spot_img
Home Blog Page 5506

ସୋର ଥାନାରେ ଓକିଲଙ୍କୁ ମାଡ଼ ଭିଡିଓ ଭାଇରାଲ: ୯ମ ଦିନରେ ପହଞ୍ଚିଲା ଓକିଲଙ୍କ ଆନ୍ଦୋଳନ

ବାଲେଶ୍ୱର: ସୋର ଥାନାରେ ଓକିଲଙ୍କୁ ପୋଲିସ ମାଡ଼ ମରା ଭିଡିଓ ଭାଇରାଲ । ମାଡ଼ ଘଟଣାର ପ୍ରତିବାଦରେ ସୋର ଓକିଲ ସଂଘ ୯ ଦିନ ହେଲା କାର୍ଯ୍ୟବନ୍ଦ ଆନ୍ଦୋଳନ ଜାରି ରଖିଛି । ଓକିଲଙ୍କୁ ପୋଲିସ ମାଡ଼ ମାରିବା ସହିତ ଗାଳିଗୁଲଜ କରୁଥିବାର ଭିଡିଓ ଭାଇରାଲ୍ ହୋଇଛି । ଏପରିକି ମାଡ଼ରେ ଅଚେତ ହୋଇଯାଇଥିଲେ ଓକିଲ । ସୂଚନା ଅନୁସାରେ, ସୋର କଲେଜ ଛକରେ ଓକିଲ ଧୀରେନ୍ଦ୍ର ଦାସ ଭଡ଼ାଘରେ ରହନ୍ତି । ଗତ ୪ ତାରିଖରେ କୌଣସି ଏକ ମାମଲାରେ ତାଙ୍କ ଘରେ ଭୁବନେଶ୍ୱର ନୟାପଲ୍ଲୀ ଓ ସୋର ଥାନା ପୋଲିସ ପହଞ୍ଚି ଗେଟ୍‌ ଖୋଲିବାକୁ କହିଥିଲେ । ତେବେ ସେ ଭଡ଼ାଘରେ ରହୁଥିବାରୁ ଘର ମାଲିକଙ୍କୁ କହିବାକୁ ଧୀରେନ୍ଦ୍ର କହିଥିଲେ । ପୋଲିସ ଏଥିରେ ଉତ୍‌କ୍ଷୀପ୍ତ ହୋଇ ତାଙ୍କୁ ଥାନାକୁ ନେଇ ଯାଇଥିଲା । ସୋର ଥାନାରେ ମାଡ ମାରି ୧୨ଘଣ୍ଟା ପରେ ତାଙ୍କୁ ଛାଡ଼ିଥିବା ଓକିଲ କହିଛନ୍ତି । ଘଟଣାକୁ ସୋର ଓକିଲ ସଂଘ ବିରୋଧ କରି ଆନ୍ଦୋଳନ ଜାରି ରଖିଛି । ଦୋଷୀ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ଏସପିଙ୍କୁ ଭେଟି ଦାବି ଜଣାଇଛି ସୋର ଓକିଲ ସଂଘ ।

ଏଥିସହିତ ପଢ଼ନ୍ତୁ: ଆସନ୍ତା ୯ରୁ ରାଜ୍ୟରେ ଖୋଲିବ ବୈଷୟିକ କଲେଜ ଓ ବିଶ୍ୱବିଦ୍ୟାଳୟ

 

 

