spot_img
Home Blog Page 5507

ଭକ୍ତଙ୍କ ନିମନ୍ତେ ଶ୍ରୀମନ୍ଦିର ଖୋଲିବା ନେଇ ଆଜି ନିଷ୍ପତ୍ତି ନିଆଯିବ

ପୁରୀ: ଶ୍ରୀମନ୍ଦିର ଖୋଲିବା ନେଇ ଆଜି ନିଆଯାଇପାରେ ଚୂଡାନ୍ତ ନିଷ୍ପତି | କେଉଁ ଢଙ୍ଗରେ ଶ୍ରୀମନ୍ଦିର ଭକ୍ତମାନଙ୍କ ଉଦ୍ଦେଶ୍ୟରେ ଖୋଲାଯିବ ଏବଂ କେବେ ଖୋଲାଯିବ ସେନେଇ ଆସନ୍ତାକାଲି ସ୍ୱତନ୍ତ୍ର ବୈଠକରେ ଆଲୋଚନା କରାଯାଇ ନିଆଯିବ ନିଷ୍ପତ୍ତି | ବୈଠକରେ ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ ସମେତ ପୁରୀ ଜିଲ୍ଲାପାଳ, ଏସ୍ପି, ସିଡିଏମ୍‌ଓ ତଥା, ଶ୍ରୀମନ୍ଦିର କୋଭିଡ ପରିଚାଳନା କମିଟିର ସଦସ୍ୟ ମାନେ ଉପସ୍ଥିତ ରହିବେ | ସକାଳ ୧୧ଟାରେ ଭର୍ଚୁଆଲ ଯୋଗେ ଏହି ବୈଠକ ବସିବାର ଅଛି |

ଏଥିସହିତ ପଢ଼ନ୍ତୁ: ବଲାଙ୍ଗୀର ଗସ୍ତରରେ ଯିବେ ମୁଖ୍ୟ ଶାସନ ସଚିବ ଓ 5-T ସଚିବ: ବିଭିନ୍ନ ଉନ୍ନୟନ ମୂଳକ କାର୍ଯ୍ୟର ସମୀକ୍ଷା କରିବେ

ବଲାଙ୍ଗୀର ଗସ୍ତରରେ ଯିବେ ମୁଖ୍ୟ ଶାସନ ସଚିବ ଓ 5-T ସଚିବ: ବିଭିନ୍ନ ଉନ୍ନୟନ ମୂଳକ କାର୍ଯ୍ୟର ସମୀକ୍ଷା କରିବେ

ବଲାଙ୍ଗୀର: ଆଜି ବଲାଙ୍ଗୀର ଗସ୍ତରେ ଯିବେ ମୁଖ୍ୟ ଶାସନ ସଚିବ ସୁରେଶ ମହାପାତ୍ର ଓ 5-T ସଚିବ ଭି. କାର୍ତ୍ତିକେୟ ପାଣ୍ଡିଆନଙ୍କ ସମେତ ଏକ ଉଚ୍ଚସ୍ତରୀୟ ସଚିବ ସ୍ତରୀୟ ଟିମ । ଗସ୍ତ ସମୟରେ 5-T ସଚିବଙ୍କ ଉଚ୍ଚସ୍ତରୀୟ ଟିମ ସକାଳ ୯ଟା ୩୦ମି. ସମୟରେ ବଲାଙ୍ଗୀର ତୁଷୁରା ଏୟାରଷ୍ଟ୍ରୀପ ଠାରେ ପହଞ୍ଚିବେ । ସେଠାରୁ ବାହାରି ପ୍ରଥମେ ଦେଓଗାଁ ପଞ୍ଚାୟତ ହାଇସ୍କୁଲ ପରିଦର୍ଶନ କରିବେ । ବଲାଙ୍ଗୀର ଠାରେ ରାଜ୍ୟ ସରକାରଙ୍କ ଅନୁଦାନରେ ନିର୍ମାଣ କାର୍ଯ୍ୟ ଚାଲିଥିବା ତରଳ ଅକ୍ସିଜେନ ପ୍ଲାଣ୍ଟ ସାଇଡ ବୁଲି କାର୍ଯ୍ୟ ତଦାରଖ କରିବା ସହ ପତିତପାବନ ହାଇସ୍କୁଲକୁ ଯିବେ , ମେଡିକାଲ କଲେଜ ଠାରେ ୫ଶହ ଶଯ୍ୟା ସଂଖ୍ୟା ବିଶିଷ୍ଟ ହସ୍ପିଟାଲର କାର୍ଯ୍ୟର ସମୀକ୍ଷା, ସେଠାରୁ ଲୋୟର ସୁକତେଲ ଜଳ ସେଚନ ପ୍ରକଳ୍ପ ପରିଦର୍ଶନ କରିବା ସହ ନିର୍ମାଣ କାର୍ଯ୍ୟର ସମୀକ୍ଷା କରିବେ । ଏଥିସହିତ  ଜିଲ୍ଲାର ଉନ୍ନୟନ କାର୍ଯ୍ୟର ତଦାରଖ କରିବା କାର୍ଯ୍ୟକ୍ରମ ରହିଥିବା ସୂଚନା ମିଳିଛି । ଅପରପକ୍ଷରେ ଏହି ଗସ୍ତ ନେଇ ଜିଲ୍ଲାପାଳ ଚଞ୍ଚଳ ରାଣା, ଏସପି ନିତିନ କୁସଲକରଙ୍କ ସମେତ ଜିଲ୍ଲା ପ୍ରଶାସନର ବରିଷ୍ଠ ଅଧିକାରୀ ଗସ୍ତସୁଚି ଅନୁସାରେ ସୁରକ୍ଷା ବ୍ୟବସ୍ଥା ଆୟୋଜନ ପାଇଁ ସମୀକ୍ଷା କରିଛନ୍ତି । 5-T ସଚିବଙ୍କ ଗସ୍ତସୂଚୀ ଅନୁସାରେ ସମସ୍ତ ସ୍ଥାନରେ ସୁରକ୍ଷା ବ୍ୟବସ୍ଥା ଆୟୋଜନର ତଦାରଖ କରିଛନ୍ତି ଜିଲ୍ଲାପାଳ ଓ ଏସପି ।

