spot_img
Home Blog Page 5482

ପାଗଳ ପ୍ରେମିକର ଉନ୍ମତ୍ତ କାଣ୍ଡ, ପ୍ରେମିକାକୁ ଏସିଡ ମାଡ଼

ଭୁବନେଶ୍ୱର: ପ୍ରେମ କରୁଥିଲେ  । ଆଜି ପାଗଳ ପରି ହେଉଛନ୍ତି  । ଅର୍ଥାତ ପ୍ରେମିକ ଘଟାଇଛି ଉନ୍ମତ୍ତ କାଣ୍ଡ । ଯାହାଙ୍କୁ ଭଲ ଫାଉଥିଲେ, ତାଙ୍କୁ ମାରି ଦେବାର ପ୍ରୟାସ  । ପ୍ରେମରେ ବିଫଳ ହେବା ପରେ ଯୁବତୀଙ୍କୁ କରିଛନ୍ତି ଏସିଡ ମାଡ଼ । ଭୁବନେଶ୍ୱର  ଧଉଳି ଥାନା ବାଲିଆପଡା ଗାଁରେ ଘଟିଛି ଏମିତି କିଛି ଘଟଣା ।

ମିଳିଥିବା ସୂଚନା  ମୁତବାକ ଜଣେ ଯୁବତୀଙ୍କୁ ବାଲିଆପଡା ଗାଁର ଯୁବକ ଜଣଙ୍କ ପ୍ରେମ କରୁଥିଲେ  । କିନ୍ତୁ ପ୍ରେମରେ ବଫଳ ହେବାରୁ ଜୀବନରୁ ମାରି ଦେବାର ଯୋଜନା ପ୍ରସ୍ତୁତ କରିଥିଲେ ଉକ୍ତ ଯୁବକ ଜଣଙ୍କ  । ପୂର୍ବ ଯୋଜନା ମୁତାବକ ଛକି ରହିଥିବା ଯୁବକ ଜଣଙ୍କ ଯୁବତୀଙ୍କ ଦେହରେ ଏସିଡ ମାଡ଼ କରିଥିଲେ  ।

ସେପଟେ ଏସିଡ ଆକ୍ରମଣ ଫଳରେ ଯୁବତୀ ଜଣଙ୍କର କିଛି ଅଂଶ ପୋଡି ଯାଇଛି । ତାଙ୍କୁ ଗୁରୁତର ଅବସ୍ଥାରେ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି । ଏସିଡ ଫିଙ୍ଗିବା ପରେ ଯୁବକ ଜଣକ ଫେରାର ହୋଇଯାଇଛି । ଧଉଳି ପୋଲିସ ଘଟଣାର ତଦନ୍ତ କରୁଛି ।

ଅଲଗା ହେବେ IAS ଟପ୍ପର ଯୋଡ଼ି,ଏବେ ବିବାହ ବିଚ୍ଛେଦକୁ ବାଜିଛି ଆଇନର ମୋହର..

ଗୋଟିଏ ଚର୍ଚ୍ଚିତ ପ୍ରେମ ସଂମ୍ପର୍କରେ ଏବେ ପଡିବାକୁ ଯାଉଛି ପୂଣ୍ଣଛେଦ । ଯେଉଁ ଭଲପାଇବା ପାଇଁ ସେମାନେ ସାରା ଦୁନିଆ ସହ ଲଢିଥିଲେ, ଏବେ ସେହି ଭଲ ପାଇବା ହୋଇଯାଇଛି ଅତୀତର କଥା । ସମ୍ପର୍କ ତ’ କେବେଠାରୁ ମରି ଯାଇଥିଲା ବାସ୍ । ଏବେ ତା’ଉପରେ ବାଜିଛି ଆଇନର ମୋହର । ଆମେ ସେହି ପ୍ରସିଦ୍ଧ ଆଇଏଏସ୍ ଯୋଡିଙ୍କ କଥା କହୁଛୁ ଯାହାଙ୍କ ପ୍ରେମ କାହାଣୀ ଦିନେ ସୋସିଆଲ ମିଡିଆରୁ ମେନଷ୍ଟ୍ରିମ ମିଡିଆ ପର୍ଯ୍ୟନ୍ତ ଚହଳ ସୃଷ୍ଟି କରିଥିଲା । ସେଇ ଚର୍ଚ୍ଚିତ ପ୍ରେମ କାହାଣୀର ଦୁଇ ଚରିତ୍ର ହେଉଛନ୍ତି ଆଇଏଏସ୍ ଟିନା ଡାବି ଓ ତାଙ୍କ ସ୍ବାମୀ ଆଇଏଏସ ଅତହର ଆମିର ଖାନ୍ । ସେମାନଙ୍କ ପ୍ରେମ ଓ ବିବାହ ଯେତିକି ଖବର ସାଉଁଟି ଥିଲା ସଂପର୍କରେ କଟୁତା ମଧ୍ୟ ସେତିକି ଚର୍ଚ୍ଚା ସାଉଁଟିଛି । ଏବେ ଉଭୟଙ୍କ ବିବାହ ବିଚ୍ଛେଦକୁ ଅଦାଲତଙ୍କର ମଂଜୁରୀ ମିଳିଛି..ଦୁହେଁ ପରସ୍ପରର ସହମତିରେ ୯ ମାସ ପୂର୍ବରୁ ଜୟପୁରର ଫ୍ୟାମିଲି କୋର୍ଟରେ ଛାଡପତ୍ର ପାଇଁ ଆବେଦନ କରିଥିଲେ । ଯାହା ମଙ୍ଗଳବାର ଦିନ କୋର୍ଟ ତରଫରୁ ଅନୁମତି ମିଳିଛି । କଣ ଥିଲା ଏମାନଙ୍କ ପ୍ରେମ କାହାଣୀ ଓ କାହିଁକି ଏହି ଯୋଡି ହେବାକୁ ଚାହୁଁଛନ୍ତି ଅଲଗା ସେ ବିଷୟରେ ।

ମଶୁରୀରୁ ଆରମ୍ଭ । ଜୟପୁରରେ ଅନ୍ତ । ଟିନା ଓ ଅତହର ଅମିରଙ୍କ ପ୍ରେମକାହାଣୀକୁ ଏହି ଦୁଇ ଧାଡିରେ କୁହାଯାଇ ପାରିବ । ୨୦୧୫ରେ ୟୁପିଏସି ଟପ୍ କରିଥିବା ଆଇଏଏସ ଟିନା ଡାବି ଓ ଆଇଏଏସ ଅତହର ଆମିର ଖାନଙ୍କ ବିଷୟରେ ତ ସମସ୍ତେ ଜାଣିଛନ୍ତି । ଏମାନେ ଏହିଭଳି ଏକ ଯୋଡି ଥିଲେ ଯିଏକି ଅମର ପ୍ରେମ କାହାଣୀର ସଂଜ୍ଞା ସାରା ଦୁନିଆକୁ ଦେଇଥିଲେ । ଜାତି ଧର୍ମ ଏସବୁ ପ୍ରକୃତ ଭଲପାଇବା ଆଗରେ କିଛି ମାନେ ରଖେନା ଏହା ପ୍ରମାଣ କରି ଦେଖାଇଥିଲେ.ଅତହରଙ୍କ ଘର କାଶ୍ମୀରରେ ଓ ଟିନାଙ୍କ ଜନ୍ମ ମଧ୍ୟପ୍ରଦେଶର ଭୋପାଳରେ  ହୋଇଥିଲା । ହେଲେ ଟିନାଙ୍କ ପୁରା ପରିବାର ଜୟପୁରରେ ହିଁ ରହୁଥିଲେ ।

