spot_img
Home Blog Page 5441

କାବୁଲରୁ ଆସିଲା ଗୁରୁଗ୍ରନ୍ଥ ସାହିବଙ୍କ ପ୍ରତିଲିପି, ମୁଣ୍ଡରେ ରଖି ଆଣିଲେ ମନ୍ତ୍ରୀ ହରଦୀପ ସିଂହ ପୁରୀ

ନୂଆଦିଲ୍ଲୀ: ଆଫଗାନିସ୍ତାନର ରାଜଧାନୀ କାବୁଲରେ ଫସି ରହିଥିବା ଭାରତୀୟଙ୍କୁ ଫେରାଇ ଆଣିବା ପ୍ରକ୍ରିୟା ଜାରି ରହିଛି । ଏହି କ୍ରମରେ ମଙ୍ଗଳବାର ଦିନ ଦୁଶାନବେରୁ ଏକ ଏୟାର ଇଣ୍ଡିଆ ବିମାନ (AI 1956) ୭୮ ଜଣଙ୍କ ସହ ଦିଲ୍ଲୀରେ ପହଞ୍ଚିଛି । ସେମାନଙ୍କ ମଧ୍ୟରେ ୨୫ ଜଣ ଭାରତୀୟ ନାଗରିକ ମଧ୍ୟ ଥିଲେ । ଏହା ବ୍ୟତୀତ ଆଫଗାନିସ୍ତାନ ଶିଖ ଏବଂ ହିନ୍ଦୁ ପରିବାର ମଧ୍ୟ ସେମାନଙ୍କ ସହ ଆସିଛନ୍ତି ।

ଏଥି ସହିତ ଶିଖ ସମ୍ପ୍ରଦାୟର କିଛି ଲୋକ ପବିତ୍ର ଗୁରୁ ଗ୍ରନ୍ଥ ସାହେବଙ୍କ ୩ କପି ସେମାନଙ୍କ ସହ କାବୁଲ ଗୁରୁଦ୍ୱାରରୁ ଆଣିଥିଲେ । ଯାହାକୁ କେନ୍ଦ୍ର ମନ୍ତ୍ରୀ ହାର୍ଦ୍ଦିକ ସିଂ ପୁରୀ, ବୈଦେଶିକ ବ୍ୟାପାର ମନ୍ତ୍ରୀ ଭି ମୁରଲୀଧରନ୍ ଏବଂ ବିଜେପି ନେତା ଆର.ପି. ସିଂ ସେମାନଙ୍କୁ ଗ୍ରହଣ କରିଥିଲେ ।

ତେବେ ଦେଖଣାହାରୀଙ୍କ ମନ ମୋହିଥିଲେ କେନ୍ଦ୍ରମନ୍ତ୍ରୀ ହରଦୀପ ସିଂହ ପୁରୀ । କାରଣ ଗୁରୁ ଗ୍ରନ୍ଥ ସାହେବଙ୍କ କପିକୁ ସେ ଖାଲି ପାଦରେ ଚାଲି ଚାଲି ମୁଣ୍ଡରେ ବୋହି ଆଣିଥିଲେ । ଏହାସହ ମୁଖରେ ଶୁଣିବାକୁ ମିିଳିଥିଲା ସତ ନାମ ଶ୍ରୀ ଓ୍ୱାହେଗୁରୁ । ଏହାପୂର୍ବରୁ ଶିଖ ସମ୍ପ୍ରଦାୟର ଲୋକମାନଙ୍କର ଏକ ଭିଡିଓ ମଧ୍ୟ ସାମ୍ନାକୁ ଆସିଥିଲା ।

ଯେଉଁଥିରେ ସେମାନେ ବିମାନ ଭିତରେ ‘ଜୋ ବୋଲେ ସୋ ନିହାଲ ଏବଂ ୱାହ ଗୁରୁଜୀ କା ଖାଲସା- ୱାହ ଗୁରୁଜୀ କି ଫତେହ’ କହୁଥିବାର ନଜର ଆସିଛନ୍ତି । ଏହି ଭିଡିଓକୁ ବୈଦେଶିକ ମନ୍ତ୍ରଣାଳୟର ମୁଖପାତ୍ର ଅରିନ୍ଦମ ବାଗଚି ସେୟାର କରିଛନ୍ତି । ସୂଚନାନୁସାରେ, ତାଲିବାନର ଭୟ ମଧ୍ୟରେ ସୋମବାର ଦିନ କାବୁଲରୁ ଦୁଶାନବେକୁ ୭୮ ଜଣଙ୍କୁ ପରିବହନ କରାଯାଇଥିଲା । ଆଜି ସମସ୍ତ ଲୋକ ଦିଲ୍ଲୀରେ ପହଞ୍ଚିଛନ୍ତି ।