ଏଥିସହିତ ପଢ଼ନ୍ତୁ: ରାଜଧାନୀରେ ଘରଭଡ଼ାକୁ କେନ୍ଦ୍ରକରି ତୁମୁଳକାଣ୍ଡ: ପୋଲିସ ଓ ସାମ୍ୱାଦିକଙ୍କୁ ମାଡ଼ ମାରିଲେ ଘର ମାଲିକାଣୀ

ରାଜଧାନୀରେ ଘରଭଡ଼ାକୁ କେନ୍ଦ୍ରକରି ତୁମୁଳକାଣ୍ଡ: ପୋଲିସ ଓ ସାମ୍ୱାଦିକଙ୍କୁ ମାଡ଼ ମାରିଲେ ଘର ମାଲିକାଣୀ

ଭୁବନେଶ୍ୱର: ଘରଭଡ଼ାକୁ କେନ୍ଦ୍ର କରି ତୁମୁଳକାଣ୍ଡ । ପୋଲିସ ଓ ସାମ୍ବାଦିକଙ୍କୁ ଘରମାଲିକାଣି ମାଡ଼ ମାରିଥିବା ଅଭିଯୋଗ ହୋଇଛି । ଏଭଳି ଘଟଣା ଘଟିଛି ଲକ୍ଷ୍ମୀସାଗର ଥାନା ଅନ୍ତର୍ଗତ ଚିନ୍ତାମଣିଶ୍ୱର ଅଞ୍ଚଳରେ । ପୋଲିସ ମହିଳା ଜଣଙ୍କୁ କାବୁକରି ଥାନାକୁ ଆଣିଥିବା ଜଣାପଡ଼ିଛି । ମହିଳା ଡାକ୍ତରାଣୀଙ୍କ ନାଁ ସୁଶ୍ରୀ ପଣ୍ଡା । ପୋଲିସ ଉଭୟ ସାମ୍ବାଦିକ ଓ ପୋଲିସଙ୍କୁ ମେଡିକାଲ ଟେଷ୍ଟ କରିବା ପାଇଁ କ୍ୟାପିଟାଲ ହସ୍ପିଟାଲକୁ ପଠାଯାଇଛି ।

 

