜଣଙ୍କ କଲର ଛାଡ଼ିବା ପରେ ସେ ସେଠାରୁ ଚାଲିଯାଇଥିବା ଏସ୍‌ପି କହିଛନ୍ତି । ତେବେ  ଘଟଣାକୁ ନେଇ ଅନେକ ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ହେବାରେ ଲାଗିଛି । କିଛି ଲୋକ ଭିଡିଓର ସ୍କ୍ରିନ୍ ସର୍ଟ ମଧ୍ୟ ସୋସିଆଲ ମିଡିଆରେ ସେୟାର କରିଥିବା ଦେଖିବାକୁ ମିଳିଛି ।

 ଅନ୍ୟପକ୍ଷରେ ଏହି ଫଟୋଟିକୁ କାନପୁର ପୋଲିସ ମଧ୍ୟ ଟ୍ୱିଟର ହ୍ୟାଣ୍ଡେଲରେ ସେୟାର କରିଛନ୍ତି । ଏବଂ ସଫେଇ ଦେଇ ଲେଖିଛନ୍ତି ଯେ, ଥାନା କର୍ମଚାରୀ ଗାଁକୁ ଜଣେ ଅଭିଯୁକ୍ତଙ୍କୁ ଗିରଫ କରିବାକୁ ଯାଇଥିଲେ, କିନ୍ତୁ ସେଠାରେ ଅନ୍ୟ ଯୁବକଙ୍କ ସହାୟତାରେ ଦୁର୍ବ୍ୟବହାର କରିବାକୁ ଚେଷ୍ଟା କରିଥିଲେ । ଏହା ପରେ ପୋଲିସ ଦ୍ୱାର ସେହି ଯୁବକଙ୍କୁ କାବୁ କରି ଥାନାକୁ ନିଆଯାଇଥିଲା । ଏହା ପରେ ସେହି ଯୁବକଙ୍କ ଆତ୍ମୀୟ ପରିଜନ ଉତକ୍ଷିପ୍ତ ହୋଇପଡ଼ିଥିଲେ ଏବଂ ସେମାନଙ୍କ ମଧ୍ୟରୁ ଜଣେ ମହିଳା ତାଙ୍କ ଉପରକୁ ଆକ୍ରମଣ କରିବାରେ ଲାଗିଥିଲେ ଏବଂ ଯୁବକଙ୍କୁ ସେଠାରୁ ଫେରାର କରାଇଥିଲେ । ମହିଳା ଜଣଙ୍କ ପୋଲିସ କର୍ମଚାରୀଙ୍କୁ ଟଣାଓଟରା କରିବାକୁ ଉଭୟ ତଳେ  ପଡ଼ିଯାଇଥିଲେ ଯାହାର ଭିଡିଓ ଭାଇରାଲ୍ ହେଉଛି । କିନ୍ତୁ ଏହି ଭିଡିଓର କେବଳ ଏକ ସ୍କ୍ରିନ ସର୍ଟ ନେଇ ଭାଇରାଲ୍ କରିବା ଦୁଃଖଦ ଘଟଣା ବୋଲି କାନପୁର ପୋଲିସ କହିଛି ।

ରାତି ଅଧରେ ଗୁଣ୍ଡା ଲଗାଇ ଭାଙ୍ଗିଦେଲେ ପିଲାଙ୍କ ସ୍କୁଲ୍

ଭୁବନେଶ୍ୱର: ରାଜଧାନୀରେ ଗୁଣ୍ଡାଗିରି। ରାତି ଅଧରେ ଗୁଣ୍ଡା ଲଗାଇ ଭାଙ୍ଗିଦେଲେ ପିଲାଙ୍କ ସ୍କୁଲ୍। ଭୁବନେଶ୍ୱର ଚିନ୍ତାମଣିଶ୍ୱର ଅଞ୍ଚଳରେ ଥିବା ସାଇ ସରସ୍ୱତତୀ ବିଦ୍ୟା ମନ୍ଦିରକୁ ଜାଗା ମାଲିକ ଗୁଣ୍ଡା ଲଗାଇ ଭାଙ୍ଗିଦେିଛନ୍ତି। ଏଭଳି ଅଭିଯୋଗ ଆଣିଛନ୍ତି ସ୍କୁଲ ସମ୍ପାଦିକା ଲକ୍ଷ୍ମୀ ପାଣିଗ୍ରାହୀ।