ଟିଏମ୍‌ସିର ୬ ରାଜ୍ୟସଭା ସାଂସଦ ନିଲମ୍ୱିତ

ନୂଆଦିଲ୍ଲୀ: ସଂସଦରୁ ୬ ତୃଣମୂଳ କଂଗ୍ରେସ ସାଂସଦ ନିଲମ୍ୱିତ । ୬ ଟିଏମ୍ସି ସାଂସଦଙ୍କୁ ନିଲମ୍ବନ କଲେ ରାଜ୍ୟସଭା ଅଧ୍ୟକ୍ଷ । ଆଜି ଗୋଟିଏ ଦିନ ପାଇଁ ୬ ଟିଏମ୍‌ସି ସାଂସଦ ନିଲମ୍ବିତ । ଅର୍ପିତା ଘୋଷ, ଡୋଲା ସେନ୍, ମୌସୁମୀ ନୁର, ନଦିମୁଲ ହକ୍, ଅଧିରଞ୍ଜନ ବିଶ୍ୱାସ, ଶାସ୍ତା ଛେତ୍ରୀ ଦିନକ ପାଇଁ ଗୃହରୁ ନିଲମ୍ୱିତ ହୋଇଛନ୍ତି  ଟିଏମ୍‌ସିର ୬ ସାଂସଦ । ସୂଚନା ଯୋଗ୍ୟ ଯେ, ପେଗାସସ୍ ଭାଇରସ ପାଇଁ ସଂସଦରେ ଅଚଳାବସ୍ଥା ଜାରି । ଆଜି ବି ସଂସଦରେ ପୂ୍ର୍ବ ଭଳି ସ୍ଥିତି ଜାରି । ବିଭିନ୍ନ ପ୍ରସଙ୍ଗରେ ଆଲୋଚନା ପାଇଁ ବିରୋଧୀଙ୍କ ହଟ୍ଟଗୋଳ ପରେ ଉଭୟ ଗୃହକୁ ମୁଲତବି କରିଦିଆଯାଇଛି । ହୋ ହାଲ୍ଲା ଓ ନାରାବାଜି ଫଳରେ ଗୃହ ମୁଲତବି କରିଛନ୍ତି ବାଚସ୍ପତି । ଉଭୟ ଗୃହକୁ ୨ଟା ପର୍ଯ୍ୟନ୍ତ ମୁଲତବୀ ରଖାଯାଇଛି । ଜାସୁସୀକାଣ୍ଡର ତଦନ୍ତ ଜିଦ୍ରେ ଅଟଳ ବିରୋଧୀ ଅଟଳ ଥିବା ବେଳେ କେନ୍ଦ୍ର ଓ ବିରୋଧୀଙ୍କ ମଧ୍ୟରେ କଥା କଟାକଟି ଯୋଗୁ ହୋଇପାରୁନି ଆଲୋଚନା । ୨ ସପ୍ତାହରେ ମାତ୍ର ୧୮ ଘଣ୍ଟା ଚାଲିଥିଲା ଗୃହ । ତେବେ ତୃତୀୟ ସପ୍ତାହରେ ବି ଗୃହ କାର୍ଯ୍ୟ ସ୍ବାଭାବିକ ହୋଇପାରିନି । ପ୍ରତ୍ୟେକ ଦିନ ଗୃହକାର୍ଯ୍ୟ ଆରମ୍ଭରୁ ଜାସୁସୀକାଣ୍ଡ ପାଇଁ ସରକାରଙ୍କୁ ଘେରୁଛନ୍ତି ବିରୋଧୀ । କେନ୍ଦ୍ର ସରକାର ଗୃହରେ ଗୋଟିଏ ପରେ ଗୋଟିଏ ବିଲ୍ ପାସ୍ କରିଚାଲିଥିବା ବେଳେ ବିରୋଧୀଙ୍କୁ ଗୁରୁତ୍ୱ ଦେଉନାହାନ୍ତି । ଗୃହ ଚାଲି ପାରୁ ନଥିବା ବେଳେ ଗୃହକାର୍ଯ୍ୟ ଓ ଅନ୍ୟାନ୍ୟ ଆନୁଷଙ୍ଗିକ ଖର୍ଚ୍ଚ ପାଇଁ ୧୩୩ କୋଟିରୁ ଅଧିକ ଟଙ୍କା ପାଣିରେ ପଡିଲାଣି । ହେଲେ ସ୍ୱାଭାବିକ  ହୋଇପାରୁନି ସଂସଦ ।