ଏଥିସହିତ ପଢ଼ନ୍ତୁ: ତୃତୀୟ ପ୍ରବାହର ସଂକେତ! ଦେଶର ଆଠ ରାଜ୍ୟରେ ଅଧିକ ରହିଛି ଆର ଭ୍ୟାଲୁ

ଆଇଆଇଏମ୍‍ସି ପକ୍ଷରୁ ଓଡ଼ିଆ ସାମ୍ବାଦିକତା ଦିବସ ପାଳନ ହେବ

ଢେଙ୍କାନାଳ: ପ୍ରଥମ ଓଡ଼ିଆ ଖବରକାଗଜ ‘ଉତ୍କଳ ଦୀପିକା’ର ପ୍ରକାଶନ ୧୮୬୬ ମସିହା ଅଗଷ୍ଟ ୪ରେ ଆରମ୍ଭ ହୋଇଥିଲା । ଗୌରୀଶଙ୍କର ରାୟ ଏହି ସାପ୍ତାହିକ ଖବରକାଗଜଟିକୁ ପ୍ରକାଶ କରିଥିଲେ ୧୮୬୪ ମସିହାରେ ସ୍ଥାପିତ କଟକ ପ୍ରିଣ୍ଟିଂ କମ୍ପାନୀ ପ୍ରେସ୍‍ରୁ । ସେଇଥିପାଇଁ ଅଗଷ୍ଟ ୪କୁ ଓଡ଼ିଆ ସାମ୍ବାଦିକତା ଦିବସ ଭାବେ ପାଳନ କରାଯାଉଛି । ଏହାକୁ ଓଡ଼ିଆ ଭାଷାର ପ୍ରଥମ ପ୍ରକୃତ ଅର୍ଥରେ ଖବରକାଗଜ ଭାବେ ବିବେଚିତ କରାଯାଏ । ଖବରକାଗଜର ଅବଧାରଣାରେ ଯେଉଁ କଥାଗୁଡ଼ିକ ରହିଛି- ‘ଉତ୍କଳ ଦୀପିକା’ରେ ତାହା ସବୁ ଥିଲା । ଓଡ଼ିଶାର ସାମାଜିକ ତଥା ରାଜନୈତିକ ଜୀବନରେ ଏହି ଖବରକାଗଜ ଏକ ପ୍ରମୁଖ ଭୂମିକା ଗ୍ରହଣ କରିଥିଲା । ଏହା ସାଧାରଣ ଲୋକଙ୍କ ଦୁଃଖ ଦୁର୍ଦ୍ଦଶାକୁ ପ୍ରଶାସନ ସମ୍ମୁଖକୁ ଆଣିଥିଲା । ୧୮୬୬ରେ ନଅଙ୍କ ଦୁର୍ଭିକ୍ଷ ହୋଇଥିଲା । ଦୁର୍ଭିକ୍ଷ ସମୟର ଖବର ‘ଉତ୍କଳ ଦୀପିକା’ରେ ସ୍ଥାନ ପାଉଥିଲା । ଭୋକିଲା ଲୋକଙ୍କ ସହାୟତା ପାଇଁ ପ୍ରଶାସନ କ’ଣ ପଦକ୍ଷେପ ନେବା ଉଚିତ, ସେ ସମ୍ପର୍କରେ ଅନେକ ସୁଚିନ୍ତିତ ପରାମର୍ଶ ଦେଉଥିଲା ‘ଉତ୍କଳ ଦୀପିକା’ । ଓଡ଼ିଆଙ୍କ ସ୍ୱାର୍ଥ, ଓଡ଼ିଆ ଭାଷାଭାଷୀ ଅଞ୍ଚଳର ଏକତ୍ରୀକରଣ ଦିଗରେ ଏହା ଉଦ୍ୟମ କରିଥିଲା । ୧୮୬୬ରୁ ୧୯୩୬ ଯାଏ- ସାତ ଦଶନ୍ଧି ଧରି ଧାରାବାହିକ ଭାବରେ ଏହାର ପ୍ରକାଶନ ଜାରି ରହିଥିଲା । ସେହିପରି ଓଡ଼ିଆ ଭାଷାକୁ ବୁଡ଼େଇ ଦେବା ନେଇ ବଙ୍ଗାଳୀଙ୍କ ଷଡ଼ଯନ୍ତ୍ରର ତୀବ୍ର ବିରୋଧ କରିଥିଲା ଉତ୍କଳ ଦୀପିକା।
ଭାରତୀୟ ଜନ ସଞ୍ଚାର ସଂସ୍ଥାନ (ଆଇଆଇଏମ୍‍ସି) ଢେଙ୍କାନାଳ ପକ୍ଷରୁ ଆସନ୍ତା ଅଗଷ୍ଟ ୪ ତାରିଖରେ ଓଡ଼ିଆ ସାମ୍ବାଦିକତା ଦିବସ ପାଳନ କରାଯିବ । ଏହି ଅବସରରେ ‘ସାମ୍ବାଦିକତା ଓ ସାହିତ୍ୟ’ ଉପରେ ବିଶିଷ୍ଟ ଅନୁବାଦକ ତଥା ସ୍ତମ୍ଭକାର ପ୍ରଫେସର ଯତୀନ୍ଦ୍ର ନାୟକ ବକ୍ତବ୍ୟ ପ୍ରଦାନ କରିବାର କାର୍ଯ୍ୟକ୍ରମ ଅଛି । ସେହିପରି ୨୦୨୦-୨୧ ଶିକ୍ଷାବର୍ଷର ଓଡ଼ିଆ ସାମ୍ବାଦିକତାରେ ସ୍ନାତକୋତ୍ତର ଡିପ୍ଲୋମା ପାଠ୍ୟକ୍ରମର ପ୍ରଥମ ସେମିଷ୍ଟରରେ ସର୍ବାଧିକ ନମ୍ବର ରଖିଥିବା ଛାତ୍ରୀ ଯାଜ୍ଞସେନୀ ଧଳଙ୍କୁ ରାଧାନାଥ ରଥ ବୃତ୍ତି ପ୍ରଦାନ କରାଯିବ । ଏହାସହ ଇଂରାଜୀ ସାମ୍ବାଦିକତାରେ ସ୍ନାତକୋତ୍ତର ଡିପ୍ଲୋମା ପାଠ୍ୟକ୍ରମର ଛାତ୍ରୀ ଖ୍ୟାତି ସଙ୍ଗୀରଙ୍କୁ ଡ. ସତ୍ୟ ମହାପାତ୍ର ସ୍ମାରକୀ ବୃତ୍ତି ଦିଆଯିବ ।
ପୂର୍ବାହ୍ଣ ୧୧ଟାରେ ଗୁଗୁଲ୍‍ ମିଟ୍‍ ପ୍ଲାଟ୍‍ଫର୍ମରେ ଏହି କାର୍ଯ୍ୟକ୍ରମ ଅନୁଷ୍ଠିତ ହେବ । ପ୍ରଥମେ ‘ଓଡ଼ିଆ ସାମ୍ବାଦିକତା ଦିବସ’ ଉପରେ ୨୦୨୦-୨୧ ଶିକ୍ଷାବର୍ଷର ଓଡ଼ିଆ ସାମ୍ବାଦିକତା ଛାତ୍ରଛାତ୍ରୀଙ୍କ ଦ୍ୱାରା ପ୍ରସ୍ତୁତ ଏକ ଭିଡିଓ ସ୍କ୍ରିନିଂ ହେବ । ତା’ପରେ ଅର୍ଥନୈତିଜ୍ଞ ଡ. ନୀଳକଣ୍ଠ ରଥ ନିଜର ବକ୍ତବ୍ୟ ରଖିବେ । ଆଇଆଇଏମ୍‍ସି ପକ୍ଷରୁ ପ୍ରତିବର୍ଷ ଏହି ଦିନ ଓଡ଼ିଆ ସାମ୍ବାଦିକତା ଦିବସ ପାଳନ ହୋଇଆସୁଛି ।