ଗତକାଲି ବିଳମ୍ବିତ ରାତିରେ ଜାଗା ମାଲିକ ବିନୋଦ ଚନ୍ଦ୍ର ମହାନ୍ତି ୫୦ରୁ ଅଧିକ ଭଡାଟିଆ ଗୁଣ୍ଡା ଓ ବୁଲ ଡ୍ରୋଜର ଲଗାଇ ସ୍କୁଲକୁ ଭାଙ୍ଗିବା ସହ ୪ଟି କମ୍ପ୍ୟୁଟର, ଆସବାବପତ୍ର, ସାର୍ଟିଫିକେଟ ଓ ୨ ଲକ୍ଷ ଟଙ୍କା ନେଇଥିବା ଅଭିଯୋଗ କରିଛନ୍ତି ସ୍କୁଲ ସମ୍ପାଦିକା। ସୂଚନା ମୁତାବକ ୨୦୦୪ରେ ସ୍କୁଲ ସ୍ଥାପନ ପରେ ଜାଗା ପାଇଁ ବିନୋଦ ମହାନ୍ତି ୨୦୧୦ରେ ୧୫ ଲକ୍ଷ ଟଙ୍କା ନେଇଥିଲେ। କିନ୍ତୁ ଦୁଇ ମାସ ତଳେ ଜାଗା ଛାଡିବା ପାଇଁ ସ୍କୁଲ ସମ୍ପାଦିକାଙ୍କୁ କହିଥିଲେ। ହେଲେ ନବମ ଦଶମ ଶ୍ରେଣୀ ପିଲାଙ୍କ ଅଧା ପାଠ ପଢା ହୋଇଥିବାରୁ, ସ୍କୁଲ ଛାଡିବା ପାଇଁ ଆଉ କିଛି ଦିନ ସମୟ ମାଗିଥିଲେ। ହେଲେ ଅତର୍କିତ ଭାବରେ ରାତିରେ ଆସି ସ୍କୁଲ ଭାଙ୍ଗିଥିବା ଅଭିଯୋଗ ହୋଇଛି।

 

ଲାଲଗଡରେ ପୋଲିସ ମହାନିର୍ଦ୍ଦେଶକ ଅଭୟ, ଆତ୍ମସମର୍ପଣ କଲେ ୨ ମାଓବାଦୀ

ମାଲକାନଗିରି: ଲାଲଗଡରେ ପୋଲିସ ମହାନିର୍ଦ୍ଦେଶକ ଅଭୟ। ମାଓବାଦୀଙ୍କ ସ୍ଥିତି ସମୀକ୍ଷା କରିବା ଲାଗି ବରିଷ୍ଠ ଆଇପିଏସ୍ ଅଫିସରଙ୍କ ସହିତ ଏକ ସ୍ୱତନ୍ତ୍ର ହେଲିକେପ୍ଟର ଯୋଗେ ମାଲକାନଗିରି ଜିଲା ମାଥିଲି ଥାନା ଅନ୍ତର୍ଗତ ଟେମୃପାଲିରେ ପହଞ୍ଚିଛନ୍ତି । ତେବେ ପୋଲିସ ଡିଜିଙ୍କ ଉପସ୍ଥିତିରେ ୨ ଜଣ ମାଓବାଦୀ ଆଜି ଆତ୍ମସମର୍ପଣ କରିଛନ୍ତି।

ମାଓବାଦୀଙ୍କୁ ନିପାତ କରିବା ଲାଗି ଟେମୃପାଲି ଠାରେ ଅବସ୍ଥାପିତ ବିଏସ୍ଏଫ୍ କ୍ୟାମ୍ପରେ ସୁରକ୍ଷା କର୍ମୀଙ୍କୁ ଗୁରୁମନ୍ତ୍ର ଦେଇଛନ୍ତି ଡିଜିପି ଅଭୟ। ସୂଚନା ମୁତାବକ ମାଲକାନଗିରିର ବରିଷ୍ଠ ପୋଲିସ ଓ ବିଏସଏଫ ଅଧିକାରୀଙ୍କ ସହ ଡିଜି ବୈଠକ କରିଛନ୍ତି। ଏହାପୂର୍ବରୁ ସେ କୋରାପୁଟ ଯାଇ ସୁନାବେଡା ଠାରେ ଏକ ଗୁରୁତ୍ୱପୂର୍ଣ୍ଣ ବୈଠକରେ ଜିଲ୍ଲାର ପୋଲିସ ଅଧିକାରୀଙ୍କ ସହ ଆଲୋଚନା କରିଛନ୍ତି । ଏଠାରେ ଅପରେସନ IG, ଗୁଇନ୍ଦା ନିର୍ଦ୍ଧେଶକ, BSF IG, କୋରପୁଟ SP ପ୍ରମୁଖ ଉପସ୍ଥିତ ଥିଲେ। ତେବେ ମାଲକାନଗିରି ପରେ କନ୍ଧମାଳ ଗସ୍ତ କରିବେ ପୋଲିସ ଡିଜି।