ଏଥିସହିତ ପଢ଼ନ୍ତୁ: ଆସନ୍ତା ୯ରୁ ରାଜ୍ୟରେ ଖୋଲିବ ବୈଷୟିକ କଲେଜ ଓ ବିଶ୍ୱବିଦ୍ୟାଳୟ

ଆସନ୍ତା ୯ରୁ ରାଜ୍ୟରେ ଖୋଲିବ ବୈଷୟିକ କଲେଜ ଓ ବିଶ୍ୱବିଦ୍ୟାଳୟ

ଭୁବନେଶ୍ୱର: ଆସନ୍ତା ୯ତାରିଖରୁ ବୈଷୟିକ କଲେଜ ଓ ବିଶ୍ୱବିଦ୍ୟାଳୟ ଖୋଲିବ । କେବଳ ଶେଷ ବର୍ଷ ପାଇଁ ହେବ ଅଫ୍‌ଲାଇନ୍ କ୍ଲାସ । କଲେଜ ପରିସର ସଫା ସହ ବିଶୋଧନ କରିବାକୁ କର୍ତ୍ତୃପକ୍ଷଙ୍କୁ ଚିଠି ଲେଖାଯାଇଛି । ଦକ୍ଷତା ବିକାଶ ଓ ବୈଷୟିକ ଶିକ୍ଷା ବିଭାଗ ପକ୍ଷରୁ ଏହି ସୂଚନା ଦିଆଯାଇଛି । ରାଜ୍ୟରେ କରୋନା ପ୍ରକୋପ ସାମାନ୍ୟ କମିଥିବାରୁ ଧୀରେ ଧୀରେ ଖୋଲୁଛି ଶିକ୍ଷାନୁଷ୍ଠାନ । ଦଶମ, ଦ୍ୱାଦଶ ଶ୍ରେଣୀ ଖୋଲିସାରିଛି । କରୋନା ଯୋଗୁ ଛାତ୍ରଛାତ୍ରୀଙ୍କ ପାଠପଢ଼ା ସମ୍ପୂର୍ଣ୍ଣ ବ୍ୟାହତ ହୋଇଛି । ହଷ୍ଟେଲ ମଧ୍ୟ ଖୋଲିବାକୁ ନିଷ୍ପତ୍ତି ନିଆଯାଇଛି । କୋଭିଡ ଗାଇଡଲାଇନ୍‌ ଅନୁଯାୟୀ ବୈଷୟିକ କଲେଜ ଓ ବିଶ୍ୱବିଦ୍ୟାଳୟର କ୍ଲାସ ହେବ । ସାମାଜିକ ଦୂରତା ଅବଳମ୍ବନ କରାଯିବ । ଲାବରୋଟୋରୀକୁ ସମ୍ପୂର୍ଣ୍ଣ ବିଶୋଧନ କରିବାକୁ ଦକ୍ଷତା ବିକାଶ ଓ ବୈଷୟିକ ଶିକ୍ଷା ବିଭାଗ କଲେଜ କର୍ତ୍ତୃପକ୍ଷଙ୍କୁ ଚିଠି ଲେଖିଛି ।

