spot_img
Home Blog Page 5505

ପୁଣି ଭକ୍ତ-ଭଗବାନ ମିଳନ, ଆସନ୍ତା ୧୬ରୁ ଖୋଲିବ ଶ୍ରୀମନ୍ଦିର

ପୁରୀ: ଭକ୍ତଙ୍କ ପାଇଁ ବଡ଼ ଖବର, ଆସନ୍ତା ୧୬ରୁ ଖୋଲିବ ଶ୍ରୀମନ୍ଦିର । ଆସନ୍ତା ୧୬ ରୁ ୨୦ ତାରିଖ ପର୍ଯ୍ୟନ୍ତ ପ୍ରଥମେ ପୁରୀ ସହରବାସୀ ପାଇବେ ଜଗା ଦର୍ଶନ । ୨୩ ରୁ ସର୍ବସାଧାରଣ ଶ୍ରୀମନ୍ଦିର ଯାଇ ମହାପ୍ରଭୁଙ୍କ ଦର୍ଶନ କରିପାରିବେ । ତେବେ ଶ୍ରୀମନ୍ଦିର ପ୍ରବେଶ ପାଇଁ ପସ୍ତୁତ ହୋଇଛି ସ୍ବତନ୍ତ୍ର ଏସଓପି । ଏସଓପି ଅନୁଯାୟୀ ପୁରୀ ସହରବାସୀ ନିଜର ଆଧାରକାର୍ଡ କିମ୍ବା ଭୋଟର ପରିଚୟ ପତ୍ର ସହ କୋଭିଡ ଆରଟିପିସିଆର ରିପୋର୍ଟ କିମ୍ବା ୨ଟି ଡୋଜ ଟିକା ରିପୋର୍ଟ ଦେଖାଇ ମହାପ୍ରଭୁଙ୍କ ଦର୍ଶନ କରିପାରିବେ ।

ସେହିଭଳି ସର୍ବସାଧାରଣଙ୍କ ପାଇଁ ୯୬ଘଣ୍ଟା ପୂର୍ବର ଆରଟିପିସିଆର ରିପୋର୍ଟ ସହ ୨ଟି ଡୋଜ ଟିକା ରିପୋର୍ଟ ଦେଖାଇବା ବାଧ୍ୟତା ମୁଳକ । ଶ୍ରୀମନ୍ଦିରକୁ ଯାଉଥିବା ଭକ୍ତ ମାନଙ୍କର ହାତ ସାନିଟାଇଜ କରାଯିବା ସହ ସାମାଜିକ ଦୂରତା ରକ୍ଷା କରିବା ଉପରେ ଗୁରୁତ୍ବ ଦିଆଯିବ। ଶ୍ରୀମନ୍ଦିରକୁ କୋଭିଡ ମୁକ୍ତ କରିବା ପାଇଁ ରଥଯାତ୍ରାରେ ସାମିଲ ହୋଇଥିବା ସମସ୍ତ ସେବାୟତ ଓ ଶ୍ରୀମନ୍ଦିର କର୍ମଚାରୀଙ୍କ ପୁଣିଥରେ କୋଭିଡ ଟେଷ୍ଟ କରାଯିବ।

ଏହି ରିପୋର୍ଟ ଆଧାରରେ ସେବାୟତଙ୍କୁ ଶ୍ରୀମନ୍ଦିର ପ୍ରବେଶର ସୁଯୋଗ ଦିଆଯିବ। ପୂର୍ବରୁ ଥିବା ଏସଓପିର ସମସ୍ତ ନିୟମାବଳୀକୁ ଅନୁପାଳନ କରାଯିବ। ଭକ୍ତ ମାନେ ଶ୍ରୀମନ୍ଦିର ପରିସରରେ ମହାପ୍ରସାଦ ସେବନ କରିପାରିବେ ନାହିଁ। ଆଜିର ଏହି ଛତିଶା ନିଯୋଗ ବୈଠକରେ ମୁଖ୍ୟ ପ୍ରଶାସକ କ୍ରୀଷନ କୁମାରଙ୍କ ଅଧ୍ୟକ୍ଷତାରେ ଏ ସମସ୍ତ ନିଷ୍ପତ୍ତି ନିଆଯାଇଛି । ବୈଠକରେ ଜିଲ୍ଲାପାଳ ସମର୍ଥ ବର୍ମା, ଏସପି କନୱର ବିଶାଳ ସିଂ, ସିଡିଏମଓ ଓ ଛତିଶା ନିଯୋଗର ସମସ୍ତ ସେବାୟତ ପ୍ରତିନିଧି ମାନେ ଉପସ୍ଥିତ ଥିଲେ।