କପା ଜିନିଂ ୟୁନିଟ ପରିଦର୍ଶନ କଲେ କୃଷି ବିଭାଗ ଯୁଗ୍ମସଚିବ ବିପିନ ପାଣିଗ୍ରାହୀ

ଗଞ୍ଜାମ:  ଦିଗପହଣ୍ଡିରେ କପା ଜିନିଂ ୟୁନିଟ ପରିଦର୍ଶନ କରିଛନ୍ତି କୃଷି ବିଭାଗର ଯୁଗ୍ମସଚିବ ବିପିନ ପାଣିଗ୍ରାହୀ । ଜିଲ୍ଲାରେ କପା ଚାଷୀମାନେ ସେମାନଙ୍କ ଉତ୍ପାଦ ବିକ୍ରି କରିବା ପାଇଁ ବହୁ ଅସୁବିଧାର ସମ୍ମୁଖୀନ ହେଉଥିଲେ। ଏହାକୁ ଦୃଷ୍ଟିରେ ରଖି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦିଗପହଣ୍ଡିରେ ଥିବା କପା ନିୟନ୍ତ୍ରିତ ବଜାର କମିଟି ମଧ୍ୟରେ ଜିନିଂ ମିଲ କରିବା ପାଇଁ ନିର୍ଦ୍ଦେଶ ଦେଇଥିଲେ।

ତେବେ ବର୍ତ୍ତମାନ ୟୁନିଟର କାର୍ଯ୍ୟ ଶେଷ ପର୍ଯ୍ୟାୟରେ ପହଞ୍ଚିଥିବା ବେଳେ କୃଷି ବିଭାଗର ପଦାଧିକାରୀମାନେ ଏହାର ପରିଦର୍ଶନ କରିଥିଲେ। ଚଳିତ ବର୍ଷ ଶେଷ ସୁଦ୍ଧା ଏହା କାର୍ଯ୍ୟକ୍ଷମ ହେବ ବୋଲି ସୂଚନା ମିଳିଛି। ଗସ୍ତ ଅବସରରେ ଯୁଗ୍ମସଚିବ ଚିକିଟି, ଦିଗପହଣ୍ଡି, ସାନଖେମୁଣ୍ଡି ଏବଂ କୁକୁଡ଼ାଖଣ୍ଡି ର ବିଭିନ୍ନ ଚାଷ କ୍ଷେତ୍ର ପରିଦର୍ଶନ କରିଥିଲେ।