ଟିନା ଯେତେବେଳେ ୟୁପିଏସିରେ ଟପ୍ପର ହୋଇ ପ୍ରଥମ ସ୍ଥାନ ଅଧିକାର କରିଥିଲେ ସେତେବେଳେ ଅତହର ଦ୍ବିତୀୟ ସ୍ଥାନରେ ରହିଥିଲେ । ଏହି ଦୁଇ ଆଇଏଏସ  ମଶୁରୀରେ ଟ୍ରେନିଙ୍ଗ ସମୟରେ  ପରସ୍ପରର ନିକଟତର ହୋଇଥିଲେ । ସେବେଠାରୁ ଦୁହିଁଙ୍କ ଭିତରେ ପ୍ରେମ ସଂମ୍ପର୍କ ଗଢିଉଠିଥିଲା ଓ ସେମାନେ ସାତଜନମର ସାଥୀ ହେବାକୁ ନିଷ୍ପତ୍ତି ନେଲେ । ଏବଂ ୨୦୧୮ ମାର୍ଚ୍ଚ ୨୦ରେ  ଜୟପୁରରେ ଦୁହିଁଙ୍କର ବାହାଘର ହୋଇଥିଲା । ୨ଜଣ ଯାକ ରାଜସ୍ଥାନ କ୍ୟାଡରର ଅଫିସର ଥିଲେ । କିନ୍ତୁ ଏବେ ଟିନା ଜୟପୁରର ଫାଇନାନ୍ସ ଡିପାର୍ଟମେଣ୍ଟର ଜଏଣ୍ଟ ସେକ୍ରେଟେରୀ ପଦରେ ନିୟୋଜିତ ଅଛନ୍ତି । ଆଉ ଅତହର୍ ଡେପ୍ୟୁଟେସନରେ ଜମ୍ମୁ କାଶ୍ମୀରରେ ନିୟୋଜିତ ଅଛନ୍ତି । ଦୁହିଁଙ୍କ ବିବାହ ପରେ ପ୍ରଥମେ ପ୍ରଥମେ ସବୁକିଛି ଠିକ ଚାଲିଥିଲା,ଏମିତିକି ଟିନା ନିଜର ସରନେମ୍ ବଦଳାଇ ଖାନ୍ କରିଦେଇଥିଲେ । କେବଳ ସେତିକି ନୁହେଁ ନିଜ ଇନଷ୍ଟାଗ୍ରାମରେ କଶ୍ମୀର ବୋହୁର ଟ୍ୟାଗ ମଧ୍ୟ ଲଗାଇଥିଲେ ଟିନା । ଦୁନିଆ କଣ ଭାବୁଛି କିମ୍ବା କଣ କହୁଛି ସେସବୁର ଖାତିର୍ କରୁଥିଲେ ଏହି ଦୁଇ ପ୍ରେମପକ୍ଷୀ ।

କିନ୍ତୁ ସଂମ୍ପର୍କରେ ତିକ୍ତତା ବଢିବା କାରଣରୁ ଗତ ବର୍ଷ ଟିନା ନିଜ ନାଁରୁ ଅତହରଙ୍କ ସରନେମକୁ ହଟାଇଦେଇଥିଲେ । ଏହା ଦେଖି ଅତହର ମଧ୍ୟ ନିଜ ସୋସିଆଲ ମିଡିଆ ଆକାଉଣ୍ଟରୁ ଟିନାଙ୍କୁ ଅନଫଲୋ କରିଦେଇଥିଲେ । ଯାହା ଫଳରେ ସାରା ଦେଶ ଏହି ଦୁଇ ଆଇଏଏସଙ୍କ ପ୍ରେମ ବିବାହ ଭିତରେ ଚାଲିଥିବା ମତଭେଦ ବିଷୟରେ ଜାଣିପାରିଥିଲା । ଲୋକେ କହିବାକୁ ଲାଗିଲେ କଣ ଅଲଗା ଧର୍ମ ଓ ଜାତି ପାଇଁ ଏମାନଙ୍କ ଭିତରେ ମତଭେଦ ଆରମ୍ଭ ହୋଇଛି । ଏମିତି ଖବର ଧିରେ ଧିରେ ସତକଥାରେ ପରିଣତ ହୋଇଗଲା । ଏବଂ ଦୁହେଁ ଜୟପୁରର ଫ୍ୟାମିଲ କୋର୍ଟରେ ଛାଡପତ୍ର ପାଇଁ ଆବେଦନ କଲେ । 

ଛାତ୍ରପତ୍ର ଆବେଦନର ଦୁଇ ବର୍ଷ ପରେ ଏବେ ଦୁହିଁଙ୍କୁ ଅଲଗା ହେବାକୁ ଅନୁମତି ଦେଇଛନ୍ତି ଅଦାଲତ । ଅର୍ଥାତ ଯେଉଁ ସମ୍ପର୍କ ଦୁଇଟି ମନର ମିଳନରେ ଆରମ୍ଭ ହୋଇଥିଲା ତାହା ଅଦାଲତର ମୋହରରେ ଛିନ୍ନ ହୋଇଛି । ପ୍ରେମ ଓ ବିବାହ ନିଶ୍ଚିତ ଭାବେ ବ୍ୟକ୍ତିଗତ ମାମଲା । ଟିନା ଓ ଅତହର କ’ଣ ପାଇଁ ଅଲଗା ହେଲେ ତାହା ସେମାନଙ୍କ ବ୍ୟକ୍ତିଗତ ବ୍ୟପାର କିନ୍ତୁ ଏହା ବି ସତଯେ, ସେଲିବ୍ରିଟି ବିବାହ ଯଦି ଖବର ତେବେ ବିଛେଦ ବି ଖବର ।

କରିନା କପୁରଙ୍କ ସପୋର୍ଟରେ ବାହାରିଲେ ସ୍ୱରା, ଟ୍ରୋଲ୍ସଙ୍କୁ କହିଲେ ‘ତୁମେ ସବୁଠୁ ବଡ଼’…

ମୁମ୍ବାଇ: ଅଭିନେତ୍ରୀ କରିନା କପୁର ଖାନଙ୍କ ଦ୍ୱିତୀୟ ପୁଅର ନାମ ‘ଜେ’ ବୋଲି ସୂଚନା ମିଳିଥିଲା । ହେଲେ Kareena Kapoor Khan’s Pregnancy Bibleରେ ଅଭିନେତ୍ରୀ ପୁଅର ନାମ ଜାହାଙ୍ଗିର ବୋଲି ଉଲ୍ଲେଖ କରିଛନ୍ତି । ଯାହା ଏବେ ସବୁଠି ଚର୍ଚ୍ଚାର ବିର୍ଷୟ ପାଲଟିଛି । କିଛି ଲୋକ ଏହି ନାମକୁ ନେଇ ଟ୍ରୋଲ କରୁଥିବାବେଳେ କିଛି ଲୋକ ଏହାକୁ ସମର୍ଥନ କରୁଛନ୍ତି | ସେହି ତାଲିକାରେ ଜଣେ ହେଉଛନ୍ତି ଅଭିନେତ୍ରୀ ସ୍ୱରା ଭାସ୍କର।