ମୁଖ୍ୟମନ୍ତ୍ରୀଙ୍କ ସମ୍ବୋଧନ: ରାଜ୍ୟ ଏବେ ଭଲ ସ୍ଥିତିରେ, ନିୟମ ନମାନିଲେ ଲକଡାଉନ୍

ଭୁବନେଶ୍ୱର:  ଉଦବୋଧନ କରି ରାଜ୍ୟବାସୀଙ୍କୁ ସତର୍କ କରାଇଛନ୍ତି ମୁଖ୍ୟମନ୍ତ୍ରୀ  । ରାଜ୍ୟରେ କୋଭିଡ ସ୍ଥିତି ଭଲ ରହିଛି  । ଏବେ ସଂକ୍ରମଣ କମିଛି କିନ୍ତୁ ବିପଦ ଯାଇନି  । ସ୍ବାସ୍ଥ୍ୟ କର୍ମୀ ଏବଂ ଡାକ୍ତରଙ୍କ ପାଇଁ ରାଜ୍ୟରେ ସଂକ୍ରମଣ କମିଛି  । ରାଜଧାନୀ ଭୁବନେଶ୍ୱର ମଧ୍ୟ ଅନ୍ୟ ରାଜ୍ୟର ସହର ମାନଙ୍କ ଠାରୁ ଖୁବ ଭଲ ସ୍ଥିତିରେ ଅଛି  । ତେଣୁ ଏପରି ପରିସ୍ଥିତିକୁ ଉଲ୍ଲେଖ କରି ରାଜ୍ୟ ସରକାର ଜୀବନ ଏବଂ ଜୀବୀକାକୁ ପ୍ରାଧାନ୍ୟ ଦେଇଛନ୍ତି  । ସରକାର ସାଧାରଣ ଲୋକଙ୍କ ପେଟ ପାଟଣା କଥା ଚିନ୍ତା କରିଛନ୍ତି  । ଯେଉଁଥିପାଇଁ ସରକାର ଅନେକ କଟକଣାକୁ ହ୍ରାସ କରିଛନ୍ତି  ।  ଆଜି ରାଜ୍ୟ ଅନଲକ ଆଡକୁ ଗତି କରୁଛି କିନ୍ତୁ ଆମକୁ କଟକଣା ଅନୁପାଳନ କରିବାର ଆବଶ୍ୟକତା ରହିଛି ବୋଲି କହିଛନ୍ତି ମୁଖ୍ୟମନ୍ତ୍ରୀ  ।

କିନ୍ତୁ ସବୁଠୁ ଗୁରୁତ୍ୱପୂର୍ଣ୍ଣ କଥା ହେଉଛି ମୁଖ୍ୟମନ୍ତ୍ରୀ ଏକଥା ମଧ୍ୟ ରାଜ୍ୟବାସୀ ଚେତାଇ ଦେଇଛନ୍ତି ଯେ, ଯଦି ରାଜ୍ୟ ସରକାରଙ୍କ ନିର୍ଦେଶ ମୁତାବକ କଟକଣାରେ ଖିଲାପ ହୁଏ  । ଅବା ଜନସାଧାରଣ  କୋଭିଡ ନିୟମ ନମାନନ୍ତି, ତେବେ ପୁନର୍ବାର ସରକାର ରାଜ୍ୟକୁ ସମ୍ପୂର୍ଣ୍ଣ ଲକଡାଉନ କରିବାକୁ ବାଧ୍ୟ ହେବେ   । ତେଣୁ ବର୍ତ୍ତମାନ ସମୟରେ  ଜୀବୀକାକୁ ନଜରରେ ରଖି ଜୀବନକୁ ମଧ୍ୟ ପ୍ରାଧାନ୍ୟ ଦିଆଯାଉ ବୋଲି ଅନୁରୋଧ କରିଛନ୍ତି ମୁଖ୍ୟମନ୍ତ୍ରୀ ନବାନ ପଟ୍ଟନାୟକ  । ଅର୍ଥାତ ବର୍ତ୍ତମାନ ସ୍ଥିତିରେ ଅନେକ ରାଜ୍ୟରେ ତୃତୀୟ ଲହର ପ୍ରବାହ ଆରମ୍ଭ କଲାଣି  । ଆଗାମୀ ଦିନରେ ପୁଣି ସ୍ଥିତି ବିଗିଡ଼ିବା ନେଇ ବିଶେଷଜ୍ଞ ଆକଳନ କଲେଣି । ତେଣୁ ବେଳ ଥାଉ ସତର୍କତା ଅବଲମ୍ବନ କରିବାକୁ ଅନୁରୋଧ କରିଛନ୍ତି  ମୁଖ୍ୟମନ୍ତ୍ରୀ  ।

ବିଶ୍ୱର ଅନେକ ଦେଶରେ କୋଭିଡ ସଂକ୍ରମଣର ତୃତୀୟ ଲହର ଆସିବା ଆରମ୍ଭ କଲାଣି  । ବର୍ତ୍ତମାନ ବିଶେଷଜ୍ଞ ମାନେ ଏନେଇ ମତପ୍ରକାଶ କଲେଣି  । କିନ୍ତୁ ଓଡିଶା ସରକାର କଟକଣା କୋହଳ କରିବା ମାତ୍ରେ ଅନେକ ହାଟ ବଜାରରେ କୋଭିଡ ନିୟମ ଅନୁପାଳନ ହେଉନଥିବା ଦେଖିବାକୁ ମିଳିଛି  । ଭିଡ଼ ପରିଲିଖିତ ହେଉଛି, ଯାହା ବିପଦ ବଢାଇବାର ମୁଖ୍ୟ କାରକ ହେବ  । ତେବେ ଆମକୁ ଯଥେଷ୍ଟ ସଚେତନ ହେବାର ଆବଶ୍ୟକତା ଏବେ ମଧ୍ୟ ରହିଛି  । ସର୍ବଦା କୋଭିଡ କଟକଣାକୁ ମାନିବାର ଆବଶ୍ୟକତା ରହିଛି  । ଯଦି ରାଜ୍ୟବାସୀ ଅମାନିଆ ହେବେ ତେବେ ସରକାର ବାଧ୍ୟ ହୋଇ ପୁନର୍ବାର ରାଜ୍ୟରେ ସମ୍ପୂର୍ଣ୍ଣ ଲକଡାଉନ ଜାରି କରିବେ  ବୋଲି ସତର୍କବାଣୀ ଶୁଣାଇଛନ୍ତି ମୁଖ୍ୟମନ୍ତ୍ରୀ  ।