ଦେଶର ଆଉ ୪୧ ହଜାର ୧୫୭ ଜଣ କରୋନା ସଂକ୍ରମିତ ଚିହ୍ନଟ: ୫୧୮ ଜଣଙ୍କ ମୃତ୍ୟୁ

ନୂଆଦିଲ୍ଲୀ: ଦେଶରେ ଗତ ୨୪ ଘଣ୍ଟା ମଧ୍ୟରେ ଆଉ ୪୧ ହଜାର ୧୫୭ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି ଏବଂ ୪୨ ହଜାର ୪ଜଣ ରୋଗୀ ସୁସ୍ଥ ହୋଇଛନ୍ତି । ତେବେ ମୃତ୍ୟୁ ସଂଖ୍ୟା ଏବେ ମଧ୍ୟ ଚିନ୍ତାଜନକ ରହିଛି । ଗତ ୨୪ ଘଣ୍ଟା ମଧ୍ୟରେ ୫୧୮ ଜଣ କରୋନା ସଂକ୍ରମିତଙ୍କ ମୃତ୍ୟୁ ଘଟିଛି । ମୋଟାମୋଟି ଭାବେ ଏବେ ବି ଟଳିନି କରୋନା ସଂକଟ । ଦେଶରେ ୪ଲକ୍ଷ ଉପରେ ଆକ୍ଟିଭ୍ କେସ୍ ରହିଥିବା ବେଳେ ନୂଆ ସଂକ୍ରମିତ ମଧ୍ୟ ବଢୁଛନ୍ତି । ଦେଶରେ ଦୁଇ ଦିନ ପରେ ପୁଣି ୪୦ ହଜାର ଉପରେ ରହିଛି ଦୈନିକ ସଂକ୍ରମଣ । ଗତ ୨୪ ଘଣ୍ଟାରେ ଦେଶରେ ୪୧ହଜାର ୧୫୭ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ସେହିପରି ଦିନକରେ ୫୧୮ ଜଣଙ୍କ ଜୀବନ ନେଇଛି ମାରାତ୍ମକ ଭୂତାଣୁ । ଗୋଟିଏ ଦିନରେ ୪୨ ହଜାର ୪ଜଣ କରୋନା ରୋଗୀ ସୁସ୍ଥ ହୋଇଛନ୍ତି । ଦେଶରେ ସୁସ୍ଥତା ହାର ୯୭ ଦଶମିକ ୩୧ ପ୍ରତିଶତ ପାର୍ କରିଛି । ଏବେ ଦେଶରେ ୪ଲକ୍ଷ ୨୨ହଜାର ୬୬୦ ଆକ୍ଟିଭ୍ କେସ୍ ରହିଛି । ମୋଟ ମୃତ୍ୟୁସଂଖ୍ୟା ୪ଲକ୍ଷ ୧୩ ହଜାର ୬୦୯ ହୋଇଛି ।

ଏଥିସହିତ ପଢ଼ନ୍ତୁ: କୋଭିସିଲ୍ଡ ଟିକାକୁ ୧୬ ୟୁରୋପୀୟ ରାଷ୍ଟ୍ରର ସ୍ୱୀକୃତି: ଅଦର ପୁନାଓ୍ୱାଲା

ଜମି ବିବାଦରୁ ରକ୍ତାକ୍ତ ଗୋଷ୍ଠୀ ସଂଘର୍ଷ, ୬ ଗୁରୁତର

ଭଦ୍ରକ: ଜମି ବିବାଦକୁ ନେଇ ଭଦ୍ରକ ଜିଲ୍ଲା ବାସୁଦେବପୁରରେ ଦେଖିବାକୁ ମିଳିଛି ଗୋଷ୍ଠୀ ସଂଘର୍ଷ । ଆନ୍ଦୋଳା ପଞ୍ଚାୟତ କାଶିପୁର ଗ୍ରାମର ଦୁଇ ଗୋଷ୍ଠୀ ମଧ୍ୟରେ ରକ୍ତାକ୍ତ ସଂଘର୍ଷ ପରେ ଉଭୟ ପକ୍ଷରୁ ୬ ଜଣଙ୍କୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରାଯାଇଛି। ଉଭୟ ପକ୍ଷ ପରସ୍ପରକୁ ତେଣ୍ଟା ଓ ଭୁଜାଲିରେ ଆକ୍ରମଣ କରିଥିଲେ।

ସୂଚନା ମୁତାବକ,  ଗତକାଲି ରାତିରେ କାଶିପୁର ଗ୍ରାମର ଶଙ୍କର୍ଷଣ ରାଉଳ ନିଜ ଘରକୁ ଏକ ରାସ୍ତା ତିଆରି କରିଥିଲେ। ଏହି ରାସ୍ତା ଦିବ୍ୟସିଂହ ମିଶ୍ରଙ୍କ ଜମି ଉପରେ କରାଯାଇଥିବାରୁ ଦୁଇ ପରିବାର ମଧ୍ୟରେ ଯୁକ୍ତିତର୍କ ଆରମ୍ଭ ହୋଇଥିଲା । ଏହାକୁ ନେଇ ଦୁଇ ଗୋଷ୍ଠୀ ମଧ୍ୟରେ ମାଡ଼ପିଟ ହୋଇଥିବା ବେଳେ ଗୋଟିଏ ଗୋଷ୍ଠୀର ରଞ୍ଜନ ବେହେରାଙ୍କ ଜଙ୍ଘରେ ତେଣ୍ଟା ମାଡ଼ ହୋଇଛି। ଗୁରୁତର ଅବସ୍ଥାରେ ରଞ୍ଜନଙ୍କୁ ପ୍ରଥମେ ବାସୁଦେବପୁର ଡାକ୍ତରଖାନାରେ ଭର୍ତ୍ତି କରାଯାଇଥିବା ବେଳେ ପରେ ତାଙ୍କୁ ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି। ଏହାସହ ଶଙ୍କର୍ଷଣ ଓ ତାଙ୍କ ପତ୍ନୀ ତନୁଶ୍ରୀଙ୍କୁ ଆହତ ଅବସ୍ଥାରେ ବାସୁଦେବପୁର ଡାକ୍ତରଖାନାରେ ଭର୍ତ୍ତି କରାଯାଇଛି । ଏମାନଙ୍କ ବ୍ୟତୀୟ ଅନ୍ୟ ଆହତ ହୋଇଥିବା ୪ଜଣଙ୍କୁ ପ୍ରାଥମିକ ଚିକିତ୍ସା ପରେ ଛାଡ଼ି ଦିଆଯଇଛି । ଘଟଣାକୁ ନେଇ କାଶିପୁର ଗ୍ରାମରେ ଉତ୍ତେଜନାପୂର୍ଣ୍ଣ ସ୍ଥିତି ଲାଗିରହିଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଚଳାଇଛି।