ନିକଟରେ ସ୍ୱରା ଭାସ୍କର ସୋସିଆଲ ମିଡିଆରେ ସୈଫ-କରୀନାଙ୍କ ଦ୍ୱିତୀୟ ପୁଅର ନାମ ଉପରେ ଏକ ପୋଷ୍ଟ କରିଛନ୍ତି। ସ୍ୱରା ଟୁଇଟ୍ କରି ଲେଖିଛନ୍ତି, ‘ଜଣେ ଦମ୍ପତି ସେମାନଙ୍କ ପିଲାମାନଙ୍କର ନାମ ରଖିଛନ୍ତି, କିନ୍ତୁ ଆପଣମାନେ ସେହି ଦମ୍ପତି ନୁହଁନ୍ତି, ହେଲେ ଆପଣମାନେ ସେହି ନାମକରଣ ଉପରେ ପ୍ରଶ୍ନ ଉଠାଉଛନ୍ତି । ଯଦି ଏଭଳି ନାମ କିମ୍ବା କଥା ଆପଣଙ୍କ ଭାବନାକୁ ଆଘାତ କରୁଛି, ତେବେ ଆପଣ ମାନେ ଏହି ଦୁନିଆର ସବୁଠୁ ବଡ ଗଧ |

ସୂଚନାଯୋଗ୍ୟ, କରୀନା-ସୖେଫଙ୍କ ପ୍ରଥମ ପୁଅ ତୖେମୁର ଅଲି ଖାନଙ୍କ ନାମକୁ ନେଇ ମଧ୍ୟ ସେ ସମୟରେ ଚର୍ଚ୍ଚା ହୋଇଥିଲା । ତୖେମୁର ପରି ଲୋକମାନେ ଜାହାଙ୍ଗୀରଙ୍କ ନାମକୁ ମଧ୍ୟ ପସନ୍ଦ କରୁନାହାଁନ୍ତି। ଏପରିକି ତାଙ୍କ ଦ୍ୱିତୀୟ ପୁଅର ନାମ ମଧ୍ୟଟ୍ୱିଟରରେ ଟ୍ରେଣ୍ଡ କରୁଛି । ଜାହାଙ୍ଗୀରଙ୍କ ନାମକୁ ନାପସନ୍ଦ କରୁଥିବା ୟୁଜର୍ସ ମାନେ ଆହୁରି ମଧ୍ୟ କହିଛନ୍ତି ଯେ, ସୈଫ ଓ କରିନା ସେମାନଙ୍କ ଆଗାମୀ ସନ୍ତାନର ନାମ ଔରଙ୍ଗଜେବ କିମ୍ବା ବାବର ରଖନ୍ତୁ ବୋଲି । କାରଣ ଉଭୟ ଶାସକ ଇତିହାସରେ ଜଣେ ଜଣେ ନିଷ୍ଠୁର ଶାସକ ଭାବରେ ପରିଚିତ |

 

ବିଶ୍ୱାସୀ ହାତୀ, ଅବିଶ୍ୱାସୀ ମଣିଷ: ବନ୍ଧୁ ଆଜି ବଇରି….

ନନ୍ଦିଘୋଷ ବ୍ୟୁରୋ: ହାତୀ ମେରା ସାଥୀ  । ନିଶ୍ଚେ ଏହି ହିନ୍ଦୀ ଚଳଚିତ୍ର ଟି ଆପଣ ଦେଖିଥିବେ  । ୧୯୭୧ ମସିହାରେ ପ୍ରଥମ ଫିଲ୍ମ ଆସେ  । ଏବେ ତ ଅନେକ ଫିଲ୍ମ ରିଲିଜ ହେଲାଣି   ହାତୀକୁ ନେଇ । କିପରି ଜଣେ ବନ୍ଧୁ ପାଇଁ ଜୀବନ ଦେବାକୁ ମଧ୍ୟ ଏହି ବିଶାଳ ଜୀବଟି ପଛାଏ ନାହିଁ, ତାହାର ଦୃଷ୍ଟାନ୍ତ ଏହି ଚଳଚିତ୍ର ଗୁଡ଼ିକରେ ନିହାତି ଲିପିବଦ୍ଧ  । ଆମେ ଯଦି ଜୁରାସିକ ଯୁଗକୁ ଯିବା ତେବେ ଡାଇନୋସର ହିଁ ପୃଥିବୀର ବଡ଼ ଜୀବ ବୋଲି ଉଲ୍ଲେଖ ରହିଛି  ।  ଏବେ ମଧ୍ୟ ଅନେକ ସ୍ଥାନରେ ଡାଇନୋସର ଜୀବାଶ୍ମ ମିଳୁଥିବା ବିଶେଷଜ୍ଞ ମାନେ ମତ ପ୍ରକାଶ କରୁଛନ୍ତି  । ଅର୍ଥାତ ଆମକୁ ମାନିବାକୁ ପଡିବ ଯେ, ଏଇ ଦୁନିଆରେ ନିହାତି ବିଶାଳ ଜୀବ ବାସ କରୁଥିଲେ  । ଯେଉଁମାନେ ୧୦-୧୫ଟି ହାତୀର ବଳ ଏବଂ ଆୟତରେ ବଡ଼  । କିନ୍ତୁ ଏବେ ତ ଆମ ପାଇଁ ଏହା କାହାଣୀ  । ଆଉ ଏହି କାହାଣୀ ପଛର ଖଳନାୟକ କିଏ, କେବେ ଅନୁସୀଳନ କରିଛନ୍ତି । ଯଦି କରିନାହାଁନ୍ତି ତେବେ….

ବେଶି ଦୂରକୁ ଯିବାନି  । ଏଇ ନିକଟରେ ଏକ ଘଟଣା   । ଅନ୍ୟ କେଉଁ ଦେଶରେ ବି ନୁହେଁ  । ଚିତ୍ରଟି କେରଳରୁ ଆସେ  । ସେହି ଚିତ୍ରଟି ମାନବିକତାକୁ ଜାବୁଡ଼ି ଧରି ବଞ୍ଚୁଥିବା ପ୍ରତିଟି ମଣିଷକୁ ସେଦିନ ପ୍ରଶ୍ନ ପଚାରେ  । ବାରମ୍ବାର ଧିକାର ବୋଧ କରେ  ।  ମାତ୍ର ଗୋଟିଏ ଚିତ୍ର ସଭିଙ୍କୁ ଆନ୍ଦୋଳିତ କରେ  । ଶେଷରେ ଅନେକଙ୍କ ଆଖିରୁ ଦୁଇ ଧାର ଅଶ୍ରୁ ବୋହିବାକୁ ବାଧ୍ୟ କରେ   ।  କିଭଳି ଅସହିଂଷ୍ଣୁ ମଣିଷର ଶିକାର ହୁଏ ଗୋଟେ ବିଶାଳ ଶରୀରଧାରୀ ବିଶ୍ୱାସୀ ଜୀବ  । ପେଟରେ ସନ୍ତାନ, ଆଉ ଖାଦ୍ୟରେ ବିଷ  ।  ଆହାର ନାଁରେ ସରଳ ଜୀବଟିକୁ ବିସ୍ଫୋରକ ଭର୍ତ୍ତି ପଦାର୍ଥ ଦେଇଦିଏ ମଣିଷ  । ଜୀବନ ମୃତ୍ୟୁର ଦୋଛକିରେ ବିଶ୍ୱାସ କରି ଭୁଲ କରିଥିବା ହାତୀ ବି ନିଜକୁ ପ୍ରଶ୍ନ କରିବାକୁ ସମୟ ପାଇପାରିଲା ନାହିଁ  । କାରଣ ସେ କରିଥିବା ନିଛକ ବିଶ୍ୱାସ ଯେ,  ଗର୍ଭରେ ରହି ଦୁନିଆ ଦେଖିନଥିବା ଗୋଟେ ନିଷ୍ପାପ ସନ୍ତାନ ଭୋଗିବ  । ତାହା ତ ସେଦିନ ସେ ଗର୍ଭିଣୀ ହାତୀର କଳ୍ପନାର ବହୁ ଦୂରେ ଥିଲା  । ବଞ୍ଚିବାର ବାହାନା ଖୋଜି ପାଣି ଭିତରେ ସିନା ଅସହ୍ୟ କଷ୍ଟକୁ ଉପସମ ଦେଉଥାଏ  । କିନ୍ତୁ ସେ ଜାଣିସାରିଥାଏ, ତା ବିଶ୍ୱାସର ପରିଣାମ କେବଳ ମୃତ୍ୟୁ ବୋଲି  ।