ଦ୍ୱିତୀୟ ଲହରରେ ଆମେ ଦେଖିଲେ କରୋନା ଭାଇରସ୍ କାହାରିକୁ ଛାଡି ନାହିଁ । ବୁଢା ଠାରୁ ପିଲା ପର୍ଯ୍ୟନ୍ତ ସମସ୍ତେ ସଂକ୍ରମିତ ହୋଇଛନ୍ତି । ଟିକା କେବଳ ଗୁରୁତର ଅବସ୍ଥାରୁ ଆମକୁ ସରକ୍ଷା ଦେଉଛି । କିନ୍ତୁ ଟିକା ନେଲେ ମଧ୍ୟ ନିଜେ ସଂକ୍ରମିତ ହେବା ବା ଅନ୍ୟକୁ ସଂକ୍ରମିତ କରିବାର ଭୟ ରହୁଛି ବୋଲି ମୁଖ୍ୟମନ୍ତ୍ରୀ ସତର୍କ କରାଇ ଦେଇଥିଲେ । ମୁଖ୍ୟମନ୍ତ୍ରୀ କହିଥିଲେ ଯେ ଦ୍ୱିତୀୟ ଲହରରେ ଅନ୍ୟ ରାଜ୍ୟ ମାନଙ୍କର ଯେଭଳି ଅବସ୍ଥା ଆମେ ଦେଖିଲେ, ସେ ପରିସ୍ଥିତି ଓଡିଶାରେ ଘଟି ନାହିଁ । ଆମର ଡାକ୍ତର ଓ ସ୍ବାସ୍ଥ୍ୟକର୍ମୀ ମାନଙ୍କର କଠିନ ପରିଶ୍ରମ ଯୋଗୁଁ ଓଡିଶା ଆଜି ଭଲ ସ୍ଥିତିରେ ଅଛି । ଡାକ୍ତର ମାନେ ଆମର ସୁରକ୍ଷା ପାଇଁ ଦିନରାତି କାମ କରୁଛନ୍ତି । ତେଣୁ ସେମାନଙ୍କ ତ୍ୟାଗକୁ ସମ୍ମାନ ଜଣାଇ ଆମକୁ ଦାୟିତ୍ବପୂର୍ଣ୍ଣ ଭାବରେ ବ୍ୟବହାର କରିବାକୁ ହେବ ।

ଦ୍ୱିତୀୟ ଲହରର ମୁକାବିଲାରେ ଜନସାଧାରଣ ଯେପରି ପ୍ରଶାସନକୁ ସାହାଯ୍ୟ ଓ ସହଯୋଗ ଯୋଗାଇ ଦେଲେ, ସେଥିପାଇଁ ସମସ୍ତଙ୍କୁ ଧନ୍ୟବାଦ ଜଣାଇ ମୁଖ୍ୟମନ୍ତ୍ରୀ କହିଥିଲେ ଯେ ଏବେ ନିଷ୍ପତ୍ତି ଆପଣମାନଙ୍କ ହାତରେ । ଜୀବନ ଅମୂଲ୍ୟ । ଆମର ଦାୟିତ୍ବପୂର୍ଣ୍ଣ ବ୍ୟବହାର ହିଁ ତୃତୀୟ ଲହରକୁ ରୋକିପାରିବ । ତେଣୁ ଓଡିଶାକୁ ନିରାପଦ ରଖିବା ପାଇଁ ମୁଖ୍ୟମନ୍ତ୍ରୀ ସମସ୍ତଙ୍କ ସହଯୋଗ କାମନା କରିଛନ୍ତି । ମୁଖ୍ୟମନ୍ତ୍ରୀ କହିଥିଲେ ‘ଆପଣଙ୍କ ପ୍ରିୟଜନଙ୍କ ସୁରକ୍ଷା ପ୍ରତି ଧ୍ୟାନ ଦିଅନ୍ତୁ ଏବଂ ନିରାପଦ ଭାବରେ ଜୀବନଜୀବିକା ଯେପରି ଆଗକୁ ବଢିଚାଲିବ ସେଥିରେ ସହଯୋଗ କରନ୍ତୁ ।’

‘ମହିଳା ହକି ଟିମର ପ୍ରତିଭା ସମସ୍ତଙ୍କ ପାଇଁ ପ୍ରେରଣା’