ଏଥିସହିତ ପଢ଼ନ୍ତୁ: ଗୋଟିଏ ପ୍ରୟାସରେ ଜାଭେଲିନ୍ ଥ୍ରୋ’ ଫାଇନାଲରେ ସ୍ଥାନ ପକ୍କା କଲେ ନୀରଜ

ଆସନ୍ତା ୧୫ରୁ ୨୦ ତାରିଖ ମଧ୍ୟରେ ଭକ୍ତଙ୍କ ପାଇଁ ଖୋଲିପାରେ ଶ୍ରୀମନ୍ଦିର

ପୁରୀ: ଆସନ୍ତା ୧୫ରୁ ୨୦ତାରିଖ ମଧ୍ୟରେ ଖୋଲିପାରେ ଶ୍ରୀମନ୍ଦିର । ମନ୍ଦିର ଖୋଲିବା ନେଇ ଆଜି ଆସିବ ନିଷ୍ପତ୍ତି । ନିଯୋଗର ମତାମତ ଓ ପ୍ରାଶାସନିକ ଆଲୋଚନା ପରେ ବାଜିବ ମୋହର । କୋଭିଡ କଟକଣା ମଧ୍ୟରେ ଖୋଲିପାରେ ଶ୍ରୀମନ୍ଦିର । ଶ୍ରୀମନ୍ଦିରକୁ ଭକ୍ତଙ୍କ ପ୍ରବେଶ ନେଇ ସନ୍ଧ୍ୟାରେ ହେବ ଛତିଶା ନିଯୋଗ ବୈଠକ । ଆଜି ହେବାକୁ ଥିବା ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ ବୈଠକ ସ୍ଥଗିତ ରହିଛି । କରୋନା ପାଇଁ ଦୀର୍ଘ ଦିନ ଧରି ଭକ୍ତଙ୍କ ପାଇଁ ବନ୍ଦ ରହିଛି ଶ୍ରୀମନ୍ଦିର । ବର୍ତ୍ତମାନ ରାଜ୍ୟରେ ସଂକ୍ରମଣ ଧିରେଧିରେ କମିବାରେ ଲାଗିଛି । ଏହାକୁ ନଜରରେ ରଖି କଟକଣା କୋହଳ ହୋଇଛି । ରାଜ୍ୟର ଧର୍ମାନୁଷ୍ଠାନ ଖୋଲିବାକୁ ସବୁଜ ସଂକେତ ମିଳିସାରିଛି । ଏଭଳି ସମୟରେ କଟକଣାରେ ଶ୍ରୀମନ୍ଦିର ଖୋଲିବାକୁ ଦାବି କରିଛନ୍ତି ଭକ୍ତ ।

ଅଭାବନୀୟ: ସ୍ତ୍ରୀ ଉପରେ ପେଟ୍ରୋଲ ଢାଳି ଜୀଅନ୍ତା ଜାଳିଦେଲା ସ୍ୱାମୀ

ବ୍ରହ୍ମପୁର: ଗଞ୍ଜାମ ଜିଲ୍ଲା ସାନ ଆର୍ଯ୍ୟପଲ୍ଲୀ ଗାଁରେ ଅଭାବନୀୟ ଘଟଣା । ସ୍ତ୍ରୀ ଉପରେ ପେଟ୍ରୋଲ ଢ଼ାଳି ସ୍ୱାମୀ ନିଆଁ ଲଗାଇଥିବା ଅଭିଯୋଗ ହୋଇଛି । ପାରିବାରିକ କଳହରୁ ସ୍ୱାମୀ ଏପରି କାଣ୍ଡ ଭିଆଇଥିବା ଜଣାପଡିଛି । ଗୁରୁତର ସ୍ତ୍ରୀକୁ ମେଡିକାଲରେ ଭର୍ତ୍ତି କରାଯାଇଛି । ସୂଚନା ଅନୁଯାୟୀ ଆର୍ଯ୍ୟପଲ୍ଲୀ ଗାଁର ବି. ମୁକୋଡୁ ଓ ପତ୍ନୀ ବି. ଆରାମାଙ୍କ ମଧ୍ୟରେ ଝଗଡା ହୋଇଥିଲା । ପରେ ସ୍ତ୍ରୀ ବି. ଆରାମା ତାଙ୍କ ବାପଘରକୁ ଚାଲିଯାଇଥିଲେ । ସେଠାରୁ ମହିଳା ଜଣଙ୍କ କାମ କରିବା ପାଇଁ ଯାଉଥିବା ବେଳେ ନିକଟସ୍ଥ ଗାନ୍ଧୀ ଛକ ନିକଟରେ ସ୍ୱାମୀ ବି. ମୁ୍କୋଡୁ ମହିଳାଙ୍କ ସହ ବଚସା କରିବା ପରେ ପେଟ୍ରୋଲ ଢାଳି ନିଆଁ ଲଗାଇଥିଲେ । ମହିଳା ଜଣଙ୍କୁ ଗୁରୁତର ଅବସ୍ଥାରେ ସ୍ଥାନୀୟ ଲୋକ ଉଦ୍ଧାର କରି ପ୍ରଥମେ ଛତ୍ରପୁର ମେଡିକାଲ ଓ ପରେ ବ୍ରହ୍ମପୁର ମେଡିକାଲରେ ଭର୍ତ୍ତି କରିଛନ୍ତି । ଏନେଇ ପୋଲିସ ଖବର ପାଇବା ପରେ ଘଟଣାସ୍ଥଳରେ ପହଞ୍ଚି ସ୍ୱାମୀ ବି. ମୁକୋଡୁକୁ କାବୁ କରିବା ସହ ଥାନାରେ ଅଟକ ରଖି ଅଧିକ ପଚରାଉଚରା କରୁଛି  ।