ନକଲି ଗୁଟ୍‌ଖା ଗୋଦାମ ଉପରେ ଚଢ଼ାଉ: ଲକ୍ଷାଧିକ ଟଙ୍କାର ଗୁଟ୍‌ଖା ଜବତ

ବ୍ରହ୍ମପୁର: ବଡବଜ଼ାର ଥାନା ଅନ୍ତର୍ଗତ କାଳୁ ପାତ୍ର ସାହିରେ ବଡ ଧରଣର ନକଲି ଗୁଟଖା ଗୋଦାମ ଉପରେ ଚଢ଼ାଉ କଲା ପ୍ରଶାସନ । ଚଢାଉରେ ଉପ ଜିଲ୍ଲାପାଳ ଉପସ୍ଥିତ। ଲକ୍ଷାଧିକ ଟଙ୍କାର ଗୁଟୁଖା ଓ ଗୁଟଖା ତିଆରି ସାମଗ୍ରୀ ଜବତ। ଆଜି ବ୍ରହ୍ମପୁର ଉପଜିଲ୍ଲାପାଳଙ୍କ କୌଣସି ସୂତ୍ରରୁ ଖବର ପାଇ ଅତର୍କିତ ଭାବେ କାଳୁପତ୍ର ସାହିରେ ଥିବା ଦୁଇଟି ଘର ଉପରେ ଚଢାଉ କରିଥିଲେ ସେଥି ମଧ୍ୟରେ ବହୁ କମ୍ପାନୀର ନକଲି ଗୁଟଖା ଜବତ କରିଥିଲେ। ପାଖାପାଖି ପାଞ୍ଚ ଗୋଟି ଟ୍ରକ ମାଲ ସହ ତିନୋଟି ଟାଟା ଏସି ଗାଡି ଜବତ କରିଥିଲେ ଉପଜିଲ୍ଲାପାଳ । ଏଥିସହ କିଛି ଲୋକଙ୍କୁ ଅଟକ ରଖାଯାଇଛି।