ଭୁବନେଶ୍ୱର: ଭାରତୀୟ ମହିଳା ହକି ଟିମକୁ ଶୁଭେଛା ଜଣାଇଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  । ଦେଶ ତୁମ ପାଇଁ ଗର୍ବିତ  । ବିଶ୍ୱସ୍ତରରେ ଆଜି ଦେଶର ନାମକୁ ପରିଚିତ କରାଇବାରେ ପ୍ରମୁଖ ଭୂମିକା ଗ୍ରହଣ କରିଛନ୍ତି ଏହି ମହିଳା ମାନେ  । ଭାରତୀୟ ମହିଳା ହକି ଟିମ ଆଜିର ମ୍ୟାଚରେ ଭଲ ପ୍ରଦର୍ଶନ କରିଛି  । ବିପକ୍ଷ ଦଳ ପ୍ରତି ଯେଉଁଭଳି ଆଭିମୁଖ୍ୟ ପୂର୍ଣ୍ଣ ମ୍ୟାଚ ଖେଳିଛନ୍ତି, ତାହା ସମସ୍ତଙ୍କ ପାଇଁ ପ୍ରେରଣା ଦାୟକ  । ଏବଂ ଆଗମୀ ଦିନରେ ଭାରତୀୟ ମହିଳା ହକି ଟିମ ନିଶ୍ଚେ ବ୍ରୋଞ୍ଜ ପଦକ ହାସଲ କରିବା ବୋଲି ଶୁଭେଛା ଜଣାଇଛନ୍ତି ମୁଖ୍ୟମନ୍ତ୍ରୀ  ।

ସେହିଭଳି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ମହିଳା ହକି ଦଳକୁ ଶୁଭେଛା ଜଣାଇଛନ୍ତି  । ପ୍ରଧାନମନ୍ତ୍ରୀ କହିଛନ୍ତି, ଯେଉଁଭଳି ପଦର୍ଶନ ଆଜି ଆପଣମାନେ କରିଛନ୍ତି । ତାହା ନିଶ୍ଚିତ ଭାବେ ଦେଶବାସୀଙ୍କୁ  ଗର୍ବିତ କରିଛି  । ଆଗାମୀ ମ୍ୟାଚ ନେଇ ମଧ୍ୟ ଶୁଭେଛା ଜଣାଇଛନ୍ତି ପ୍ରଦାନମନ୍ତ୍ରୀ ମୋଦି  ।

୭ରେ ସମ୍ବୋଧନ, କ’ଣ କହିବେ ମୁଖ୍ୟମନ୍ତ୍ରୀ ?

ଭୁବନେଶ୍ୱର: ରାଜ୍ୟବାସୀଙ୍କୁ ସମ୍ବୋଧନ କରିବେ ମୁଖ୍ୟମନ୍ତ୍ରୀ । ସନ୍ଧ୍ୟା ୭ଟାରେ ସମ୍ବୋଧନ କରିବେ ନବୀନ ପଟ୍ଟନାୟକ । କୋଭିଡ୍ ତୃତୀୟ ଲହର ମୁକାବିଲା ନେଇ କରିବେ ସମ୍ବୋଧନ । କୋଭିଡ୍ ମୁକାବିଲାରେ ଓଡ଼ିଶା ଆଗୁଆ ରହିଛି, ତଥାପି ଲୋକଙ୍କୁ ସଚେତନ ରହିବାକୁ ଆହ୍ୱାନ ଦେବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  ।

Tokyo Olympics: ଲଢିକି ହାରିଲେ ଭାରତୀୟ ଝିଅ, ତଥାପି ବ୍ରୋଞ୍ଚ ଆଶା ବଞ୍ଚିଛି

ଟୋକିଓ: କଡା ଟକ୍କର ଭିତରେ ଶେଷ ହୋଇଛି ଅଲିମ୍ପିକ୍ସ ମହିଳା ହକି ସେମି ଫାଇନାଲ  । ଭାରତୀୟ ଟିମ ପ୍ରଥମ ଗୋଲ ବିପକ୍ଷ ଆର୍ଡେଣ୍ଟିନାକୁ ଦେବା ସ୍ୱତେ ମଧ୍ୟ ମ୍ୟାଚରେ ପରାଜୟ ସ୍ୱୀକାର କରିଛି  । ସେମି ଫାଇନାଲରେ ଭାରତର ପରାଜୟ ଘଟିବା ସହ ଫାଇନାଲ ଆଶା ଅଧାରେ ହିଁ ଅଟକି ଯାଇଛି  । କିନ୍ତୁ ଭାରତୀୟ ମହିଳା ହକି ଟିମ ମଧ୍ୟରେ ଥିବା ଯୋସ ଏବଂ ଦୃଢ ଇଛା ଶକ୍ତି ହିଁ ସେମାନଙ୍କୁ ସେମି ଫାଇନାଲ ପର୍ଯ୍ୟନ୍ତ ପହଁଚାଇପାରିଛିି  ।