ଖରାରେ ବୃଦ୍ଧ ମା’ର ପାଦକୁ କାଳେ କଷ୍ଟ ହେବ ସେଥିପାଇଁ କାଳିଆ ପାଖକୁ କାଖେଇ ନେଲା ପୁଅ

ପୁରୀ: ଦୁନିଆ ଦେଖାଇଲା ମାଆକୁ ନେଇ ଦୁଇଟି ଭିନ୍ନ ଭିନ୍ନ ଚିତ୍ର। ଗୋଟିଏ ପଟେ ମାଆକୁ ପୁଅ ନର୍କ ଯନ୍ତ୍ରଣା ଦେଉଥିବା ବେଳେ ଅନ୍ୟ ପଟେ ବୃଦ୍ଧ ମା’ ପାଦକୁ କାଳେ କଷ୍ଟ ହେବ ସେଥିପାଇଁ ଶ୍ରୀମନ୍ଦିର ଭିତରକୁ କାନ୍ଦେ ନେଉଛି ପୁଅ। ଗୋଟିଏ ଦିନରେ ଦୁନିଆ ଦେଖାଇଛି ମାଆ-ପୁଅଙ୍କର ଦୁଇଟି ଭିନ୍ନ ଭିନ୍ନ କାହାଣୀ। ସୋମବାର ଠାରୁ ସାଧାରଣ ଲୋକଙ୍କ ପାଇଁ ଶ୍ରୀମନ୍ଦିର ଖୋଲିଛି। ଆଉ ଏହାରି ଭିତରେ ଜୀବନର ଅପରାହ୍ନରେ କାଳିଆକୁ ଦେଖିବା ପାଇଁ ବୃଦ୍ଧ ମାଆର ମନ ବଳାଇଛି। ଯେଉଁ ମା’, ପୁଅର କୁନି ବୟସରେ ସବୁ ଅଳି ଅଝଟକୁ ସହି ଆସିଛି ସେହି ମାଆର ଇଚ୍ଛାକୁ ପୁଅ କେମିତି ବା ଅଣଦେଖା କରିପାରିଥାନ୍ତା।

ସେଥିପାଇଁ ମାଆର ଇଚ୍ଛାକୁ ପୁରଣ କରିବା ପାଇଁ ପୁଅ ପାଲଟିଛି ଶ୍ରବଣ କୁମାର। ଶ୍ରବଣ କୁମାର ସାଜି ଜନ୍ମଦାତ୍ରୀକୁ ବୋହି ବୋହି ଶ୍ରୀମନ୍ଦିର ନେଇଯାଉଛି। ପ୍ରବଳ ଖରାରେ ମା’ର ପାଦକୁ କାଳେ କଷ୍ଟ ହେବ, କାଳେ ବାଟ ଚାଲିନପାରିବ ସେଥିପାଇଁ ପୁଅ ମା’କୁ କାନ୍ଧରେ ବସାଇ ନେଇଯାଉଛି। ମହାଆନନ୍ଦରେ ଚାଲିଛନ୍ତି ବଡ଼ଦାଣ୍ଡରେ। ଏ ଦୃଶ୍ୟ ଆପଣଙ୍କୁ ନିଶ୍ଚୟ ଭାବବିହ୍ୱଳ କରିବ। ଏହି ଦୃଶ୍ୟ କହୁଛି, ମା’ ପୁଅର ସଂପର୍କ କେତେ ନିବିଡ, କେତେ ମହାନ। ଏହି ସମ୍ପର୍କର ଦୃଶ୍ୟ ଦେଖି ମନ ପୂରିଯାଉଛି, ଛାତି କୁଣ୍ଢେମୋଟେ ହୋଇଯାଉଛି।

ନାରାୟଣ Vs ଉଦ୍ଧବ: ବିଜେପି ନେତାଙ୍କ ଘର ଆଗରେ ଶିବ ସୈନିକଙ୍କ ହଙ୍ଗାମା, ରାଣେଙ୍କୁ କହିଲେ କୁକୁଡ଼ା ଚୋର

ମୁମ୍ବାଇ: ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କୁ ଚାପୁଡା ମାରିବାକୁ କହି ଚର୍ଚ୍ଚାରେ କେନ୍ଦ୍ରମନ୍ତ୍ରୀ ନାରାୟଣ ରାଣେ । କୋଙ୍କଣ ଅଞ୍ଚଳରେ ଜନୌଷଧି ରାଲିରେ ଯୋଗ ଦେବା ଅବସରରେ ରାଣେ ଏହା କହିବା ପରେ ଆରମ୍ଭ ହୋଇଛି ବିବାଦ । ରାଣେ କହିଥିଲେ- ମୁଖ୍ୟମନ୍ତ୍ରୀ ଉଦ୍ଧବ ଠାକରେ ସ୍ୱାଧୀନତାର ବର୍ଷ ଜାଣନ୍ତି ନାହିଁ । ଠାକରେ ଭାଷଣ ଦେବା ବେଳେ ଏହି ବିଷୟ ଜାଣିବା ଉଚିତ । ଯଦି ଏହି ଅବସରରେ ସେଠାରେ ନିଜେ ଉପସ୍ଥିତ ଥାନ୍ତେ ତେବେ ଠାକରେଙ୍କୁ ସେ ଚାପୁଡା ମାରିଥାନ୍ତେ ବୋଲି କହିଛନ୍ତି ରାଣେ । ରାଣେ ଏହା କହିବା ପରେ ଶିବସେନା କର୍ମୀ ଉତକ୍ଷିପ୍ତ ହୋଇଛନ୍ତି । ନାରାୟଣ ରାଣେଙ୍କ ଏହି ବିବାଦୀୟ ବାୟାନ ପରେ ଶିବସେନାର କର୍ମୀମାନେ ବିଭିନ୍ନ ଜାଗାରେ ବିରୋଧ ପ୍ରଦର୍ଶନ କରୁଛନ୍ତି । ଦାଦର ଅଞ୍ଚଳରେ ରାଣେଙ୍କ ବିରୋଧରେ ପୋଷ୍ଟର ଲଗାଇଛନ୍ତି ଶିବସେନା କର୍ମୀ । ପୋଷ୍ଟରରେ ନାରାୟଣ ରାଣେଙ୍କ ଫଟୋ ସହ ତାଙ୍କୁ କୁକୁଡ଼ା ଚୋର ବୋଲି ଲେଖାଯାଇଛି । ପ୍ରତିବାଦରେ ନାସିକ ସ୍ଥିତ ବିଜେପି କାର୍ଯ୍ୟାଳୟ ଉପରକୁ ଶିବସେନା କର୍ମୀ ଟେକାପଥରମାଡ଼ କରିଛନ୍ତି ।