ଏଥିସହିତ ପଢ଼ନ୍ତୁ: ରାଜଧାନୀରେ ଘରଭଡ଼ାକୁ କେନ୍ଦ୍ରକରି ତୁମୁଳକାଣ୍ଡ: ପୋଲିସ ଓ ସାମ୍ୱାଦିକଙ୍କୁ ମାଡ଼ ମାରିଲେ ଘର ମାଲିକାଣୀ

ଗୋଟିଏ ପ୍ରୟାସରେ ଜାଭେଲିନ୍ ଥ୍ରୋ’ ଫାଇନାଲରେ ସ୍ଥାନ ପକ୍କା କଲେ ନୀରଜ

ଟୋକିଓ: ଭାରତ ପାଇଁ ଜାଭେଲିନ୍‌ରେ ପଦକ ଆଶା ସୃଷ୍ଟି ହୋଇଛି । ଭାରତୀୟ ଖେଳାଳି ନୀରଜ ଚୋପ୍ରା ପ୍ରଥମ ଓ ଗୋଟିଏ ଥ୍ରୋ’ରେ ସିଧାସଳଖ ଫାଇନାଲକୁ ପ୍ରବେଶ କରିଛନ୍ତି । ସେ ପୁଲ ଏ’ ଯୋଗ୍ୟତା ପର୍ଯ୍ୟାୟରେ ନିଜର ପ୍ରଥମ ପ୍ରୟାସରେ ବର୍ଛାକୁ ୮୬.୬୫ ମିଟର ଦୂରତାକୁ ଫୋପାଡି ପାରିଥିଲେ । ଅନ୍ୟପକ୍ଷରେ ପାକିସ୍ତାନର ନଦୀମ ଅରଶଦ ପୁଲ୍ ବି’ରେ ୮୫.୧୬ ମିଟର ଦୂରତାକୁ ବର୍ଛା ଫୋପାଡି ଫାଇନାଲକୁ ପ୍ରବେଶ କରିଛନ୍ତି ।
ନିଜ ପ୍ରଥମ ଅଲମ୍ପିକରେ ଭାଗ ନେଉଥିବା ନୀରଜ ଫାଇନାଲ ରାଉଣ୍ଡରେ ସ୍ଥାନ ପାଇଁ ମାତ୍ର କିଛି ସମୟ ନେଇଥିଲେ । ଫାଇନାଲ ପାଇଁ କ୍ୱାଲିଫାଇ ମାର୍କ ୮୩.୫୦ ମିଟର ଥିଲା । ଗ୍ରୁପ ଏ’ରେ ଭାଗ ନେଇଥିବା ନୀରଜ ଅତି ସହଜରେ ଏହାକୁ ପାର କରିଯାଇଥିଲେ । ଫିନଲାଣ୍ଡର ଏତେଲାତେଲୋ ମଧ୍ୟ ୮୪.୫୦ ମିଟର ବର୍ଛା ଫୋପାଡି ସିଧା ଫାଇନାଲକୁ ପ୍ରବେଶ କରିଛନ୍ତି ।

ପୂର୍ବତନ ବିଶ୍ୱ ଜୁନିଅର ଚାମ୍ପିୟନ ନୀରଜ ଗ୍ରୁପ ଏ’ରେ ୧୬ ଖେଳାଳୀଙ୍କ ମଧ୍ୟରେ ଶୀର୍ଷରେ ଅଛନ୍ତି । ଏହା ପୂର୍ବରୁ ମାର୍ଚ୍ଚ ୨୦୨୧ରେ ସେ ପଟିଆଲାରେ ଇଣ୍ଡିଆନ ଗ୍ରାଁ ପ୍ରି ୩ରେ ୮୮.୦୭ ମିଟର ଦୂରତାକୁ ବର୍ଛା ଫୋପାଡି ରେକର୍ଡ କରିଥିଲେ ।
୨୩ ବର୍ଷୀୟ ନୀରଜ ଅଲମ୍ପିକ୍ ଯୋଗ୍ୟତା ପର୍ଯ୍ୟାୟରେ ନିଜ ପ୍ରଥମ ପ୍ରୟାସ ପରେ ଆଉ ଦୁଇ ପ୍ରୟାସ କରିନଥିଲେ । ପ୍ରଥମ ଥର ବର୍ଛା ଫୋପାଡିବା ପରେ ସେ ଏରିନାରୁ ବାହାରକୁ ଚାଲିଯାଇଥିଲେ । ସୂଚନାଯୋଗ୍ୟ ଯେ, ଜାଭେଲିନ୍ ଥ୍ରୋ’ରେ ପ୍ରତି ଖେଳାଳୀଙ୍କୁ ମୋଟ ତିନୋଟି ପ୍ରୟାସ କରିବାକୁ ସୁଯୋଗ ମିଳିଥାଏ । ଯାହା ମଧ୍ୟରୁ ସର୍ବଶ୍ରେଷ୍ଠ ପ୍ରୟାସକୁ କ୍ୱାଲିଫାଇ ରାଉଣ୍ଡ୍ ପାଇଁ ଗ୍ରହଣ କରାଯାଇଥାଏ ।

