spot_img

Latest Posts

ଭୁବନେଶ୍ୱରରେ କୋଲକତା ପୋଲିସର ଚଢ଼ାଉ, ଧରାପଡ଼ିଲେ ସାଇବର ଠକ ଗ୍ୟାଙ୍ଗ୍

ନନ୍ଦିଘୋଷ ବ୍ୟୁରୋ: ଭୁବନେଶ୍ୱର ପାହାଳ ଥାନା ଅଞ୍ଚଳରେ କୋଲକତା ପୋଲିସର ବଡ ଧରଣର ଚଢ଼ାଉ।  ବନ୍ଧା ହେଲେ ଠକ ଗ୍ୟାଙ୍ଗ । ପାହାଳ ଅଞ୍ଚଳରେ କୋଲକତା ରାଜାରହାଟ ଥାନା ପୋଲିସର ଚଢ଼ାଉ କରିଛି। ହଂସପାଳ-ପୁରୀ ମୁଖ୍ୟ କେନାଲର ବାମ ପାର୍ଶ୍ୱରେ ଥିବା ଭାରତ ବିହାର ଅଞ୍ଚଳର ଏକ ଘରେ କୋଲକତା ସାଇବର ପୋଲିସ ରାତି ୧.୩୦ରେ ଚଢ଼ାଉ କରିଥିଲା।  ପାହାଳ ଥାନା ଅଧିକାରୀ ଅଶ୍ୱନୀ ଜେନାଙ୍କ ସହଯୋଗରେ ବିଶେଷ ସୂତ୍ରରୁ ମିଳିଥିବା ତଥ୍ୟ ଆଧାରରେ ଏହି ଚଢ଼ାଉ ହୋଇଥିବା ସୂଚନା ମିଳିଛି। ସୂଚନା ଅନୁଯାୟୀ, କୋଲକତାରେ ପ୍ରାୟ ୯ ଲକ୍ଷ ଟଙ୍କାର ଏକ ସାଇବର ଠକେଇ ଘଟଣାର ତଦନ୍ତ କରୁ କରୁ କୋଲକତା ସାଇବର ପୁଲିସ ଓଡ଼ିଶାରେ ପହଞ୍ଚିଥିଲା। ତଦନ୍ତ ବେଳେ ହଜିଯାଇଥିବା ମୋବାଇଲ ଫୋନର ଓଟିପି ସଂଗ୍ରହ କରି ଠକମାନେ ବ୍ୟାଙ୍କ ଖାତାରୁ ଅର୍ଥ କାରବାର କରିଥିବା ଅଭିଯୋଗ ସାମ୍ନାକୁ ଆସିଥିଲା। ଏହି ଘଟଣାରେ ମୋବାଇଲ ଫୋନ ମାଲିକଙ୍କ ଅଭିଯୋଗକୁ ଆଧାର କରି କୋଲକତା ପୋଲିସ ତଦନ୍ତ ଆରମ୍ଭ କରିଥିଲା। ତଦନ୍ତର ସୂତ୍ର ଧରି ପୁଲିସ ଏକ ସାଇବର ଠକେଇ ଗ୍ୟାଙ୍ଗର ସଦସ୍ୟଙ୍କ ପାଖରେ ପହଞ୍ଚିବା ପରେ ପାହାଳ ଅଞ୍ଚଳରେ ଚଢ଼ାଉକୁ ବ୍ୟାପକ କରିଛି ।

Latest Posts

Don't Miss