 

ରାଣେଙ୍କ ବିରୋଧରେ ବିଭିନ୍ନ ଥାନାରେ ୪ଟି ମାମଲା ରୁଜୁ ହୋଇଛି । ପୁଣେ, ନାସିକ, ମହାଦ ଓ ରାଇଗଡ ଜିଲ୍ଲାରେ ଏସବୁ ମାମଲା ରୁଜୁ ହୋଇଛି । ଶିବସେନା କର୍ମୀମାନେ ରାଣେଙ୍କୁ ମନ୍ତ୍ରୀପଦରୁ ହଟାଇବା ପାଇଁ ଦାବି କରିଛନ୍ତି ଏହି ପ୍ରସଙ୍ଗକୁ ନେଇ ମୁମ୍ବାଇରେ ବିଜେପି- ଶିବସେନା କର୍ମୀଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଛି ।

 

ନାରାୟଣ ରାଣେଙ୍କ ଘର ଆଗରେ ଶିବସେନା କର୍ମୀମାନେ ବିରୋଧ ଜାରି ରଖିଥିବା ସୂଚନା ରହିଛି । ତେବେ ନାରାୟଣ ରାଣେଙ୍କ ପୁଅ ନିତେଶ ରାଣେ ଲେଖିଛନ୍ତି ଯେ, ‘ ସୂଚନା ରହିଛି ଯେ, ଯୁବସେନାର ସଦସ୍ୟ ମାନଙ୍କୁ ଆମ ଜୁହୁ ସ୍ଥିତ ଘର ସାମ୍ନାରେ ଏକାଠି ହେବାକୁ କୁହାଯାଇଛି । ତେଣୁ ମୁମ୍ବାଇ ପୋଲିସକୁ ଅନୁରୋଧ, ତାଙ୍କୁ ସେଠାକୁ ଯିବାକୁ ମନା କରନ୍ତୁ, ନଚେତ ସେଠାରେ ଯାହା ବି ପରିସ୍ଥିତି ହେବ, ସେଥିପାଇଁ ଆମେ ଦାୟି ରହିବୁ ନାହିଁ । ନିତେଶ ରାଣେ କହିଛନ୍ତି ଯେ, ସିଂହ ଗୁମ୍ଫାକୁ ଯିବାକୁ ସାହସ କରନ୍ତୁ ନାହିଁ ।’

ଅନ୍ୟପକ୍ଷରେ ଉଦ୍ଧବଙ୍କ ବିରୋଧରେ ଅପମାନଜନକ ଶବ୍ଦ ବ୍ୟବହାର ପାଇଁ ରାଣେଙ୍କ ବିରୋଧରେ ମୁମ୍ବାଇରେ ଅନେକ ଏଫ୍ଆଇଆର୍ ପଞ୍ଜିକୃତ ହୋଇଛି। ଏହାପରେ ରାଣେ ନିଜ ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି ଯେ, ‘ମୋ ବିରୋଧରେ FIR ହୋଇଥିବା ମୁଁ ଜାଣିନାହିଁ । ମୁଁ ଜଣେ ସାଧାରଣ ବ୍ୟକ୍ତି ନୁହେଁ । ମୁଁ କୌଣସି ଅପରାଧ କରି ନାହିଁ। ଯଦି କେହି ଅଗଷ୍ଟ ୧୫ ବିଷୟରେ ଜାଣିନାହାନ୍ତି, ତେବେ ଏହା ଅପରାଧ ନୁହେଁ କି? ମୁଁ କହିଲି ମୁଁ ଚାପୁଡ଼ା ମାରିବି – ଏହି ଶବ୍ଦଗୁଡ଼ିକ ମୋର ଏବଂ ଏହା ଅପରାଧ ନୁହେଁ।

କାବୁଲରେ ୟୁକ୍ରେନ୍ ବିମାନ ଅପହରଣ, ଇରାନରେ ଅପହୃତ ବିମାନ !

କାବୁଲ: ଅଶାନ୍ତ କାବୁଲରେ ବିମାନ ଅପହରଣ । ନିଜ ନାଗରିକଙ୍କ ଉଦ୍ଧାର ପାଇଁ ଆସିଥିବା ଏକ ୟୁକେନୀୟ ବିମାନକୁ ଅପହରଣ କରାଯାଇଥିବା ଖବର ମିଳିଛି । ଅପହରଣକାରୀ ବିମାନକୁ ଇରାନ ନେଇଥିବା କୁହାଯାଇଛି । ୟୁକ୍ରେନର ଉପ ବୈଦେଶିକ ମନ୍ତ୍ରୀ ୟେବଗେନି ୟେନିନ ମଙ୍ଗଳବାର ଦିନ ଏସମ୍ପର୍କରେ ସୂଚନା ଦେଇଛନ୍ତି ।ବିମାନକୁ ଅପହରଣକାରୀ ଇରାନ ନେଇଥିବା ଋଷ ମିଡିଆ ଦାବି କରିଛି ।