Tokyo Olympics 2020: ବକ୍ସିଂରେ ଭାରତ ପାଇଁ ପଦକ ଜିତିଲେ ଲଭଲିନା

ଟୋକିଓ: ଭାରତକୁ ମିଳିଲା ଆଉ ଏକ ପଦକ । ମହିଳା ବକ୍ସିଂରେ ଭାରତ ପାଇଁ ପଦକ ଜିତିଲେ ଲଭଲିନା । ସେମିରେ ତୁର୍କୀର ସୁରମେନେଲୀଙ୍କ ଠାରୁ ୫-୦ରେ ପରାସ୍ତ ହେବା ପରେ ବ୍ରୋଞ୍ଚ ପଦକରେ ଲଭଲିନାଙ୍କୁ ସନ୍ତୁଷ୍ଟ ହେବାକୁ ପଡ଼ିଛି । ଲଭଲିନା ୦:୫ ପଏଣ୍ଟରେ ପ୍ରଥମ ରାଉଣ୍ଡ ପରାସ୍ତ ହୋଇଥିବା ବେଳେ ତାଙ୍କୁ ଓ୍ୱାର୍ଣ୍ଣିଂ ମଧ୍ୟ ଦିଆଯାଇଥିଲା । ଏଣୁ ପରବର୍ତ୍ତୀ ରାଉଣ୍ଡରେ ତାଙ୍କ ପଏଣ୍ଟ ହ୍ରାସ ହୋଇଥିଲା । ଏବଂ ସେ ପରାସ୍ତ ହୋଇଥିଲେ । ସେ ଭାରତର ବିଜେନ୍ଦ୍ର ସିଂହ ଏବଂ ମେରୀ କମ୍‌ଙ୍କ ପରେ ତୃତୀୟ ବକ୍ସର ଯିଏ ପଦକ ଜିତିଛନ୍ତି । ଏହା ପୂର୍ବରୁ ରାଉଣ୍ଡ ଅଫ୍ ୧୬ରେ ଜର୍ମାନୀ ପ୍ରତିଦ୍ୱନ୍ଦ୍ୱିଙ୍କ ସହ କଡ଼ା ମୁକାବିଲା ହୋଇଥିଲା । ଏଣୁ ସେ ସ୍ପିଲ୍ଟ ଡିସିସନ୍‌ରେ ବିଜୟୀ ହୋଇଥିଲେ ।

Tokyo Olympics 2020: ପୁରୁଷ ରେସଲିଂର କ୍ୱାର୍ଟର ଫାଇନାଲରେ ରବି ଦାହିୟା

ଟୋକିଓ: ଟୋକିଓ ଅଲିମ୍ପିକ୍ସ ପୁରୁଷ ରେସଲିଂର କ୍ୱାର୍ଟରରେ ପହଞ୍ଚିଲେ ରବି ଦାହିୟା । ଭାରତୀୟ ରେସଲର ରବି ଦାହିୟା ୫୭ କେ.ଜି ଫ୍ରି ଷ୍ଚାଇଲରେ କଲମ୍ବିଆ ପ୍ରତିଦ୍ୱନ୍ଦ୍ୱିଙ୍କୁ ହରାଇଛନ୍ତି । ରବି କୁମାର ୧୩-୨ରେ ଏହି ବିଜୟ ହାସଲ କରିଛନ୍ତି । ପ୍ରଥମ ରାଉଁଣ୍ଡରେ ଉଭୟ ଖେଳାଳିଙ୍କ ମଧ୍ୟରେ ହୋଇଥିଲା ଜୋରଦାର ଟକ୍କର । ହେଲେ ଦ୍ୱିତୀୟ  ରାଉଣ୍ଡରେ କଲମ୍ବିଆ ପ୍ରତିଦ୍ୱନ୍ଦ୍ୱିଙ୍କ ଉପରେ ଭାରି ପଡ଼ିଥିଲେ ଭାରତର ରବି ତାହିୟା ।