ଏଥିସହିତ ପଢ଼ନ୍ତୁ: ରୋଜଭ୍ୟାଲି ଚିଟ୍‌ଫଣ୍ଡ ସଂସ୍ଥା ଓଡ଼ିଶା ମୁଖ୍ୟ କୋଲକାତାରୁ ଗିରଫ

ରୋଜଭ୍ୟାଲି ଚିଟ୍‌ଫଣ୍ଡ ସଂସ୍ଥା ଓଡ଼ିଶା ମୁଖ୍ୟ କୋଲକାତାରୁ ଗିରଫ

କୋଲକାତା: ଗିରଫ ହେଲେ ଚିଟ୍‌ଫଣ୍ଡ ସଂସ୍ଥା ରୋଜଭ୍ୟାଲି ଓଡ଼ିଶା ହେଡ୍‌ । ଓଡ଼ିଶା ହେଡ୍‌ ବିକ୍ରମଜିତ୍ ଭୌମିକଙ୍କୁ କୋଲକାତା ମେଦିନାପୁରରୁ ଗିରଫ କରିଛି ଅର୍ଥନୈତିକ ଅପରାଧ ଶାଖା । ଗିରଫ କରିବା ପରେ ତାଙ୍କୁ ବାଲେଶ୍ୱର ଓପିଆଇଡି କୋର୍ଟରେ ହାଜର କରିଛି ଇଓଡବ୍ଲୁ । ବିକ୍ରମଜିତ୍‌ଙ୍କୁ ୧୪ଦିନିଆ ବିଚାରବିଭାଗୀୟ ହାଜତକୁ ପଠାଯାଇଛି। ଜମାକାରୀଙ୍କୁ ଅଧିକ ଲାଭ ଦେବାର ଲୋଭ ଦେଖାଇ 6 କୋଟିରୁ ଅଧିକ ଟଙ୍କା ଠକିଥିବା ନେଇ ଇଓଡବ୍ଲ୍ୟୁରେ ଅଭିଯୋଗ ହୋଇଥିଲା । ବିକ୍ରମଜିତ୍ ୨୦୧୩ ମସିହାରୁ ଫେରାର ଥିଲେ । ସୋର ଓ ବାଲେଶ୍ୱରରେ ଖୋଲିଥିବା ଶାଖା କାର୍ଯ୍ୟାଳୟ ଦ୍ୱାରା କୋଟି କୋଟି ଠକେଇ କରିଥିବା ଅଭିଯୋଗ ହୋଇଥିଲା । ପୂର୍ବରୁ ରୋଜ୍ ଭ୍ୟାଲି ଚିଟଫଣ୍ଡ ସଂସ୍ଥାର ଅଧ୍ୟକ୍ଷ ଗୌତମ କୁଣ୍ଡୁ ଓ ପରିଚାଳନା ନିର୍ଦେଶକ ଶିବମୟ ଦତ୍ତଙ୍କୁ ଗିରଫ କରଯାଇଥିଲା । ସୋର ଶାଖାର ମ୍ୟାନେଜର ବାଦଲ ଚନ୍ଦ୍ର କର ମଧ୍ୟ ଗିରଫ ହୋଇ ଜେଲରେ ଅଛନ୍ତି । ମାମଲାରେ ୮୩ କୋଟି ଟଙ୍କା ଓ ୧୧କୋଟିର ସ୍ଥାବର ଓ ଅସ୍ଥାବର ସଂପତ୍ତି ଜବତ କରାଯାଇଛି । ସେହିପରି ସଂସ୍ଥା ଅଧ୍ୟକ୍ଷ ଗୌତମ କୁଣ୍ଡୁଙ୍କ ପତ୍ନୀ ଶୁଭ୍ରା କୁଣ୍ଡୁଙ୍କୁ ମଧ୍ୟ ଗିରଫ କରିଥିଲା ଇଡି । ତେବେ ରୋଜଭ୍ୟାଲି ଗ୍ରୁପ ସାରା ଦେଶରୁ ୧୨ ହଜାର କୋଟିରୁ ଅଧିକ ଟଙ୍କା ଠକେଇ କରିଥିବା ସିବିଆଇ କହିଛି ।

ଏଥିସହିତ ପଢ଼ନ୍ତୁ: ଚତୁର୍ଥୀ ରାତିର ଭିଡିଓ ଭାଇରଲ କରୁଛନ୍ତି ସ୍ୱାମୀ: ଦେଖନ୍ତୁ କ’ଣ କହୁଛନ୍ତି ପୀଡ଼ିତା

 

ଶ୍ରାବଣ ମାସରେ ବି ବର୍ଷାର ଅଭାବ: ନିଅଣ୍ଟିଆ ବର୍ଷା ରେକର୍ଡ ଜିଲ୍ଲାକୁ ମରୁଡ଼ି ଘୋଷଣା କରିବାକୁ ବିଶେଷଜ୍ଞଙ୍କ ମତ