ୟୁକ୍ରେନର ଉପ ବୈଦେଶିକ ମନ୍ତ୍ରୀ ୟେନିନଙ୍କ ଅନୁସାରେ ରବିବାର ଦିନ କିଛି ଅଜ୍ଞାତ ବ୍ୟକ୍ତି ବିମାନର କକପିଟ୍ ଉପରେ କବଜା କରିଥିଲେ । ପ୍ଲେନରେ ୟୁକ୍ରେନ୍ ନାଗରିକ ଥିଲେ । ବିମାନ ଅପହରଣ କାରଣରୁ ୟୁକ୍ରେନର ବାକି ପ୍ଲେନ୍ ଉଦ୍ଧାର କାର୍ଯ୍ୟ କରି ପାରିନଥିବା ସେ କହିଛନ୍ତି ।
ସୂଚନାଯୋଗ୍ୟ ଯେ, ଏପର୍ଯ୍ୟନ୍ତ ୟୁକ୍ରେନ ତା’ର ୩୧ ଜଣ ନାଗରିକଙ୍କୁ ଆଫଗାନିସ୍ତାନରୁ ଉଦ୍ଧାର କରିଛି । ଏବେ ମଧ୍ୟ କାବୁଲରେ ୧୦୦ରୁ ଅଧିକ ଆଫଗାନୀ ନାଗରିକ ଫସିଥିବା କୁହାଯାଉଛି ।

ପୁଅ ନାଁରେ କଳଙ୍କ, ନିରୀହ ମାଆକୁ ନର୍କ ଯନ୍ତ୍ରଣା ଦେଉଥିବା ପୁଅକୁ ଗିରଫ କଲା ପୋଲିସ୍‌

ଅନୁଗୁଳ: ପୁଅଠାରୁ ମାଆ ପାଉଛି ନର୍କ ଯନ୍ତ୍ରଣା। ଯେଉଁ ମାଆ ଦିନେ ପୁଅକୁ ଗର୍ଭରେ ୧୦ ମାସ ଦଶ ଦିନ ଧରି ଜନ୍ମ ଦେଇଥିଲା। କେତେ ଓଶା ବ୍ରତ କରି ପୁଅଟେ ପାଇଁ ଭଗବାନଙ୍କ ପାଖରେ ଗୁହାରି କରିଥିଲା, ସେଇ ପୁଅ ଆଜି ନିରୀହ ମାଆ ପାଇଁ ଶତ୍ରୁ ପାଲଟିଛି। ଯେଉଁ ପଣତ ଦିନେ ପୁଅର ଝାଳକୁ ପୋଛି ଦେଉଥିଲା ସେହି ପଣତର ସାହାରା ନେଇ ପୁଅ ମାଆର ତଣ୍ଟି ଚିପିବାକୁ ବି ପଛାଇନି। ପୁଅର କୁଆଁ କୁଆଁ କାନ୍ଦରେ ଦିନେ ମାଆର ଛାତି ଫାଟି ପଡ଼ୁଥିଲା ହେଲେ ଆଜି ମାଆ କଷ୍ଟରେ ଚିତ୍କାର କଲେ ବି ପୁର ଉପରେ ତିଳେ ମାତ୍ର ବି ଫରକ ପଡ଼ୁନି। ବୃଦ୍ଧା ମାଆକୁ ଦେଇ ଚାଲିଛି ମାଡ଼ ଉପରେ ମାଡ଼।

ଏମିତି ଏକ ଘଟଣା ଦେଖିବାକୁ ମିଳିଛି ଅନୁଗୁଳ ଜିଲ୍ଲାରେ। କୌଣସି କାରଣ ପାଇଁ ମାଆର ଚୁଟି ଘୋଷାଡ଼ି ତଣ୍ଟି ଚିପି ନିର୍ଦୟ ଭାବରେ ମାଡ଼ ମାରି ଚାଲିଛି। ଏହି ଭିଡିଓ ଦେଖିଲେ ଆପଣ ମାନଙ୍କର ମଧ୍ୟ ରକ୍ତ ଗରମ ହୋଇଯିବ।

ତେବେ ନନ୍ଦିଘୋଷ ଟିଭିରେ ଏହି ଖବର ପ୍ରସାରଣ ପରେ ବନ୍ଧା ହୋଇଛି ସେହି ନିର୍ଦୟ ପୁଅ। ବୃଦ୍ଧା ମା’ଙ୍କୁ ମାଡ଼ ମାରୁଥିଲେ ଶିକ୍ଷିତ ପୁଅ। ଯେ କି ପେସାରେ ଜଣେ ଶିକ୍ଷକ। ଜଣେ ଶିକ୍ଷକ ହୋଇ ଦୁନିଆକୁ ଭଲ ଶିକ୍ଷା ଦେବା ପରିବର୍ତ୍ତେ ନିଜ ମା’କୁ ମାଡ ମାରୁଥିଲେ। ମାଡ଼ ମାରୁଥିବା ଭିଡିଓ ଭାଇରାଲ ହେବା ପରେ ଏହା ଚର୍ଚ୍ଚାର ବିଷୟ ପାଲଟିଥିଲା। ଏହି ଭିଡିଓଟି ଅନୁଗୁଳ ଜିଲ୍ଲା କିଶୋରନଗର ଥାନା କଟାପାଲି ଗାଁର।