ଜୀବଜଗତ ଅଛି କିନ୍ତୁ ଜଗତରୁ ଜୀବ ଲୀନ ହେବାରେ ଲାଗିଛନ୍ତି  । ଆଜି ପୃଥିବୀର ବିଶାଳକାୟ ଜୀବ ଆମେ ହାତୀକୁ ହିଁ କହିବା  । କାରଣ ହାତୀ ଠାରୁ ଆୟତ୍ତ ଏବଂ ଗଠନରେ ଅନ୍ୟ କୌଣସି ଜୀବ ଅଦ୍ୟ ଏ ପୃଥିବୀରେ ନାହାଁନ୍ତି  । ହାତୀ କୈଣସି ମତେ ହିଂସ୍ର ପ୍ରାଣୀ ନୁହେଁ  । ବଂର ଏକଥା ମଧ୍ୟ ଆମେ ରାଜ ରାଜୁଡ଼ା ଅମଳରୁ ଦେଖିଛେ, କିପରି ନିଜର ପରିବହନ ଏବଂ ପତିଆରା ପାଇଁ ରାଜା ମହାରାଜା ମାନେ ହାତୀକୁ ନିଜ ଦରବାରରେ ରଖିଥାଆନ୍ତି  । ଯେଉଁ ରାଜାଙ୍କର ଯେତେ ହାତୀ ଅଛି, ସେ ନିଶ୍ଚିତ ବଳଶାଳୀ ବୋଲି ଗଣନା କରାଯାଏ  ।

ସେତେବେଳେ ମଣିଷ ହାତୀ ଏକାଠି ରୁହନ୍ତି  । ଶତ୍ରୁ ନୁହେଁ ବଂର ବନ୍ଧୁ ହୋଇ  । ସେମାନଙ୍କର ଚଳଣୀ ଏବଂ ରହଣୀରେ ବାଧା ସୃଷ୍ଟି କରାଯାଏନା   । ଆଜି ବି ଅନେକ ଗାଁ ଜଙ୍ଗଲ ଭିତରେ ରହିଛି  । ଯେଉଁମାନେ ହାତୀ ଭଳି ଜୀବର ସୁରକ୍ଷା ପାଇଁ ଅତି ସାଧାରଣ ଭାବେ ଚଳି ଆସନ୍ତି   । କିନ୍ତୁ ଆଜିର ପରିସ୍ଥିତି ସମ୍ପୂର୍ଣ୍ଣ ଭିନ୍ନ ହୋଇଛି  । ଜଙ୍ଗଲ ଆଜି କଂକ୍ରିଟରେ ଭର୍ତ୍ତି ହୋଇଛି  । ସବୁଜ ବଳୟ ଭିତରେ ପ୍ରବେଶ କରିଛି ରାକ୍ଷସ ରୂପୀ ବୃହତ କୋଠା  । ଯେଉଁଥିପାଇଁ ଏହି ବିଶାଳକାୟ ନିରୀହ ପ୍ରାଣୀ ଆଜି ସାଜିଛି ରକ୍ତ ମୁଖା  ।

ଆଜି ହେଉଛି ବିଶ୍ୱ ହସ୍ତୀ ଦିବସ । ହାତୀଙ୍କ ପାଇଁ ଆଜିର ଦିନଟିଏ । ଯେଉଁଭଳି ପିତୃ ମାତୃ ଦିବସ ଦିନଟିଏ ପାଇଁ ପାଳନ ହୁଏ  । ଠିକ ସେମିତି ଢଙ୍ଗରେ ଏ ମାନବ ସମାଜ ହାତୀଙ୍କ ପାଇଁ ମଧ୍ୟ ଦିନଟିଏ ପାଳନ କରୁଛି  । ସାଧାରଣରେ ଜନସଚେତନତା ସୃଷ୍ଟି କରିବା ପାଇଁ ହସ୍ତୀଦିବସ ପାଳନ ହୋଇଥାଏ । ଏଣୁ ପ୍ରତିବର୍ଷ ଅଗଷ୍ଟ ୧୨ ତାରିଖରେ ବିଶ୍ୱହସ୍ତୀ ଦିବସ ପାଳନ କରାଯାଉଛି । ପ୍ରଥମ ବିଶ୍ୱ ହସ୍ତୀଦିବସ ୨୦୧୨ ମସିହା ଅଗଷ୍ଟ୧୨ରେ ଆରମ୍ଭ ହୋଇଥିଲା । କିନ୍ତୁ ପ୍ରଶ୍ନ ଆସିବା ସ୍ୱଭାବିକ ଯେ, ହସ୍ତୀ ଦିବସ ପାଳନ କରିବାରେ କେଉଁଠି ଆବଶ୍ୟକତା ରହିଲା ?

ଜଙ୍ଗଲରେ ଭର୍ତ୍ତି ଏ ବିଶ୍ୱ ଏବେ ଜଙ୍ଗଲ ଦେଖିବା ପାଇଁ ମଧ୍ୟ ଭ୍ରମଣରେ ଯାଉଛି  । ଆଉ ଦିନେ ଜଙ୍ଗଲରେ ସାଥି ହୋଇ ଚଳୁଥିବା  ମଣିଷ-ହାତୀ ଏବେ ମୁହାଁମୁହିଁ ହୋଇଛନ୍ତି  । ଏହି ଲଢ଼େଇରେ କେତେବେଳେ ମଣିଷର ଜୀବନ ଯାଉଛି ତ କେବେ ହାତୀର..। ପ୍ରକୃତିର ଅବକ୍ଷୟ ବି ହାତୀକୁ ମରଣ ମୁହଁକୁ ଠେଲିଦେଇଛି। ମଣିଷ ତାହାର ଜୀବନ ଶୈଳୀକୁ ଭିନ୍ନ ଢଙ୍ଗରେ ଉପଭୋଗ କରିବା ପାଇଁ ଏହି ବିଶାଳକାୟ ଜୀବକୁ ମୃତ୍ୟୁ ମୁଖକୁ ଠେଲି ଦେଇଛି  । ବଞ୍ଚିବାର ରାସ୍ତା ଖୋଜି ଖୋଜି କେତେବେଳେ ଏହି ନିରୀହ ଜୀବ ଗାଁ ଏବଂ ସହରରେ ପ୍ରବେଶ କରିବାକୁ ବାଧ୍ୟ ହେଉଛି  ।

 