ଭୁବନେଶ୍ୱର: ଶ୍ରାବଣ ମାସରେ ବି ବର୍ଷାର ଅଭାବ । ଆସନ୍ତା ୧୫ ତାରିଖ ପର୍ଯ୍ୟନ୍ତ ବର୍ଷା ସମ୍ଭାବନା ନାହିଁ । ଓୟୁଏଟିର ଆକଳନ ଅନୁଯାୟୀ, ୨୬ ଜିଲ୍ଲାର ୬୫ ବ୍ଲକରେ ନିଅଣ୍ଟିଆ ବର୍ଷା ଯୋଗୁ ସାଂଘାତିକ ସ୍ଥିତି ସୃଷ୍ଟି ହେଲାଣି । ସେପଟେ ବିଶେଷଜ୍ଞ କହିଲେଣି, ସରକାର ଆଉ ଡେରି ନକରି ନିଅଣ୍ଟିଆ ବର୍ଷା ରେକର୍ଡ ହୋଇଥିବା ଜିଲ୍ଲାକୁ ମରୁଡ଼ି ଭାବେ ଘୋଷଣା କରନ୍ତୁ । ଚାତକ ପରି ଆକାଶକୁ ଚାହିଁଛି ଚଷାପୁଅ । ଶ୍ରାବଣ ଅଧାହେଲା, ବର୍ଷା ନାହିଁ । ମୁଣ୍ଡରେ ହାତ ଦେଇ ବସିଛି। ତଳିଘରାରେ ଧାନ ପଡ଼ିଛି,ପାଣି ଅଭାବରୁ ଗଜା ହେଉନି । ରୋଇଥିବା ଧାନ ବି ଶୁଖିଗଲାଣି । ଏ ହେଉଛି ଚଳିତ ଖରିଫ ଋତୁର ବିକଳ ଚିତ୍ର । ଏ କେଉଁ ମରୁଡ଼ିପ୍ରବଣ ଜିଲ୍ଲା ନୁହେଁ, ପୁରୀ ଜିଲ୍ଲା ପିପିଲି ବ୍ଲକର ଦୃଶ୍ୟ । କେନାଲ ପାଣି କେଉଁଠି ପହଞ୍ଚୁଛି ତ ଆଉ କେଉଁଠି ପହଞ୍ଚୁନି । ତଳମୁଣ୍ଡରେ ପାଣି ଅଭାବରୁ ଚାଷୀମାନେ ଜମିଥିବା ବର୍ଷାଜଳକୁ ସିଆର କାଟି ତଳିଘରାରେ ଛିଞ୍ଚୁଛନ୍ତି । ଏପଟେ ପାଣିପାଗ ବିଶେଷଜ୍ଞ କହିଲେଣି, ଅଗଷ୍ଟ ୧୫ ତାରିଖ ପର୍ଯ୍ୟନ୍ତ ମୌସୁମୀ ସକ୍ରିୟ ରହିବନି କି ବଙ୍ଗୋପସାଗରରେ ଲଘୁଚାପ ସମ୍ଭାବନା ନାହିଁ । ୧୫ ତାରିଖ ପରେ ବର୍ଷା ହେଲେ ବି ଚାଷୀର କାମରେ ଆସିବନି । ନିଅଣ୍ଟିଆ ବର୍ଷା ହେଉଥିବା ଜିଲ୍ଲାରେ ଆସନ୍ନ ମରୁଡ଼ି ସ୍ଥିତି ସରକାର ଘୋଷଣା କରନ୍ତୁ । ନହେଲେ ଚାଷୀଙ୍କ ମନୋବଳ ଭାଙ୍ଗିଯିବ । ଚଳିତବର୍ଷ ଖରିଫ ଋତୁରେ ୧୨୮ ଲକ୍ଷ ମେଟ୍ରିକ୍‌ ଟନ୍‌ ଧାନ ଉତ୍ପାଦନ ପାଇଁ କୃଷି ବିଭାଗ ଆକଳନ କରିଛି । କିନ୍ତୁ ନିଅଣ୍ଟିଆ ବର୍ଷା ଏହି ଲକ୍ଷ୍ୟକୁ ବାଟବଣା କରିଦେବ । ନିଅଣ୍ଟିଆ ବର୍ଷାକୁ ଦେଖି ଓଡ଼ିଶା କୃଷି ଓ ବୈଷୟିକ ବିଶ୍ବବିଦ୍ୟାଳୟ କଣ୍ଟିଜେନ୍‌ସି ପ୍ଲାନ ପ୍ରସ୍ତୁତ କରିଛି । ବିଶ୍ବବିଦ୍ୟାଳୟ କର୍ତ୍ତୃପକ୍ଷଙ୍କ କହିବା କଥା, ନିଅଣ୍ଟିଆ ବର୍ଷା ଯୋଗୁ ଗୋଟିଏ କି ଦୁଇଟି ଜିଲ୍ଲା ନୁହେଁ, ୨୬ ଜିଲ୍ଲାର ୬୫ ବ୍ଲକରେ ଖରିଫ ଚାଷ ପ୍ରଭାବିତ ହେବ । ଚାଷୀମାନେ ୧୦୦ରୁ ୧୧୦ ଦିନିଆ ବିହନ ବୁଣନ୍ତୁ ।

ଏଥିସହିତ ପଢ଼ନ୍ତୁ: ତୃତୀୟ ପ୍ରବାହର ସଂକେତ! ଦେଶର ଆଠ ରାଜ୍ୟରେ ଅଧିକ ରହିଛି ଆର ଭ୍ୟାଲୁ

ତୃତୀୟ ପ୍ରବାହର ସଂକେତ! ଦେଶର ଆଠ ରାଜ୍ୟରେ ଅଧିକ ରହିଛି ଆର ଭ୍ୟାଲୁ

ନୂଆଦିଲ୍ଲୀ: ଦେଶରେ ବଢୁଥିବା କରୋନା ସଂକ୍ରମଣକୁ ନେଇ ଚିନ୍ତା ଜାହିର କରିଛି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ । ଦେଶର ୮ ରାଜ୍ୟରେ R ଭ୍ୟାଲୁ ଏବେ ବି ଅଧିକ ରହିଛି । ସ୍ୱାସ୍ଥ୍ୟ ମନ୍ତ୍ରାଳୟର ସୂଚନା ଅନୁସାରେ ଦେଶରେ ୫୭ ଜିଲ୍ଲାରୁ ଦୈନିକ ୧୦୦ରୁ ଅଧିକ ମାମଲା ସାମ୍ନାକୁ ଆସୁଛି । ୧୮ଟି ଜିଲ୍ଲାରେ ଦୈନିକ ସଂକ୍ରମଣ ବଢିବାରେ ଲାଗିଛି । ଏଥିମଧ୍ୟରୁ କେରଳର ୧୦, ମହାରାଷ୍ଟ୍ରର ୩, ମଣିପୁରର ୨, ଅରୁଣାଚଳ ପ୍ରଦେଶ, ମେଘାଳୟ ଏବଂ ମିଜୋରାମର ଗୋଟିଏ ଲେଖାଏଁ ଜିଲ୍ଲା ରହିଛି । ୪୪ ଜିଲ୍ଲାରେ ୧୦ ପ୍ରତିଶତରୁ ଅଧିକ ଆକଟିଭ୍ କେସ୍ ରହିଛି । କେରଳ, ମଣିପୁର, ମିଜୋରାମ, ନାଗାଲାଣ୍ଡ, ଅରୁଣାଚଳ ପ୍ରଦେଶ, ମେଘାଳୟ, ସିକ୍କିମ, ପୁଡୁଚେରୀ, ରାଜସ୍ଥାନ, ଆସାମ, ହିମାଚଳ ପ୍ରଦେଶ ଓ ଆନ୍ଧ୍ର ପ୍ରଦେଶରୁ ଏହି ଜିଲ୍ଲା ଗୁଡିକ ରହିଛି । ଆମେରିକା, କାନାଡା, ଅଷ୍ଟ୍ରେଲିଆ ଓ ଭାରତରେ ସଂକ୍ରମଣ ବଢୁଥିବା କହିଛି ସ୍ୱାସ୍ଥ୍ୟ ମନ୍ତ୍ରାଳୟ । ବିଭିନ୍ନ ରାଜ୍ୟରେ କରୋନା କଟକଣା କୋହଳ ଫଳରେ ସଂକ୍ରମଣ ବଢୁଥିବା କହିଛନ୍ତି ସ୍ୱାସ୍ଥ୍ୟ ମନ୍ତ୍ରାଳୟର ଯୁଗ୍ମ ସଚିବ ଲବ୍ ଅଗ୍ରଓ୍ୱାଲ ।