ହାଇସ୍କୁଲର ଅବସରପ୍ରାପ୍ତ ଶିକ୍ଷକ ହୃଷୀକେଶ ପ୍ରଧାନ ନିଜ ମା’ଙ୍କୁ ମାଡ଼ ମାରୁଥିଲେ। ତଣ୍ଟି ଚିପି ଦେବା ସହ ଟେକି କଚାଡୁ ଥିବାର ଭିଡିଓ ଭାଇରାଲ ହୋଇଛି। ବୃଦ୍ଧା ମା’ ଯନ୍ତ୍ରଣାରେ ଚିତ୍କାର କରୁଥିଲେ। ମାଡ଼ ସେ କାହିଁକି ମାରୁଛନ୍ତି, ଜଣା ପଡ଼ି ନଥିଲେ ମଧ୍ୟ ସେ ଏଭଳି ଅନେକ ଦିନ ମାଡ଼ ମାରନ୍ତି ବୋଲି ଜଣା ପଡ଼ିଛି। ଏଭଳି ସମ୍ବେଦନଶୀଳ ଭିଡିଓ ଭାଇରାଲ ପରେ ବିଭିନ୍ନ ମହଲରେ ପ୍ରତିକ୍ରିୟା ପ୍ରକାଶ ପାଇଥିଲା। ନନ୍ଦିଘୋଷ ଟିଭିରେ ଖବର ପ୍ରସାରଣ ପରେ କିଶୋରନଗର ଥାନା ପୋଲିସ ଅବସରପ୍ରାପ୍ତ ଶିକ୍ଷକ ହୃଷୀକେଶ ପ୍ରଧାନଙ୍କୁ ଗିରଫ କରିଛି।

ଏ ହେଉଛି ଏମିତି ଏକ ବିଡମ୍ବନା ଯାହା ଆଗକୁ ଗୋଟିଏ ପୁଅ ଜନ୍ମ କରିବା ପାଇଁ ମାଆ ଟେ ଶହେ ବାର ଭାବିବାକୁ ବାଧ୍ୟ ହେବ। ମୋତେ ସନ୍ତାନ ମୁକ୍ତ କରିଦିଅ ପଛେ ହେଲେ ଏମିତି ପୁଅ ମୋତେ ନଦେବାକୁ ଭଗବାନଙ୍କ ଆଗକରେ ଗୁହାରି ପଡ଼ିବ।

ଅଣ ମୁସଲମାନଙ୍କଠାରୁ ଜିଜିଆ କର ଅସୁଲ କରିବା ପାଇଁ ତାଲିବାନକୁ କହିଲା ବ୍ରିଟିଶ୍ ଧର୍ମ ପ୍ରବଚକ ଅଞ୍ଜେମ ଚୌଧୁରୀ

ଲଣ୍ଡନ: ବ୍ରିଟେନର ସବୁଠାରୁ କୁଖ୍ୟାତ ମୁସଲିମ ଧର୍ମ ପ୍ରବଚକ ଭାବେ ପରିଚିତ ଅଞ୍ଜେମ ଚୌଧୁରୀ ଅଣ ମୁସଲମାନଙ୍କ ଉପରେ ଜିଜିଆ କର ଲଗାଯିବା ସପକ୍ଷରେ ଯୁକ୍ତି ବାଢିଛି । ଶତାଧିକ ମୌଳବାଦୀ ଓ ଆତଙ୍କବାଦୀଙ୍କୁ ପ୍ରେରିତ କରିଥିବା ଚୌଧୁରୀ ତାଲିବାନକୁ ଆଫଗାନିସ୍ତାନରେ ରହୁଥିବା ଅଣ ମୁସଲମାନଙ୍କ ଉପରେ ଜିଜିଆ କର ଲାଗୁ କରିବା ପାଇଁ ପରାମର୍ଶ ଦେଇଛି । ଏହା ସହିତ ସେ ଆଫଗାନିସ୍ତାନରେ ସଂଗୀତ ଉପରେ ମଧ୍ୟ ପ୍ରତିବନ୍ଧକ ଲାଗୁ କରିବା ପାଇଁ କହିଛି । ଜିଜିଆ କାଫିରଙ୍କ କର ବୋଲି ସେ କହିଛି । ଏହା ସହିତ ସେ ତାଲିବାନକୁ ଅନୁରୋଧ କରୁଛି ଯେ, ପର ସ୍ତ୍ରୀ ସହିତ ସମ୍ପର୍କ ରଖୁଥିବା ପୁରୁଷଙ୍କୁ ମଧ୍ୟ ପଥର ମାରି ହତ୍ୟା କରାଯାଉ ।

ଡେଲି ମେଲ୍ ଅନୁସାରେ ସେ ତାଲିବାନକୁ ଚୋରଙ୍କ ହାତ କାଟିବାକୁ ଓ ମଦ୍ୟପାନ କରୁଥିବା ବ୍ୟକ୍ତିଙ୍କୁ ଚାବୁକ ମାଡ କରିବାକୁ କହିଛି । ଚୌଧୁରୀ କହିଛି ଯେ, ଆଫଗାନିସ୍ତାନରେ ରହୁଥିବା ସବୁ ଅଣ ମୁସଲମାନଙ୍କ ସୁରକ୍ଷା ପାଇଁ ଜିଜିଆ କର ଦେବା ବାଧ୍ୟତାମୁଳକ କରିଦେବା ଆବଶ୍ୟକ । ଏହି କୁଖ୍ୟାତ ବ୍ରିଟିଶ ଧର୍ମ ପ୍ରବଚକ ଜଣକ ତାଲିବାନକୁ ଆଫଗାନିସ୍ତାନର ନାମ ବଦଳାଇ ଇସଲାମିକ୍ ଷ୍ଟେଟ କରିବାକୁ ପରାମର୍ଶ ଦେଇଛି ।