ଅପରପକ୍ଷରେ ଜାଭେଲିନ୍ ଥ୍ରୋ ଫାଇନାଲ ପାଇଁ ସ୍ଥାନ ପକ୍କା କରିଛନ୍ତି ଭାରତୀୟ ପ୍ରତିଯୋଗୀ ନୀରଜ ଚୋପ୍ରା । ସେ ସେମିଫାଇନାଲ ରାଉଣ୍ଡରେ ୮୬. ୬୫ ମିଟର ଥ୍ରୋ କରି ଫାଇନାଲରେ ସ୍ଥାନ ପକ୍କା କରିଛନ୍ତି । ଏହି ଦମଦାର ପ୍ରଦର୍ଶନ ଫଳରେ ନୀରଜ ପଦକ ଆଶା ଉଜ୍ଜିବୀତ କରିଛନ୍ତି । ଫାଇନାଲରେ ପହଞ୍ଚିବାକୁ ହେଲେ ୮୩. ୫୦ ମିଟର ଥ୍ରୋ କରିବା ଜରୁରି ଥିଲା, ହେଲେ ନୀରଜ ଏହାଠୁ ଅଧିକ ମିଟର ଫୋପାଡି ଫାଇନାଲରେ ପ୍ରବେଶ କରିଛନ୍ତି । ଏହି ବିଜୟ ସହ ଗ୍ରୁପ A ର ପ୍ରଥମ ସ୍ଥାନରେ ରହିଛନ୍ତି ନୀରଜ । ଆସନ୍ତା ୭ ତାରିଖରେ ଫାଇନାଲ୍ ଖେଳିବେ ନୀରଜ ଚୋପ୍ରା । ହରିୟାଣାର ପାଣୀପତରେ ଜନ୍ମ ଗ୍ରହଣ କରିଥିବା ନୀରଜ ବିଶ୍ୱସ୍ତରୀୟ ଆଥଲେଟିକ୍ସ ଚାମ୍ପିଆନସିପରେ ସ୍ୱର୍ଣ୍ଣ ପଦକ ଜିତିଥିବା ଦ୍ୱିତୀୟ ଭାରତୀୟ ଆଥଲେଟ୍ ଅଟନ୍ତି । ତେବେ ନବାଗତ ଶିବପାଲ ସିଂହ ଫାଇନାଲରେ ସ୍ଥାନ ପାଇବାରୁ ବଞ୍ଚିତ ହୋଇଛନ୍ତି । ସେ ୭୬.୪୦ ମିଟର ଥ୍ରୋ କରିପାରିଛନ୍ତି ।