କେବଳ ଯଦି  ୧୧ ବର୍ଷକୁ ଅନୁଶୀଳନ କରିବା ତେବେ ଏହି ପରିଧି ଭିତରେ କେବଳ ଓଡ଼ିଶାରେ ୮୬୨ ହାତୀଙ୍କ ମୃତ୍ୟୁ ଘଟିଥିବା ଜଣାଯାଏ । ସେଥିମଧ୍ୟରୁ ଟ୍ରେନ୍ ଦୁର୍ଘଟଣାରେ ୩୧ଟି, ସଡ଼କ ଦୁର୍ଘଟଣାରେ ୬ଟି, ବିଦ୍ୟୁତ୍ ଆଘାତରେ ୧୩୫ଟି ହାତୀଙ୍କ ମୃତ୍ୟୁ ହୋଇଛି। ଏହାବ୍ୟତୀତ ୮୬ଟି ହାତୀଙ୍କୁ ଶିକାର କରାଯାଇଥିବା ବେଳେ ୩୭ଟି ବିଷକ୍ରିୟା ଦ୍ବାରା ମୃତ୍ୟୁମୁଖରେ ପଡ଼ିଛନ୍ତି। ଗତ ୨୦ ଦିନ ମଧ୍ୟରେ ରାଜ୍ୟରେ ୫ଟି ହାତୀଙ୍କ ମୃତ୍ୟୁ ଆହୁରି ଚିନ୍ତା ବଢ଼ାଇ ଦେଇଛି। ସେହିପରି ଯଦି ଅନ୍ୟ ଏକ ଦିଗରୁ ଦେଖିବା ତେବେ ୧୯୭୯ରେ ଓଡ଼ିଶାରେ ୨୦୪୪ଟି ହାତୀ ରହିଥିଲେ  । କିନ୍ତୁ ଏହାର ୪ ଦଶନ୍ଧି ପରେ ବି ସଂଖ୍ୟା ବଢ଼ିପାରିନି। ୨୦୧୭ ଗଣନା ବେଳେ ରାଜ୍ୟର ୨୬ଟି ଜିଲ୍ଲାରେ କେବଳ ୧୯୭୬ଟି ହାତୀ ଚିହ୍ନଟ ହୋଇଥିବା ଜଣାଯାଏ । ତେବେ ଏହି ହାତୀ ଦିବସକୁ କେବଳ ପୋଷ୍ଟରରେ ନୁହେଁ, ପ୍ରକୃତରେ ବୁଝିବାର ଆବଶ୍ୟକତା ରହିଛି  । ନଚେତ୍ ଦିନ ଆସିବ ଠିକ ଆମ ପରି ଆମର ପର ପିଢୀ ମଧ୍ୟ ଡାଇନସୋର ଭଳି ହାତୀର କାହାଣୀ କେବଳ ପଢିବେ…..

ଦର୍ଶନ ଦେଉଛି କାଳିଆ ସାଆନ୍ତ, ଆଜିଠୁ ସେବାୟତ ପରିବାର ଯାଇ ପାରିବେ ଶ୍ରୀମନ୍ଦିର

ପୁରୀ: ଦୀର୍ଘଦିନର ଅପେକ୍ଷା । ଭକ୍ତର ଧୌର୍ଯ୍ୟରେ ଯବନିକା  । ଏତେ ଦିନ ପରେ ଆଜି କାଳିଆ ସାଆନ୍ତଙ୍କୁ ସ୍ୱଚକ୍ଷୁରେ ଦେଖିବ ଭକ୍ତ  । ଆଜି ଓ ଆସନ୍ତାକାଲି ସେବାୟତଙ୍କ ପରିବାର ସଦସ୍ୟ ଜଗା ଦର୍ଶନ କରିବେ । ସକାଳ ୭ଟାରୁ ସନ୍ଧ୍ୟା ୭ଟା ପର୍ଯ୍ୟନ୍ତ ମନ୍ଦିର ଖୋଲା ରହିବ । ମଙ୍ଗଳ ଆଳତିଠାରୁ ରାତି ପହୁଡ ଯାଏଁ ସେବାୟତଙ୍କ ପରିବାର ଦର୍ଶନ କରିବେ । ମନ୍ଦିରରେ ପ୍ରବେଶ ପୂର୍ବରୁ ସେମାନେ ସ୍ବାସ୍ଥ୍ୟକାର୍ଡ ଓ ଆଧାର କାର୍ଡ ଦେଖାଇବେ । ସେବାୟତଙ୍କ ସାଥୀରେ ଅନ୍ୟ କୌଣସି ଲୋକଙ୍କୁ ଅନୁମତି ଅଧିକାର ମିଳିବ ନାହିଁ । ସମସ୍ତ ଶନିବାର ଓ ରବିବାର ଶ୍ରୀମନ୍ଦିର ବନ୍ଦର ରହିବ ।

ଆସନ୍ତା ୧୬ ତାରିଖରୁ ୨୦ ତାରିଖ ଯାଏଁ ପୁରୀ ପୌରାଞ୍ଚଳରର ଲୋକମାନଙ୍କୁ ଦର୍ଶନ ଲାଗି ମିଳିବ ଅନୁମତି । ଆସନ୍ତା ୨୩ ତାରିଖରୁ ସମସ୍ତ ଭକ୍ତଙ୍କୁ ଶ୍ରୀମନ୍ଦିରରେ ଜଗା ଦର୍ଶନ ଲାଗି ଅନୁମତି ମିଳିବ । ସାଧାରଣ ଭକ୍ତ ଦୁଇଟି ଡୋଜ ନେଇଥିବାର ପ୍ରମାଣ ପତ୍ର ବା ଆରଟିପିସିଆର ନେଗେଟିଭ ରିପୋର୍ଟ ଦେଖାଇବା ବାଧ୍ୟତାମୂଳକ । ସେମାନେ ଫଟୋ ପରିଚୟପତ୍ର ଦେଖାଇବେ । ସମସ୍ତ ବାହାର ଭକ୍ତ ସିଂହଦ୍ବାର ଦେଇ ପ୍ରବେଶ କରିବେ ଏବଂ ଉତ୍ତରଦ୍ବାର ଦେଇ ବାହାରିବେ । ଏହାସହ କରୋନା ନିୟନ୍ତ୍ରଣ ଲାଗି ପ୍ରମୁଖ ପର୍ବପର୍ବାଣୀରେ ଶ୍ରୀମନ୍ଦିର ବନ୍ଦ ରହିବ ।

ସେହିପରି ସମସ୍ତ ଭକ୍ତଙ୍କ ଲାଗି ମାସ୍କ ବାଧ୍ୟତାମୂଳକ କରାଯାଇଛି । ଭକ୍ତମାନେ ମନ୍ଦିରରେ ପ୍ରବେଶ ପୂର୍ବରୁ ହାତ ସାନିଟାଇଜ କରିବେ । ଭକ୍ତ କୌଣସି ମୂର୍ତ୍ତିକୁ ଛୁଇଁବେ ନାହିଁ । ଶ୍ରୀମନ୍ଦିର ଭିତରକୁ ଫୁଲ, ଭୋଗ ନିଆଯାଇପାରିବ ନାହିଁ । ମନ୍ଦିର ଭିତରେ ଦୀପ ଜାଳିବାକୁ ଅନୁମତି ମିଳିବ ନାହିଁ । ତମାଖୁ, ପାନ, ଛେପ ପକାଇବାକୁ ନିଷିଦ୍ଧ କରାଯାଇଛି । ପଲିଥିନ ବ୍ୟାଗକୁ ନିଷିଦ୍ଧ କରାଯାଇଥିବା ବେଳେ ଏଥିଲାଗି ୧୦୦ ଟଙ୍କା ଜରିମାନା ଧାର୍ଯ୍ୟ କରାଯାଇଛି । ମନ୍ଦିର ପରିସରରେ ଓ ଆନନ୍ଦ ବଜାରରେ ଖାଇବା ମନା ହୋଇଛି । ଭିନ୍ନକ୍ଷମଙ୍କ ଲାଗି ସ୍ବତନ୍ତ୍ର କ୍ୟୁ ବ୍ୟବସ୍ଥା ହେବ । ୬୫ ବର୍ଷରୁ ଅଧିକ ବୟସର ଲୋକ, ରୋଗୀ, ୧୦ ବର୍ଷରୁ କମ ବୟସର ଶିଶୁଙ୍କୁ ନ ଆସିବା ଲାଗି ପରାମର୍ଶ ଦିଆଯାଇଛି ।