ସଂଗୀତକୁ ବ୍ୟାନ୍ କର

ଚୌଧୁରୀ ଭାରତୀୟ ଉପମହାଦେଶରେ ସବୁ ଦେଶର ସୀମାକୁ ଶେଷ କରିଦେବା ପାଇଁ ଆହ୍ୱାନ କରିଛି । ସେ କହିଛି ଯେ ଦେଶ ଦେଶ ମଧ୍ୟରେ ଥିବା ସୀମାକୁ ଶେଷ କରି ଦିଆଯାଉ । ନୂଆ ଇସଲାମିକ ଷ୍ଟେଟ୍ ପାଇଁ ବାହାର ଦେଶର ମୁସଲମାନଙ୍କୁ ନିମନ୍ତ୍ରଣ କରାଯାଉ,ଯେମିତିକି ଉପ ମହାଦେଶର ସବୁ ମୁସଲମାନ ଏକାଠି ହୋଇ ପାରିବେ । ୩୫ଶହ ଶବ୍ଦର ଏକ ନିବନ୍ଧ ଲେଖି ଚୌଧୁରୀ ପାଶ୍ଚାତ୍ୟ ସଂସ୍କୃତିର ସବୁ ଚିହ୍ନ ଲୋପ କରିବା ପାଇଁ ସଂଗୀତ ଓ ନାଟକ ଉପରେ ପ୍ରତିବନ୍ଧକ ଲଗାଇବା ପାଇ ତାଲିବାନକୁ ଆହ୍ୱାନ କରିଛି ।

ଜାତିସଂଘକୁ ବାହର କର

କାବୁଲରୁ ମୁସଲିମ୍ ଦେଶଙ୍କ ସହିତ ବିଶ୍ୱର ବାକି ଦେଶଙ୍କ ଦୂତାବାସକୁ ବନ୍ଦ କରିବା ପାଇଁ ତାଲିବାନକୁ ପରାମର୍ଶ ଦେଇଛି ଚୌଧୁରୀ । ଏହା ସହିତ ତାଲିବାନ କାବୁଲରୁ ଜାତିସଂଘ ପ୍ରତିନିଧିଙ୍କୁ ମଧ୍ୟ ବାହାର କରି ବିଶ୍ୱ ସଂଗଠନର ଅଫିସ ବନ୍ଦ କରିବାକୁ କହିଛି । ସୂଚନାଯୋଗ୍ୟ ଯେ, ଇସଲାମିକ ଷ୍ଟେଟର ସମର୍ଥକ ଚୌଧୁରୀ ୫ ବର୍ଷ ଜେଲରେ ରହିବା ପରେ ବାହାରକୁ ବାହାରିଥିଲା । ତେବେ ଜେଲରୁ ବାହାରିବା ପରେ ସାର୍ବଜନିକ ଭାବେ ସେ କୌଣସି ବୟାନ ଜାରି କରିପାରିବ ନାହିଁ ବୋଲି ତାକୁ ବ୍ରିଟିସ ସରକାର କହିଥିଲେ । ତେବେ ତା’ ଉପରେ ଲାଗିଥିବା ଏହି ପ୍ରତିବନ୍ଧକ ଏଇ କିଛି ଦିନ ହେବ ହଟିଥିଲା । ପ୍ରତିବନ୍ଧକ ହଟିବା ପରେ ଚୌଧୁରୀ ଏବେ ଟେଲିଗ୍ରାମରେ ତା’ର ଏହି ବିବାଦୀୟ ବିବୃତି ଜାରି କରିଛି ।

ପାରାଦୀପ ବନ୍ଦର ପ୍ରତି କେନ୍ଦ୍ରର ରହିଛି ବୈମାତୃକ ମନୋଭାବ: ଦାମୋଦର ରାଉତ

ଭୁବନେଶ୍ୱର: ପାରାଦୀପ ବନ୍ଦର ଅଧ୍ୟକ୍ଷ ପଦ ଖାଲି ପଡ଼ିବା ନେଇ ଅଭିଯୋଗ ଆଣିଲେ ପୂର୍ବତନ ମନ୍ତ୍ରୀ ଡାକ୍ତର ଦାମୋଦର ରାଉତ। ସେ ଅଭିଯୋଗ କରିଛନ୍ତି ଯେ ପାରାଦୀପ ବନ୍ଦର ବିରୋଧରେ କେନ୍ଦ୍ର ସରକାର ଚକ୍ରାନ୍ତ କରୁଛନ୍ତି। ବର୍ଷକରୁ ଅଧିକ ସମୟ ହେଲାଣି ପାରାଦୀପ ବନ୍ଦର ଅଧ୍ୟକ୍ଷ ପଦ ଖାଲିପଡିଛି। ଏବେ କୋଲକାତା ବନ୍ଦର ଅଧ୍ୟକ୍ଷଙ୍କୁ ଅତିରିକ୍ତ ଦାୟିତ୍ୱ ଦିଆଯାଇଛି ବୋଲି ଦାମୋଦର ରାଉତ ଅଭିଯୋଗ କରିଛନ୍ତି। ସେପଟେ ଧାମରାର ଆଦାନୀଙ୍କ ବନ୍ଦରରେ କିପରି ଅଧିକ ଜାହାଜ ଲାଗିବ, ସେଥିପାଇଁ ପାରାଦୀପ ବନ୍ଦରର ସ୍ଥାୟୀ ଅଧ୍ୟକ୍ଷ ନିଯୁକ୍ତି କରାଯାଉ ନାହିଁ। ପାରାଦୀପ ବନ୍ଦରକୁ ଗୌଣ କରି ଅନ୍ୟ ବନ୍ଦରକୁ ଆଗକୁ ନେବା ପାଇଁ କେନ୍ଦ୍ର ସରକାର ଚାଲ କରିଛନ୍ତି। ଅଣ- ବିଜେପି ଶାସିତ ରାଜ୍ୟକୁ ସବୁ ସ୍ତରରେ ବଦନାମ କରିବା ପାଇଁ କେନ୍ଦ୍ର ସରକାର ଉଦ୍ୟମ କରିଚାଲିଛନ୍ତି। ଗଣତନ୍ତ୍ରରେ କେନ୍ଦ୍ରର ଏପରି ଆଭିମୁଖ୍ୟ ଦୁର୍ଭାଗ୍ୟଜନକ ବୋଲି ଡାକ୍ତର ଦାମୋଦର ରାଉତ କହିଛନ୍ତି।