ରାଜ୍ୟରେ କମୁଛି କରୋନା: ଆଉ ୧୩୧୫ ଜଣ କରୋନା ସଂକ୍ରମିତ ଚିହ୍ନଟ

ଭୁବନେଶ୍ୱର: ରାଜ୍ୟରେ ତଳମୁହାଁ କରୋନା ସଂକ୍ରମଣ । ଗତ ୨୪ ଘଣ୍ଟା ମଧ୍ୟରେ ରାଜ୍ୟରେ ଆଉ ୧୩୧୫ କରୋନା ସଂକ୍ରମିତ ଚିହ୍ନଟ । କ୍ୱାରେଣ୍ଟାଇନ୍‌ରୁ ୭୬୨ ଚିହ୍ନଟ ହୋଇଥିବା ବେଳେ ସ୍ଥାନୀୟ ଅଞ୍ଚଳରୁ ୫୫୩ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଖୋର୍ଦ୍ଧାରୁ ସର୍ବାଧିକ ୪୧୩ ସଂକ୍ରମିତ ଚିହ୍ନଟ ହୋଇଥିବା ବେଳେ ଅନୁଗୁଳରୁ ୫୨ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ବାଲେଶ୍ୱର ୪୩, ବରଗଡ଼ ୨, ଭଦ୍ରକ ୪୯, ବଲାଙ୍ଗୀର ୪, ବୌଦ୍ଧ ୪, କଟକ ୧୯୮, ଦେବଗଡ଼ ୭, ଢେଙ୍କାନାଳ ୧୮, ଗଜପତି ୫, ଗଞ୍ଜାମ ୧୧, ଜଗତସିଂହପୁର ୫୩, ଯାଜପୁର ୮୯, କଳାହାଣ୍ଡି ୪, କନ୍ଧମାଳ ୪, କେନ୍ଦ୍ରାପଡ଼ା ୨୮, କେନ୍ଦୁଝର ୧୩, କୋରାପୁଟ ୬, ମାଲକାନଗିରି ୫, ମୟୂରଭଞ୍ଜ ୬୨, ନବରଙ୍ଗପୁର ୪, ନୟାଗଡ଼ ୨୫, ନୂଆପଡ଼ା ୬, ପୁରୀ ୬୭, ରାୟଗଡ଼ା ୧୨, ସମ୍ୱଲପୁର ୨୩, ସୋନପୁର୮, ସୁନ୍ଦରଗଡ଼୧୬ ଏବଂ ଷ୍ଟେଟ୍ ପୁଲ୍‌ରୁ ୮୪ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି ।

Tokyo Olympics 2020: ଜାଭେଲିନ୍ ଥ୍ରୋ ଫାଇନାଲରେ ପହଞ୍ଚିଲେ ନୀରଜ ଚୋପ୍ରା

ଟୋକିଓ: ଟୋକିଓ ଅଲିମ୍ପିକ୍ସରେ ଚମକିଲେ ଭାରତର ଜାଭେଲିନ୍ ଥ୍ରୋର ଖେଳାଳି ନୀରଜ ଚୋପ୍ରା । ନୀରଜ ସେମିଫାଇନାଲ ରାଉଣ୍ଡରେ ୮୬. ୬୫ ମିଟର ଥ୍ରୋ କରି ଫାଇନାଲରେ ସ୍ଥାନ ପକ୍କା କରିଛନ୍ତି । ଏହି ଦମଦାର ପ୍ରଦର୍ଶନ ଫଳରେ ନୀରଜ ପଦକ ଆଶା ଉଜ୍ଜିବୀତ କରିଛନ୍ତି । ଫାଇନାଲରେ ପହଞ୍ଚିବାକୁ ହେଲେ ୮୩. ୫୦ ମିଟର ଥ୍ରୋ କରିବା ଜରୁରି ଥିଲା, ହେଲେ ନୀରଜ ଏହାଠୁ ଅଧିକ ମିଟର ଫୋପାଡି ଫାଇନାଲରେ ପ୍ରବେଶ କରିଛନ୍ତି । ଏହି ବିଜୟ ସହ ଗ୍ରୁପ A ର ପ୍ରଥମ ସ୍ଥାନରେ ରହିଛନ୍ତି ନୀରଜ । ଆସନ୍ତା ୭ ତାରିଖରେ ଫାଇନାଲ୍ ଖେଳିବେ ନୀରଜ ଚୋପ୍ରା । ହରିୟାଣାର ପାଣୀପତରେ ଜନ୍ମ ଗ୍ରହଣ କରିଥିବା ନୀରଜ ବିଶ୍ୱସ୍ତରୀୟ ଆଥଲେଟିକ୍ସ ଚାମ୍ପିଆନସିପରେ ସ୍ୱର୍ଣ୍ଣ ପଦକ ଜିତିଥିବା ଦ୍ୱିତୀୟ ଭାରତୀୟ ଆଥଲେଟ୍ ଅଟନ୍ତି ।

ଏଥିସହିତ ପଢ଼ନ୍ତୁ: ଭାରତୀୟ ହକି ଟିମ୍‌ର ମନୋବଳ ବଢାଇଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