ଭାରତୀୟ ଟିମ ସେମି ଫାଇନାଲ ମ୍ୟାଚ ହାରିଛି କିନ୍ତୁ ପଦକ ଆଶା ଏବେ ମଧ୍ୟ ରହିଛି  । ବ୍ରୋଞ୍ଚ ପଦକ ପାଇଁ ପୁଣି ଲଢାଇ କରିବା ଟିମ  । ତେବେ ମ୍ୟାଚ ଆରମ୍ଭରୁ ପ୍ରଥମେ ଭାରତୀୟ ହକି ଟିମ ବିପକ୍ଷ ଦଳକୁ ପ୍ରଥମ ଗୋଲ ଦେଇଥିଲା  । ଏହା ପରେ ଆର୍ଜେଣ୍ଟିନା ଟିମ ଭାରତ ଉପରେ ଦେଇଥିଲା ଆଉ ଏକ ଗୋଲ  । ଯଦ୍ୱାରା ୧-୧ ରେ ବରାବର ଥିଲା ଉଭୟ ଦଳର ସ୍ପୋର  ।

ସେପଟେ ତୃତୀୟ ଗୋଲ ମଧ୍ୟ ଆର୍ଜେଣ୍ଟିନା ଭାରତକୁ ଦେଇଥିଲା  । ଫଳରେ ୩-୧ରେ ଆଗୁଆ ରହିଥିଲା ବିପକ୍ଷ ଦଳ  । ଭାରତୀୟ ଟିମ ଜୋରଦାର ଲଢେଇ କରିବା ସ୍ୱତେ ମଧ୍ୟ ଗୋଲ ଦେବାରେ ବିଫଳ ହୋଇଥିଲା  । ଏହା ସହିତ ଆଗାମୀ ଦିନରେ ଭାରତୀୟ ଟିମ ବ୍ରୋଞ୍ଚ ଆଣିବା ନେଇ ଏବେ ମଧ୍ୟ ଆଶାବାଦୀ ଦଳ  । ଭାରତୀୟ ମହିଳା ହକି ଦଳ ଚଳିତ ଅଲିମ୍ପିକ୍ସରେ  ପ୍ରଥମ ଥର ପାଇଁ ସେମି ଫାଇନାଲକୁ ପ୍ରବେଶ କରିବା ସହ ଇତିହାସ ରଚିବାରେ ସକ୍ଷମ ହୋଇଛି  ।

ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠରେ ସୌମ୍ୟଙ୍କ ସମ୍ପର୍କୀୟ, ଦାବି କଲେ CBI ତଦନ୍ତ

ଭୁବନେଶ୍ୱର: ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠରେ ପହଁଚିଲେ ଏସିଏଫ ସୌମ୍ୟ ରଞ୍ଜନଙ୍କ ଭାଇ ଓ ସମ୍ପର୍କୀୟ । ନିରପେକ୍ଷ ତଦନ୍ତ ସହ ସିବିଆଇ କିମ୍ବା ଏସଆଇଟିକୁ କେସ ହସ୍ତାନ୍ତର ପାଇଁ ଦାବି ରଖିଲେ। ଏହାସହ ଘଟଣାକୁ 23 ଦିନ ପୁରିଥିଲେ ମଧ୍ୟ ପୋଲିସର ହାତ ଖାଲି ଥିବାକୁ ନେଇ ପ୍ରଶ୍ନ ଉଠାଇଛନ୍ତି ସୌମ୍ୟଙ୍କ ଭାଇ । ଏହାସହ ଏହି ଘଟଣାରେ ଅନେକ କ୍ଷମତାଶାଳୀ ଲୋକଙ୍କ ହାତ ଥିବାରୁ ତଦନ୍ତ ପ୍ରକ୍ରିୟାକୁ ଜାଣିଶୁଣି ବିଳମ୍ବ କରାଯାଉଥିବା ନେଇ ଅଭିଯୋଗ ଆଣିଛନ୍ତି ସମ୍ପର୍କୀୟ ।

ସେପଟେ ଅଭିଯୋଗ କରିବାକୁ ଆସିଥିବା ପରିବାର ଲୋକେ କହିଛନ୍ତି,  ତଦନ୍ତ ଯେତିକି ବିଳମ୍ବ ହେବ ଦୋଷୀଙ୍କୁ ପ୍ରମାଣ ନଷ୍ଟ ପାଇଁ ସେତିକି ଅଧିକ ସମୟ ମିଳିବ । ତେବେ ଆଜି ସୌମ୍ୟଙ୍କ ଭାଇ ଦ୍ୱିତୀୟ ଥର ପାଇଁ ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠକୁ ଆସିଛନ୍ତି। ଏହାପରେ ସେ କମିଶନରେଟ ପୋଲିସରେ ଥିବା ଡିଜିପିଙ୍କ କ୍ୟାମ୍ପ ରେ ମଧ୍ୟ ଏକ ଅଭିଯୋଗ ପତ୍ର ଦେବେ ।

ମାର୍କ ପାଇଁ ମହା ଡିଲ୍: ‘ଆମ ସ୍କୁଲରେ ପାଠ ପଢିଲେ ଟପ୍ପର ହେବ ତୁମ ପୁଅ’