ପଛୁଆ ବର୍ଗଙ୍କୁ ସାମାଜିକ ନ୍ୟାୟ ପାଇଁ ମୁଖ୍ୟମନ୍ତ୍ରୀ ବଦ୍ଧପରିକର: ବିଜେଡି

ଭୁବନେଶ୍ୱର: ପଛୁଆ ବର୍ଗଙ୍କୁ ମିଳିବ ନ୍ୟାୟ। ନ୍ୟାୟ ଦେବାକୁ ବଦ୍ଧପରିକର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। OBC ନ୍ୟାୟ ପାଇଁ ଲଢେଇରେ ସାମିଲ ହେବାକୁ ସବୁ ଦଳ ଓ ସଂଗଠନକୁ ଆହ୍ୱାନ ଦେଲା ବିଜେଡି। ଆଜି ଏକ ସାମ୍ବାଦିକ ସମ୍ମିଳନୀ କରି ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ ଓ ଅରୁଣ ସାହୁ ସାହୁ ଏହି ଆହ୍ୱାନ ଦେଇଛନ୍ତି। କହିଛନ୍ତି, ପଛୁଆ ବର୍ଗଙ୍କ ଯୋଜନା ପୂର୍ବରୁ ସେମାନଙ୍କ ସଂଖ୍ୟା ଜାଣିବା ଦରକାର। କେନ୍ଦ୍ର ମନା କଲା ପରେ ଜାନୁଆରୀ କ୍ୟାବିନେଟ ବୈଠକରେ ଜାତିଭିତ୍ତିକ ଜନଗଣନା ପାରିତ ହୋଇଥିଲା। OBC କମିଶନ ଗଠନ ହେଲା। ଓବିସି ଜନସଂଖ୍ୟାରୁ ଅଧେ। ହେଲେ ଅଧା ସଂରକ୍ଷଣ ବି ମିଳିନି। କାରଣ ୫୦ ପ୍ରତିଶତ ସଂରକ୍ଷଣ ନିୟମ ଅଛି। ଅନ୍ୟ ରାଜ୍ୟ ତୁଳନାରେ ଓଡ଼ିଶାର ପଛୁଆ ବର୍ଗ ୯୪ ପ୍ରତିଶତ। ତେଣୁ ଅନ୍ୟ ରାଜ୍ୟ ସହ ତୁଳନା ଠିକ ନୁହେଁ।

ଏହି ସଂରକ୍ଷଣ ସୀମା ଉଠାଇବା ସମୟର ଆହ୍ୱାନ। ସଂସଦରେ ପ୍ରାୟ ସବୁ ଦଳ ଏହି କଥା ଉଠାଇଛନ୍ତି। ୨୦୨୧ରେ ଜନଗଣନା ଅଛି। ତେଣୁ ସ୍ୱର ଆହୁରି ଉଠିଲାଣି। ବିଜେଡି ସାଂସଦମାନେ ଏ ଦିଗରେ କେନ୍ଦ୍ର ଗୃହ ମନ୍ତ୍ରୀଙ୍କୁ ଭେଟିଥିଲେ। ଅନ୍ୟ ମୁଖ୍ୟମନ୍ତ୍ରୀ ବି ନବୀନ ପଟ୍ଟନାୟକଙ୍କୁ ସମର୍ଥନ କଲେଣି। ଏପରିକି ବିଜେପି ମେଣ୍ଟ ଦଳ ବି ନବୀନଙ୍କ ସହ ସ୍ୱର ମିଶାଇଛନ୍ତି। କେନ୍ଦ୍ର ମନ୍ତ୍ରୀ ରାମଦାସ ଅଠାୱଲେ ବି ସମର୍ଥନ ଦେଇଛନ୍ତି। ବିହାରର ୧୦ ଜଣିଆ ପ୍ରତିନିଧି ଦଳ ଯେଉଁଠି ବିଜେପି ନେତା ବି ସାମିଲ ଥିଲେ ସେମାନେ କେନ୍ଦ୍ର ମନ୍ତ୍ରୀଙ୍କୁ ଭେଟିଛନ୍ତି । ବିଜେଡି ଦାବି କରିଛ, ଜାତିଭିତ୍ତିକ ଜନଗଣନା ୫୦ ପ୍ରତିଶତ ସଂରକ୍ଷଣ ସୀମା ଉଠାଯାଉ। ଏପରି ହେଲେ ପଛୁଆ ବର୍ଗ ଯିଏ ଦେଶକୁ ଖାଦ୍ୟ ଦେଇଛନ୍ତି, ସେମାନଙ୍କୁ ନ୍ୟାୟ ମିଳିବ ବୋଲି ସାମ୍ବାଦିକ ସମ୍ମିଳନୀରେ ବିଜେଡି କହିଛି। ଏହାକୁ ଦୀର୍ଘମିଆଦି ସୂତ୍ରରେ କାର୍ଯ୍ୟକାରୀ କରିବାକୁ ଦାବି ରଖିବା ସହ ବିଜେପି କାହିଁକି ଏହା କରୁନି ବୋଲି ପ୍ରଶ୍ନ କରିଛି ବିଜେଡି।