ସ୍ପେସରେ ମିଳିବ ପିଜା ଖାଇବାର ସୁଯୋଗ, ଏହିସବୁ ସାମଗ୍ରୀ ଧରି ଉଡାଣ ଭରିଲା ରକେଟ୍

ୱାଶିଂଟନ୍: ନର୍ଥ୍ରୋପ୍ ଗ୍ରୁମ୍ୟାନ୍ ପକ୍ଷରୁ ଆନ୍ତର୍ଜାତୀୟ ସ୍ପେସ୍ ଷ୍ଟେସନକୁ ଯୋଗାଣ ପାଇଁ Cygnus resupply spacecraftର ଲଞ୍ଚ କରାଯାଇଛି। ଯାହା ୭ ଜଣ ମହାକାଶଚାରୀଙ୍କ ଲାଗି ପିଜାର ସ୍ପେଶାଲ ଡେଲିଭରି କରିବା ପାଇଁ ଉଡାଣ ଭରିଛି ।

ସ୍ପେସରେ ମିଳିବ ପିଜା ଖାଇବାର ସୁଯୋଗ-

ଆନ୍ତର୍ଜାତୀୟ ସ୍ପେସ୍ ଷ୍ଟେସନ୍ (ଆଇଏସ୍ଏସ୍) ରେ ଥିବା ମହାକାଶଚାରୀମାନେ ଏହା ମାଧ୍ୟମରେ ପିଜା ଖାଇବାକୁ ସୁଯୋଗ ପାଇବେ । ଏହି ସ୍ପେସ୍ କ୍ରାଫ୍ଟ ଗୁରୁବାର ସୁଦ୍ଧା ଆନ୍ତର୍ଜାତୀୟ ସ୍ପେସ୍ ଷ୍ଟେସନରେ ପହଞ୍ଚିବ। ସ୍ପେସ୍ ଷ୍ଟେସନକୁ ଉଡାଣ ଭରିଥିବା  ଏହି ସ୍ପେସ୍ କ୍ରାଫ୍ଟ ହେଉଛି Northrop Grummanର ୧୬ତମ କାର୍ଗୋ ଫ୍ଲାଇଟ୍ । ଏଥି ସହିତ ବାଣିଜ୍ୟିକ ଯୋଗାଣ ସେବାରେ ଏହା ହେଉଛି ପଞ୍ଚମ ବିମାନ ।

ପ୍ରାୟ ୮୨୦୦ ପାଉଣ୍ଡର ଏହି ସିପମେଣ୍ଟରେ ମହାକାଶଚାରୀଙ୍କ ପାଇଁ ସାଇନ୍ସ ଓ ରିସର୍ଚ୍ଚ କ୍ରୁ ସପ୍ଲାଇ, ଭେହିକିଲ୍ ହାର୍ଡୱେର୍, ISS ଏବଂ କ୍ରୁଙ୍କ ନିକଟକୁ ପଠାଯାଇଛି | ରିପୋର୍ଟ ଅନୁଯାୟୀ, ଏହି ସିପମେଣ୍ଟରେ ପିଜା କିଟ୍, ଚିଜ୍ ସ୍ମୋରଗସବୋର୍ଡ, ଟମାଟୋ ଏବଂ କିୱି ଭଳି ସାମଗ୍ରୀ ମଧ୍ୟ ରହିଛି। ନାସାର ୱାଲପ୍ସ ଫ୍ଲାଇଟ୍ ସୁବିଧାରେ କମ୍ପାନୀର ଆଣ୍ଟାରେସ୍ ରକେଟରୁ ଏହି କ୍ୟାପସୁଲ୍ କୁ ଛଡାଯାଇଛି । ତେବେ ଏହା ଏଯାବତ୍ ନିର୍ମିତ ସବୁଠାରୁ ଭାରୀ ରକେଟ୍ ।

ସୂଚନା ଅନୁଯାୟୀ, Cygnus spacecraft ନଭେମ୍ବର ପର୍ଯ୍ୟନ୍ତ ସ୍ପେସ୍ ଷ୍ଟେସନରେ ରହିବ । କିନ୍ତୁ ପୃଥିବୀର ବାୟୁମଣ୍ଡଳରେ ଏହାର ରି-ଏଣ୍ଟ୍ରି ଡିସ୍ଟକ୍ଟିବ ହୋଇଯିବ । ଯେତେବେଳେ ଏହା ହଜାର ହଜାର ପାଉଣ୍ଡ ଆବର୍ଜନା ପକାଇ ପୃଥିବୀରେ ପ୍ରବେଶ କରିବ । CRS-16 ସାଇଗ୍ନସ୍ ମହାକାଶଯାନର ନାମକରଣ ଆମେରିକାର ମହାକାଶଚାରୀ ଏଲିସନ ଓନିଜୁକାଙ୍କ ନାମରେ କରାଯାଇଛି । ସେ ଏଭଳି ପ୍ରଥମ ଏସୀୟ ଆମେରିକୀୟ ଥିଲେ, ଯିଏକି ମହାକାଶକୁ ଯାଇଥିଲେ ।

ଆଜିଠୁ +2 ନାମଲେଖା ପାଇଁ ଆବେଦନ, SAM’s ପୋର୍ଟାଲରେ କରିବେ ଆପ୍ଲାଏ

ଭୁବନେଶ୍ୱର: ଆଜିଠୁ ଯୁକ୍ତ ଦୁଇ ନାମଲେଖା ପାଇଁ ଆବେଦନ ପ୍ରକ୍ରିୟା ଆରମ୍ଭ ।  SAM’s ପୋର୍ଟାଲରେ ଛାତ୍ରଛାତ୍ରୀ ଯୁକ୍ତ ଦୁଇ ଆଡମିଶନ ନେଇ ଆବେଦନ କରିପାରିବେ । ଉଚ୍ଚ ମାଧ୍ୟମିକ ଶିକ୍ଷା ନିର୍ଦ୍ଦେଶାଳୟ ଓ ବିଭାଗର ଅଧିକାରୀଙ୍କୁ ନେଇ ଗଠିତ ହାଇ ପାଓ୍ବାର କମିଟି ବୈଠକ ପରେ ଏହି ନିଷ୍ପତ୍ତି ନିଆଯାଇଛି । ନାମଲେଖା ପରେ ୟୁଜିସି ଗାଇଡଲାଇନ ମୁତାବକ ପାଠପଢ଼ା ଆରମ୍ଭ ହେବ । କମିଟିର ନିଷ୍ପତି ମୁତାବକ କରୋନା ପାଇଁ କୌଣସି ଆଡ଼ମିଶନ ଫି ବୃଦ୍ଧି କରାଯିବନାହିଁ ।