ଭୁବନେଶ୍ୱର:  ସିବିଏସଇ ଦଶମ ମାର୍କ ପାଇଁ ହେଉଛି ଡିଲ୍  ।  ଟଙ୍କା ଦେଲେ ବଢିବ ପିଲାର ମାର୍କ  । କୋଭିଡ ଲକଡାଉନ୍‌ରେ ଶିକ୍ଷାର ବେପାର କରୁଛି ପଟିଆ ସ୍ଥିତ ଏକ ଘରୋଇ ସ୍କୁଲ । ଦଲାଲ ସାଜି କରୁଛନ୍ତି ପିଲାଙ୍କ ନମ୍ବର ଘୋଟାଲା । ସଂକ୍ରମଣ ଭୟରେ ଦଶମ ପରୀକ୍ଷା ନହେବାରୁ ବଡ଼ ବଡ଼ ସ୍କୁଲ ନମ୍ବର ବଢେଇବା ପାଇଁ ଆରମ୍ଭ କରିଛନ୍ତି ଡିଲ୍‌ । ଏଭଳି ସାଂଘାତିକ ଅଭିଯୋଗ ଆଣିଛନ୍ତି ପଟିଆ ସ୍ଥିତ ଘରୋଇ ସ୍କୁଲର ଛାତ୍ରଛାତ୍ରୀ ଓ ଅଭିଭାବକ । ସ୍କୁଲରେ ଏକାଦଶରେ ନାମ ନ ଲେଖାଇବାରୁ ପିଲାଙ୍କୁ କମ୍ ମାର୍କ ଦେଇଥିବା ଅଭିଯୋଗ ଆଣିଛନ୍ତି ଅଭିଭାବକ । ପଟିଆ ସ୍ଥିତ ଘରୋଇ ସ୍କୁଲର ମାଲିକ ବଦ୍ରି ପଟ୍ଟନାୟକଙ୍କ ନାଁରେ ଅଭିଯୋଗ ଆଣି ସିବିଏସ୍ଇର ଦ୍ବାରସ୍ଥ ହୋଇଛନ୍ତି ଶହେରୁ ଅଧିକ ଅଭିଭାବକ ।

ପିଲା ଯଦି ତାଙ୍କ ସ୍କୁଲରେ ଏକାଦଶରେ ନାମ ଲେଖାଇବ ତେବେ ସେ ଓଡ଼ିଶାର ଟପର ହୋଇଯିବ ବୋଲି ବଦ୍ରି ପଟ୍ଟନାୟକ ଜଣେ ଅଭିଭାବକଙ୍କୁ କହିଛନ୍ତି । ଯାହାର ଅଡିଓ ଭାଇରାଲ ହେବାରେ ଲାଗିଛି । ଅଭିଭାବକ ବିଭୁଙ୍କ ପୁଅ ତୁରନ୍ତ ଏକାଦଶରେ ନାମ ଲେଖାଇବାକୁ ବଦ୍ରି ପଟ୍ଟନାୟକ ବାଧ୍ୟ କରୁଛନ୍ତି । ଆଡମିସନ୍ ଫିସ କମ୍ କରିବା ପାଇଁ ମଧ୍ୟ ପ୍ରଲଭୋନ ଦେଖାଇଛନ୍ତି । ଏହାସହ ପିଲା ଦଶମ ଶ୍ରେଣୀ ଟେଷ୍ଟ ପରୀକ୍ଷାରେ ଯଦି ଭଲ କରିନାହିଁ ଏକାଦଶରେ ନାମ ଲେଖାଇଲେ ତାର ମାର୍କ ୯୮ ପ୍ରତିଶତରୁ ଅଧିକ କରିଦିଆଯିବ । ଏପରିକି ପିଲା ନିଜେ ଘରେ ଭଲ ରୋଲିଂ ପେପର ଆଣି ପୂର୍ବରୁ ଦିଆଯାଇଥିବା ପ୍ରଶ୍ନପତ୍ରରେ ଶତ ପ୍ରତିଶତ ଉତ୍ତର ଦେବାକୁ ବଦ୍ରି କହୁଥିବା ଅଡିଓରୁ ଶୁଣିବାକୁ ମିଳୁଛି ।

ଏଥିରୁ ସ୍ପଷ୍ଟ ହୋଇଛି ଯେ ଦଶମରେ ମାର୍କ ବଢାଇବା ପାଇଁ ସମ୍ପୃକ୍ତ ସ୍କୁଲରେ କିପରି ମୁଲଚାଲ କରୁଥିଲା । ତାଙ୍କରି ସ୍କୁଲରେ ଯେଉଁ ଛାତ୍ର ଏକାଦଶ ପଢିବେ ତାଙ୍କ ମାର୍କ ଭଲ କରାଯାଇଥିବା ବେଳେ ଅନ୍ୟ ସ୍କୁଲରେ ଏକାଦଶ ପଢିବା ପାଇଁ ମନସ୍ତ କଲେ ତାଙ୍କ ମାର୍କ କମେଇ ଦିଆଯାଇଛି । ଶିକ୍ଷା ବେପାରର ଏହି କଳାଦିଗଟି ଏବେ ସାମ୍ନାକୁ ଆସିଛି । ଯଦିଓ ଅଭିଭାବକ ମାନେ ଏନେଇ ଥାନା ବା କୋର୍ଟରେ ଆଶ୍ରୟ ନେଇନାହାନ୍ତି । ତେବେ ଆଜି ଶତାଧିକ ଅଭିଭାବକ ସମ୍ପୃକ୍ତ ସ୍କୁଲକୁ ଯାଇ ଅଭିଯୋଗ କରିଛନ୍ତି ।