ଏଥିସହିତ ପଢ଼ନ୍ତୁ: ଯୋଦ୍ଧା-ଆକବର ଉଦାହରଣ ଦେଇ ହାଇକୋର୍ଟ କହିଲେ, କେବଳ ବିବାହ ପାଇଁ ଧର୍ମ ପରିବର୍ତ୍ତନ ଠିକ୍ ନୁହେଁ

ଏବେ ଥରହର ହେବେ ଶତ୍ରୁ: ଆମେରିକାରୁ ଆସୁଛି ହାରପୁନ୍‌ ଜଏଣ୍ଟ କମନ୍‌ ଟେଷ୍ଟ ସେଟ୍‌

ନୂଆଦିଲ୍ଲୀ: ଆମେରିକାଠୁ ଭାରତ କିଣିବ ହାରପୁନ୍‌ ମିସାଇଲ୍‌  । ଏନେଇ ଆମେରିକା ପକ୍ଷରୁ ମଞ୍ଜୁରୀ ଦିଆଯାଇଛି  । ୮୨ ନିୟୁତ ଡଲାରରେ ଭାରତ ହାରପୁନ୍‌ ଜଏଣ୍ଟ କମନ୍‌ ଟେଷ୍ଟ ସେଟ୍‌ କିଣିବାକୁ ଯାଉଛି  । ଏହା ଦ୍ୱାରା ଭାରତର ପ୍ରତିରକ୍ଷା କ୍ଷେତ୍ର ଆହୁରି ମଜବୁତ୍ ହେବ  । ଦକ୍ଷିଣ ଏସିଆରେ ସ୍ଥିତି ଅଶାନ୍ତ ଥିବାରୁ ଭାରତ ଶକ୍ତିଶାଳୀ ହେଲେ ସ୍ଥିତି ସୁଧୁରିବ ହେବ ବୋଲି ଆମେରିକା କହିଛି  ।

ଲମ୍ବା ତର୍କ ବିତର୍କ ପରେ ସଫଳତା । ଆମେରିକାରୁ ଆସୁଛି ହାରପୁନ୍‌ ଜଏଣ୍ଟ କମନ୍‌ ଟେଷ୍ଟ ସେଟ୍‌  । ୮୨ ନିୟୁତ ଡଲାରରେ ମିସାଇଲ କିଣିବେ ସରକାର  । ପ୍ରତିରକ୍ଷା କ୍ଷେତ୍ରରେ ହେବ ମାଇଲ ଖୁଣ୍ଟ  । ଅସ୍ଥିର ଭାରତ ଓ ପ୍ରଶାନ୍ତ ମହାସାଗର କ୍ଷେତ୍ରରେ ଶତ୍ରୁକୁ ମାତ୍‌ ଦେବାକୁ ହେବ ନିର୍ଣ୍ଣାୟକ । ଆମେରିକାର ପେଣ୍ଟାଗନ୍‌ ପ୍ରତିରକ୍ଷା ନିରାପତ୍ତା ସହଯୋଗ ସଂସ୍ଥା ଏବଂ ୟୁଏସ କଂଗ୍ରେସର ମଧ୍ୟରେ ସହମତି ପରେ ଏହି ଚୁକ୍ତିକୁ ମଞ୍ଜୁରୀ ଦିଆଯାଇଛି  । ଭାରତ ଏହି ମିସାଇଲ କିଣିବା ପାଇଁ ଆମେରିକାକୁ ପ୍ରସ୍ତାବ ଦେଇଥିବା ବେଳେ ଏହାର ମରାମତି ଷ୍ଟେସନ, ପାର୍ଟ୍ସ ଏବଂ ଅନ୍ୟାନ୍ୟ ସମସ୍ତ ପ୍ରକାର ବ୍ୟବସ୍ଥା ଆମେରିକା ଯୋଗାଇବ  । ଆମେରିକାର ବୈଦେଶିକ ନୀତି ଅନୁସାରେ ଦୁଇ ଦେଶ ମଧ୍ୟ ସମ୍ପର୍କୁ ଆହୁରି ସୁଦୃଢ କରିବା ପାଇଁ ଏହି ଚୁକ୍ତିକୁ ମଞ୍ଜୁରୀ ଦିଆଯାଇଛି  ।