ଅକ୍ଟୋବରରୁ କ୍ଳାସ ଆରମ୍ଭ ପାଇଁ ୟୁଜିସି ସମୟ ଦେଇଛି । ଯୁକ୍ତ ଦୁଇରେ ମୋଟ 54 ହଜାର 900ସିଟ୍ ବୃଦ୍ଧି କରାଯାଇଛି । 72 ହଜାର ସିଟ୍ ବୃଦ୍ଧି ପାଇଁ ଆବେଦନ କରିଥିଲେ ବିଭିନ୍ନ ସ୍କୁଲ । କଳାରେ ସିଟ୍ ବୃଦ୍ଧି ପାଇଁ 40ହଜାର ଆବେଦନ ଆସିଥିଲା କିନ୍ତୁ 38ହଜାର ସିଟ୍ ବୃଦ୍ଧି ପାଇଁ ଅନୁମତି ଦିଆଯାଇଛି । ବିଜ୍ଞାନରେ ସିଟ୍ ବୃଦ୍ଧି ପାଇଁ 25ହଜାର ଆବେଦନ ଆସିଥିଲା 13 ହଜାରକୁ ଅନୁମତି ଦିଆଯାଇଛି । ବାଣିଜ୍ୟରେ 4ହଜାର ଆବେଦନରୁ 3 ହାଜର 900 ସିଟକୁ ଅନୁମତି ମିଳିଛି ।

ରାଜ୍ୟରେ ବର୍ଷକରେ ୩ ଗୁଣା ବଢ଼ିଛି ନକଲି ନୋଟ୍, ସମ୍ବଲପୁରରୁ ସତ…

ଭୁବନେଶ୍ୱର: ସମ୍ବଲପୁର ପୋଲିସ ହାତରେ ବଡଧରଣର ଜାଲ୍ ନୋଟ ରାକେଟ ଧରା ପଡ଼ିବା ପରେ ରାଜ୍ୟରେ ଏହାର କାରବାରକୁ ନେଇ ଆରମ୍ଭ ହୋଇଛି ଧରପଗଡ଼ । କେଉଁଠୁ ଏସବୁ ଆସୁଛି, କିଏ ଏହାର ମାଷ୍ଟରମାଇଣ୍ଡ ଜାଣିବା ପାଇଁ ଚେକିଂକୁ ବ୍ୟାପକ କରାଯାଇଛି । ବର୍ଷକରେ ୩ ଗୁଣା ବଢ଼ିଛି ନକଲି ନୋଟ୍ କାରବାର । ନକଲି ୨ ଶହ ଟଙ୍କିଆ ନୋଟରେ ୧୫୧ ପ୍ରତିଶତ ବୃଦ୍ଧି । ଟାର୍ଗେଟରେ ଅଶିକ୍ଷିତ ଓ ଗାଁରେ ରହୁଥିବା ଲୋକେ । ଜଳପଥରେ ବୋଟ୍ ଯୋଗେ ହେଉଛି କାରବାର । ସମ୍ବଲପୁରରୁ ୧୪ ଲକ୍ଷ ଟଙ୍କାର ଜାଲି ନୋଟ ଜବତ ହେବା ଘଟଣାରେ ୬ ଜଣଙ୍କୁ କାବୁ କରିଛି ପୋଲିସ୍ ।

ବାଲେଶ୍ୱରରୁ ଭାୟା ସୁନ୍ଦରବନ ଦେଇ ଜଳେଶ୍ୱର ଓ ରାଜକନିକା ରାସ୍ତାରେ ଓଡିଶାକୁ ଆସୁଛି ନକଲି ନୋଟ୍ । ୨୦୧୯ ରେ ୧ ଲକ୍ଷ ୬୬ ହଜାର ନକଲି ନୋଟ ଜବତ ହୋଇଥିବା ବେଳେ ୨୦୧୮ରେ ଜବତ ହୋଇଛି ୧ ଲକ୍ଷ ୯୨ ହଜାର ନୋଟ୍ । ୨୦୨୦-୨୧ ମଧ୍ୟରେ ଜବତ ସଂଖ୍ୟା ୫୦ ଲକ୍ଷ ଅତିକ୍ରମ କରିଛି । ଦେଶର ଅର୍ଥନୀତିକୁ ଦୁର୍ବଳ କରିବା ପାଇଁ ଆତଙ୍କୀ ଗୋଷ୍ଠୀ ଏଭଳି କାମକୁ ଅପରେଟ କରୁଥିବା ଅଭିଯୋଗ ହୋଇଥିବାବେଳେ ସଚେତନ ରହିବାକୁ ପରାମର୍ଶ ଦେଇଛନ୍ତି ବିଶେଷଜ୍ଞ । ଓଡିଶା ତୁଳନାରେ ଜାତୀୟ ସ୍ତରରେ ନକଲି ନୋଟ କାରବାର ଅଧିକ ।

ସେପଟେ ନୂଆ ୨ଶହ ଟଙ୍କିଆ ଜାଲି ନୋଟ କାରବାର ୧୫୧ ପ୍ରତିଶତ ବଢିଥିଲା ବେଳେ ୫୦ ଟଙ୍କିଆ ଓ ୫ ଶହ ଟଙ୍କିଆ ନୋଟ ବେଶି ନକଲି ହେଉଛି । ୨୦୧୬ ନୋଟବନ୍ଦୀ ପରେ ଏହି କାରବାର ହୁ ହୁ ହୋଇ ବଢ଼ି ଚାଲିଛି । ଏନସିଆରବି ରେକର୍ଡ ଆରବିଆଇର ଚିନ୍ତା ବଢ଼ାଇଛି । ଏହାକୁ ରୋକିବାକୁ ସ୍ଥଳ ଓ ଜଳପଥ ମାନଙ୍କରେ ଚେକିଂକୁ ବ୍ୟାପକ କରିବାକୁ କୁହାଯାଇଛି । ରିଜର୍ଭ ବ୍ୟାଙ୍କ ଗାଇଡଲାଇନ୍ ଅନୁଯାୟୀ ସମସ୍ତ ବ୍ୟାଙ୍କ ସମ୍ମୁଖରେ ସଚେତନତା ବାର୍ତ୍ତା ଦିଆଗଲେ ଲୋକେ ଅନ୍ତତଃ ଠକାମୀରୁ ଭର୍ତ୍ତି ପାରନ୍ତେ ବୋଲି କହିଛନ୍ତି ବିଶେଷଜ୍ଞ ।

ଶ୍ରମନ୍ଦିର ଆକାଶରେ ଅପୂର୍ବ ଦୃଶ୍ୟ: ସୋସିଆଲ ମିଡିଆରେ ଭାଇରାଲ, ମୁଖ୍ୟମନ୍ତ୍ରୀ ମଧ୍ୟ କଲେ ସେୟାର