ସେମିଫାଇନାଲ ଖେଳୁଛି ଭାରତ: ୧-୦ ଗୋଲରେ ଆଗୁଆ ଭାରତୀୟ ମହିଳା ହକି ଟିମ୍

ଟୋକିଓ: ଅଲିମ୍ପିକ୍ସରେ ସେମିଫାଇନାଲ ଖେଳୁଛି ଭାରତୀୟ ମହିଳା ହକି ଦଳ  । ମ୍ୟାଚ ଆରମ୍ଭରୁ ଭାରତୀୟ ଟିମ ପ୍ରତିପକ୍ଷ ଟିମକୁ ଦେଇଛି ପ୍ରଥମ ଗୋଲ  ।   ଆଜି ଟୋକିଓ ଅଲିମ୍ପିକ୍ସରେ ପଦକ ପାଇଁ ଲଢେଇ ଜାରି ରଖିଛି  ମହିଳା ହକି ଟିମ୍‌  । ଆର୍ଜେଣ୍ଟିନା ବିପକ୍ଷରେ ଖେଳ ଜାରି ରଖିଛି  ଦଳ  । ସେମି ଫାଇନନାଲ ମ୍ୟାଚ ଜାରି ରହିଥିବାବେଲେ ଭାରତୀୟ ହକି ଟିମ ୧-୦ ଗୋଲରେ ଆଗୁଆ ରହିଛି  ।

କ୍ବାର୍ଟର ଫାଇନାଲରେ ୩ ଥର ଗୋଲ୍ଡ ମେଡାଲିଷ୍ଟ ଅଷ୍ଟ୍ରେଲିଆକୁ ୧-୦ରେ ହରାଇ ପ୍ରଥମ ଥର ପାଇଁ ସେମିଫାଇନାଲରେ ପ୍ରବେଶ କରିଛି ଭାରତୀୟ ହକି ଟିମ୍‌ । ସେଥିପାଇଁ ଆଜି ଚମତ୍କାର ପ୍ରଦର୍ଶନ କରିବା ନେଇ ସମସ୍ତେ ଆଶାବାଦୀ ରହିଛନ୍ତି   । ଯଦି ଭାରତୀୟ ଟିମ ଆଜି ଭଲ ପଦର୍ଶନ କରେ ତେବେ ଫାଇନାଲ ଯିବା ପକ୍କା କରିବ ଟିମ  ।

ସେପଟେ ପ୍ରଥମ ଥର ପାଇଁ ଭାରତୀୟ ମହିଳା ହକି ଟିମ ଅଲିମ୍ପିକ୍ସର ସେମିଫାଇନାଲକୁ ଉନ୍ନିତ ହୋଇଛି  । ତେଣୁ ଦେଶବାସୀ ମହିଳା ହକି ଟିମ ଉପରେ ଆଶାବାଦୀ ରହିଛନ୍ତି  । ସେପଟେ ପୁରୁଷ ହକି ଟିମ୍ ନିରାଶ କରିଥିବାବେଳେ ଆଜି ମହିଳାଙ୍କ ଠାରୁ ବିଜୟ ଆଶା କରୁଛି ସାରା ଦେଶ  । ଦଳ ଭଲ ପ୍ରଦର୍ଶନ କରିବା ନେଇ ଆଶା ବାନ୍ଧିଛନ୍ତି ଦେଶବାସୀ  ।

ଆର୍ଥିକ ସଂକଟ: ଭଡ଼ାରେ ଲାଗିବ ପାକିସ୍ତାନ ପ୍ରଧାନମନ୍ତ୍ରୀଙ୍କ ସରକାରୀ ବାସଭବନ

ଇସଲାମାବାଦ: ଆର୍ଥିକ ସଙ୍କଟର ଶିକାର ହୋଇଛି ପାକିସ୍ତାନ । ଏଣିକି ପାକିସ୍ତାନ ପ୍ରଧାନମନ୍ତ୍ରୀଙ୍କ ସରକାରୀ ବାସଭବନକୁ ଭଡ଼ାରେ ଦିଆଯିବ । ଇସଲାମବାଦର ରେଡ ଜୋନରେ ଥିବା ଏହି ବିଶାଳ କୋଠାକୁ ଭଡ଼ାରେ ଦିଆଯିବା ନେଇ ପାକିସ୍ତାନ କ୍ୟାବିନେଟରେ ନିଷ୍ପତ୍ତି ନିଆଯାଇଛି । ଗୁରୁତର ଆର୍ଥିକ ସଂକଟରେ ଜାତୀୟ ରାଜକୋଷ ରହିଥିବାବେଳେ ଏଥିରୁ ମୁକ୍ତି ଲାଗି ସରକାର ଏହି ପଦକ୍ଷେପ ନେଇଛନ୍ତି । ପ୍ରଧାନମନ୍ତ୍ରୀଙ୍କ ଏହି ଆବାସ କେବଳ ସାଂସ୍କୃତିକ, ଫେସନ, ଶିକ୍ଷା ଓ ଅନ୍ୟାନ୍ୟ କାର୍ଯ୍ୟ ଲାଗି ଭଡା ଦିଆଯିବ । ଏହି କୋଠାରେ ନିର୍ଦ୍ଧାରିତ ଶୃଙ୍ଖଳା ଓ ନିୟମ କାର୍ଯ୍ୟକାରୀ ହେବ ଏବଂ କୌଣସି ପ୍ରକାର ଢାଞ୍ଚାଗତ ପରିବର୍ତ୍ତନକୁ ଅନୁମତି ଦିଆଯିବ ନାହିଁ । ପୂର୍ବରୁ ସରକାର ବି ଘୋଷଣା କରିଥିଲେ ଖର୍ଚ୍ଚକାଟ ନିୟମ ଅନୁସାରେ ଗଭର୍ଣ୍ଣର ହାଉସରେ ବି ଗଭର୍ଣ୍ଣର ରହିବେ ନାହିଁ । ବିପୁଳ ଖର୍ଚ୍ଚ ରୋକିବା ସହ ଏଥିରୁ ଆଦାୟ ଭଡ଼ା ଜନକଲ୍ୟାଣ କାର୍ଯ୍ୟକ୍ରମରେ ଖର୍ଚ୍ଚ କରିବା ଲାଗି ସରକାର ନିଷ୍ପତ୍ତି ନେଇଥିଲେ । ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଏବେ ସରକାରୀ ବାସଭବନ ବଦଳରେ ବାନି ଗାଲା ସ୍ଥିତ ତାଙ୍କ ବାସଭବନରେ ରହୁଛନ୍ତି ।