କେମିତି ହୁଏ ବ୍ରାଉସୁଗର ପ୍ୟାକିଂ ଠାରୁ ଡିଲିଂ ? କଳା କାରବାର ଉପରୁ ପରଦା ହଟାଇଲା ନନ୍ଦିଘୋଷ ଟିଭି

ଢ଼େଙ୍କାନାଳ: ବ୍ରାଉନସୁଗାର ପ୍ୟାକିଂ ଠାରୁ ଆରମ୍ଭ କରି ବେପାର ଏବଂ ସ୍ମୋକିଂ। ଏ ସବୁର ଟ୍ରିକ୍‌ କଣ। ଡିଲର ମାନେ କେମିତି ପାସଓ୍ୱାର୍ଡ୍ ମାଧ୍ୟମରେ ବେପାର କରନ୍ତି? କେମିତି ହୁଏ ପୁରା କାରବାର। ଏସବୁ ଉପରୁ ପରଦା ହଟାଇଛି ନନ୍ଦିଘୋଷ ଟିଭି।

ଢେଙ୍କାନାଳରେ ମାତିଛନ୍ତି ବ୍ରାଉନସୁଗାର ବେପାରୀ। ଏନେଇ ପୂର୍ବରୁ ନନ୍ଦିଘୋଷ ଟିଭିରେ ଖବର ପ୍ରସାରଣ ପରେ ଆକ୍ସନ ମୋଡକୁ ଆସିଥିଲା ପୋଲିସ୍। ବିପୁଳ ପରିମାଣର ଧଳା ଜହରକୁ ପୋଲିସ ଜବତ କରିଥିଲେ ସୁଦ୍ଧା ମୂଳରେ ପହଞ୍ଚିପାରିନାହିଁ। ହେଲେ ଚେରରେ ପହଞ୍ଚିଛୁ ଆମେ। ବିପଦକୁ ସାଥିରେ ଧରି ଖୋଜି ପାଇଛୁ ବ୍ରାଉନସୁଗାର କାରବାରର ସତ। ଧଳା ଜହର କେମିତି କଳା ପରଦା ଆଢୁଆଳରେ ବିକ୍ରି ହେଉଛି,କେମିତି ହେଉଛି ଏହାର ମାର୍କେଟିଂ ସେସବୁକୁ ଡିକୋଡ୍ କରିଛି ନନ୍ଦିଘୋଷ ଟିଭି ।

ଘଞ୍ଚ ଜଙ୍ଗଲରେ ଅନ୍ଧାର ରାତିରେ ନନ୍ଦିଘୋଷ ଟିଭି ପ୍ରତିନିଧି ପହଞ୍ଚିଥିଲେ ବ୍ରାଉନସୁଗାର ବେପାରୀଙ୍କ ନିକଟରେ। ବେପାରୀ ସାଜି ଆରମ୍ଭ କରିଥିଲେ ମୂଲଚାଲ। ପାସଓ୍ୱାର୍ଡରେ ଚାଲିଛି ପୁରା ବେପାର। ପାସଓ୍ୱାର୍ଡ ରହିଛି  ମାଛ। ବଡ ମାଛ ଆଉ ସାନ ମାଛ ନାଁରେ ମିଳୁଛି ଧଳା ଜହର। ମାଛକୁ କାଟି ବ୍ରାଉନସୁଗାର ଭର୍ତ୍ତି କରି ବେପାର ଚଳାଇଛନ୍ତି ଦଲାଲ୍। କଲିକତାରୁ ଟ୍ରେନରେ ଆସି ପହଞ୍ଚି ଯାଉଛି ଦଲାଲଙ୍କ ନିକଟରେ। ଆଉ ତାପରେ ଡିଲର ସାଜି ପହଞ୍ଚିଯାଉଛନ୍ତି ବେପାରୀ।

କେବଳ ବ୍ରାଉନସୁଗାର ନୁହେଁ ନିଶା ଟାବ୍ଲେଟ୍ ମଧ୍ୟ ଉପଲବ୍ଧ ହେଉଛି। ଯାହାର ଦାମ ରହିଛି ଗୋଟାକୁ ହଜାରେ ଟଙ୍କା। ଟଙ୍କା ଦେଲେ ପାଖରେ ପହଞ୍ଚିଯିବ ମାଲ୍। ପୋଲିସ ସହିତ ରହିଛି ବ୍ରାଉନ ସୁଗାର ବେପାରୀଙ୍କ ଲିଙ୍କ। ଏକଥା ଆମେ କହୁନୁ ଖୋଦ୍ ନିଜ ମୁହଁରେ କହୁଛନ୍ତି ଧଳା ଜହରର ଦଲାଲ୍। ତେବେ ମୁଲଚାଲ ବେଳେ ମୋବାଇଲ୍ ଫୋନ ରିଙ୍ଗ ହେବାରୁ ସନ୍ଦେହକୁ ଆସିଥିଲେ ଆମ ଟିମ୍। ମାଲ୍ ଦେବାକୁ ତତକ୍ଷଣାତ୍ ମନା କରିଦେବା ସହିତ ଆଡଭାନ୍ସ ମଧ୍ୟ ଫେରାଇ ଦେଇଥିଲେ।