ପୁରୀ: ଗୁରୁବାର ଠାରୁ ଖୋଲିବ ଶ୍ରୀମନ୍ଦିର । ଭକ୍ତ ପାଇପାରିବେ ଭଗବାନଙ୍କ ଦର୍ଶନ । ପ୍ରଥମେ ସେବାୟତଙ୍କ ପରିବାର ଦର୍ଶନ କରିବେ । ପରେ ପୁରୀବାସୀ ଓ ତା’ପରେ ସର୍ବସାଧାରଣ କରିପାରିବେ ଜଗା ଦର୍ଶନ । ଏଭଳି ସମୟରେ ଶ୍ରୀମନ୍ଦିର ଆକାଶରେ ଦେଖିବାକୁ ମିଳିଛି ଏକ ଅପୂର୍ବ ଦୃଶ୍ୟ । ଶ୍ରୀମନ୍ଦିର ଆକାଶରେ ଥିବା ମେଘା ମାଳା ମଧ୍ୟରୁ ବିଛୁରିତ ହୋଇପଡ଼ୁଥିଲା ସୂର୍ଯ୍ୟଙ୍କ କିରଣ । ଯାହା ଆସି ଠିକ୍ ଶ୍ରୀମନ୍ଦିର ନୀଳଚକ୍ର ଉପରେ ପଡ଼ିଥିଲା । ଏଭଳି ମନରୋମ ଦୃଶ୍ୟ ଯାହାକୁ କ୍ୟାମେରାରେ କଏଦ କରିଥିଲେ ଯୁବ ଫଟୋଗ୍ରାଫର ସମରେନ୍ଦ୍ର ଦାଶ । ଏଭଳି ଦୃଶ୍ୟ ଯାହାକୁ ଥରେ ଆଉ ଥରେ ଦେଖିବାକୁ ଇଚ୍ଛା ହୁଏ ।

ତେବେ ଏଭଳି ଦୃଶ୍ୟ ଏବେ ସୋସିଆଲ୍ ମିଡିଆରେ ବେଶ ଭାଇରାଲ ହେଉଥିବା ବେଳେ ଖୋଦ୍ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ଏହାକୁ ନିଜ ସୋସିଆଲ୍ ମିଡିଆ ଆକାଉଣ୍ଟରେ ସେୟାର କରିଥିବା ଦେଖିବାକୁ ମିଳିଛି । ଏବଂ ଏଭଳି ସୁନ୍ଦର ଫଟୋ ଉତ୍ତୋଳନ ଲାଗି ମୁଖ୍ୟମନ୍ତ୍ରୀ ଫଟୋଗ୍ରାଫରଙ୍କୁ ମଧ୍ୟ ଧନ୍ୟବାଦ ଜଣାଇଛନ୍ତି । କରୋନା କଟକଣା କିଛିଟା କୋହଲ ହେବା ପରେ ଆସନ୍ତାକାଲିଠୁ ଆରମ୍ଭ ହେବ ମହାପ୍ରଭୁଙ୍କ ଦର୍ଶନ । ଏଭଳି ସମୟରେ ଏପରି ଅପୂର୍ବ ଦୃଶ୍ୟକୁ ଭକ୍ତ ଭଗାବନ ଲୀଲ ଭାବେ ଅଭିହିତ କରିଛନ୍ତି ।

ସପିଂ ମଲ୍‌ର ଓପନିଂ ଡେ’ରେ ଅସମ୍ଭାଳ ଭିଡ଼: କରୋନା କଟକଣାର ଖୋଲା ଖୋଲି ଉଲ୍ଲଂଘନ

ପିପିଲି: ଜୀବନ ଅପେକ୍ଷା ନିଜର ଫ୍ୟାସନକୁ ଅଧିକ ଗୁରୁତ୍ୱ ଦେଲେ ସାଧାରଣ ଜନତା। ଜୀବନ ଓ ଜୀବିକା ଉଭୟ ଆମ ପାଇଁ ଗୁରୁତ୍ୱପୂର୍ଣ୍ଣ କଥା ସରକାର କହୁଥିବା ବେଳେ ସପିଂ ମଲ୍‌ ମାଲିକ କିନ୍ତୁ ନିଜର ସ୍ୱାର୍ଥ ପାଇଁ କେବଳ ଜୀବିକାକୁ ଦେଖିଲେ। କରୋନା କଟକଣାକୁ ଖୋଲା ଖୋଲି ଉଲ୍ଲଂଘନ ସହ ଚାଲିଥିଲା କିଣାବିକା । ନା ଥିଲା ଭୂତାଣୁର ଭୟ ନା ସାମାଜିକ ଦୂରତା  ।

ଏହିଭଳି କରୋନା କଟଣାର ଖୋଲାଖୋଲି ଉଲଂଘନ ଦେଖିବାକୁ ମିଳିଛି ପିପିଲିର ଏକ ସପିଂ ମଲ୍‌ରେ । ପିପିଲି ବଜାରରେ ଆଜି ନୂତନ ଭାବେ ଖୋଲିଥିବା ଏମ୍ ବଜାର ସପିଂ ମଲ୍‌ । ଏଣୁ ଶହ ଶହ ସଂଖ୍ୟାରେ ଲୋକଙ୍କ ଭିଡ଼ ଦେଖିବାକୁ ମିଳିଥିଲା । ହେଲେ ସାମାଜିକ ଦୂରତା ପ୍ରତି କାହାର ଯେମିତି ନିଘା ନଥିଲା । ନା ସପିଂ ମଲ୍ ପକ୍ଷରୁ କୌଣସି ବ୍ୟବସ୍ଥା କରାଯାଇଥିଲା ନା ଲୋକଙ୍କ ଠାରୁ ଦେଖିବାକୁ ମିଳିଥିଲା ସତର୍କତା । ଅପରପକ୍ଷରେ ଖବର ପାଇଁ ଘଟଣାସ୍ଥଳରେ ପହଞ୍ଚିଥିଲେ ପିପିଲି ତହସିଲଦାର । ଲୋକଙ୍କୁ ତାଗିଦ୍ କରିବା ସହ ସାମାଜିକ ଦୂରତା ରକ୍ଷା ପାଇଁ ନିବେଦନ କରିଥିଲେ ।

ସୂଚନା ଯୋଗ୍ୟ ଯେ, ଗତ କିଛି ଦିନ ତଳେ କରୋନା ନେଇ ରାଜ୍ୟବାସୀଙ୍କୁ ସମ୍ୱୋଧିତ କରିଥିଲେ ମୁଖ୍ୟମନ୍ତ୍ରୀ । ଯେଉଁଥିରେ ଲୋକେ ଯଦି ଅନଲକ୍ ଚାହୁଁଛନ୍ତି ତେବେ ନିୟମ ମାନନ୍ତୁ ବୋଲି କହିଥିଲେ । ନଚେତ୍ ପୁଣି ଥରେ ଲକ୍‌ଡାଉନ୍ ଫେରିବ ବୋଲି ମୁଖ୍ୟମନ୍ତ୍ରୀ ସତର୍କ କରାଦେଇଥିଲେ । ପ୍ରଶାସନ ଓ ପୋଲିସ ପକ୍ଷରୁ ସାଧାରଣ ଲୋକଙ୍କୁ ସଚେତନ କରାଯାଇ ଏହାର ପାଳନ ପାଇଁ କଡା ଆଭିମୁଖ୍ୟ ଗ୍ରହଣ କରିବା ସହିତ ବ୍ୟତିକ୍ରମ କ୍ଷେତ୍ରରେ ଜରିମାନା ଓ ସିଲ୍‌ ଭିଳ କାର୍ଯ୍ୟାନୁଷ୍ଠାନ ମଧ୍ୟ ଗ୍ରହଣ କରାଯାଉଛି । ହେଲେ ପିପିଲି ପ୍ରଶାସନ କିନ୍ତୁ ସବୁ ଦେଖି ଶୁଣି ନିରବ କେବଳ ତାଗିଦ୍ କରି କାମ ଶେଷ କରିଦେଇଛନ୍ତି ।