ଏଥିସହିତ ପଢ଼ନ୍ତୁ: Tokyo Olympics 2020: ଜାଭେଲିନ୍ ଥ୍ରୋ ଫାଇନାଲରେ ପହଞ୍ଚିଲେ ନୀରଜ ଚୋପ୍ରା

Tokyo Olympics 2020: ପଦକ ପକ୍କା, କୁସ୍ତି ଫାଇନାଲରେ ପ୍ରବେଶ କଲେ ଭାରତର ରବି କୁମାର ଦହିୟା

ଟୋକିଓ: ଚଳିତ ଅଲିମ୍ପିକ୍ସରେ ଭାରତ ପାଇଁ କୁସ୍ତିରେ ଆଉ ଏକ ପଦକ ପକ୍କା ହୋଇଛି । ରବି କୁମାର ଦାହିୟାଙ୍କ ଫାଇନାଲ ପ୍ରବେଶ ସହ ଭାରତ ପାଇଁ ଆଉ ଏକ ପଦକ ପକ୍କା ହୋଇଛି । ଏବେ ସେ ସ୍ୱର୍ଣ୍ଣ ପଦକ ପାଇଁ ଲଢ଼େଇ କରିବେ। ଯଦି ବି ସେ ହାରି ଯାଆନ୍ତି, ତା’ହେଲେ ତାଙ୍କୁ ରୌପ୍ୟ ପଦକ ମିଳିବ ନିଶ୍ଚିତ । ଯଦି ସେ ସ୍ୱର୍ଣ୍ଣ ଜିତିବେ, ତା’ହେଲେ ଭାରତୀୟ ରେସଲିଂ ପାଇଁ ନୂଆ ଇତିହାସ ସୃଷ୍ଟି କରିବେ। କାରଣ ଭାରତ ପାଇଁ ଅଲିମ୍ପିକ୍ସରେ ଆଜି ଯାଏ କୌଣସି ରେସଲର ସ୍ୱର୍ଣ୍ଣ ଜିତି ନାହାନ୍ତି।

ଆଜି ରେସଲିଂ ମୈଦାନକୁ ଓହ୍ଲାଇ ଥିବା ରବି କୁମାର ପ୍ରଥମ ଦୁଇଟି ମ୍ୟାଚ୍‌ରେ ଦମଦାର ପ୍ରଦର୍ଶନ କରି ସେମି ଫାଇନାଲରେ ପ୍ରବେଶ କରିଥିଲେ। ସେମି ଫାଇନାଲ ତାଙ୍କର ମୁକାବିଲାରେ କାଜାଖିସ୍ତାନ ନୁରିସ୍ଲାମ ସାନାୟେଭଙ୍କ ସହ ହୋଇଥିଲା। ଏହି ମ୍ୟାଚ୍‌କୁ ସେ ଧାର୍ଯ୍ୟ ସମୟ ପୂର୍ବରୁ ଜିତି ନେଇଛନ୍ତି। ମ୍ୟାଚ୍‌ ଜିତିବା ବେଳେ ରବି ୭-୯ରେ ପଛରେ ଥିଲେ। କିନ୍ତୁ ସାନାୟେଭଙ୍କୁ ଦମଦାର ଟ୍ୟାକେଲ ସହ ରବି କୁମାର ତଳେ ଫୋପାଡ଼ି ଦେବାରୁ ସେ ଆହତ ହୋଇଥିଲେ। ଏହି କାରଣରୁ ସାନାୟେଭଙ୍କୁ ଅମ୍ପାୟାର ଅନଫିଟ୍‌ ଘୋଷଣା କରିଥିଲେ। ଏବଂ ଭାରତର ରବି ଦହିୟା ଫାଇନାଲକୁ ପ୍ରବେଶ କରିଛନ୍ତି ।