ଆମେରିକାର ଏୟାର ଷ୍ଟ୍ରାଇକ୍ରେ ପ୍ରାଣ ହରାଇଛନ୍ତି ୨୦୦ରୁ ଅଧିକ ତାଲିବାନ ଆତଙ୍କବାଦୀ
1 min read
ନୂଆଦିଲ୍ଲୀ: ଆଫଗାନିସ୍ତାନରେ ତାଲିବାନକୁ ଲାଗିଛି ଶକ୍ତ ଧକ୍କା । ଆମେରିକା ପକ୍ଷରୁ ହୋଇଥିବା ଏୟାର ଷ୍ଟ୍ରାଇକରେ ପ୍ରାଣ ହରାଇଛନ୍ତି ୨୦୦ରୁ ଅଧିକ ତାଲିବାନୀ ଆତଙ୍କୀ । ଆଜି ସକାଳେ ସେବରଗାନଠାରେ କିଛି ଆଡ୍ଡାସ୍ଥଳୀରେ ଏୟାରଷ୍ଟ୍ରାଇକ ହେବା ପରେ ତାଲିବାନର ୨୦୦ରୁ ଅଧିକ ଆତଙ୍କୀ ପ୍ରାଣ ହରାଇଛନ୍ତି ବୋଲି କହିଛି ଆଫଗାନ ପ୍ରତିରକ୍ଷା ମନ୍ତ୍ରାଳୟ । ଏହା ସହ ସେମାନଙ୍କର ୧୦୦ରୁ ଅଧିକ ଗାଡ଼ି ଓ ବିପୁଳ ଅସ୍ତ୍ରଶସ୍ତ୍ର ମଧ୍ୟ ନଷ୍ଟ ହୋଇଛି । ତାଲିବାନ ବାହିନୀର ଆଡ୍ଡାସ୍ଥଳୀ ଉପରେ ବି-୫୨ ବମ୍ପର ଜରିଆରେ ହମଲା ପରେ ସେମାନେ ପ୍ରାଣ ହରାଇଥିଲେ । ପୂର୍ବରୁ ଘଜନି ସହରରେ ଆଫଗାନ କମାଣ୍ଡୋ ବାହିନୀ ହାତରେ ଗିରଫ ହୋଇଥିଲା ଜଣେ ପାକିସ୍ତାନୀ ଆତଙ୍କବାଦୀ । ସେପଟେ ଉତ୍ତରାଞ୍ଚଳ ଆଫଗାନିସ୍ତାନର ଜଓ୍ୱାଜାନ ପ୍ରଜାତନ୍ତ୍ରର ରାଜଧାନୀ ସେବର୍ଜଗାନକୁ କବଳିତ କରିଛନ୍ତି ତାଲିବାନ ବାହିନୀ । ବର୍ତ୍ତମାନ ସୁଦ୍ଧା ବିଭିନ୍ନ ଆକ୍ରମଣରେ ୩୮୫ରୁ ଅଧିକ ତାଲିବାନ ପ୍ରାଣ ହରାଇଲେଣି ।