ଶହେ ଫୁଟ ତଳକୁ ଖସିଲା ଟ୍ରକ୍, ଜଣେ ମୃତ ଜଣେ ଗୁରୁତର

ମୟୁରଭଞ୍ଜ: ମରଣଜନ୍ତା ପାଲଟିଛି ମୟୁରଭଞ୍ଜ ଜିଲ୍ଲା ବାଙ୍ଗିରିପୋଷି ଥାନା ଅନ୍ତର୍ଗତ ଦୁଆରଶୁଣୀ ଘାଟି। ପ୍ରତ୍ୟେକ ଦିନ କିଛି କିଛି ଛୋଟ ବଡ ଦୁର୍ଘଟଣା ଏଠାରେ ଘଟିଥାଏ। ତେବେ ଆଜି ଭୋର ସମୟରେ ଭାରସାମ୍ୟ ହରାଇ ଘାଟିରେ ଶହେ ଫୁଟ ତଳକୁ ଖସିଛି ଟ୍ରକ୍। ଏହି ଦୁର୍ଘଟଣାରେ ଟ୍ରକ୍ ଡ୍ରାଇଭରଙ୍କର ମୃତ୍ୟୁ ଘଟିଥିବା ବେଳେ ହେଲ୍‌ପରଙ୍କ ଅବସ୍ଥା ଗୁରୁତର ରହିଛି। ଗୁରୁତର ଅବସ୍ଥାରେ ହେଲପରଙ୍କୁ ଉଦ୍ଧାର କରାଯାଇ ଡାକ୍ତରଖାନାରେ ଭର୍ତ୍ତି କରାଯାଇଛି।

ସୂଚନା ଅନୁୟାୟୀ, ଆଜି ଭୋରରୁ ଟ୍ରକଟି କେନ୍ଦୁଝରରୁ କୋଲକାତା ଅଭିମୁଖେ ଯାଉଥିଲା। ଟ୍ରକରେ ଲୁହା ପଥର ସହିତ କିଛି କେମିକାଲ୍ ଡବା ଲୋଡ୍ କରାଯାଇଥିଲା। ଘାଟି ରାସ୍ତାରେ ଯିବା ବେଳେ ଭାରସାମ୍ୟ ହରାଇ ଟ୍ରକଟି ଶହେ ଫୁଟ ତଳକୁ ଖସି ପଡ଼ିଥିଲା। ଖବର ପାଇ ବାଙ୍ଗିରିପୋଷି ଥାନା ପୋଲିସ ଓ ଦମକଳବାହିନୀ ଘଟଣାସ୍ଥଳରେ ପହଞ୍ଚିଥିଲେ। ଗ୍ରାମବାସୀ ଟ୍ରକର ହଲପରଙ୍କୁ ଗୁରୁତର ଅବସ୍ଥାରେ ଉଦ୍ଧାର କରିଥିବା ବେଳେ ଗାଡ଼ି ତଳେ ଚାପି ହୋଇ ଡ୍ରାଇଭରଙ୍କ ମୃତ୍ୟୁ ହୋଇଛି। ଟ୍ରକ ତଳୁ ଡ୍ରାଇଭରଙ୍କ ମୃତଦେହ ଉଦ୍ଧାର ପ୍ରକ୍ରିୟା ଜାରି ରହିଛି।