ବର୍ତ୍ତମାନ ସ୍ଥିତିରେ ଚୀନ ଓ ପାକିସ୍ତାନର ଉତ୍ପାତ ଦେଖି ଏହି ମିଶାଇଲ ଭାରତକୁ ବଳ ଯୋଗାଇବ  । ଏଥିସହ ଦକ୍ଷିଣ ଏସିଆରେ ବିବାଦ ଆୟତ୍ତକୁ ଆସିବ ବୋଲି ଆମେରିକା କହିଛି  । ପ୍ରତିରକ୍ଷା କ୍ଷେତ୍ରରେ ଭାରତକୁ ଆମେରିକା ଗୁରୁତ୍ୱପୂର୍ଣ୍ଣ ସହଯୋଗୀ ଦେଶ ବୋଲି ସ୍ୱୀକୃତି ଦେଇଛି । ୨୦୧୬ରେ ପ୍ରଧାନମନ୍ତ୍ରୀ ମୋଦିଙ୍କ ଆମେରିକା ଗସ୍ତ ସମୟରେ ଭାରତକୁ ଡିଫେନ୍ସ ପାର୍ଟନରର ମାନ୍ୟତା ଦିଆଯାଇଥିଲା । ଆମେରିକାର ଏହି ପ୍ରସ୍ତାବିତ ବିକ୍ରି ଯୋଗୁ ଭାରତ ଓ ଆମେରିକା ମଧ୍ୟରେ ଦ୍ୱିପାକ୍ଷିକ ସମ୍ପର୍କ ଦୃଢ ହେବା ସହ ଭାରତ-ଆମେରିକା କୌଶଳଗତ ସମ୍ପର୍କ ବୃଦ୍ଧି ପାଇବ  । ବୋଇଂ କମ୍ପାନୀ ମାଧ୍ୟମରେ ଭାରତ ଆମେରିକାରୁ ଏହି ମିସାଇଲ  ପାଇବ  । ବର୍ତ୍ତମାନ ସମୟରେ ୩୦ରୁ ଅଧିକ ଦେଶ ପାଖରେ ଏହି ଆଣ୍ଟିସିପ୍‌ ମିସାଇଲ୍‌ ମହଜୁଦ ଅଛି  । ସେମାନଙ୍କ ସହ ଭାରତ ବର୍ତ୍ତମାନ ସମକ୍ଷକ ହୋଇପାରିବ  ।

ଚତୁର୍ଥୀ ରାତିର ଭିଡିଓ ଭାଇରଲ କରୁଛନ୍ତି ସ୍ୱାମୀ: ଦେଖନ୍ତୁ କ’ଣ କହୁଛନ୍ତି ପୀଡ଼ିତା

ବାଙ୍କୀ: ସ୍ୱାମୀଙ୍କ ବିରୋଧରେ ସାଂଘାତିକ ଅଭିଯୋଗ ଆଣିଲେ ସ୍ତ୍ରୀ । ବାହାଘରର ଚତୁର୍ଥୀ ରାତିରେ ସ୍ୱାମୀ ଓ ସ୍ତ୍ରୀ ମଧ୍ୟରେ ଥିବା ଅନ୍ତରଙ୍ଗ ମୁହୂର୍ତ୍ତର ଭିଡିଓକୁ ଭାଇରାଲ କରାଯାଇଥିବା ଅଭିଯୋଗ । ବାଙ୍କୀ ଥାନା ତୁଳସୀପୁରରୁ ଆସିଛି ଏଭଳି ଅଭିଯୋଗ । ଭିଡିଓ ଭାଇରାଲ କରିବାର ଧମକ ଦେବା ସହ ଏହାକୁ ଭାଇରାଲ୍ କରିଛନ୍ତି ଏବଂ ଯୌତୁକ ମାଗି ଶାରୀରିକ ନିର୍ଯ୍ୟାତନା ଦେଉଥିବାରୁ ସ୍ୱାମୀଙ୍କ ବିରୋଧରେ ମହିଳା ଥାନାରେ ଦ୍ୱାରସ୍ଥ ହୋଇଥିଲେ ମହିଳା । କିନ୍ତୁ ନ୍ୟାୟ ନମିଳିବାରୁ ଆଜି ପୋଲିସ କମିଶନରଙ୍କ ଦ୍ୱାରସ୍ଥ ହୋଇଛନ୍ତି ଅଭିଯୋଗକାରିଣୀ ।

ଏଥିସହିତ ପଢ଼ନ୍ତୁ: ଗଜପତି ଆସି ତଦନ୍ତରେ ସହଯୋଗ କରିବାକୁ ବିଦ୍ୟାଙ୍କୁ ନୋଟିସ୍‌ କରିବ ପାରଳା ପୋଲିସ୍‌